ᔫᓐ 2016
ᑎᑎᖅᑲᒃᑯᕖᑦ ᖃᓄᐃᓕᖓᑐᐃᓐᓇᕆᐊᖃᖕᓂᖏᓐᓄᑦ ᑐᓴᐅᒪᑎᑦᑎᓂᖅ
ᖃᓄᖅ ᑕᒪᓐᓇ ᐃᓕᖕᓄᑦ ᐊᒃᑐᐃᓂᐊᖕᒪᖔᑦ

ᑲᓇᑕᒥ ᑎᑎᖅᑲᕐᓂᐊᕐᕕᓕᕆᔩᑦ ᐃᖅᑲᓇᐃᔭᕐᓂᖏᑦ ᓄᖅᑲᖓᑎᑦᑎᑐᐃᓐᓇᕆᐊᖃᕐᓂᖓᑦ ᐊᓯᔾᔨᖅᓯᓂᐊᖅᐳᑦ ᖃᓄᑦ WSCC−ᑯᑦ ᐃᓕᖕᓂᒃ ᐱᓕᕆᖃᑎᖃᕋᔭᕐᓂᖏᓐᓂᒃ. ᐅᕘᓇ ᓇᕿᓪᓗᒍ ᑕᑯᔪᒪᒍᕕᑦᖃᓄᖅ ᐱᕙᒌᔭᖅᓯᒪᖕᒪᖔᑦᑕ ᒥᑭᒡᓕᒋᐊᖅᑎᑦᑎᓯᒪᓇᔭᕐᓂᕐᒥᒃ ᑕᒪᑐᒥᖓ ᓄᖃᖓᑎᑕᐅᑐᐃᓐᓇᕆᐊᓕᖕᒥᑦ.
ᐅᔭᕋᖕᓂᐊᕐᕕᖕᒥᑦ ᐃᑲᔪᕆᐊᖅᑐᓄᑦ ᐊᔪᙱᓛᑦ
ᖁᕕᐊᓇᐅᔪᓯ!

ᖁᔭᓐᓇᒦᒃ ᐃᓚᐅᓚᐅᖅᑐᓕᒫᑦ 59−ᒋᓕᖅᑕᖓᓐᓂᑦ ᐊᕐᕌᒍᑕᒫᑦ ᐅᔭᕋᖕᓂᐊᕐᕕᖕᒥᑦ ᐃᑲᔪᕆᐊᖅᑐᓂᑦ ᐊᔪᙱᓛᖑᓇᓱᒃᑐᓂᑦ. ᐃᓚᒌᒃᑎᓪᓗᒋᑦ ᐱᓕᕆᑦᑎᐊᓛᓲᖑᕗᑦ, ᐱᓇᔪᒃᑎᓪᓚᕆᐅᒐᓗᐊᕈᕕᑦ, ᐃᑲᔪᖅᑎᐅᒍᕕᓪᓘᓐᓃᑦ ᐃᖅᑲᓇᐃᔭᖅᑎᐅᒍᔪᓪᓘᓐᓃᑦ. ᑕᒪᐃᓐᓄᓕᒫ ᑕᑯᔭᖅᑐᓚᐅᖅᑐᓄᑦ ᐃᓚᒌᒃᖢᑎᒃ, ᖁᔭᓐᓇᒦᖑᔪᓯᑦᑕᐅᖅ! ᐃᑲᔪᓚᐅᙱᒃᑯᔅᓯ, ᐅᔭᕋᖕᓂᐊᕐᕕᖕᒥᑦ ᐃᑲᔪᕆᐊᖅᑐᓂᑦ ᓵᓚᒃᓴᕋᓱᐊᖕᓂᖅ ᖁᕕᐊᓇᕋᔭᓚᐅᙱᓚᖅ.

ᐊᐃᑉᐸᕆᓕᖅᑕᖓᓂᑦ ᐊᕐᕌᒍᒥᑦ, ᐃᑳᑎ ᑕᐃᒪᓐ ᐅᔭᕋᖕᓂᐊᖅᑏᑦ ᑕᒪᐃᓐᓂᒃ ᖄᖓᓂᑦ ᓄᓇᐅᓪᓗ ᐊᑖᓂᑦ ᓵᓚᖃᓚᐅᖅᐳᑦ, ᓴᖅᑭᑕᐅᓯᒪᓪᓗᓂ ᐃᖅᑲᓇᐃᔭᖅᑎᓄᑦ ᐊᑦᑕᖕᓇᖅᑐᓂᒃ ᓇᓪᓕᐅᒃᑯᒻᒫᓂᒡᓗ ᖃᐅᔨᓴᖅᑎᒃᑯᖏᓐᓄᑦ.

ᐅᑯᐊ ᑐᓂᐅᖅᑲᖅᑕᐅᓚᐅᖅᑐᑦ ᐱᓕᕆᓪᓗᑎᒃ ᐃᒫᒃ:

ᐋᓐᓂᖅᑐᓕᕆᔪᑦ
ᒥᑐᐹᓐ ᒎᓗᓯᐅᖅᑎᑦ
ᓄᓇᐅᑉ ᖄᖓᓂᑦ ᐱᓕᕆᐊᖃᖕᓃᑦ
ᖔᑦᓲ ᑰ ᑕᐃᒪᓐᓯᐅᖅᑎᑦ
ᖃᑦᑎᕆᓃᑦ
ᐃᑳᑎ ᑕᐃᒪᓐᓯᐅᖅᑎᑦ − ᓄᓇᐅᑉ ᐊᑖᓂᑦ ᐱᓕᕆᔨᑦ
ᐊᒃᖢᓈᒧᑦ ᐊᐃᒃᓯᖕᓃᑦ
ᐃᑳᑎ ᑕᐃᒪᓐᓯᐅᖅᑏᑦ − ᖄᖓᓂᑦ ᓄᓇᒥᑦ ᐱᓕᕆᔩᑦ
ᓄᓇᐅᑉ ᖄᖓᓂ ᖃᐅᔨᓴᕈᑏᑦ ᑎᑎᖅᑲᑎᒍᑦ
ᐃᑳᑎ ᑕᐃᒪᓐᓯᐅᖅᑏᑦ
ᓄᓇᐅᑉ ᐊᑖᓂ ᖃᐅᔨᓴᕈᑏᑦ ᑎᑎᖅᑲᑎᒍᑦ
ᑕᐃᕕᒃ ᑕᐃᒪᓐᓯᐅᖅᑏᑦ
ᖄᖓᓂᖅ ᐳᔪᓕᕆᔪᑦ
ᖔᑦᓲ ᑰ ᑕᐃᒪᓐᓯᐅᖅᑏᑦ
ᓄᓇᐅᑉ ᐊᑖᓂ ᐳᔪᓕᕆᔪᑦ
ᑕᐃᕕᒃ ᑕᐃᒪᓐᓯᐅᖅᑏᑦ
ᓄᓇᐅᑉ ᐊᑖᓂᑦ ᐱᓕᕆᔩᑦ/ᖃᐅᔨᓴᖅᑕᑦ
ᐃᑳᑎ ᑕᐃᒪᓐᓯᐅᖅᑏᑦ
ᖄᖓᓂᑦ ᓱᒃᑲᓴᐅᔾᔪᐊᖅᑐᑦ/ᐱᓕᕆᔪᑦ
ᐃᑳᑎ ᑕᐃᒪᓐᓯᐅᖅᑏᑦ
ᓄᓇᐅᑉ ᐊᑖᓂᑦ ᓱᒃᑲᓴᐅᕐᔪᐊᖅᑏᑦ
ᐆᑉ ᐸᐃ ᒎᓗᓯᐅᖅᑏᑦ
ᐱᓕᕆᐊᖃᖕᓃᑦ
ᐃᑳᑎ ᑕᐃᒪᓐᓯᐅᖅᑏᑦ − ᖑᐊᑕᓐ
ᓄᓇᐅᑉ ᖄᖓᓂᑦ ᐱᓕᕆᔪᑦ
ᐃᑳᑎ ᑕᐃᒪᓐᓯᐅᖅᑏᑦ
ᓄᓇᐅᑉ ᐊᑖᓂᑦ ᐱᓕᕆᔪᑦ
ᐃᑳᑎ ᑕᐃᒪᓐᓯᐅᖅᑏᑦ

ᐅᔭᕋᖕᓂᐊᕐᕕᖕᒥᑦ ᐃᑲᔪᖕᓂᖕᒧᑦ ᐃᓚᐅᖃᑦᑕᖅᑐᑦ, ᑕᑯᓛᕆᕙᔅᓯ ᐊᕐᕌᒍᑉᐸᑦ 60−ᒋᓕᖅᑕᖓᓐᓂᑦ ᐅᑭᐅᖏᓐᓂᑦ! ᑎᑎᕈᖅ ᐅᓪᓗᖓ: ᐊᕐᕌᒍᑉᐸᑦ ᐅᔭᕋᖕᓂᐊᕐᕕᖕᒥᑦ ᐃᑲᔪᖕᓂᖕᒧᑦ ᐱᙳᐊᓛᖅᑐᑦ ᓯᕙᑖᕐᕕᖕᒥᑦ, ᔫᓐ 10, 2017-ᒥᑦ.
ᐃᑭᔪᐃᑦᑐᓂᑦ ᐅᔾᔨᖅᓱᖕᓂᖅ
ᓴᓇᕙᓪᓕᐊᓐᓇᖅᓯᖕᒥᖕᒪᑦ 

ᐊᕐᕌᒍᑕᒫᑦ, ᐊᐅᔭᑦ ᑕᖅᑭᖏᑦ ᓴᓇᕙᓪᓕᐊᓐᓇᖅᓯᕙᖕᒪᑦ, ᑕᒪᒃᑯᐊᓗ ᐃᒡᓗᕐᔪᐊᖅ ᐲᔭᖅᑕᐅᓂᐊᖅᑐᓪᓘᓐᓃᑦ ᓄᑖᙳᖅᑎᑕᐅᓂᐊᖅᑐᓪᓘᓐᓃᑦ ᓯᓚᖅᑲᑎᔅᓯᓐᓂᑦ. ᓴᓇᒍᕕᑦ, ᖃᐅᔨᒪᓂᐊᖅᐳᑎᑦ ᐃᒡᓗᐃᑦ ᓴᓇᔭᐅᓂᑯᐃᑦ 1990 ᑭᖑᙵᓐᓂᑦ ᓄᓇᑦᑎᐊᒥᑦ ᓄᓇᕗᒻᒥᓪᓗ ᐃᑭᔪᐃᑦᑐᓂᑦ ᐃᓚᖃᑐᐃᓐᓇᕆᐊᖃᖕᒪᑕ.
 
ᓄᓇᑦᑎᐊᒥᑦ ᓄᓇᕗᒻᒥᓪᓗ ᑐᑭᓕᐊᕆᓯᒪᔭᖏᑦ ᐃᑭᔪᐃᑦᑐᓄᑦ ᑭᓱᑐᐃᓐᓇᑦ ᓴᓇᓯᒪᔪᑦ ᐊᓯᖏᓪᓘᓐᓃᑦ ᐃᓚᖃᖅᑐᑦ 1 ᐳᓴᓐᑎᒥᑦ ᐅᖓᑖᓂᓪᓘᓐᓃᑦ ᐃᑭᔪᐃᑦᑐᓖᑦ. ᐱᖁᑎᑦ ᐃᓚᖃᑐᐃᓐᓇᕆᐊᓖᑦ ᐃᑭᔪᐃᑦᑐᓂᑦ ᐅᑯᐊ:
  • T−ᙳᐊᒦᓲᑦ ᖁᓕᒃᓴᑦ;
  • ᒪᕋᐅᔭᓄᑦ ᑲᑎᖅᓱᐃᔾᔪᑕᐅᓲᑦ;
  • ᐃᑭᔪᐃᑦᑐᓂᑦ ᓇᑎᕋᓕᐊᖑᓯᒪᔪᑦ;
  • ᐃᕕᖅᑎᓯᒪᔪᑦ; ᐊᒻᒪᓗ
  • ᓱᓪᓗᓕᖕᓄᑦ ᖄᖅᐹᒃᓴᑦ.
ᓇᓕᐊᓐᓂᑐᐃᓐᓇᖅ ᐱᓕᕆᐊᖃᕈᕕᑦ, ᐅᔾᔨᖅᓱᖕᓂᐊᖅᐳᑎᑦ ᑐᑭᓯᐅᒪᓗᑎᓪᓗ ᖃᓄᖅ ᓴᐳᒻᒥᔪᓐᓇᖕᒪᖔᑦ ᐃᓕᖕᓂᑦ ᐊᓯᖕᓂᓪᓗ:
  • ᐃᓪᓗᐃᑦ ᓴᓇᔭᐅᔪᑦ ᓄᑖᙳᕆᐊᖅᑕᐅᔪᐃᓪᓘᓐᓃᑦ ᐃᓚᒋᔭᐅᑦᓱᑎᒃ:
    • ᕿᔪᓕᕆᓂᖅ
    • ᓴᓇᓂᕐᒧᑦ ᐃᖅᑲᓇᐃᔮᑦ
    • ᐃᑭᐊᖅᑎᕆᓂᕐᒧᑦ ᐋᖅᑭᑦᓱᐃᓂᖅ
    • ᓱᓪᓗᓕᕆᓂᖅ
    • ᖄᓕᐅᕐᓂᖅ
    • ᐅᒥᐊᕐᔪᐊᓕᐅᕐᓂᖅ
    • ᐋᖅᑭᒪᔪᓕᐅᕐᓂᖅ
       
  • ᓴᓗᒻᒪᖅᓴᐃᓂᖅ ᐊᑦᑕᑯᓂᓪᓗ ᐊᐅᓚᑦᓯᓂᖅ
ᐃᖅᑲᓇᐃᔭᕐᕕᖕᒥᑦ ᖃᓂᒻᒪᓰᑦ ᐱᓂᕐᓗᖕᓃᓪᓗ ᐃᑭᔪᐃᑦᑐᓄᑦ ᓴᖅᑭᔮᙱᓐᓂᕐᓴᐅᔪᓐᓇᖅᐳᑦ. ᐃᓕᓐᓂᐊᕐᑎᑦᑎᓯᒪᓗᓯ ᐃᑭᔪᐃᑦᑐᓂᑦ ᐅᔾᔨᖅᓱᖕᓂᖕᒥᑦ ᐃᓕᓯᒪᖁᓪᓗᑎᑦ ᐃᖅᑲᓇᐃᔭᖅᑎᑎᓪᓗ. ᓴᓇᕝᕕᐅᔪᖅ ᐱᑕᖃᑐᐃᓐᓇᕆᐊᖃᖅᐸᑦ ᐃᑭᔪᐃᑦᑐᓂᑦ, ᖃᐅᔨᓴᖅᑕᐅᑎᓐᓂᐊᖅᐸᐃᑦ ᐱᓕᕆᔨᖅᒪᕆᖕᒧᑦ. ᐃᖅᑲᓇᐃᔭᖅᑎᓕᒫᑦ ᐊᓐᓄᕌᖃᖅᑎᑦᑎᐊᕐᓗᒋᑦ ᓴᐳᒻᒥᔾᔪᑎᓂᑦ, ᑐᑭᓯᐅᒪᓗᑎᒡᓗ ᐱᓕᕆᐊᖃᖕᓂᖕᒥᑦ ᐱᑕᖃᖅᑎᓪᓗᒍ ᐃᑭᔪᐃᑦᑐᓂᑦ.
 
ᐃᖅᑲᐅᒪᓂᐊᖅᐳᑎᑦ: ᐅᔾᔨᕆᙱᑐᐃᓐᓇᕆᐊᖃᖅᑐᑎᑦ ᐃᑭᔪᐃᑦᑐᓃᖃᑦᑕᖕᓂᑰᒍᕕᑦ. ᐊᑯᓂᓗᐊᖅ ᐃᑭᔪᐃᑦᑐᓕᕆᓯᒪᓂᑯᑦ ᖃᓐᓂᒻᒪᐅᓯᖅᑖᖑᓲᑦ (ᐊᕐᕌᒍᓄᑦ 20 - 40−ᓄᑦ) ᐃᓱᒪᓕᖅᑎᑦᑎᔪᓐᓇᖅᐳᑦ ᐊᒃᑐᖅᑕᐅᓯᒪᙱᓐᓇᓱᒋᓗᑎᒃ.
 
ᑐᑭᓯᒋᐊᒃᑲᓐᓂᕈᒪᒍᕕᑦ, ᐃᑭᔪᐃᑦᑐᓕᕆᓂᖕᓄᑦ ᒪᓕᒋᐊᓖᑦ ᐃᓕᖅᑯᓰᑦ ᐃᑭᐊᖅᑭᕕᐊᓄᐊᕐᓗᑎᑦ website.
ᐳᔪᐊᓗᐃᑦ
ᖃᐅᔨᒪᔭᒃᓴᑦ ᓄᓂᕙᖕᓂᐊᕈᕕᑦ ᐊᐅᔭᐅᓂᐊᖅᑐᖅ 

ᖃᐅᔨᒪᕖᑦ ᓄᓂᕙᖕᓂᐊᕈᕕᑦ ᐳᔪᐊᓗᖕᓂᑦ ᓄᓇᑦᑎᐊᒥᑦ ᐃᓕᓐᓄᓪᓗ ᐱᓕᕆᓗᑎᑦ, ᑎᑎᕋᖅᑕᐅᓯᒪᙱᓐᓇᕕᑦ ᐃᖅᑲᓇᐃᔭᖅᑎᓄᑦ ᐊᑦᑕᖕᓇᖅᑐᓂᒃ ᓇᓪᓕᐅᒃᑯᒻᒫᓂᒡᓗ ᖃᐅᔨᓴᖅᑎᒃᑯᖏᓐᓄᑦ?ᐃᖅᑲᓇᐃᔭᖅᑎᑦ ᐃᑲᔫᓯᐊᕆᕙᒃᑕᖏᓐᓂᑦ ᓴᐳᒻᒥᔾᔪᑎᑖᕆᕙᒃᑕᖏᓐᓂᓪᓗ ᐱᖃᑦᑕᕈᒪᒍᕕᑦ, ᓂᐅᕕᕆᐊᖃᖅᐳᑎᑦ ᓇᖕᒥᓂᖅ ᓇᓪᓕᐅᒃᑯᒻᒫᖃᖕᓂᖅ ᐃᖅᑲᓇᐃᔭᖅᑎᓄᑦ ᐊᑦᑕᖕᓇᖅᑐᓂᒃ ᓇᓪᓕᐅᒃᑯᒻᒫᓂᒡᓗ ᖃᐅᔨᓴᖅᑎᒃᑯᖏᓐᓂᑦ.
 
ᐱᓇᔪᒐᓱᒃᖢᓂ ᐃᖅᑲᓇᐃᔭᖅᑎᓄᑦ ᐊᑦᑕᖕᓇᖅᑐᓂᒃ ᓇᓪᓕᐅᒃᑯᒻᒫᓂᒡᓗ ᖃᐅᔨᓴᖅᑎᒃᑯᖏᓐᓄᑦ ᐊᔪᓇᙱᑦᑐᖅ.  ᑎᑎᕋᕐᓗᒍ ᓇᒃᓯᐅᑎᓗᒍᓗ ᓇᖕᒥᓂᖅ ᓇᓪᓕᐅᒃᑯᒻᒫᖃᖕᓂᖅ ᑎᑎᕋᕐᕕᒃᓴᖓ. ᐃᖅᑲᓇᐃᔭᖅᑐᓕᕆᔨᕗᑦ ᐊᑐᐃᓐᓇᐅᔪᑦ ᑎᑎᕋᖕᓂᐊᖅᑎᓪᓗᑎᑦ, ᓇᓗᓇᐃᔭᕐᓗᓂᒋᓪᓗ ᐃᑲᔫᓯᐊᒃᓴᐃᑦ ᐊᑭᖏᓪᓗᐊᑐᓕᕆᐊᓲᖑᕗᖅ ᑎᑎᕌᓂᒃᑳᖓᕕᐅᒃ ᐊᑭᓖᓯᒪᓕᖅᑎᓪᓗᑎᓪᓗ ᑕᒪᐃᓐᓂᒃ.  ᒥᑭᓛᒥᑦ ᓇᓪᓕᐅᒃᑯᒻᒫᖃᕈᓐᓇᖅᑐᑎᑦ ᓂᐅᕕᕈᕕᐅᒃ ᑕᖅᑭᒧᑦ ᐊᑕᐅᓯᖕᒧᑦ.
 
ᑐᑭᓯᒋᐊᒃᑲᓐᓂᕈᒪᒍᕕᑦ, ᓇᕿᓪᓗᒍ ᒪᐅᓇ 
ᐅᖄᓚᓗᑎᓪᓘᓐᓃᑦ 
1-800-661-0792-ᒧᑦ.
ᒪᒃᑯᒃᑐᓂᑦ ᐃᖅᑲᓇᐃᔭᖅᑎᑖᖅᑐᖅᐲᑦ?
ᐊᑦᑕᖕᓇᙱᑦᑐᒥᑦ ᐃᖅᑲᓇᐃᔭᖅᐸᖕᓂᖅ ᐱᒋᐊᖅᓵᓕᓲᖑᕗᑦ 

ᐊᕐᕌᒍᑕᒫᑦ, ᓄᑖᓂᑦ ᒪᒃᑯᒃᑐᓂᑦ ᑐᙵᓱᒃᑎᑦᑎᕙᒃᐳᒍᑦ (ᐅᑭᐅᓖᑦ 14-ᒥᑦ 25-ᒧᑦ) ᐃᖅᑲᓇᐃᔭᕐᕕᖕᓄᑦ, ᐊᒥᓱᑦ ᑕᑯᔭᐅᑐᐃᓐᓇᓲᑦ ᐊᐅᔭᑐᐊᒃᑯᑦ. ᒪᒃᑯᒃᑐᑦ ᐃᖅᑲᓇᐃᔭᖅᑎᑦ ᐃᖅᑲᓇᐃᔭᑲᐃᓐᓇᖅᐸᒃᐳᑦ, ᓇᑉᐸᐃᓐᓇᒃᑯᑦ ᐅᓪᓗᖕᒥᑦ, ᐃᓛᓐᓂᒃᑯᑐᐃᓐᓇᕐᓘᓐᓃᑦ, ᑕᐃᒫᒃ, ᐃᖅᑲᓇᐃᔭᖅᑎᑦᑎᔩᑦ ᐃᓛᓐᓂᒃᑯᑦ ᑐᓴᐅᒪᑎᑦᑎᖃᑦᑕᙱᒻᒪᑕ ᐱᔪᓐᓇᖕᓂᕆᔭᖏᓐᓂᑦ ᐃᖅᑲᓇᐃᔭᖅᑎᐅᓪᓗᑎᒃ:
  • ᖃᐅᔨᒪᑎᑕᐅᔪᓐᓇᖕᓂᖃᖕᓂᖅ
  • ᐃᓚᒋᔭᐅᔪᓐᓇᖕᓂᖕᒧᑦ ᐱᔪᓐᓇᖕᓂᖅ
  • ᕿᐱᓗᒍᓐᓇᖕᓂᖃᖕᓂᖅ
ᒪᒃᑯᒃᑐᑦ ᐃᖅᑲᓇᐃᔭᖅᑎᑦ ᐋᓐᓂᖅᓴᕋᐃᓐᓂᖅᓴᐅᕙᒃᐳᑦ ᐱᓕᒻᒪᒃᓯᒪᙱᓗᐊᒧᑦ. ᐊᕐᕌᒍᑦ ᐱᖓᓲᓕᖅᑐᑦ, ᓄᓇᑦᑎᐊᒥᑦ ᓄᓇᕗᒻᒥᓪᓗ ᑕᑯᓯᒪᔪᑦ 200 ᐅᖃᐅᓯᐅᓯᒪᔪᓂᑦ ᒪᒃᑯᒃᑐᓂᑦ ᐋᓐᓂᖅᑐᓂᑦ ᐊᐅᔭᑕᒫᑦ. ᐊᐃᕆᓕᐅᑉ ᐋᒐᔅᓗ ᐊᑯᙵᓐᓂᑦ, ᒪᒃᑯᒃᑐᑦ ᐃᖅᑲᓇᐃᔭᖅᑎᑦ ᓇᓪᓕᐅᒃᑯᒻᒫᕋᓱᓚᐅᖅᑐᑦ ᐃᒫᖑᓚᐅᖅᐳᑦ:
  • 2013: 175 ᐱᓇᔪᒃᑐᑦ
  • 2014: 190 ᐱᓇᔪᒃᑐᑦ
  • 2015: 236 ᐱᓇᔪᒃᑐᑦ
ᐋᓐᓂᕈᑕᐅᒐᔪᓚᐅᖅᑐᑦ ᐱᖓᓱᑦ ᐊᔾᔨᒌᖏᓐᓇᐅᓚᐅᖅᐳᑦ ᐊᕐᕌᒍᓄᑦ ᐱᖓᓱᓄᑦ:
  • ᕿᓕᖅᑐᑦ ᑕᓪᓕᒑᔪᓪᓗ;
  • ᐅᕐᕈᐊᖅᓯᔪᑦ, ᓄᑭᖏᓐᓂᒃ ᓄᓱᒃᓯᔪᑦ; ᐊᒻᒪᓗ
  • ᓱᙴᔭᑦ.
ᒪᒃᑯᒃᑐᓂᑦ ᐃᖅᑲᓇᐃᔭᖅᑎᑦᑎᓂᐊᕈᕕᑦ ᐊᐅᔭᒧᑦ, ᐃᓕᓐᓂᐊᕐᑎᓪᓗᒋᑦ ᐃᖅᑲᓇᐃᔭᕐᕕᖕᒥᑦ ᐊᑦᑕᖕᓇᖅᑕᐃᓕᒪᓂᖕᒥᑦ. ᐅᑯᐊ ᖃᐅᔨᒪᔭᒃᓴᑦ ᒪᓕᒡᓗᒋᑦ:
  • ᐊᑦᑕᖕᓇᖅᑕᐃᓕᒪᓂᖕᒥᑦ ᐊᔪᕆᖅᓱᖅᑳᕐᓗᒋᑦ ᐱᒋᐊᓚᐅᙱᓐᓂᖏᓐᓂᑦ, ᐃᖅᑲᓇᐃᔭᕆᐅᕋᓗᐊᕈᑎᒃ ᐅᑎᖅᐸᓪᓕᐊᒐᓗᐊᕈᑎᒡᓘᓐᓃᑦ ᒪᒃᑯᒃᑐᑦ.
     
  • ᑐᐊᕕᙱᓪᓗᑎᒃ ᐱᓕᕆᐊᒃᓴᖅ ᐅᖃᐅᓯᕆᓗᒍ. ᐃᖅᑲᓇᐃᔭᖅᑎᑦ ᐊᔾᔨᒌᙱᑦᑑᑎᑎᒍᑦ ᐃᓕᑦᑎᕙᓪᓕᐊᓲᖑᔪᑦ, ᐊᑐᓂᑦ ᐅᖃᓪᓚᒡᓗᑎᑦ ᐱᓕᕆᑎᑦᑎᕙᒡᓗᑎᓪᓗ ᐃᓕᓐᓂᐊᕐᑎᑦᑎᓕᕌᖓᕕᑦ.
     
  • ᕿᒥᕐᕈᑎᓪᓗᒋᑦ ᓴᓇᕝᕕᒋᓂᐊᖅᑕᖓᓐᓂᑦ, ᖃᐅᔨᑎᓪᓗᒋᓪᓗ ᐊᑦᑕᖕᓇᖅᑕᐃᓕᒪᔾᔪᑎᒻᒪᕆᖕᓂᑦ ᐃᖅᑲᓇᐃᔭᖅᑎᓂᑦ ᐱᓕᕆᕝᕕᖕᓂᑦ (ᓲᕐᓗ ᐋᓐᓂᐊᖃᖕᓇᙱᑦᑐᓕᕆᓂᖕᓄᑦ ᐊᑦᑕᖕᓇᖅᑕᐃᓕᒪᓂᖕᒧᓪᓗ ᐊᐅᓚᑦᑎᔨᒧᑦ, ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖕᓇᙱᑦᑐᓕᕆᔨᒃᑯᑦ ᐊᑦᑕᖕᓇᖅᑕᐃᓕᒪᔪᓕᕆᔨᒃᑯᓐᓄᓪᓗ ᑲᑎᒪᔨᖏᓐᓄᑦ).
     
  • ᐅᔾᔨᖅᓱᖁᓗᒋᑦ ᐃᖅᑲᓇᐃᔭᕐᕕᖕᒥᑦ ᐅᓗᕆᐊᓇᖅᑐᓂᑦ, ᖃᓄᖅ ᑭᓇᒧᓪᓗ ᐅᖃᐅᓯᖃᕆᐊᖃᖕᒪᖔᖏᑦ ᓄᑖᓂᑦ ᐅᓗᕆᐊᓇᖅᑐᓂᑦ.
     
  • ᐃᓕᓐᓂᐊᕐᑎᓪᓗᒋᑦ ᐊᑦᑕᖕᓇᖅᑕᐃᓕᒪᔾᔪᑎᓂᑦ ᐱᐅᓯᖕᓂᑦ ᐱᓕᕆᕝᕕᐅᓪᓗ ᐃᓕᖓᓂᖏᓐᓂᑦ, ᐃᓚᐅᓗᑎᑦ ᐅᓗᕆᐊᓇᖅᑐᓂᑦ ᓇᓗᓇᐃᔭᐃᕙᖕᓂᖅ ᐊᑐᑦᑎᐊᕈᓐᓇᖕᓂᖕᒥᓪᓗ ᓴᐳᒻᒥᒃᖠᓯᒪᔾᔪᑎᓂᑦ ᐊᓐᓄᕌᓂᑦ. ᐊᒥᓱᑦ ᒪᒃᑯᒃᑐᑦ ᐃᖅᑲᓇᐃᔭᖅᑎᑦ ᐊᑐᓚᐅᖅᓯᒪᙱᑦᑐᒃᓴᐅᕗᑦ ᓴᐳᒻᒥᒃᖠᕈᑎᓂᑦ ᐊᓐᓄᕌᓂᑦ.
     
  • ᑐᓴᐅᒪᑎᓪᓗᒋᑦ ᐃᖅᑲᓇᐃᔭᖅᑎᑦ ᐱᔪᓐᓇᖕᓂᖏᓐᓂᑦ ᑲᒪᒋᔭᕆᐊᓕᖏᓐᓂᒡᓗ. ᖃᐅᔨᒪᕚᑦ ᕿᐱᓗᒍᓐᓇᖕᓂᖃᖕᓂᖏᓐᓂ ᐊᑦᑕᖕᓇᖅᑐᒥᑦ ᐱᓕᕆᐊᒃᓴᒥᑦ? ᖃᐅᔨᒪᕚᑦ ᐅᖃᐅᓯᖃᕈᓐᓇᖕᒪᑕ ᐊᑦᑕᖕᓇᖅᑐᓂᑦ ᐱᓕᕆᐊᖑᓲᓂᑦ?
     
  • ᒪᒃᑯᒃᑐᑦ ᐱᖃᑎᖃᖅᑎᓪᓗᒋᑦ ᐱᓕᒻᒪᒃᓯᒪᔪᒥᑦ ᐊᑦᑕᖕᓇᖅᑕᐃᓕᓲᒥᒡᓗ ᐃᖅᑲᓇᐃᔭᖅᑎᒥᑦ, ᐅᔾᔨᖅᓱᐃᓐᓇᕐᓗᒋᓪᓗ ᐱᓕᕆᐊᖏᑦ.
ᐃᖅᑲᓇᐃᔭᕐᕕᒃᓯ ᑐᙵᓇᖅᑎᓯᒪᓗᓂ ᐊᐱᖅᓱᕈᓐᓇᕐᓗᑎᒃ. ᒪᒃᑯᒃᑐᑦ ᐃᖅᑲᓇᐃᔭᖅᑎᑦ ᐊᔪᙱᑦᑐᒪᓲᑦ, ᐅᖃᕈᒪᑐᐃᓐᓇᕆᐊᖃᕋᑎᒡᓗ ᓇᓗᓂᕋᕐᓗᑎᒃ ᐱᓕᕆᔭᕆᐊᒃᓴᖅ. ᑐᙵᓇᖅᑐᒦᒃᑯᑎᒃ ᒪᒃᑯᒃᑐᑦ ᐅᖃᕐᕕᐅᔪᒪᓲᖑᔪᑦ.

ᐃᖅᑲᓇᐃᔭᖅᑎᑦᑎᔨᐅᓗᑎᑦ, ᐊᖓᔪᖅᑳᕆᔭᐅᕗᑎᑦ, ᐃᓕᓐᓂᐊᕐᑎᑦᑎᔨᐅᓪᓗᑎᑦ ᓯᕗᓕᖅᑎᐅᓪᓗᑎᓪᓗ. ᒪᓕᒐᑦ ᒪᓕᒋᐊᖃᖅᐸᑎᑦ ᐊᑦᑕᖕᓇᖅᑐᒦᑎᑦᑎᖁᓇᒃ ᑭᓇᓕᒫᒥᑦ ᐃᖅᑲᓇᐃᔭᕐᕕᖕᓃᑦᑐᓂᑦ, ᖃᓄᑐᐃᓐᓇᖅ ᐅᑭᐅᖃᕋᓗᐊᕈᓂ ᖃᖓᑐᐃᓐᓇᐅᒐᓗᐊᕈᓂᓘᓐᓃᑦ, ᐃᖅᑲᐅᒪᓂᐊᖅᐳᑎᑦ ᓯᕗᓕᖅᑎᐅᒐᕕᑦ ᑭᖑᕚᓄᑦ ᐊᑦᑕᖕᓇᖅᑕᐃᓕᒪᔪᓂᑦ ᐃᖅᑲᓇᐃᔭᖅᑎᓂᑦ. ᐊᔪᕆᖅᓱᕐᓗᒋᑦ ᐱᔪᓐᓇᖅᓯᑎᓪᓗᒋᓪᓗ: ᓯᕗᕙᓯᓗᐊᙱᒻᒪᑦ ᖃᐅᔨᒪᑎᑦᑎᓂᖅ ᐃᖅᑲᓇᐃᔭᕐᕕᖕᒥᑦ ᐊᑦᑕᖕᓇᖅᑕᐃᓕᒪᓂᖕᒥᑦ.

ᐃᓕᑦᑎᒃᑲᓐᓂᕈᒪᒍᕕᑦ ᐃᖅᑲᓇᐃᔭᖅᑎᑦᑎᔨᑦ ᐱᔪᓐᓇᖕᓂᖏᓐᓂᑦ ᑲᒪᒋᔭᒃᓴᖏᓐᓂᒡᓗ ᓇᕿᓪᓗᒍ ᒪᐅᓇ. ᐃᖅᑲᓇᐃᔭᖅᑎᑦᑎᔩᑦ, ᐃᖅᑲᐅᒪᓂᐊᖅᐳᓯ ᐊᑖᓂ ᑎᑎᕋᖅᓯᒪᔪᒥᑦ 14−ᒥᑦ ᓄᑖᑦ OHS Regulations ᐅᖃᖅᓯᒪᔪᑦ ᒪᒃᑯᒃᑐᑦ ᓇᒥᑦ ᐃᖅᑲᓇᐃᔭᕆᐊᖃᙱᓐᓂᖏᓐᓂᑦ.
ᒪᔪᕋᐅᑎᒃᑯᑦ ᐅᔾᔨᖅᓱᑦᑎᐊᖕᓂᖅ
ᑐᐊᕕᙱᓪᓗᑎᑦ

ᓯᓚ ᐱᐅᔪᒻᒪᕆᐅᖕᒪᑦ, ᐱᓕᕆᐊᒃᓴᖃᐅᖅᖢᑎᓪᓗ, ᓈᒻᒪᓈᖅᖢᓂᓗ ᐱᓇᓱᐊᕈᓯᐅᑉ ᓄᙳᐊᓂᑦ ᐱᓕᕆᐊᒃᓴᓄᑦ. ᐱᒋᐊᓚᐅᙱᓐᓂᖕᓂᑦ, ᐅᑯᐊ ᑕᑯᓇᓚᐅᑲᒡᓗᒋᑦ ᒪᔪᕋᐅᑎᒃᑯᑦ ᐅᔾᔨᖅᓱᑦᑎᐊᕈᑏᑦ.

ᖃᐅᔨᒪᕖᑦ?
  • ᒪᔪᕋᐅᑎᓕᒫᑦ ᓴᓇᓯᒪᙱᒻᒪᑕ ᐱᓕᕆᐊᒃᓴᓕᒫᓄᑦ. ᓈᒻᒪᒋᓚᖕᓂᑦ ᓂᕈᐊᖃᑦᑕᕐᓗᑎᑦ ᒪᔪᕋᐅᑎᓂᑦ. ᕿᒥᕐᕈᖅᑳᕐᓗᒍ ᒪᔪᕋᐅᑦ ᐊᑐᓚᐅᙱᓐᓂᖕᓂᑦ; ᓱᕋᒃᓯᒪᔪᖅᓯᐅᕐᓗᑎᑦ ᓄᑎᒃᓯᒪᔪᓂᓪᓘᓐᓃᑦ, ᐅᖃᓕᒫᒐᖕᓂᖅᑐᓂᒡᓗ ᓴᓇᔨᐅᑉ ᑎᑎᖅᑲᖏᓐᓂᑦ.
     
  • ᓈᒻᒪᓛᒥᑦ ᓄᓇᒧᑦ ᒪᔪᕋᐅᒻᒥᑦ ᐊᑐᕐᓗᑎᑦ, ᖁᐃᔾᔭᐃᒃᑯᑎᓕᖕᓂᑦ.
     
  • ᒪᔪᕋᐅᑏᑦ ᐹᓂᑦ ᐅᖓᓯᒃᑎᒋᐊᖅᐸᒡᓗᒋᑦ. ᐱᔭᕆᐊᖃᖅᐸᑦ, ᐹ ᐊᑐᕈᓐᓃᖅᑎᓪᓗᒍ ᐃᓂᖅᑎᕈᑎᓂᒡᓗ ᐃᓪᓕᕆᕝᕕᒋᓗᒍ.
     
  • ᖁᓛ ᑕᑯᓇᒃᐸᒡᓗᒍ ᑭᓱᑕᖃᙱᒃᑲᓗᐊᕆᐊᒃᓴᖓᓂᑦ, ᓴᕕᕋᔭᖕᓂᑦ ᓴᕕᒐᐅᔭᓄᓪᓘᓐᓃ ᓴᓇᓯᒪᔪᓂ ᒪᔪᕋᐅᑎᓂᒃ ᐊᑐᖅᐸᙱᓪᓗᑎᑦ ᐅᐊᔭᑦ ᐊᖅᑯᑎᖏᓐᓂᑦ.
     
  • ᖁᓪᓕᖅᐹᑦ ᒪᕐᕉᒃ ᐊᑐᖅᐸᙱᓪᓗᒋᑦ ᒪᔪᕋᐅᒻᒥᑦ, ᖃᐅᔨᒪᒋᐊᕐᓗᑎᓪᓗ ᑖᒃᑯᐊ ᖁᓪᓕᖅᐹᒃ ᒪᕐᕉᒃ ᑭᖑᓪᓕᖅᐹᖑᓂᖏᓐᓂᑦ ᒪᔪᕋᐅᒻᒥᑦ − ᖁᓛᓃᓛᖅ ᒪᔪᕐᕕᐅᙱᓚᖅ.
     
  • ᐱᖓᓱᓄᑦ ᑐᙵᐃᓐᓇᐅᔭᕐᓗᑎᑦ ᖃᖓᓕᒫᖅ, ᑰᑦᑏᓪᓗ ᒪᔪᕋᐅᑎᐅᑉ ᖁᓛᓄᐊᖅᐸᖏᓪᓗᒍ, ᑲᑕᒐᔭᖦᖤᕋᕕᑦ.
     
  • ᕿᔪᐊᕐᔪᖕᒥᑦ ᒪᔪᕋᐅᒻᒥᑦ ᐊᑐᖅᐸᙱᓪᓗᑎᑦ ᐊᒥᐊᖅᓯᒪᒃᐸᑦ; ᓴᖅᑭᔮᕈᓐᓃᖅᐸᖕᒪᑕ ᓄᑎᒃᓯᒪᔪᑦ ᓱᕐᕋᑯᓪᓗ.
ᖃᐅᔨᒃᑲᓐᓂᕈᒪᒍᕕᑦ ᒪᔪᕋᐅᑎᒃᑯᑦ ᐱᕐᕈᓗᐊᕿᑦᑕᐃᓕᓂᖕᒥᑦ, ᓇᕿᓪᓗᒍ ᐅᕘᓇ ᐊᑦᑕᖕᓇᖅᑕᐅᓕᒪᓂᖕᒧᑦ ᑐᓴᕆᐊᕐᕕᒃᑯᑦ. ᑖᒃᑯᐊ ᐃᖅᑲᓇᐃᔭᖅᑎᓄᑦ ᐊᑦᑕᖕᓇᖅᑐᓂᒃ ᓇᓪᓕᐅᒃᑯᒻᒫᓂᒡᓗ ᖃᐅᔨᓴᖅᑎᒃᑯᖏᑦ ᒪᔪᕋᐅᑎᒃᑯᑦ ᐱᕐᕈᓗᐊᕿᑦᑕᐃᓕᒪᔾᔪᑎᓂᒃ ᓂᐱᑎᒐᖃᖅᑐᑦ ᐃᓕᔭᒃᓴᐅᔪᓂᑦ ᒪᔪᕋᐅᑎᓄᑦ ᑭᒃᑯᓕᒫᑦ ᐊᑦᑕᖕᓇᖅᑐᒦᖁᓇᒋᑦ. ᐱᑖᒃᑲᓐᓂᕈᒪᒍᕕᑦ ᐃᖅᑲᓇᐃᔭᕐᕕᔅᓯᓐᓄᑦ, ᐃᕐᖐᓐᓇᒃᑰᕈᑎᒃᑯᑦ ᑎᑎᕋᕐᕕᒋᑎᒍᑦ. (ᐊᑐᐃᓐᓇᔪᑦ ᖃᓪᓗᓈᑐᑦ, ᐅᐃᕖᑐᑦ, ᐃᓄᒃᑎᑐᑦ ᐃᓄᐃᓐᓇᖅᑐᓪᓗ.)
ᓯᕿᓂᖕᒥᑦ ᐅᓗᕆᐊᓇᖅᑐᒦᖁᓇᒃ
ᐅᓗᕆᐊᓇᖅᑐᒦᑦᑕᐃᓕᓂᖅ ᓯᕿᓐᓃᓐᓇᐅᔭᓕᖅᑎᓪᓗᒍ

ᓯᕿᓐᓃᓐᓇᐅᔭᓕᖅᑎᓪᓗᒍ ᐊᒥᓱᒐᓚᒃᑎᒍᑦ ᐊᑲᕐᕆᓂᐊᓕᖕᒥᒐᑦᑕ ᓯᓚᑦᑎᐊᕙᖕᒥᑦ ᒫᓐᓇᐅᔪᑦ ᐋᖓᔅᑦ ᓄᖑᓐᓇᓱᖕᓂᖓᓄᑦ.

ᓯᓚᒥᑦ ᐃᖅᑲᓇᐃᔭᖃᑦᑕᕈᕕᑦ ᐊᓃᙳᐊᖑᔭᑐᐃᓐᓇᕐᓗᑎᓪᓘᓐᓃᑦ ᐱᙳᐊᒐᓚᒡᓗᑎᑦ, ᖃᓄᐃᙱᑦᑎᐊᖕᓃᑦ ᐊᑦᑕᖕᓇᖅᑕᐃᓕᒪᓂᖕᓗ ᐃᓱᒪᒋᔭᕆᐊᖃᖅᐸᑎᑦ ᓯᕿᓐᓂᖅᑐᒦᑎᓪᓗᑎ. ᐃᖅᑲᓇᐃᔭᖅᑎᑦᑎᔨᐅᒍᕕᑦ, ᐃᖅᑲᓇᐃᔭᖅᑎᖁᑎᑎᑦ ᖃᐅᔨᒪᑎᓐᓂᐊᖅᐸᑎᑦ ᓯᕿᓂᖕᒥᑦ ᐊᑦᑕᖕᓇᖅᑕᐃᓕᒪᓂᖕᓂᑦ ᓴᐳᒻᒥᒃᖠᓯᒪᓂᖕᒥᓪᓗ ᐅᕕᓂᖕᒥᑦ ᖃᓂᒻᒪᓯᖅᑖᖕᓂᖕᒥᑦ.

ᑭᓲᖕᒪᑦ ᐅᖅᑰᓗᐊᖕᓂᖕᒧᑦ ᖃᓂᒻᒪᓰᑦ?

ᑕᓪᓕᒪᐅᖕᒪᑕ ᐅᖅᑰᓗᐊᖕᓂᖕᒧᑦ ᖃᓂᒻᒪᓰᑦ:
  1. ᐅᖅᑰᓗᐊᒧᑦ ᐅᕐᕈᐃᓐᓇᖕᓂᖅ - ᐱᓗᐊᓛᖅ ᑕᒪᒃᑯᓇᙵᑦ ᐅᖅᑰᓗᐊᖕᓂᖕᒧᑦ ᖃᓂᒻᒪᓯᖕᓂᑦ. ᑎᒥ ᐅᖅᑰᓯᓗᐊᖅᑎᓪᓗᒎᕙᒃᐳᖅ.
     
  2. ᐅᖅᑰᓗᐊ`ᖕᓂᖕᒧᑦ ᐳᓪᓕᖕᓂᖅ - ᐳᓪᓕᓕᖅᖢᑎᒃ ᐊᒡᒐᑦ, ᐃᓯᒑᒃ, ᑭᖕᒦᓪᓗ.
     
  3. ᐅᖅᑰᓗᐊᖕᓂᖕᒧᑦ ᕿᓗᔨᓂᖅ - ᕿᓗᔨᒻᒪᕆᖕᓇᖅᑐᖅ ᐋᓐᓂᖕᓇᖅᑐᓂᑦ ᓄᑭᖕᓂᐅᒐᔪᒃᑐᖅ (ᓲᕐᓗ ᑕᓕᒃᑯᑦ, ᓂᐅᒃᑯᑦ ᓈᒃᑯᓪᓘᓐᓃᑦ).
     
  4. ᐅᖅᑰᓗᐊᖕᓂᖕᒧᑦ ᓴᕆᐊᓕᖅᑐᖅ - ᓴᕆᐊᓗᐊᓕᒧᑦ ᑕᕆᐅᖃᕈᓐᓃᖅᖢᓂᓗ.
     
  5. ᐅᖅᑰᓗᐊᖕᓂᖕᒧᑦ ᐆᑦᑐᖅ - ᐊᐅᐸᓗᒐᓛᓕᖅᖢᓂ ᐅᖏᓚᖕᓇᖅᑐᒻᒪᕆᒃ.
ᖃᓄᐃᓐᓇᖕᒪᑦ ᐅᖅᑰᓗᐊᖕᓂᖕᒧᑦ ᖃᓂᒻᒪᒃᖢᓂ?
  • ᐅᐃᔾᔭᙳᓕᖅᖢᓂ ᖃᐅᔨᒪᔪᓐᓃᖅᖢᓂᓘᓐᓃᑦ;
  • ᒥᕆᐊᙳᓕᖅᖢᓂ ᒥᕆᐊᑲᑕᖅᖢᓂᓘᓐᓃᑦ;
  • ᓂᐅᖁᕐᓕᖓᓕᖅᖢᓂ;
  • ᐃᒥᕈᒃᑐᒻᒪᕆᐅᓕᖅᖢᓂ;
  • ᐊᐅᒪᔮᒻᒪᕆᐊᓗᓕᖅᖢᓂ;
  • ᖁᐃᑲᑕᒍᓐᓃᖅᖢᓂ, ᖁᖅᓱᖅᑐᒻᒪᕆᖕᒥᑦ ᐃᑎᕈᖃᓕᖅᖢᓂ;
  • ᐅᕕᓂᒃ ᐊᐅᐸᖅᓯᓪᓗᓂ, ᐆᓇᖅᓯᓪᓗᓂ ᐸᓂᖅᖢᓂᓗ;
  • ᓱᑲᑦᑕᓕᖅᖢᓂ;
  • ᓇᓗᓕᑲᑕᓕᖅᖢᓂ;
  • ᐊᓂᖅᑎᕆᔭᖓ ᓱᒃᑲᓕᓕᖅᖢᓂ ᑎᒡᓕᖕᓂᖓᓗ; ᐊᒻᒪᓗ/ᐅᕝᕙᓘᓐᓃᑦ
  • ᓄᑭᒃᖠᓪᓗᓂ.
ᖃᓄᐃᓕᐅᕆᐊᖃᕋᒪ ᐊᓯᓐᓄᓪᓘᓐᓃᑦ ᐅᖅᑰᓗᐊᖕᓂᖕᒧᑦ ᐋᓐᓂᐊᑐᐃᓐᓇᕆᐊᓖᑦ?
  • ᐃᒥᖅᐸᒡᓗᑎ 15 ᒥᓂᑦᔅᑕᒫᑦ, ᐃᒥᕈᙱᒃᑲᓗᐊᕐᓗᑎᐅᓐᓃᑦ.
     
  • ᓇᓴᖅᓯᒪᓗᑎᒃ ᑕᖅᓴᕆᙱᑦᑐᓂᒡᓗ ᐊᓐᓄᕌᖅᓯᒪᓗᑎᑦ.
     
  • ᐊᓯᑎᑦ ᐅᔾᔨᖅᓱᕐᓗᒋᑦ ᐅᖅᑰᓗᐊᓕᙱᒃᑲᓗᐊᕆᐊᒃᓴᖏᓐᓂᑦ.
     
  • ᑖᖕᓂᕐᒦᑦ ᑕᖃᐃᖅᓯᕐᓗᑎᑦ.
     
  • ᐅᖃᐅᓯᕆᑲᐅᑎᒋᓗᒋᑦ ᖃᓄᐃᓐᓂᐅᔪᑦ ᐅᖅᑰᓗᐊᖕᓂᖕᒧᑦ ᖃᓂᒻᒪᖕᓂᐅᔪᑦ.
ᐃᖅᑲᓇᐃᔭᖅᑎᑦᑎᔨᑦ ᖃᓄᐃᓕᐅᕆᐊᖃᖅᐸᑦ ᐃᖅᑲᓇᐃᔭᖅᑎᑦ ᐊᑦᑕᖕᓇᙱᑦᑐᒦᒃᑲᓗᐊᕆᐊᒃᓴᖏᓐᓂᑦ?
  • ᐃᖅᑲᓇᐃᔭᖅᑎᑦ ᐃᓕᓐᓂᐊᕐᑎᑕᐅᓗᑎᒃ ᖃᓄᖅ ᖃᓂᒻᒪᓕᖅᐸᖕᒪᖔᖏᑦ ᐅᖅᑰᓗᐊᖕᓂᖕᒧᑦ ᖃᐅᔨᒪᓗᑎᒡᓗ ᖃᓄᐃᔾᔪᑎᓂᒃ ᐆᖅᑰᓗᐊᒧᑦ ᐅᕐᕈᐃᓐᓇᓲᑦ ᐅᖅᑰᓗᐊᒧᓪᓗ ᓴᕆᐊᓕᖅᑐᑦ.
     
  • ᐃᖅᑲᓇᐃᔭᖅᑎᑦ ᓂᒡᓕᓇᖅᑐᒥᑦ, ᐃᒪᑦᑎᐊᕙᖃᖅᑎᓪᓗᒋᑦ ᐃᒥᒐᒃᓴᖏᓐᓂᑦ.
     
  • ᑖᖕᓂᖃᖅᑎᓪᓗᒋᑦ ᐃᖅᑲᓇᐃᔭᖅᑎᑦ ᓂᒡᓚᖅᓯᕐᕕᒃᓴᖏᓐᓂᑦ.
     
  • ᐃᖅᑲᓇᐃᔭᖅᑎᑦ ᓱᖏᐅᑎᓴᕐᑎᓪᓗᒋᑦ ᐅᖅᑰᒧᑦ, ᐱᓗᐊᖅᑐᒥᑦ ᓄᑖᑦ ᐃᖅᑲᓇᐃᔭᖅᑎᑦ.
     
  • ᐋᖅᑭᒃᓱᖅᐸᒡᓗᒋᑦ ᐱᓕᕆᐊᒃᓴᑦ ᓯᓚᒥᑦ ᐊᒃᓱᕈᖕᓇᖅᑐᓪᓘᓐᓃᑦ ᓂᒡᓚᓱᒡᔫᒥᑎᓪᓗᒍ ᐅᓪᓗᖓᓂᑦ.
     
  • ᐋᖅᑭᒃᓯᓯᒪᕙᒌᕐᓗᑎᑦ ᐅᖅᑰᓗᐊᖕᓂᖕᒧᑦ ᐱᕙᒌᔭᐅᑎᒃᓴᒥᑦ ᐅᖅᑰᓗᐊᖕᓂᖕᒧᑦ ᖃᓂᒻᒪᒃᑐᖃᖁᓇᒍ.
ᑐᑭᓯᒋᐊᒃᑲᓐᓂᕈᒪᒍᕕᑦ, ᑕᑯᒋᐊᕐᓗᒍ ᒪᓕᒋᐊᓖᑦ ᐱᖅᑯᓯᑦ ᐅᖅᑰᓂᖕᒧᑦ.
ᐃᓕᓐᓂᐊᒐᒃᓴᓄᑦ ᖃᐅᔨᒪᔭᒃᓴᑦ
ᐊᑦᑕᖕᓇᖅᑕᐃᓕᒪᓂᖕᒧᑦ ᐃᓕᓐᓂᐊᒐᒃᓴᑦ

WSCC ᐃᓚᒋᔭᐅᔪᑦ ᑖᒃᑯᓄᖓ NTFL ᐊᒻᒪᓗ NSA ᐊᑐᐃᓐᓇᐅᑎᑦᑎᕗᑦ ᐃᓕᓐᓂᐊᕐᕋᔅᓴᓂᒃ ᐃᖅᑲᓇᐃᔭᖅᕕᒻᒥ ᐊᑦᑕᓇᐃᖅᓯᒪᓂᕐᒧᑦ ᐊᒻᒪᓗ ᖃᐅᔨᒪᔭᐅᕚᓪᓕᑎᑦᑎᓂᕐᒧᑦ. ᑐᓴᐅᒪᓇᓱᓐᓂᐊᖅᐳᑎᑦ ᓴᖅᑭᓛᖅᑐᓄᑦ ᐃᓕᓐᓂᐊᕐᕋᔅᓴᓄᑦ ᐊᑖᓃᑦᑐᖅ ᐊᒃᑐᐊᔾᔪᑎᐅᔪᖅ ᑕᑯᓂᐊᕐᓗᒍ.

ᐅᑭᐅᖅᑕᖅᑐᒥ ᓄᓇᓖᑦ ᑐᓐᖓᕕᖓ ᐃᖅᑲᓇᐃᔭᖅᑏᑦ - ᑕᑯᓗᑎᑦ ᐃᓕᓐᓂᐊᕐᕋᔅᓴᐅᓛᖅᑐᓂᒃ ᑕᕝᕙᓂ.

ᐱᓕᕆᐊᒃᓴᓂᑦ ᐃᓕᓐᓂᐊᒐᒃᓴᓂᒡᓗ ᑕᑯᒋᐊᕐᓗᑎᑦ ᐅᕙᓂ Northern Safety Association.

ᐃᓕᓐᓂᐊᒐᒃᓴᓂᑦ ᕿᒥᕐᕈᔪᒪᒍᕕᑦ ᑕᕕᒋᐊᕐᓗᑎᑦ Arctic Response Canada.

ᐊᖏᖅᑕᐅᓯᒪᔪᓂᑦ ᐃᓕᓐᓂᐊᕐᑎᑦᑎᔪᓐᓇᖅᑐᓂᑦ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᖅᑕᐃᓕᒪᓂᖕᒧᑦ ᐊᑦᑕᖕᓇᖅᑕᐃᓕᒪᓂᖕᒧᓪᓗ, ᓇᕿᓪᓗᒍ ᒪᐅᓇ.
ᕿᑲᖕᓇᒃᑯᑦ ᐅᒃᑯᐊᖅᓯᒪᔪᑦ
ᑲᓇᑕᐅᑉ ᐅᓪᓗᖓ

ᐃᖅᑲᓇᐃᔭᖅᑎᓄᑦ ᐊᑦᑕᖕᓇᖅᑐᓂᒃ ᓇᓪᓕᐅᒃᑯᒻᒫᓂᒡᓗ ᖃᐅᔨᓴᖅᑎᒃᑯᖏᑦᑕ ᑎᑎᕋᕐᕕᖏᑦ (ᓄᓇᑦᑎᐊᒥᑦ ᓄᓇᕗᒻᒥᓪᓗ) ᒪᑐᓯᒪᓂᐊᖅᑐᑦ ᐅᓪᓗᑐᐃᓐᓇᒥᑦ, ᔪᓚᐃ 1, ᖁᕕᐊᓲᑎᖃᕐᓗᑎᒃ ᑲᓇᑕᐅᑉ ᐅᓪᓗᖓᓂᑦ, ᐅᒃᑯᐃᓛᕆᓪᓗᑎᒡᓗ ᓇᒡᓚᔾᔭᒥᑦ 8:30 ᐅᓪᓛᒃᑯᒃ ᓇᒡᒐᔾᔭᒥᑦ, ᔪᓚᐃ 4.

ᐃᖅᑲᓇᐃᔭᕐᕕᖕᒥᑦ ᐱᕐᕈᓗᐊᕿᔪᖃᕈᓂ ᖃᓄᐃᓕᔪᖃᖅᐸᓪᓘᓐᓃᑦ ᐅᖄᓚᓗᑎᑦ 1-800-661-0792.
wscc.nt.ca   /  1.800.661.0792  |  wscc.nu.ca  /  1.877.404.4407