"Samanburður er eitt öflugasta verkfæri til höfnunar sem til er. Allur samanburður kemur frá skorti. Það skiptir í raun og veru engu máli hvort þú ert að bera þig upp eða niður, veikleikinn eða sjálfsmatið er að leita að viðmiðun sem fæst ekki staðist, því að samanburðurinn er hvort sem er byggður á ályktun sem er alltaf fölsk.

Ef þú berð þig saman við einhvern sem er að þínu mati minni maður, þá ertu að nota viðkomandi til þess að upphefja sjálfan þig sem sýnir að þú ert þá þegar í skorti og hefur dæmt þig og ert þess vegna að leita að einhverjum, hugsanlega minni máttar, sem þú getur nýtt þér til þess að upphefja þig. Ef þú á hinn bóginn notar einhvern til þess að lítillækka þig, þá ertu að leita að staðfestingu á eymdinni á kostnað hins, sem þú notar til að lítillækka þig.

Allur samanburður eða þörf á samanburði byggist á þessum s.k. álögum sem ég hef nefnt áður þar sem við erum háð tilfinningum, oftast sársauka og allur samanburður, allar ályktanir eru yfirleitt til þess fallnar að viðhalda tilfinningavímu sársaukans og höfnunarinnar. Það má líkja honum að einhverju leyti við frestun, þegar maður frestar þá er maður að svíkja sjálfan sig og ekki að standa við fyrirætlanir sínar og þannig að draga úr mætti sínum með því að standa ekki við orð sín og lítillækka sig. Frestunin er eitt öflugasta verkfærið í höfnunarverkfærakassanum til þess að viðhalda skorti og samanburðurinn fylgir þar fast á eftir.

Allur samanburður er ávísun á minnimáttarkennd og skort. Ef þú stendur þig að samanburði, notaðu þá tækifærið til þess að opinbera vanmátt þinn, þetta getur þú gert með því að horfast í augu við og taka ábyrgð á að þú sért að nota aðra til þess að upphefja eða lítillækka sjálfan þig. Fyrirgefðu þér umbúðalaust, sýndu þér ást og kærleik, hagaðu þér eins og fagmaðurinn sem réttir sér hönd og styður sig á fætur, en ekki eins og leikmaðurinn sem sparkar í sig liggjandi.

Það tekur aðeins örfáar mínútur að ganga frá skráningu á námskeið. Smelltu hér!"

 

Ástæðan fyrir því að ég byrjaði í Glómotion var sú að ég var orðin mjög kvíðin og þreytt andlega og líkamlega vegna erfiðleika unglingsins míns. Ég var mög stirð á morgnana og það var farið að nefna gigt við mig og ég hafði einhvern veginn enga tilfinningu fyrir líkamanum mínum. Mig langaði ekki að fara í enn eina megrunina, mig langaði að verða sátt við sjálfa mig án þess að þurfa að pína mig á einhvern hátt.

Ég hafði farið einhvern daginn inn á Gló til að borða og mætt þar hlýju viðmóti og rólegu andrúmslofti þannig að ég ákvað að prófa Glómotion, því mig langaði ekki að öllum ólöstuðum í tryllinginn á líkamsræktarstöðvunum. Fyrir mig hefur Glómotion verið heildarlausn þar sem ég fæ slökun, líkamsþjálfun og lífsráðgjöf allt í einu. Mig langar ekki lengur að borða ruslfæði, mér þykir mikið meira til mín koma og finn lítið sem ekkert fyrir kvíða lengur.

Líkaminn minn hefur gjörbreyst og allur stirðleiki er farinn og það er einhvern veginn alveg sama í hvaða skapi ég mæti í tíma, ég fer alltaf glöð út. Vildi óska þess að fleiri myndu nýta sér þessa lausn í stað allskyns lyfja við þunglyndi, kvíða og "velferðarsjúkdómum". Ég er búin að stunda Glómotion í hálft ár og er ekkert að sjá það fyrir mér að ég hætti.

Nánari upplýsingar veita kennarar sem taka vel á móti þér í Ropeyogasetrinu.

Sérstaklega ætlað þeim konum sem hafa eignast börn, hvort sem er strax eftir fæðingu eða nokkrum vikum eða mánuðum seinna. Í Ropeyoga geta konur byrjað strax viku eftir barnsburð og hvetjum við mæður til þess að byrja sem fyrst. Vissulega fer það eftir heilsu eða getu hverrar og einnar. Mæður eru hvattar til þess að hafa með sér barnið. Á fyrstu vikunum eftir barnsburð fer hormónaframleiðsla í gang sem örvar samdrátt og virkni legs og kviðarholsvöðva. Þær konur sem byrja fljótt að æfa eftir barnsburð ná því skjótari árangri í endurhæfingu grindarbotns- og kviðarholsvöðva heldur en þær sem fara af stað síðar. Á þessum námskeiðum leggjum við sérstaka áherslu á kviðarhols- og grindarbotnsvöðva ásamt rass- og lærvöðvum. Einnig leggjum við áherslu á losun streitu og þreytu og andlega uppbyggingu.

Kennari er Ásta M. Agnarsdóttir ropeyogakennari, yogakennari og nuddari. Skráðu þig með því að smella hér.

Heilsupýramídi Dr. Weil miðar að því að efla mótvægi líkamans gegn sýkingum og sjúkdómum. Þess vegna kalllast pýramídinn anti-inflammatory eða gegn sýkingum/sjúkdómum. Í þessum fæðupýramída er ýmislegt áhugavert sem Dr. Weil mælir með

Dr. Weil mælir með mataræði sem byggir á mörgum þáttum, þ.á.m. er dökkt súkkulaði og þurrkaðir ávextir efstir í fæðupýramídanum hans. Hann mælir með einu rauðvínsglasi á dag fyrir þá sem drekka áfengi, bætiefni og vítamín eru nauðsynleg að hans sögn og hvítt eða grænt te er ómissandi í daglegri neyslu.

Dr. Weil mælir með elduðum asískum sveppum til daglegrar neyslu, þeir efla ónæmiskerfið en læknirinn mælir með því að sveppirnir séu alltaf eldaðir. Þá mælir hann einnig með því að fólk borði nokkrum sinnum á dag fæðu sem inniheldur holla fitu, t.d. hnetur, fræ, ólívuolíu eða avokadó.

Skoðaðu fæðupýramída Dr. Weil og lestu þér til um hverju þessi heimsfrægi læknir mælir með í daglegri neyslu. Dr. weil er þekktur fyrir að kenna fólki heilbrigðan lífsstíl sem gengur út á að borða hollan mat, draga úr stressi, hreyfa sig reglulega og hugsa vel um sál og líkama.

Lestu meira hér

Grunnbúnaður Rope Yoga kerfisins, inniheldur tvær fótalykkjur, tvö handföng og einfalt vogarkerfi fest á klafa til búa til jafnvægistæki sem knúið er orku mannslíkamans. Æfingakerfi, kenningar og DVD diskur fylgja með.

Rope Yoga kerfið er kjörið tækifæri fyrir íþróttafræðinga, líkamsræktar- og sjúkraþjálfara og Hathajógakennara til að auka núverandi þjónustu með Rope Yoga hug- og heilsuræktarkerfinu.

Námskeiðið fer fram í þremur hlutum. Sá fyrsti er fjórir dagar frá 18. mars til 21. mars. Kennd verða undirstöðuatriði Rope Yoga, tækni og heimspeki.

Annar hluti er 16. apríl til 19. apríl.

Þriðji hlutinn er þrír dagar frá 14. maí til 16. maí. Þátttakendur munu skila heimavinnu, sýna kunnáttu sína og að námskeiðinu loknu útskrifast sem Rope Yoga - GlóMotion kennarar.

Á tímabilinu er 25 tíma mætingaskylda í Rope Yoga Setrið sem aðstoðarkennari.

Nánari upplýsingar hjá Guðna í síma 8436200, skráning á Ropeyogasetrid.is

Hvaða breytingar eiga sér stað á Gló með aðkomu þinni?

"Við ætlum að vera með 50-75% hráfæði til að byrja með, við höldum áfram að vera með eldaða grænmetisrétti og jafnvel einhverja kjöt- og fiskrétti, en áherslan verður á hráfæði og superfoods (ofurfæðu). Við finnum að það er það sem fólk kallar eftir, það er enginn veitingastaður að sinna eftirspurninni eftir hráfæðimáltíðum með ofurfæðu, þannig að við ákváðum að slá til. Þú getur komið eftir æfingu á morgnana kl. 7:30 og fengið þér grænan djús og ofurhollan morgunmat, við verðum með eldaða grauta, lífræna jógúrt með ofurmúslí og alls konar hristinga. Þetta er sem sagt kjarninn í breytingunum, við munum minnka kjöt og fisk og færa okkur meira út í hráfæði og ofurfæðu.

Við verðum með námskeið og fyrirlestra ásamt því að fara með veitingastaðinn alla leið. Við verðum með safnhaug og munum búa til okkar eigin mold, við munum rækta ýmislegt til þess að nota í matinn, við munum flokka allt sem við hendum og tökum þetta alla leið.

Námskeið um ofurfæðu (superfoods) fer fram 19. og 20. janúar og svo verðum við með hráfæðinámskeið 26. og 27. janúar. Hægt er að skrá sig á himnesk.is.

Opið verður á Gló frá 7:30-9:00 og 11:00-17:00 til að byrja með."

www.glo.is

Við þökkum Sollu kærlega fyrir þessa uppskrift og hvetjum ykkur að skoða fleiri á himnesk.is og koma á Gló í Listhúsi við Engjateig og gæða ykkur á hráfæðiréttum Sollu.

Leikstjórinn Henry Bateman og framleiðandinn Heather Millard rifu sig upp og fluttu frá Bretlandi til Íslands í júní 2009 til þess að búa til heimildarmynd um jákvæða þróun vistvænna viðskiptatækifæra, lífsstíl og hugmyndir sem komu út úr hruninu 2008.

Bateman og Millard hafa ferðast 8 hringi í kringum landið og á ferðum sínum kynnst mögnuðum einstaklingum sem þau fjalla um í heimildarmyndinni.

"Hope is not a dream, but a way of making dreams a reality"

Myndin fjallar um jákvæð og hvetjandi tækifæri í kjölfar hrunsins. Framleiðendurnir vilja bæta ímynd Íslands á heimsvísu og er heimildarmyndin liður í því. Til þess að geta klárað myndina þurfa þau stuðning. Á eftirfarandi vefsíðu er hægt að styrkja þau með frjálsum framlögum en þau þurfa 10.000 dollara, u.þ.b. 1.250.000 kr. til þess að standa straum af kostnaði við að klára framleiðslu myndarinnar.

 

Það er einlægur ásetningur starfsmanna Rope Yoga setursins að móta heilnæma og friðsæla umgjörð um hug og heilsurækt, þar sem hver einstaklingur upplifir þá kærleiksríku hvatningu og innblástur sem hann þarf til að kynnast sínum innsta kjarna. Skapa andrúmsloft þar sem þátttakandinn vaknar til vitundar, tekur ábyrgð og tileinkar sér eiginleika leiðtogans með heildrænni lífssýn.

Við leggjum áherslu á að rækta hugarástand þakklætis með starfsemi okkar og teljum að með því að laða fram og birta það dýrmæta og fallega í hverjum iðkanda séum við að inna af hendi mikilvæga þjónustu til handa samfélagi okkar allra.

Það sem við sjáum og upplifum er sá raunveruleiki sem við sköpum og ræktum. Reynslan hefur kennt okkur að viljum við breyta aðstæðum þá þurfum við fyrst að breyta eigin viðhorfum og viðmóti. Í þeim einfalda sannleika liggur vissa okkar um virkni Ropeyoga í fegurri og kærleiksríkari heimi.

Lifandi Næring með lífræna næringu og umhverfisvænan varning sem nærir og styður ásetning viðskiptavina. Við leggjum áherslu á náttúruleg efni og  endurvinnslu.