ᐄᐳᓘ 2017
ᐃᖅᑲᓇᐃᔭᖅᑎᐅᑉ ᐅᓂᒃᑲᐅᓯᖓ ᐃᓕᙵᒃᑐᖃᕐᓂᖓᓄᑦ
ᑭᓱ ᓄᑖᖓᕙ; ᑭᓱ ᐊᓯᔾᔨᖅᓯᒪᕙ

ᐅᖃᐅᓯᐅᓚᐅᖅᑎᓪᓗᒍ ᑕᖅᑭᕆᓚᐅᖅᑕᑎᓐᓂᒃ ᐅᖃᓕᒫᒐᓕᐊᕆᓚᐅᖅᑕᑦᑕ ᐊᑦᑕᓇᖅᑕᐃᓕᒪᓂᕐᒧᑦ ᐋᖅᑭᒃᓯᒪᔪᑦ, ᒫᓐᓇᒫᖑᓂᖅᓴᐅᔪᖅ ᓴᖅᑭᑎᑦᑎᓂᐊᕋᑦᑕ ᓄᑖᖑᓂᖅᓴᒥᒃ ᐃᖅᑲᓇᐃᔭᖅᑎᓄᑦ ᐅᓂᒃᑲᐅᓯᐅᒍᓐᓇᖅᑐᓂᑦ ᐃᖅᑲᓇᐃᔭᕐᕕᐅᑉ ᐃᓗᐊᓂ ᖃᓄᐃᓐᓂᐅᓯᒪᔪᓂᒃ.  ᑐᓴᖅᓯᒪᓕᖅᑲᕗᑦ ᐅᖃᐅᓯᕆᓯᒪᔭᓯ ᐱᔾᔪᑎᓕᒃ ᒫᓐᓇᐅᔪᒥᒃ ᐅᓂᒃᑲᐅᓯᖃᕐᓂᕐᒧᑦ ᐊᑐᖅᑕᐅᕙᑦᑐᖅ ᐊᒻᒪᓗ ᖁᕕᐊᓱᑉᐳᒍᑦ ᓇᓗᓇᐃᖅᓯᔭᕆᐊᔅᓴᖅ ᑕᒪᓐᓇ ᐅᓂᒃᑳᓕᐅᕐᓂᖅ ᐱᒡᒐᓇᙱᓂᖅᓴᐅᖁᓪᓗᒍ ᐃᖅᑲᓇᐃᔭᖅᑎᓄᑦ, ᓴᖅᑭᑎᑦᑎᓯᒪᓕᖅᑯᒍᑦ ᓄᑖᒥᒃ ᐃᖅᑲᓇᐃᔭᖅᑎᓄᑦ ᐅᓂᒃᑳᓕᐅᕐᕕᒃ ᖃᓄᐃᓕᔪᖃᖅᑐᒥᓂᐅᓂᖓᓄᑦ ᓈᕆᒋᐊᓕᒃ ᐸᐃᑉᐹᖅ, ᑖᓐᓇᓗ ᐃᓇᖐᓪᓗᓂ ᒫᓐᓇᐅᔪᒥ ᐊᑐᖅᑕᐅᕙᑦᑐᒥᒃ ᓈᕆᒋᐊᓕᒃ ᐸᐃᑉᐹᒥᐱᕐᕈᓗᐊᕿᔪᒧᑦ ᑎᒥᒃᑯᑦ ᐋᓐᓂᖅᑐᖃᕐᓂᕐᒧᑦ ᓈᕆᒋᐊᓕᒃᑖᓐᓇ ᐊᑦᑕᕐᓇᖅᑐᑦ ᖃᓄᐃᓕᒍᑕᐅᒍᓐᓇᖅᑐᑦ ᓈᕆᒋᐊᓕᒃ; ᐊᒻᒪᓗ ᒫᓐᓇᐅᔪᖅ ᐃᖅᑲᓇᐃᔭᖅᑎᓄᑦ ᐅᓂᒃᑳᓕᐅᕐᕕᒃ ᖃᓄᐃᓕᔪᖃᖅᑐᒥᓂᐅᓂᖓᓄᑦ ᓈᕆᒋᐊᓕᒃ.

ᓱᒻᒪᑦ ᐊᓯᔾᔨᖅᑲ?

ᑕᐃᑲᓂ ᐊᐱᖅᓱᒐᐅᓚᐅᖅᑐᓂ ᐊᕐᕌᓂ:
  • 17% ᐊᐱᖅᓱᒐᕐᓂᑦ ᐃᖅᑲᓇᐃᔭᖅᑎᓄᑦ ᐅᖃᖅᓯᒪᓚᐅᖅᑯᑦ ᒫᓐᓇᐅᔪᖅ ᐊᑐᖅᐸᑦᑕᕗᑦ ᐅᓂᒃᑳᓕᐅᕐᓂᕐᒧᑦ ᓇᓗᓇᒐᓚᒻᒪᑦ ᐅᕝᕙᓘᓐᓃᑦ ᓇᓗᓇᓪᓚᕆᒻᒪᑦ;
  • 57% ᐊᐱᖅᓱᒐᕐᓂᑦ ᐃᖅᑲᓇᐃᔭᖅᑎᓄᑦ ᐅᖃᖅᓯᒪᓚᐅᖅᑯᑦ ᐃᖅᑲᓇᐃᔭᖅᑏᑦ ᖃᐅᔨᒪᙱᓐᓂᕋᖅᑐᑎᓂᒃ ᐱᖃᓯᐅᔾᔭᐅᓯᒪᔭᕆᐊᓕᓐᓂᒃ ᐅᓂᒃᑳᒧᑦ ᑕᒪᒃᑮᓐᓄᒃ ᐱᓇᓲᑎᒧᑦ ᐊᒻᒪᓗ ᐱᔾᔭᐃᖅᓯᒪᓂᕐᒧᑦ ᐃᓂᖏᓐᓂ; ᐊᒻᒪᓗ
  • 56% ᐊᐱᖅᓱᒐᕐᓂᑦ ᐃᖅᑲᓇᐃᔭᖅᑎᓄᑦ ᐅᖃᖅᓯᒪᓚᐅᖅᑯᑦ ᐃᖅᑲᓇᐃᔭᖅᑏᑦ ᐅᖃᖅᑐᑎᒃ ᖃᐅᔨᒪᐸᓗᖕᓂᕋᖅᑐᑎᒃ ᐅᕝᕙᓘᓐᓃᑦ ᖃᐅᔨᒪᙱᓐᓂᕋᖅᑐᑎᒃ ᐱᖃᐅᓯᔾᔭᐅᓯᒪᔭᕆᐊᓕᓐᓂ ᐅᓂᒃᑳᒧᑦ ᐊᑦᑕᓇᖅᑐᑦ ᖃᓄᐃᓕᒍᑕᐅᒍᓐᓇᖅᑐᑦ ᐱᖃᓯᐅᔾᔭᐅᓯᒪᔭᕆᐊᓖᑦ ᑕᐃᑯᖓ ᐊᐅᓚᑦᑎᔨᒻᒪᕆᒃ ᐊᑦᑕᓇᖅᑕᐃᓕᒪᓂᕐᒧᑦ ᐃᖅᑲᓇᐃᔭᖅᑎ.
ᐅᓂᒃᑳᓕᐅᕐᓗᑎᑦ ᐋᓐᓂᖅᑐᖃᖅᑐᒥᓂᐅᑉᐸᑦ ᑕᐃᑰᓇ ᐊᑖᓂ ᐃᖅᑲᓇᐃᔭᖅᑎᓄᑦ ᓇᓪᓕᐅᒃᑯᒫᓕᕆᔩᑦ ᐱᖁᔭᖓ ᑕᐃᑲᓂ ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑐᓂᑦ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐱᔭᐅᓂᐊᖅᑐᓄᑦ ᐱᔨᑦᑎᕈᑏᑦ ᒫᓐᓇᐅᔪᒥ ᐊᑐᖅᑕᐅᕙᑦᑐᓂ ᐃᖅᑲᓇᐃᔭᖅᑎᑦᑎᔪᖅ ᐅᓂᒃᑳᓕᐊᖅ ᐋᓐᓂᖅᑐᖃᖅᑎᓪᓗᒍ ᓈᕆᒋᐊᓕᒃ ᐱᖃᓯᐅᔾᔨᓯᒪᔪᐃᓐᓇᐅᖏᒻᒪᑦ ᐱᔭᐅᔭᕆᐊᓕᓐᓂᒃ ᒪᓕᑦᑐᒍ ᐊᑦᑕᓇᖅᑕᐃᓕᒪᓂᕐᒧᑦ ᐱᖁᔭᖅ ᐊᒻᒪᓗ ᐱᔾᔪᑎᓖᑦ ᐃᖅᑲᓇᐃᔭᕐᕕᒋᔭᒥ ᖃᓄᐃᙱᑦᑎᐊᕋᓱᖕᓂᖅ ᐊᑦᑕᕐᓇᕐᑕᐃᓕᒪᓂᕐᓗ ᒪᓕᒐᐃᑦ. ᒪᓕᑦᑐᒍ ᖃᓄᐃᓐᓂᐅᔪᖅ, ᑐᓴᖅᑎᑦᑎᒍᑏᑦ ᑐᓂᔭᐅᔭᕆᐊᖃᖅᑯᑦ ᐊᐅᓚᑦᑎᔨᒻᒪᕆᒻᒧᑦ ᐊᑦᑕᓇᖅᑕᐃᓕᒪᓂᕐᒧᑦ ᐃᖅᑲᓇᐃᔭᖅᑎᖓᓐᓄ ᐅᓂᒃᑳᖅᓯᒪᓗᑎ ᐱᕐᕈᓗᐊᕿᔪᒧᑦ ᑎᒥᒃᑯᑦ ᐋᓐᓂᖅᑐᖃᕐᓂᕐᒧᑦ ᐅᕝᕙᓘᓐᓃᑦ ᐊᑦᑕᓇᖅᑐᑦ ᖃᓄᐃᓕᒍᑕᐅᒍᓐᓇᖅᑐᑦ.

ᑐᑭᓯᓯᒪᔪᒍᑦ ᑖᓐᓇ ᒫᓐᓇᐅᔪᖅ ᐊᑐᖅᑕᐅᕙᑦᑐᖅ ᐅᓂᒃᑳᓕᐅᕐᓂᕐᒧᑦ ᓇᓗᓇᒐᓚᒋᐊᖓ − ᐊᑲᐅᓈᙱᒻᒪᑦ ᐊᒥᓱᓂᒃ ᑐᓐᓂᖁᑎᖃᕆᐊᖃᕐᓂᕐᒧᑦ ᓈᕆᒋᐊᓕᓐᓂ ᐸᐃᑉᐹᓂᒃ ᒪᕐᕉᓐᓄᒃ ᐃᓃᓐᓄᒃ ᐃᓂᖃᕐᕕᐅᔫᓐᓂ! − ᑕᐃᒪᐃᒻᒪᑦ, ᖃᐅᔨᒐᓱᐊᙱᖔᕐᓗᑕ ᓇᓕᐊᓐᓃᑦᑕᕆᐊᖃᕐᒪᖔᖅ ᐅᓂᒃᑳᓕᐊᖑᔪᖅ, ᓇᓪᓕᐊᓐᓂᒃ ᑐᓐᓂᖁᑎᖃᕆᐊᖃᕐᓂᕐᒥᒃ, ᐊᒻᒪᓗ ᑭᓇᒧᑦ ᐊᐅᓪᓚᖅᑎᑦᑕᕆᐊᖃᕐᒪᖔᖅ, ᑕᐃᒪ ᐊᑕᐅᓰᓐᓇᕐᒥᒃ ᐱᑕᖃᕐᓂᐊᓕᖅᑐᖅ ᑕᒪᐃᓐᓄᓕᒫᖅ ᖃᓄᐃᒍᑕᐅᔪᓄᑦ ᐅᓂᒃᑳᓕᐅᕐᕕᔅᓴᒥᒃ.  ᑕᒪᓐᓇ ᐊᑲᐅᓯᕚᓪᓕᕈᑕᐅᓂᐊᖅᑐᖅ ᐅᓂᒃᑳᓕᐊᖑᔭᕆᐊᖃᖅᐸᑦᑐᓂᒃ ᖃᓄᐃᓕᐅᕆᐊᖃᕐᓃᑦ ᐃᖅᑲᓇᐃᔭᖅᑎᑦᑎᔪᓄᑦ, ᐊᒻᒪᓗ ᑕᒪᓐᓇ ᐃᑲᔪᕐᓂᖃᕐᓂᐊᖅᑐᓂ ᐅᓂᒃᑳᓕᐊᖑᔭᕆᐊᓕᓕᒫᓂᑦ ᐱᖃᓯᐅᔾᔭᐅᔭᕆᐊᓕᓐᓂ.

ᐱᖃᓯᐅᑎᒃᑲᓂᖅᑐᒍ, ᑕᒪᒃᑯᐊ ᖃᓄᐃᓐᓂᐅᔪᒥᓂᐅᒐᓗᐊᑦ ᐱᑕᖃᙱᑎᓪᓗᒋᑦ ᐱᖃᓯᐅᔾᔭᐅᔭᕆᐊᓖᑦ ᐅᕝᕙᓘᓐᓃᑦ ᐊᑦᑕᓇᕐᑐᑦ ᖃᓄᐃᓕᒍᑕᐅᒍᓐᓇᖅᑐᓄᑦ ᐅᓂᒃᑳᓕᐊᑦ ᐱᔪᓐᓃᑎᑦᑎᖃᑦᑕᕐᒪᑕ ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑐᓂᑦ ᐊᒻᒪ ᓇᓪᓕᐅᒃᑯᒫᓕᕆᓂᕐᒧᑦ ᕿᒥᕐᕈᔩᑦ ᖃᐅᔨᓴᐃᓂᕐᒥᒃ ᐃᖅᑲᓇᐃᔭᕐᕕᐅᔪᓂᒃ ᖃᓄᐃᓐᓂᒥᓂᕐᓂ ᐅᕝᕙᓘᓐᓃᑦ ᐊᑦᑐᖅᑕᐅᓯᒪᔪᓄᑦ ᐊᒻᒪᓗ ᑕᒪᓐᓇ ᐱᔪᓐᓃᕈᑕᐅᑐᐃᓐᓇᕆᐊᖃᕐᖓᑦ ᓯᕗᓂᑦᑎᓐᓂ ᓴᐳᔾᔨᓇᓱᐊᕐᓂᕐᒥᒃ ᐋᓐᓂᐊᓂᒃ ᐊᒻᒪᓗ ᐋᓐᓂᕈᑕᐅᔪᓂᑦ ᐃᖅᑲᓇᐃᔭᕐᕕᐅᔪᓂᒃ.


ᐃᖅᑲᓇᐃᔭᕐᕕᒋᔭᖅ ᑐᓐᓂᖁᑎᖃᕆᐊᖃᖅᑯᑦ ᓈᕆᒋᐊᓕᒻᒥᒃ ᓈᕆᔭᐅᓯᒪᔪᒥᒃ ᖃᓄᐃᑦᑐᖃᖅᑐᒥᓂᐅᑉᐸᑦ ᐅᓪᓗᖅ ᐱᖓᓱᑦ ᐃᖅᑲᓇᐃᔭᕐᓇᐃᑦ ᐊᓂᒍᓚᐅᖅᑎᓐᓇᒋᑦ, ᐅᕝᕙᓘᓐᓃᑦ ᐱᕙᓪᓕᐊᓂᖃᕐᓂᐊᖅᑲᑕ ᖃᓄᐃᒍᑎᔅᓴᑲᓐᓂᕐᓂ ᓇᓗᓇᐃᖅᑕᐅᓯᒪᔪᓂᒃ ᐃᖅᑲᓇᐃᔭᖅᑎᓄᑦ ᓇᓪᓕᐅᒃᑯᒫᓕᕆᔩᑦ ᐱᖁᔭᖓᓂᑦ. ᐊᑎ, ᖃᐅᔨᒪᒋᐊᕆᑦ ᐅᓂᒃᑳᓕᐅᕐᓂᐊᕈᕕᑦ ᐱᕐᕈᓗᐊᕿᔪᒧᑦ ᑎᒥᒃᑯᑦ ᐋᓐᓂᖅᑐᖃᕐᓂᕐᒧᑦ ᐅᕝᕙᓘᓐᓃᑦ ᐊᑦᑕᓇᕐᑐᑦ ᖃᓄᐃᒍᓐᓇᕐᓂᖏᑦ, ᐅᖄᓚᔭᕆᐊᖃᖅᑯᑎᑦ ᐊᑐᐃᓐᓇᐅᖏᓐᓇᖅᑐᒧᑦ ᐃᑲᕐᕋᑦ 24 ᖃᓄᐃᑦᑐᖃᖅᑐᒥᓂᕐᓄᑦ ᐅᖄᓚᕕᖓᓄᑦ ᐅᕗᖓ 1-800-661-0792 ᐱᔭᕆᐊᖃᓕᑐᐊᖅᑲᑦ ᐊᒻᒪᓗ ᑖᓐᓇ ᐸᐃᑉᐹᖅ ᓈᕆᒋᐊᓕᒃ ᑐᓐᓂᖅᑯᑎᒋᓗᒍ ᐅᓪᓗ ᐱᖓᓱᑦ ᐃᖅᑲᓇᐃᔭᕐᓇᐃᑦ ᐊᓂᒍᓚᐅᙱᓐᓂᖏᓐᓂ.

ᐊᑲᕐᕆᑲᓐᓂᕐᓂᐊᕋᕕᑦ, ᒫᓐᓇᐅᔪᖅ ᐱᔪᓐᓇᖅᓯᕗᑎᑦ ᐅᓂᒃᑳᓕᐅᕆᐊᖓ ᐃᕐᖐᓇᖅᑕᐅᒃᑯᑦ ᐅᑯᓄᖓ ᑐᕌᕈᑎᓄᑦ:
ᐅᑯᐊᖑᙱᖔᖅᑐᑦ:
  • nwtclaimsservices@wscc.nt.ca ᐊᒻᒪᓗ nuclaimsservices@wscc.nu.ca ᒫᓐᓇᐅᔪᒥ ᐃᖅᑲᓇᐃᔭᕐᕕᒋᔭᖅ ᐅᓂᒃᑳᓕᐅᕐᕕᒃ ᐋᓐᓂᖅᑐᖃᖅᑐᒥᓂᐅᑉᐸᑦ ᓈᕆᒋᐊᓕᒃ ᐸᐃᑉ ᐹᖅ; ᐊᒻᒪᓗ
  • noticetoCSO@wscc.nt.ca ᐊᒻᒪᓗ noticetoCSO@wscc.nu.ca ᐱᕐᕈᓗᐊᕿᔪᒧᑦ ᑎᒥᒃᑯᑦ ᐋᓐᓂᖅᑐᖃᕐᓂᕐᒧᑦ ᐊᒻᒪᓗ ᐊᑦᑕᓇᖅᑐᓄᑦ ᖃᓄᐃᓕᒍᑕᐅᔪᓐᓇᖅᑐᑦ ᓈᕆᒋᐊᓕᒃ ᐸᐃᑉᐹᖅ.
ᑖᓐᓇ ᓄᑖᖅ ᓈᕆᒋᐊᓕᒃ ᓴᖅᑭᖅᑕᐅᒍᒫᕐᓂᐊᖅᑯᖅ ᒪᐃ 2017. ᐃᖅᑲᓇᐃᔭᕐᕕᒋᔭᕐᓄᑦ, ᑖᓐᓇ ᓈᕆᒋᐊᓕᒃ ᐊᑐᐃᓐᓇᐅᓕᖅᑲᑦ, ᐊᐅᓪᓚᖅᑎᑦᑎᓂᐊᖅᑐᒍᑦ ᐃᕐᖐᓇᖅᑕᐅᑦᑯᑦ ᐃᓕᓐᓄᑦ ᑐᕌᕈᑎᖃᖅᑐᒥᒃ ᓄᑖᒧ ᓈᕆᐊᓕᒻᒧᑦ ᐸᐃᑉᐹᒧ, ᐊᒻᒪᓗ ᓇᓗᓇᐃᖅᔭᒃᑲᓂᕐᓗᑕ ᖃᓄᐃᑦᑐᑐᐃᓐᓇᕐᓂᒃ ᐃᕝᕕᑦ ᖃᐅᔨᒪᔭᕆᐊᓕᖏᓐᓂᒃ. ᐅᓪᓗᒥᒨᖓᓕᖅᑎᐸᓪᓕᐊᒻᒥᔭᕗᑦ ᐃᑭᐊᖅᑭᕕᕗᑦ ᒪᓕᓪᓗᒍ ᑖᒃᑯᐊ ᓄᑖᑦ ᓈᕆᒋᐊᓖᑦ ᐅᓂᒃᑳᓕᐅᕐᓂᕐᒧᑦ ᐊᑐᐊᒐᕆᔭᕆᐊᖃᖅᑕᖏᓐᓂ; ᖃᓄᐃᑦᑐᑐᐃᓐᓇᕐᓂᒃ ᖃᐅᔨᒋᐊᕈᑎᔅᓴᓂᒃ ᐱᔾᔪᑎᓕᓐᓂ ᖃᓄᐃᓕᖓᔭᕆᐊᖃᖅᐸᓚᐅᕐᒪᖔᑕ ᐊᑐᐃᓐᓇᐅᒍᓐᓃᓂᐊᕐᖓᑕ ᖃᕋᓴᐅᔭᒃᑯᑦ. ᐱᑕᖃᑐᐊᕈᕕᑦ ᑐᕌᕈᑎᔅᓴᓂᒃ ᐅᕝᕙᓘᓐᓃᑦ ᐸᐃᑉᐹᓂ PDF ᐃᕝᕕᑦ ᖃᕋᓴᐅᔭᖓᓂᑦ ᑐᖅᑯᖅᓯᒪᔭᓐᓂ, ᐊᑎ ᐅᓪᓗᒥᒨᖓᔪᒥᒃ ᐃᓕᓯᖔᕐᓂᐊᖅᑯᑎᑦ ᐃᕝᕕᑦ ᖃᕋᓴᐅᔭᖓᑕ ᑐᖅᑯᕐᕕᖓᓄᑦ.
ᐊᒥᐊᓕᒐᐃᑦ ᐅᐊᖕᓇᖓᓂ ᐃᖅᑲᓇᐃᔭᕐᕕᖕᒥᑦ ᐊᑦᑕᕐᓇᖅᑕᐃᓕᒪᓂᕐᒧᑦ ᖃᓄᐃᙱᑦᑎᐊᕐᓂᕐᒧᓪᓗ ᐱᓇᓱᐊᕈᓯᖓ
ᒪᐃ 7-13, 2017



ᐊᒥᐊᓕᒐᐃᑦ ᐅᐊᖕᓇᖓᓂ ᐃᖅᑲᓇᐃᔭᕐᕕᖕᒥᑦ ᐊᑦᑕᕐᓇᖅᑕᐃᓕᒪᓂᕐᒧᑦ ᖃᓄᐃᙱᑦᑎᐊᕐᓂᕐᒧᓪᓗ  (NAOSH) ᐱᓇᓱᐊᕈᓯᖓ ᐅᕙᓃᑉᐳᖅ ᒪᐃ 7-13, 2017 ᐊᒻᒪᓗ ᖁᕕᐊᓲᑎᖃᑎᖃᕈᒪᕗᒍᑦ ᐃᓕᓐᓂ!

ᐊᒥᐊᓕᒐᐃᑦ ᐅᐊᖕᓇᖓᓂ ᐃᖅᑲᓇᐃᔭᕐᕕᖕᒥᑦ ᐊᑦᑕᕐᓇᖅᑕᐃᓕᒪᓂᕐᒧᑦ ᖃᓄᐃᙱᑦᑎᐊᕐᓂᕐᒧᓪᓗ ᐱᒋᐊᖅᑐᖅ ᔭᓗᓇᐃᕝᒥ

ᐱᖃᑕᐅᒋᑦ ᑲᓇᑕᒥᐅᑦ ᑲᑐᔾᔨᖃᑎᒌᖏᓐᓄᑦ ᐊᑦᑕᕐᓇᖅᑕᐃᓕᒪᓂᕐᒧᑦ ᐅᐊᔭᓕᕆᔩᑦ (CSSE) ᓴᖅᑭᖅᑕᐅᑐᐊᖅᑲᑦ ᐊᒥᐊᓕᒐᐃᑦ ᐅᐊᖕᓇᖓᓂ ᐃᖅᑲᓇᐃᔭᕐᕕᖕᒥᑦ ᐊᑦᑕᕐᓇᖅᑕᐃᓕᒪᓂᕐᒧᑦ ᖃᓄᐃᙱᑦᑎᐊᕐᓂᕐᒧᓪᓗ ᐱᓇᓱᐊᕈᓯᖓ ᖃᓄᐃᓕᐅᕐᓂᐅᓂᐊᖅᑐᑦ ᑕᐃᑲᓂ ᐃᒃᔅᑉᓗᐃᐅᕐ ᑐᔪᕐᒥᕕᒃ ᓇᒡᒐᔾᔭᐅᒥ, ᒪᐃ 9 ᓯᕿᙳᔭᖓ 9:00 ᐅᓪᓛᒃᑯᑦ − 4:45 ᐅᓐᓄᓴᒃᑯᑦ ᐱᒋᐊᕈᑎᖃᕐᓗᓂ ᐅᓪᓛᕈᕐᓂᑕᕐᓂᕐᒥᑦ ᐊᒻᒪᓗ ᐊᑦᑕᓇᖅᑕᐃᓕᒪᓂᕐᒧᑦ ᑲᑎᒪᓂᕐᒥ.  ᐱᖃᑕᐅᒍᒪᒍᕕᑦ, ᐃᕐᖐᕐᓇᖅᑕᐅᑦᑯᑦ ᑎᑎᕋᕐᓗᑎ cssenorthof60@gmail.com.

ᐊᑦᑕᓇᖅᑕᐃᓕᒪᓂᕐᒧᑦ ᑳᐱᕐᓇᖅ (ᔭᓗᓇᐃᕝ, ᕼᐃ ᕆᕗᕐ, ᐊᒻᒪᓗ ᐃᖃᓗᐃᑦ)

ᑕᐃᑲᓃᓐᓂᐊᖅᑐᑦ ᔭᓗᓇᐃᕝ, ᕼᐃ ᕆᕗᕐ, ᐊᒻᒪᓗ ᐃᖃᓗᐃᑦ, ᓇᒃᓴᕐᓂᐊᖅᑐᑕ 15 ᒥᓂᔅᓯᒥᒃ ᐃᑦᑎᕐᕕᐅᔭᑲᓪᓚᒻᒥ ᐅᖃᕐᕕᒋᒍᓐᓇᓂᐊᖅᑕᓐᓂᒃ ᐃᕝᕕᑦ ᐃᖅᑲᓇᐃᔭᕐᕕᖓᓄᑦ! ᑲᑎᓃᑦ ᐱᒋᐊᓛᖅᑐᑦ ᓇᒡᒐᔾᔭᐅᓕᖅᑭ, ᒪᐃ 9 ᑎᑭᓪᓗᒍ ᕿᑎᖅᑰ, ᒪᐃ 11, ᓯᕿᖑᔭᖓ 10:00 ᐅᓪᓛᒃᑯᑦ ᐊᒻᒪᓗ 3:00 ᐅᓐᓄᓴᒃᑯᑦ.  ᐱᓕᕆᖃᑎᒌᑦᑐᑦ ᔭᓗᓇᐃᕝ ᐊᒻᒪᓗ ᐃᖃᓗᐃᑦ ᐊᓪᓚᕝᕕᖏᓐᓂ ᐊᑐᐃᓐᓇᐅᓂᐊᖅᑐᑦ ᐃᓕᓐᓂᒃ ᐳᓛᕆᐊᕆᐊᖓ ᑳᐱᖃᑎᖃᕆᐊᖅᑐᕐᓗᑎ, ᑕᒧᓗᒐᒃᓴᒥᓪᓘᓐᓃᑦ, ᐊᒻᒪᓗ ᓴᖅᑭᔮᖅᑎᒍᒪᔭᓐᓂᒃ ᐃᕝᕕᑦ ᓂᕈᐊᕆᔭᖓᓂᑦ ᓴᖅᑭᔮᖅᑎᑦᑎᓗᑎ, ᑐᕌᒐᖃᖅᑐᓂᑦ ᓇᓪᓕᐊᓐᓂᑐᐃᓐᓇᖅ ᐅᑯᓇᙵᑦ:
  • ᐃᖅᑲᓇᐃᔭᖅᑏᑦ ᐊᑦᑕᓇᖅᑐᓕᕆᓂᕐᒥᑦ ᐊᐅᓚᑦᑎᓂᕐᒧᑦ ᑐᑭᓯᒋᐊᕈᑎᔅᓴᑦ ᐋᖅᑭᒃᓯᒪᓂᖓ 2015
  • ᐃᖅᑲᓇᐃᔭᕐᕕᒻᒥ ᐋᓐᓂᖅᑎᕆᓂᖅ ᐊᒻᒪᓗ ᑕᐸᓱᐊᕈᓘᔭᕐᓂᖅ
  • ᑐᑭᓪᓚᕆᖓ ᐊᔪᙱᓐᓂᖃᖅᑐᑦ ᐊᐅᓚᑦᑎᔩᑦ ᐊᒻᒪᓗ ᐃᖅᑲᓇᐃᔭᖅᑏᑦ
  • ᐅᓗᕆᐊᓇᖅᑐᒥᑦ ᖃᐅᔨᓴᕐᓂᖅ
  • ᖁᐊᔭᕿᑦ, ᐹᓪᓚᒃ, ᐊᒻᒪᓗ ᐃᔪᒃᑲᖅ
  • ᐊᑲᕐᕆᒍᑏᑦ ᓱᓇᒃᑯᑖᑦ
  • ᑲᑕᒃᑕᐃᓕᔾᔪᑏᑦ
  • ᐊᑐᖅᑕᑦ ᐃᓂᒃᓴᑦ
ᐃᓂᒃᓴᓕᐅᕈᒃ ᐱᕕᖃᕐᕕᒋᒍᓐᓇᖅᑕᐃᑦ ᐅᓪᓗᒥ; ᑖᓐᓇ ᐃᓂᖃᕐᕕᐅᔪᖅ ᒪᓕᓐᓂᐊᖅᑯᖅ ᓯᕗᓪᓕᖅᐹᓄᑦ ᐱᒍᒪᔭᐅᔪᓄᑦ. ᐃᕐᖐᕐᓇᖅᑕᐅᒃᑯᑦ ᐅᕗᖓ naosh@wscc.nt.ca ᑐᑭᓯᒋᐊᒃᑲᓐᓂᕈᒪᒍᕕᑦ.

ᐃᓅᕕᒃ

ᐱᖃᑕᐅᒋᑦ ᑖᒃᑯᐊ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᑯᒫᓂᒃ ᖃᐅᔨᓴᖅᑏᑦ ᐱᓕᕆᔨᖃᑎᒌᖏᓐᓂ ᑕᐃᑲᓂ Midnight Sun ᐃᓪᓗᖁᑎᐊᓂ ᐅᓪᓗᖓ, ᒪᐃ 9, ᐅᓪᓛᒃᑯᑦ 8:00 − 10:00 ᐅᓪᓛᒃᑯᑦ ᐅᖃᖃᑎᒌᓐᓂᖃᖅᑎᓪᓗᒋᑦ ᐊᑦᑕᓇᖅᑕᐃᓕᒪᓂᕐᒥᒃ ᐅᓪᓛᕈᕐᒥᑕᖅᓯᓈᕐᓗᑎ!  ᐅᖃᖅᑎᖃᕐᓂᐊᖅᑐᑦ ᐳᓛᕆᐊᖅᓯᒪᔪᒥᒃ ᔨᒻ ᓵᑭᓐᔅ (ᐃᓅᕕᒃ ᖃᑦᑎᕆᔨᒃᑯᑦ), ᑕᐃᕙᑦ ᑰᒥᐊ (ᐃᓅᕕᒃ ᒑᓯᑖᕐᕕᒃ), ᐊᒻᒪᓗ ᓇᑖᓴ ᑯᓕᑰᔅᑭ (ᐃᓅᕕᒃ ᐊᕕᒃᑐᖅᓯᒪᔪᓂᑦ ᐋᓐᓂᐊᕕᒃ), ᖃᐅᔾᔩᑦᑐᒍᒪᔮᙱᑦᑐᑎᑦ ᑖᔅᓱᒥᖓ ᐱᐅᔪᒻᒪᕆᒻᒥᒃ ᐊᑐᐃᓐᓇᐅᑎᑕᐅᔪᒥᒃ! ᐱᖃᑕᐅᒍᒪᒍᕕᑦ, ᐊᑏ ᐅᖃᓛᓗᑎ 867-678-2301.

ᓄᓇᕗᓕᒫᒥᑦ

ᐱᑕᖃᙱᓚᖅ ᓇᓗᓇᐃᖅᑕᐅᓯᒪᔪᒥᒃ ᐃᕝᕕ ᓄᓇᓕᖓᓂᑦ ᖁᓛᓂ ᑎᑎᖅᑕᐅᓯᒪᔪᒥᒃ? ᑲᑉᐱᐊᓱᙱᓪᓗᑎᑦ − ᓱᓕ ᐱᖃᑕᐅᒍᓐᓇᖅᑐᑎᑦ ᐊᒥᐊᓕᒐᐃᑦ ᐅᐊᖕᓇᖓᓂ ᐃᖅᑲᓇᐃᔭᕐᕕᖕᒥᑦ ᐊᑦᑕᕐᓇᖅᑕᐃᓕᒪᓂᕐᒧᑦ ᖃᓄᐃᙱᑦᑎᐊᕐᓂᕐᒧᓪᓗ ᐱᓇᓱᐊᕈᓯᖓ! ᖃᐅᔨᒋᐊᕐᓗᒍ ᐃᑭᐊᖅᑭᕕᕗᑦ ᓇᓗᓇᐃᔭᖅᓯᒪᔪᓂᒃ ᑐᑭᓯᒋᐊᒃᑲᓐᓂᕈᒪᒍᕕᑦ ᑐᓴᐅᒪᖃᑦᑕᐅᑎᓕᕆᕕᑦᑎᓐᓂ ᐊᒻᒪᓗ ᐱᓐᓇᓇᖅᑐᖅ! ᐊᒃᓱᕈᕐᓇᖅᑐᑦ, ᐊᒻᒪᓗ ᓇᕿᓪᓗᒍ CSSE's Employer Challenge.
OHS APP
ᐅᓪᓗᒥ ᖃᕋᓴᐅᔭᒃᑯᑦ ᐱᔪᓐᓇᖅᑕᐃᑦ!

ᑖᒃᑯᐊ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᑯᒫᓂᒃ ᖃᐅᔨᓴᖅᑏᑦ, ᐱᓕᕆᖃᑎᖃᖅᑐᑎᑦ ᑲᓇᑕᒥᐅᑕᓄᑦ ᑎᒥᓕᕆᔩᑦ ᐊᑦᑕᕐᓇᖅᑕᐃᓕᒪᔩᓪᓗ (CCOHS), ᐊᑐᐃᓐᓇᕈᖅᑎᑦᑎᕗᑦ ᓄᑖᒥᒃ ᓇᖕᒥᓂᖃᖃᑕᐅᔪᓄᑦ ᐱᔪᓐᓇᖅᓯᖁᓪᓗᒋᑦ ᐊᑦᑕᓇᖅᑕᐃᓕᒪᓂᕐᒧᑦ ᑐᑭᓯᒋᐊᕈᑎᓂᒃ ᐊᒻᒪᓗ ᐃᑲᔫᑎᔅᓴᓂᒃ!

ᓴᖅᑭᖅᑕᐅᓂᐊᖅᑐᖅ ᐱᓇᓱᐊᕈᓯᐅᓂᐊᖅᑐᒥᒃ, ᑖᓐᓇ ᖃᕋᓴᐅᔭᒃᑰᕈᓐᓇᐅᑎᐊ (ᑕᐃᑲᓃᑦᑐᖅ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᑯᒫᓂᒃ ᖃᐅᔨᓴᖅᑏᑦ ᐃᑭᐊᖅᑭᕕᖓᓐᓂ) ᐃᕝᕕᑦ ᖃᕋᓴᐅᔭᖓᑕ ᐃᓯᕈᓐᓇᐅᑎᖓᒍᑦ ᑐᑭᓯᒋᐊᒃᑲᓐᓂᕈᒪᓐᓂᕈᕕᑦ ᐅᑯᓇᙵᑦ:
  • ᐃᑭᔪᐃᑦᑐᑦ
  • ᐊᑐᖅᑕᑦ ᐃᓂᒃᓴᑦ
  • ᑲᑕᒃᑕᐃᓕᔾᔪᑏᑦ
  • ᐅᓗᕆᐊᓇᖅᑐᒥᑦ ᖃᐅᔨᓴᕐᓂᖅ
  • ᑲᑐᔾᔨᖃᑎᒌᒃᑑᒃᐃᖅᑲᓇᐃᔮᒧᑦ ᐋᓐᓂᐊᖃᖅᑕᐃᓕᒪᓂᖅ ᐊᑦᑕᕐᓇᖅᑕᐃᓕᒪᓂᕐᓗ ᑲᑎᒪᔨᕋᓛᓄᑦ
  • ᓇᖕᒥᓂᖅ ᓴᐳᒻᒥᔾᔪᑎᑦ
  • ᐅᑎᕐᓂᕐᒧᑦ ᐃᖅᑲᓇᐃᔮᒧᑦ
  • ᐊᑦᑕᕐᓇᖅᑕᐃᓕᒪᑎᑦᑎᔨᑦ ᐊᖓᔪᖅᑳᓄᑦ ᐃᓕᓐᓂᐊᖅᑕᐅᔪᒃᓴᑦ
  • ᐃᖏᕐᕋᔪᓕᕆᓂᕐᒥᑦ ᐊᐅᓚᑦᑎᓂᖅ
ᓴᖅᑭᑎᑦᑎᕙᓪᓕᐊᖏᓐᓇᓂᐊᖅᑯᒍᑦ ᓄᑖᒥ ᐅᖃᐅᓯᔅᓴᓂᒃ. ᖃᐅᔨᒋᐊᕐᕕᒋᒃᑲᓂᕐᓂᐊᖅᐸᑎᒍᑦ!

ᑖᓐᓇ ᖃᕋᓴᐅᔭᕐᒨᕈᓐᓇᐅᑎᖓ ᐃᕝᕕ ᐃᒻᒥᓂᒃ ᓂᒪᒍᓐᓇᖅᑕᖓᒍᑦ ᐊᑐᐃᓐᓇᐅᓕᕐᓂᐊᖅᑐᖅ ᖃᕋᓴᐅᔭᕐᓄᑦ ᐃᓕᒍᓐᓇᐅᑎᖓ ᑕᐃᑲᓂ ᔪᓚᐃ 2017. ᐊᐱᖅᑯᑎᔅᓴᖃᕈᕕᑦ, ᐃᓱᒫᓘᑎᖃᕈᕕᓪᓗ, ᐅᕝᕙᓘᓐᓃᑦ ᐅᖃᐅᓯᔅᓴᖃᕈᕕᑦ ᑖᔅᓱᒪ ᖃᕋᓴᐅᔭᒨᕈᓐᓇᐅᑎᐅᑉ ᒥᔅᓵᓄᑦ, ᐊᑏ ᖃᐅᔨᒋᐊᕐᕕᒋᑎᒍᑦ!
ᐊᓪᓚᕝᕕᐅᑉ ᒪᑐᕕᒃᓴᖓ

ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᑯᒫᓂᒃ ᖃᐅᔨᓴᖅᑏᑦ ᐊᓪᓚᕕᖏ ᒪᑐᓲᖑᕗᑦ 5:00 ᐅᓐᓄᓴᒃᑯᑦ ᐅᓪᓗᑐᐃᓐᓇᕐᒥ ᒪᐃ 19 ᕿᑲᕐᓇᐅᓕᖅᑲᑦ ᕕᒃᑑᕆᐊ ᐅᓪᓗᖓᑕ ᐱᓇᓱᐊᕈᓯᐅᑉ ᓄᙳᑯᑖᖓᓂ, ᐊᒻᒪᓗ ᒪᑐᐃᒃᑲᓂᕐᓂᐊᖅᑐᑎᑦ ᒪᐃ 23 ᐅᓪᓛᒃᑯᑦ 8:30.

ᐅᖄᓚᓗᑎᑦ 1-867-661-0792 ᖃᐅᔨᒃᑲᐃᔪᒪᓗᓂ ᐱᓂᕐᓗᑦᑐᖃᖅᐸᑦ ᐅᕙᓗ ᐋᓐᓂᖅᑐᖃᖅᐸᑦ ᐃᖅᑲᓇᐃᔭᕐᕕᒻᒥᑦ.
wscc.nt.ca   /  1.800.661.0792   *   wscc.nu.ca  /  1.877.404.4407