TAAQHIVALIAVIA 2016
HUNAT NUTAAT
WSCC TAIGUANGUQTIQHIMAYAIT NAUNAIGAKHAT

Qayangnaqtut Naunaiqtakhat: Iyukkarumi Qulvahiktumit

Aippani tatqiqhiunmi, WSCC-kut nuipkaiyut Qayangnaqtut Naunaiqtakhat qayagitquplugit Ukiuqtaqturmiut atuqquplugit ihuaqtunik iyukkaktailitikhanik havagaigumik quvahiktumit, havaktit iyukkakkaaqtitlugu tuklianit natiqarniani angmaumanianit hanayauyumit igluqpakhamit Yellowknifemi.

Havaktit atungitkumik iyukkaktailitikhanik annunik iyukkarumik qulvatqiyanit 3 metres, niaqquarumik tuingmiknutluuniit tutkumik simatqaqtumut atimingni. Havakti aanniqpiarumi iyukkarnirminit.

Anginiqaqtuq tamarmik havaltit tamaini nunani Ukiuqtaqtumi havakpaktut qulvatqiyanik  3 metres uvaluuniit amigaitqiyanit avaluqutaittuni atuqtukhauyut CSA-angiqtauhimayunik iyukkalaitkutikhanik aannukhanik ingilrutikhaniklu.

Iyukkaktailittaaktut qulvahiktuni havaktut. Qauyimalugit havagvigiyatit, atuqlutitlu ihuaqtunik aanniqtailitikhanik ingilrutikhanik  (PPE), havaktititlu qauyimalutik angmaumanirnik avaluliqtuilutiklu naunaitkutikhanik iyukkaktailitikhaniklu. Naunairumagungni, takuyakturlugu qaritauyakkut Qayangnaqtut Naunaiqtakhat
.

Aanniqtailinikkut Tuhaqtakhat: Synthetic Naqqutit Kivikhitikhat

Qauyimavit hapkuat Synthetic Naqqutit Kivikhitikhat qakugungurangat ihivriuqtauqattaqpaktukhauyut, hilami atuyuqtauqattaqpakkumiklu? Synthetic Naqqutit Kivikhitikhat - uqqittut qiratangituttiklu naqqutikgivaktait nailaanguplutiklu uvaluuniit polyester - atuqtauvaktut qiplagikhakhimayunut ahiruqtaqtunutlu ingilrutinut. Atuqtaunirmut auttarmata nungullaqtaakhutikluuniit, munariyauttiaqpaktukhauyut himmauhiqtauyukhauyutlu malrungnit hitamanun ukiungni atuqtauyarangata. Naunaiyattiarumaguvit, qanuqtutlu naunaikhitikharnik hapkuninga Synthetic Naqqutit Kivikhitikhat that atuqtauhuiqqata qanuriliuqtukhauvat, takkulugit uvani nutaat Aanniqtailinikkut Tuhaqtakhat talvuuna Synthetic Naqqutit Kivikhitikhat.

Naqitlugu hamna takuuvikharnik atlanik Aanniqtailinikkut Tuhaqtakhat.

Iglumingnik Nanminiqaqtut Qauyimayakhat

Nanminiqaqtut iglumingnik nutannguqtirigumikhilatanillu havaktakhanik havakpaktut auyami. Havaktiqaruvit nutaqqiqiyiqaruvit, haluummaqhiyiqaruvit, ihuaqhaiyiqaruvit, kantraaqqaqtitiguvit uvaluuniit atlanik havaktiqaruvit iglungni aimavingni, uqaqvigiyakhatit WSCC-kut ukuatlu Havaktit Havalimaiqqata Nalliqtarvik Maligat ukuatlu Aanniqtalinikkut Maligat naunaikhivikhatit ilauyunnariakharnik atani havaktiqarnikkut atuqtakhaliukhimayuni.

Naunaikhittiarumaguvit, takkuuglugit naunaikhivikhavut Nanminiqaqtut Iglumingnik Munariyakhainik makpiraannuat, uqaqvigiluta 1-800-661-0792 apiqqutikhaqaruvit.
QAYANGNAITQIYAMIK
AYURNAITQIYANIK ILIFFINGNUT

Qayangnaitqiyamik WSCC-kut maliqayakhaliukhimayait havaktiqaqtunut aanniqtailitikhanik uuktuutikhaliuktauhimayiut pinahuarutit havaktiqaqtunut akiliqhivaktunut angitqiyanik $40,000 ihivriuqhinikkut tapkununga WSCC-kunut ukiuk tamaat. Hamna maikhanut piyumadjutikhainik atuqtakhat havaktiqaqtut naunaiqtauhimayunik aanniaqtailinirmut, aanniqtailinirmutlu, utiinarualaqiyut havaariyamingnut/nalliutikhanut munaqhidjutikhat atuqtauyukhat, ikiglivaktut nalliutikhanik atuqtauyut akiliktauyut.

Havaktiqaqtut umani pinahuarutikhami ikiglivaktut nalliutikhanik atuqtauyut akiliktauyut ihuaqtutluutiqtitikhanik havaktiqaqtunun angiyunik nalliutikhanik atuqtauyut akiliqtitivaktut ihuituniklu atannguyaqaqtut akiliqtitauliqpaktut akilikhigialaqilutik.

Aullaqtiglutik atuliharutani Niqiliqivik,hadja malruuk atuqtauyuk Qayangnaitqiyamik Atannguyanit Atuqtauvaktunut Apiqhuidjutikhat atauhinguqtauhunguyut ihuatqiyanik iliffingnut.  Nutaat katitauhimayuk titiraqtakhaq (Aanniqtailitikhanik Utirniq Havaarmut/Nalliutikhanut Munaqhidjutikhat atuqtauyukhat atauttikkut) hailihunguyut piutiptingni Safe Advantage makpirniani. Hadja Safe Advantage havaktiqaqtut hapkuatlu havaktiqaqtut nutannguyut pinahuarutimut tuhaqtitauhunguyut qaritauyakkurutikkut, titiraqarvikkutlu.

Naunaikhittiarumaguvit talvuuna Safe Advantage pinahuarutimi, uvaluuniit apiqqutikhaqaruffilu? Uqaqvigilugu  Safe Advantage Ayuikhatiakhimayuq safeadvantage@wscc.nt.ca uvaniluuniit 1-800-661-0792.
NUTAAT OHS-Kut MALIRUAGAKHAT
ILIHIMALUGIT. KANGIQHILUGIT.

Nutaaq Havaatigut Aanniaqtailinirmun Aanniqtailinirmutlu maliganguqtauyut tamagingni Nunatsiarmi Nunavunmilu. Nutaaq OHS Maliruagakhat atuqtauliqtukhat  Nunatsiarmi Imaruqtirvia, 2015, Nunavunmillu Qiqaiyalirvia, 2016.
 
Puiguqtailutit nanminiriyat angikpat mikikpatluuniit, ikayuutikhat qauyittiarrungni hapkuat nutaat Maliruagakhat. Hapkuat Maliruagakhat turrangayut tamainut nanminiqaqtunut auladjutainut Ukiuqtaqtumi,ilaungittut kihiani Kanatap kavamangini maliruagakhaliuqtauhimayunik, ilviinnaq munariyakhaitatit - maligannguqtauhimayuq.

Hamaninginnaqpaktugut kangiqhittiaqtittumaplutit hapkutiguna atlannguqtauhimayunut ilingnut qanurittakhainik. Naunaikhittiarumaguvit, titiqitlutalu OHSRegs@wscc.nt.ca uumaniluuniit OHSRegs@wscc.nu.ca.
 
Nutaaq Maliruagakhat halihunguyut aadjiliugakhat talvani OHSRegs.ca.
SAFETY SHARE
NUTAAQ WSCC-KUT ATUQTAKHAINIK HAVAKTIQAQTUT

Naunaikhiyumavakpihi atlaniklu navaktiqaqtunik aanniqtailinikkut atuqpaktainik pinahuarutikhaniklu? Safety Share nutaaq qaritauyakkurutikhaq katimavikhat havaqtiqaqtut tuhaqtitivikhamingnik tuhaqtakhanik, apiqhiyumagumik, havaqatigiiklutiklu, pivikhamingniklu ayurnaitunik ihuaqtuniklu WSCC-kut aanniaqtailinikkut tuhaqtauyukhanik.
 
Safety Share ikayuutauyuq tamagingnut Qablunatut Uivivutunlu. Uqaqatigiktunik katipkaivaktut siksiuyunik adjikiiktunik ikayurahuakhugit havaktiqaqtut naunaikhiyangini nallianik uqautikhanik ilauyumayamingnik. Naunaitkutainut hama: Ihuaqtut Aanniqtailinirmut Tuhaqtakhat, Aanniqtailinirmut Atuqtakhat, Atuqtauvaktut Ihuaqtut Tuhaqtitakhat, Ikayuqtikhailiuruvit, Tuhaqtidjutikhani, unalu Quyanginnaq Uqautigiyait. Ilaulutit uqaqqatigiiktunut; iliiurailutit piksamik uvaluunniit talvunga links; titiraglutit titiraqtauhimayunut; taimatutlu atuqlugu una polling feature kiudjutinik piyaani apiqqutigiyarnut kiudjutikhaliukhimayunik (pre-set answers).

Safety Share takuyaullayuq talvuuna WSCC qaritauyakkurutini (naqitlugu una Safety Share takulugit qulaniitut makpirniani) uvaluuniit www.safetyshare.wscc.nt.ca.
UTIGIAQAQTUQ HAVAAMINGNUN
HULILUKAAKHUNI IHUARUTAUQPIAKTUQ

Akhuukhuta havakpaktugut ilihautinahuakhugit havaktiqaqtut havaktutlu anginiqautanik havagvingmi aanniqtailitikhanik pittailitikhanik, piyaqquqtaliqpangmata ilani. Puiguqtailutit, kihimi, tamna havagvingni aannirniq havaguiqhimainayuittut ilani akhut aanningittarangamik.

Naunaiqtauvaktuq havakkangamik nakatqikhikhutik inuuhiringnatqiyauyuq havaktitni aihimainnakhimaitumik. Unnaguikhiqtitlutik mamittiqtitlutiklu ikayuutauqpiaktut, aihimmayaamilu ilani qayangnaqpiaktuq inuuhirmut. Qayangnaitumik utiqniq havaariyamun inngutaakhimmaakhunillu naunaittuq ihuakhihurnaqtuqlu mammitikhurnakhunillu.

Taimaitumik Utirniq Havaarmut pinahuarutikhat atuqtaunikhanik. Qayangnaituqlu kayumiktuqlu Utirniq Havaarmut (RTW) ikayuutauvaktuq tamagingnut aanniqhimayunut havaktinut havagviuyunutlu, hivituyumi aanniqhimayut havaktit havaguikhimayarangata, ayurnakhivaktuq utiqvikhanik havaariyamingnut.

RTW atuqtauvaktuq ikayuutikhanik aanniqhimayut havaktit havakhimmariangini uvaluuniit utiqlutik havaakhamut naptiyaanut qilamivyak qayangnaitumiklu aanniaruivyaktunut. Ihuaqhaiyukhauyunakhiyut havaariyakhainik havaakhainiklu napkiyainik, atlanik havaktitlaglugit, ikarnikhainiklu naitqiyanik piyukhaukpata ihuakhittiqtitlugit. Aanniqhimayut havaktit havavvaaliriangini hivuani aannirnatik havaariyanut.

Hamna RTW maliktakhainut ilauyut havaktakharnik munaqhidjutikhainiklu process includes responsibilities aanniqtumik havaktimik, havagvianiklu, aanniaqtuliqiyitlu taaktit munaqhitluuniit, hapkuatlu WSCC-kut. Tamarmik  havaqatigiikpaktut ihumaliukhutik ihuatqiyamik qanuriliurutikhamingik havaktip nakatkikhiutikhanik.

Tamarmik ikayuqtauvaktut qayangnaitumik utirnarigvikhaniklu havaariyamingnut. Havagviit pihimanahuaqpaktait ayuikhatiakhimayut havaktitik, havaktikharhiuffarnaitumik taimatutlu ayuikhaudjiffaarnirmut akiliqtuinnaitumik,   qayangnaitumiklu havagviqarnaqtumik. Havaktini pihimayanginik kiinauyanik ikayuutikhamingnik, (havaguiyalirumik maniktaakhamingnik tutquqtirivianut,Havaknikkut Nalliutinut (EI), aannirumi aulautikhainut ukuatlu kiguhiqiyinut akikhainik parnautikhat, aanniqtinnani aanniqtinnan akiliuhiarivaktait, aatlakkutluuniit.), quviattagyuminnaqtumiklu, uqagvigiqattaglugu havagvingminut, havangirnaitumiklu. Ihuatqiyaniklu, ikayutauyut tutqikhinnaqtumik mamitigvikhanutlu, aanniqpallarnaitumik ayuqhautiqarnaitumiklu timini.

Takulugu Utirniq Havaarmut makpirnia qaritauyakkurutimi qinikhialutit qanuriliurutikharnik ikayuglutalu atuqtakharnik nakuuuhittiqtitlutit. Takuuglugitlu atauqtakhaliukhimayavut Havaktinut, Havagviuyunut, ukuatlu Munaqhiuyunut Taaktinutlu. Naunaikhittiarumaguvit, apiqqutikhaqaruvitluuniit, Utirniq Havaarmut Ayuikhattiakhimayuq havaktiqaqtugut ikayuqtaaktatit uqautilutit ikayuqlutitluuniit havautikharnik atuliqpalliadjutikharniklu Utirniq Havaarmut (RTW) atuqtakhainik havagvingni. Hivayagluta1-800-661-0792 uumaniluuniit qaritauyakkut titiqitluta.

Itqaumalutit, tutqikhiffaarnik kayuumiitpiaktuq ihuakhittiqpaktut ahianit nunangnit ilani.
Maligaq  Allanguqtauniinik

Kavamaliqiyitkuni Katimayii hapkunani Havaktinut Aanniqtailinirmunllu Havalimaiqqata Nalliqtarvik Nunatsiarmi Nunavunmi angiqtauhimayut ihuaqharniit hitamanik Maligat malrungniklu Kavamaliqiyitkuni Katimayiit Maliktakhainik Imaruqtirvia 2016 katimadjutani:
  • Maligaq 00.02, Ihumaliutqiutikhanik Ihumaliuqtaauhimayumik
  • Maligaq 00.09, Havaqatigiiktut
  • Maligaq 08.01, Ihivriuqhilutik Ihumaliutqikkiutikhanut Ihumaliurutainik
  • Maligaq 08.02, Tuhaaffaaktitilutik Ihumaliutqikkiutauyumik
  • Kavamaliqiyitkuni Katimayiit Maliktakhainik B-009, Ihumaliutqikkiutikhanut Ihuaqhaiyit Katimayinut Ilauyut Akiliuhiakhainut Tingmidjutikhainiklu
  • Kavamaliqiyitkuni Katimayiit Maliktakhainik B-011, Ihumaliutqikkiutikhanut Ihuaqhaiyit Katimayiuyunut Ilauyut Nalliktarvikhat
Takulugit WSCC Maligat Maliktakhainik takuurilutitlu tamainik WSCC-kut maligainik, ukuningalu Kavamaliqiyitkuni Katimayiit Maliktakhainik Makpiraat takuuglugitlu tamainik Kavamaliqiyitkuni Katimayiit Maliktakhainik.
HAVAGVIIT UMIKHIMANIAQTUT
CIVIC HOLIDAY

WSCC-kut havagviit umikhimaniaqtut Civic Holiday Hivulliunmi Niqiliqivik 1, angmaffaaglutik 8:30 AM Aippiunmi, Niqiliqivik 2.

Unnirumaguvit piyaqquqpiaktunik havagvingmingni aanniqtuqaqqat qanuriliyuqaqqata, hivayaglutit 1-800-661-0792.
wscc.nt.ca   /  1.800.661.0792  |  wscc.nu.ca  /  1.877.404.4407