ᐅᑦᑑᐱᕆ 2016
ᑕᖅᑭᐅᓛᖅᑐᒥ: WSCC CONNECT
ᓄᑖᑦ ᐱᔨᑦᑎᕈᑎᐅᓛᓕᖅᑐᑦ!

WSCC Connect ᐊᖏᓪᓕᕙᓪᓕᐊᑐᐃᓐᓇᖅᑐᖅ! ᖁᕕᐊᓱᒍᑎᖃᓚᐅᖅᑎᓪᓗᒋᑦ ᐊᕐᕌᒍᖓᓂ ᓯᕗᓪᓕᖅᐹᖓᓂᑦ ᑕᕝᕙᓂ ᑕᖅᑭᒥᑦ, WSCC Connect ᐃᓚᓯᓂᐅᓴᔪᑦ ᒪᕐᕉᓐᓂᒃ ᓄᑖᓐᓂᒃ ᑭᓱᓕᕆᔾᔪᑎᐅᔪᓂᑦ ᐅᕙᒍᑦ ᖃᕋᓴᐅᔭᒃᑯᑦ−ᐱᓕᕆᓂᖓᒍᑦ.
 
ᑐᓴᖅᑎᑦᑎᓂᖅ ᐃᖅᑲᓇᐃᔭᖅᑎᓄ ᑮᓇᐅᔭᖅᑖᓂᑐᓂᓗᒋᑦ ᐊᕐᕌᒍᑕᒫᑦ ᑮᓇᐅᔭᖅᑖᓂᑦ ᐅᓂᒃᑳᓂᑦ (APR, ᖃᐅᔨᒪᔭᐅᓚᐅᖅᑐᖅ ᐃᖅᑲᓇᐃᔭᖅᑎᑦᑎᔪᒧᑦ ᑮᓇᐅᔭᖅᑖᓄᑦ ᐅᓂᒃᑳᑦ) ᖃᕋᓴᐅᔭᒃᑯᑦ!

ᐱᔪᓐᓇᐅᑏᑦ: ᐅᔭᕋᓐᓂᐊᓂᕐᒧᑦ ᐱᔪᓐᓇᐅᑎᑖᕋᓱᐊᕐᓂᖅ, ᓯᕗᓪᓕᖅᐹᖑᔪᖅ ᐱᔪᓐᓇᐅᒻᒥ ᐊᐅᓚᑦᑎᒍᓐᓇᓂᕐᒧᑦ ᐅᖅᓱᐊᓗᑦᑐᖅᑐᓂᑦ ᐊᐅᓚᐅᑎᓂᑦ ᓄᓇᐅᑉ ᐃᑭᖓᓂ.

ᖃᐅᔨᒋᐊᕐᕕᒋᔪᓐᓇᖅᑕᐃᑦ WSCC Connect ᐊᖏᕋᓐᓂᑦ ᐊᓪᓚᕕᓐᓂᓘᓐᓃᑦ, ᐃᕝᕕᑦ ᐅᖄᓚᐅᑎᕋᓛᖓᒍᑦ, ᐅᕝᕙᓘᓐᓃᑦ ᖃᕋᓴᐅᔭᒃᑯᑦ ᔨᐊᓗᓇᐃ ᐊᖏᔪᖅᑳᖃᕐᕕᖓᓂ ᐊᓪᓚᕕᖓᓂ.

ᑖᒃᑯᐊ ᒪᕐᕉᒃ ᐱᔨᑦᑎᖅᑕᐅᔫᒃ ᐃᓚᒋᓕᖅᑕᖏᑦ ᑕᓪᓕᒪᐅᔪᓂᑦ ᐱᑕᖃᖅᐸᒌᖅᑐᓂᑦ: ᐊᑭᓖᓗᓂ, ᐱᓗᓂ ᐊᖏᖅᑕᐅᓂᕐᒧᑦ, ᕿᒥᕐᕈᓗᒋᑦ ᖃᐅᔨᓴᓂᕐᒧᑦ ᐊᑭᖏᑦ, ᐊᑎᓕᐅᕐᓗᒍ ᓇᒻᒥᓂᕆᔭᐃᑦ, ᐊᒻᒪ ᑐᓴᖅᑎᑦᑎᓂᖅ ᐊᑦᑕᓇᐃᖅᓯᒪᖏᑦᑐᒥᑦ ᐃᖅᑲᓇᐃᔮᖑᔪᒥᑦ. ᑕᖅᑭᐅᓛᖅᑐᒥ ᖃᐅᔨᒃᑲᓐᓂᓛᖅᑯᓯ ᑖᒃᑯᓂᖓ ᒪᕐᕉᓐᓂᒃ ᐱᔨᑦᑎᖅᑕᐅᔫᓐᓂᒃ!
ᐊᑭᖃᖏᑦᑐᖅ ᐋᓐᓂᖅᑐᓕᕆᓂᕐᒧᑦ ᐃᓕᓐᓂᐊᕐᓂᖅ
ᐃᓕᓐᓂᐊᕋᔅᓴᑲᓐᓂᐅᔪᑦ ᐊᑐᐃᓐᓇᐅᓕᖅᑐᑦ

ᖁᔭᓐᓇᒦᒃ ᐱᖃᑕᐅᔪᓐᓇᕋᕕᑦ ᐊᑭᖃᖏᑦᑐᒥ ᐋᓐᓂᖅᑐᓕᕆᓂᕐᒥᑦ ᐃᓕᓐᓂᐊᓂᕐᒥᑦ! ᐱᔪᒪᔭᐅᓗᐊᕐᓂᖓᓄᑦ, ᐃᓕᓐᓂᐊᕋᔅᓴᖃᒃᑲᓂᖅᑎᑦᑎᔪᒍᑦ ᓄᓇᓕᓐᓂᑦ ᐱᔪᒪᓂᖃᕐᓂᖅᓴᐅᔪᓂᑦ.

WSCC ᐊᑦᑕᓇᐃᖅᓯᓯᒪᔪᑦ ᑎᑎᕋᖅᓯᒪᔪᓂᑦ ᓇᓗᓇᐃᒃᑯᑕᓕᓐᓂᑦ ᑐᐊᕕᕐᓇᖅᑐᓕᕆᔪᓐᓇᖅᑐᓂ ᐋᓐᓂᖅᑐᓂᑦ, ᐊᐅᓪᓚᖃᑦᑕᕈᓐᓇᖅᑐᑦ ᓄᓇᓕᓐᓄᑦ ᑎᑎᕋᖅᓯᒪᔪᑦ ᐊᑖᓕ - 12−ᖑᑐᐊᕈᑎ ᖃᑦᑏᓐᓇᐅᓛᕆᔪᓐᓇᖅᑕᓴᖏᑦ ᐊᑐᓂ ᐃᓕᓐᓂᐊᖅᑐᑦ (ᐊᒥᓲᓛᕆᔪᓐᓇᖅᑕᖏᑦ 16 ᐊᑎᓕᐅᖅᓯᒪᔪᑦ). ᐊᑎᓕᐅᖃᑕᐅᓗᑎᑦ, ᐊᑖᓂ ᑎᑎᕋᖅᓯᒪᔪᑦ ᐊᒻᒪ ᓇᕿᓪᓗᒍ ᓄᓇᓕᐅᔪᖅ ᐃᓕᓐᓂᐊᕐᕕᒋᔪᒪᔭᐃᑦ. ᒪᓕᓪᓗᒋᑦ ᒪᓕᒐᖏᑦ ᐊᑎᓕᐅᕐᓗᑎᑦ:
ᖃᑦᑏᓐᓇᐅᓛᕆᔭᕆᐊᓕᖏᑦ ᐊᑎᓕᐅᖅᓯᒪᔪᑦ ᓇᓕᐊᓐᓄᑐᐃᓐᓇᖅ ᓄᓇᓕᒻᒧᑦ ᑎᑭᑕᐅᒍᓂ, WSCC ᖃᐅᔨᒋᐊᕐᕕᒋᓂᐊᖅᑕᖏᑦ ᐊᑎᓕᐅᖅᑐᑦ ᓇᓗᓇᐃᕐᓗᒋᑦ ᐊᑐᐃᓐᓇᐅᓂᖏᓐᓄᑦ ᐊᒻᒪ ᓇᐅᒃᑰᕆᐊᖃᕐᓂᖏᓐᓄᑦ.

ᐊᑭᖃᖏᑦᑐᖅ ᐃᓚᐅᖃᑕᐅᓗᓂ ᐃᓕᓐᓂᐊᓂᕐᒥᑦ. ᐃᓕᓐᓂᐊᖃᑕᐅᔪᑦ ᓇᒻᒥᓂᖅ ᐊᑭᓖᒋᐊᖃᖅᑐᑦ ᐊᐅᓪᓚᕐᓂᖏᓐᓄᑦ ᐃᓕᓐᓂᐊᕐᓂᐅᔪᒧᑦ ᐅᑎᒧᓪᓗ.
WSCC ᖃᕋᓴᐅᔭᒃᑯᑦ ᑐᑭᓯᒋᐊᕐᕕᖓ ᖃᐅᔨᓴᖅᑕᐅᓂᖓ

ᐊᓯᐊᓂ ᐱᐅᖏᓂᖅᓴᖅᑕᖃᖏᑦᑐᖅ ᖃᕋᓴᐅᔭᒃᑯᑦ ᑎᑭᓯᒋᐊᕋᓱᑦᑐᓂ ᕿᓂᖅᑐᓂ ᐊᒻᒪ ᐅᑎᖅᑕᖃᑦᑕᑐᐃᓐᓇᖅᑐᓂ ᒪᑉᐱᒐᖏᑦ WSCC ᖃᕋᓴᐅᔭᒃᑯᑦ ᑐᑭᓯᒋᐊᕈᑎᑦᑎᓐᓂᑦ ᐊᑐᑦᑎᐊᖁᔨᔪᒍᑦ ᐊᑑᑎᖃᕐᓗᓂᓗ.

ᐱᕕᔅᓴᖃᕈᕕᑦ 5 ᒥᓂᑦᒥ,ᕿᒥᕐᕈᑲᐃᓐᓇᕈᒃ ᖃᐅᔨᓴᕐᓂᕗᑦ ᖃᐅᔨᓴᕐᓂᖅ ᐊᒻᒪ ᐅᕙᑦᑎᓐᓂᑦ ᑐᓴᖅᑎᑦᑎᓗᑎᑦ! ᐅᖃᐅᔾᔨᓗᑎ ᐱᐅᒋᔭᕐᓂᑦ, ᐊᒻᒪ ᖃᓄᖅ ᐱᐅᓯᑎᒋᐊᒃᑲᓐᓂᕈᓐᓇᕐᒪᖔᑦᑎᒍ.

ᐱᒻᒪᕆᐅᔪᖅ ᐅᕙᑦᑎᓐᓄᑦ ᓇᖅᓯᒥᓂᖃᖅᑎᐅᔪᓂᑦ ᐱᓗᑎ ᐱᐅᓛᒥ ᐊᑐᖅᑕᐅᔪᓐᓇᖅᑐᒥᑦ ᖃᕋᓴᐅᔭᒃᑯᑦ ᑐᑭᓯᒋᐊᓂᕐᒥᑦ. ᑕᐃᒪᐃᑦᑎᓪᓗᒍ, ᑐᕌᒐᕆᔭᕗᑦ ᐱᓕᕆᖃᑎᖃᖅᑐᓂ ᓇᒻᒥᓂᖃᖅᑐᓂᑦ, ᐊᑦᑕᓇᐃᖅᓯᒪᑎᑕᕗᑦ ᐃᖅᑲᓇᐃᔭᕐᕕᐅᔪᖅ ᑲᒪᒋᔭᐅᓂᖏᓐᓄᑦ ᐃᖅᑲᓇᐃᔭᖅᑏᑦt.

ᐃᓕᓐᓂᑦ ᐱᓕᕆᖃᑎᖃᕈᒪᓂᐊᖅᑐᒍᑦ ᑖᔅᓱᒥᖓ ᑐᔅᓯᕌᖑᔪᒥᑦ.
ᐊᓯᔾᔨᖅᑕᐅᔪᒪᔪᑦ
ᐃᖅᑲᓇᐃᔭᖅᑎᓄᑦ ᐊᑭᓕᖅᑕᐅᓂᖏᓐᓄᑦ ᒪᓕᒐᖅ

WSCC−ᑯᑦ ᑐᓴᕐᕕᖃᕈᒪᔪᑦ ᐱᔪᒪᓂᖃᖅᑐᓂᑦ ᑎᒥᐅᔪᓂᑦ ᐱᔾᔪᑎᖃᖅᑐᓂᑦ ᐊᓯᔾᔨᖁᔭᐅᓯᒪᔪᓂᑦ ᐃᖅᑲᓇᐃᔭᖅᑎᓄᑦ ᐊᑭᓕᖅᑕᐅᓂᖏᓐᓄᑦ ᒪᓕᒐᖅ ᓄᓇᑦᓯᐊᒧᑦ ᐊᒻᒪ ᓄᓇᕗᑦ. ᐊᓯᔾᔨᖅᑕᐅᔪᒪᔪᑦ ᐊᓯᔾᔩᔮᖏᑦᑐᖅ ᐱᔪᓐᓇᐅᑎᓂᑦ, ᐱᓕᕆᐊᖑᒋᐊᓕᓐᓂᑦ, ᐊᒻᒪ ᑐᕌᒐᖏᑦ ᐃᖅᑲᓇᐃᔭᖅᑎᑦᑎᔪᒧᑦ ᐊᒻᒪ ᐃᖅᑲᓇᐃᔭᖅᑎᓄᑦ, ᑭᓯᐊᓂ ᒪᓕᒐᕐᒥᑦ ᑐᑭᓯᒡᒐᓇᖏᓂᖅᓴᐅᓂᐊᖅᑐᖅ ᐊᑐᕐᓗᒍᓗ.

ᑲᔪᖏᓴᖅᑕᕗᑦ ᑎᒥᐅᔪᑦ ᑐᓴᖅᑎᑦᑎᓗᑎ ᐊᑐᕐᓗᑎ ᐊᐱᖅᑯᑎᐅᔪᓂᑦ, ᑐᑭᓯᒋᐊᕈᑎᖃᖅᑎᑎᒻᒥᔪᖅ, ᐊᑐᐃᓐᓇᐅᔪᖅ ᖃᕋᓴᐅᔭᒃᑯᑦ ᑐᑭᓯᒋᐊᕐᕕᑦᑎᒍᑦ. ᐅᓪᓗᖏᑦ ᐃᓄᓐᓂᑦ ᑲᑎᒪᑎᑦᑎᓛᖅᑐᑦ ᐃᖃᓗᐃᑦ ᐊᒻᒪ ᔨᐊᓗᓇᐃ ᐅᑯᖓᐊᖑᔪᑦ:

ᐃᖃᓗᐃᑦᐱᖓᑦᑎᖅ, ᓅᕕᐱᕆ 9, 7:00-9:00 PM
ᑐᔪᕐᒥᕕᒃ ᐅᑭᐅᑕᖅᑐᒥ, ᑐᑦᑐ ᐃᓪᓗᕈᓯᖅ

ᔨᐊᓗᓇᐃ
ᕿᑎᖅᑰᖅ, ᓅᕕᐱᕆ 17, 7:00-9:00 PM
ᔨᐊᓗᓇᐃᕝ ᐅᖃᓕᒫᒐᖃᕐᕕᖓ ᑲᑎᒪᕕᖓ, 2nd ᓇᑎᖓ, Centre Square Mall

ᖃᐅᔨᒃᑲᓐᓂᕈᒪᒍᕕᑦ ᐊᓯᔾᔨᖅᑕᐅᔪᒪᔪᓂᑦ ᐃᖅᑲᓇᐃᔭᖅᑎᓄᑦ ᐊᑭᓕᖅᑕᐅᓂᖏᓐᓄᑦ ᒪᓕᒐᖅ, ᐊᐱᖅᑯᑎᔅᓴᖃᕈᕕᓪᓘᓐᓃᑦ? ᖃᐅᔨᒋᐊᕐᕕᒋᒍᒃ ᒪᓕᒐᓕᕆᔨᕗᑦ, ᐃᒧᕈᑦ ᒨᑉᐱ ᐅᕙᓂ 867-669-4424 ᐅᓇᖔᕐᓘᓐᓃᑦ ᖃᕋᓴᐅᔭᒃᑯᑦ.

ᑭᐅᔾᔪᑎᓕᒫᑦ ᑲᓪᖑᓇᖅᑎᑕᐅᔪᑦ, ᐃᓱᓕᕝᕕᔅᓴᖓ ᑐᓂᓯᓂᕐᒧᑦ ᐱᔭᕇᖅᓯᒪᔪᓂᑦ ᐊᐱᖅᑯᑎᓂᑦ ᑕᓪᓕᕐᒥᖅ, ᑎᓯᐱᕆ 9, 2016.
ᓴᖅᑭᖅᑎᑕᐅᔪᒪᔪᑦ ᐊᑦᑕᓇᐃᖅᓯᒪᓂᕐᒧᑦ ᑎᑲᔅᓰᑦ ᐊᒻᒪ ᐊᑭᓖᑎᑕᐅᖃᑦᑕᕐᓂᖅ
ᒪᓕᖏᓂᕐᒧᑦ OHS−ᒥᒪᓕᑦᑕᐅᔭᕆᐊᓕᓐᓂᑦ

WSCC−ᑯᑦ ᐅᖃᖃᑎᖃᖅᑐᑦ ᓇᒻᒥᓂᖃᖅᑎᐅᔪᓂᑦ ᓴᖅᑭᖅᑎᑕᐅᓂᖓᓄᑦ ᐊᑐᖅᑕᐅᓂᐊᖅᑐᑦ ᑎᑲᔅᓯᓄᑦ ᐊᒻᒪ ᐊᑭᓖᑎᑕᐅᓂᐅᔪᓄᑦ ᒪᓕᖏᓂᕐᒧᑦ ᐃᓚᖏᓐᓂ ᐃᖅᑲᓇᐃᔭᓂᕐᒧᑦ ᐋᓐᓂᐊᖅᑐᓕᕆᓂᕐᒧᑦ ᐊᒻᒪ ᐊᑦᑕᓇᐃᖅᓯᒪᓂᕐᒧᑦ (OHS) ᒪᓕᑦᑕᐅᔭᕆᐊᓖᑦ.

ᐱᔪᒪᓂᖃᖅᑐᑦ ᑎᒥᐅᔪᑦ ᐅᖃᓕᒫᕈᓐᓇᖅᑐᑦ ᐸᐃᑉᐹᓂ ᐅᖃᐅᓯᐅᔪᓂᑦ ᐊᒻᒪ ᑐᓴᖅᑎᑦᑎᓗᑎ ᐊᑐᕐᓗᑎ ᑐᓴᕐᕕᖃᓂᕐᒧᑦ ᑕᑕᑎᕆᐊᓕ ᐊᑐᐃᓐᓇᐅᔪᖅ ᐅᕙᒍᑦ ᖃᕋᓴᐅᔭᒃᑯᑦ ᑐᑭᓯᒋᐊᕐᕕᖓᒍᑦ.

ᖃᐅᔨᒃᑲᓐᓂᕈᒪᒍᕕᑦ ᒥᔅᓵᓄᑦ ᑎᑲ[ᓯᓄᑦ ᐊᒻᒪ ᐊᑭᓖᑎᑕᐅᓂᕐᒧᑦ, ᐊᐱᖅᑯᑎᔅᓴᖃᕈᕕᓪᓘᓐᓃᑦ? ᖃᐅᔨᒋᐊᕐᕕᒋᒍᒃ ᒪᓕᒐᓕᕆᔨᕗᑦ, ᐃᒧᕈᑦ ᒨᑉᐱ ᐅᕙᓂ 867-669-4424 ᐅᓇᖔᕐᓘᓐᓃᑦ ᖃᕋᓴᐅᔭᒃᑯᑦ.

ᑭᐅᔾᔪᑎᓕᒫᑦ ᑲᓪᖑᓇᖅᑎᑕᐅᔪᑦ, ᐃᓱᓕᕝᕕᔅᓴᖓ ᑐᓂᓯᓂᕐᒧᑦ ᐱᔭᕇᖅᓯᒪᔪᓂᑦ ᐊᐱᖅᑯᑎᓂᑦ ᑕᓪᓕᕐᒥᖅ, ᑎᓯᐱᕆ 9, 2016.
WSCC ᓇᒻᒥᓂᖃᖅᑐᓂ ᖃᐅᔨᓴᕐᓂᖅ
ᐃᖅᑲᐃᑎᑦᑎᔾᔪᑦ: ᐅᖄᓚᕕᐅᔪᓐᓇᖅᑐᑎᑦ

ᖃᐅᔨᒋᐊᕐᕕᐅᓯᒪᒍᕕᑦ ᐅᖄᓚᐅᑎᒃᑯᑦ ᑕᕝᕙᓂ ᑕᖅᑭᒥ WSCC−ᑯᓐᓂᑦ, ᓂᕈᐊᖅᑕᐅᓚᐅᖅᑐᑎᑦ ᐃᓚᐅᖃᑕᐅᓗᑎᑦ 2016 WSCC ᓇᒻᒥᓂᖃᖅᑐᓄᑦ ᖃᐅᔨᓴᓂᕐᒥᑦ. ᑕᖅᑭᐅᓚᐅᖅᑐᒥ ᐅᖃᖅᑕᐅᓚᐅᖅᑐᖅ, Leger, ᑲᓇᑕᒥ ᖃᐅᔨᓴᓂᕐᒧᑦ ᑎᒥᐅᔪᖅ, ᐱᓕᕆᑎᑕᐅᔪᑦ ᐅᖄᓚᕕᐅᓪᓗᑎ ᐃᖅᑲᓇᐃᔭᖅᑎᑦᑎᔪᑦ ᐊᒻᒪ ᐃᖅᑲᓇᐃᔭᖅᑏᑦ, ᐊᒻᒪ ᑖᒃᑯᓂᖓ ᖃᐅᔨᓴᕐᓂᖃᖅᑐᑦ ᑎᑭᓐᓇᓱᓐᓂᖓᓄ ᕿᑎᐊᓄ ᓅᕖᐱᕆ.

WSCC ᖃᐅᔨᓴᖃᑦᑕᖅᑐᑦ ᓇᒻᒥᓂᖃᖅᑐᓂ ᖃᐅᔨᓴᓂᕐᒥᑦ ᐃᖅᑲᓇᐃᔭᖅᑎᑦᑎᔪᓂᑦ ᐊᒻᒪ ᐃᖅᑲᓇᐃᔭᖅᑎᓂᑦ ᐊᑕᐅᓯᐊᖅᑐᑎᑦ ᐊᕐᕌᒍᑦ ᐱᖑᓲᔭᕋᐃᒻᒪᑕ. ᖃᐅᔨᓴᕐᓂᐅᔪᖅ WSCC−ᑯᓐᓂ ᐱᒻᒪᕆᐅᔪᓂᑦ ᑐᑭᓯᒋᐊᕈᑎᖃᖅᑎᑦᑎᔪᖅ ᓇᒻᒥᓂᖃᖅᑐᑦ ᐅᔾᔨᕈᓱᓐᓂᖏᓐᓄᑦ ᐊᒻᒪ ᓈᒻᒪᓴᕐᓂᖏᓐᓄᑦ WSCC ᐱᔨᑦᑎᖅᑕᖏᓐᓂᑦ. ᐅᕙᑦᑎᓐᓄᑦ ᐃᑲᔪᕐᓂᖃᖅᑐᑦ ᐱᓕᕆᐊᖃᓪᓗᐊᑕᖅᑐᑕ ᑭᓱᑐᐃᓐᓇᕐᓂᑦ ᐱᒻᒪᕆᐅᔪᓂᑦ ᓇᒻᒥᓂᖃᖅᑎᐅᔪᓄᑦ ᐊᒻᒪ ᖃᐅᔨᓴᕈᑎᒥᓃᑦ ᐅᕙᒍᑦ ᐸᕐᓇᐃᓂᖓᓅᐸᓪᓕᐊᔪᑦ. ᖃᐅᔨᓴᕈᑎᒥᓃᑦ ᐃᑲᔪᓱᖅᑐᑦ ᐊᐅᓚᑦᑎᔩᑦ ᑲᑎᒪᔨᖏᑦ ᐊᒻᒪ ᐊᐅᓚᑕᐅᓂᖓᓄᑦ ᐃᓱᒪᓕᐅᓂᕐᒥᑦ ᓯᕗᓪᓕᐅᔭᐅᔭᕆᐊᓕᓐᓂᑦ. ᖃᐅᔨᓴᕈᑎᒦᑦ ᖃᐅᔨᓴᕐᓂᐅᔪᒥᑦ ᐊᑐᖅᑕᐅᒻᒥᔪᑦ ᖃᐅᔨᓴᕐᓗᓂ ᖃᓄᐃᓘᕐᓂᕆᔭᑦᑎᓐᓂᑦ ᐊᒥᓱᒐᓚᓐᓂᑦ ᓇᓗᓇᐃᕈᑎᓂᑦ ᐅᕙᒍᑦ ᐸᕐᓇᐅᑎᖓᓂᑦ.

ᐅᖄᓚᕕᐅᓐᓂᕈᕕᑦ Leger−ᑯᓐᓂ, ᖁᔭᓐᓇᒦᖅᑐᒍᑦ ᐃᓚᐅᖃᑕᐅᓂᕐᓄᑦ.
ᐊᓪᓚᕖᑦ ᒪᑐᓯᒪᓂᖏᑦ
ᐃᖅᑲᐅᒪᓐᓇᒧᑦ ᐅᓪᓗᖓ

WSCC−ᑯᑦ ᐊᓪᓚᕕᖏᑦ ᒪᑐᓯᒪᓂᐊᖅᑐᖅ ᐃᖅᑲᐅᒪᓐᓇᒧᑦ ᐅᓪᓗᖓᓂ ᑕᓪᓕᕐᒥᖅ, ᓅᕕᐱᕆ 11, ᐊᒻᒪ ᒪᑐᐃᒃᑲᓂᕐᓗᓂ 8:30 AM ᓇᒡᒐᕝᔭᐅᒥ, ᓅᕕᐱᕆ 14.
 
ᑐᓴᖅᑎᑦᑎᓗᓂ ᐃᖅᑲᓇᐃᔭᖅᑐᒥ ᐋᓐᓂᖅᑐᖃᕐᔪᐊᖅᑐᒥ ᖃᓄᐃᓕᓂᐅᔪᒥᓪᓘᓐᓃᑦ, ᐅᖄᓚᒋᑦ 1-800-661-0792.
wscc.nt.ca   /  1.800.661.0792   *   wscc.nu.ca  /  1.877.404.4407