SAPTAIPA 2016
KITUT NAKUUYUMIK PIKMAT ILIKNUT?
HUUQ HAVAKVIKMI AANIQTAILINIQMUT AKHUURUTAUYUQ ILIKNUT?

Uumani tatqirhiutimi, WSCC-kut apiriyaat hamna qaangani apirhuut inuknut, apiriplugit ihumaquplugu kitut akhuurutauyut inuuhimiqnut, huuqlu havakvikmi aaniqtailininnga nakuuyuq. Angilrariami aaniqhimaittumik ilaknut havaguiraangavit ubluq tamaat nakuuva pigiami aaniqtailiniqmut ilihaidjutikhaq? Qun'ngiaraqni nutaqqatit angikliyuut inmikkullu inuuliqlutik nakuuva apiriaqni atan'nguyarnik apirhuutinik aaniqtailiniqmut? Aaniaqtailiniq aquigiamilu aadlanut nunanut nakuuva aturiami aaniqtailidjutinik havaktillutit?

Una naunaipkaidjut, piyuq naunairiami akhuurutinga havakvikmi aaniqtailiniq, pilihaaliqtuq Yalunaimi Iqalungmilu tautuknaqtunik nalunaqtuq igluqpiliurniq haniraanik qitqani nunap tautuknaqtunik aadlatqiinik nivingayunik piksanik aadlatqiinik piqarhutik, pipkaidjutiquplugit qun'ngiaqtut nutqallaklutik ihumagilugu kitut akhuurutauyut inuuhiqmikni. Tamarnik piksat pipkaidjutiyut qun'ngiaqtut uumunnga www.worth-it.ca. Unalu, titirauyaqhimayut takunnaqhiyut tamainni apqutaulluaqtuni, talvunngaupkaipluni igluqpiliuqhimayumut haniraanganut.

Tamaita naunaipkaiyut Tallimiunmi, Saptaipa 16mi, inuknut quviahuutiqaqhuni Yalunaimi Iqalungmilu. Haniraani takunnaqtumik titirauyaqhimayuq Yalunaimi tautuktipkaiyaat, tautuktiplugit havakvikmi aaniqtailiniqmik. Nakuuyuq! Uqaqtiit ilaupkaiyuq inuknik uqaqatigiikhutik hunat havakvikmi aaniqtailidjutiyut havaktillutik Nakuuyuq inmikmut, ilauyullu tuniyauyut aadlanik kalalgit uqauhiup iluani titiraqtakhanginnik inmikmut Nakuuyuq! tuhaqtipkaidjutimik.









WSCC-kut naunaipkairhimmaaqniaqtait aadlanik titiraqhimayunik uumannga naunaipkainiqmik, ilaupkailugillu inuit naunaitkutanganik havaamitigut WSCC-kut tuniyuq havaktunut, atan'nguyanut, Ukiuqtaqtumiutanullu. Talvuuna, pulaaquyaffi takulugu qaritauyami, www.worth-it.ca, talvani takuniaqtat naunaitkutanik naunaipkaininnganik titiraqhimayut Qablunaatitut, Uiviititut, Inuktitullu.

Havakvikmi aaniqtailiniq akhuurutauyuq inmikmut tamainnullu. WSCC-kut hamani ittut ikayuriamikni.


TAKUDJAVAT MANIKHARUTIT NAUNAITKUTINGANIK
IHUARHIDJUTIKHANGANIK PILIQLUTIT

Atan'nguyat, tadja nakuutqianguyuq ihivriuriaqni manikharutit naunaitkutanganik itqurnarutainnik tuniyat 2016. WSCC-kut tuyuqtut manikharutit naunaitkutinganik ihuarhaidjutikhanganik tamainnut atan'nguyat uumani tatqirhiut atulihaaliqmat.

Naunaipkaiyuq akhuraaluk aadlangurniq manikhat naunaitkutiriyarni itqurnarutautit tamaat ukiuq ihuatqianguyuq ihuirutinik ulapiqutimik. Uqariami aadlangurninnganik, iniqtiqlugu Akiliuhiamik Ihuarhaidjut titiqqamik tuyuqlugulu qaritauyakkut kayumiktukkulluuniit uumunnga 1-866-277-3677 Nunatsiaqmi ukunuunaluuniit qaritauyakkut kayumiktukkulluuniit uumunnga 1-866-979-8501 Nunavunmi.

Apirhuutiqaruvit ihuarhaininnganut akiliuhiaqnik, uqaqatigilugu Atan'nguyat Ikayuutit Nunatsiaqmi uumani 1-800-661-0792 Nunavunmittauq 1-877-404-4407.
OHS KITUNUT HAVAKVIUYUNUT
NUTAAQ WSCC HANALRUTIKHAT MIKKAUYUNUT HAVAKVIINUT

Aagasimi, WSCC-kut naunaipkaqtaa Havakvikmi Aaniaqtailiniq unalu Aaniqtailiniqmut Ilihaidjutikhaq Mikkauyunut Havakviinut tikinnahuarutiqaqtumik ikayuriami tamaita havakviuyut - angigumik mikkauyulluuniit - piliuriamikni OHS Ilihaidjutikhamiknik.
 
Piinaqmat, mikkauyut havakvingit piqanginmata aaniqtailiniq ilihaidjutinik taimaa Nunatsiaqmi Nunavunmilu, aulapkainiqmik ikitqianguyut 20nik havaktunik piliungigiamikni OHS Ilihaidjutikhamiknik. Kihimi, tamaita havakviit pihimayukhat aaniqtailidjutimik havakvikmi nakuutqiaq piyakhangit, unalu piliurninnga atuliqtininnga aaniqtailiyumik havaktukhat maliktakhangit ayuirhalugillu havaktingit.

Qun'ngiarukni tamna Maliktakhaq kihimi apirhuutiqaliqtumik ayurhautiqaliruvilluuniit pitinnatit, itqaumalugu uumungaunginnariaqaqtutit that WSCC-kut OHS Ayuittiaqtuq. Tamna OHS Ayuittiaqtuq ikayuqtaaqtaatit kangirhigiaqni qanuqtut tamna OHS Malirutingit piyuq iliknut havakviknullu, havaqatigiinaqtaatit piliuriamikni OHS Ilihaidjutikhamik piliurhimayuq ihariagiyarnut. Uqaqatigiaqni OHS Ayuittiaqtuq, titiraqluta uumani ohsregs@wscc.nt.ca hivayarlutaluuniit akiitukkut uumani 1-800-661-0792.
WSCC PULAAQTUT

Ukiakhanguliqtuq, WSCC-kunnut, imaatut piliqtut qun'ngiaqtittiniaqtut aadlatqiinik havaanik. Takulugu humiitpaktugut, humaunngauliqtugullu!

NTFL HAVAAMITIGUT UBLUNGA NIRIPKAINIQ
 
Yalunaimi, tamna Ukiuqtaqtumi Nunangit Katimayiuyut Havaamut katimapkaiyut Havaamitigut Ublungani niripkaiyut Hivulliunmi, Saptaipa 5. Akiittuq angmaumayuqlu inuknut, tamna niripkaidjut qaipkaqtaiyuq ubluq tamaat, WSCC-kut talvani ittut ikayuriamikni naunaipkaidjutikhaqmik.

Quana tamainnut pulaaqtut kiuyullu aaniqtailiniqmut apirhuutimik taktakhamik!


NUNAVUT QUN'NGIAQTITTIYUT AADLATQIINIK HAVAAKHANIK KATIMAPKAINIQLU

WSCC-kut Iqalungmi havakvinga pipkaidjutigiyaa ilitariyauninnga aullaqtirutinga uuminnga qun'ngiaqtittiyut aadlatqiinik havaakhanik Nunavunmi Qun'ngiaqtittiyut aadlatqiinik havaakhanik Katimapkaiyullu Iqalungni Saptaipa 19mit-21mut. Naunaipkarhimmaaqtavut Nakuuyuq! naunaipkaidjut, qun'ngiaqhutalu piksassuumik pingahunik haniraanit takunnaqtumik titirauyaqhimayuq piliurhimayuq Yalunaimit naunaipkaitillugit.



KIVALLIQ QUN'NGIAQTITTIYUT AADLATQIINIK HAVAAKHANIK KATIMAPKAINIQLU

WSCC-kut talvannga nutqaqtut Kangirliniqmi, qun'ngiaqtipkaplutik uuminnga 7nguyuq Ukiumi Kivalliq Qun'ngiaqtittiyut aadlatqiinik havaakhanik Saptaipa 26mit-28mut. Ilauniq uuminnga qun'ngiaqtittiyut aadlatqiinik havaakhanik tuniyaatigut uqariami atan'nguyauyunut havaktinginnullu Kivalliqmi ungahingittunullu nunallaangit. Quana qaigaffi uqaqatigiaptikni!

LGANT KATIMAPKAINIQ UKIUMI KATIMARYUARNIQLU

Yalunaimi, WSCC-kut qun'ngiaqtittiniaqtut uuminnga LGANT Qun'ngiaqtittiyut aadlatqiinik havaakhanik Aktuupa 5mi at Explorer Hotel hiniktarvingani. Tamna qun'ngiaqtittiyut aadlatqiinik havaakhanik piniaqtuq 5:00-7:00 unnuktumi, Pittailiniqmullu Havakvingit talvaniinniaqtut uqariamiknik ilanganik nutaavut havauhikhaptiknik - unalu nutaavut OHS Ilihaidjutikhamik Malirutikhaq Mikkauyunut Havakviinut.

UKIUMI NALUNAIQTAUYUQ NUNARYUAPTIKNIK KATIMANIQ

Piffaalirmiut, WSCC-kut ilauniaqtut uumani Ukiumi Nalunaiqtauyuq Nunaryuaptiknik Katimaniq Yalunaimi. Katimalutik Nuvaipa 15mit-17mut uumani ukiumi, tamna Katimadjut iliqtuq 44nik ukiunganik katimaniaqtut uumani  Ed Jeske Ulapqivikyuangani (Katimavik). Pulaadjavuhi uqarluta huuq havakvikmi aaniqtailiniq Nakuuyuq iliknut. Takuyumayaffi talvani!
QILAMIUQTUQALIQQAT AANIQTUMIK ANIQHAALIMAITTUMITLUUNIIT IKAYURNIQ UNALU CPR-MIK AYUIRHAINIQ
QAILIQTUT QAKUGUNNUAQ NUNAGIYARNUT

Iliharumavit pigiaqni ilihaidjutimik Qilamiuqtuqaliqqat Aaniqtumik Aniqhaalimaittumitluuniit Ikayurniq ayuirhaqniqmik? Ihariagivit Qilamiuqtuqaliqqat Aaniqtumik Aniqhaalimaittumitluuniit Ikayurniq ayuirhautikhamik havaarnut? Angiruvit, qaittaaqtugut tunigiaqni malruuknik ublunik ayuirhatikhamik iliknut.

WSCC-kut pihimayut atiliurhimayunik Qilamiuqtuqaliqqat Aaniqtumik Aniqhaalimaittumitluuniit Ikayurniq Ayuittut, tingmittaaqtut nunallaanut titiraqhimayut hamna ataani- taimaa inuqarumi 12 ayuirharmayut atauhiqmi ilihaidjutimi (kiklikhanga ayuirhayukhat 16nguyut ayuirhaqtukhat):
Talvannga piqalirupta mikitqianik ayuirharumayunik kitunit nunallaanit, WSCC-kut uqaqatiginiaqtut atiliuqtunik naunairiamikni ayuirhaidjutikhanganik, qakugulu ihuarhaqluni humilu ayuirharahuaniklu. Taimaa qaffiuyut ayuirharumayut avatqumagumi 16nik, tunittaaqtugut malruuknik inmikkut ayuirhagakhautikhamik.

Atiliurumaguvit, takulugu titiraqhimayuq hamna qaangani naqillugulu nunallaangani ayuirhautigiyakharnik. Maliklugu maliktakhat atiliuriaqni ayuirumayarnik.
WSCC TIGUMIAQTUUQATAUYUT APIRHUUT

WSCC-kut pivaktut tigumiaqtuuqatauyut apirhuutinik atan'nguyauyunut havaktinginnullu taimaa pingahut ukiut qaangiraangat. Tamna apirhuut tunivaktait WSCC-kut akhuurutauyunik naunaitkutanik ukuninnga tigumiaqtuuqatauyut ilihimaninnga quviahuutiningalu WSCC-kut havaanginnik. Ikayuqtaativut ihumagilluariaptikni ihumaalutigiyauyut akhuurutauyut ukununnga tigumiaqtuuqatauyut qanuriliurutingillu piyut  ihumaliurhimayut havaariyakhanginnik. Tamna apirhuut qanuriliurutingit ikayuqtait Piyunnautimut Katimayiingit titiqqiqinirmulu ihumaliuqtunik  ihumaliuqtamiknik hivulliutigiyakhangit. Tamna qanuriliurutit apirhuutini atuqtauyullu naunaiyariaptiknik havaaptiknik qaffiuyuni akhuurutauyut havaat naunaitkutauyut  Ihumaliurutiptikni.

Tamna 2016 WSCC Tigumiaqtuuqatauyut Apirhuutingit piniaqtait hivayautikkut ukunanit Kaanatami ihivriuqtiuyut, Leger, Aktuupami. Atan'nguyat havaktingillu tikkuaqtauniaqtut ilaugiamikni uumunnga apirhuutimut. Hivayaqtauguvit Leger-kunnit, ilauliruvit quvianaraluaqniaqtuq.
MALIGANI AADLANGURNIQ

Piyunnautimut Katimayiit Havaktinut Aaniqtailiniq unalu Akiliuhiakhaq Katimayiingit Nunatsiaqmi Nunavunmilu angiqtait aadlangurhimaninngit hapkununnga malruuk Maligat Saptaipa 2016 katimakmata:
  • Maligaq 02.04, Takupkainiaqtut Tiiviitgut Hilataani Nunatsiaqmi Nunavunmilu
  • Maligaq 02.07, Angiyuq Havauhikhamut Naunaiyainiq
Takulugu uumani WSCC Maligamut Makpiraanga takugiaqni tamaita WSCC-kut maliganganik.
HAVAKVIK UMIKHIMANIAQTUQ
QUYAHUKNIQMUT UBLUNGA

WSCC-kut havakvingit umikhimaniaqtuq Quyahukniqmut Ublungani Hivulliunmi, Aktuupa 10mi, angmaffaaqluni 8qaangiqqat ublaami Aippiumni, Aktuupa 11mi.

Hivituyumik uqariaqni havakvikmi aaniqtuqaliqqat qanuriliurumiluuniit, hivayaqlugu 1-800-661-0792.
wscc.nt.ca   /  1.800.661.0792  |  wscc.nu.ca  /  1.877.404.4407