Iidjirurviani 2017
NUTAAQ HAVAKTINUN UQAUDJI

Tamaptavyak ihagiahulimaitugut ikayuqnianik Havaktut' Uqaudjimik, kihimi ihumalutit atuliugvin ihumagihimatumik atuliguvin naglighaaqniqmik havakvikmin aaniagutmik aaniguvinluuniin.  Taimaanginaq ihumaliqtughauyutin tugaaqhimalutim mamitpalianiqmun uvalu nakuuhivaliniqmun, piqaqtutinlu aghuuqnaqtunik titirqanik uvalu havauhighainik maliklugit ilauyut hapkua havaktinut havalimaiqqata nalliqtarvik auladjutait. Ilihimayugut una ayuqnaqniaqtuq.

Havaktitiubluni, pilugit havaktitit ilihimayughat qanugiliuqlutik aaniaqtuqaqat havakvikmi ilaqaqhuni ilauyuq haffumunga havaariyauyunut aannirtailidjutinut qayangnaqtunullu. Aghuuqnaqtuq ilvit havaktititlu ilihimalugit kivgaqtuutit piinagialgit havaktautilugit tughiutinik aaniqnikkut pivikhaanik.

HUNAUVA HAVAKTIT' UQAUDJIA?

Havatit Uqaudjiata Havakvia (WAO) hailinaaqtuq ikayuqlugit aaniqhimayut havaktut uvalu nutagait havaktautilugit tughiutinik aaniqnikkut pivikhaanik.  Havaktit Uqaudjia ilaungituq hapkununga Havaktiit Aanniaqtailinginni Akiliuhirnikkullu Katimayiingit (WSCC)kunun; inmiguuqtut kivgaqtuqtut aaniqhimayunik havaktunik.  Hapkua WAOtkut ikayuqtut hivuliqhuqhugit aaniqhimayut havaktut' haffumuuna Havaktiit Aanniaqtailinginni Akiliuhirnikkullu Katimayiingit havauhiitigut uvalu tunihiblutik ikayuutinik havatautilugit tughiutinik aaniqnikkut pivikhaanik.  Havauhiata qanugilidjutaa ihuigiyaukpat, Havaktit Uqaudjia ikayuqniaqtaa havauhiagut.

TAKUYAQTUQLUGU NUNANGNI HAVAKTIT UQAUDJIA

Yalunaimi: Patrick Scott, Havaktit Uqaudjia

Tikkuaqtauhimayuq hapkunanga Nunatsiap Ministanganit Munahiyuq hapkuninga WSCCtkunik, Nanngagiyauyuq Glen Abernethy, Mr. Patrick Scott havaliqtuq pingahunik hivitunianik uqaudjiuliqtuq aaniqhimayunun havaktinun. Patrick Scott qaihimayuq havaamun Havaktit Uqaudji aalakiinik havaaqaqhimayuq.   Havakpaghunilu nalauhiqiingubluni uvalu tiviikkut hapkunani CBC Northmi,  uqaqatigiikniqmiklu hapkununga GNWTkut ukualu  Dehcho First Nations, uvalu nunalaat pivalianikkut hapkununga Nunaqyuami Tautuktuumiyaaqnikkut Kanatami.   Nunaqaqhuni uvani Nunatsiaqmi avatqumayumik 40nik ukiunik, havaangata tunihimayaa tingmivakhuni tamainun nunalaanun uvani Nunatsiaqmi uvalu amigaitut nunalaat Nunavunmi.  Inmi aipanilu Gabrielle iinik nutagaqaqtuk.

Uvani 2004mi, Patrick utiqtuq ilihaqvikyuamun, ilainaqnik, ayuiqhabluni naunaiyaqnikkut-pihimayunik PH.D. uvani Ilihaqvikyuangani Dundee uvani Scotlandmi, iniqhugu uvani 2010mi.

Havaktiubluni Havaktit Uqaudjimik, Patrick tunihiinangituni naunaiyaqnikkut ayuitaminik, tuhaadjutikkut atuqhimayani, uvalu   ihuaqhainiqmik uqaqatigiikhutik ayuiqhaqtut uvalu atuqtamingnik, kihimi qagidjiyuqlu piqpaguhuutikkut aghuugutini ikayuqlugit aalat.  Tungahuktitiyuq piyaghanik ikayuqlugit havaktut tughiutainik aaniqnikkut.

Iqaluktuuttiaq: Attima Hadlari, Tukliq Havaktinut Uqautjiyi

Attima havakhimagami nalungitait uqaqtiupluni numiktittiuplunilu havaakhaminut taiyumik Tuklik Havaktinut Uqautjiyi. Uqaqatiqaqtaaqtuq Ukiuqtaqtuumiunut tamainnut Inuit uqauhiinnut, Inuinnaqtun Inuktitullu. Uqaqatigiiqarhuni aanniqtumut havaktimut uqautigiyumaayaanut kitumut uqauhirmut, Attima ikayuqpaktuq havaktinik talvuuna WSCC pitquhiitigut nalunariyauyungnarhiyunut.

Havakhuni aallatqiini havakvingni aquiqattaqhunilu humulliqaak Nunavunmi, Attima atuqpaktuq angiqatigiingnirmik pittiarnirmiklu havaqatigiingnirmut. Iniqtirihainnaqhuni hiamitiqtakhaungittuniklu nalungittuni ikayuqpaktuq havaktinut ilavaluinnullu.

KIA HIVAYAQTAAQQAIT HAVAKTINUN UQAUDJI?

Hapkua WAOtkut hailiinaqtut ikayuqlugit tamaita aaniqhimayut havaktit ilaitluuniin hapkununga WSCCtkut tughiutinik.  Ikayuqtighaqainaqtuq atuqtilugu quyaginaq tughiutit havauhiitigut, hivugani iniqtinagu tughiutit titirqat, uvaluuniin pidjutaunahualiqat upautiluni hapkua hivungani Ihivgiuqnikkut Katimayiit uvaluuniin Ihuiguhuknikkut Naalaktit.

AILIQTUGIAQAQA ATUQNIA HAPKUA HAVAKTINUN UQAUDJIMIK KIVGAQTUQNIANIK?

Tamaita kigaqtuutit tuniyauyut hapkununga WAOtkunin pinagialgit akiitumik aaniqhimayumun havaktumun ilaitluuniin.

HUNAUVAT KITUT KIVGAQTUUTIT HAFFUMA HAVAKTINUN UQAUDJIP HAVAAGIVAIT?

Hapkua WAOtkut tunihiyut angiyunik ikayuutikkut kivgaqtuutinik havaktinun aaniqhimayuq uvani Nunatsiaqmi Nunavunmiluuniin, ilauyut:
  • Katitiqhugit kangiqhidjutit hapkunanga WSCCtkut pidjutigiblugit;
     
  • Ikayuqhugit ikayuqtauyumayut tuhaadjutinut hapkununga WSCCtkunun;
     
  • Naunaiyaqhugit hapkua WSCCtkut havauhiit uvalu ihumaliugutait;
     
  • Ihivgiuqhugit naunaitkutaini piumayamingnik, uvalu ihivgiuqhugit hivumut ihivgiugiami piyaghat ikayuutigilugit tughiutaini;
     
  • Ikayuqhugit aaniqhimayut havaktut uplaungaiyaqhugit uvalu tuniblugit tughiutit tamainun WSCCtkunun ihumaliugutikkut-ihumaliuqtut aktilaanginik; uvalu
     
  • Upautipkaqhugit aaniqhimayut aalanun nunalaani kivgaqtuqtunun.
QANIGILIVA AANIQHIMAYUP HAVAKTIP HAVAYAQAGIT HAVAKTUT UQAUDJIA?

Havauhighaa aulagutiyuq aaniqhimayup havaktup ilaitluuniin hivayaqagit hapkua WAOtkut. Una pidjutiqaqniaqtuq quyaginaq qanuginianik tughiutip havauhighaa. Hapkua WAOtkut tughiqniaqtut aadjiliuqhimayumik aaniqhimayup naunaitkutainik hapkunanga WSCCtkunin ihivgiugiangani, uvalu naunaiqagit tughiutit piqaqat nakuuyumik.  Tughiut nakuudjutiqaqat, hapkua WAOtkut hivayaqniaqtaa aaniqhimayuq havaktuq ilitugipkaqlugu havauhigaa. Tunihiniaqtut ikayuutinik uvalu naunaiyaqlugu tugliq atugahaq.

HUMIITPAT HAVAKTIT UQADJIIT HAVAKVIITA NAYUGAIT?

Hapkua WAOtkut nayugaat uvani Yalunaimi, kivgaqtuqlugit Nunatsiaqmiut, uvalu Iqaluktuuttiami (ıkaluktutiak), kivgaqtuqlugit Nunavunmiun.

KANGIQHITIAGUMAVIN?

Kangiqhitiagumaguvin haffuma mighaagun WAOtkut uvalu kivaqtuutinik tunihiyainik, pulaaqlugu www.workersadvisor.ca uvaluuniin hivayaqlugit uvani:

Yalunaimi, NT
Hivayautaa: 867-444-0051
Kayumiktukkut: 867-873-5477

Iqaluktuutiaq, NU
Hivayautaa: 867-979-5303
Kayumiktukkut: 867-983-2187
Akiitukut: 1-866-727-3830
Qagitauyakkut: deputyadvisor@workersadvisor.ca
NUNAQYUAMI RSI KANGIQHIPKAIDJUTIGHAQ UBLUQ
Iidjirurviani 28, 2017



Aaniffaagutit pidjutauyut qakugungugaangat uvalu havakhimaaqhuni uvalu aghut havaangatigut aaniqnikkut ihumaalutit tamainun nunaqyuami. Kanatami avaliitumi, 2.3 miliat Kanatami iningnigitanglighaaqtut aaniqgffaaqhutik attautini ukiuni, hapkunuunalu aaniqnikkut pittailidjutiqagaluaqhutik.

Nunaqyuami Aaniffaqtu (RSI) Kangiqhipkaidjutaa Ublua atuqtauyuq ukiuni kingungani Iidjirurvia. Katimaqatigiluta ilitagilugu #RSIUblua uvani ukiumi Aippiut, Iidjirurvia 28, uvalu qungiaqlugu una uvagut Qayangnautikkut Qungiaqvik ilitugiyaangni qanuq aaniqtailinikkut. Havakta attautimut unguvaqlugu RSI qayangnautit aanigutautinagit uvalu havaguiqhimanikkut havaamit.
Akiituq  AANIQTUQQAQAT MUNAQHIDJUTINUN
ILALIUTIHIMAYUT ILIHAUTIT TADJA PIINAGIALAQIYUT

Quana ayuiqhagumagavin uvnai malgukni-ublukni Aaniqtuqaqnikkut Munaqhidjutinik ilihaidjutinik! Pidjutigiblugu ayuiqhagumayut amigaitut, aulahimaaqtugut tunihiluta ilayughanik ilihaidjutinik uvalu amigaiqyuumilugu uvagut ihagutikput uvani ukiumi.

Ilihaidjutit hivumuuqniaqtut pihimalugit atagahait piqaqtuq ikinighaq tualunik atiliuqtughanik attautinut ilihaidjutinun(amigainighaq ilihaidjutit amigainia 16-18 atiliuqtut, qanuginiatigut ilihaqviani aktilaanga).  Atiliugiangni naqaitlugu hamani titiraqhimayunik nunalaanik uvalu naqitlugu nunalaaq ihumagiyat. Maliklugit atugahat iniqtigiangani atiliugiangni.

Piqangituq akiligahamik ilauyumayunun ilihaqlutik ilihaidjutini.  Ilihaqtut munagiyaghait inmi akiit tingmidjutitik ilihaqtut nauyugaanun.

Ilihimalugit hapkua:
  • Ikinighaa tualut naangitpata, hivayaqniaqaffi taimaaqlugu uvaluuniin nuutiqtaukpat.
     
  • Ilihaqtughat tatatpata, maliklugit maligahat ilauyaangni nutaqiuqutnun. Ilitugipkaqniaqaffi inighanikpat.
     
  • Naahimakpata ilihaqtughat nutaqiuqtut, ihumaliuqniaqtugut ilalugit ilihaidjutighat uvalu ubluinik nunalaaqni.
Kangiqhitiagumaguvin, uvaluuniin atiliugumaguvin hivayautikkut, hivayaqluta uvani 1-800-661-0792 uvalu apighuutigilugu Aaniqtuaqaqat Munagidjutikkut Ilihaqniq.
PIKSASULIUKHIMAYUNIK TAKHINAHUARUTIKHAT 2017
AANNIQTAILINIKKUQTUNIK



Pidjutigiplugu Kanatamiut Havagviani talvuuna Aanniaqtailiniqinirmut Aanniqtailiqinirmutlu (Occupational Health and Safety) (CCOHS), WSCC uuktuqtitiniarmiyut aipparurangat piksasuliukhimayunik takhinahuarutikhat angayukhiit iliharviani ilihaqtunut talvani Nunatsiarmi Nunavunmillu. WSCC-kut atannguyait munaritai aviktuqniani takhinahuanik tuyutiginatik takhiyumik piksasuliukhimayumik uvunga Aanniaqtailiniqinirmut Aanniqtailiqinirmutlu (Occupational Health and Safety) (CCOHS), nunaryuamit takhinahuaktukhanut.

Tadja 5thhitamanik ukiunga, takhinahuaqtukhat angmayuq tamainut Angayukhiit iliharviani ilihaqtunut puqtuniat 9mit 12mut, umani ukiungani pidjutiginiaqtat Aanniqtailinikkut (#FocusOnSafety). Akimayut piksasuuliuktat akimaniaktuq imatut $1000 taktakhamik, allamiklu $1000 tuniyauhunguyuq akimayup iliharvianut. Tamaita uuktuqqatigiiktut piqariaqaqtut pigiaqtitiyikhamingnik ilihaiyimik iliharvingmingnit munaqtigiyamingnik ikayuqtiuyumiklu uuktuqqatigiiktunik.

Piksasuliukhimayut havagvingmi aanniqtailitikhamik pidjutiqaqtukhat, piksaliuktait tuhaqtitiyumayatlu angmayuq ihumagiyarnik atuinariaqaqtutit. Pinguaqtunikluunniit, ingutanguaqtihimayuniklu, nutqaqtittakhimayunik piksasuliukhimayuniklu, atuutiqaqtuniklu piksaliukhimayunik, tamita ihumagiyahi atuinariaqaqtahi. Ilingnik apirilutit qanuqtut havaktit havaktiqaqtutlu ikayurniaraluaqqat aanniqnaitumik havagvikhamik tamainut.

Tuyugvikharhi taimagvikha 2017 #FocusOnSafety takhinahuaqtukhanut Qitiqqautiyuq 1st, 11:59 qitiqurnakhikpat MST.

Naunaikhittiarumaguvit, ilainiklu maliktakhanik maliruagakhat, Qanuqtut tuyuutikharnik uuktuutikharnik, allaniklu, takulugu una video contest page here.
APIQHUUTIQAQQIHI?

Apiqhuutiqaguffi ihumagiyainiklu uvaptingnun, tuyuqlutin uvaptingnun qaritauyakkut uvani info@wscc.nt.ca uvaniiluuniit info@wscc.nu.ca.
wscc.nt.ca   /  1.800.661.0792   *   wscc.nu.ca  /  1.877.404.4407