"Einlægni þýðir nánd, að koma fölskvalaust fram, vera sannur og segja satt. Einlægni í öllu sínu veldi þýðir að vera uppljómaður, það er fölskvalaus ást, að vera fullkomlega til staðar í augnablikinu án væntinga eða verkefnis. Þetta er mjög misskilið. Við búum í samfélagi þar sem fólk skilur varla íslensku þegar kemur að ákveðnum orðatiltækjum. Fólk skilur ekki að höfnun þýðir að vera fjarverandi, að afneita augnablikinu og sjálfum sér, neita sér um ást og einlægni og kærleika og blíðu.

Þegar maður talar um ást við fólk verður það oft á tíðum skelkað. Það skilur ekki að ást er blíða, nánd, kærleikur, umhyggja og fyrst og fremst virðing gagnvart sjálfum sér á því augnabliki. En til þess að maður geti upplifað ást almennt þarf maður að hafa valið að elska og rækta það blóm eða ljós. Þegar maður skoðar einlægni þá er gott að horfa á orðið nánd. Nánd þýðir að vera í nálægð við hjartað og sálina, þegar maður leyfir sér að vera algjörlega opinberaður án þess að taka afstöðu eða vera gagnrýninn, þá er maður í augnabliki sem maður kallar uppljómun. Maður getur hins vegar aldrei farið inn í nánd með öðrum ef maður getur ekki leyft sér nánd með sjálfum sér. Við erum alltaf fordæmið, við þurfum að vera farartæki augnabliksins. Þú getur aldrei fengið neitt annað en þú getur skapað sjálfur. Ef þú ætlast til að aðrir búi til einlægni og nánd gagnvart þér, þá ertu farinn að gera væntingar sem fá ekki staðist. Þá ertu farinn að gera kröfur og það eina sem þú upplifir eru kröfur á móti. Fólk sækir í sjálft sig í öðrum, það laðar að sér þá tíðni sem það er á, það er ekkert rétt eða rangt. Það eru bara viðhorf og afstöður.

Skoðum mann sem hefur ekki áttað sig á því að hann er ekki hugsanir sínar, lifir í efa, ótta, höfnun og kvíða frá morgni til kvölds. Þegar maður segir honum í fyrsta skiptið að hann hafni sér 800 sinnum á dag fer hann í vörn og afneitun. Sársaukinn sem við þekkjum er miklu þægilegri en sársaukinn sem við óttumst. Stöðugi efinn og kvíðinn er höfnun, þegar maður efast, þá treystir maður ekki og þá er maður að hafna. Svo þegar hann áttar sig á þessu og byrjar að elska í stað þess að hafna, þá sér hann hvað hann hefur lifað í mikilli lygi. Fólk skrökvar að sjálfu sér og öðrum að meðaltali 17 sinnum á klukkustund. Hvernig fer það með okkur þegar við segjum ekki satt og erum ekki í einlægni gagnvart sjálfum okkur? Vissulega erum við að vinna að því að vera alltaf einlæg, að vera ekki að ljúga eða blekkja sjálfan sig og umhverfið um hver maður er.

Allt sem þú veitir athygli vex og dafnar. Ef þú hefur áhyggjur af börnunum þínum, þá ertu að næra óttann. Flest okkar erum að hugsa um það sem við viljum ekki. Byrjunin er að elska sig samt, ég byrja alltaf á því að elska mig samt þegar ég stend mig að því að vera ekki til staðar."

Smelltu hér til þess að taka þátt eða afritaðu neðangreinda slóð inn í vafrann þinn

http://survey.constantcontact.com/survey/a07e2n0fj84g2db7dxz/start

 

Þann 1. des. kl. 20.00 heldur Tor Einar Olaisen, norskur blóðgreinir (bloodanalyser)  fyrirlestur  um blóðgreiningu og  pH kraftaverkið.   Ef þú þjáist af þreytu, leti, veikindum,orkuleysi,eða offitu þá gæti þetta verið áhugavert fyrir þig.
Tor Einar er lærður microchopist og næringarráðgjafi frá Dr. Robert Young, The pH Miracle Center.

Dr. Young er örveru og lífefnafræðingur og höfundur "The New Biology"® Hann hefur rannsakað áhrif sýrumyndandi  og basísktmyndandi fæðu á mannslíkamann í u.þ.b 30 ár.

Hvað ef upphaf allra sjúkdóma er of hátt sýrustig?  Hvað ef heilbrigði felst í því að lækka sýrustigið?

Fyrirlesturinn verður haldin í stóra sal Rope Yoga setursins 1.des. nk. Kl. 20.00

Skráning:   Sendið tölvupóst með nafni og símanúmeri á netfangið: phlifstill@gmail.com

Verð:   Fyrirlesturinn er gjaldfrjáls.

Hægt verður að skrá sig í blóðgreiningu hjá Tor Einari á fyrirlestrinum eða í síma 864 3580.

Veitingastaðurinn Gló í Listhúsi býður upp á ljúffenga og holla rétti úr úrvals hráefni. Þegar þú kemur á Gló færðu hlýjar mótttökur brosandi starfsfólks sem tekur sér tíma til þess að aðstoða þig við að velja rétti sem henta þér hverju sinni. Þú færð alltaf hollt og gott að borða hjá okkur.

Lögð er áhersla á góða þjónustu og notalegt umhverfi á meðan þú borðar eftirlætis heilsuréttinn þinn. Skoðaðu heimasíðu Gló þar sem þú finnur m.a. matseðil dagsins.

Ef þú ert á hraðferð getur þú tekið kræsingarnar með þér.

 

Ofurfæða er fæða framtíðarinnar. Það sem ofurfæða hefur framyfir aðra fæðu er að hún er náttúruafurð, inniheldur margfalt magn næringarefna á við aðrar náttúruafurðir og er  einstaklega holl fyrir líkamann. Solla er með nokkra punkta um næringarríkustu afurðir náttúrunnar.

Gojiber = Þetta eru lítil rauð ílöng ber. Margir vilja meina að þetta séu lang næringarríkustu berin. Þau eru mjög bragðgóð og stútfull af andoxunarefnum.

Kennarar Rope Yoga Setursins eru áhugaverðir einstaklingar sem koma úr ýmsum áttum okkar ágæta samfélags. Þau eiga það öll sameiginlegt að vera hress og full af orku og lífsgleði. Það sem einkennir flesta Rope Yoga kennara er áhuginn á heilbrigðum lífsstíl. Þau eiga þess vegna góð ráð fyrir þátttakendur á námskeiðunum og við hvetjum ykkur til þess að vera virk og óhrædd við að spyrja og leita ráða um heilbrigðan lífsstíl.

Ég heiti Ásgerður Sveinsdóttir og er 45 ára íslenskufræðingur. Ég lauk  kennaranámskeiði í Rope Yoga síðastliðinn vetur og hef verið að kenna síðan þá. Í sumar kenndi ég byrjendanámskeið í Rope Yoga hjá Elínu.is og kenni þar núna á hverjum degi.

Ég starfa einnig í Tækniskólanum á skrifstofu skólans og síðasta vetur hóf ég meistaranám í Háskóla Íslands í  ritstjórn og útgáfu.
Fyrir utan sívaxandi áhuga minn á jóga og öllu sem því tengist hef ég mikinn áhuga á útvist og veiði. Ég stunda stangveiðar og er að byrja að kynnast skotveiðinni. Ég á veiðihund sem verið er að þjálfa til fuglaveiða og eyði því miklum tíma úti í náttúrunni uppi á heiði. Ég hef líka mjög gaman af fjallgöngum og gönguferðum almennt, hvort sem er vopnuð eða óvopnuð. Umhverfismál skipta mig miklu máli og á síðustu árum hef ég breytt um lífstíl í átt til umhverfisvænna lífs með litlu átaki en miklum árangri.

Mataræði mitt samanstendur af fjölbreyttum mat en áherslurnar eru á ávexti og grænmeti og allt sem talist getur lífrænt, ferskt og nýtt. Fátt þykir mér betra á morgnana en að fá mér ávaxtadrykk (smothie) sem ég bý til sjálf í mixaranum mínum. Vegna Rope Yoga þá breyttust lífshættir mínir sem gerðist vegna þess að ég vil sjálfri mér vel og hef hugsað mér að axla þá ábyrgð að koma vel fram við sjálfa mig.  En ég hef líka lært að setja mér markmið og þess vegna er alltaf eitthvað spennandi framundan.

Ég sé fyrir mér í framtíðinni að helga mig kennslu í jóga og stefni á að stuðla að útgáfu bóka um jóga og annað sem getur gefur betri líðan og bætt umhverfi.  Rope yoga hefur haft mikil áhrif á líf mitt, líkama og huga og ég er betur á mig komin en ég hef nokkru sinni verið.

Niðurstöður viðamikillar könnunar á vegum Evrópuráðsins sýna að rannsóknir í lífrænum matvælaiðnaði skila okkur betri fæðu. Niðurstöður rannsóknanna styðja fyrri rannsóknir um að lífrænt ræktaðar afurðir eru næringarríkari en hefðbundin "ólífræn" ræktun. Eins kemur fram að verið er að bæta aðbúnað dýra sem alin eru til framleiðslu afurða, ekki eingöngu vegna kröfu neytenda, heldur til þess að fá betri afurðir. Meira en 700 milljónum evra hefur verið varið í rannsóknir á lífrænni ræktun, fiskeldi og aðbúnaði dýra. Með þessari fjárveitingu er Evrópuráðið að tryggja neytendum betri afurðir.

Mynd er af bónda sem stundar lífræna ræktun í Evrópu. Hægt er að kaupa lífrænt ræktað beint af akrinum með því að smella hér.

1 b sojamjólk
1/3 b kaldpressuð kókosolía*
3/4 b agave sýróp*
2 tsk vanilluduft*
1/4 tsk möndludropar
1/4 b tapioka mjöl
2 msk möluð hörfræ*
1/3 b maísmjöl
1/3 b möndlumjöl* (mjög fínt malaðar möndlur í matvinnsluvélinni)
1/2 b hrísgrjónamjöl
1/2 b kínóamjöl (þú getur malað kínóa sjálf í kaffikvörn)
2 1/2 tsk vínsteinslyftiduft*
1/4 tsk himalaya eða sjávarsalt
hitið ofninn í 180*C

setjið sojamjólk, kókosolíu, agavesýróp, vanilluduft og möndludropa í matvinnsluvél eða hrærivél og blandið vel saman
blandið þurrefnunum saman í skál og bætið varlega útí hina blönduna.
Setjið í smurt kökuform eða í muffinsform og bakið í 20 - 25 mín við 180*C eða þar til þetta er orðið alveg gegnum bakað
súkkulaðikrem:
1 dl hreint kakóduft*
1 dl kaldpressuð kókosolía*
1/2 dl agavesýróp*

Hrærið öllu saman í skál eða matvinnsluvél og hellið yfir kökuna (muffins) þegar hún er orðin alveg köld

 

Við þökkum Sollu kærlega fyrir þessa uppskrift og hvetjum ykkur að skoða fleiri á himnesk.is 

 

Guðni Gunnarsson heldur fyrirlestur um ásetning næringar og hvernig þú getur tryggt hámarks brennslu og orku. Fyrirlesturinn fjallar meðal annars um hvernig við veljum næringu sem þjónar ásetningi okkar meðvitað eða ómeðvitað. 

 

Námskeiðið hefst miðvikudagskvöldið 20. janúar kl. 19.10 og fer fram í Rope Yoga Setrinu, Listhúsi við Engjateig 17 í  Laugardal.