Gló Motion basic námskeið fyrir byrjendur hefst 14. september

Gló Motion Flex hefst 28. og 29. september.

Fyrirlesturinn Ásetningur næringar, hámarks brennsla hefst 23. september.

Sex vikna Orku og aðhaldsnámskeið - Hámarks Brennsla og Orka - hefst 13. október.

Skapandi skrif II - framhald hefst 28. september.

Skapandi skrif byrjar 10. til 20. október.

Við leggjum kapp á góða þjónustu og notalega aðstöðu. Skráðu þig strax!

 

"Þegar ég setti saman Gló Motion 90 mínútna námskeiðið var ég að hugsa um hvað væri árangursríkast ef ég vildi sjálfur halda mér í toppformi. Ég bjó þessar æfingar til þegar ég var að þjálfa afreksfólk á árum mínum í Bandaríkjunum en í þeirri þjálfun hafði maður oft rýmri tíma. Ég ákvað að taka það besta úr æfingunum og setja saman í Gló Motion og nýtti tímann til fulls, hver mínúta er skipulögð.

Orku- og aðhaldsnámskeið kemur til þannig að mörgum viðskiptavina okkar líkar svo vel við Gló Motion námskeiðið að þeir keyptu sér árskort, við tókum svo eftir því að fólk vildi meira, sérstaklega vildi fólk fara dýpra inn í ásetning næringar og hugmyndafræði Rope Yoga.

Þeir sem fylgja leiðbeiningum á Flex námskeiðunum ná gríðarlegum árangri á 6 vikum. Flestir eru sammála um að þeir hafi aldrei uppskorið eins mikið á jafn skömmum tíma og þegar farið er samtímis á Orku- og aðhaldsnámskeiðið. Þá gerist eitthvað sem gefur manni dýpri skilning og tengingu við það vald sem við búum yfir sjálf og tilveran verður aldrei söm aftur. Þeir sem hafa tekið bæði námskeiðin saman segjast hreinlega hafa öðlast frelsi.

Gló Motion basic hefst í fyrramálið og það eru laus pláss. Takmarkaður fjöldi er á námskeiðunum sem gerir þjálfunina og æfingarnar persónulegri og meira í líkingu við einkaþjálfun. Aðeins 7 manns eru á Flex námskeiðum og 10 á basic námskeiðum. Þeir sem taka Gló MOtion Basic, Flex eða Plús fá 50% afslátt á Orku- og aðhaldsnámskeiðið."

Smelltu hér til að sækja Lífsráðgjafann endurgjaldslaust, þar getur þú lesið um þrepin sjö til velsældar!!

Á miðvikudögum tökum við hálf bönd og svo er farið í Gló Slow æfingar. Þá erum við að lyfta í fullri vitund, löturhægt og áhrifin á líkamann eru aukið úthald og þol gagnvart mótstreymi og vöðvaafl líkamans eykst meira heldur en við aðra tegund lyftinga. Í framhaldinu förum við svo í öndunaræfingar sem eru byggðar til þess að auka rými og rúmmál lungnanna með því að opna þindina og um leið líkamann þannig að allt rúmmál lungna og þindar sé nýtt til fulls.

Á föstudögum/laugardögum eru hálf böndin tekin og svo er farið í djúpteygjur, en það eru teygjur sem vinna að því að opna bakið, fótleggi og mjaðmir á sama tíma. Í framhaldi er farið í flæðisæfingar sem eru sérstaklega hannaðar til að vinna í djúpkviðnum. Þær hafa áhrif á þindina, meltingu og sogæðakerfi líkamans.

Á þessum námskeiðum er þema í hverri viku í kringum þrepin sjö í Lífsráðgjafanum. Einnig er farið í mataræði og ásetning næringar. Það sem námskeiðin ganga út á er að opinbera fyrir okkur hvort við erum að næra velsæld eða vansæld."

Smelltu hér til að sækja Lífsráðgjafann endurgjaldslaust, þar getur þú lesið um þrepin sjö til velsældar!!

Hvítlaukur er eitt það besta sem líkaminn fær. Fyrir utan að vera það besta sem þú færð við kvefi, þá styrkir hann ónæmiskerfi líkamans og berst við vírusa og bakteríur. Ef þú telur þig vera að kvefast eða fá flensu, þá er gott að borða tvö lauf af hvítlauk. Skerðu niður eða pressaðu tvö lauf af hvítlauk til þess að opna hann og leysa úr læðingi næringarefni sem styrkir ónæmiskerfið. Settu hvítlaukinn í matinn þinn eða gleyptu hann með eplamauki.

"Þetta námskeið gengur út á að leysa úr læðingi orkuna sem þú býrð nú þegar yfir. Við kennum fólki að búa til orku og viðhalda henni með því að velja orkuríka fæðu, létta á okkur og hreinsa líkamann andlega, líkamlega og tilfinningalega. Við leyfum okkur ekki að vera upptendruð og lifa lífinu til fulls. Við kunnum ekki að fara með orkuna. Við skiljum ekki að við getum varið henni á mismunandi hátt, við getum valið hvort við verjum orkunni í velsæld eða vansæld.

Þetta er í rauninni kraftaverkanámskeið, þú getur gert nákvæmlega allt sem þú vilt með líf þitt. Það eina sem þú þarft að gera er að virkja orkuna sem þú býrð yfir. Hluti af tilfinningalegu hreinsuninni sem við förum í er fyrirgefning. Við verjum gífurlegri orku í höfnun, vonbrigði og eftirsjá. Við kennum þátttakendum að verja þeirri orku í þann farveg sem það vill. Hvort sem fólk vill grenna sig, létta sig eða vera orkumeira og hressara, þá þurfum við að læra að gera það markvisst, þannig gerast undur og kraftaverk."

Námskeiðið hefst þriðjudagskvöldið 13. október og fer fram í Listhúsinu Laugardal næstu sex þriðjudagskvöld frá kl. 19.00 til 22.00

Engifer vinnur gegn sýkingum og kemur í veg fyrir ógleði. Te með engiferrót hjálpar til við að létta á þrýstingi í höfði og lungum þegar maður er kvefaður, er slímlosandi og hjálpar manni að losna við flensu og kverkaskít.

Ef þú kvefast í vetur er eftirfarandi seiði tilvalið til góðra verka. Gott er að sjóða eins og þumlung af niðurskorinni engiferrót í vatni, leyfa suðunni að koma upp og krauma í nokkrar mínútur. Bættu við dassi af rauðum cayenne pipar og hrærðu í pottinum. Taktu svo hitann af, kreistu hálfa sítrónu yfir, bættu tveimur laufum af söxuðum eða pressuðum hvítlauk út í og hunang til að bragðbæta.

 

Það er einlægur ásetningur starfsmanna Rope Yoga setursins að móta heilnæma og friðsæla umgjörð um hug og heilsurækt, þar sem hver einstaklingur upplifir þá kærleiksríku hvatningu og innblástur sem hann þarf til að kynnast sínum innsta kjarna. Skapa andrúmsloft þar sem þátttakandinn vaknar til vitundar, tekur ábyrgð og tileinkar sér eiginleika leiðtogans með heildrænni lífssýn.

 

Við leggjum áherslu á að rækta hugarástand þakklætis með starfsemi okkar og teljum að með því að laða fram og birta það dýrmæta og fallega í hverjum iðkanda séum við að inna af hendi mikilvæga þjónustu til handa samfélagi okkar allra.

 

Það sem við sjáum og upplifum er sá raunveruleiki sem við sköpum og ræktum. Reynslan hefur kennt okkur að viljum við breyta aðstæðum þá þurfum við fyrst að breyta eigin viðhorfum og viðmóti. Í þeim einfalda sannleika liggur vissa okkar um virkni Ropeyoga í fegurri og kærleiksríkari heimi.

Lifandi Næring með lífræna næringu og umhverfisvænan varning sem nærir og styður ásetning viðskiptavina. Við leggjum áherslu á náttúruleg efni og  endurvinnslu.