"Frá því að við fæðumst erum við að umbreyta orku. Við eigum kost á því að vera í orkulegu jafnvægi eða einingu, samhljóm með tilverunni. Orðið universe eða alheimur þýðir eitt vers, það að vera í samhljóm þýðir að vera í jafnvægi með þessari orku. Hvort sem við erum að tala um orku heimsins líkamans eða jarðarinnar, þá verðum við að vera í jafnvægi. Við verðum að vakna upp við það hvernig við ætlum að verja okkar orku. Hvort sem við erum í vitund eða ekki, erum við að verja orkunni með eða á móti.


Líkaminn og líf okkar er orkuumbreyting, farartæki sálarinnar. Þegar við tölum um sjálfbæra persónulega orku, erum við að vísa til líkamans og lífs einstaklingsins. Hver líkami er orkubúskapur, ein orkueining eða orkueiningarstöð. Við þurfum að vakna til vitundar um ábyrgð okkar og vald og hvernig við ætlum að verja þessari orku og viðhalda henni. Það má líkja líkamanum við virkjun, afl hennar stjórnast af flæði, hvort sem það er vatnsafl eða vindafl. Við nærum okkur og við þurfum að nýta næringuna með því að ná sem mestri orku út úr henni og síðan að verja orkunni með nákvæmni og vitund í velsæld. Hinn möguleikinn er að vera ekki í vitund, vera þ.a.l. slys og fórnarlamb, verja orku sinni í vansæld eða sársauka. Hvort sem að við gerum þá þurfum við að bera ábyrgð.

Við erum að hvetja fólk í Gló Motion til þess að bera fulla ábyrgð á sinni tilvist og ná sem mestu út úr virkjuninni, framleiða sem mesta orku, fjarlægja allt viðnám, hvort sem það er andlegt, tilfinningalegt eða huglægt viðnám og þjálfa líkamann þannig að hann verði öflugur og orkuframleiðandi. Við hvetjum líffærin, lungun og sogæðakerfið í mýkt og flæði.

Ef til staðar er viðnám eða stíflur sem eru ráðstöfuð orka, meðvitað eða ómeðvitað, verjum við orkunni í viðnám sem er byggt á ótta. Það eru gjörólíkar forsendur flæðis þegar maður elskar eða lifir í ótta. Eins og ég hef sagt áður er meðalmanneskjan að hafna sér 800 sinnum á dag og er þ.al. að verja gríðarlegri orku í viðnám og höfnun á augnablikinu. Vonbrigði, ákvarðanaleysi, sjálfsblekking, frestun, alls konar niðurrif og ofbeldi gagnvart sjálfum sér er ein leið til þess að verja orku sinni í vansæld. Hin leiðin er mun öflugri og krefst minna afls, en margfaldar afköstin, er ást, kærleikur og velsæld, segja sannleikann, vera í örlæti, iðka ljós og lifa í velsæld.

Eins og heyrist þá er nokkuð ljóst að ást og kærleikur eykur flæðið á sama tíma og höfnun og vansæld dregur úr flæðinu. Það má líkja því saman við hamingju og þunglyndi. Í þunglyndinu dregur úr súrefnisflæði og ástríðu, sem leiðir til áhugaleysis og orkuskorts sem er samsvörun hugleysis. Það má vísa til þess að ástríða og áhugi er afl og orka sem er ávísun á hugrekki.

Gló Motion er heildrænt verkfæri til að halda rekstri orkueiningarinnar í fullkomnu jafnvægi til þess að við getum látið ljós okkar skína með fullum straumi og verið þ.a.l. ljómi og ljós fyrir okkur sjálf og okkar umhverfi."