"Trúfesta er heiðarleiki, það er skemmtilegt að segja frá því að Anna tengdamóðir mín sagði eitt sinn að ég væri öfgamaður. Mér fannst það skemmtilegt en bað um nánari skýringu. Þá sagði hún, "þú ert eini maðurinn sem ég þekki sem stendur við allt sem hann segir", það taldi hún skýringu á öfgum, vissulega sagt í gríni.

Trúfestunni er best lýst þannig að maður lofar sér til fulls, maður segir satt. Það má geta þess í þessu samhengi að það að vera agaður þýðir að maður stendur við það sem maður lofar eða segir. Annað sem skiptir máli er að seinni hlutinn af orðinu trúverðugur vísar til heimildarinnar sem við veitum okkur sjálfum. Það er ekki nema við séum verðug sem við leyfum okkur velsæld. Það sem að skiptir máli við fyrri hluta orðsins er orðið trú. Þegar maður trúir þá er maður að treysta, allt sem þú trúir verður.

Heitbindingin er forsendan fyrir því að alheimurinn fái skýr skilaboð um væntingar okkar og markmið. Þegar maður loksins heitbindur sig þá fyrst tekur tilveran okkur alvarlega og fer að vinna með okkur í samræmi við yfirlýstar áætlanir og markmið. Þegar maður stendur síðan við fyrirætlanir sínar, þá er maður að treysta sína eigin tilvist og um leið styrkja sig sem verðugan skapara. Þetta veitir svo heimild til velsældar."

Það tekur aðeins örfáar mínútur að ganga frá skráningu á námskeið. Smelltu hér!"

Við þökkum Sollu kærlega fyrir þessa uppskrift og hvetjum ykkur að skoða fleiri á himnesk.is og koma á Gló í Listhúsi við Engjateig og gæða ykkur á hráfæðiréttum Sollu.

Rope Yoga kerfið er kjörið tækifæri fyrir íþróttafræðinga, líkamsræktar- og sjúkraþjálfara og Hathajógakennara til að auka núverandi þjónustu með Rope Yoga hug- og heilsuræktarkerfinu.

Námskeiðið fer fram í þremur hlutum. Kennd verða undirstöðuatriði Rope Yoga, tækni og heimspeki.

Þátttakendur munu skila heimavinnu, sýna kunnáttu sína og að námskeiðinu loknu útskrifast sem Rope Yoga - GlóMotion kennarar.

Á tímabilinu er 25 tíma mætingaskylda í Rope Yoga Setrið sem aðstoðarkennari.

Nánari upplýsingar hjá Guðna í síma 8436200, skráning á Ropeyogasetrid.is

 

Hunang hefur verið þekkt fyrir lækningamátt sinn í yfir 4000 ár. Í Egyptalandi til forna voru yfir 500 náttúrulyf byggð á hunangi í grunninn. Og hjá Grikkjum var hunang í sérstöku uppáhaldi, það þótti allra meina bót og voru þeir sérstaklega duglegir að nota það útvortis á ýmis húðvandamál og bólur.

Það var líka ómissandi þáttur í grísku eldhúsi, notað bæði í mat og drykk. Nútímarannsóknir sýna að þeir hafa vitað sínu viti því hunang er sagt innihalda bæði vítamín, steinefni, amínósýrur og andoxunarefni sem hafa græðandi áhrif á húðina. Hunang hefur líka verið vinsælt efni í snyrtivörum vegna mýkjandi og græðandi eiginleika þess.

Það er ýmislegt sem notað hefur verið út í hunangið. Má þar m.a. nefna nýkreistan sítrónusafa, eplaedik og kanil.

Vissir þú að...

... hægt er að búa til bólueyði úr hunangi og kanil? Hrærið ½ tsk. af kanil saman við 1 msk. af hunangi, berið á bólurnar fyrir svefninn og skolið morguninn eftir með volgu vatni.

... heimagerðan varasalva er einfalt að búa til? 2 msk. bývax + 2 msk. hunang + 1 msk. kaldpressuð kókosolía.

... það tekur 50 þúsund býflugur eitt ár að framleiða 300 kg af hunangi.

Gangi ykkur sem allra best
Solla

 

"Fyrir þá sem sannarlega vilja breyta lífi sínu, þá er þetta gríðarlega mikilvægt og öflugt námskeið. Það veitir stuðning til þess að breyta hegðun til betri vegar á 6 vikum og lætur engan ósnortinn, líkamlega, andlega og tilfinningalega. Þú mund læra að breyta ferli matar og neyslu, hreyfingar og hugsunar.

Námskeiðið fer fram á þriðjudögum frá kl. 19-22 og fimmtudögum frá kl. 20:15-21:25. Á þriðjudögum eru fyrirlestrar, verkefnavinna og horft á stutt myndbönd til stuðnings fræðslunni og á fimmtudögum er klukkustundar iðkun í Ropeyoga."

Námskeiðið hefst þriðjudagskvöldið 13. apríl og fer fram í Listhúsinu Laugardal næstu sex þriðjudags- og fimmtudagskvöld frá kl. 19.00 til 22.00 (þri) og 20:15-21:25 (fim).

Lestu meira um Orku- og aðhaldsnámskeið á Ropeyogasetrid.is

Skráðu þig núna, smelltu hér!

Hér neðst í fréttabréfinu fyrir neðan áður útgefin fréttabréf er að finna takka sem heitir Share, eða "deila með öðrum" á íslensku. Þegar smellt er á takkann gefst manni kostur á því að deila fréttabréfinu með vinum og fjölskyldu sem nota facebook, twitter og önnur kerfi.

Eins er hægt að smella á tengilinn Áframsenda á sama stað og Share takkinn er, en þá áframsendir maður fréttabréfið með tölvupósti á valda viðtakendur. Hjálpaðu okkur að koma upplýsingum um heilbrigðan lífsstíl á framfæri, þér og þínum til velsældar.

Grunnbúnaður Rope Yoga kerfisins, inniheldur tvær fótalykkjur, tvö handföng og einfalt vogarkerfi fest á klafa til búa til jafnvægistæki sem knúið er orku mannslíkamans. Æfingakerfi, kenningar og DVD diskur fylgja með.

Ekki er mælt með því að fólk borði epli seint á kvöldin rétt fyrir svefninn. Epli framkalla sýrumikla meltingarstarfssemi sem getur leitt til þess að fólk á erfitt með að sofna, það á sérstaklega við um börn.

Það tekur líkamann u.þ.b. 90 mínútur að vinna úr vökva. Því er ekki ráðlegt að drekka mikið magn fyrir svefninn, þú gætir vaknað og þurft að fara á salernið.

Þau sem eiga erfitt með að sofna á kvöldin ættu að athuga hvort koffíndrykkja eða gosdrykkja hafi verið neytt síðustu 3-6 tíma fyrir svefn. Þeir sem eru koffínnæmir ættu að sleppa kaffidrykkjum a.m.k. 6-8 tímum fyrir háttatíma. Gosdrykkja og neysla sykurs er ekki góð fyrir svefninn.

Þau sem taka inn sýklalyf ættu að minnka neyslu á mjólkurvörum, gosi, kaffi og sætindum eins og hægt er. Þessar matvörur fara ekki vel saman í maga með sýklalyfjum og læknar víða erlendis ráða fólki frá því að neyta þeirra við afhendingu lyfseðils. AB mjólk og acidophilus eru hins vegar góð fyrir magaflóruna þegar sýklalyf eru tekin.

Það er einlægur ásetningur starfsmanna Rope Yoga setursins að móta heilnæma og friðsæla umgjörð um hug og heilsurækt, þar sem hver einstaklingur upplifir þá kærleiksríku hvatningu og innblástur sem hann þarf til að kynnast sínum innsta kjarna. Skapa andrúmsloft þar sem þátttakandinn vaknar til vitundar, tekur ábyrgð og tileinkar sér eiginleika leiðtogans með heildrænni lífssýn.

Við leggjum áherslu á að rækta hugarástand þakklætis með starfsemi okkar og teljum að með því að laða fram og birta það dýrmæta og fallega í hverjum iðkanda séum við að inna af hendi mikilvæga þjónustu til handa samfélagi okkar allra.

Það sem við sjáum og upplifum er sá raunveruleiki sem við sköpum og ræktum. Reynslan hefur kennt okkur að viljum við breyta aðstæðum þá þurfum við fyrst að breyta eigin viðhorfum og viðmóti. Í þeim einfalda sannleika liggur vissa okkar um virkni Ropeyoga í fegurri og kærleiksríkari heimi.

Lifandi Næring með lífræna næringu og umhverfisvænan varning sem nærir og styður ásetning viðskiptavina. Við leggjum áherslu á náttúruleg efni og  endurvinnslu.