"Á undanförnum árum hefur velgengni verið skilgreind í veraldlegum verðmætum, við höfum keppst við það að eiga flott hús, dýra bíla og lifa hratt. Hálaunafólki og þotuliðinu fjölgaði í góðærinu sem sumir myndu kalla uppa. Hins vegar er kómískt að benda á að enginn munur er á rónanum og uppanum, niðranum og uppanum. Uppinn býr á hæðinni, á flotta stóra húsið og keyrir um á BMW, róninn býr í ræsinu og á ekki stórt hýbýli, en það sem sameinar þá er að báðir nota þeir boss. Róninn drekkur það en uppinn úðar því á sig. Báðir eru jafn fjarverandi, báðir í sinni neyslu, uppinn upptekinn af því að lifa hratt í veraldlegum gæðum og róninn upptekinn við að flýja velsældina, staðnaður í ræsinu, kominn á botninn.

Við höfum verið að átta okkur á því að veraldlegu gæðin skilja ekkert eftir sig, til þess að geta gert þessu almennileg skil verðum við að tala um tilganginn. Hver er forsenda þinnar tilvistar? Hvaða hlutverki gegnir þú í dag? Hvaða hlutverki viltu gegna? Tilgangurinn er kjölfesta hamingjunnar, forsenda innblásturs og ástríðu. Við þurufm ekki að leita að tilganginum, heldur ekki að finna hann, en við getum á hvaða augnabliki sem er ákveðið tilgang okkar. Oft hef ég talað um það að tilgangur mannkyns í heild sinni sé að uppgötva eða að taka fulla ábyrgð á frjálsum vilja, þ.e. að mæta til fulls og vera máttugir. En tilgangur einstaklingsins er alltaf sá sami þó það megi klæða hann á mismunandi máta. Þ.e. umbúðirnar geta verið misjafnar, en innihald tilgangsins er alltaf það sama og það er að elska. Hvert okkar verður að velja hvernig við ætlum að elska, hvernig við ætlum að hafa áhrif á okkar umhverfi.

Af hverju eru þá svona margir týndir og alltaf að leita að þessum tilgangi? Þegar þú ert að leita ertu sjálfur týndur. Það er ekki að neinu að leita nema sjálfum sér. ef það er skortur í okkar tilvist, þá erum við skorturinn, ef það er vöntun, þá er það af því að þig vantar. Ef þig vantar, þá ert það þú sem þig vantar. Það er spennandi að vera mættur, þegar maður er vaknaður til vitundar er maður máttugur og getur valið að taka ábyrgð á sinni tilvist, þ.a.l. er maður tilbúinn að fyrirgefa sér og leysir þar með úr læðingi orkuna sem maður hefur verið að verja í syndir gærdagsins. Þá endurheimtir maður orkuna og getur ráðstafað henni í núið og þann tilgang sem maður velur, hvernig ætlar maður að verja orkunni í þessari tilvist. Við erum bara orka, sál, ljós, kærleikur, hvernig við deilum henni er stóra málið."

Smelltu hér til að sækja Lífsráðgjafann endurgjaldslaust, þar getur þú lesið um þrepin sjö til velsældar!!

Gló Motion basic námskeið fyrir byrjendur hefst 12. og 13. október

Gló Motion Flex hefst 12. október.

Nýtt helgarnámskeið með Þorvaldi Þorsteinssyni rithöfundi fer fram 16.-18. október í Rope Yoga Setrinu.

Sex vikna Orku og aðhaldsnámskeið - Hámarks Brennsla og Orka - hefst 13. október.

Skapandi skrif kvöldnámskeið byrjar 10. og stendur til 20. október.

Fyrirlestur David Wolfe um ofurfæði og notkun þess til betra lífs 7. og 8. nóvember

Við leggjum kapp á góða þjónustu og notalega aðstöðu. Skráðu þig strax!

"Þetta námskeið gengur út á að leysa úr læðingi orkuna sem þú býrð nú þegar yfir. Við kennum fólki að búa til orku og viðhalda henni með því að velja orkuríka fæðu, létta á okkur og hreinsa líkamann andlega, líkamlega og tilfinningalega. Við leyfum okkur ekki að vera upptendruð og lifa lífinu til fulls. Við kunnum ekki að fara með orkuna. Við skiljum ekki að við getum varið henni á mismunandi hátt, við getum valið hvort við verjum orkunni í velsæld eða vansæld.

Þetta er í rauninni kraftaverkanámskeið, þú getur gert nákvæmlega allt sem þú vilt með líf þitt. Það eina sem þú þarft að gera er að virkja orkuna sem þú býrð yfir. Hluti af tilfinningalegu hreinsuninni sem við förum í er fyrirgefning. Við verjum gífurlegri orku í höfnun, vonbrigði og eftirsjá. Við kennum þátttakendum að verja þeirri orku í þann farveg sem það vill. Hvort sem fólk vill grenna sig, létta sig eða vera orkumeira og hressara, þá þurfum við að læra að gera það markvisst, þannig gerast undur og kraftaverk."

Námskeiðið hefst þriðjudagskvöldið 13. október og fer fram í Listhúsinu Laugardal næstu sex þriðjudagskvöld frá kl. 19.00 til 22.00

Ristillinn sér um uppsog efna úr allri þeirri fæðu sem þú lætur ofan í þig, hvort sem um holla fæðu eða óholla er að ræða. Sumt sem maður borðar er lengur á leiðinni í gegnum meltingarveginn, annað festist í totunum á ristlinum og sumt fer beinustu leið í gegn vegna þess að líkaminn vill ekkert með það hafa.

Ef þú borðar trefjaríka fæðu viðheldur þú heilbrigðari ristli. Trefjarnar virka eins og sandpappír, þær skrapa ristilinn að innan og hreinsa toturnar sem annars geta bólgnað vegna fæðuleifa sem festast í þeim. Þar með koma þær í veg fyrir hægðatregðu og óþægindi, auk þess sem þær minnka líkurnar á krabbameini í ristli vegna þess að fæðuleifar ná síður að festast í totunum og valda bólgum sem leiðir til myndunar óæskilegra vefja í ristlinum.

Allt grænmeti og ávextir eru trefjarík og full af vítamínum.

Þennan drekk ég á morgnana áður en ég segi Góðan daginn! Ég blanda hann saman við Kókosvatn svona u þ b að 1/3 á móti 2/3 djús í meðalstórt vatnsglas. Þessi uppskrift dugar í rétt rúmlega 2 skammta, en þennan djús má geyma í ísskáp í tvo sólarhringa.

2 stönglar sellerí, með laufum ef það er til
1 gúrka
2 stilkar grænkál
1/2 sítróna, með berki
Vænn biti engifer, eða eftir smekk
Mynta

Allt lífrænt ef þess er kostur.

Allt sett í djúsvél. Einnig er hægt að setja þetta í blandara og hella því síðan í spírupoka og sigta. Þá er líka hægt að bæta við avókadó, sem er mjög gott.

Málið er bara að blanda saman öllu því sem er grænt og manni finnst gott og renna því í gegnum djúsvélina :-)

Kær kveðja,
Ása Óskarsdóttir

Sítrónusýra og fosfórsýra sem algengar eru í gosdrykkjum eyða glerungi tanna samkvæmt niðurstöðum rannsóknar tannlæknanema við Háskóla Íslands. Það á ekki aðeins við um kóladrykki heldur orkudrykki og bragðbætt sódavatn. Þetta kemur m.a. fram í grein Heiðdísar Halldórsdóttur á vef Félags íslenskra tannlæknanema.

Ljóst er að mestur skaði verði af gosdrykkjum þegar sífellt er verið að drekka þá, en sódavatn án bragðefna veldur ekki skemmdum á glerungi, þá er hægt að sötra yfir daginn án þess að hafa áhyggjur af tönnunum.

Vertu viss um að viðhalda sterkum og fallegum tönnum með því að lesa innihaldslýsingar þess sem þú drekkur mest, nema það sé íslenska kranavatnið.

Lestu nánar í grein Heiðdísar Halldórsdóttur á vef FÍT

Borðaðu hnetur á hverjum degi.
Minnkaðu kjötneyslu eins og kostur er og borðaðu meira grænmeti og lífræna fæðu.
Bættu ferskum hvítlauk í matinn eins oft og þú getur.
Drekktu grænt te daglega.
Borðaðu trefjaríkan mat.
Haltu kolvetnisríkri fæðu í lágmarki, slepptu gosdrykkjum, kökum, kexi og sælgæti, fáðu þér náttúrulega sætt snakk í staðinn (t.d. döðlur, rúsínur og sveskjur).
Forðastu transfitu (franskar, djúpsteiktan kjúkling, skyndibita og annað ruslfæði).
Dragðu úr streitu og hugsaðu vel um geðheilsuna.
Borðaðu vítamín á hverjum degi og taktu inn lýsi.
Drekktu íslenskt vatn í hvert mál.
Æfðu þig reglulega eða farðu út að ganga 5-7 sinnum í viku, að viðhöfðu læknisráði ef ástand þitt er alvarlegt.

 

Það er einlægur ásetningur starfsmanna Rope Yoga setursins að móta heilnæma og friðsæla umgjörð um hug og heilsurækt, þar sem hver einstaklingur upplifir þá kærleiksríku hvatningu og innblástur sem hann þarf til að kynnast sínum innsta kjarna. Skapa andrúmsloft þar sem þátttakandinn vaknar til vitundar, tekur ábyrgð og tileinkar sér eiginleika leiðtogans með heildrænni lífssýn.

Við leggjum áherslu á að rækta hugarástand þakklætis með starfsemi okkar og teljum að með því að laða fram og birta það dýrmæta og fallega í hverjum iðkanda séum við að inna af hendi mikilvæga þjónustu til handa samfélagi okkar allra.

Það sem við sjáum og upplifum er sá raunveruleiki sem við sköpum og ræktum. Reynslan hefur kennt okkur að viljum við breyta aðstæðum þá þurfum við fyrst að breyta eigin viðhorfum og viðmóti. Í þeim einfalda sannleika liggur vissa okkar um virkni Ropeyoga í fegurri og kærleiksríkari heimi.

Lifandi Næring með lífræna næringu og umhverfisvænan varning sem nærir og styður ásetning viðskiptavina. Við leggjum áherslu á náttúruleg efni og  endurvinnslu.