"Við erum í álögum vegna þess að við trúum því að það sem við erum að upplifa sé veruleiki. Það sem er merkilegt við tilveruna er að það er bara til veruleiki, sá veruleiki er augnablikið. Það sem ég kalla álög kallar annað fólk raunveruleika, það er hægt að slíta orðið í sundur, raun veruleika. Orðið raun þýðir erfiðleikar. Álögin eru hylling sem við höfum búið okkur til. Fólk upplifir þennan svokallaða raunveruleika með mismunandi hætti. Það sem einn upplifir sem vandamál upplifir annar sem tækifæri og blessun. Þessi viðhorf skipta sköpum. Hvernig lærðum við þessi viðhorf og hvernig við viðhöldum þeim skiptir miklu máli. Um leið og við drögum ályktanir erum við að viðhalda okkar eigin stýrikerfi sem er okkar s.k. raunveruleiki. Allar þessar ályktanir byggjast svo á þessari mynd sem við höfum dregið upp af tilverunni. Áðan nefndum við hvaðan þau koma, sumir segja að okkur hafi verið kennt það, en ég segi að við höfum lært það. T.d. eru 30 nemendur í einni skólastofu, málflutningur kennarans er á einn veg en það eru 30 mismunandi upplifanir. Hvert og eitt okkar raðar upplýsingunum í sinn eigin farveg eða hlustun sem hentar þeirra ímynd af þessum s.k. raunveruleika.

Ályktanir eru til þess fallnar að styrkja og viðhalda þá ímynd sem er okkar viðhorf til tilverunnar, gott eða slæmt, svart eða hvítt og það verður okkar upplifun, hvort sem það er vansæld eða velsæld. Við erum undir álögum okkar sjálfra. Það sem við gerum á meðan við erum ekki í vitund er að hegða okkur sífellt í þágu þessara viðhorfa. Hvort sem við þrætum fyrir vanmætti okkar eða styrk þurfum við að færa sönnur fyrir okkar málflutningi. Þegar maður er undir álögum eða er gísl viðhorfa, þá verður maður stöðugt að vera að leggja á sig til þess að viðhalda þeirri ímynd. Þetta gerir maður m.a. með því að hafna sér. Það flækist oft fyrir fólki að skilja eða skilgreina hvað höfnun er. Höfnun er skömm, feimni, óöryggi og viðnám gagnvart augnablikinu. Öflugasta leiðin til þess að viðhalda álögum er alltaf skömmin.

Ef við viljum skoða í einlægni rót stýrikerfis okkar þá er kjarninn í langflestum tilfellum skömmin. Margir álíta að þetta sé frekar neikvætt viðhorf til mannlegrar tilvistar, en það er t.d. viðhorf sem ég deili ekki vegna þess að ég sé þetta bara sem gríðarlega jákvætt tækifæri til þess að elska og opinbera skömmina og leysa mig úr viðjum þessara álaga. Það er einfaldlega gert með því að elska og vera í alúð og umhyggju í stað þess að hafna, yfirgefa og skamma. Ást er lausnin. Viljir þú losna úr viðjum álaganna, stattu þá fyrir framan spegil, ímyndaðu þér að þú sért froskur, kysstu þig í gamni á munninn með ást hjartans og horfðu á þína prinsessu eða prins birtast!

Það tekur aðeins örfáar mínútur að ganga frá skráningu á námskeið. Smelltu hér!"

 

Glómotion Flex er kraftmikil og fjölbreytt þjálfun sem skapar ótrúlega vellíðan. M.a. er farið í Rope Yoga æfingar í böndunum, stöðu- og flæðisæfingar, mótstöðuæfingar í tækjum auk þess sem lögð er áherslu á teygjur, slökun og öndun. Næringin er líka hluti af prógramminu. Styrkleiki Glómotion er að æfingarnar eru allar gerðar mjög hægt, með fullri vitund auk þess sem fjölbreytnin er mikil þannig að líkaminn tekst alltaf á við eitthvað nýtt. Hópurinn er lítill, sem þýðir að iðkendur fá persónubundna ráðgjöf og góðar leiðbeiningar.

Eftir að hafa stundað Glómotion í fimm vikur finn ég fyrir auknum styrk kviðvöðvanna, orkan er meiri og ég er meira meðvituð um líkama, sál, tilfinningar og huga. Mér finnst ég hafa styrkst mikið, bæði andlega og líkamlega og öðlast aukinn liðleika, samhæfingu og vellíðan. Ég mæli eindregið með Glómotion fyrir þá sem vilja taka sig í gegn og breyta lífi sínu. Glómotion er algjör snilld.
 
Ingrid Kuhlman
Framkvæmdastjóri Þekkingarmiðlunar ehf.

Sérstaklega ætlað þeim konum sem hafa eignast börn, hvort sem er strax eftir fæðingu eða nokkrum vikum eða mánuðum seinna. Í Ropeyoga geta konur byrjað strax viku eftir barnsburð og hvetjum við mæður til þess að byrja sem fyrst. Vissulega fer það eftir heilsu eða getu hverrar og einnar. Mæður eru hvattar til þess að hafa með sér barnið. Á fyrstu vikunum eftir barnsburð fer hormónaframleiðsla í gang sem örvar samdrátt og virkni legs og kviðarholsvöðva. Þær konur sem byrja fljótt að æfa eftir barnsburð ná því skjótari árangri í endurhæfingu grindarbotns- og kviðarholsvöðva heldur en þær sem fara af stað síðar. Á þessum námskeiðum leggjum við sérstaka áherslu á kviðarhols- og grindarbotnsvöðva ásamt rass- og lærvöðvum. Einnig leggjum við áherslu á losun streitu og þreytu og andlega uppbyggingu.

Kennari er Ásta M. Agnarsdóttir ropeyogakennari, yogakennari og nuddari. Skráðu þig með því að smella hér.

Grunnbúnaður Rope Yoga kerfisins, inniheldur tvær fótalykkjur, tvö handföng og einfalt vogarkerfi fest á klafa til búa til jafnvægistæki sem knúið er orku mannslíkamans. Æfingakerfi, kenningar og DVD diskur fylgja með.

Rope Yoga kerfið er kjörið tækifæri fyrir íþróttafræðinga, líkamsræktar- og sjúkraþjálfara og Hathajógakennara til að auka núverandi þjónustu með Rope Yoga hug- og heilsuræktarkerfinu.

Námskeiðið fer fram í þremur hlutum. Sá fyrsti er fjórir dagar frá 18. mars til 21. mars. Kennd verða undirstöðuatriði Rope Yoga, tækni og heimspeki.

Annar hluti er 16. apríl til 19. apríl.

Þriðji hlutinn er þrír dagar frá 14. maí til 16. maí. Þátttakendur munu skila heimavinnu, sýna kunnáttu sína og að námskeiðinu loknu útskrifast sem Rope Yoga - GlóMotion kennarar.

Á tímabilinu er 25 tíma mætingaskylda í Rope Yoga Setrið sem aðstoðarkennari.

Nánari upplýsingar hjá Guðna í síma 8436200, skráning á Ropeyogasetrid.is

Hvaða breytingar eiga sér stað á Gló með aðkomu þinni?

"Við ætlum að vera með 50-75% hráfæði til að byrja með, við höldum áfram að vera með eldaða grænmetisrétti og jafnvel einhverja kjöt- og fiskrétti, en áherslan verður á hráfæði og superfoods (ofurfæðu). Við finnum að það er það sem fólk kallar eftir, það er enginn veitingastaður að sinna eftirspurninni eftir hráfæðimáltíðum með ofurfæðu, þannig að við ákváðum að slá til. Þú getur komið eftir æfingu á morgnana kl. 7:30 og fengið þér grænan djús og ofurhollan morgunmat, við verðum með eldaða grauta, lífræna jógúrt með ofurmúslí og alls konar hristinga. Þetta er sem sagt kjarninn í breytingunum, við munum minnka kjöt og fisk og færa okkur meira út í hráfæði og ofurfæðu.

Við verðum með námskeið og fyrirlestra ásamt því að fara með veitingastaðinn alla leið. Við verðum með safnhaug og munum búa til okkar eigin mold, við munum rækta ýmislegt til þess að nota í matinn, við munum flokka allt sem við hendum og tökum þetta alla leið.

Námskeið um ofurfæðu (superfoods) fer fram 19. og 20. janúar og svo verðum við með hráfæðinámskeið 26. og 27. janúar. Hægt er að skrá sig á himnesk.is.

Opið verður á Gló frá 7:30-9:00 og 11:00-17:00 til að byrja með."

www.glo.is

Við þökkum Sollu kærlega fyrir þessa uppskrift og hvetjum ykkur að skoða fleiri á himnesk.is og koma á Gló í Listhúsi við Engjateig og gæða ykkur á hráfæðiréttum Sollu.

Stutt myndband þar sem Solla segir frá því þegar hún þurfti að taka ákvörðun um að tileinka sér lífræna næringu, hollustu og heilbrigði.

Smelltu hér til þess að horfa!

 

Paul Stamets hefur skrifað bækur sem fjalla allar um sveppi að einhverju leyti. Nýjasta bókin hans Mycelium á hlaupum: Hvernig sveppir geta bjargað heiminum, hefur verið talin varpa ljósi á hvað það er sem við getum gert til þess að bjarga jörðinni frá mannkyninu sem tekur og tekur en gefur lítið til baka. Stamets hefur skrifað og fengið birt fjölda greina um sveppi og áhrif þeirra á umhverfið.

Þetta myndband er mjög áhugavert, hægt er að sjá það með texta. Smelltu hér til þess að horfa.

Karlar sem stunda kynlíf a.m.k. tvisvar sinnum í viku geta minnkað líkurnar á hjartasjúkdómum um nánast helming samkvæmt niðurstöðum nýrrar rannsóknar.

Þar kemur fram að menn sem stunda reglulegt kynlíf minnka hættuna um allt að 45% á því að fá lífshættulega hjartasjúkdóma. Rannsóknin var framkvæmd á 1000 körlum og tók ekki til greina áhrif á heilsu kvenna.

Aðilarnir sem framkvæmdu rannsóknina hafa farið fram á það að læknar í Bandaríkjunum kanni tíðni kynlífs hjá körlum þegar þeir koma í reglulegt eftirlit til þess að kanna m.a. hættu á hjartasjúkdómum.

 

Það er einlægur ásetningur starfsmanna Rope Yoga setursins að móta heilnæma og friðsæla umgjörð um hug og heilsurækt, þar sem hver einstaklingur upplifir þá kærleiksríku hvatningu og innblástur sem hann þarf til að kynnast sínum innsta kjarna. Skapa andrúmsloft þar sem þátttakandinn vaknar til vitundar, tekur ábyrgð og tileinkar sér eiginleika leiðtogans með heildrænni lífssýn.

Við leggjum áherslu á að rækta hugarástand þakklætis með starfsemi okkar og teljum að með því að laða fram og birta það dýrmæta og fallega í hverjum iðkanda séum við að inna af hendi mikilvæga þjónustu til handa samfélagi okkar allra.

Það sem við sjáum og upplifum er sá raunveruleiki sem við sköpum og ræktum. Reynslan hefur kennt okkur að viljum við breyta aðstæðum þá þurfum við fyrst að breyta eigin viðhorfum og viðmóti. Í þeim einfalda sannleika liggur vissa okkar um virkni Ropeyoga í fegurri og kærleiksríkari heimi.

Lifandi Næring með lífræna næringu og umhverfisvænan varning sem nærir og styður ásetning viðskiptavina. Við leggjum áherslu á náttúruleg efni og  endurvinnslu.