Dr. William Li talar á TED ráðstefnu um myndun krabbameinsæxla og annarra sjúkdóma út frá æðamyndun sem á sér stað vegna sprotamyndunar frá öðrum æðum í líkamanum. Li talar einnig um niðurstöður rannsókna sem sýna hvernig hægt er að koma í veg fyrir sprotamyndun í æðamyndun þar sem æðar tengjast krabbameinsfrumum og leiðir til þess að þær fjölga sér og mynda æxli.

 

Li talar um að ójafnvægi í þessari æðamyndun, sem tengist endurnýjun allra vefja líkamans, geti leitt til fjölda sjúkdóma. Li telur að yfir 70 sjúkdómar tengist þessari æðamyndun og sjúkdómar skiptist í tvo flokka, eftir því hvort of lítil eða mikil sprotamyndun á sér stað.

 

Samkvæmt rannsóknum Li geti of mikil sprotamyndun leitt til sjúkdóma eins og t.d. krabbameins, psoriasis, liðagigtar, offitu og ms. Ef skortur á sprotamyndun er til staðar þá geta myndast aðstæður fyrir kransæðasjúkdóma, heilablóðfall, hárlos og fleiri sjúkdóma.

 

En hvað er til ráða? Dr. Li talar um að helsti vandinn við lækningu krabbameins sé hve seint það greinist. Hann segir að krabbameinsfrumur séu til staðar í stórum hluta fólks frá 40 ára aldri og stigmagnist eftir því sem aldurinn færist yfir. Hins vegar sé hægt minnka líkurnar á því að frumurnar myndi æxli með því að borða lífrænt og litríkt.

 

Dr. Li talar m.a. um grænt te, tómata, jarðarber, rifsber, bláber, appelsínur, ananas, rauðvín, ginseng, túnfisk, hvítlauk, dökkt súkkulaði og margar fleiri lífrænar náttúruafurðir sem minnki líkurnar á því að sprotamyndun tengi æðar við krabbameinsfrumur og aðra óæskilega vefjamyndun.

 

Lykilatriðið er að borða alltaf lífrænt, ekki bíða þangað til það er orðið of seint.

 

Veitingastaðurinn Gló við Engjateig 17-19 er nú opinn alla virka daga frá kl. 11 til 20. Á laugardögum er opið frá kl. 11 til 15.

Með breyttum opnunartíma geta viðskiptavinir komið og borðað hollan og ljúffengan kvöldverð í notalegu umhverfi eða tekið hollustuna með sér heim.

Minnum á vinsælu hráfæðiréttina hennar Sollu Eiríks sem hafa slegið í gegn.

Hlökkum til að sjá ykkur á Gló :)

"Þetta námskeið gengur út á að leysa úr læðingi orkuna sem þú býrð nú þegar yfir. Við kennum fólki að búa til orku og viðhalda henni með því að velja orkuríka fæðu, létta á okkur og hreinsa líkamann andlega, líkamlega og tilfinningalega. Við leyfum okkur ekki að vera upptendruð og lifa lífinu til fulls. Við kunnum ekki að fara með orkuna. Við skiljum ekki að við getum varið henni á mismunandi hátt, við getum valið hvort við verjum orkunni í velsæld eða vansæld.

Þetta er í rauninni kraftaverkanámskeið, þú getur gert nákvæmlega allt sem þú vilt með líf þitt. Það eina sem þú þarft að gera er að virkja orkuna sem þú býrð yfir. Hluti af tilfinningalegu hreinsuninni sem við förum í er fyrirgefning. Við verjum gífurlegri orku í höfnun, vonbrigði og eftirsjá. Við kennum þátttakendum að verja þeirri orku í þann farveg sem það vill. Hvort sem fólk vill grenna sig, létta sig eða vera orkumeira og hressara, þá þurfum við að læra að gera það markvisst, þannig gerast undur og kraftaverk."

 

 

Fjöldi rannsókna hafa sýnt fram á að líkamsrækt bætir skap fólks, en niðurstöður nýlegrar rannsóknar sýna fram á að reiði fólks minnkar við útrásina sem líkaminn fær við líkamsrækt.

 

Rannsóknin var gerð á 16 karlmönnum sem voru reittir til reiði fyrir og eftir að hafa fengið útrás. Mennirnir skráðu sjálfir hversu reiðir þeir urðu og rannsóknaraðilar segja að niðurstaðan bendi til þess að útrásin sem þeir fengu við hreyfinguna hafi verið eins og að taka pillu.

 

Rannsóknaraðilarnir tala um að frekari rannsóknir þurfi til að styðja niðurstöður þessarar rannsóknar, eins þurfi að rannsaka áhrif líkamsræktar á reiði til lengri tíma. Hins vegar er ljóst að líkamsrækt og hreyfing hefur góð áhrif á skap fólks og nú geta snöggreiðir drifið sig í tíma í Ropeyoga Setrinu og athugað hvort reiði þeirra í garð fólks minnkar ekki töluvert með reglulegri hreyfingu.

Rope Yoga æfingastöðin er auðflytjanleg, knýr sig sjálf, og þarf ekkert viðhald. Stöðin inniheldur tvær fótalykkjur, tvö handföng og einfalt vogarkerfi fest á klafa til búa til jafnvægistæki sem knúið er orku mannslíkamans.  Á þann hátt þjálfar tækið kviðinn, án þess að neðri hluti bakvöða og mjaðmavöðva komi þar nærri.

Lesa meira / kaupa vöru

Skyndibiti er samnefnari yfir rétti sem þú kaupir tilbúna og þarfnast einskis undirbúnings nema kannski hitunar áður en þeir eru borðaðir. Skyndibiti er orðinn algengur valkostur hjá einhleypu fólki, eldri borgurum og þeim sem eru ekki vanir eldamennsku eða gefa sér ekki tíma til þess að elda. Ýmist kaupir maður skyndibita í pakka í verslun og þarf í mesta lagi að hita upp þegar heim er komið, eða á skyndibitastað sem afgreiðir mann með tilbúinni máltíð á nokkrum mínútum.

 

Nokkrir ókostir skyndibita:

* Skyndibiti inniheldur oft mikið magn fitu þannig að hann veiti mikla orku og skjóta mettun neytandans.

* Fituinnihaldið í skyndibita er oft dýrafita sem er óhollari en grænmetisfita eins og t.d. ólívuolía.

* Oft inniheldur skyndibiti mikið magn salts. Unnið salt sem búið er að fara í gegnum ýmis efnaferli hefur mun verri áhrif á líkamann en óunnið sjávarsalt og er oftar notað í skyndibita vegna verðmunar á unnu og óunnu salti.

* Skyndibiti inniheldur sjaldnast nægilega mikið af grænmeti, vítamínum, bætiefnum, trefjum og öðrum efnum sem eru líkamanum nauðsynleg.

* Skyndibiti inniheldur oft ýmis aukaefni sem flokkast til gerviefna eins og t.d. rotvarnarefni, litarefni, bragðefni o.fl. Mikilvægt er því að lesa utan á pakkningar ef skyndibitinn er pakkamatur úr verslun eða spyrja sölumann á skyndibitastað um notkun gerviefna.