Nýtt krakkajóga námskeið fyrir börn hófst 29. ágúst. Langar þig að bjóða barninu þínu upp á öðruvísi námskeið? Hafðu samband í s: 535-3800.

Gló Motion Flex hefst í dag 31. ágúst kl. 18:45.

Byrjenda og ástundunar námskeið í Rope Yoga hefjast 31. ágúst.

Gló Motion basic námskeið fyrir byrjendur hefst 31. ágúst

Sex vikna Orku og aðhaldsnámskeið - Hámarks Brennsla og Orka - hefst 1. september.

Eftir barnsburð er nýtt námskeið fyrir mæður með nýfædd börn - hefst 1. september.

Við leggjum kapp á góða þjónustu og notalega aðstöðu. Skráðu þig strax!

Þegar við erum á ferðinni verðum við að vera viss um að vera með eldsneyti á bílnum, inneign á kortinu og símanum. Það sama á við um líkamann, þegar þú ert á ferðinni verður þú að hafa orku til þess að komast í gegnum daginn, hvort sem þú ert að vinna eða í sumarleyfi, úti að ganga eða heima að lesa bók.

Byrjaðu daginn á grænu tei áður en þú færð þér fyrsta kaffibollann. Líkaminn tekur í sig fjölda andoxunarefna, fyrsti skammtur dagsins verður því bæði hressandi og styrkjandi. Græna teið gefur jafnari orku heldur en kaffið sem er þekktara fyrir að valda meiri sveiflum í orkuflæði líkamans.

Ofurfæða beint frá náttúrunni. Nú er rétti tíminn til þess að sækja sér ber í morgunmatinn. Byrjaðu daginn á ferskum berjahristingi og fáðu einn næringarríkasta skammt af hráefnum sem þú getur í þig látið. Gefur mjög mikla orku, styrk og vellíðan. Ber eru auk þess stútfull af andoxunarefnum og líkaminn á mjög auðvelt með að vinna úr þessari náttúruauðlind alla næringuna sem þau innihalda.

Gott er að saxa niður möndlur, hnetur og fræ til þess að blanda saman við berjahristinginn. Trefjarnar í hnetunum bæta meltinguna, hreinsa ristilinn og náttúrulega fitan er auðmelt. Ef þú ert með hnetuofnæmi getur þú fengið trefjarnar úr baunum, höfrum og ávöxtum.

 

"Við erum að eldast frá því við fæðumst. Spurningin er ekki sú hve hratt við eldumst, hún snýst ekki um hve háan aldur við höfum, heldur viðnámið sem við veitum lífinu. Það er til bandarískt orðatiltæki sem segir að á meðan þú ert grænn ertu í vexti, en þegar þú ert orðinn þroskaður byrjarðu að fölna. Að eldast eða þroskast náðuglega byggist á viðhorfum okkar eða afstöðu til tilverunnar. Tilgangurinn er kjölfesta hamingjunnar. Margir kannast við fólk sem sest í helgan stein, lýkur starfsferli sínum og missir sjón á markmiðum eða tilgangi í lífinu. Það byrjar að hrörna og fölna mjög hratt. Það er ekki eins auðvelt að viðhalda hamingju, ástríðu eða áhuga ef það er enginn tilgangur eða raunveruleg djúpstæð ástæða. Þetta á ekki aðeins að snúast um náðuga öldrun, heldur náðugt líf, hamingju og áhuga á því sem maður gerir dags daglega.

Þegar maður lýkur starfsferli sínum eiga æfingar og líkamsrækt að verða nýtt ævistarf. Það eru ekki aðeins þeir sem eldast sem komast að þessari hrörnun, heldur íþróttamenn og fleiri sem stunda líkamlegt þrekvirki af einhverju tagi. Orðatiltækið "If you don't use it, you loose it" á vel við í þessu samhengi. Ef maður notar ekki vöðvana þá rýrna þeir. Líkaminn endurnýjar sig við ertingu, þannig að ef það er engin erting eða áhugi á að erta sig, þá verður engin endurnýjun. Þá gæti einhver spurt, verð ég þá að æfa það sem eftir er? Mig langar að svara þeirri spurningu með annarri: Þarftu að fara út með ruslið á hverjum degi það sem eftir er? Þarftu að borða mat það sem eftir er? Að hugsa um heilsuna er hluti af lífinu, margir hafa hreinlega misst sjónar á þessu mikilvæga hlutverki sem við höfum vegna annarra hlutverka sem ekki verða rakin hér.

Annað sem er mikilvægara en flest annað þegar við hefjum seinni hálfleik og það er næringin. Mikilvægt er að borða næringarríka fæðu, borða fæðu sem styrkir líkamann, styrkir beinin, styrkir hjarta og blóðrásarkerfið, meltinguna og huglæga getu okkar. Dreifðu fæðuvalinu en ekki ummálinu þínu. Þarna kemur ásetningur næringar til sögunnar, erum við að næra ást og umhyggju, tilgang og tækifæri eða skammsýni og skort?

Kínverjar segja að aldurinn sé mældur í sveigjanleika hryggjar, um leið og sveigjanleikinn minnkar byrjar ellin að banka á dyrnar. Þegar við minnumst á hrygginn og stoðkerfið þá er tilvalið að ræða um fæturnar. Þeir eru kjölfesta líkamans, alveg eins og tilgangurinn er kjölfesta lífsins. Það er gríðarlega mikilvægt að viðhalda sveigjanleika fótleggjanna, þar er mesta vöðvamagnið, styrkur og flæði til þess að standa undir tilvist okkar. Við þurfum að vera með öfluga súrefnishæfa vöðva til þess að búa yfir getu til þess að veita okkur þá orku sem við þurfum til þess að fylgja áhuga okkar og gera okkur kleift að fara þær leiðir sem við viljum í lífinu.

Það er á ábyrgð hvers og eins að njóta lífsins, hætta að hugsa um smáatriðin og fara að skoða heildarmyndina. Verðu tíma með vinum og fjölskyldu, vertu í umhverfi sem er lifandi. Taktu áhættu í mannlegum samskiptum, ekki hætta að rétta út höndina, ekki draga þig í hlé, haltu áfram að líta yfir handriðið og sjá útsýnið og tækifærin sem eru allt í kringum þig. Gleðin sem svo margir hafa og sérstaklega börnin okkar, er í okkur öllum. Við höfum barnslega sakleysið innra með okkur og við eigum að leggja alúð og rækt við það, alveg eins og við nærum blómin þurfum við að næra gleði og hamingju.

Að lokum vil ég hvetja fólk til þess að öðlast jafnvægi á milli sálar og líkama. Ég hvet fólk til þess að stunda jóga, tai chi, chi gong, alla hug- og heilsurækt sem er ekki vélræn. Leggið stund á æfingar sem veita ykkur slökun, öndun, teygjur, hugleiðslu, athygli, flæði og sveigjanleika, þar sem allir þættir líkama, hugar og tilfinninga eru þjálfaðir til þess að öðlast djúpa slökun og kyrrð. Svo má ekki gleyma aðalatriðinu sem er Rope Yoga og Gló Motion, en það er fyrir ungt fólk á öllum aldri.!"

Smelltu hér til að sækja Lífsráðgjafann endurgjaldslaust, þar getur þú lesið um þrepin sjö til velsældar!!

"Þetta námskeið gengur út á að leysa úr læðingi orkuna sem þú býrð nú þegar yfir. Við kennum fólki að búa til orku og viðhalda henni með því að velja orkuríka fæðu, létta á okkur og hreinsa líkamann andlega, líkamlega og tilfinningalega. Við leyfum okkur ekki að vera upptendruð og lifa lífinu til fulls. Við kunnum ekki að fara með orkuna. Við skiljum ekki að við getum varið henni á mismunandi hátt, við getum valið hvort við verjum orkunni í velsæld eða vansæld.

Þetta er í rauninni kraftaverkanámskeið, þú getur gert nákvæmlega allt sem þú vilt með líf þitt. Það eina sem þú þarft að gera er að virkja orkuna sem þú býrð yfir. Hluti af tilfinningalegu hreinsuninni sem við förum í er fyrirgefning. Við verjum gífurlegri orku í höfnun, vonbrigði og eftirsjá. Við kennum þátttakendum að verja þeirri orku í þann farveg sem það vill. Hvort sem fólk vill grenna sig, létta sig eða vera orkumeira og hressara, þá þurfum við að læra að gera það markvisst, þannig gerast undur og kraftaverk."

Námskeiðið hefst þriðjudagskvöldið 1. september og fer fram í Listhúsinu Laugardal næstu sex þriðjudagskvöld frá kl. 19.00 til 22.00

 

Það er einlægur ásetningur starfsmanna Rope Yoga setursins að móta heilnæma og friðsæla umgjörð um hug og heilsurækt, þar sem hver einstaklingur upplifir þá kærleiksríku hvatningu og innblástur sem hann þarf til að kynnast sínum innsta kjarna. Skapa andrúmsloft þar sem þátttakandinn vaknar til vitundar, tekur ábyrgð og tileinkar sér eiginleika leiðtogans með heildrænni lífssýn.

 

Við leggjum áherslu á að rækta hugarástand þakklætis með starfsemi okkar og teljum að með því að laða fram og birta það dýrmæta og fallega í hverjum iðkanda séum við að inna af hendi mikilvæga þjónustu til handa samfélagi okkar allra.

 

Það sem við sjáum og upplifum er sá raunveruleiki sem við sköpum og ræktum. Reynslan hefur kennt okkur að viljum við breyta aðstæðum þá þurfum við fyrst að breyta eigin viðhorfum og viðmóti. Í þeim einfalda sannleika liggur vissa okkar um virkni Ropeyoga í fegurri og kærleiksríkari heimi.

Lifandi Næring með lífræna næringu og umhverfisvænan varning sem nærir og styður ásetning viðskiptavina. Við leggjum áherslu á náttúruleg efni og  endurvinnslu.