ᓯᑎᐱᕆ 2016
ᑭᓱ ᐱᒻᒪᕿᐅᕙ ᐃᓕᓐᓄᑦ?
ᓱᒻᒪᑦ ᐃᖅᑲᓇᐃᔭᕐᕕᒻᒥ ᐊᑦᑕᓇᐃᖅᓯᒪᓂᖅ ᐱᒻᒪᕆᐅᕙ ᐃᓕᓐᓄᑦ?

ᑕᕝᕙᓂ ᑕᖅᑭᒥ, WSCC−ᑯᑦ ᓴᖅᑭᑎᑦᑎᓚᐅᖅᑐᑦ ᖁᓛᓃᑦᑐᒥᑦ ᐊᐱᖅᖁᑎᐅᔪᒥᑦ ᑭᒃᑯᑐᐃᓐᓇᕐᓄᑦ, ᐃᓱᒪᒋᔭᖃᖁᓪᓗᒋᑦ ᑭᓱ ᐱᒻᒪᕆᐅᒻᒪᖔᑦ ᐃᓅᓯᖏᓐᓂᑦ, ᐊᒻᒪ ᓱᒻᒪᑦ ᐃᖅᑲᓇᐃᔭᕐᕕᒻᒥ ᐊᑦᑕᓇᐃᖅᓯᒪᓂᖅ ᐱᒻᒪᕆᐅᔪᖅ. ᐊᖏᕋᕐᓂᐅᔪᖅ ᐊᑦᑕᖏᑦᑐᒥᑦ ᐃᕝᕕᑦ ᐃᓚᖏᓐᓅᕐᓗᑎ ᐃᖅᑲᓴᐃᔭᕐᓇᐅᔭᕇᖅᑎᓪᓗᒍ ᐱᕕᖃᖅᑎᒍᓐᓇᖅᑭᐅ ᐊᑦᑕᓇᐃᖅᓯᒪᓂᕐᒥ ᐃᓕᓐᓂᐊᓂᕐᒥᑦ? ᕿᑐᓐᖓᑎᑦ ᐱᕈᖅᐸᓪᓕᐊᓕᖅᑎᓪᓗᒋᑦ ᐃᓅᓯᖏᓐᓂᓪᓗ ᐱᒋᐊᓕᖅᑎᓪᓗᒋᑦ ᐊᐱᖅᑯᑎᔅᒪᑲᓐᓂᐅᔪᓐᓇᖅᑲ ᐊᖏᔪᖅᑳᓐᓄᑦ ᐊᑦᑕᓇᐃᖅᓯᒪᓂᕐᒥᑦ? ᖃᓄᐃᖏᑎᐊᕐᓂᖅ ᐊᒻᒪ ᐊᐅᓪᓚᖃᑦᑕᕐᓂᖅ ᐊᓯᖏᓐᓄᑦ ᓄᓇᓕᓐᓄᑦ ᐱᐅᕙ ᐊᓐᓄᕌᖅᓯᒪᑦᑎᐊᕐᓗᓂ ᓈᒻᒪᑦᑐᓂᑦ ᓴᐳᒻᒥᔾᔪᑎᓂᑦ ᐃᖅᑲᓇᐃᔭᕐᓗᓂ?

ᑐᓴᖅᑕᐅᑎᑕᐅᒐᓱᐊᖅᑐᖅ, ᑕᑯᔅᓴᐅᑎᑦᑎᓇᓱᐊᖅᑐᓂᐱᒻᒪᕆᐅᓂᖓᓂ ᐊᑦᑕᓇᐃᖅᓯᒪᓂᕐᒧᑦ ᐃᖅᑲᓇᐃᔭᕐᕕᒻᒥᑦ, ᐱᒋᐊᓚᐅᖅᓯᒪᔪᖅ ᔨᐊᓗᓇᐃᒥ ᐊᒻᒪ ᐃᖃᓗᓐᓂ ᑕᑯᔅᓴᐅᑎᑕᐅᓪᓗᑎ ᐊᕙᓘ ᓴᓇᔭᐅᔪᑦ ᕿᑎᐊᓂ ᓄᓇᓕᒻᒥ ᐊᕙᓗᒥᐅᑕᐃᑦ ᑕᑯᔅᓴᐅᑎᑦᑎᓪᓗᑎ ᐊᔾᔨᒌᖏᑦᑐᓂᑦ ᖃᓄᐃᓐᓂᐅᔪᓐᓇᖅᑐᓂᑦ, ᐅᓇᒥᓪᓗᒋᑦ ᓴᓂᐊᒎᖃᑦᑕᖅᑐᑦ ᓄᖅᑲᖁᓪᓗᒋᑦ ᐊᒻᒪ ᐃᓱᒪᓗᑎᑦ ᑭᓱ ᐱᒻᒪᕆᐅᒻᒪᖔᑕ ᐃᓅᓯᖏᓐᓄᑦ. ᐊᑐᓂ ᐊᕙᓗᒥᐅᑕᐃᑦ ᑐᑭᒧᐊᖅᑎᑦᑎᓚᐅᖅᑐᑦ ᕿᒥᒃᕈᔪᓂᑦ www.worth-it.ca. ᐃᓚᒋᐊᕐᓗᒍ, ᐊᕙᓗᒥ ᑎᑎᖅᑐᕋᖅᑕᒥᓂᐅᔮᖅᑐᖅ ᓴᖅᑭᓚᐅᖅᑐᖅ ᐃᓂᒋᒍᓇᖏᑕᖏᓐᓂᑦ ᐊᑐᕆᐊᓂᑦ, ᑐᑭᒧᐊᖅᑎᑦᑎᔪᑦ ᓴᓇᔭᐅᔪᓄᑦ ᐊᕙᓗᓂᑦ.

ᓴᖅᑭᖅᑎᑕᐅᔪᐃᓐᓇᐅᓚᐅᖅᑐᑦ ᑕᓪᓕᒥᕐᒥᑦ, ᓯᑎᐱᕆ 16th, ᐃᓄᐃᑦ ᖃᓄᐃᓘᖅᑎᑕᐅᓪᓗᑎᓴᑕᒪᒃᑭᓐᓂ ᔨᐊᓗᓇᐃᒥ ᐃᖃᓗᓐᓂᓗ. 3D ᑎᑎᖅᑐᕋᖅᑕᒥᓂᖅ ᓴᖅᑭᖅᑎᑕᐅᓚᐅᖅᑐᖅ, ᑕᑯᔅᓴᐅᑎᑦᑎᔪᖅ ᐱᓂᕐᓗᒍᑎᔅᓴᐅᖏᑦᑐᓂ ᐃᖅᑲᓴᐃᔭᒃᕕᒻᒥ. ᐱᒻᒪᕆᐅᔪᖅ! ᐅᖃᓪᓚᖃᑕᐅᔪᑦ ᐃᓗᓐᓂᑦ ᐅᖃᓪᓚᑎᑦᑎᓚᐅᖅᑐᑦ ᐱᔾᔪᑎᖃᖅᑐᓂ ᑭᓱᑦ ᐃᖅᑲᓇᐃᔭᕐᕕᒻᒥ ᐊᑦᑕᓇᐃᖅᓯᒪᑎᑦᑎᕙᑦ ᐱᒻᒪᕆᐅᓪᓗᑎᓪᓗ, ᐊᒻᒪ ᐃᓚᐅᖃᑕᐅᔪᑦ ᐅᖃᓪᓚᕝᕕᐅᓚᐅᖅᑐᑦ ᑎᑎᕋᕆᐊᖃᖅᑎᑕᐅᓪᓗᑎ ᓇᒻᒥᓂᖅ ᐱᒻᒪᕆᐅᔪᖅᑐᓴᖅᑕᐅᖁᔭᐅᔪᖅ.









WSCC ᑲᔪᓯᑎᑦᓰᓇᕐᓂᐊᖅᑐᑦ ᐃᓚᒍᑕᒃᑲᓐᓂᕆᔭᖏᓐᓂᑦ ᑖᔅᓱᒥᖓ ᑕᑯᔅᓴᐅᑎᑕᐅᔪᒥᑦ, ᐊᒻᒪ ᐃᓄᓐᓂᑦ ᐃᓚᐅᑎᑦᑎᑲᓐᓂᖅᑐᓂᑦ ᑐᑭᓯᒋᐊᕈᑎᖃᖅᑐᑎᑦ ᐱᔨᑦᑎᖅᑕᓄᑦ WSCC ᐃᖅᑲᓇᐃᔭᖅᑎᑦᑎᔪᓄᑦ, ᑲᒪᔨᓄᑦ, ᐃᖅᑲᓇᐃᔭᖅᑎᓄᑦ, ᐊᒻᒪ ᐅᑭᐅᑕᖅᑐᒥᐅᑕᓄᑦ. ᑕᐃᒪᐃᓕᖓᑎᓪᓗᒍ, ᐃᓕᓐᓂᖅ ᖃᐅᔨᒋᐊᖁᔨᔪᒍᑦ, www.worth-it.ca, ᓇᒥᓯᓂᐊᖅᑐᑎᑦ ᑐᑭᓯᒋᐊᕈᑎᔅᓴᑲᓐᓂᐅᔪᓂᑦ ᑕᑯᔅᓴᐅᑎᑕᐅᔪᒥᑦ ᖃᓪᓗᓈᑎᑐᑦ, ᐅᐃᕖᑎᑎᑐᑦ, ᐊᒻᒪ ᐃᓄᑦᑎᑐᑦ.

ᐃᖅᑲᓇᐃᔭᕐᕕᒻᒥ ᐊᑦᑕᓇᐃᖅᓯᒪᓂᖅ ᐱᒻᒪᕆᐅᔪᖅ ᐅᕙᑦᑎᓐᓄᓕᒫᖅ. WSCC ᐅᕙᓃᑦᑐᑦ ᐃᓕᓐᓂᑦ ᐃᑲᔪᖅᑐᑎ.


ᖃᐅᔨᒋᐊᕈ ᑮᓇᐅᔭᖅᑕᕆᕙᑦᑕᑎᑦ
ᐋᖅᑭᒋᐊᖅᑕᐅᕕᔅᓴᖓ ᒫᓐᓇᐅᓕᖅᑐᖅ

ᐃᖅᑲᓇᐃᔭᖅᑎᑦᑎᔪᑦ, ᒫᓐᓇᐅᔪᖅ ᐱᐅᔪᖅ ᕿᒥᕐᕈᓗᒋᑦ ᑮᓇᐅᔭᖅᑖᖑᓂᐊᖅᓯᒪᔪᑦ ᒥᔅᓴᐅᓴᑦᑕᐅᓯᒪᔪᑦ 2016−ᒧ WSCC ᑮᓇᐅᔭᖅᑖᕈᑎᓂ ᐋᖅᑭᒋᐊᖅᓯᒪᔪᓂᑦ ᐊᐅᓪᓚᑎᑦᑎᓚᐅᖅᑐᑦ ᐃᖅᑲᓇᐃᔭᖅᑎᑦᑎᔪᓕᒫᓄᑦ ᐱᒋᐊᕐᓂᐊᓂ ᑕᖅᑭᒥᑦ.

ᑐᓴᖅᑎᑦᑎᓂᖅ ᐃᕝᕕᑦ ᑮᓇᐅᔭᖅᑖᖏᓐᓂᑦ ᒥᔅᓴᐅᓴᑦᑕᐅᔪᓂᑦ ᐊᕐᕌᒍᒧ ᐱᒡᒐᓇᖏᓛᖑᔪᖅ ᐊᑭᓖᑎᑕᐅᖏᓪᓗᓂ ᒥᔅᓴᐅᓴᑲᒻᒪᑦᑕᐅᓯᒪᔪᓂᑦ. ᑐᓴᖅᑎᑦᑎᓗᓂ ᐊᓯᔾᔨᖅᑐᓂᑦ, ᐱᔭᕇᕐᓗᒍ Payroll Revision ᑕᑕᑎᕆᖓᓕ ᐊᒻᒪ ᐅᑎᖅᑎᓪᓗᒍ ᖃᕋᓴᐅᔭᒃᑯᑦ ᓱᑲᔪᒃᑯᓘᓐᓃᑦ ᐅᕗᖓ 1-866-277-3677 ᓄᓇᑦᓯᐊᒥ ᐅᕝᕙᓘᓐᓃᑦ ᖃᕋᓴᐅᔭᒃᑯᑦ ᓱᑲᔪᒃᑯᓘᓐᓃᑦ 1-866-979-8501 ᓄᓇᕗᒻᒥ.

ᐊᐱᖅᑯᑎᔅᓴᖃᕈᕕᑦ ᑮᖅᑭᒋᐊᖅᑕᐅᓂᖏᓐᓄᑦ ᑮᓇᐅᔭᖅᑖᑎᑦ, ᖃᐅᔨᒋᐊᕐᕕᒋᒍᒃ ᐃᖅᑲᓇᐃᔭᖅᑎᑦᑎᔪᓄᑦ ᐱᔨᑦᑎᖅᑏᑦ ᓄᓇᑦᓯᐊᒥ ᐅᕙᓂ 1-800-661-0792 ᐊᒻᒪ ᓄᓇᕗᒻᒥ 1-877-404-4407.
OHS ᖃᓄᐃᑦᑐᑐᐃᓐᓇᕐᓄᑦ ᓇᒻᒥᓂᕆᔭᐅᔪᓄᑦ
ᓄᑖᖅ WSCC ᓴᓇᕐᕈᑎ ᒥᑭᔪᓄᑦ ᓇᒻᒥᓂᕆᔭᐅᔪᓄᑦ

ᑕᖅᑭᐅᓚᐅᖅᑐᒥ, WSCC ᐱᒋᐊᖅᑎᑦᑎᓚᐅᖅᑐᑦ ᐃᖅᑲᓇᐃᔭᓂᕐᒧᑦ ᖃᓄᐃᖏᑎᐊᓂᕐᒧᑦ ᐊᒻᒪ ᓇᐃᖅᓯᒪᓂᕐᒧᓪᓗ ᐱᓕᕆᐊᖅ ᑐᑭᒧᐊᕈᑎᖏ ᒥᑭᔪᓄᑦ ᓇᒻᒥᓂᕆᔭᐅᔪᓄᑦ ᑐᕌᒐᖃᖅᑐᓂ ᐃᑲᒧᖅᑕᐅᓗᑎ ᓇᒻᒥᓂᖃᖅᑐᓕᓵᑦ − ᐊᖏᔫᒐᓗᐊᖅᐸᑦ ᒥᑭᔫᒐᓗᐊᖅᐸᓘᓐᓃᑦ - ᓴᖅᑭᑎᑦᑎᓗᑎ ᓇᒻᒥᓂᖅ OHS ᐱᓕᕆᐊᒥ.
 
ᐊᑐᖅᑕᐅᒐᔪᓗᐊᖃᑦᑕᖅᑐᖅ, ᒥᑭᔪᑦ ᓇᒻᒥᓂᕆᔭᐅᔪᑦ ᐊᑦᑕᓇᐃᖅᓯ,ᒪᓂᕐᒧᑦ ᐱᓕᕆᐊᖃᖏᑦᑐᑦ ᐱᔾᔪᑎᒋᓪᓗᒍ ᓄᓇᑦᓯᐊᒥ ᓄᓇᕗᒻᒥᓗ, ᐊᐅᓚᓂᖃᖅᑐᑦ 20 ᑐᖔᓂ ᐃᖅᑲᓇᐃᔭᖅᑎᖃᖅᑐᑦ ᓴᖅᑭᑎᑦᑎᒋᐊᖃᖅᑎᑕᐅᖏᑦᑐᑦ OHS ᐱᓕᕆᐊᒥ. ᑭᓯᐊᓂᓕ, ᓇᒻᒥᓂᕆᔭᐅᔪᓕᒫᑦ ᒪᑭᒪᑎᑦᑎᒋᐊᓖᑦ ᐊᑦᑕᓇᐃᓯᒪᔪᒥ ᐃᖅᑲᓇᐃᔭᓂᕐᒧᑦ ᒪᓕᑦᑕᐅᒋᐊᓕᓐᓂᑦ ᐊᒻᒪ ᐃᓕᓐᓂᐊᖅᑎᑕᐅᓂᖏᓐᓄᑦ ᐃᖅᑲᓇᐃᔭᖅᑏᑦ.

ᑕᑯᓯᒪᒍᕕᒋᑦᑐᑭᒧᐊᕈᑏᑦᑭᓯᐊᓂ ᐊᐱᖅᑯᑎᔅᓴᖃᓕᖅᑐᑎᑦ ᐱᒋᐊᕐᓇᕆᓪᓗᒍᓘᓐᓃᑦ, ᐃᖅᑲᐅᒪᒋᑦ ᖃᐅᔨᒋᐊᕐᕕᒋᔪᓐᓇᖅᑕᐃᑦ WSCC−ᑯᑦ OHS ᖃᐅᔨᒪᑎᑕᖓ. OHS ᖃᐅᔨᒪᑎᑕᖅᐃᓕᓐᓂᑦ ᐃᑲᔪᕈᓐᓇᖅᑐᖅ ᑐᑭᓯᑎᑦᑎᓗᓂ ᖃᓄᖅ OHS ᒪᓕᑦᑕᐅᔭᕆᐊᓖᑦ ᐊᑐᕐᒪᖔᑕ ᐃᓕᓐᓄᑦ ᐊᒻᒪ ᓇᒻᒥᓂᕆᔭᕐᓄᑦ, ᐊᒻᒪ ᐃᓕᓐᓂᑦ ᐃᖅᑲᓇᐃᔭᖃᑎᖃᕈᓐᓇᖅᑐᖅ ᓴᖅᑭᑎᑦᑎᓗᓂ OHS ᐱᓕᕆᐊᒥ ᐃᓕᓐᓄᑦ ᓴᓇᓯᒪᔪᒥᑦ. ᖃᐅᔨᒋᐊᕐᕕᒋᓗᒍ OHS ᖃᐅᔨᒪᑎᑕᖅ, ᖃᕋᓴᐅᔭᒃᑯᑦ ohsregs@wscc.nt.ca ᐅᖄᓚᓗᑎᓪᓘᓐᓃᑦ ᐊᑭᖃᖏᑐᒃᑯᑦ 1-800-661-0792.
WSCC ᐊᐅᓪᓚᕐᓂᐅᔪᑦ

ᐅᑭᐊᔅᓵᕈᖅᐸᓪᓕᐊᕐᒥᒻᒪᑦ, ᐊᒻᒪ WSCC−ᑯᓐᓄᑦ, ᑐᑭᖃᖅᑐᖅ ᐃᖅᑲᓴᐃᔮᖑᔪᓐᓇᖅᑐᓂᑦ ᑕᑯᔅᓴᐅᑎᑦᑎᓂᐅᔪᖅ ᐱᒋᐊᖅᓯᒪᓕᖅᑐᖅ. ᑕᑯᒍ ᓇᒦᔅᓯᒪᓕᕐᒪᖔᑦᑕ ᐊᒻᒪ ᓇᒧᖓᐸᓪᓕᐊᒻᒪᖔᑦᑕ!

NTFL ᐃᖅᑲᓇᐃᔭᖅᑎᓄᑦ ᐅᓪᓗᖓᓂ ᐃᒐᓂᖅ
 
ᔨᐊᓗᓇᐃᒥ, ᓄᓇᑦᓯᐊᒥ ᑲᑐᔾᔨᖃᑎᒌᑦ ᐃᖅᑲNᐃᔭᖅᑎᓄᑦ ᐃᒐᑎᑦᑎᓚᐅᖅᑐᑦ ᐃᖅᑲᓇᐃᔭᖅᑏᑦ ᐅᓪᓗᖓᓂ ᓇᒡᒐᔾᔭᐅᒥ, ᓯᑎᐱᕆ 5. ᐊᑭᖃᖏᑦᑐᖅ ᐊᒻᒪ ᒪᑐᐃᖓᔪᖅ ᑭᒃᑯᑐᐃᓐᓇᕐᓄᑦ , ᐃᒐᓂᖃᖅᑎᓪᓗᒋᑦ ᐃᓄᒋᐊᖃᑦᑕᓚᐅᖅᑐᑦ ᐅᓪᓗᓕᒫᖅ, ᖃᐊᒻᒪ WSCC ᑕᐃᑲᓃᓚᐅᖅᑐᑦ ᐃᑲᔪᖅᑐᑎᑦ ᓇᒻᒥᓂᖅ ᑕᑯᔅᓴᐅᑎᑦᑎᕕᑦᑎᓐᓂᑦ.

ᖁᔭᓐᓇᒦᖅᑕᐃᓐᓇᕗᑦ ᑯᐃᓚᐅᖅᑐᑦ ᐊᒻᒪ ᑭᐅᓪᓗᒋᑦ ᐊᑦᑕᓇᐃᖅᓯᒪᓂᕐᒧᑦ ᐊᐱᖅᑯᑎᓂᑦ ᐱᔾᔪᓯᐊᔅᓴᖃᖅᑐᑎᑦ!


ᓄᓇᕗᒻᒥ ᐃᖅᑲᓇᐃᔮᓂᑦ ᑕᑯᔅᓴᐅᑎᑦᑎᓂᖅ ᐊᒻᒪ ᑲᑎᒪᓂᖓ

WSCC−ᑯᑦ ᐃᖃᓗᓐᓂ ᐊᓪᓚᕕᖓ ᐱᒋᐊᕈᑎᖃᓚᐅᖅᑐᑦ ᒪᑐᐃᖅᑕᐅᓂᖓ ᐃᖅᑲᓇᐃᔮᓂ ᑕᑯᔅᓴᐅᑎᑦᑎᓂᐅᔪᖅ ᓄᓇᓄᒻᒥ ᐃᖅᑲᓴᐃᔮᓂᑦ ᑕᑯᔅᓴᐅᑎᑦᑎᓂᖅ ᐊᒻᒪ ᑲᑎᒪᓂᖓᓂᑦ ᐃᖃᓗᓐᓂ ᓯᑎᐱᕆ 19-21. ᑐᓴᖅᑕᐅᑏᓐᓇᕋᓱᓚᐅᖅᑕᕗᑦ ᐱᒻᒪᕆᐅᔪᖅ! ᑐᓴᕋᔅᓴᖅ ᐊᒻᒪ ᑕᕐᕆᔭᓚᐅᖅᑐᑕ 3D ᑎᑎᖅᑐᒐᖅᓯᒪᔪᓂᑦ ᓴᓇᔭᐅᓚᐅᖅᑐᖅ ᓯᐊᓗᓇᐃᒥ ᑐᓴᖅᑎᑦᑎᓂᖃᖅᑎᓪᓗᒋᑦ.



ᑭᕙᓪᓕᒃᒥ ᐃᖅᑲᓇᐃᔮᓂᑦ ᑕᑯᔅᓴᐅᑎᑦᑎᓂᖅ ᐊᒻᒪ ᑲᑎᒪᓂᖓ

WSCC−ᑯᑦ ᓄᖅᑲᕐᕕᒋᓚᐅᕐᒥᔭᖓ ᑲᖏᕐᖠᓂᖅ, ᑕᑯᔅᓴᐅᑎᑦᑎᔪᑦ 7th ᐊᕐᕌᒍᑕᒫᑦ ᑭᕙᓪᓕᕐᒥ ᐃᖅᑲᓇᐃᔮᓂ ᑕᑯᔅᓴᐅᑎᑦᑎᓂᕐᒥᑦ ᓯᑎᐱᕆᒥ 26-28. ᐅᐸᖃᑕᐅᓂᖅ ᑕᑯᔅᓴᐅᑎᑦᑎᓂᕐᒧᑦ ᐅᖃᖃᑎᖃᕈᓐᓇᑎᑦᑎᓚᐅᖅᑐᖅ ᐃᖅᑲᓇᐃᔭᖅᑎᑦᑎᔪᓂᑦ ᐊᒻᒪ ᐃᖅᑲᓇᐃᔭᖅᑎᓂᑦ ᑭᕙᓪᓕᕐᒥ ᐊᒻᒪ ᓄᓇᓕᖏᓐᓂᑦ. ᖁᔭᓐᓇᒦᒃ ᐅᕙᑦᑎᓐᓂᑦ ᐅᖃᓪᓚᖃᑎᖃᓚᐅᕋᔅᓯ!

LGANT ᑲᑎᒪᓂᖓ ᐊᒻᒪ ᐊᕐᕌᒍᑕᒫᑦ ᑲᑎᒪᕕᔾᔪᐊᕐᓂᖓ

ᔨᐊᓗᓇᐃᒥ, WSCC−ᑯᑦᑕᑯᔅᓴᐅᑎᑦᑎᓂᐊᖅᑐᑦ LGANT ᐃᖅᑲᓴᐃᔮᓂ ᑕᑯᔅᓴᐅᑎᑦᑎᓪᓗᒋᑦ ᐅᑦᑑᐱᕆ 5ᐃᐊᒃᐳᓗᐊᕈ ᑐᔪᕐᒥᕕᒻᒥ, ᑕᑯᔅᓴᐅᑎᑦᑎᓂᐅᔪᖅ ᐃᖏᕋᓂᖃᒫᖅᑐᖅ 5:00-7:00 PM, ᐊᒻᒪ ᖃᓄᐃᓕᑎᑦᑎᑦᑕᐃᓕᓂᕐᒧᑦ ᐱᔨᑦᑎᖅᑏᑦ ᐊᑐᐃᓐᓇᐅᓂᐊᖅᑐᑦ ᐅᖃᐅᓯᖃᕐᓗᑎ ᐃᓚᖏᓐᓂᑦ ᓄᑖᓂᑦ ᐱᓕᕆᐊᑦᑎᓐᓂᑦ − ᐱᖃᓯᐅᑎᓪᓗᓂ ᓄᑖᕆᔭᕗᑦ OHS ᐱᓕᕆᐊᖅ ᑐᑭᒧᐊᕈᑦ ᒥᑭᔪᓄᑦ ᓇᒻᒥᓂᕆᔭᐅᔪᓄᑦ.

ᐊᕐᕌᒍᑕᒫᑦ ᓄᓇᒥ ᖃᐅᔨᓴᓂᕐᒥᑦ ᑲᑎᒪᓂᖓ

ᓱᓖᓛᒃ, WSCC ᐃᓚᒋᔭᐅᓂᐊᖅᑐᑦ ᐊᕐᕌᒍᑕᒫᑦ ᓄᓇᓂ ᖃᐅᔨᓴᓂᕐᒧᑦ ᑲᑎᒪᓂᖓ ᔨᐊᓗᓇᐃᒥ. ᓅᕖᐱᕆᒥ 15-17 ᑕᒪᑐᒪᓂ ᐊᕐᕌᒍᒥ, ᑲᑎᒪᓂᕆᔭᖓ 44th ᐊᕐᕋᒍᖓ ᐊᒻᒪ Ed Jeske Arena (Multiplex). ᖃᐃᖃᑕᐅᓗᑎᑦ ᐊᒻᒪ ᐅᕙᑦᑎᓐᓂ ᐅᖃᐅᔾᔨᓗᑎ ᓱᒻᒪᑦ ᐃᖅᑲᓇᐃᔭᕐᕕᒻᒥ ᐱᒻᒪᕆᐅᒻᒪᖔᑦ ᐃᓕᓐᓄᑦ. ᐃᓕᓐᓂᑦ ᑕᑯᔪᒪᓂᐊᖅᑐᒍᑦ ᑕᐃᑲᓂ!
ᐋᓐᓂᖅᑐᓄᑦ ᑐᐊᕕᕐᓇᖅᑐᓕᕆᓂᕐᒥᑦ ᐊᒻᒪ CPR ᐱᓕᒻᒪᔅᓴᐃᓂᖅ
ᒫᓐᓇᕈᓗᒃ ᓄᓇᓕᔅᓯᓐᓅᓛᓕᖅᑐᑦ

ᐃᓕᓐᓂᐊᕈᒪᓂᖃᖅᑮᑦ ᐋᓐᓂᖅᑐᓄᑦ ᑐᐊᕕᕐᓇᖅᑐᓕᕆᓂᕐᒥᑦ? ᐱᓕᒻᒪᔅᓴᕆᐊᖃᖅᑮᑦᐋᓐᓂᖅᑐᓕᕆᓂᕐᒧᑦ ᐃᕝᕕᑦ ᐃᖅᑲᓇᐃᔮᖓᓄᑦ? ᐊᖏᕈᕕᒋᑦ, ᐃᓕᓐᓂᐊᑎᑦᑎᔪᓐᓇᖅᑐᒍᑦ ᐅᓪᓘᓐᓂᒃ ᒪᕐᕉᓐᓂᒃ ᐃᓕᓐᓂᑦ.

WSCC ᐊᑦᑕᓇᐃᖅᓯᓯᒪᔪᑦ ᑎᑎᕋᖅᓯᒪᔪᓂᑦ ᑐᐊᕕᓇᖅᑐᓕᕆᓂᕐᒧᑦ ᓇᓗᓇᐃᒃᑯᑕᖃᖅᑎᑦᑎᔪᓄᑦ. ᐊᐅᓪᓚᕈᓐᓇᖅᑐᑦ ᓄᓇᓕᓐᓄᑦ ᑎᑎᕋᖅᓯᒪᔪᑦ ᐊᑖᓂ − ᖃᒃᑏᓐᓇᐅᓛᕆᔪᓐᓇᖅᑕᖏᑦ 12 ᐊᑎᓕᐅᖅᑲᑕ ᐊᑐᓂ ᐃᓕᓐᓂᐊᖅᑎᑕᐅᔪᓂᑦ (ᐊᒥᓲᓛᕆᔪᓐᓇᖅᑕᖏᑦ ᐃᓕᓐᓂᐊᖅᑎᑕᐅᔪᑦ 16 ᐊᑎᓕᐅᖅᑐᑦ):
ᐱᓯᒪᓕᑐᐊᕈᑦᑎᒍ ᑲᑦᑏᓐᓇᐅᓛᕆᔪᓐᓇᖅᑕᖏᑦ ᐊᒥᓲᓂᖏᑦ ᐊᑎᓕᐅᖅᓯᒪᔪᑦ ᓇᓪᓕᐊᓐᓄᑐᐃᓐᓇᖅ ᓄᓇᓕᒻᒧᑦ, WSCC ᖃᐅᔨᒋᐊᕐᕕᒋᓂᐊᖅᑕᖏᑦ ᐊᑎᓕᐅᖅᓯᒪᔪᑦ ᓇᓗᓇᐃᖅᓯᓗᑎ ᐃᓂᖃᕐᓂᖏᓐᓄᑦ, ᐊᒻᒪ ᐅᓪᓗᖓᓂ ᐋᖅᑭᔅᓯᓗᑎ ᐊᒻᒪ ᐊᖅᑯᑕᐅᓂᐊᖅᑐᓂᑦ. ᐊᒥᓲᓂᖏᑦ ᐱᔪᒪᓂᖃᖅᑐᑦ ᐅᖓᑕᐅᔾᔨᑉᐸᑕ 16−ᓂ, ᑕᑯᓂᐊᕈᓐᓇᖅᑐᒍ ᒪᕐᕈᐊᑎᕐᓗᑕ ᐃᓕᓐᓂᐊᑎᑦᑎᓗᑕ.

ᐊᑎᓕᐅᖃᑕᐅᓗᓂ, ᑕᑯᒃᑭᑦ ᑎᑎᕋᖅᓯᒪᔪᑦ ᖁᓛᓂ ᐊᒻᒪ ᓇᕿᓪᓗᒍ ᓄᓇᓕᐅᔪᖅ ᐃᓕᓐᓂᐊᕐᕕᒋᔪᒪᔭᐃᑦ. ᒪᓕᓪᓗᒋᑦ ᒪᓕᒐᖏᑦ ᐊᑎᓕᐅᕐᓗᑎᑦ.
WSCC ᓇᒻᒥᓂᖃᖃᑕᐅᔪᓂᑦ ᖃᐅᔨᓴᕐᓂᖅ

WSCC ᖃᐅᔨᓴᖃᑦᑕᖅᑐᑦ ᓇᒻᒥᓂᖃᖃᑕᐅᔪᓂᑦ ᐃᖅᑲᓇᐃᔭᖅᑎᑦᑎᔪᓂᑦ ᐊᒻᒪ ᐃᖅᑲᓇᐃᔭᖅᑎᓂᑦ ᐱᖓᓱᓂ ᐊᕐᕌᒍᓂᑕᒫᑦ. ᖃᐅᔨᓴᕐᓂᐅᔪᑦ WSCC−ᑯᓐᓂ ᐱᒻᒪᕆᐅᔪᓂᑦ ᑐᑭᓯᒋᐊᕈᑎᖃᖅᑎᑦᑎᔪᑦ ᓇᒻᒥᓂᖃᖃᑕᐅᔪᓂᑦ ᐅᔾᔨᕈᓱᑦᑎᑦᑎᓂᕐᒥᑦ ᐊᒻᒪ ᓈᒻᒪᓴᓂᕐᒧᑦ WSCC ᐱᔨᑦᑎᖅᑕᓂᑦ. ᐅᕙᑦᑎᓐᓄᑦ ᐃᑲᔫᑎᖃᖅᑐᑦ ᐱᓕᕆᖃᑦᑕᖅᑐᑕ ᐱᒻᒪᕆᒋᔭᐅᔪᓄᑦ ᓇᒻᒥᓂᖃᖃᑕᐅᔪᓄᑦ ᐊᒻᒪ ᖃᐅᔨᓴᕈᑎᒥᓃᑦ ᐊᑐᖅᑐᒋᑦ ᐸᕐᓇᐃᕙᓪᓕᐊᓂᑦᑎᓐᓄᑦ. ᖃᐅᔨᓴᕈᑎᒥᓃᑦ ᐃᑲᔪᖅᑐᐃᔪᑦ ᑲᑎᒪᔨᓂᑦ ᐊᒻᒪ ᐊᐅᓚᑦᑎᓂᕐᒧᑦ ᐃᓱᒪᓕᐅᖃᑦᑕᓂᕐᒧᑦ ᓯᕗᓪᓕᐅᔾᔭᐅᔭᕆᐊᓕᓐᓂᑦ. ᖃᐅᔨᓴᕈᑎᒥᓃᑦ ᖃᐅᔨᓴᕐᓂᐅᔪᒥᑦ ᐊᑐᖅᑕᐅᒻᒥᔪᑦᑕᐅᖅ ᖃᐅᔨᓴᐃᓪᓗᑕ ᖃᓄᐃᓘᕐᓂᕆᔭᑦᑎᓐᓂᑦ ᐊᒥᓱᒐᓚᓐᓂᑦ ᓇᓗᓇᐃᕈᑎᓂᑦ ᐸᕐᓇᐅᑎᒋᔭᑦᑎᓐᓂᑦ.

2016−ᒥ WSCC ᓇᒻᒥᖃᖃᑕᐅᔪᓂᑦ ᖃᐅᔨᓴᕐᓂᖅ ᖃᐅᔨᓴᕐᓂᖃᓂᐊᖅᑐᑦ ᐅᖄᓚᐅᑎᒃᑯᑦ ᑲᓇᑕᒥ ᖃᐅᔨᓴᖅᑎᓄᑦ ᑎᒥᐅᔪᒧᑦ. Leger, ᐅᑦᑑᑉᐱᕆᐅᑎᓪᓗᒍ. ᐃᖅᑲᓇᐃᔭᖅᑎᑦᑎᔪᑦ ᐊᒻᒪ ᐃᖅᑲᓇᐃᔭᖅᑐᑦ ᓂᕈᐊᖅᑕᐅᓂᐊᖅᑐᑦ ᐃᓚᐅᖃᑕᐅᓗᑎᑦ ᖃᐅᔨᓴᕐᓂᐅᔪᒥᑦ. ᐅᖄᓚᕕᐅᒍᕕᑦ Legerᕝᑯᓐᓂᑦ, ᐃᓚᐅᖃᑕᐅᓂᕆᔭᐃᑦ ᖁᕕᐊᒋᔭᐅᑦᑎᐊᖅᑐᖅ.
ᐊᑐᐊᒐᐃᑦ ᐊᓯᔾᔨᖅᑐᑦ

ᐊᐅᓚᑦᑎᔩᑦ ᑲᑎᒪᔨᖏᑦ ᐃᖅᑲᓇᐃᔭᖅᑎᓄᑦ ᐊᑦᑕᓇᐃᖅᓯᒪᓂᕐᒧᑦ ᐊᑭᓕᖅᑕᐅᔪᓄᓪᓗ ᑲᒪᔩᑦ ᓄᓇᑦᓯᐊᓂ ᓄᓇᕗᒻᒥᓗ ᐊᖏᖅᓯᓚᐅᖅᑐᑦ ᐋᖅᑭᒋᐊᖅᓯᒪᔪᓂᑦ ᐅᑯᓄᖓ ᒪᕐᕉᓐᓄ ᐊᑐᐊᒑᓐᓄ ᓯᑎᐱᕆ 2016 ᑲᑎᒪᓂᖃᖅᑎᓪᓗᒋᑦ:
  • ᐊᑐᐊᒐᖅ 02.04, ᐱᖃᓯᐅᔾᔭᐅᓯᒪᔪᑦ ᓯᓚᑖᓂ ᓄᓇᑦᓯᐊᒥ ᓄᓇᕗᒻᒥᓗ
  • ᐊᑐᐊᒐᖅ 02.07, ᐊᖏᔪᓄᑦ ᐱᓕᕆᐊᓄᑦ ᖃᐅᔨᓴᐃᓂᖅ
ᖃᐅᔨᒋᐊᕐᕕᒋᒍᒃ WSCC ᐊᑐᐊᒐᖏᑦ ᐊᑐᖅᑕᐅᒋᐊᓖᓪᓗ ᕿᒥᕐᕈᔭᐃᓐᓇᕆᓗᒋᑦ WSCC ᐊᑐᐊᒐᖏᑦ.
ᑎᑎᕋᕐᕕᒃ ᒪᑐᓯᒪᓂᖓ
ᖁᔭᓕᓐᓇᒥ ᐅᓪᓗᖓ

WSCC−ᑯᑦ ᐊᓪᓚᑯᖏᑦ ᒪᑐᓯᒪ,ᔪᑦ ᖁᔭᓕᓐᓇᒥ ᐅᓪᓗᖓᓂ ᓇᒡᒐᕝᔭᐅ, ᐅᑦᑑᐱᕆ10, ᐊᒻᒪ ᒪᑐᐃᒃᑲᓂᕐᓗᑎ 8:30 AM ᐊᐃᑉᐱᖅ, ᐅᑦᑑᐱᕆ 11.

ᑐᓴᖅᑎᑦᑎᓗᓂ ᐋᓐᓂᖅᑐᖃᕐᔪᐊᑎᓪᓗᒍ ᖃᓄᐃᓕᓂᐅᔪᒥᓪᓘᓐᓃᑦ ᐃᖅᑲᓇᐃᔭᕐᕕᒻᒥ, ᐅᖄᓚᒋᑦ 1-800-661-0792.
wscc.nt.ca   /  1.800.661.0792  |  wscc.nu.ca  /  1.877.404.4407