"Það sem skiptir mestu máli með haustið og skammdegið er viðhorf okkar til náttúrunnar og breytinga árstíðanna. Hér á Íslandi eru árstíðirnar mjög afgerandi, sumrin eru hlý og bjart allan sólarhringinn, veturnir eru frekar kaldir og dimmir. Á vorin lifnar gróðurinn við, litirnir byrja að koma til og það sama gerist á haustin, gróðurinn kveður að sinni og litirnir dofna og allt fölnar. Þó er allt þetta ferli árstíðabreytinga hreint kraftaverk og hvert augnablik dýrmætt.

Skammdegi sem þýðir skemmri dagur og minni birta er viðhorf. Í hverju einasta augnabliki er kraftaverk lífsins, hver einasta árstíð býr yfir sínum galdri. Árstíðaskiptin eru bara tjáning eða sinfónía tilverunnar. Orðið skammdegi hefur mismunandi merkingu hjá fólki, ef það merkir eitthvað neikvætt hjá fólki, þá er fólk skammsýnt og þröngsýnt og er í raun og veru að vorkenna sjálfu sér og í viðnámi við tilveruna. Líkt og áhyggjur sem eru bænir, þá eru þær svipaðar og önnur viðhorf til tilverunnar og allra hluta, allt sem við leitum að finnum við, allt sem við veitum athygli vex og dafnar.

Ef maður er í viðnámi gagnvart haustinu og vetrinum, gagnvart skammdeginu, þá ver maður mjög mikilli orku í þetta viðnám. Þá verður maður þreklítill til annarra hluta og skammsýnn. Þá hættum við að sjá galdra náttúrunnar, við leyfum okkur ekki að vera í samhljómi við tilveruna í haustinu og vetrinum. Þá er komið skammdegi í okkar eigin sál. Þetta eru allt saman viðhorf og afstöður. Hvað viljum við finna? Hverju viljum við veita athygli? Það er galdur í hverju einasta augnabliki ef maður leyfir sér að vera og upplifa, allar árstíðirnar hafa sinn sjarma. Ef við erum í samhljóm þá erum við í fullum skilningi og dásemd augnabliksins hvernig sem náttúran birtist okkur.

Til þess að undirbúa sig fyrir árstíðaskiptin, mæli ég með að fólk stundi útivist, hreyfi sig reglulega, fari í berjatínslu og sæki þær afurðir náttúrunnar sem gefa einna mesta næringu andoxunarefna og vítamína, berin. Einnig er gott að fara í gönguferðir, tína jurtir og vera í náttúrunni á meðan haustið er að taka við. Njóttu augnabliksins til fulls, farðu inn í skammdegið með athygli, sjáðu ljósaskiptin og litina í náttúrunni breytast dag frá degi. Njóttu þín í stað þess að vorkenna þér yfir því sem er náttúrulegt og óumflýjanlegt á Íslandi. Ef þú fylgir náttúrunni inn í haustið, þá verður ekkert skammdegi í þinni sál.

Að lokum aðeins um tilgang þinn í lífinu. Þeir sem hafa ekki tilgang eru alltaf í skammdegi. Ef þú telur líf þitt ekki hafa tilgang, þá er kjörið tækifæri fyrir þig til þess að gera breytingar á lífi þínu núna strax. Hægt er að sækja lífsráðgjafann endurgjaldslaust og lesa sér til um þrepin sjö til velsældar. Einnig mæli ég með Gló Motion þar sem farið er í gegnum æfingar, heimspeki og mataræði. Rope Yoga Setrið býður upp á námskeið sem veita þér aðhald til þess að takast betur á við lífið og tilveruna og gerast skapari í þínu lífi í stað þess að vera alltaf að bregðast við eða sitja föst í viðnámi."

Smelltu hér til að sækja Lífsráðgjafann endurgjaldslaust, þar getur þú lesið um þrepin sjö til velsældar!!

 

Það er einlægur ásetningur starfsmanna Rope Yoga setursins að móta heilnæma og friðsæla umgjörð um hug og heilsurækt, þar sem hver einstaklingur upplifir þá kærleiksríku hvatningu og innblástur sem hann þarf til að kynnast sínum innsta kjarna. Skapa andrúmsloft þar sem þátttakandinn vaknar til vitundar, tekur ábyrgð og tileinkar sér eiginleika leiðtogans með heildrænni lífssýn.

 

Við leggjum áherslu á að rækta hugarástand þakklætis með starfsemi okkar og teljum að með því að laða fram og birta það dýrmæta og fallega í hverjum iðkanda séum við að inna af hendi mikilvæga þjónustu til handa samfélagi okkar allra.

 

Það sem við sjáum og upplifum er sá raunveruleiki sem við sköpum og ræktum. Reynslan hefur kennt okkur að viljum við breyta aðstæðum þá þurfum við fyrst að breyta eigin viðhorfum og viðmóti. Í þeim einfalda sannleika liggur vissa okkar um virkni Ropeyoga í fegurri og kærleiksríkari heimi.

Lifandi Næring með lífræna næringu og umhverfisvænan varning sem nærir og styður ásetning viðskiptavina. Við leggjum áherslu á náttúruleg efni og  endurvinnslu.