"Ásetningur getur verið upphaf margra góðra hluta. Ásetningur getur verið kvöl og böl eða farvegur til velsældar. Ásetningur er ekki nema lítið brot af ferðalaginu og oft aðeins upphafið. Ég segi oft í gamni við fólk að ef þú tekur n úr ætla, þá breytist allt lífið. Þá horfir fólk á mig eins og ég sé öðruvísi, sem ég reyndar er og segir, en Guðni, það er ekkert en í ætla. Þá segi ég, af hverju segirðu þá alltaf ég ætla en...

Staðreyndin er sú að margir hafa góðan ásetning en engin markmið. Munurinn á ásetningi og markmiðum er sá að ásetningurinn er oft innantóm yfirlýsing og orðið sjálft ásetningur þýðir að söðla hest eða setja á, en ekki endilega að ríða út. Markmið eru hins vegar skilgreind og markmið sem hefur vægi er nákvæmt, tímasett, verulegt, geranlegt og mælanlegt. Markmið sem eru einhvers virði eru skriflegar yfirlýsingar, áþekkar teikningum af húsi eða byggingum.

Við vitum öll að ef við setjum okkur markmið sem eru skrifleg, nákvæm og tímasett, þá náum við þeim. Þá komum við að tilganginum, sem er í eðli sínu forsenda innblásturs og ástríðu eða kjölfesta tilveru okkar, sökkullinn. Tilgangurinn er það sem sumir kalla leiðarljós, en ég vil meina að hann sé kjölfesta og verði þ.a.l. forsenda fyrir markmiðunum.

Markmiðin gerast í augnablikinu, ekki á áfangastað, en tilgangurinn er ástæðan fyrir markmiðunum. Við erum að hvetja fólk til þess að skoða hvaða hlutverki við ætlum að gegna sem einstaklingar, sérstaklega nú þegar menn og þjóð vantar kjölfestu eða ástæðu til verka, þá sýnist mér vera kominn tími til að hugleiða hvaða hlutverki við ætlum að gegna sem einstaklingar.

Tækifærið er núna til þess að spyrja okkur sem einstaklinga að því hvert hlutverk okkar er og skilgreina það. Síðan getum við farið að velta fyrir okkur hvert hlutverk okkar þjóðar er.

Við erum flest upptekin af því hvað stjórnmálamenn og leiðtogar þjóðarinnar eiga gera fyrir okkur, en hvers vegna spyrjum við ekki hvað við getum gert? T.d. á vinnustöðum eða heimilum okkar sjálfra með því að leiða hugann að blessun og þakklæti í stað þess að vera í skorti og vansæld. Er það ekki okkar að byrja og leiða athyglina að því hvernig við getum breytt fyrst okkar eigin viðhorfum og haft þannig áhrif á okkar samfélag.

Það tekur aðeins örfáar mínútur að ganga frá skráningu á námskeið. Smelltu hér!"

Við þökkum Sollu kærlega fyrir þessa uppskrift og hvetjum ykkur að skoða fleiri á himnesk.is og koma á Gló í Listhúsi við Engjateig og gæða ykkur á hráfæðiréttum Sollu.

Rope Yoga kerfið er kjörið tækifæri fyrir íþróttafræðinga, líkamsræktar- og sjúkraþjálfara og Hathajógakennara til að auka núverandi þjónustu með Rope Yoga hug- og heilsuræktarkerfinu.

Námskeiðið fer fram í þremur hlutum. Kennd verða undirstöðuatriði Rope Yoga, tækni og heimspeki.

Þátttakendur munu skila heimavinnu, sýna kunnáttu sína og að námskeiðinu loknu útskrifast sem Rope Yoga - GlóMotion kennarar.

Á tímabilinu er 25 tíma mætingaskylda í Rope Yoga Setrið sem aðstoðarkennari.

Nánari upplýsingar hjá Guðna í síma 8436200, skráning á Ropeyogasetrid.is

Það er alltaf líflegt að horfa á David Wolfe tala um ofurfæði (superfoods) og næringu. Hann talar í þessu myndbandi um það sem hann borðar daglega og ræðir um mikilvægi þess að tyggja matinn sem við borðum, við það að tyggja losnar um streitu og líkaminn framleiðir meira serotonín.

Smelltu hér til þess að horfa á viðtalið við David Wolfe á Youtube. Viðtalið er tekið af aðstandendum vefsíðunnar thebestofrawfood.com.

 

225 g döðlur
1 dl vatn eða ávaxtasafi
1 dl kaldpressuð kókosolía
2 bananar, vel þroskaðir
2 egg
75 g spelt (t.d. fínt og gróft til helminga)
50 g karobduft
100 g pekanhnetur eða valhnetur eða aðrar hnetur, smátt saxaðar
1 tsk. vanilla

Hitið ofninn í 180°C. Setjið döðlurnar í pott með 1 dl af vatni eða ávaxtasafa og látið sjóða í um 10 mín. eða þar til vatnið er gufað upp, setjið þá döðlurnar í matvinnsluvél ásamt kókosolíunni og maukið, skerið bananana og setjið þá út í og síðan eggin, eitt í einu. Bætið spelti + karobi + hnetum + vanillu saman við og hrærið allt saman. Setjið
í smurt hringlaga tertuform og bakið í um 30-40 mín. (Þessi uppskrift er líka frábær sem muffins.)

Millilag:
2-3 bananar skornir í þunnar sneiðar og dreift yfir botninn
Jarðarberjakrem:
1 dl kasjúhnetur, lagðar í bleyti í 2-4 klst.
½ dl agave-síróp
300 g frosin jarðarber

Takið jarðarberin út úr frystinum og látið þiðna í um 20 mín. við stofuhita, setjið kasjúhneturnar í matvinnsluvélina ásamt agave-sírópinu (þið getið líka notað kröftugan blandara) og hrærið vel saman. Bætið þá jarðarberjunum út í og blandið öllu vel saman. Gott er að setja kremið smástund inn í kæli áður en þið smyrjið því á kökuna.

Vissir þú að...

... þegar þú ert að byrja að nota karob þá er gott að byrja á að nota 75% kakó og 25% karob í uppskriftirnar? Síðan er gott að hafa hlutfallið næst 50/50 kakó og karob - þetta gerir uppskriftirnar fjölbreyttari og í leiðinni er hægt að minnka sykurmagnið.

... karobtréð ber ekki ávöxt fyrstu 15 árin en eftir það getur stórt tré gefið allt að 1 tonni af baunum á ári?

... karob hefur nokkur nöfn? Í innihaldslýsingum á vörum eru algengustu nöfnin á karob: Ceratonia siliqua L, carob bean, carob seed gum, caroube, carruba og carube.

Gangi ykkur sem allra best
Solla

 

"Fyrir þá sem sannarlega vilja breyta lífi sínu, þá er þetta gríðarlega mikilvægt og öflugt námskeið. Það veitir stuðning til þess að breyta hegðun til betri vegar á 6 vikum og lætur engan ósnortinn, líkamlega, andlega og tilfinningalega. Þú mund læra að breyta ferli matar og neyslu, hreyfingar og hugsunar.

Námskeiðið fer fram á þriðjudögum frá kl. 19-22 og fimmtudögum frá kl. 20:15-21:25. Á þriðjudögum eru fyrirlestrar, verkefnavinna og horft á stutt myndbönd til stuðnings fræðslunni og á fimmtudögum er klukkustundar iðkun í Ropeyoga."

Námskeiðið hefst þriðjudagskvöldið 13. apríl og fer fram í Listhúsinu Laugardal næstu sex þriðjudags- og fimmtudagskvöld frá kl. 19.00 til 22.00 (þri) og 20:15-21:25 (fim).

Lestu meira um Orku- og aðhaldsnámskeið á Ropeyogasetrid.is

Skráðu þig núna, smelltu hér!

Eftir góðar viðtökur um jólin munum við halda ótrauð áfram inn í nýja árið. Verslunin verður keyrð áfram með svipuðu sniði og ekkert að gera nema að auka úrvalið núna þegar nær dregur sumri.

Í boði í augnablikinu verða garðyrkjuafurðir eins og tómatar, kartöflur, rófur, hnúðkál, krydd og fleirra sem til er hverju sinni. Einnig verða mjólkurafurðir frá Bióbú eins og jógúrt, skyr, rjómaostur, Sorbit-ís, rjómaís og fleirra. Þá eru ýmsar heimatilbúnar afurðir, svo sem chilepiparmauk, gúrkur í kryddlegi, mjólkursýrðar gulrætur, ávaxtasultur og kompott, þurrkaðir ávextir og fleirra. Einnig eru innfluttir lífrænir ávextir frá hinum ýmsu hornum veraldar. Villimey verður líka með sín galdrasmyrsl.

Helstu framleiðendur sem eru með á þessum árstíma eru Garðyrkjustöðin Akur, Engi, Móðir Jörð, Villimey og Bióbú.

En síðan komum við færandi hendi úr sveitini með nýjar vörur þegar þær verða til. 
Markaðurinn er opin Mánudaga til Föstudaga frá 12-18 og Laugardaga frá 12-16.
Kveðjur úr Sveitinni.

Fáðu grænmeti sent heim vikulega beint af akrinum. Pantaðu á graenihlekkurinn.is

Grunnbúnaður Rope Yoga kerfisins, inniheldur tvær fótalykkjur, tvö handföng og einfalt vogarkerfi fest á klafa til búa til jafnvægistæki sem knúið er orku mannslíkamans. Æfingakerfi, kenningar og DVD diskur fylgja með.

Hvaða breytingar eiga sér stað á Gló með aðkomu þinni?

"Við ætlum að vera með 50-75% hráfæði til að byrja með, við höldum áfram að vera með eldaða grænmetisrétti og jafnvel einhverja kjöt- og fiskrétti, en áherslan verður á hráfæði og superfoods (ofurfæðu). Við finnum að það er það sem fólk kallar eftir, það er enginn veitingastaður að sinna eftirspurninni eftir hráfæðimáltíðum með ofurfæðu, þannig að við ákváðum að slá til. Þú getur komið eftir æfingu á morgnana kl. 7:30 og fengið þér grænan djús og ofurhollan morgunmat, við verðum með eldaða grauta, lífræna jógúrt með ofurmúslí og alls konar hristinga. Þetta er sem sagt kjarninn í breytingunum, við munum minnka kjöt og fisk og færa okkur meira út í hráfæði og ofurfæðu.

Við verðum með námskeið og fyrirlestra ásamt því að fara með veitingastaðinn alla leið. Við verðum með safnhaug og munum búa til okkar eigin mold, við munum rækta ýmislegt til þess að nota í matinn, við munum flokka allt sem við hendum og tökum þetta alla leið.

Námskeið um ofurfæðu (superfoods) fer fram 19. og 20. janúar og svo verðum við með hráfæðinámskeið 26. og 27. janúar. Hægt er að skrá sig á himnesk.is.

Opið verður á Gló frá 7:30-9:00 og 11:00-17:00 til að byrja með."

www.glo.is

Það er einlægur ásetningur starfsmanna Rope Yoga setursins að móta heilnæma og friðsæla umgjörð um hug og heilsurækt, þar sem hver einstaklingur upplifir þá kærleiksríku hvatningu og innblástur sem hann þarf til að kynnast sínum innsta kjarna. Skapa andrúmsloft þar sem þátttakandinn vaknar til vitundar, tekur ábyrgð og tileinkar sér eiginleika leiðtogans með heildrænni lífssýn.

Við leggjum áherslu á að rækta hugarástand þakklætis með starfsemi okkar og teljum að með því að laða fram og birta það dýrmæta og fallega í hverjum iðkanda séum við að inna af hendi mikilvæga þjónustu til handa samfélagi okkar allra.

Það sem við sjáum og upplifum er sá raunveruleiki sem við sköpum og ræktum. Reynslan hefur kennt okkur að viljum við breyta aðstæðum þá þurfum við fyrst að breyta eigin viðhorfum og viðmóti. Í þeim einfalda sannleika liggur vissa okkar um virkni Ropeyoga í fegurri og kærleiksríkari heimi.

Lifandi Næring með lífræna næringu og umhverfisvænan varning sem nærir og styður ásetning viðskiptavina. Við leggjum áherslu á náttúruleg efni og  endurvinnslu.