ᓄᕕᐱᕆ 2016
ᐊᕐᕌᒍᑕᒫᖅᓯᐅᑎ ᐊᑭᓕᖅᓱᖅᑕᐅᕙᖕᓂᕐᒧᑦ ᐅᓂᒃᑲᐅᓯᖅ
ᑲᔪᓯᐊᔾᔪᑕᐅᓕᓵᖅᑐᖅ, ᐊᑎᖅᑖᕆᔭᐅᓵᖅᑐᖅ.

(EPSᖑᓂᕋᖅᑕᐅᓚᐅᖅᓯᒪᔪᖅ: ᐃᖅᑲᓇᐃᔭᖅᑏᑦ ᐊᑭᓕᖅᓱᖅᑕᐅᕙᖕᓂᖏᓐᓄᑦ ᐅᖃᖅᓯᒪᔪᑦ)

ᐅᕙᓃᑉᐳᖅ! ᐊᕐᕌᒍᑕᒫᖅᓯᐅᑎ ᐊᑭᓕᖅᓱᖅᑕᐅᕙᖕᓂᕐᒧᑦ ᐅᓂᒃᑲᐅᓯᕐᒥᒃ ᑐᓂᓯᓂᖅ ᐅᑯᑎᒎᓇᖅ, WSCC Connect.

ᐊᕐᕌᒍᑕᒫᑦ, ᐃᖅᑲᓇᐃᔭᖅᑏᑦ ᓄᓇᑦᑎᐊᒥ ᓄᓇᕘᒥᓗ ᐅᓂᒃᑳᖃᑦᑕᕆᐊᖃᖅᐳᑦ WSCCᑯᓐᓄᑦᐊᑭᓕᖅᓱᐃᓪᓚᑦᑖᕐᓂᕆᕙᒃᑕᒥᓂᒃ ᐃᖅᑲᓇᐃᔭᖅᑎᓄᑦ ᒫᓐᓇ ᑮᓇᐅᔭᓄᑦ ᐊᕐᕌᒍᒋᔭᐅᔪᒧᑦ, ᖃᔅᓯᐅᓂᐊᕋᓱᒋᓐᓈᓂᕐᒧᓪᓗ ᐊᕐᕌᒍᒧᑦ ᐊᒡᒋᖅᐸᓪᓕᐊᔪᒧᑦ. ᑭᐅᓯᔪᒪᓂᕐᒥᓄᑦ ᐊᓯᔾᔨᖅᐸᓪᓕᐊᔪᓄᑦ ᐱᖃᖃᑕᐅᔪᑦ ᐱᔪᒪᓂᕆᕙᒃᑕᖏᓐᓄᑦ ᐱᐅᓯᒋᐊᖅᑎᑦᑎᔪᒪᓂᕐᒥᓄᓪᓗ ᐱᔨᑦᑎᕋᕐᓂᕆᔭᐅᕙᒃᑐᓂᒃ, ᑕᐃᓐᓇ ᐊᒡᒋᖅᐸᓪᓕᐊᔪᖅᐊᕐᕌᒍᑕᒫᑦ ᐊᑭᓕᖅᓱᖅᑕᐅᕙᖕᓂᕐᒧᑦ ᐅᓂᒃᑲᐅᓯᖅ (APRᖑᓂᕋᖅᑕᐅᒋᓪᓗᓂ) ᑐᓐᓂᖅᑯᑕᐅᔭᐊᖃᖅᐳᖅ ᐅᑯᑎᒎᓇᖅ, WSCC Connect, ᖃᕆᑕᐅᔭᒃᑯᑦᓇᖕᒥᓂᓕᕆᓂᕐᒧᑦ ᐱᓕᕆᕝᕕᒃᐳᑦ.

ᐃᖅᑲᓇᐃᔭᕐᕕᐅᔪᑦ, ᐆᒥᖓ ᐅᔾᔨᕆᔭᖃᕆᔅᓯ: ᑎᓯᐱᕆ ᐱᒋᐊᓕᓵᖅᐸᑦ, ᑐᓴᖅᑕᐅᔪᒃᓴᓂᒃ ᐱᓛᖅᐳᓯ ᑐᓂᓯᓂᐊᕐᓗᓯ APRᒋᔭᔅᓯᓐᓂᒃ. ᑭᖑᓂᑦᑎᓐᓂ ᐊᑐᖅᑕᐅᖃᑦᑕᖅᓯᒪᔪᑦ ᑎᑎᖅᑲᑎᒎᖅᑎᑦᑎᓗᓂ ᓱᒃᑲᔪᒃᑰᖅᑎᑦᑎᓗᓂᓘᓐᓃᑦ ᐅᓂᒃᑲᐅᓯᕐᓂᒃ ᐊᑐᖅᑕᐅᔪᒪᖃᑦᑕᔾᔮᔪᓐᓃᖅᐳᖅ ᐱᓕᕆᐊᖑᖃᑦᑕᕈᓐᓃᕐᓗᑎᒡᓗ. ᑭᖑᓪᓕᖅᐹᖅ ᐅᓪᓗᕆᔭᖓ ᑐᓂᓯᓂᐊᕐᓗᓂ ᕕᕗᐊᕆ 28ᖑᕗᖅ.

ᖃᓄᕐᓕ APRᒋᔭᕋ ᑐᓂᓇᔭᖅᐸᕋ WSCC Connectᑯᑎᒍᑦ?

ᓇᖕᒥᓂᕆᔭᐅᔪᑦ WSCC Connectᒦᑦᑐᑦ  ᐱᑎᑕᐅᓂᐊᖅᐳᑦ ᖃᐅᔨᑎᑦᑎᔾᔪᑎᒥᒃ ᐃᓗᓕᖃᖅᑐᒥᒃ ᖃᓄᐃᓕᐅᕆᐊᖃᕐᓂᕆᔭᐅᔪᓂᒃ ᑐᓂᓯᓂᐊᕐᓗᑎᒃ APRᒋᔭᒥᓂᒃᐊᑐᕐᓗᑎᒃ Fast File−ᒥᒃ ᐅᕝᕙᓘᓐᓃᑦ Advanced Payroll Reporting−ᑯᒃ ᖃᕆᑕᐅᔭᒃᑯᑦ ᐱᔨᑦᑎᕋᕐᓂᕆᔭᐅᕙᒃᑐᑎᒍᑦ.

ᓱᒃᑲᔪᒃᑯᑦ ᑎᑎᕋᖅᓯᒪᓕᖅᑎᑦᑎᓂᖅ: ᑖᓐᓇ ᐊᔪᕐᓇᙱᓛᖑᕗᖅ ᐊᑕᐅᓯᕐᒥᒃᐱᓕᕆᕝᕕᖕᒥᐅᓂᑦ ᐃᖅᑲᓇᐃᔭᖅᑎᒋᔭᐅᔪᓂᑦ ᐅᖃᐅᓯᖃᕐᓂᐊᕐᓗᑎᒃ ᐊᑭᓕᖅᓱᐃᔭᕆᐊᖃᖅᐸᖕᓂᕐᒥᒃ ᐊᑎᓕᐅᖅᓯᙳᒃᑲᓗᐊᕐᓗᑎᒃ ᖃᕆᑕᐅᔭᒃᑯᑦ ᐊᑐᖅᑎᐅᕙᒃᑐᑦ ᐊᑐᕈᓐᓇᖅᐸᒃᑕᖓᓂᒃ.

ᐊᑐᕈᒪᓗᒍ ᐅᓇ, Fast File, ᐱᑎᑦᑎᔭᕆᐊᖃᖅᐳᑎᑦ ᐅᑯᓂᖓ ᑐᓴᖅᑕᐅᔪᒃᓴᓂᒃ:
  1. ᐃᖅᑲᓇᐃᔭᖅᑎᐅᑉ ᓈᓴᐅᑖ
  2. ᐊᑦᑕᑕᕐᓂᐊᕐᓗᓂ ᓇᓗᓇᐃᒃᑯᑕᖅ
ᐊᔪᕐᓇᕐᓂᖅᓴᓂᒃ ᐊᑭᓕᖅᓱᐃᕙᖕᓂᕐᒧᑦ ᐅᓂᒃᑲᐅᓯᖃᕐᓂᖅ: ᐊᑕᐅᓯᑐᐊᕐᒥᒃ ᓴᓇᕝᕕᐅᕙᒃᑐᑦ ᖃᔅᓯᑲᓪᓚᖕᓂᒡᓗ ᓴᓇᕝᕕᐅᕙᒃᑐᑦ ᐅᓂᒃᑲᐅᓯᖃᖃᑦᑕᕈᓐᓇᖅᐳᑦ ᐊᑭᓕᖅᓱᐃᕙᖕᓂᕐᒥᒃ ᖃᕆᑕᐅᔭᒃᑯᑦ ᐃᑭᐊᖅᑭᕕᒃᑯᑦ, ᑐᖅᑯᖅᐸᓪᓕᐊᕙᒡᓗᒍ ᑲᔪᓯᓂᕆᔭᐃᑦ ᐋᖅᑭᒃᓱᐃᕙᓪᓕᐊᓂᕐᓂ, ᕿᒥᕐᕈᐊᕐᓗᒋᑦ ᒫᓐᓇ ᑭᖑᓂᑦᑎᓐᓂᓗ ᖃᐅᔨᓴᖅᓯᓂᕐᒧᑦ ᖃᔅᓯᐅᑎᑕᐅᖃᑦᑕᓚᐅᖅᑐᓂᒃ ᓇᓃᑎᑕᐅᖃᑦᑕᓚᐅᕐᓂᖏᓐᓄᓪᓗ, ᓱᒃᑲᔪᒥᒡᓗ ᐊᑕᐅᓯᐊᕐᓗᒍ ᖃᐅᔨᓴᖅᓯᓂᕐᒧᑦ ᐊᑭᓖᒡᓗᑎᒃ. ᐊᔪᕐᓇᕐᓂᖅᓴᓂᒃ ᐊᑭᓕᖅᓱᐃᕙᖕᓂᕐᒧᑦ ᐅᓂᒃᑲᐅᓯᖃᕐᓂᖅ ᐱᓯᒪᕝᕕᐅᔭᕆᐊᖃᖅᐳᖅ ᖃᕆᑕᐅᔭᒃᑯᑦ ᐃᑭᐊᖅᑭᕕᖕᓄᑦ ᐊᑐᖅᓯᔪᓐᓇᕈᑎᒥᒃ.

ᐊᑐᕈᒪᓗᒍ ᐊᔪᕐᓇᕐᓂᖅᓴᓂᒃ ᐊᑭᓕᖅᓱᐃᕙᖕᓂᕐᒧᑦ ᐅᓂᒃᑲᐅᓯᖃᕐᓂᖅ , ᐃᒪᐃᑦᑕᕆᐊᖃᖅᐳᑎᑦ:
  1. ᓴᖅᑭᑎᑦᑎᓗᑎᒃ WSCC Connect−ᒧᑦ ᐊᑐᖃᑦᑕᕐᓂᐊᖅᑕᕐᓂᒃ;
  2. ᐊᑐᕐᓗᑎᑦ ᐆᒥᖓ,ᐃᓚᓕᐅᔾᔨᓂᖅ ᐃᖅᑲᓇᐃᔭᖅᑎᒋᔭᐅᔪᒥᒃ  ᐊᑐᖅᑕᐅᕙᒃᑐᒥᒃ WSCC Connect−ᒥ ᐊᑦᑕᑕᖅᑎᑦᑐᒪᓗᒍ ᐊᑐᖅᐸᒃᑕᐃᑦ ᐃᖅᑲᓇᐃᔭᕐᕕᒋᔭᕐᓄᑦ; ᐊᒻᒪᓗ 
  3. ᐱᔪᒪᓗᑎᑦ ᐊᔪᖅᑎᑕᐅᓇᔭᙱᓐᓂᕐᒥᒃ WSCC Connect−ᒧᑦ ᐊᑦᑕᑕᖅᐸᖕᓂᕐᒧᑦ ᐊᐅᓚᑦᑎᔨᒋᔭᕐᓂᑦ ᐅᖃᐅᓯᖃᕈᒪᓗᑎᑦ ᐃᖅᑲᓇᐃᔭᖅᑎᓂᒃ ᐊᑭᓕᖅᓱᐃᕙᖕᓂᕐᒧᑦ ᐃᖅᑲᓇᐃᔭᕐᕕᒋᔭᐃᑦ ᑭᒡᒐᖅᑐᖅᖢᒍ.
ᑕᒫᓃᑉᐳᒍᑦ ᐃᑲᔪᕈᒪᓪᓗᑕ! ᐃᑲᔪᖅᑕᐅᔭᕆᐊᖃᕈᕕᑦ WSCC Connect−ᒧᑦ, ᐅᓇ ᑕᑯᒋᐊᕐᓗᒍ, WSCC Connect Help page ᖃᐅᔨᒋᐊᕐᕕᒋᓗᒋᓪᓘᓐᓃᑦ WSCC Connect−ᑯᑦ ᐃᑲᔪᖅᑕᐅᓂᕐᒧᑦ ᐱᓕᕆᕝᕕᖓᑦ ᐊᑭᖃᙱᑦᑐᒧᑦ ᐅᕗᖓ, 1-844-238-5008.

ᐅᓪᓗᖅ ᑭᖑᓪᓕᖅᐹᕆᔪᓐᓇᖅᑕᖓ ᑭᓲᕙ ᑐᓂᓯᓂᐊᕐᓗᖓ APRᒋᔭᓐᓂᒃ?

ᑐᓂᓯᓂᐊᕐᓗᓂ ᐅᓪᓗᖅ ᑭᖑᓪᓕᖅᐹᕆᔪᓐᓇᖅᑕᖓᕕᕗᐊᕆ 28, 2017ᖑᕗᖅᑭᓯᐊᓂᑦᑕᐅᖅ ᑐᓂᓯᔪᓐᓇᖅᐳᑎᑦ ᔭᓄᐊᕆ 3, 2017ᒥ ᐱᒋᐊᕐᓗᓂᑐᓂᓯᔭᕆᐊᖃᖅᐳᑎᑦ APRᒥᒃ ᐅᓂᒃᑲᐅᓯᖃᕋᓗᐊᕈᕕᑦ ᐊᑭᓕᖅᓱᐃᕙᙱᓐᓂᕆᔭᕐᓂᒃ. ᐊᑭᓕᕆᐊᖃᓕᕋᔭᖅᑐᖅ ᑭᖑᕙᖅᑎᑦᑎᓗᓂ ᑐᓂᓯᓐᓂᕐᓗᓂ 15%ᖑᕗᖅᐊᕐᕌᓂᐅᓚᐅᖅᑑᑉ ᐃᖅᑲᓇᐃᔭᖅᑎᓂᒃ ᐊᑭᓕᖅᓱᐃᓂᕆᖃᑦᑕᕐᓂᑯᕕᑦ ᖃᐅᔨᓴᖅᑕᐅᓂᖓᓂᒃ.

ᐃᖅᑲᓇᐃᔭᕐᕕᒋᔭᐅᔪᑦ, ᐱᓚᐅᙱᒃᑯᕕᑦ APRᒧᑦ ᑲᑎᖅᓱᖅᓯᒪᔪᓂᒃ ᑎᓯᐱᕆ ᕿᑎᖅᐸᖅᓯᒪᓕᖅᐸᑦ, ᖃᐅᔨᒋᐊᕐᕕᒋᓗᒋᑦ ᐃᖅᑲᓇᐃᔭᕐᕕᒋᔭᐅᔪᓄᑦ ᐱᔨᑦᑎᕋᖅᑎᒃᑯᑦ ᓄᓇᑦᑎᐊᒥ ᐅᕗᖓ, employer@wscc.nt.ca, ᐅᖄᓚᓗᑎᓪᓘᓐᓃᑦ ᐅᕗᖓ, 
(867) 920-3888 ᐊᑭᖃᙱᑦᑐᒧᓪᓘᓐᓃᑦ ᐅᕗᖓ 1-800-661-0792; ᓄᓇᕘᒥᓗ ᐅᕗᖓ, employernu@wscc.nu.ca, ᐅᕗᖓᓘᓐᓃᑦ ᐅᖄᓚᓗᑎᑦ 
(867) 979-8500 ᐊᑭᖃᙱᑦᑐᒧᓪᓘᓐᓃᑦ ᐅᕗᖓ, 1-877-404-4407.
ᐳᓚᕋᖅᑐᓕᕆᓂᕐᒧᑦ ᐊᐅᓚᑦᑎᔩᑦ ᐱᕙᒌᔭᕐᓂᖓᑦ ᖁᐊᖅᓵᕐᓇᖅᑕᐃᓕᒪᓂᕐᒧᑦ
OHSᒧᑦ ᐱᓕᕆᐊᖑᕙᒃᑐᒧᑦ ᐱᕙᓪᓕᐊᑎᑦᑎᓂᖅ ᐳᓚᕋᖅᑐᓕᕆᓂᕐᒧᑦ ᐊᐅᓚᑦᑎᔨᒋᔭᐅᕙᒃᑐᓄᑦ

ᑲᔪᓰᓐᓇᖅᑐᒥᒃ ᐱᓇᔪᒡᕕᖃᖃᑦᑕᖅᓯᒪᓂᕐᒥᓄᑦ ᐅᔾᔨᕐᓇᖅᓯᑎᑦᑎᔪᒪᓪᓗᑎᒃ ᖁᐊᖅᓵᕐᓇᖅᑕᐃᓕᒪᓂᕐᒥᒃ ᐃᑲᔪᕈᒪᓂᕐᒥᓄᓪᓗ ᓇᖕᒥᓂᕆᔭᐅᔪᓂᒃ ᐃᖅᑲᓇᐃᔭᕐᕕᖕᓂ ᖃᓄᐃᙱᑦᑎᐊᕈᓐᓇᕐᓂᕐᒧᑦ ᖁᐊᖅᓵᕐᓇᖅᑕᐃᓕᒪᓂᕐᒧᓪᓗ ᐱᓕᕆᐊᖑᕙᒃᑐᒧᑦ ᐱᕙᓪᓕᐊᑎᑦᑎᓂᕐᒧᑦ,WSCCᑯᑦ ᖃᖓᑦᑎᐊᓵᖅ ᑲᒪᒋᔭᖃᖅᐸᓪᓕᐊᓕᓚᐅᖅᐳᑦ ᐳᓚᕋᖅᑐᓕᕆᓂᕐᒧᑦ ᐱᓕᕆᓂᕆᔭᐅᕙᒃᑐᒥ.

ᓄᕕᐱᕆ 8-9,WSCCᑯᑦ ᐱᓕᕆᖃᑎᖃᓚᐅᖅᐳᑦ ᐱᓕᕆᕝᕕᒋᔭᐅᔪᒥᒃ ᐃᖅᑲᓇᐃᔭᕐᕕᐅᕙᒃᑐᓄᑦ, ᐳᓚᕋᖅᑐᓕᕆᓂᕐᒧᑦ ᑮᓇᐅᔭᖃᖅᑎᑦᑎᓂᕐᒧᓪᓗ ᐊᒻᒪᓗ Northern and Remote Wilderness Adventures Ltd. (NARWAL) ᑲᔪᓯᑎᑦᑎᔪᒪᓪᓗᑎᒃ ᐱᓕᕆᖃᑎᒌᖕᓂᕐᒥᒃ ᐋᖅᑭᒃᓱᐃᕙᓪᓕᐊᓂᕐᒥ ᑲᔪᓯᑎᑦᑎᓂᕐᒥᓗ ᖁᐊᖅᓵᕐᓇᖅᑕᐃᓕᒪᓂᕐᒧᑦ ᐱᓕᕆᐊᖑᕙᒃᑐᓂᒃ ᐃᖅᑲᓇᐃᔭᖅᑎᖁᑎᓂ ᑕᒪᑐᒥᖓᓗ ᐊᑐᖅᑎᐅᕙᒃᑐᑦ ᖁᐊᖅᓵᕐᓇᙱᑦᑐᒦᑎᓪᓗᒋᑦ. ᐅᓪᓘᖕᓄᑦ ᒪᕐᕉᖕᓄᑦ, 15ᓂᒃ ᐳᓚᕋᖅᑐᓕᕆᓂᕐᒧᑦ ᐊᐅᓚᑦᑎᔨᒋᔭᐅᕙᒃᑐᑦ ᐃᖅᑲᓇᐃᔭᖅᑎᖏᓪᓗ ᐃᓕᓐᓂᐊᓚᐅᖅᐳᑦ ᖃᓄᖅ ᐋᖅᑭᒃᓱᐃᕙᓪᓕᐊᔪᓐᓇᕐᓂᕐᒥᒃ ᐊᑐᓕᖅᑎᑦᑎᓇᔭᕐᓂᕐᒥᒡᓗ ᖁᐊᖅᓵᕐᓇᖅᑕᐃᓕᒪᓂᕐᒧᑦ ᐱᓕᕆᐊᖑᕙᒃᑐᓂᒃ, ᐱᐅᓯᒋᐊᖅᑎᑦᑎᓗᑎᒃ ᖁᐊᖅᓵᕐᓇᕈᓐᓇᖅᑐᓂᒃ ᐊᐅᓚᑦᑎᕝᕕᖃᕐᓂᕐᒥᒃ, ᐱᓕᕆᐊᖃᕐᕕᖃᖅᖢᑎᒡᓗ ᑐᐊᕐᕕᕐᓇᖅᑐᖅᑕᖃᓕᖅᑎᓪᓗᒍ ᐱᑐᐃᓐᓇᕆᐊᖃᕐᓂᕐᒧᑦ ᐊᑐᖅᑕᐅᓕᕈᓐᓇᖅᑐᓂᒃ ᓲᕐᓗ ᖃᓄᖅ ᐅᖅᑯᐃᓯᒪᕝᕕᓕᐅᕈᓐᓇᕋᔭᕆᐊᒃᓴᖅ ᐃᑯᐊᓚᑎᑦᑎᔪᓐᓇᕐᓗᑎᒡᓗ ᐆᒪᔾᔪᑎᒋᔪᒪᓗᒍ.

ᖁᐊᖅᓵᕐᓇᖅᑕᐃᓕᒪᓂᕐᒧᑦ ᐱᕙᒌᔭᕐᓂᖅ ᐊᔪᕈᓐᓃᖅᓴᕐᓂᕐᓗ ᑐᐊᕕᕐᓇᖅᑐᖅᑕᖃᓕᖅᑎᓪᓗᒍᖃᓄᐃᓕᐅᑐᐃᓐᓇᕆᐊᖃᖅᓯᒪᓂᕐᒧᑦ ᐃᑲᔪᖅᐸᒃᐳᖅ ᐳᓚᖃᖅᑐᓕᕆᓂᕐᒥᒃ ᐊᐅᓚᑦᑎᔨᒋᔭᐅᕙᒃᑐᓂᒃ ᐃᓕᓴᖅᓯᔪᓐᓇᖅᑎᖦᖢᒋᑦ ᖁᐊᖅᓵᕐᓇᑐᐃᓐᓇᕆᐊᖃᖅᑐᓄᑦ ᒥᑭᒡᓕᒋᐊᖅᑎᑦᑎᓗᑎᒡᓗ ᖁᐊᖅᓵᕐᓇᕈᓐᓇᖅᑐᒥᒃ ᓴᖅᑭᑦᑐᖃᓕᑐᐃᓐᓇᕆᐊᖃᕐᓂᖓᓂᒃᐊᑐᕈᓐᓇᕐᓂᖃᑐᐃᓐᓇᙱᓚᖅ ᐱᕙᒌᔭᕈᑎᒥᒃ ᐱᓯᒪᓂᐊᕐᓗᓂ - ᑕᒪᓐᓇ ᐱᖁᔭᐅᕗᖅᐅᑯᐊ ᐃᖅᑲᓇᐃᔭᕐᕕᖕᒥ ᖃᓄᐃᙱᑦᑎᐊᕈᓐᓇᕐᓂᕐᒧᑦ ᖁᐊᖅᓵᕐᓇᖅᑕᐃᓕᒪᓂᕐᒧᓪᓗ ᒪᓕᒋᐊᖃᖅᐸᒃᑐᑦ  ᐃᒪᐃᑎᑦᑎᔭᕆᐊᖃᖅᐳᑦ ᓇᖕᒥᓂᕆᔭᐅᔪᓂᒃ ᑲᔪᓯᑎᑦᑎᑏᓐᓇᖅᐸᒡᓗᑎᒃ ᖁᐊᖅᓵᕐᓇᙱᑦᑐᓂᒃ ᐃᖅᑲᓇᐃᔭᕐᕕᒋᔭᐅᔪᓂᒃ ᓴᐳᔾᔨᓯᒪᕙᒡᓗᑎᒡᓗ ᐃᖅᑲᓇᐃᔭᖅᑎᒋᔭᒥᓂᒃ, ᑖᓐᓇᓗ ᐳᓚᕋᖅᑐᓕᕆᓂᕐᒧᑦ ᐱᖁᔭᖅ ᐊᐅᓚᑦᑎᔨᒋᔭᐅᔪᓂᒃ ᐋᖅᑭᒃᓱᐃᔭᕆᐊᖃᖅᑎᑦᑎᕗᖅ ᐊᑐᓕᖅᑎᑦᑎᓗᓂᓗ ᖁᐊᖅᓵᕐᓇᖅᑕᐃᓕᒪᓂᕐᒧᑦ ᐱᕙᒌᔭᖅᓯᒪᔪᓂᒃ ᓚᐃᓴᖃᕐᓗᑎᒃ ᐊᐅᓚᑦᑎᔨᐅᓂᐊᕐᓗᑎᒃ ᓄᓇᑦᑎᐊᒥ.

ᕿᒥᕐᕈᐊᒃᑲᓐᓂᖅᓯᓂᖅ ᐊᐅᓚᓂᕆᕙᒃᑕᕐᓂᒃ ᑎᑎᕋᖅᓯᕙᓪᓕᐊᓂᕐᓗ ᖁᐊᖅᓵᕐᓇᖅᑕᐃᓕᒪᓂᕐᒧᑦ ᐱᓕᕆᐊᕆᕙᒃᑕᕐᓂᒃ ᐃᓕᖕᓂᒃ ᐃᑲᔪᖅᐸᒃᐳᖅ ᒪᓕᒋᐊᖃᖅᑐᓄᑦ ᐊᑐᕆᐊᖃᖅᑕᕐᓄᑦ ᐱᑎᑦᑎᓪᓗᓂᓗ ᐊᑐᕈᓐᓇᕋᔭᖅᑕᕐᓂᒃ ᓇᓗᙱᑦᑎᐊᕈᒪᓂᕐᒧᑦ ᑲᔪᓯᐊᔾᔪᑕᐅᔪᓐᓇᖅᑐᓂᒃ ᐃᓕᐅᖅᑲᐅᓯᒪᒐᓗᐊᕐᒪᖔᖅᐱᑦ ᓴᐳᔾᔨᓯᒪᓂᐊᖅᑐᓂᒃ ᓇᖕᒥᓂᕆᔭᕐᓂᒃᐃᓕᖕᓂᒡᓗ ᐃᖅᑲᓇᐃᔭᖅᑎᖁᑎᖕᓂᒡᓗ ᖁᐊᖅᓵᕐᓇᖅᑐᒦᑎᑦᑎᙱᓪᓗᓂ. ᓇᑭᑦ ᐱᒋᐊᕋᔭᕆᐊᒃᓴᖅ ᓇᓗᕖᑦ? ᐅᓇ, Occupational Health and Safety Program Guide for Small Businesses ᐃᓕᖕᓂᒃ ᐃᑲᔪᕈᓐᓇᖅᐳᖅ.

ᕿᒥᕐᕈᐊᖅᓯᒪᒍᕕᐅᒃ ᒪᓕᒋᐊᖃᖅᐸᒃᑐᖅ ᑭᓯᐊᓂᓗ ᐊᐱᖅᑯᑎᒃᓴᖃᐅᓕᕐᓗᑎᑦ ᐊᔪᕐᓇᖅᑐᖅᓯᐅᕐᓗᑎᓪᓘᓐᓃᑦ ᐱᒋᐊᕋᔭᕆᐊᒃᓴᖅ,WSCC−ᑯᑦ OHS−ᒧᑦ ᐱᓕᕆᔪᓐᓇᖅᑎᓪᓚᕆᖓᑦ ᐃᓕᖕᓂᒃ ᐃᑲᔪᕈᓐᓇᖅᐳᖅ ᖃᓄᖅ ᑕᒪᒃᑯᐊ OHS−ᒧᑦ ᒪᓕᒋᐊᓖᑦ ᐃᓕᖕᓄᑦ ᐊᑐᕐᓂᖃᕐᒪᖔᑕ ᓇᖕᒥᓂᕆᔭᕐᓄᓪᓗ, ᐃᓕᖕᓂᒡᓗ ᐱᓕᕆᖃᑎᖃᕈᓐᓇᖅᖢᓂ ᐋᖅᑭᒃᓱᐃᓕᓂᐊᕐᓗᓯᒃ OHS−ᒧᑦ ᐱᓕᕆᐊᖑᕙᒃᑐᒥᒃ ᐋᖅᑭᒃᓱᖅᑕᐅᓯᒪᓗᓂ ᐱᔭᕆᐊᖃᖅᑕᕐᓄᑦ. ᖃᐅᔨᒋᐊᕐᕕᖃᕈᒪᒍᕕᑦ OHS−ᒧᑦ ᐱᓕᕆᔪᓐᓇᓪᓚᕆᒃᑐᖁᑎᑦᑎᓐᓄᑦ, ᖃᕆᑕᐅᔭᒃᑯᑦ ᑎᑎᕋᕐᕕᒋᑎᒍᑦ ᐅᕗᖓ, ohsregs@wscc.nt.ca ᐅᖄᓚᕝᕕᒋᓗᑎᒍᓪᓘᓐᓃᑦ ᐊᑭᖃᙱᑦᑐᒧᑦ ᐅᕗᖓ, 1-800-661-0792.
2017−ᒧᑦ ᖃᐅᔨᓴᖅᓯᓂᕐᒧᑦ ᖃᔅᓯᐅᓂᕋᖅᑕᐅᔪᑦ ᐅᕙᓃᑉᐳᑦ
ᖃᐅᔨᒋᐊᕐᓗᒋᑦ ᖃᔅᓯᐅᓂᕋᖅᑕᐅᔾᔪᑎᑎᑦ WSCC CONNECT−ᑯᑦ

ᐃᖅᑲᓇᐃᔭᕐᕕᒋᔭᐅᔪᑦ, 2017-ᒧᑦ ᖃᐅᔨᓴᖅᓯᓂᕐᒧᑦ ᖃᔅᓯᐅᓂᕋᖅᑕᐅᔾᔪᑎᑎᑦ ᑎᑭᓯᒪᓕᖅᐳᑦ ᒫᓐᓇᓗ ᐃᓕᖕᓄᑦ ᒪᓂᒪᓕᖅᖢᑎᒃ ᐅᕙᓂ, WSCC Connect. ᑕᑯᔭᖅᑐᕐᓗᒍ WSCC Connect ᓈᒻᒪᒋᔭᒃᑯᑦ ᐊᑐᕈᒪᓗᑎᑦ ᐃᓛᒃᑰᑦ ᖃᔅᓯᐅᓂᖃᖅᑕᐅᔾᔪᑎᖕᓂᒃ, ᐊᒻᒪᓗᑦᑕᐅᖅ ᕿᒥᕐᕈᐊᕈᒪᓂᕐᒧᑦ ᓇᓃᑎᑕᐅᒃᑲᓐᓂᕐᓂᕐᒧᑦ ᖃᔅᓯᐅᓂᕋᖅᑕᐅᔪᓂᒃ ᑕᒪᐃᓐᓄᑦ ᐃᖅᑲᓇᐃᔭᕐᕕᒋᔭᐅᔪᓕᒫᓄᑦ ᐊᒡᒋᖅᐸᓪᓕᐊᔪᒧᑦ ᐊᕐᕌᒍᒧᑦ. ᑕᑯᔪᓐᓇᖅᐳᑎᑦ WSCC−ᑯᖅ ᒫᓐᓇᒧᑦ ᖃᖓᒃᑲᓐᓂᕐᓗ ᖃᔅᓯᐅᓂᕋᖅᑕᐅᓯᒪᔪᓂᒃ ᐅᑯᑎᒎᓇᖅ Class & Subclass ᐊᒻᒪᓗ ᐅᕘᓇ, Specific Industry.

ᐊᕐᕌᒍᑕᒫᑦ, ᐊᐅᓚᑦᑎᓂᕐᒧᑦ ᑲᑎᒪᔨᒋᔭᐅᔪᑦ ᐱᓕᕆᖃᑎᖃᖅᐸᒃᐳᑦ ᐃᓛᒃᑰᖅᑐᒥᒃ ᐱᓕᕆᔨᓪᓚᕆᖕᒥᒃ ᐋᖅᑭᒃᓯᔪᒪᓪᓗᑎᒃ ᐊᑐᖅᑕᐅᖃᑦᑕᕋᔭᖅᑐᒥᒃ ᖃᐅᔨᓴᖅᓯᓂᕐᒧᑦ ᖃᔅᓯᐅᓂᕋᖅᑕᐅᓇᔭᖅᑐᒥᒃ ᐃᓛᒃᑰᖅᑐᓄᓪᓗ ᖃᔅᓯᐅᓂᕋᖅᑕᐅᔪᓄᑦ ᑕᒪᐃᓐᓄᑦ ᐊᑐᓂᑦ ᐊᕕᒃᑐᖅᓯᒪᒃᑲᓐᓂᖅᑎᑕᐅᔪᓄᑦ. ᐊᐱᖅᑯᑎᒃᓴᖃᕐᓂᕈᕕᑦ 2017−ᒧᑦ ᖃᐅᔨᓴᖅᑕᐅᓂᕐᒧᑦ ᖃᔅᓯᐅᓂᕋᖅᑕᐅᔪᓂᒃ, ᖃᐅᔨᒋᐊᕐᕕᒋᑲᐅᑎᒋᔪᓐᓇᖅᑕᐃᑦ ᐃᖅᑲᓇᐃᔭᖅᑎᓄᑦ ᐱᔨᑦᑎᕋᕐᕕᖃᖅᐸᖕᓂᕐᒧᑦ ᑭᒡᒐᖅᑐᐃᔨᒋᔭᐃᑦ, ᐅᕙᑦᑎᓐᓄᓪᓘᓐᓃᑦ ᖃᐅᔨᒋᐊᕐᓗᑎᑦ ᐅᕗᖓ, employer@wscc.nt.ca / 1-800-661-0792−ᒧᑦ ᓄᓇᑦᑎᐊᒥ, ᐅᕗᖓᓗ, employernu@wscc.nu.ca / 1-877-404-4407−ᒧᑦ ᓄᓇᕘᒥ.
ᓇᖕᒥᓂᖅ ᐃᓱᒪᖅᓲᑕᐅᔪᖅ ᐊᑐᖃᑕᐅᕙᖕᓂᕐᒧᑦ ᐱᔭᐅᔭᕆᐊᖃᓕᖅᐳᖅ
ᐅᓪᓗᖅᓯᐅᑎᓯ ᓇᓗᓇᐃᒃᑯᑦᑎᖅᓯᐅᒃ: ᑎᓯᐱᕆ 31, 2016

ᓇᖕᒥᓂᖃᖅᑎᐅᒍᕕᑦ, ᐱᓕᕆᖃᑎᒋᔭᐅᕙᒃᑯᕕᑦ, ᓇᓗᓇᐃᔭᖅᓯᒪᓗᑎᑦ ᑲᑎᒪᔨᒋᔭᐅᒍᕕᑦ, ᓇᖕᒥᓂᕐᓘᓐᓃᑦ-ᐃᖅᑲᓇᐃᔭᕐᕕᖃᕈᕕᑦ, ᐱᑎᑕᐅᕙᙱᓚᑎᑦ ᐱᓇᔪᙱᓪᓗᒍ WSCC−ᒧᑦ ᐊᑐᖅᑎᑕᐅᓂᕐᒥᒃ ᐃᖅᑲᓇᐃᔭᖅᑎᑕᐅᓂᒃᑯᑦ. ᐱᑎᑕᐅᔪᒪᒍᕕᑦ WSCC−ᒧᑦ ᐊᑐᖅᑎᑕᐅᓂᕐᒥᒃ, ᐊᑎᓕᐅᕆᐊᖃᕋᔭᖅᐳᑎᑦ ᓇᖕᒥᓂᖅ ᐃᓱᒪᖅᓲᑕᐅᔪᒧᑦ ᐊᑐᖃᑕᐅᕙᖕᓂᕐᒧᑦ, ᑖᓐᓇᓗ ᐃᓕᖕᓂᒃ ᐱᑎᑦᑎᕙᒃᖢᓂ ᐊᔾᔨᑦᑎᐊᙱᓐᓂᒃ ᐱᕚᓪᓕᕈᑕᐅᕙᒃᑐᓂᒃ ᐊᓯᖏᓐᓄᑦ ᐃᖅᑲᓇᐃᔭᖅᑎᒋᔭᐅᔪᓄᑦ ᐃᖅᑲᓇᐃᔭᕐᕕᒋᔭᐅᔪᒥ ᐋᓐᓂᐊᖅᑕᖃᑐᐃᓐᓇᕆᐊᖃᕐᓂᖓᓄᑦ ᐃᓕᙵᒃᑐᖃᕐᓗᓂᓗ.

ᐱᓇᔪᒍᓐᓇᖅᐳᑎᑦ ᐊᑐᖅᑕᐅᑎᑕᐅᓂᕐᒥᒃ ᐊᑕᐅᓯᕐᒧᑦ ᑕᖅᑭᒧᑦ ᒥᑭᓐᓂᖅᐹᖃᑉᓗᓂ ᑎᑭᓪᓗᒍᓗ ᐊᕐᕌᒍᓕᒫᒧᑦ. ᓄᑖᙳᖅᑎᑦᑎᖃᑦᑕᕆᐊᖃᖅᐳᑎᑦ ᐊᑐᖅᑎᑕᐅᓂᕆᔭᕐᓂᒃ ᐊᕐᕌᒍᑕᒫᑦ, ᓄᑖᙳᕆᐊᖅᑎᑦᑎᓃᓪᓗ ᐱᔭᐅᓯᒪᔭᕆᐊᖃᖅᐸᒃᐳᑦ ᑎᓯᐱᕆ 31, 2016−ᒥ.

ᑕᑯᔪᒪᓗᒍ ᐃᓗᓪᓕᖅᓱᕈᒪᓗᒍᓗ ᐅᓇ, ᓇᖕᒥᓂᖅ ᐃᓱᒪᖅᓲᑕᐅᔪᒧᑦ ᐊᑐᖃᑕᐅᕙᖕᓂᕐᒧᑦ ᑎᑎᕋᕆᐊᓕᒃᐅᓇ, here, ᓇᕿᓪᓗᒍ, ᖃᕆᑕᐅᔭᒃᑯᓪᓘᓐᓃᑦ ᑎᑎᕋᕐᕕᒋᓗᒋᑦ ᐃᖅᑲᓇᐃᔭᖅᑎᓄᑦ ᐱᔨᑦᑎᕋᖅᑎᒋᔭᐅᕙᒃᑐᑦ ᐅᕙᓂ, Northwest Territories ᐅᕝᕙᓘᓐᓃᑦ ᐅᓇ, Nunavut ᑐᓴᖅᑕᖃᒃᑲᓐᓂᕈᒪᒍᕕᑦ.
WSCC−ᑯᑦ ᐃᑭᐊᖅᑭᕕᖓᑦ ᖃᐅᔨᓴᖅᑕᐅᓂᖓ
ᖃᓄᖅ ᐱᓕᕆᑦᑎᐊᖅᑎᒋᕕᑕ?

ᐱᐅᙱᓐᓂᖅᓴᖅᑕᖃᙱᓚᖅ ᖃᕆᑕᐅᔭᒃᑯ ᐃᑭᐊᖅᑭᕕᖕᒧᐊᕐᓗᓂ ᓇᓂᓯᓇᓱᖕᓂᐊᕐᓗᓂ ᑐᓴᖅᑕᐅᔪᒃᓴᓂᒃ ᐊᔪᖅᓯᓯᒪᓕᕐᓗᓂᓗ ᐃᓱᓕᑦᑐᓐᓇᖅᑰᔨᙱᑦᑐᓄᑦ ᓇᕿᑦᑕᐃᓐᓇᕆᐊᓕᖕᓄᑦ ᒪᒃᐱᖅᑐᒐᖏᓐᓂ.WSCC−ᑯᑦ ᓇᓗᙱᑦᑎᐊᕈᒪᕗᑦ ᐊᑐᖃᑦᑕᖅᓯᒪᔭᐃᑦ ᐃᑭᐊᖅᑭᕕᑦᑎᓐᓂᒃ ᐱᐅᒐᓗᐊᕐᒪᖔᑦ ᖃᔪᓯᓂᖃᑦᑎᐊᕈᓐᓇᕐᓗᑎᒡᓗ.

5−ᓂᒃ ᑎᑦᑕᑯᓗᖕᓂᒃ ᐱᕕᒃᓴᖃᕈᕕᑦ, ᑕᑯᒋᐊᕐᓗᒍ survey−ᓂᕆᓯᒪᔭᕗᑦ ᐃᓱᒪᒋᔭᕐᓂᒡᓗ ᐅᖃᕐᕕᒋᓗᑎᒍ! ᐅᖃᐅᑎᑎᒍᑦ ᑭᓱᓂᒃ ᐱᐅᒃᓴᕐᒪᖔᖅᐱᑦ ᑕᕝᕙᓂ, ᐅᖃᐅᑎᑎᒍᓪᓗ ᖃᓄᖅ ᐱᐅᓯᒋᐊᖅᑎᑦᑎᔪᓐᓇᕐᒪᖔᑦᑕ.

ᐱᒻᒪᕆᐊᓘᕗᖅ ᐅᕙᑦᑎᓐᓄᑦ ᑕᒪᒃᑯᐊ ᐱᖃᖅᑎᖁᑎᕗᑦ ᐱᖃᑦᑕᕐᓗᑎᒃ ᐱᐅᓛᒥᒃ ᐊᑐᖅᓯᓂᕐᒥᒃ ᐊᔪᕐᓇᙱᓐᓂᓕᒫᖓᒍᑦ ᐃᑭᐊᖅᑭᕕᒃᑰᕌᖓᒥᒃ. ᓲᖃᐃᒻᒪ ᐃᒪᓐᓇᐅᖕᒪᑦ, ᐱᓕᕆᐊᒃᓴᕆᔭᕗᑦ ᐃᒪᓐᓇᐅᕗᖅ, ᐱᓕᕆᖃᑎᖃᕐᓗᑕ ᐱᖃᖃᑕᐅᔪᓂᒃ, ᓇᓗᙱᑦᑎᐊᖅᐸᒃᐳᒍᑦ ᐃᖅᑲᓇᐃᔭᕐᕕᒋᔭᐅᔪᓂ ᖁᐊᖅᓵᕐᓇᖅᑕᐃᓕᒪᓂᕐᒧᑦ, ᑲᒪᒋᔭᖃᑦᑎᐊᕐᓂᕐᒧᓪᓗ ᐃᖅᑲᓇᐃᔭᖅᑎᒋᔭᐅᔪᓂᒃ.

ᓂᕆᐅᒋᔭᖃᑦᑎᐊᖅᐳᒍᑦ ᐃᓕᖕᓂᒃ ᐱᓕᕆᖃᑎᖃᓕᕋᔭᕆᐊᒃᓴᖅᑕᒪᑐᒧᖓ ᐱᑐᐃᓐᓇᐅᙱᑦᑐᒧᑦ ᐱᔭᐅᔪᒪᔪᒧᑦ.
ᖁᔭᓐᓇᒦᒃ
ᐅᖃᐅᑎᒐᑦᑎᒍ ᖃᓄᐃᒻᒪᑦ ᖁᐊᖅᓵᕐᓇᖅᑕᐃᓕᒪᓂᖅ ᐊᑐᕐᓂᖃᕈᓐᓇᓪᓚᕆᖕᒪᖔᑦ

ᓯᑎᐱᕆᐅᑎᓪᓗᒍ, ᐊᐱᕆᖃᑦᑕᓕᓚᐅᖅᐸᑦᑎᒋᑦ ᐃᓱᒪᒃᓴᖅᓯᐅᕈᑎᖃᖁᓪᓗᑎᑦ ᑭᓱᑦ ᐱᒻᒪᕆᐅᖕᒪᖔᑕ ᐃᓅᓯᕐᓂ, ᖃᓄᐃᒻᒪᓪᓗ ᐃᖅᑲᓇᐃᔭᕐᕕᒋᔭᐅᔪᓂ ᖁᐊᖅᓵᕐᓇᖅᑕᐃᓕᒪᓂᖅ ᐃᓕᖕᓄᑦ ᐊᑐᕐᓂᖃᕈᓐᓇᕐᒪᖔᑦ. ᑭᓱᑦ ᐃᓕᖕᓂᒃ ᓴᓇᔭᖅᑐᕈᓐᓇᖅᑎᑦᑎᖃᑦᑕᖅᐸ ᐊᖏᐅᔪᓐᓇᖅᐸᒃᖢᑎᓪᓗ ᖁᐊᖅᓵᕐᓇᙱᑦᑐᒃᑯᑦ ᖃᐅᑕᒫᑦ ᐃᖅᑲᓇᐃᔭᕐᓇᖅ ᐃᓱᓕᑦᑕᕌᖓᑦ?

ᑕᒪᑐᒪᓂ ᑕᖅᑭᒥ, ᐃᓕᖕᓂᒃ ᐊᐱᕇᓐᓇᖃᑦᑕᓚᐅᖅᐳᒍᑦ - ᐃᓚᖏᓐᓂᒡᓗ ᓴᖅᑭᑉᐸᓪᓕᐊᓕᖅᑐᓂᒃ ᒪᒃᑯᒃᑐᓂᒃ ᐃᖅᑲᓇᐃᔭᖅᑎᒋᔭᐅᔪᓂᒃ -44−ᒋᔭᐅᔪᒥᐊᕐᕌᒍᑕᒫᑦ ᓄᓇᒥ ᖃᐅᔨᓴᖅᑐᓕᕆᓂᕐᒧᑦ ᐱᓕᕆᖃᑎᒋᖕᓂᕆᔭᐅᕙᒃᑐᒧᑦ, ᑕᒪᓐᓇᓗ ᑲᔪᓯᓚᐅᖅᖢᓂ ᔭᓗᓇᐃᒥ ᓄᕕᐱᕆ 15−ᒥᑦ-17−ᒧᑦ, ᐅᓇᓗ ᐱᓕᕆᐊᖑᓂᖓᓂ, Skills NWT's Power Up! ᐱᓕᕆᖃᑎᒌᖕᓂᕆᔭᐅᕙᒃᑐᑦ ᐊᔪᙱᓐᓂᓕᖕᓄᑦ 8−ᒥᒃ ᐃᓕᓐᓂᐊᖅᑎᓄᑦ ᓄᕕᐱᕆ 21−ᒥ-22−ᒥᓗ. ᑕᑯᒃᑭᑦ ᖃᐅᔨᔾᔪᑕᐅᔪᓐᓇᖅᑐᑦ ᑭᐅᔾᔪᑕᐅᓯᒪᔪᑦ ᐊᑖᓃᑦᑐᑦ, ᖁᔭᓐᓇᒦᖑᔪᑎᓪᓗ - ᑭᐅᔾᔪᑎᒋᓯᒪᔭᑎᑦ ᐅᕙᑦᑎᓐᓄᑦ ᐊᑐᕐᓂᖃᖅᑐᒻᒪᕆᐅᕗᑦ, ᐅᕙᑦᑎᓐᓂᒡᓗ ᐃᖅᑲᐃᑎᑦᑎᓪᓗᓂ ᖃᓄᐃᒻᒪᑦ ᐱᓕᕆᐊᖃᖅᐸᖕᒪᖔᑦᑕ ᐅᔾᔨᕐᓇᖅᓯᑎᑦᑎᔪᒪᓪᓗᑕ ᐃᖅᑲᓇᐃᔭᕐᕕᒋᔭᐅᔪᓂ ᖁᐊᖅᓵᕐᓇᖅᑕᐃᓕᒪᕙᖕᓂᕐᒧᑦ ᖃᐅᑕᒫᑦᑎᐊᖅ.

















ᑭᓱᑦ ᓄᑖᖑᕙᑦ
ᓄᑖᖅ ᒪᓕᒃᑕᐅᕙᒃᑐᖅ ᐱᓕᕆᐊᖃᕐᓂᐊᕐᓗᓂ: ᐱᓕᕆᔾᔪᑎᖃᖅᐸᖕᓂᖅ ᑯᓯᖅᓯᐊᒥᒃ

ᖃᐅᔨᒪᕖᑦ ᖃᓄᖅ ᖁᓯᖅᓯᐊᒧᑦ ᐊᒃᑐᐊᓂᖃᖅᑐᖃᓕᖅᐸᖕᒪᖔᑦ? ᖃᓄᖅ ᖃᐅᔨᔪᓐᓇᖅᐱᑦ ᐃᖅᑲᓇᐃᔭᕐᕕᒋᔭᐃᑦ ᖁᐊᖅᓵᕐᓇᖅᑐᒦᒻᒪᖔᑦ , ᖃᓄᕐᓕ ᐃᓕᖕᓂᒃ ᓴᐳᑎᓯᒪᔪᓐᓇᕐᒪᖔᖅᐱᑦ ᖃᓄᐃᓕᐅᖅᑐᖃᓕᕐᓂᖅᐸᑦ?WSCC−ᑯᑦ ᓴᖅᑭᑎᑦᑎᓯᒪᕗᑦ ᓄᑖᓂᒃ ᒪᓕᒃᑕᐅᖃᑦᑕᕋᔭᖅᑐᓂᒃ ᐱᓕᕆᐊᖃᕐᓂᐊᕐᓗᓂ, ᐱᓕᕆᐊᖃᕐᓂᖅ ᑯᓯᖅᓯᐊᒥᒃ, ᑖᓐᓇᓗ ᐱᑎᑦᑎᕙᒃᖢᓂ ᑐᓴᖅᑕᐅᔭᕆᐊᓕᖕᓂᑦ ᐱᔾᔪᑎᓕᖕᓂᒃ ᐅᑯᓂᖓ:
  • ᓇᓗᓇᐃᖅᓯᓂᖅ ᓵᑦᑎᐊᕐᒥᐅᑕᖃᕐᓂᕐᒥᒃ ᐋᓐᓂᐊᖃᕐᓇᙱᑦᑐᓕᕆᓂᕐᒧᓪᓗ ᐊᒃᑐᖅᓯᓂᕆᕙᒃᑕᖏᑦ ᑯᓯᖅᓯᐊᑉ;
  • ᑐᑭᓯᐅᒪᓂᖅ ᐃᖅᑲᓇᐃᔭᕐᕕᒋᔭᐅᔪᓂ ᑲᒪᒋᔭᒃᓴᕆᔭᐅᔪᓂᒃ ᐱᓕᕆᔾᔪᑎᖃᕐᓂᐊᕐᓗᓂ ᑯᓯᖅᓯᐊᒥᒃ;
  • ᓇᓗᓇᐃᖅᓯᓂᖅ ᖃᐅᔨᓴᖅᓯᓂᕐᓗ ᑯᓯᖅᓯᐊᓂᒃ ᖁᐊᖅᓵᕐᓇᕈᓐᓇᖅᑐᓂᒃ;
  • ᐱᓕᕆᐊᖃᕐᓂᖅ ᐃᖅᑲᓇᐃᔭᕐᕕᒋᔭᐅᔪᓂ ᕿᒥᕐᕈᐊᒃᑲᓐᓂᕐᓂᕆᔭᐅᔪᓂᒃ;
  • ᐋᖅᑭᒃᓱᐃᓂᖅ ᑯᓯᖅᓯᐊᒥᒃ ᓵᑦᑎᐊᕐᒥᐅᑕᖃᓚᐅᕐᓗᓂ ᐊᐅᓚᑦᑎᓂᕐᒧᑦ ᖃᓄᐃᓕᐅᕆᐊᖃᖅᑐᓂᒃ; ᐊᒻᒪᓗ
  • ᑐᑭᓯᐅᒪᓂᖅ ᐊᑐᖅᑕᐅᔪᓐᓇᖅᑐᓂᒃ ᐊᑐᓕᖅᑎᑦᑎᓂᐊᕐᓗᓂ ᐊᐅᓚᑦᑎᔾᔪᑕᐅᓇᔭᖅᑐᓂᒃ ᐱᑕᖃᕈᓐᓃᖅᑎᑦᑎᓂᐊᕐᓗᓂ ᐃᓱᓕᑦᑕᖅᑎᑦᑎᓂᐊᕐᓗᓂᓘᓐᓃᑦ ᑯᓯᕐᓯᐊᒧᑦ ᖁᐊᖅᓵᕐᓇᕈᓐᓇᖅᑐᓂᒃ.
WSCC−ᑯᑦ ᒪᓕᒃᐸᒃᑕᖏᑦ ᐱᓕᕆᐊᖃᕐᓗᓂ ᐱᑎᑦᑎᕗᑦ ᐊᑐᖅᑕᐅᑦᑎᐊᕈᓐᓇᖅᑐᓂᒃ ᑕᓯᐅᖅᓯᔾᔪᑕᐅᔪᓂᒃ ᐃᑲᔪᕈᒪᓂᕐᒧᑦ ᐃᖅᑲᓇᐃᔭᕐᕕᒋᔭᐅᔪᓂᒃ ᐃᖅᑲᓇᐃᔭᖅᑎᓂᒡᓗ ᑐᑭᓯᐅᒪᓂᕐᒥᒃ ᐊᖑᒻᒪᑎᓂᕐᒥᒡᓗ ᖁᐊᖅᓵᕐᓇᖅᑕᐃᓕᒪᓂᕐᒧᑦ ᐊᑐᖅᑕᐅᕙᒃᑐᓂᒃ ᑕᐃᒪᐃᑦᑕᕆᐊᖃᖅᑎᑕᐅᔪᓂᒃ ᐱᖁᔭᑎᒍᑦ. ᑕᑯᒋᐊᕈᓐᓇᖅᐳᑎᑦ ᐊᓯᖏᓐᓂᒃ ᒪᓕᒃᑕᐅᕙᒃᑐᓂᒃ ᐱᓕᕆᔪᖃᕐᓂᐊᕐᓗᓂ here.
ᐅᖃᖃᑎᖃᕐᓂᖅ ᑲᔪᓯᕗᖅ
ᐊᓯᔾᔨᖅᑕᐅᔪᒪᔪᑦ ᐅᑯᓄᖓ, ᐃᖅᑲᓇᐃᔭᖅᑏᑦ ᐊᑭᓕᖅᑕᐅᓕᖅᐸᖕᓂᖏᓐᓄᑦ ᐱᖁᔭᕐᓄᑦ

WSCC−ᑯᑦ ᐱᔪᒪᐃᓐᓇᖃᑦᑕᖅᐳᑦ ᐅᖃᐅᓯᐅᔪᓂᒃ ᑕᒪᒃᑯᓇᙵᑦ ᑕᒪᑐᒧᖓ ᐃᓱᒪᖃᑕᐅᓯᒪᔪᓄᑦ ᐱᔾᔪᑎᖃᕐᓗᑎᒃ ᐊᓯᔾᔨᖅᑕᐅᔪᒪᔪᓂᒃ ᐅᑯᓄᖓ, ᐃᖅᑲᓇᐃᔭᖅᑏᑦ ᐊᑭᓕᖅᑕᐅᓕᖅᐸᖕᓂᖏᓐᓄᑦ ᐱᖁᔭᕐᓄᑦᓄᓇᑦᑎᐊᒥᐅᓄᑦ ᓄᓇᕘᒥᐅᓄᓪᓗ. ᑕᒪᒃᑯᐊ ᐊᓯᔾᔨᖅᑕᐅᔪᒪᔪᑦ ᐊᓯᔾᔨᖅᓯᔾᔮᙱᑦᑐᑦ ᐱᔪᓐᓇᐅᑎᒋᔭᐅᔪᓂᒃ, ᐱᔭᒃᓴᕆᔭᐅᔪᓂᒃ, ᐱᓕᕆᐊᖑᔭᕆᐊᖃᖅᐸᒃᑐᓂᒡᓗ ᐃᖅᑲᓇᐃᔭᕐᕕᒋᔭᐅᔪᓂᑦ ᐃᖅᑲᓇᐃᔭᖅᑎᓂᓪᓗ, ᑭᓯᐊᓂᓕᖔᖅ, ᑕᒪᒃᑯᓂᖓᐱᖁᔭᕐᓂᒃᐊᔪᕐᓇᙱᓐᓂᖅᓴᐅᑎᑦᑎᓇᔭᖅᑐᑦ ᑐᑭᓯᐅᒪᔭᕆᐊᒃᓴᖅ ᐊᑐᖅᑕᐅᓂᖏᓐᓄᓪᓗ.

ᑎᓕᐅᕆᕗᒍᑦ ᑕᒪᑐᒧᖓ ᐃᓱᒪᒋᔭᖃᖃᑦᑕᖅᓯᒪᔪᓂᒃ ᐅᖃᖃᑦᑕᖁᓪᓗᒋᑦ ᐊᑐᕐᓗᑎᒃ ᐊᐱᖅᑯᑎᒃᓴᕆᔭᐅᔪᓂᒃ, ᑖᒃᑯᐊᓗ ᐃᓚᖃᕆᓪᓗᑎᒃ ᑭᖑᓂᖏᓐᓂ ᖃᓄᐃᓕᐅᖅᑕᐅᕙᖕᓂᑯᓄᑦ ᑐᓴᖅᑕᐅᔪᒃᓴᓂᒃ, ᒪᓂᒪᑎᑕᐅᓪᓗᑎᒡᓗ website−ᒋᔭᑦᑎᓐᓂ.

ᖃᐅᔨᔭᖃᒃᑲᓐᓂᕈᒪᕖᑦ ᐊᓯᔾᔨᖅᑕᐅᔪᒪᔪᓂᒃ ᐅᑯᓄᖓ, ᐃᖅᑲᓇᐃᔭᖅᑏᑦ ᐊᑭᓕᖅᑕᐅᓕᖅᐸᖕᓂᖏᓐᓄᑦ ᐱᖁᔭᕐᓄᑦᐊᐱᖅᑯᑎᒃᓴᖃᖅᐱᓪᓘᓐᓃᑦ? ᖃᐅᔨᒋᐊᕐᕕᒋᓗᒍ  ᒪᓕᒐᓕᕆᔨᕗᑦ ᐅᓇ, ᐃᒥᕈᕐᑦ ᒨᕕ 867-669-4424−ᒥ email−ᑯᓪᓘᓐᓃᑦ.

ᑕᒪᕐᒥᑦᑎᐊᖅ ᑭᐅᔾᔪᑕᐅᔪᑦ ᐱᔭᐅᓯᒪᕙᒃᐳᑦ ᑭᒃᑯᑐᐃᓐᓇᓂᑦ ᖃᐅᔨᔭᐅᔾᔮᓇᑎᒃ. ᑭᖑᓪᓕᖅᐹᖅ ᐅᓪᓗᕆᔪᓐᓇᖅᑕᖓ ᑐᓂᓯᓂᐊᕐᓗᓂ ᐱᔭᕇᖅᓯᒪᔪᒥᑦ ᐊᐱᖅᓱᕈᑕᐅᓯᒪᔪᓂᒃ ᐅᓪᓗᑐᐃᓐᓇᐅᕗᖅ, ᑎᓯᐱᕆ 9, 2016.
ᐊᑐᖅᑕᐅᔪᒪᓇᔭᖅᑐᑦ ᖁᐊᖅᓵᕐᓇᖅᑕᐃᓕᒪᓂᕐᒧᑦ ᐊᑭᓕᒐᒃᓴᖅᑖᕈᑏᑦ ᐊᑭᓕᕆᐊᖃᖅᑎᑕᐅᓕᖅᐸᒃᑐᓪᓗ
ᒪᓕᒃᑐᖃᙱᓐᓂᖓᓄᑦ OHS−ᒧᑦ ᒪᓕᒋᐊᖃᖅᐸᒃᑐᓄᑦ

WSCC−ᑯᑦ ᐅᖃᖃᑎᖃᖃᑦᑕᐃᓐᓇᕆᕗᑦ ᐱᖃᖃᑕᐅᔪᓂᒃ ᐊᑐᓕᕋᔭᕐᓂᕐᒥᒃ ᐊᑐᖅᑕᐅᔪᓐᓇᖅᑐᒥᒃ ᐊᑭᓕᒐᒃᓴᖅᑖᕈᑎᓂᒃ ᐊᑭᓕᕆᐊᖃᖅᑎᑕᐅᓂᖅᐸᒃᑐᓄᓪᓗ ᒪᓕᒃᑐᖃᙱᓐᓂᖓᓄᑦ ᐃᓚᖏᓐᓄᑦ ᐅᑯᐊ,ᐃᖅᑲᓇᐃᔭᕐᕕᒋᔭᐅᔪᓂ ᖃᓄᐃᙱᑦᑎᐊᕈᓐᓇᕐᓂᕐᒧᑦ ᖁᐊᖅᓵᕐᓇᖅᑕᐃᓕᒪᓂᕐᒧᓪᓗ ᒪᓕᒋᐊᖃᖅᐸᒃᑐᓄᑦ.

ᑕᒪᑐᒧᖓ ᐃᓱᒪᒋᔭᖃᖅᐸᒃᑐᑦ ᐱᓕᕆᖃᑎᒌᑦ ᐅᖃᓕᒫᕈᓐᓇᖅᐳᑦᐅᖃᖃᑎᒌᖕᓂᕐᒧᑦ ᑎᑎᕋᖅᓯᒪᓕᖅᑎᑕᐅᔪᒥᒃ ᐅᖃᐅᓯᕆᔪᒪᔭᒥᓂᒡᓗ ᐅᖃᕐᕕᒋᓗᒍᐊᑐᕐᓗᑎᒃ ᐅᖃᐅᓯᖃᕐᓂᕐᒧᑦ ᑎᑎᕋᕆᐊᓕᖕᒥᒃ ᒪᓂᒪᑎᑦᑕᑦᑎᓐᓂᒃ website−ᒋᔭᑦᑎᓐᓂ.

ᖃᐅᔨᔭᖃᒃᑲᓐᓂᕈᒪᕖᑦ ᐊᑐᕈᒪᓇᔭᖅᑕᑦᑎᓐᓂᒃ ᓇᓗᓇᐃᒃᑯᑕᖅᑖᖅᑎᑦᑎᓂᔾᔪᑎᒋᔪᒪᔭᑦᑎᓐᓂᒃ ᐊᑭᓕᕆᐊᖃᖅᐸᒃᑐᓄᓪᓘ, ᐊᐱᖅᑯᑎᒃᓴᖃᖅᐱᓪᓘᓐᓃᑦ? ᖃᐅᔨᒋᐊᕐᕕᒋᓗᒍ ᒪᓕᒐᓕᕆᔨᕗᑦ ᐅᓇ, ᐃᒥᕈᓪᑦ ᒨᕕ ᐅᕙᓂ, 867-669-4424 email−ᑯᓪᓘᓐᓃᑦ.

ᑕᒪᕐᒥᑦᑎᐊᖅ ᑭᐅᔾᔪᑕᐅᔪᑦ ᐱᓯᒪᔭᐅᕙᒃᐳᑦ ᖃᐅᔨᔭᐅᔪᓐᓇᙱᖦᖢᑎᒃ ᑭᒃᑯᑐᐃᓐᓇᓄᑦ. ᑭᖑᓪᓕᖅᐹᖅ ᐅᓪᓗᕆᔪᓐᓇᖅᑕᖓ ᑐᓂᓯᓂᐊᕐᓗᓂ ᐱᔭᕇᖅᓯᒪᔪᒥᒃ ᐅᖃᐅᓯᖃᕐᓂᕐᒧᑦ ᑎᑎᕋᖅᓯᒪᔪᒥᒃ ᐅᓇᐅᕗᖅ, ᐅᓪᓗᑐᐃᓐᓇᖅ, ᑎᓯᐱᕆ 9, 2016.
ᐊᓪᓚᕖᑦ ᒪᑐᓯᒪᓂᖏᑦ

ᖁᕕᐊᓱᒡᕕᐅᓂᖓᓄᑦ, ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᑎᑎᕋᕐᕕᐊ ᒪᑐᓯᒪᓛᖅᑐᑦ 5-ᒥᑦ ᐅᓐᓄᓴᒃᑯᑦ ᐱᖓᔪᐊᓐᓂᒃ, ᑎᓯᑉᐱᕆ 21, 2016-ᒥᑦ, ᒪᒃᐱᕐᒥᓗᓂᓗ 8:30-ᒥᑦ ᐅᓪᓛᒃᑯᑦ ᐊᐃᑉᐹᓂ, ᔮᓐᓇᐊᕆ 3, 2017-ᒥᑦ.
 
ᑐᓴᖅᑎᑦᑎᓗᓂ ᐃᖅᑲᓇᐃᔭᖅᑐᒥ ᐋᓐᓂᖅᑐᖃᕐᔪᐊᖅᑐᒥ ᖃᓄᐃᓕᓂᐅᔪᒥᓪᓘᓐᓃᑦ, ᐅᖄᓚᒋᑦ 1-800-661-0792.
wscc.nt.ca   /  1.800.661.0792   *   wscc.nu.ca  /  1.877.404.4407