UBLUQTUHINIA 2017
UKIUMI AKILIUHIAKHANGINNIK NAUNAITKUTANGANIK TUYUQTAUYAKHANGUQTUT
IIDJIRURVIA 28, 2017

Atan'nguyat, puiguqtailugu tamaita havakvingit ittukhauyut uumani WSCC Connect tunigiami Ukiumi Akiliuhiakhanginnik Naunaitkutanganik (APR). Tunigumi APR-mik iniqtiqtakhaq Iidjirurvia 28mi, 2017, akiliqnaittumik. Puiguqtailutit tunilutit humaangittuq naunaipkaliruvit maniittumik akiliuhianganut. Akiliqtakhaq tuulirumi tuniyuq 15pusantnguyuq aippaanit ukiunga havaktup akiliuhianganik naunaitkutanganik.

Hamani ittugut ikayuriaptikni! Ikayuqtaugumaguvit uqaqatigilugu Employer Services hivayarluguluuniit akiitukkut uumani 1-800-661-0792.
huna tuhaqtakhanguqqa
WSCC makpiraaliurniqmut taiguaqtakhat

Atan'nguyap Nayuganganit

Ihumagivakpiuk qanuqtut ihumayut hivuliqtiuyut katimayiingit WSCC-kuni? Uumani tatqirhiutimi, takuniaqtat WSCC-kut Atan'nguyanga CEO-ngalu, Dave Grundy, titiraqniaqtait nutaangurninngit uumani President's Corner.

Titiralihaamini, Dave uqaqpaktuq Meredith Ilumuurutinginnnik. Uqakhaqaruvit, apirhuutiqaruvit, ihumagiyarnikluuniit taiguagakhanut, naqillugu hamna titirariaqni qaritauyakkut.

Piinarialik talvannga qaritauyap nayugangani uumani www.wscc.nt.ca uumaniluuniit www.wscc.nu.ca.

Piinarialik tadja: Nutaanguqtiqlugu Matutiliqidjutiqaqtunik Pangnarutikhat uuminnga WSCC Matutiliqidjutiqaqtunik Pangnarutikhat Atiliurutimut



Ilihimavit OHS Maliktakhangit pitquyaatit pihimayakhaqaqtutit naunaitkutamik havakvikmi piyut aaniqtauniq Nunatsiami Nunaunmilu taimaa pingahunik ukiunik? Pigiaqni uuminnga piyakharnik, WSCC-kut tuniyut havakviit nutaaptiknik Matutiliqidjutiqaqtunik Pangnarutikhat Atiliurutimut. Apirilutit aadjikutaliurhimayumik ublumi qaritauyakkut titiraqluta uumani info@wscc.nt.ca.

WSCC 2017 Tatqirhiutingat

Ukiunguraangat, WSCC tatqirhiutiliuliqpaktut naunaipkarhimayut haalitiingit akhuurutauyullu WSCC-mi ublungit quviahuutingillu tamarmikni Nunatsiami Nunavunmilu. Aadjikutamik piumaguvit nivingayukhanik tatqirhiutinik havakvikharnut, qaritauyakkut titiraqluta hamunga.


              
PIKSASSUULIURHIMAYUMIK AKIMANAHUARUT 2017: IHUMAGILLUAQLUGU AANIQTAILINIQMUT

Pitqutigiquplugu Kaanatami Katimavia Havaktunut Aaniaqtailinirmut Aaniqtailinirmullu (CCOHS), WSCC pipkailiffaarmiyaat ukiumi piksassuuliurhimayumik akimanahuarniqmik angayukhiini sikuuqtunut Nunatsiaqmi Nunavunmilu. WSCC munariyait avikturhimayumi akimanahuarutinganik tuyuqtinnagit akimayuq piksassuuliurhimayuq CCOHS-kunnut kaanatamut pidjutikhanga akimanahuarutikhanganik.

Tallimanguqtuq ukiunganik, akimanahuarut angmaumayuq tamainnut angayukhiit ilihaqtunut ilihaqtut 9mit 12mut, uumani ukiup ihumagiutinga #FocusOnSafety. Tamna akimayuq piksassuliurhimayuq akimaniaqtuq  $1000-mik, aadlamiktauq $1000 tuniyauniaqtuq uuktuqtut ikayuqtut iliharvinga. Tamaita uuktuqtut ikayuqtiqaqtukhat sikuuqtittimik iliharvinganit munariyakhait ikayurlugu uukturahuat.

Taimaa piksassuuliurhimayut piqaqtukhat havakvikmi aaniqtailinirmut ihumagilluaqtakhaq, iluani ittuq tuhaqtipkaidjutingalu angmaumayuq ihumagiyarnik ihumaliuqtarniklu. Humaangittuq ulapqiunik, ingutaaqtinnguaqtauyumikluuniit, nutqaqtaqtiumiklu-piksaliurhimagumi, atuqtuuyaqtunikluuniit piksassuuliurhimakpat, tamaita ihumaliuqtauyut tuniyauyullu piinariaqaqtavut. Apirilutit qanuqtut havaktut atan'nguyangillu ikayuqtaaqqat piliuriamikni aaniqnaittumik havakvikhaq tamainnut.

Tuniqhaidjutimut umikvikhanga uumunnga 2017 #FocusOnSafety akimanahuarut Qitiqqauyarvia 1mi, 11:59mungaqqat MST.

Naunairyuumirumaguvit, ilaliutilugit maligat maliktakhanginniklu, qanuqtut tunigiami uuktuutigiyarnik, amihullu, pulaarlugu piksassuumut akimanahuarutinganut makpiraanganut hamunga.
SIKIITUUQTUNUT AANIQTAILINIQ
PUIGUQTAILIDJUT

Uqangitkaluaqluta sikiiturniq angiyumik atuqtauyuq ukiumi inuuhiqmut Ukiuqtaqtumi, amigaittut Ukiuqtaqtuqmiutat  ayuittiaqtut sikiituumiknik aqugiamikni. Humaangittuq ilihimagukni sikiituutit, akhuurutauyuq pihuiqlugu aanilimaittuq. Itqaumalugu (ilatit ilannatillu) ayurnaittut aaniqtailiniqmut ikayuutit qanurilurutingillu tamaita sikiituuyuktut ilihimayakhanginnik - sikiiturahualiqtinnatit. Tamainnut piyuq inuuhiqni, upalungaiyarniq akhuurutauyuq. Hamma qilaminnuaq itqaumadjutikhaq:

Aullaaqtinnatit
  • Naunaiqlugu anuri qanurinniaqtuq, ihumaliuriaqni nakuuyumik uqquumagiaqnilu ihuaqtumik.
     
  • Naunaiyarlugu qanurittaakhaanik sikiitut initurlingit, sikiituuruiqlutit hikumi ilihimangitkukni hilikninnga qanurittaakhaaniklu. Sikiituuruiqlutit hikumi ahiruqtaaqqat, imalikmiklu, haniani ingilrayuq imaqmi, qangannuaqmi mahaktuq qiqiffaarumiluuniit. Sikiituruiqlutit ilihimayangitarnik qiqumayut tahiit kuukkallu; hikuilrunga takunnainnianginnaqmat. Sikiituuqtunut katimayiitit piqarniaqtut nutaaq naunaitkutikhaq initurlinginnik qanurittaakhaaniklu hikunga.
     
  • Kaasiliqtiqlugu! Kaasiliiqadjavutit aullaarutikharnut. Kaasililiqtiliruvit, maliklugu ihuaqtut maliktakhat uutiqnaittumik kaasiliimit.
     
  • Sikiituut iliuralirukni piiyaqtilluguluuniit agyaqtautimit, ikayuqtauvaklutit ikayuqtaugumaguvit. Unaguqtittaililutit, ahiruutittailivaklutit  aanirutimik.
     
  • Itqaumalugit naunaitkutat timit niglaqpialiqqat alappaarniqmit qanuriliuqtukhauyutillu taimailitpat.
     
  • Ilihimalugu sikiituut: nakuutqiaq ayurnaittunik ilihimagukni sikiituutit ahiruqqat. Naunaiyarlutit akhuurutauyut munarininngit akhuurninngalu ihuaqtunik kaasiliingit.
     
  • Naunaipkaqpaklutit kimut humungauliqtutit, kitu apqut aturahuaqtat, qanurittuq sikiituut, qakugulu utiffaarahuaqtutit.
Upalungaiyarhimavaklutit
  • Alappaarnaittumik aanuraaqpaklutit: aturlutit alappaarnaittunik aanuraanik, ilgakniklu, kinilaitkutanik sikiiturutit aanuraanginnik algaakniklu, insuliiqhimayumik kamikmiklu ulapalik ataani. Aanuraaqpaklutit qaumayunik kalaliknik, qaumayutiqaqtunik aanuraamiklu- taaqmilluaq aullaarahuaruvitlu.
     
  • Agyarlugit hapkuninnga:
    • Aanniqtuqaqqat Ikayuqtiuyuq Qiuqut 
    • Qanuriliurutiqaliqqat hanalrutinik, aadlamiklu kiluutamik; 
    • Inuudjutikhaq qiuqutinnuaq: qaumaqutit qilakmut, ikummadjutinik (quit ikkitinik situamilluuniit ikkitinik) kinilaitkutami iliuraqlugit, havik, uluaqtuut, atuaqtaut, tuuq, naniruut, (paatulikhanginniklu), ququurutimik, niqinik nuts-mik granola bar-mikluuniit, paniupayunik aanuraakharnik; 
    • Humunngauyaakharnik naunaitkutamik tigumiarut: GPS-mik, apqutimut nunauyamik,  humunngauyaakharnik naunaitkutannuaq; unalu 
    • Uqaqatigiigutikhanik: tigumiaqpaklutit tigumiaqtat hivayautinnuanik hivayaqtaaqtumi itkuvit. Ilihimaguvit hivayalimaittumi innahuaruvit, naunaipkarlugu kinamut aullarahuarnit, saatalaitmik hivayautiqaqpaklutit piqaruvit.
Sikiituqpaklutit Aaniqtaililutit
  • Sikiituuqpaklutit ilihimayarnik: sikiituulihaaqtut apqutimi sikiituuqpaktukhaugaluat qaumatillugulu sikiituqtukhaugaluat.
     
  • Kayumaaqtailivaklutit. Malikpaklugit kayummaarutingit naunaitkutangit apqutit/initurlingit naunaitkutangillu.
     
  • Qayagivaklutit aadlamut haannahualiruvit mayuqqat. Qayagilutit ilihimangitarnik maniilallu nuna; qayangnaqtumut tuluqnakhavutit takungitkukni, aputiqaqtut napaaqtunik uyaqqanikluuniit.
     
  • Qullit ikumavaklugit sikiituup tunuanilu ikumavaklugit takunnariami takuyaugiaqnilu.
     
  • Avaliittumik aullaaruiqlutit: nakuutqiaq amigaittut mallaugumik malruugumikluuniit amigaitpataluuniit. Kihimi, amihunik uhittiqaruiqlutit sikiituukni.
     
  • Nuhuguiqlugit inuit aalliakmi, hituaqattaqtuni, puplaktiqhimayunikluuniit, akhaluap turhuanginnik, kaimalluriktunik alliaknikluuniit tunuani sikiiturnit. Kaligahuaruvit kinamik, aaniqnaitqiaq aturiami alliakmik hunavaluk ilaliutihimayuq nakuuyumik sikiitumut naptuyumik havigalikmik ilaliutihimayuq. Kaligahuaruvit inukmik hunamikluuniit, kayumiittunuamik pivaklutit nunami, qaniklihuiqlugit napaaqtut, uyarat, aadlallu sikiituut. Qiniqtiuyuq tunukni ittukhaugaluaq qiniqluni kinalikiaq kaliktauliqqat.
     
  • Unnuami sikiituuliruvit, qullit ikumalugu, aturlutit qaumaqutauyunik aanuraaqni, kayummakpallaaruiqlutit.
Tamaita city-ngit nunallaangillu piqaqtut nanminit sikiiturahuaqtunut maliktakhanginnik (una uuktuutigillaklugu, takulugu Yalunaip City-nga maligangit uvani). Naunaiqlutit nunagiyat maligangit maliklugillu ikayuutingit hamna qaangani ilihimaliriaqni sikiiturahualiruvit.
PUYURLUK NAKUUNGITTUQ ANIRHAAGIAMI ILIHIMAYAKHAQ
NAUNAIQHIMAVAKLUTIT QAYANGNAITTUMIK UPALUNGAIYARNINNGANUT

Ukiungurmikmiuq: hila niglaqtuq, huliumahuiqtutit huliakhamik angilraruvit kihimi iglut uunaqutaanik illaviiqtiqlugu alappaarnairiaqni. Taimailitkukni, kihimi, itqaumalugu ilihimaviuk piutit puyurluk nakuungittuq anirhaagiami qayangnaitukutikhaq upalungaiyarvikhaq.

Tipiqanngittuq puyuq takunaittuq piyavaktuq uqhut ikumarlukkumik. Hapkua uqhut ilait kaassiliit, puplaktut kaassiliit, kiungnik atuqtut ingniriviit, nunamit kaassiliinguyut, uqhuryuallu - tamaita atuqattaqtaunnginnaqtut upluq tamaat inungnit.

Tipiqanngittuq puyuq takunnaittuq, tipiqanngittuq, mihingnaittuq, tuqunaanguyuq. Tuqunaat ilangit angitqiat imaa 35 ppm (parts-per-million), angiglivalliavakhutiklu igluni ihuittumik hanayauhimayunit ahiruqhimayunillu uunaqtutinit.

Uunaqutit uqhuryuaqtutullu atuqtauliqpaktut tipiqanngittunik puyuuqtunik ilait hapkua:
  • Uqhuryuaq, kaassilliq, pellet, kiuktuqtut ingnirviit;
  • Uunaqutit;
  • Imarnik uunnakhiijjutit;
  • Kaassiliiqtuqtut igluami uunaqutit;
  • Ingniqutilgit hapkua nakhalaaqtut janaliitat; unalu
  • Iglumi ikualattiviit.
Tipiqanngittuq puyuq kamanaqtuq, kihimi ayurnaittunik pilaaqtutit aannirnaittumik, iglungni havakvingnilu:
  • Iliuraulutit tipiqanngittumik puyurmik ququurutimik ihuaqtumi.
  • Uuktuqattaqpaglugit tipiqanngittumik ququurutit.
  • Paatuliingit nakuuyaakhaita pivaglugit ququurutillu nakuuyaakhaita.
  • Uunaqutitit munarivaglugit ihivriuqtaulutiklu ayunngittumit.
  • Ukiuq tamaat ihivriuqtauvaglutik tamaita uqhuqtuqtut atuqpagatit iglungni havakvingnilu.
  • Atuliruvit ingnirvingmik ingniqutilingmikluunniit igluvit iluani, aniaqhiurvikhaqarlutit hilamut nakuuyumik.
  • Unniutilugu ataniit hivuuranaqtunik pinakhangmat tipiqanngittumik puyurmik.
Tipiqanngittuq puyuq uqitqiaq hilamit, hiamittaarlunilu quyaginnaq igluami. Iliurailiruvit ququurutimik, ilijjavatit qulvanut iglup qilaanulluunniit. Tipiqanngittut puyuq ququurutit iliuraqtauyukhat qitqani iglup, ahiani uqhuryauqtuqtut atuqtauvaktut, hapkua atuqtauvaktut ilaani puyuuqpangmata ikitaulraaraangamik.

Ukiuraaluk takuvakkaptigu ukiuq tamaat, tipiqanngittuq puyurmik kangiqhimayukhauyugut.
wscc.nt.ca   /  1.800.661.0792   *   wscc.nu.ca  /  1.877.404.4407