"Nýju ári fylgja ný tækifæri. Við lifum á tímum þar sem viðhorf okkar eru lykilatriði og nú sem aldrei fyrr en mikilvægt að vera bjartsýn og muna hvað það er sem skiptir mestu máli. Það virðist oft eiga sér stað ákveðin uppljómun þegar fólk nær botninum fjárhagslega, það áttar sig á því að óttinn sem fylgir fjármálavandræðum er ímynduð ógn, en þegar öllu er á botninn hvolft þá er hinn raunverulegi auður ekki fólginn í innistæðunni í bankanum, heldur lífsviðhorfum, fjölskyldu og vinum sem standa manni næst. Það sveltur enginn á Íslandi sem ekki vill svelta.

Við Íslendingar erum samhent þjóð sem höfum lifað tímana tvenna. Við höfum nú þegar fengið skellinn eftir óhóflega neyslu og fjármálafyllerí, spurningin er sú hvort við ætlum að liggja í bælinu eða takast á við eftirmálana af festu og ábyrgð. Við höfum allt sem þarf, við höfum mannauð, styrkar samfélagsstoðir, velferðarkerfi, hjálparsamtök og sýnum samhug í verki þegar á reynir. Ekki óttast að biðja um aðstoð, ekki láta stoltið valda þér hungri. Sýndu þakklæti fyrir þá sem vilja opna arma sína og rétta fram hjálparhönd.

Þetta er tími tækifæra, það er í okkar höndum að vakna til vitundar um verkefnin framundan. Við verðum að vera ábyrg og hugsa vel um heilsuna og umhverfið. Það er alltaf rétti tíminn til þess að byggja upp sál og líkama, ekki síst núna þegar við þurfum hvað mest á andlegum styrk að halda. Líkamlegur og andlegur styrkur fer saman, það er mikilvægt að byggja upp hvort tveggja í senn. Til þess að takast á við lífið og tilveruna verðum við að hafa til þess þrek og orku. Ég hvet ykkur til þess að skoða þá þjónustu sem er í boði hjá Ropeyoga Setrinu. Hefjið árið með krafti og skráið ykkur á námskeiðin sem eru að hefjast 4. og 5. janúar. Ég hlakka til að sjá sem flesta bjóða kreppu hugarfarsins byrginn og byggja sig upp til þess að geta lagt hönd á plóginn.

Gleðilegt nýtt ár!

Veitingarstaðurinn opnar aftur að loknu jólafríi 11. janúar með glænýjum matseðli og áherslum. Við fáum nýtt fólk til liðs við okkur sem mun galdra fram nærandi hollustu. Hlakkið til, hlakkið til, hlakkið til.......:* Við hlökkum til að sjá ykkur.

 

 

botn:

250 g spelt, hægt að nota fínt og gróft til helminga
3-4 tsk vínsteinslyftiduft
1 msk kanilduft
1/2 tsk sjávarsalt
1-2 msk agave sýróp
1-2 msk græn lífræn ólífuolía,
125 ml heitt vatn

1 forbakaður pítsabotn
4 bananar
1 tsk kanill
1 dl kaldpressuð lífræn kókosolía
1 dl hreint lífrænt kakóduft
½ dl agavesýróp

Skerið bananana í bita og raðið oná pítsubotninn og stráið smá kanil yfir.  Hrærið saman kókosolíu + agave + kakódufti og hellið helmingnum yfir pítsuna. Bakið við 180°C í 5-7 mín.  Hellið restinni af súkkulaðinu yfir og berið fram t.d. með þeyttum rjóma eða sojarjóma.

Við þökkum Sollu kærlega fyrir þessa uppskrift og hvetjum ykkur að skoða fleiri á himnesk.is 

 

 

 

Guðni Gunnarsson heldur fyrirlestur um ásetning næringar og hvernig þú getur tryggt hámarks brennslu og orku. Fyrirlesturinn fjallar meðal annars um hvernig við veljum næringu sem þjónar ásetningi okkar meðvitað eða ómeðvitað. 

 

Námskeiðið hefst miðvikudagskvöldið 20. janúar kl. 19.10 og fer fram í Rope Yoga Setrinu, Listhúsi við Engjateig 17 í  Laugardal.

Rope Yoga æfingastöðin er auðflytjanleg, knýr sig sjálf, og þarf ekkert viðhald. Stöðin inniheldur tvær fótalykkjur, tvö handföng og einfalt vogarkerfi fest á klafa til búa til jafnvægistæki sem knúið er orku mannslíkamans.  Á þann hátt þjálfar tækið kviðinn, án þess að neðri hluti bakvöða og mjaðmavöðva komi þar nærri.

Hönnunin miðar að því að hvetja notandann og að gera honum kleift að nota grunnvöðva kviðarins til fullnustu við æfingarnar. Tækin eru þannig gerð að þau veita strax svörun frá iðrum við æfingarnar. Pallurinn er þægilegur, stendur stöðugur og auðveldar teygjur og nálgun við stóru vöðvahópa líkamans, til að rækta valið viðbragð í stað ósjálfráðra.

Stöðin er úr stáli og mótuðu plasti og framleidd eftir ströngustu gæðakröfum.  Fólk vill í síauknum mæli geta sinnt líkamsrækt sinni heima fyrir og samfara fjölbreyttu framboði á hentugum tækjum til þess, þá er ljóst að Rope Yoga er þar fremst í flokki, því stöðin er einföld, ódýr og skilar hámarks árangri.

Stöðin hentar sérstaklega vel einstaklingum í sérhæfðum störfum, sem hreyfa sig lítið, brenna litlu, og hafa því áhyggjur af þyngd sinni. Fest viljum við viðhalda eigin vöðvastyrk og ef við höfum almennan skilning á gagnsemi líkamsræktar fyrir aukinni orku, þá átta flestir sig strax á því að Ropeyoga kerfið skilar umtalsverðum árangri á skömmum tíma.  Árangurinn skilar sér helst í auknum krafti og vellíðunarkennd, sem samfara góðu líkamsástandi skapast af reglulegri þjálfun.

KAUPA VÖRU

Kennarar Rope Yoga Setursins eru áhugaverðir einstaklingar sem koma úr ýmsum áttum okkar ágæta samfélags. Þau eiga það öll sameiginlegt að vera hress og full af orku og lífsgleði. Það sem einkennir flesta Rope Yoga kennara er áhuginn á heilbrigðum lífsstíl. Þau eiga þess vegna góð ráð fyrir þátttakendur á námskeiðunum og við hvetjum ykkur til þess að vera virk og óhrædd við að spyrja og leita ráða um heilbrigðan lífsstíl.