 |
 |
 |
|
ᐃᖅᑲᓇᐃᔭᖅᑎᓄᑦ ᐅᖃᐅᔾᔨᒋᐊᖅᑎᙳᓵᖅᑐᖅ
ᖃᔅᓯᑲᓪᓛᓗᒃᑎᒍᑦ ᐃᖅᑲᓇᐃᔭᖅᑎᒧᑦ ᐅᖃᐅᔾᔨᒋᐊᖅᑎᒥᒃ ᐃᑲᔪᖅᑕᐅᓚᐅᖅᓯᒪᙱᒃᑲᓗᐊᕐᓗᑕ ᓱᖁᑕᐅᙱᑦᑎᐊᖅᑐᖅ, ᑭᓯᐊᓂ ᑕᐅᑐᙳᐊᕐᓗᒍ ᓴᓇᓗᓂ ᐅᒡᒍᐊᕐᓇᖅᑐᒧᐊᑳᓪᓚᒡᓗᓂ ᐃᖅᑲᓇᐃᔭᕐᕕᖕᒥ ᐋᓐᓂᐊᖅᑖᕐᓗᓂ ᐅᕝᕙᓘᓐᓃᑦ ᐋᓐᓂᕐᓗᓂ. ᐋᓐᓂᐊᖅᑖᓚᐅᖅᑎᓪᓗᑎᑦ ᐋᓐᓂᓚᐅᖅᑎᓪᓗᑎᓪᓘᓐᓃᑦ ᒪᒥᑦᑎᑐᐃᓐᓇᓕᕐᓗᑎᑦ ᑕᐃᒪᓐᓇᑐᐃᓐᓇᐅᓇᔭᙱᒻᒪᑦ, ᐸᐃᐹᓂᒃ ᑕᑕᑎᕆᑲᑕᒋᐊᖃᕋᔭᖅᐳᑎᑦ ᐱᓕᕆᐊᖑᐊᓂᒃᓯᒪᓗᑎᒡᓗ ᓇᓪᓕᐅᒃᑯᒫᓕᕆᔨᓂᒃ. ᖃᐅᔨᒪᔪᒍᑦ ᐅᑕᖅᑭᙳᓇᕈᓐᓇᕐᓂᖓᓂᒃ.
ᐃᖅᑲᓇᐃᔭᖅᑎᑦᑎᔨᐅᑎᓪᓗᑕ, ᓴᓇᔨᑎᑦ ᖃᐅᔨᒪᖁᕙᕗᑦ ᖃᓄᐃᓕᐅᕆᐊᖃᕋᔭᕐᒪᖔᑕ ᐃᖅᑲᓇᐃᔭᕐᕕᖕᒥ ᐱᕐᕈᓗᐊᕿᓐᓂᖅᐸᑕ ᐃᓚᒋᔭᐅᓪᓚᕆᖕᒪᑦ ᐃᖅᑲᓇᐃᔭᕐᕕᖕᓂ ᐋᓐᓂᐊᖃᕐᓇᙱᑦᑐᓕᕆᖕᓂᕐᒧᑦ ᐊᑦᑕᕐᓇᖅᑕᐃᓕᒪᓂᕐᒧᓪᓗ. ᐱᒻᒪᕆᐅᖕᒪᑦ ᐃᓕᔅᓯ ᐃᖅᑲᓇᐃᔭᖅᑎᓯᓗ ᖃᐅᔨᒪᔭᕆᐊᖃᕐᓂᔅᓯᓐᓂ ᑭᓱᑦ ᐱᔨᑦᑎᕋᐅᑎᑦ ᐊᑐᐃᓐᓇᐅᓲᖑᖕᒪᖔᑕ ᑮᓇᐅᔭᑎᒍᑦ ᐃᑲᔪᖅᑕᐅᔭᕆᐊᖃᖅᑐᖃᖅᑎᓪᓗᒍ. ᑭᓲᖕᒪᑦ ᐃᖅᑲᓇᐃᔭᖅᑎᓄᑦ ᐅᖃᐅᔾᔨᒋᐊᖅᑎ?
ᐃᖅᑲᓇᐃᔭᖅᑎᓄᑦ ᐅᖃᐅᔾᔨᒋᐊᖅᑎᑉ ᑎᑎᕋᕐᕕᐊ (WOA) ᐊᑐᐃᓐᓇᐅᕗᖅ ᐃᑲᔪᕈᓐᓇᖅᖢᑎᒃ ᐋᓐᓂᖅᓯᒪᔪᓂᒃ ᐃᖅᑲᓇᐃᔭᖅᑎᓂᒃ ᖃᑕᙳᑎᖏᓐᓂᒡᓗ ᑮᓇᐅᔭᑎᒍᑦ ᐃᑲᔪᖅᑕᐅᔾᔪᑎᒃᓴᖏᑦ ᐱᓕᕆᐊᖑᑎᓪᓗᒋᑦ. ᐃᖅᑲᓇᐃᔭᖅᑎᑦ ᐅᖃᐅᔾᔨᒋᐊᖅᑎᖓ ᐃᓚᒋᔭᐅᙱᑦᑐᖅ ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᓄᑦ; ᐃᓛᒃᑰᖅᖢᑎᒃ ᐱᓕᕆᔨᐅᕗᑦ ᐱᔨᑦᑎᕋᖅᐸᒃᖢᑎᒃᐋᓐᓂᖅᓯᒪᔪᓂᒃ ᐃᖅᑲᓇᐃᔭᖅᑎᓂᒃ. ᐃᖅᑲᓇᐃᔭᖅᑎᓄᑦ ᐅᖃᐅᔾᔨᒋᐊᖅᑎᑦ ᐃᑲᔪᓲᖑᕗᑦ ᐋᓐᓂᖅᓯᒪᔪᓂᒃ ᓴᓇᔨᓂᒃ ᐃᖅᑲᓇᐃᔭᖅᑎᓄᑦ ᓇᓪᓕᐅᒃᑯᒫᓕᕆᔨᒃᑯᑦ ᐱᓕᕆᔾᔪᓯᖏᑦᑎᒍᑦ ᐃᑲᔪᖅᓱᐃᕙᒃᖢᑎᒡᓗ ᑮᓇᐅᔭᑎᒍᑦ ᐃᑲᔪᖅᑕᐅᔾᔪᑎᑦ ᐱᓕᕆᐊᖑᑎᓪᓗᒋᑦ. ᐱᓕᕆᐊᖑᔪᖅ ᐱᓕᕆᐊᖑᖁᔭᐅᒃᑲᓐᓂᖅᐸᑦ, ᐃᖅᑲᓇᐃᔭᖅᑎᓄᑦ ᐅᖃᐅᔾᔨᒋᐊᖅᑎ ᐃᑲᔪᖃᑕᐅᔪᓐᓇᕐᒥᔪᖅ ᐱᓕᕆᐊᖑᖁᔭᐅᒃᑲᓐᓂᖅᑐᓂᒃ.
ᓄᓇᔅᓯᓐᓂ ᐃᖅᑲᓇᐃᔭᖅᑎᓄᑦ ᐅᖃᐅᔾᔨᒋᐊᖅᑎ ᐅᐸᒐᒃᓴᐅᔪᑦ
ᔭᓗᓇᐃᒥ − ᐹᑦᕆᒃ ᔅᑳᑦ, ᐃᖅᑲᓇᐃᔭᖅᑎᓄᑦ ᐅᖃᐅᔾᔨᒋᐊᖅᑎ
ᑎᓕᔭᐅᓯᒪᓪᓗᓂ ᓄᓇᑦᓯᐊᒥ ᐃᖅᑲᓇᐃᔭᖅᑎᓄᑦ ᓇᓪᓕᐅᒃᑯᒫᓕᕆᔨᑦ ᒥᓂᔅᑕᖓᓐᓄᑦ, ᒪᓕᒐᓕᐅᖅᑎ ᒐᓚᓐ ᐋᐳᓇᑎ, ᐹᑦᕆᒃ ᔅᑳᑦ ᐱᒋᐊᖅᓯᒪᔪᖅ ᐅᑭᐅᓄᑦ ᐱᖓᓱᓄᑦ ᐅᖃᐅᔾᔨᒋᐊᖅᑎᐅᓂᐊᕐᓂᕐᒥᓄᑦ ᐋᓐᓂᖅᓯᒪᔪᓄᑦ ᓴᓇᔨᓄᑦ. ᐹᑦᕆᒃ ᔅᑳᑦ ᐃᖅᑲᓇᐃᔭᖅᑎᓄᑦ ᐅᖃᐅᔾᔨᒋᐊᖅᑎᑖᕆᔭᐅᓚᐅᖅᐳᖅ ᑭᖑᓂᖔᑦᑎᓐᓂ ᖃᓄᐃᓕᐅᕈᓘᔭᖃᑦᑕᖅᓯᒪᓂᑰᓪᓗᓂ. ᓰᕖᓰ ᓈᓚᐅᑎᒃᑯᑦ ᐊᒻᒪ ᑕᓚᕖᓴᒃᑯᑦ ᐅᖃᓪᓚᒃᑎᐅᖃᑦᑕᕐᓂᑰᓪᓗᓂ, ᐋᔩᖃᑎᖃᖃᑦᑕᕐᓂᑰᓪᓗᓂᓗ ᒐᕙᒪᒃᑯᑦ ᓄᓇᑦᓯᐊᒥ ᐊᒻᒪ Dehco ᐊᓪᓚᐃᑦ ᓄᓇᖃᖅᑳᖅᓯᒪᔪᓂᒃ, ᓄᓇᓕᖕᓂ ᐱᕙᓪᓕᐊᔪᓕᕆᔭᐅᖃᑦᑕᖅᓯᒪᓪᓗᓂ ᓄᓇᕐᔪᐊᕐᒥ ᑕᐅᑐᖅᑰᖅᑕᐅᔪᓂᒃ ᑲᓇᑕᒥ. ᓄᓇᑦᓯᐊᒥ ᓄᓇᖃᕐᓂᑰᓪᓗᓂ 40 ᐅᑭᐅᑦ ᐅᖓᑖᓄᑦ, ᐱᓕᕆᐊᒃᓴᖏᓐᓄᑦ ᓄᓇᑦᓯᐊᒥ ᓄᓇᓕᓕᒫᑦᑎᐊᑦ ᐅᐸᒃᓯᒪᔭᐃᓐᓇᕆᓕᖅᖢᓂᒋᑦ ᐊᒻᒪ ᓄᓇᕘᒥ ᖃᔅᓯᑲᓪᓛᓗᐃᑦ ᓄᓇᓖᑦ ᐅᐸᒃᓯᒪᓕᖅᖢᓂᒋᑦ. ᓄᓕᐊᕇᒃ ᕿᑐᕐᖓᖃᖅᑑᒃ 8−ᓂᒃ.
2004-ᖑᑎᓪᓗᒍ, ᐹᑦᕆᒃ ᓯᓚᑦᑐᖅᓴᕐᕕᒡᔪᐊᕐᒥ ᐃᓕᓐᓂᐊᒃᑲᓐᓂᓕᓚᐅᖅᓯᒪᕗᖅ, ᐅᓪᓘᑉ ᐃᓚᐃᓐᓇᖓᓂ, ᐃᓕᓐᓂᐊᖃᑕᐅᓪᓗᓂ Ph.D. Dundee ᓯᓚᑦᑐᖅᓴᕐᕕᒡᔪᐊᖅ ᔅᑳᑦᓚᓐ−ᒥ, ᐃᓕᓐᓂᐊᖅᑕᒥᓂᒃ ᐊᓂᒍᐃᓪᓗᓂ 2010−ᖑᑎᓪᓗᒍ.
ᐃᖅᑲᓇᐃᔭᖅᑎᓄᑦ ᐅᖃᐅᔾᔨᒋᐊᖅᑎᐅᑎᓪᓗᒍ, ᐹᑦᕆᒃ ᖃᐅᔨᓴᕈᓐᓇᕐᓂᓂ ᖃᐅᔨᒪᔭᑐᐊᕆᙱᑖ, ᑐᓴᐅᒪᔪᓕᕆᔪᓐᓇᑦᑎᐊᖅᑐᖅ, ᐊᒻᒪ ᐊᖏᖃᑎᒌᒃᑎᑦᑎᓇᓱᖕᓂᕐᒧᑦ ᐊᒻᒪ ᐋᔩᖃᑎᒌᒃᑎᑦᑎᓂᕐᒧᑦ ᐊᔪᕈᓐᓃᖅᓴᖃᑦᑕᖅᓯᒪᓪᓗᓂ ᐱᓕᕆᖃᑕᐅᖃᑦᑕᖅᓯᒪᓪᓗᓂᓗ, ᐃᑲᔪᖅᓱᐃᑦᑎᐊᕈᓐᓇᕐᒥᔪᖅ ᐃᓅᖃᑎᒥᓂᒃ. ᑐᙵᓱᒃᑎᑦᑎᑦᑎᐊᓲᖅ ᓴᓇᔨᓂᒃ ᐃᑲᔪᖅᖢᓂᒋᑦ ᑮᓇᐅᔭᑎᒍᑦ ᐃᑲᔫᓯᐊᖅᑖᕋᓱᒃᑎᓪᓗᒋᑦ.
ᐃᖃᓗᒃᑑᑦᑎᐊᖅ−ᐊᑦᑎᒪ ᕼᐋᑦᓚᕆ, ᑐᓪᓕᐊ ᐃᖅᑲᓇᐃᔭᖅᑏᑦ ᐅᖃᐅᔾᔨᒋᐊᖅᑎᖓ
ᐊᑦᑎᒪ ᑐᓵᔨᐅᓂᕐᒧᑦ ᑐᑭᓕᐅᕆᔨᐅᓂᕐᒧᓪᓗ ᐃᖅᑲᓇᐃᔭᖃᑦᑕᖅᓯᒪᓪᓗᓂ ᑕᕗᖓ ᐃᖅᑲᓇᐃᔮᒥᓄᑦ ᐃᓕᓂᐊᖅᑐᖅ ᑐᓪᓕᐊ ᐃᖅᑲᓇᐃᔭᖅᑏᑦ ᐅᖃᐅᔾᔨᒋᐊᖅᑎᖓ. ᐅᖃᖃᑎᖃᕈᓐᓇᖅᑐᖅ ᐅᑭᐅᖅᑕᖅᑐᒥᐅᑦ ᓄᓇᕗᒻᒥᑦ ᐃᓄᐃᑦ ᐅᖃᐅᓯᖏᑦᑎᒍᑦ ᐊᔾᔨᒌᙱᑦᑑᒐᓗᐊᖅᑎᓪᓗᒋᑦ, ᐃᓄᐃᓐᓇᖅᑐᓪᓗ ᐃᓄᒃᑎᑐᓪᓗ. ᐅᖃᖃᑎᖃᕈᓐᓇᕐᓗᑎᑦ ᐋᓐᓂᖅᑐᒥᓃᑦ ᐃᖅᑲᓇᐃᔭᖅᑏᑦ ᐅᖃᐅᓯᕐᒥᓂ ᐊᑐᕈᒪᔭᕐᒥᓂᑦ ᐊᑐᕐᓗᑎᑦ, ᐊᑦᑎᒪ ᐃᑲᔪᖃᑦᑕᖅᑐᖅ ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑐᓂᑦ ᐊᒻᒪ ᓇᓪᓕᐅᒃᑯᒫᓂᑦ ᖃᐅᔨᓴᖅᑏᑦ ᐱᕙᓪᓕᐊᑎᓪᓗᒋᑦ ᐱᓕᕆᐊᔾᔪᓯᖏᑎᒍᑦ ᑖᒃᑯᓄᖓ ᐃᓄᓐᓄᑦ ᑐᑭᓯᐅᒪᔭᐅᑦᑎᐊᖏᑉᐸᑕ.
ᐱᓕᕆᐊᖃᑦᑕᖅᑐᖅ ᐊᔾᔨᒌᙱᑦᑐᓂᑦ ᑲᑎᒪᕕᐅᔪᓂᑦ ᐊᒻᒪ ᓄᓇᕗᒻᒥᑦ ᓇᒧᑐᐃᓐᓇᖅ ᓄᓇᓕᖏᓐᓅᖃᑦᑕᖅᑐᖅ, ᐊᑦᑎᒪ ᐱᓕᕆᑎᓪᓗᒍ ᐃᑲᔪᖃᑎᒌᓐᓂᒃᑯᑦ ᐊᒻᒪ ᑲᒪᑦᑎᐊᓂᒃᑯᑦ ᐃᖅᑲᓇᐃᔭᖅᑎᐅᖃᑎᒌᓐᓂᕐᒥᑦ ᐱᓇᓱᐊᖃᑦᑕᖅᑐᖅ. ᑭᖑᕙᖅᓯᒪᙱᑦᑐᓂᑦ ᐊᒻᒪ ᒪᐅᖓᑐᐃᓐᓇᖅ ᑐᓴᖅᑕᐅᔭᕆᐊᖃᙱᑦᑐᓂᑦ ᐱᔨᑦᑎᕈᓐᓇᖅᑐᖅ ᐃᓚᒌᓄᓪᓗ.
ᑭᒃᑯᑦ ᖃᐅᔨᒋᐊᕈᓐᓇᖅᐸᑦ ᐃᖅᑲᓇᐃᔭᖅᑎᓄᑦ ᐅᖃᐅᔾᔨᒋᐊᖅᑎᓄᑦ?
ᐃᖅᑲᓇᐃᔭᖅᑎᓄᑦ ᐅᖃᐅᔾᔨᒋᐊᖅᑎᑉ ᑎᑎᕋᕐᕕᐊ ᐊᑐᐃᓐᓇᐅᕗᖅ ᐃᑲᔪᕈᓐᓇᖅᖢᑎᒃ ᓴᓇᔨᓂᒃ ᐋᓐᓂᖅᑐᓕᒫᓂᒃ ᐅᕝᕙᓘᓐᓃᑦ ᖃᑕᙳᑎᖏᓐᓂᒃ ᐃᖅᑲᓇᐃᔭᖅᑎᓄᑦ ᓇᓪᓕᐅᒃᑯᒫᓂᒃ ᑮᓇᐅᔭᑎᒍᑦ ᐃᑲᔪᖅᑕᐅᔾᔪᑎᓂᒃ. ᐃᑲᔪᖅᑕᐅᔪᓐᓇᖅᐳᑦ ᑮᓇᐅᔭᑎᒍᑦ ᐃᑲᔪᖅᑕᐅᓇᓱᒃᑐᓂᒃ ᓇᓗᓕᖅᑐᖃᕌᖓᑦ, ᑕᑕᑎᕆᐊᓖᑦ ᐱᐊᓂᒃᑕᐅᓚᐅᙱᑎᓪᓗᒋᑦ, ᐅᕝᕙᓘᓐᓃᑦ ᐅᐸᒍᑎᔭᕆᐊᖃᕐᓂᖅᐸᑦ ᕿᒥᕐᕈᔨᑦ ᑲᑎᒪᔨᕋᓛᓄᑦ ᐅᕝᕙᓘᓐᓃᑦ ᐱᓕᕆᒃᑲᓐᓂᖅᑎᑦᑎᒃᐸᑦ ᓯᕐᓈᖅᑎᑦ ᑲᑎᒪᔨᓄᑦ.
ᐊᑭᖃᖅᐸ ᐃᖅᑲᓇᐃᔭᖅᑎᓄᑦ ᐅᖃᐅᔾᔨᒋᐊᖅᑎᓂᒃ ᐱᔨᑦᑎᖅᑕᐅᔪᒪᓪᓗᓂ?
ᐃᖅᑲᓇᐃᔭᖅᑎᓂᒃ ᐅᖃᐅᔾᔨᒋᐊᖅᑎᑉ ᑎᑎᕋᕐᕕᐊᓂ ᐱᔨᑦᑎᕋᕈᑕᐅᔪᓕᒫᑦ ᐊᑭᖃᙱᑦᑐᑦ ᓴᓇᔨᓄᑦ ᐋᓐᓂᖅᓯᒪᔪᓄᑦ ᐅᕝᕙᓘᓐᓃᑦ ᖃᑕᙳᑎᖏᓐᓄᑦ.
ᖃᓄᖅ ᐃᖅᑲᓇᐃᔭᖅᑎᓄᑦ ᐋᓐᓂᖅᓯᒪᔪᓄᑦ ᐅᖃᐅᔾᔨᒋᐊᖅᑎᑦ ᐱᔨᑦᑎᕋᓪᓗᐊᑕᓲᖑᕙᑦ?
ᐃᖅᑲᓇᐃᔭᖅᑎᓂᒃ ᐅᖃᐅᔾᔨᒋᐊᖅᑎᑉ ᑎᑎᕋᕐᕕᐊᓂ ᐊᑐᐃᓐᓇᕈᖅᑎᑦᑎᓲᖑᕗᑦ ᐊᔾᔨᒌᙱᑦᑐᓂᒃ ᐃᑲᔪᖅᓱᐃᔾᔪᑎᓂᒃ ᓴᓇᔨᓄᑦ ᐋᓐᓂᖅᓯᒪᔪᓄᑦ ᓄᓇᑦᓯᐊᒥ ᐅᕝᕙᓘᓐᓃᑦ ᓄᓇᕗᒻᒥ, ᐅᑯᐊ ᐃᓚᓕᐅᑎᓪᓗᒋᑦ:
- ᖃᓄᐃᑉᐸᓪᓕᐊᔪᓂᒃ ᑐᓴᕐᕕᒋᕙᒃᖢᒋᑦ ᐃᖅᑲᓇᐃᔭᖅᑎᓄᑦ ᓇᓪᓕᐅᒃᑯᒫᓕᕆᔨᑦ ᐋᓐᓂᖅᓯᒪᔪᑦ ᑭᒡᒐᖅᑐᖅᖢᒋᑦ;
- ᐃᑲᔪᖅᑕᐅᔭᕆᐊᓕᑦ ᐃᑲᔪᖅᐸᒃᖢᒋᑦ ᑐᓴᐅᒪᖃᑎᒌᒃᑎᖦᖢᒋᑦ ᐃᖅᑲᓇᐃᔭᖅᑎᓄᑦ ᓇᓪᓕᐅᒃᑯᒫᓕᕆᔨᓄᑦ;
- ᐃᖅᑲᓇᐃᔭᖅᑎᓄᑦ ᓇᓪᓕᐅᒃᑯᒫᓕᕆᔨᑦ ᐱᓕᕆᔾᔪᓯᖓᓐᓂᒃ ᐃᓱᒪᓕᐊᕆᕙᒃᑕᖏᓐᓂᒡᓗ ᑐᑭᓯᑎᑉᐸᒃᖢᒋᑦ;
- ᕿᒥᕐᕈᕙᒃᖢᒋᑦ ᑎᑎᕋᖅᑕᐅᓯᒪᔪᑦ ᖃᓄᐃᑦᑑᖕᒪᖔᑕ, ᖃᐅᔨᕝᕕᒋᓗᐊᒃᑲᓐᓂᖅᐸᒃᖢᒋᓪᓗ ᐱᔾᔪᑎᒋᔭᖏᓐᓂᒃ ᐃᑲᔪᖅᓱᕆᐊᖃᕐᓂᖅᐸᑕ ᐃᑲᔫᑎᒃᓴᓂᒃ;
- ᐋᓐᓂᖅᓯᒪᔪᑦ ᐃᑲᔪᖅᐸᒃᖢᒋᑦ ᐱᕙᒌᔭᖅᑎᓪᓗᒋᑦ ᑐᓂᓯᓂᐊᖅᑎᓪᓗᒋᓪᓗ ᑐᓂᔭᐅᔭᕆᐊᓕᖕᓂᒃ ᐃᖅᑲᓇᐃᔭᖅᑎᓄᑦ ᓇᓪᓕᐅᒃᑯᒫᓕᕆᔨᑦ ᐃᓱᒪᓕᐅᕆᔨᓗᒃᑖᓄᑦ; ᐊᒻᒪ
- ᐃᑲᔪᖅᑕᐅᔭᕆᐊᓖᑦ ᐊᓯᖏᓐᓄᑦ ᓄᓇᓕᖕᓂ ᐱᔨᑦᑎᕋᐅᑎᓄᑦ ᐱᓕᕆᑎᖔᕋᓱᒃᐸᒡᓗᒋᑦ.
ᖃᓄᐃᓕᖓᓕᓲᖑᕙᑦ ᐋᓐᓂᖅᓯᒪᔪᑦ ᓴᓇᔩᑦ ᐃᖅᑲᓇᐃᔭᖅᑎᓄᑦ ᐅᖃᐅᔾᔨᒋᐊᖅᑎᒧᑦ ᖃᐅᔨᒋᐊᓚᐅᖅᑎᓪᓗᒋᑦ? ᐱᓕᕆᐊᖑᕙᓪᓕᐊᓕᓲᑦ ᐋᓐᓂᖅᓯᒪᔪᖅ ᓴᓇᔨ ᖃᑕᙳᑎᖏᓪᓘᓐᓃᑦ ᖃᐅᔨᒋᐊᓚᐅᖅᑎᓪᓗᒋᑦ ᐃᖅᑲᓇᐃᔭᖅᑎᓄᑦ ᐅᖃᐅᔾᔨᒋᐊᖅᑎᒧᑦ. ᑮᓇᐅᔭᑎᒍᑦ ᐃᑲᔪᖅᑕᐅᓇᓱᒃᑎᓪᓗᒍ ᖃᖓᑐᐃᓐᓇᐅᔪᓐᓇᖅᑐᖅ. ᐃᖅᑲᓇᐃᔭᖅᑎᓄᑦ ᐅᖃᐅᔾᔨᒋᐊᖅᑎ ᐱᔪᒪᓇᔭᖅᑐᖅ ᑕᕐᕋᖓᓐᓂ ᐃᑲᔪᖅᑕᐅᔫᑉ ᑎᑎᖅᑲᖁᑎᖏᓐᓂᒃ ᓇᓪᓕᐅᒃᑯᒫᓕᕆᔨᑦ ᕿᒥᕐᕈᓂᐊᖅᑕᖏᓐᓂᒃ, ᐃᓱᒪᓕᐅᕆᕙᒡᓗᑎᒡᓗ ᐱᓇᔪᒍᑕᐅᔪᖅ ᐱᒻᒪᕆᐅᓂᖅᑕᖃᖅᐸᑦ, ᐃᖅᑲᓇᐃᔭᖅᑎᓄᑦ ᐅᖃᐅᔾᔨᒋᐊᖅᑎ ᖃᐅᔨᒋᐊᖃᑦᑕᕐᓂᐊᖅᐳᖅ ᐋᓐᓂᖅᓯᒪᔪᓂᒃ ᐃᖅᑲᓇᐃᔭᖅᑎᓂᒃ ᑐᑭᓯᓇᖅᓯᑎᑦᑎᓇᓱᒡᓗᑎᒃ ᐱᓕᕆᔾᔪᓯᐅᔪᒥᒃ. ᐃᑲᔪᖅᓱᐃᖃᑦᑕᕐᓂᐊᖅᐳᑦ ᖃᐅᔨᒪᓕᕐᓗᑎᒡᓗ ᑭᖑᓪᓕᕐᒥ ᐱᓕᕆᐊᖑᔪᒃᓴᓂᒃ.
ᓇᓃᒻᒪᑕ ᐃᖅᑲᓇᐃᔭᖅᑎᓄᑦ ᐅᖃᐅᔾᔨᒋᐊᖅᑎᑦ ᑎᑎᕋᕐᕕᖏᑦ?
ᐃᖅᑲᓇᐃᔭᖅᑎᓄᑦ ᐅᖃᐅᔾᔨᒋᐊᖅᑎᑦ ᑎᑎᕋᕐᕕᖃᖅᐳᑦ ᔭᓗᓇᐃᒥ, ᓄᓇᑦᓯᐊᕐᒥᐅᑦ ᐱᔨᑦᑎᕋᖅᖢᒋᑦ, ᐊᒻᒪ ᐃᖃᓗᒃᑑᑦᑎᐊᕐᒥ, ᓄᓇᕗᒻᒥᐅᑦ ᐱᔨᑦᑎᕋᖅᖢᒋᑦ.
ᖃᓄᑐᐃᓐᓇᖅ ᑐᓴᒃᑲᓐᓂᕈᒪᕕᑦ?
ᖃᓄᑐᐃᓐᓇᖅ ᑐᓴᒃᑲᓐᓂᕈᒪᒍᕕᑦ ᐃᖅᑲᓇᐃᔭᖅᑎᓄᑦ ᐅᖃᐅᔾᔨᒋᐊᖅᑎᑦ ᑎᑎᕋᕐᕕᖏᓐᓂᒃ, ᐅᕗᖓᕈᓐᓇᖅᐳᑎᑦ www.workersadvisor.ca ᐅᕝᕙᓘᓐᓃᑦ ᐅᑯᓄᖓ ᖃᐅᔨᒋᐊᕐᕕᒋᓗᒋᑦ:
ᔭᓗᓇᐃ, ᓄᓇᑦᓯᐊᖅ ᐅᖄᓚᐅᑖ: 867-444-0051 ᓱᒃᑲᔪᒃᑯᑦ: 867-873-5477
ᐃᖃᓗᒃᑑᑦᑎᐊᖅ, ᓄᓇᕗᑦ ᐅᖄᓚᐅᑖ: 867-979-5303 ᓱᒃᑲᔪᒃᑯᑦ: 867-983-2187 ᐊᑭᖃᙱᑦᑐᒃᑯᑦ: 1-866-727-3830 ᐃᕐᖐᓐᓈᖅᑕᐅᒃᑯᑦ: [email protected]
|
|
ᓄᓇᕐᔪᐊᕐᒥ ᐱᓕᕇᓐᓇᓗᐊᖃᑦᑕᕐᓂᕐᒧᑦ ᓄᑮᑦ ᐃᓕᖅᑮᖓᓕᖃᑦᑕᕐᓂᖏᑦ ᐅᔾᔨᕈᓱᖕᓇᖅ
ᕕᕗᐊᕆ 28, 2017
ᐱᓕᕇᓐᓇᓗᐊᖃᑦᑕᖅᖢᓂ ᓄᑮᑦ ᐃᓕᖅᑮᖓᓕᕈᓐᓇᖅᐳᑦ ᐃᖅᑲᓇᐃᔮᒥᒃ ᐊᑕᐅᓰᓐᓇᕐᒥ ᐋᖅᑭᒃᓯᒪᔅᓲᔭᓗᐊᖃᑦᑕᕐᓂᖅ ᐱᕐᔪᐊᖑᓪᓗᑎᒃ ᐋᓐᓂᐊᖅᑐᓕᕆᓂᕐᒧᑦ ᐃᓱᒫᓘᑕᐅᓲᖑᕗᑦ ᓄᓇᕐᔪᐊᓕᒫᒥ. ᑲᓇᑕᒥᑐᐊᖅ, 2.3 ᒥᓕᐊᓐ ᐃᓐᓇᐅᓪᓗᑎᒃ ᑲᓇᑕᒥᐅᑕᑦ ᐱᓕᕇᓐᓇᓗᐊᖃᑦᑕᕐᓂᕐᒧᑦ ᓄᑭᖏᑦ ᐃᓕᖅᑮᖓᓕᖃᑦᑕᖅᐳᑦ ᐊᕐᕌᒍᑕᒫᑦ, ᑕᒪᒃᑯᐊ ᐋᓐᓂᐊᓕᕈᑕᐅᕙᒃᑐᑦ ᐱᔪᓐᓃᕈᓐᓇᑦᑎᐊᕋᓗᐊᖅᖢᑎᒃ.
ᓄᓇᕐᔪᐊᕐᒥ ᐱᓕᕇᓐᓇᓗᐊᖃᑦᑕᕐᓂᕐᒧᑦ ᓄᑮᑦ ᐃᓕᖅᑏᖓᓕᖃᑦᑕᕐᓂᖏᓐᓄᑦ (RSI) ᐅᔾᔨᕈᓱᖕᓇᓲᖑᕗᖅ ᐊᕐᕌᒍᑕᒫᑦ ᕕᕗᐊᕆ ᑭᖑᓪᓕᖅᐹᖓᓐᓂ. ᐃᓚᐅᓛᖅᐳᓯ ᐱᓕᕆᑎᑦᑎᑎᓪᓗᑕ #RSIDay ᑕᒪᑐᒪᓂ ᐅᑭᐅᕐᒥ ᐊᐃᑉᐹ, ᕕᕗᐊᕆ 28−ᒥ, ᑕᑯᒋᐊᕐᓗᓯᐅᒡᓗ ᑐᓴᒐᒃᓴᕗᑦ ᐃᑭᐊᖅᑭᕕᖕᒥ Safety Bulletins ᐋᓐᓂᖅᑕᐃᓕᒪᓂᕐᒥᒃ ᖃᐅᔨᓂᐊᕋᔅᓯ. ᑲᑐᔾᔨᖃᑎᒌᒡᓗᑕ ᐱᓕᕆᖃᑎᒌᓚᐅᖅᑕ ᐱᑕᖃᕈᓐᓃᖅᑎᒋᐊᕐᓗᒍ ᐱᓕᕇᓐᓇᓗᐊᖃᑦᑕᕐᓂᕐᒧᑦ ᓄᑮᑦ ᐃᓕᖅᑮᖓᓕᖃᑦᑕᕐᓂᖏᑦ ᐋᓐᓂᕈᑕᐅᓚᐅᙱᓐᓂᖏᓐᓂᒃ ᐃᖅᑲᓇᐃᔭᙱᔾᔪᑎᒋᑐᐃᓐᓇᓕᕐᓗᒍᓗ.
|
|
ᐋᓐᓂᖅᑐᓕᕆᓂᕐᒧᑦ ᐃᓕᓐᐊᓂᕐᓂᖅ ᐊᑭᖃᙱᑦᑐᖅ
ᐃᓕᓐᓂᐊᒐᒃᓴᒃᑲᓐᓃᑦ ᒫᓐᓇ ᐊᑐᐃᓐᓇᐅᓕᕐᒥᔪᑦ
ᐃᓕᓐᓂᐊᖅᑕᐅᔪᒃᓴᑦ ᓯᕗᒻᒧᑦ ᐃᖏᕐᕋᐃᓐᓇᕐᓂᐊᖅᐳᑦ ᐋᖅᑭᒃᑕᐅᓯᒪᔪᑦ ᒪᓕᒡᓗᒋᑦ 12-ᓂᒃ ᐃᓕᓐᓂᐊᖃᑕᐅᔪᒪᔪᓂᒃ ᐱᓇᔪᒃᑐᖃᑐᐊᕌᖓᑦ ᐃᓕᓐᓂᐊᖅᑎᑕᐅᓂᐊᖅᑎᓪᓗᒋᑦ (ᐅᓄᓛᖃᕐᓗᒍ ᐃᓕᓐᓂᐊᖅᑐᑦ 16−ᒥ 18-ᒧᑦ, ᐃᓕᓐᓂᐊᕐᕕᒋᔭᐅᓂᐊᖅᑑᑉ ᐊᖏᓂᖓ ᒪᓕᒃᑕᐅᓗᓂ). ᐊᑎᓕᐅᖅᑕᐅᖃᑕᐅᔪᒪᒍᕕᑦ, ᐅᓇ ᓇᕿᓪᓗᒍ here−ᓚᓯᒪᔪᖅ ᓄᓇᓕᖕᓂ ᑎᑎᕋᖅᑕᐅᓯᒪᔪᓂᒃ ᓇᕿᓪᓗᒍᓗ ᓄᓇᓕᒃ ᐃᓕᓐᓂᐊᖃᑕᐅᕝᕕᒋᔪᒪᓇᔭᖅᑕᑦ. ᒪᓕᒡᓗᒋᑦ ᒪᓕᒋᐊᓖᑦ ᐱᐊᓂᖕᓂᐊᕐᓗᒍ ᐃᓚᐅᔾᔪᑎᒃᓴᑦ.
ᐊᑭᖃᙱᑦᑐᖅ ᐊᔪᕈᓐᓃᖅᓴᖃᑕᐅᓂᐊᖅᑐᓂᒃ ᐃᓚᐅᔪᒪᔪᓄᑦ. ᐃᓚᐅᓂᐊᖅᑐᑦ ᓇᖕᒥᓂᖅ ᐊᑭᓖᖃᑦᑕᕆᐊᖃᕐᓂᐊᖅᑐᑦ ᐊᔪᕈᓐᓃᖅᓴᕐᕕᒋᔭᖅᑐᖅᑕᒥᖕᓄᑦ ᐅᑎᒧᓪᓗ ᐃᖏᕐᕋᔾᔪᑎᓄᑦ.
ᐅᑯᐊ ᖃᐅᔨᒪᔭᐅᔭᕆᐊᓖᑦ:
- ᐊᔪᕈᓐᓃᖅᓴᖃᑕᐅᔪᒃᓴᑦ ᐅᓄᓛᖓᓄᑦ ᑎᑭᐅᑎᙱᑉᐸᑕ 12−ᒧᑦ, ᑐᓴᖅᑎᑕᐅᓛᖅᑐᑦ ᓄᖅᑲᖅᑎᑕᐅᒋᐊᖃᕐᒪᖔᑦ ᐅᕝᕙᓘᓐᓃᑦ ᐅᖓᕙᕆᐊᖅᑕᐅᔭᕆᐊᖃᕋᔭᕐᒪᖔᑦ.
- ᐊᔪᕈᓐᓃᖅᓴᕐᓂᐊᖅᑐᑦ ᐊᑕᖏᐅᒪᒃᐸᑕ, ᖃᓄᐃᓕᐅᖁᔨᓯᒪᔪᑦ ᒪᓕᒋᐊᖃᖅᐸᓯ ᐅᑕᖅᑭᔪᒃᓴᓂᒃ ᐃᓚᐅᓕᕐᓗᓯ. ᓇᓗᓇᐃᕐᕕᐅᓂᐊᖅᐳᓯᓗ ᐃᓂᒃᓴᖅᑕᖃᓕᖅᐸᑦ.
- ᐊᔪᕈᓐᓃᖅᓴᖃᑕᐅᔪᒃᓴᑦ ᐅᑕᖅᑭᔪᓂᒃ ᓈᒻᒪᒃᐸᑕ, ᖃᐅᔨᒪᓂᐊᖅᐳᓯ ᐃᓕᓐᓂᐊᖅᑕᐅᔪᒃᓴᓂᒃ ᐃᓚᓯᒃᑲᓐᓂᕈᒪᑐᐃᓐᓇᕆᐊᖃᕋᑦᑕ ᓄᓇᔅᓯᓐᓂᓪᓗ ᖃᖓᒃᑯᑦ ᐃᓕᓐᓂᐊᖅᑎᑦᑎᔪᒪᓇᔭᕐᒪᖔᑦᑕ.
ᑐᑭᓯᒋᐊᒃᑲᓐᓂᕈᒪᒍᔅᓯ, ᐊᑎᓕᐅᖅᑕᐅᖃᑕᐅᔪᒪᒍᔅᓯᓘᓐᓃᑦ ᐅᖄᓚᐅᑎᒃᑯᑦ, ᐅᕙᑦᑎᓐᓄᑦ ᐅᖃᓗᒍᓐᓇᖅᐳᓯ ᐅᕗᖓ 1-800-661-0792 ᐊᐱᖅᑯᑎᖃᕐᓗᓯᓗ ᐋᓐᓂᖅᑐᓕᕆᓂᕐᒥ ᐃᓕᓐᓂᐊᒐᒃᓴᓂᒃ.
|
ᑕᕐᕆᔭᐅᓯᐅᕐᓂᕐᒥᒃ ᓵᓚᒃᓴᕋᓱᒃᑐᓂᒃ 2017−ᒥ
ᐱᔾᔪᑎᒋᓗᒍ ᐊᑦᑕᕐᓇᖅᑐᒧᐊᖅᑕᐃᓕᓂᖅ
ᑭᒡᒐᖅᑐᖅᖢᒋᑦ ᑲᓇᑕᒥ ᐱᓕᕆᕝᕕᒃ ᐋᓐᓂᐊᖅᑖᖅᑕᐃᓕᔾᔪᑎᓄᑦ ᐊᑦᑕᕐᓇᖅᑕᐃᓕᒪᓂᕐᒧᓪᓗ (CCOHS), WSCC−ᑯᑦ ᓱᓕ ᐱᓕᕆᑎᑦᑎᓂᐊᖅᑐᑦ ᐊᕐᕌᒍᑕᒫᑦ ᐱᓕᕆᐊᖑᓲᖑᓕᖅᑐᒥᒃ ᑕᕐᕆᔭᐅᓯᐅᕐᓂᕐᒥᒃ ᓵᓚᒃᓴᖅᑎᑦᑎᓇᓱᒡᓗᑎᒃ ᐊᖓᔪᒃᖠᕐᓂ ᐃᓕᓐᓂᐊᖅᑎᓂᒃ ᓄᓇᑦᓯᐊᒥ ᐊᒻᒪ ᓄᓇᕗᒻᒥ. WSCC−ᑯᑦ ᐊᐅᓚᑦᑎᓲᖑᕗᑦ ᓄᓇᕘᒥ/ᓄᓇᑦᓯᐊᒥ ᓵᓚᒃᓴᕋᓱᒃᑐᓂᒃ ᐊᐅᓪᓚᖅᑎᑎᓚᐅᙱᓐᓂᖏᓐᓂᒃ ᓵᓚᒃᓴᕐᓂᐊᖅᑐᒥᒃ ᑕᕐᕆᔭᐅᓯᐊᒥᒃ CCOH−ᑯᓐᓄᑦ ᑲᓇᑕᒥ ᓵᓚᒃᓴᕋᓱᖕᓂᐅᓂᐊᖅᑐᒥᒃ. ᐅᑭᐅᖅ ᑕᓪᓕᒪᒋᓕᖅᑕᖓᓐᓂᒃ, ᓵᓚᒃᓴᕋᓲᑕᐅᓂᐊᖅᑐᖅ ᐱᓇᔪᒃᑕᐅᔪᓐᓇᕐᓂᐊᖅᑐᖅ ᐊᖓᔪᒃᖠᕐᓂ ᐃᓕᓐᓂᐊᖅᑎᓕᒫᓄᑦ ᐃᓕᓐᓂᐊᕈᑎᓕᖕᓄᑦ 9-ᒥ 12-ᒧᑦ, ᑕᒪᑐᒪᓂ ᐅᑭᐅᕐᒥ ᐱᓕᕆᐊᖑᓂᐊᖅᑐᖅ #FocusOnSafety. ᑕᕐᕆᔭᐅᓯᐊᕆᔭᒥᓄᑦ ᓵᓚᒃᓴᒃᑐᖅ ᑮᓇᐅᔭᑖᕋᔭᖅᑐᖅ $1000, ᐊᒻᒪ ᓱᓕ $1000−ᑲᓐᓂᕐᒥ ᑐᓐᓂᖅᑯᓯᐊᕋᔭᖅᖢᑎᒃ ᐱᓇᔪᒃᑐᑦ ᓵᓚᒃᓴᖅᑑᑉ ᐃᓕᓐᓂᐊᕐᕕᒋᔭᖓ. ᑕᒪᕐᒥᒃ ᐱᓇᔪᒃᑐᑦ ᐃᑲᔪᖅᓱᐃᔪᒥᒃ ᐃᓕᓴᐃᔨᖃᕆᐊᖃᖅᐳᑦ ᐃᓕᓐᓂᐊᕐᕕᖓᓐᓂᙶᖅᑐᒥᒃ ᑲᒪᔨᒋᔭᐅᕙᒡᓗᓂ ᐃᑲᔪᖅᓱᐃᕙᒡᓗᓂᓗ ᓵᓚᒃᓴᕋᓱᒃᑐᓂᒃ. ᑕᕐᕆᔭᐅᓯᐊᑦ ᑕᑯᒃᓴᐅᑎᑦᑎᔭᕆᐊᖃᖅᐳᑦ ᓴᓇᕝᕕᒋᔭᐅᔪᒥᒃ ᐊᑦᑕᕐᓇᖅᑕᐃᓕᒪᓂᕐᒥ ᑕᑯᒃᓴᐅᑎᑦᑎᔪᓂᒃ, ᐅᖃᐅᓯᒃᓴᑎᑦ ᐃᓱᒪᖅᓲᑎᒋᔪᓐᓇᖅᑕᓯ. ᐱᓚᕆᖅᑰᔨᒐᓗᐊᖅᐸᑦ, ᑎᑎᕋᐅᔭᐅᒐᓗᐊᖅᐸᑦ, ᐊᐅᓚᖅᑰᔨᙳᐊᖅᑑᒐᓗᐊᖅᐸᑦ, ᑐᓴᕐᓈᒐᒃᓴᐅᒐᓗᐊᖅᐸᑦ, ᖃᓄᑐᐃᓐᓇᖅ ᐃᓱᒪᒋᔭᐅᔪᑦ ᑐᓐᓂᖅᑯᑕᐅᔪᓪᓗ ᑐᙵᓱᒃᑎᑕᐅᔪᐃᓐᓇᐅᓂᐊᖅᑐᑦ. ᐃᓕᖕᓂ ᐊᐱᕆᓗᑎᑦ ᓴᓇᔩᑦ ᐊᒻᒪ ᐃᖅᑲᓇᐃᔭᖅᑎᑦᑎᔩᑦ ᐃᑲᔪᕈᓐᓇᕐᒪᖔᑕ ᓴᖅᑭᔮᖅᑎᑦᑎᓕᕐᓗᑎᒃ ᐊᑦᑕᕐᓇᙱᑦᑐᒥᒃ ᓴᓇᕝᕕᖕᒥ ᓴᓇᔨᓕᒫᓄᑦ. ᑐᓂᓯᓂᐊᕐᓗᓂ ᑭᖑᓪᓕᖅᐹᖅ ᐅᓪᓗᖅ 2017-ᒥ #FocusOnSafety ᓵᓚᒃᓴᕋᓱᒃᑐᓂᒃ ᐊᐃᕐᕆᓕ 1, 11:59 ᐅᓪᓗᒃᑯᑦ ᕿᑎᕐᒥᐅᑦ ᖃᐅᔨᓴᐅᑖ ᒪᓕᒡᓗᒍ. ᑐᑭᓯᒋᐊᒃᑲᓐᓂᕈᒪᒍᔅᓯ, ᒪᓕᒐᖏᓐᓂᒃ ᒪᓕᒋᐊᓕᖕᓂᓪᓗ, ᖃᓄᕐᓗ ᐱᓇᔪᖃᑕᐅᔪᓐᓇᕐᒪᖔᑦ, ᐊᓯᖏᓐᓂᒡᓗ, ᐳᓛᕈᓐᓇᖅᑕᓯ ᑕᕐᕆᔮᒃᓴᓕᐊᑦ ᓵᓚᒃᓴᕋᓱᒃᑐᑦ ᐅᓇ ᒪᒃᐱᖅᑐᒐᖅ ᓇᕿᓪᓗᒍ.
|
|
wscc.nt.ca / 1.800.661.0792 * wscc.nu.ca / 1.877.404.4407
|
|
|
|
|
|
|
|
|
|
|
