"Vissulega er líkaminn verkfæri eins og kylfurnar í golfi. Það skiptir því mjög miklu máli að vera með líkama sem er í flæði og sveiflu. Allir í golfi vita að staðan, mýkt í mjöðmum, öxlum, hvernig þú beitir höfði og hvernig þú slærð er mjög mikið atriði, en jafnframt að golf fer fram í huganum.

Það er talað um það í golfi að þú tapar aldrei fyrir andstæðingnum, heldur fyrir sjálfum þér. Ef golfarar eru með sambærilega forgjöf þá er það sá sem heldur athygli sinni óskertri sem fer með sigur af hólmi, sá sem er í mestu jafnvægi. Til þess að lýsa þessu í sem fæstum orðum, þá segi ég við golfara og aðra sem eru í leik lífsins að höfuðmismunur á því sem við köllum tap og sigur er framkoma atvinnumannsins og hins vegar framkoma leikmannsins. Því er þannig háttað að þegar leikmaðurinn gerir mistök, þá sparkar hann í sjálfan sig liggjandi, þ.e.a.s. andlega. Ef atvinnumanninum verða á mistök, þá styður hann sig á fætur með vinsemd og virðingu og jafnvel örlitlu brosi. Þetta er mesti munurinn.

Hvað varðar líkamann, þá er það sveigjanleikinn og mýktin í líkamanum sem gerir kylfingnum kleift að ná sem mestu afli í höggið. Bæði hefur það með það að gera hversu mikið þú getur undið líkamann og eins hve vel þú getur sleppt líkamanum í höggið. Það gefur augaleið að líkami sem er stirður og stífur býr ekki yfir sama slagkrafti og líkami sem er mjúkur og sveigjanlegur.

Golf vinnst ekki á steyttum hnefa heldur á vitund og athygli, vissulega á tækni og líkamlegri getu en fyrst og fremst á góðu andlegu jafnvægi. Talandi um steyttan hnefa, þá eru stífir vöðvar, þrátt fyrir að þeir séu stórir og sterkir, úthaldsminni sem gerir það að verkum að þreyta og pirringur gerir fyrr vart við sig. Afbragðs golfmaður þarf að hafa gott líkamlegt atgervi, sveigjanleika og mýkt og umfram allt andlegt jafnvægi til að geta viðhaldið athygli og sýn.

Ropeyoga býður upp á þjálfun á öllum þeim þáttum sem hér hafa verið taldir upp. Ropeyoga/glómotion býður upp á kviðstyrk, sveigjanleika og styrk, úthald, athygli og vitund og umfram allt heimspeki velsældar sem gerir manni kleift að leyfa sér að keppa til vinnings.

Það tekur aðeins örfáar mínútur að ganga frá skráningu á námskeið. Smelltu hér!"

Sérstaklega ætlað þeim konum sem hafa eignast börn, hvort sem er strax eftir fæðingu eða nokkrum vikum eða mánuðum seinna. Í Ropeyoga geta konur byrjað strax viku eftir barnsburð og hvetjum við mæður til þess að byrja sem fyrst. Vissulega fer það eftir heilsu eða getu hverrar og einnar. Mæður eru hvattar til þess að hafa með sér barnið. Á fyrstu vikunum eftir barnsburð fer hormónaframleiðsla í gang sem örvar samdrátt og virkni legs og kviðarholsvöðva. Þær konur sem byrja fljótt að æfa eftir barnsburð ná því skjótari árangri í endurhæfingu grindarbotns- og kviðarholsvöðva heldur en þær sem fara af stað síðar. Á þessum námskeiðum leggjum við sérstaka áherslu á kviðarhols- og grindarbotnsvöðva ásamt rass- og lærvöðvum. Einnig leggjum við áherslu á losun streitu og þreytu og andlega uppbyggingu.

Kennari er Ásta M. Agnarsdóttir ropeyogakennari, yogakennari og nuddari. Skráðu þig með því að smella hér.

 

Ung kona var á flugvellinum og beið eftir fluginu sínu. Þar sem nokkrar klukkustundir voru þangað til vélin átti að fara, ákvað hún að kaupa sér bók og poka af nýbökuðum súkkulaðibitakökum til þess að gæða sér á yfir lestrinum. Hún settist því næst niður í biðsalnum til þess að njóta bókarinnar og góðgætisins.

Í næsta sæti við hliðina á litla borðinu þar sem pokinn lá með súkkulaðibitakökunum sat maður með opið blað og var að lesa. Um leið og konan var búin að teygja sig í fyrstu kökuna, þá smeygði maðurinn höndinni ofan í pokann og fékk sér eina köku. Henni fannst þetta nú frekar skrýtið, ekki alveg það sem fólk gerir vanalega, að vaða í kökupoka annarra manna... hún hugsaði með sér að láta hann heyra það ef hann héldi áfram að borða frá henni kökurnar.

Svo fékk hún sér aðra köku og skömmu síðar tók hann aðra, hún skildi ekkert í þessu, hvað var maðurinn að pæla?? Hún þorði samt ekki að hvæsa á hann, ákvað bara að leiða þetta hjá sér en hugsaði honum þegjandi þörfina. Svona gekk þetta þangað til aðeins ein kaka var eftir. Hún hugsaði með sér, maðurinn fer nú ekki að taka síðustu kökuna, getur það verið? Hún var ekki búin að sleppa hugsuninni þegar maðurinn fór ofan í pokann, tók síðustu kökuna, skipti henni í tvennt og borðaði helminginn af kökunni.

Þetta var nóg til þess að unga konan fékk nóg, hún tók bókina sína og dótið sitt og rauk út í hlið til þess að komast út í vél. Þegar hún var komin um borð, búin að koma sér þægilega fyrir í sætinu sínu, tók hún upp handtöskuna sína til þess að ganga frá vegabréfinu og ferðaskjölunum. Þegar hún opnaði töskuna blasti við henni ósnertur og óopnaður poki með súkkulaðibitakökum.

Jeminn eini, hún vissi ekki hvert hún ætlaði þegar hún áttaði sig á því að kökurnar hennar voru í töskunni og hún hafði verið að borða kökur mannsins sem sat næst henni í biðsal flugvallarins.

Maðurinn hafði deilt kökunum með henni án þess að vera pirraður eða reiður. Hún hafði hins vegar verið reið yfir því að hann væri að borða frá henni.

Mundu að það er ekki hægt að taka til baka steina sem maður kastar, orð sem maður hreytir í aðra eða stund sem líður fljótt.

Grunnbúnaður Rope Yoga kerfisins, inniheldur tvær fótalykkjur, tvö handföng og einfalt vogarkerfi fest á klafa til búa til jafnvægistæki sem knúið er orku mannslíkamans. Æfingakerfi, kenningar og DVD diskur fylgja með.

Hvaða breytingar eiga sér stað á Gló með aðkomu þinni?

"Við ætlum að vera með 50-75% hráfæði til að byrja með, við höldum áfram að vera með eldaða grænmetisrétti og jafnvel einhverja kjöt- og fiskrétti, en áherslan verður á hráfæði og superfoods (ofurfæðu). Við finnum að það er það sem fólk kallar eftir, það er enginn veitingastaður að sinna eftirspurninni eftir hráfæðimáltíðum með ofurfæðu, þannig að við ákváðum að slá til. Þú getur komið eftir æfingu á morgnana kl. 7:30 og fengið þér grænan djús og ofurhollan morgunmat, við verðum með eldaða grauta, lífræna jógúrt með ofurmúslí og alls konar hristinga. Þetta er sem sagt kjarninn í breytingunum, við munum minnka kjöt og fisk og færa okkur meira út í hráfæði og ofurfæðu.

Við verðum með námskeið og fyrirlestra ásamt því að fara með veitingastaðinn alla leið. Við verðum með safnhaug og munum búa til okkar eigin mold, við munum rækta ýmislegt til þess að nota í matinn, við munum flokka allt sem við hendum og tökum þetta alla leið.

Námskeið um ofurfæðu (superfoods) fer fram 19. og 20. janúar og svo verðum við með hráfæðinámskeið 26. og 27. janúar. Hægt er að skrá sig á himnesk.is.

Opið verður á Gló frá 7:30-9:00 og 11:00-17:00 til að byrja með."

www.glo.is

Við þökkum Sollu kærlega fyrir þessa uppskrift og hvetjum ykkur að skoða fleiri á himnesk.is og koma á Gló í Listhúsi við Engjateig og gæða ykkur á hráfæðiréttum Sollu.

Við höfum áður talað um mikilvægi þess að gæta sýrustigsins sem er í matnum okkar. Í lok síðasta árs var haldinn fyrirlestur í Ropeyoga Setrinu um sýrustig matar og áhrif þess á líkamann, en þar kom m.a. fram að súr matur og drykkur nærir ekki líkamann, heldur lítur líkaminn á súra fæðu sem úrgang. Basísk fæða er líkamanum eðlileg og erum við þá að tala um lifandi vatn og grænmeti sem helsta kostinn.

Hægt er að kaupa bætiefni sem jafnar pH gildi líkamans, því hærra pH gildi, því basískari er fæðan.

Hægt er að sjá lista yfir basískan mat eftir flokkum á energiesforlife.com

Stutt myndband þar sem Solla segir frá því þegar hún þurfti að taka ákvörðun um að tileinka sér lífræna næringu, hollustu og heilbrigði.

Smelltu hér til þess að horfa!