ᐊᐃᕐᕆᓕ 2016
ᐃᖅᑲᓇᐃᔭᕐᕕᖕᒥ ᐋᓐᓂᐊᖃᖅᑕᐃᓕᒪᓂᕐᒧᑦ ᐊᑦᑕᕐᓇᖅᑐᒧᐊᖅᑕᐃᓕᒪᓂᕐᒧᓪᓗ ᐊᑐᐊᒐᐃᑦ ᓄᓇᕗᒻᒥ
ᒪᓕᒐᐅᕗᖅ!

ᓄᑖᖑᔪᖅ ᐃᖅᑲᓇᐃᔭᕐᕕᖕᒥ ᐋᓐᓂᐊᖃᖅᑕᐃᓕᒪᓂᕐᒧᑦ ᐊᑦᑕᕐᓇᖅᑐᒧᐊᖅᑕᐃᓕᒪᓂᕐᒧᓪᓗ ᐊᑐᐊᒐᐃᑦ ᒪᓕᒐᐅᓕᖅᐳᑦ ᓄᓇᕗᒻᒥ. ᐊᑐᐊᒐᐃᑦ ᐃᖅᑲᓇᐃᔭᕐᕕᖕᓂ ᐅᓪᓗᒥᓕᓴᕐᓂᑦ ᐋᖅᑭᐅᒪᔾᔪᑎᒃᓴᖃᖅᑎᑦᑎᕗᖅ ᐅᑭᐅᖅᑕᖅᑐᒥ ᐊᐅᓚᓂᕆᔭᐅᔪᓄᑦ ᐅᓪᓗᒥᐅᔪᖅ, ᓇᓗᓇᐃᖅᖢᓂ ᐅᑭᐅᖅᑕᖅᑐᒥᐅᑦ ᐅᔾᔨᕐᓇᖅᑐᒥᒃ, ᑐᕌᒐᕆᔭᖃᑦᑎᐊᕐᓗᑎᒃ, ᐃᖅᑲᓇᐃᔭᖅᑏᑦ ᐃᖅᑲᓇᐃᔭᕐᕖᓪᓗ ᐃᖏᕐᕋᒐᓗᐊᕐᒪᖔᑦ ᖃᐅᔨᒪᓂᖅᓴᐅᓗᑎᒃ ᐃᖅᑲᓇᐃᔭᕐᕕᖕᒥ ᐋᓐᓂᐊᖃᖅᑕᐃᓕᒪᕐᓂᒧᑦ ᐊᑦᑕᕐᓇᖅᑐᒧᐊᖅᑕᐃᓕᒪᓂᕐᒧᓪᓗ ᒪᓕᒋᐊᓕᖕᓂᑦ.
  
ᐊᑐᐊᒐᐃᑦ ᓴᖅᑭᓚᐅᖅᑐᑦ ᓄᓇᑦᓯᐊᕐᒥ 2015-ᖑᑎᓪᓗᒍᑦ ᐊᒥᓱᐃᓪᓗ ᓄᓇᕗᒻᒥ ᑎᒥᐅᔪᑦ ᐱᕕᒥᓂᒃ ᐊᑐᖅᖢᑎᒃ ᓱᖏᐅᓯᓴᖅᓯᒪᔪᑦ ᐊᓯᔾᔨᖅᑐᓂᒃ. ᑕᒪᒃᑯᐊ ᐊᑐᐊᒐᐃᑦ ᐊᑐᖅᐳᑦ ᓇᖕᒥᓂᕆᔭᐅᔪᓕᒫᓄᑦ ᓄᓇᕗᒻᒥ ᓄᓇᑦᓯᐊᕐᒥᓪᓗ, ᐱᓇᒋᑦ ᒐᕙᒪᑐᖃᑎᒍᑦ ᐊᑐᐊᒐᒃᑰᖅᑐᑦ.

ᐊᑐᐊᒐᐃᑦ ᑐᙵᕕᐅᕗᑦ ᐸᐸᑦᑎᔾᔪᑕᐅᓪᓗᓂᑦ ᓴᙱᔪᒥᒃ ᐅᑭᐅᖅᑕᖅᑐᒥ ᐊᑦᑕᕐᓇᖅᑕᐃᓕᒪᓂᐅᕙᒃᑐᒥᑦ. ᐃᖅᑲᓇᐃᔭᖅᑎᓂᑦ ᐊᑦᑕᕐᓇᖅᑐᓂᒃ ᓇᓪᓕᐅᒃᑯᒫᓂᒡᓗ ᖃᐅᔨᓴᖅᑏᑦ ᓄᒃᑕᕐᓂᐊᖅᑐᑦ ᓄᓇᓕᒡᔪᐊᕐᓄᑦ ᓄᓇᕗᒻᒥ ᑐᑭᓯᒋᐊᖅᑎᑦᑎᒃᑲᓐᓂᕋᓱᐊᕐᓗᑎᒃ ᑭᐅᓯᕙᒡᓗᑎᓗ ᐊᐱᖅᑯᑕᐅᔪᓂᒃ ᐃᖅᑲᓇᐃᔭᕐᕕᖕᓂᑦ ᐃᖅᑲᓇᐃᔭᖅᑎᓂᒡᓘᓐᓃᑦ ᐊᐱᖅᑯᑕᐅᔪᓂᒃ, ᑕᐃᑲᓃᖃᑕᐅᓗᑎᒃ. ᐃᓚᒃᑲᓐᓂᕐᓗᒍᑦ, ᐊᐱᖅᑯᑎᒃᓴᖃᕈᕕᑦ ᒪᓕᒋᐊᖃᕐᓂᐅᑉ ᒥᒃᓵᓄᑦ, ᖃᐅᔨᒋᐊᕐᕕᒋᖁᕙᑦᑎᒋᑦ ᐅᕗᖓ OHSRegs@wscc.nu.ca.

ᓄᑖᖅ ᐊᑐᐊᒐᐃᑦ ᐱᔭᒃᓴᐅᕗᑦ ᐅᕙᓂ OHSRegs.ca.
NAOSH ᐱᓇᓱᐊᕈᓯᖓᑦ ᐅᑎᖅᐳᖅ

ᒪᐃ 1-7, 2016

ᑕᒪᔾᔭᐅᓕᕆᕗᖅ ᐊᕐᕌᒎᑉ ᐃᓚᖓᓂ-ᐅᐊᖕᓇᖓᓂ ᒥᐊᓕᒐᐅᑉ ᐃᖅᑲᓇᐃᔭᕐᕕᖕᒥ ᐊᑦᑕᕐᓇᖅᑐᒧᐊᖅᑕᐃᓕᒪᓂᕐᒧᑦ ᐋᓐᓂᐊᖃᖅᑕᐃᓕᒪᓂᕐᒧᓪᓗ (NAOSH) ᐱᓇᓱᐊᕈᓯᕆᓂᐊᖅᑕᖓ ᒪᐃ 1-7, 2016-ᒥᑦ! ᐅᓇᓃᑦᑐᖅ ᑕᑯᒍᒃ ᖃᓄᐃᓕᐅᕐᓂᕆᔭᐅᓛᖅᑐᑦ ᓄᓇᑦᓯᐊᕐᒥ ᓄᓇᕗᒻᒥᓗ.

ᔭᓗᓇᐃᕝ

ᑕᐃᒪᐃᖏᓐᓇᐅᔭᖅᖢᓂᑦ, ᑲᓇᑕᒥᐅᑦ ᑲᑐᔾᔨᖃᑎᒌᖏᑦ ᐊᑦᑕᕐᓇᖅᑕᐃᓕᒪᓂᕐᒧᑦ ᓴᓇᔩᖏᑦ (CSSE) ᐊᑐᖅᑎᑦᑎᓂᐊᖅᑐᑦ NAOSH-ᒥᑦ ᐱᒋᐊᕈᑎᖓᓄᑦ ᐅᓪᓛᕈᒻᒥᓴᖅᑎᑦᑎᓗᑎᒃ ᐊᑦᑕᕐᓇᖅᑐᒧᐊᖅᑕᓕ ᒪᓂᕐᒧᓪᓗ ᐅᖃᐅᓯᖃᕐᓗᑎᒃ ᓇᒡᒐᔾᔭ, ᒪᐃ 2-ᖑᓕᕈᓂᑦ Explorer ᓯᓂᒃᑕᕐᕕᖕᒥᑦ ᔭᓗᓇᐃᒥ. ᐊᑎᓕᐅᖅᑕᐅᖃᑕᐅᔪᒪᓗᓂᑦ ᐅᓪᓗᒥᐅᔪᖅ, ᐃᕐᖐᓐᓈᖅᑕᐅᒃᑯᑦ ᑎᑎᕋᕆᑦ cssenorth60@gmail.com.
 
ᑕᒪᑐᒪᓂ ᐊᕐᕌᒎᔪᒥ, ᔭᓗᓇᐃᕝ ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑐᓂᒃ ᓇᓪᓕᐅᒃᑯᒫᓂᒡᓗ ᖃᐅᔨᓴᖅᑏᑦ ᐊᒡᓚᒡᕕᖓ ᓄᖅᑲᖅᑎᑦᑎᓂᐊᓕᖅᑐᑦ Safety Street-ᖑᓂᕋᖅᑕᐅᔪᒥᑦ ᐊᑦᑕᕐᓇᖅᑕᐃᓕᒪᓂᕐᒧᑦ ᐃᖅᑲᓇᐃᔭᕐᕕᖕᓄᐊᖅᓯᔪᒪᓪᓗᑎᒃ. ᐊᑦᑕᕐᓇᖅᑐᒧᐊᖅᑕᐃᓕᒪᓂᐅᑉ ᒥᒃᓵᓄᑦ ᑳᕕᖅᑎᑦᑎᖃᑦᑕᕐᓂᐊᖅᑐᒍᑦ ᑐᕌᖓᓗᑎᒃ ᐱᔭᐅᔭᕆᐊᓕᖕᓄᑦ ᓇᖕᒥᓂᕆᔭᐅᔪᓄᑦ ᐃᖅᑲᓇᐃᔭᖅᑎᓕᖕᓂᑦ ᐊᕙᑎᑦ ᑐᖔᓂᓪᓘᓐᓃᑦ, ᐅᓂᒃᑲᐅᓯᖃᖅᐸᒡᓗᑕ ᒪᑯᓂᖓ:
  • ᑲᑕᒃᑕᐃᓕᒪᓂᖅ;
  • ᐃᖅᑲᓇᐃᔭᕐᕕᖕᒥ ᑲᒪᒋᔭᐅᔭᕆᐊᓖᑦ;
  • ᓯᐊᕐᕆᓐᓂᖅ, ᐅᕐᕈᓂᖅ, ᐅᒃᐱᑲᕐᓂᕐᓗ;
  • ᐃᖅᑲᓇᐃᔮᒧᑦ ᐅᑎᕐᓂᖅ; ᐊᒻᒪᓗ
  • ᑎᒥᒧᑦ ᐋᖅᑭᐅᒪᔭᐅᔭᕆᐊᓖᑦ.
ᐃᖅᑲᓇᐃᔭᖅᑎᐅᖃᑎᕗᑦ ᐊᑐᐃᓐᓇᐅᓂᐊᖅᑐᑦ ᐅᖃᓪᓚᒃᑎᐅᓗᑎᒃ ᑕᒪᒃᑯᓂᖓ ᐊᑦᑕᕐᓇᑐᒧᐊᖅᑕᓕᒪᓂᐅᑉ ᒥᓵᓄᑦ ᑳᕕᖅᑎᑦᑎᑦᑎᓪᓗᒋᑦ ᐃᖅᑲᓇᐃᔭᕐᕕᑦᑎᓐᓂ ᔭᓗᓇᐃᒥ ᐱᒋᐊᕐᓗᓂᑦ ᐊᐃᑉᐹ, ᒪᐃ 3 ᑎᑭᓪᓗᒍᑦ ᐱᖓᔪᐊᑦ, ᒪᐃ 5, 10-ᒥᑦ ᐅᓪᓛᒃᑯᑦ ᐊᒻᒪᓗ 3-ᒥᑦ ᐅᓐᓄᒃᓴᒃᑯᑦ ᑕᐃᒪᐃᓕᐅᖅᐸᒡᓗᑎᒃ. ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑐᓂᒃ ᓇᓪᓕᐅᒃᑯᒫᓂᒡᓗ ᖃᐅᔨᓴᖅᑏᑦ ᐊᑦᑕᕐᓇᖅᑐᒧᐊᖅᑕᐃᓕᑎᑦᑎᔨᖏᑦ ᐅᔭᕋᖕᓂᐊᕐᕕᖕᒥᓪᓘᓐᓃᑦ ᖃᐅᔨᓴᖅᑎᖏᑦ ᑳᕕᒡᒋᖃᑦᑕᕐᓂᐊᖅᑐᑦ ᑕᒧᓗᒐᒡᒋᖅᐸᒡᓗᑎᓪᓗ, ᐅᑭᐅᖅᑕᖅᑐᒥ ᑲᑐᔾᔨᖃᑎᒌᖏᑦ ᓴᓇᔪᓕᕆᓂᕐᒥᙶᖅᑐᓂᒃ (NTFL).
 
ᖃᐃᖅᑳᖅᑐᑦ, ᐱᔨᑦᑎᖅᑕᐅᖅᑳᖃᑦᑕᕐᓂᐊᖅᑐᑦ. ᐃᕐᖐᓐᓈᖅᑕᐅᒃᑯᑦ ᑎᑎᕋᕐᕕᒋᑎᒍᑦ ᐅᕗᖓ naosh@wscc.nt.ca ᑐᑭᓯᒋᐊᒃᑲᓐᓂᕈᒪᒍᕕᑦ.

ᐃᓅᕕᒃ

ᑕᒪᑐᒪᓂ ᐊᕐᕌᒎᔪᖅ, ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑐᓂᒃ ᓇᓪᓕᐅᒃᑯᒫᓂᒡᓗ ᖃᐅᔨᓴᖅᑏᑦ ᐃᓅᕕᖕᒥ ᐊᑦᑕᕐᓇᖅᑕᐃᓕᒪᓂᕐᒧᑦ ᖃᓄᐃᓕᐅᖅᑎᑦᑎᓂᐊᖅᑐᑦ ᐊᐃᑉᐹ, ᒪᐃ 3-ᒥᑦ, ᐅᓪᓛᕈᒻᒥᓴᕐᓗᑎᒃ, ᐅᖃᓪᓚᒋᐊᖅᑐᖅᑐᖃᕐᓗᓂᑦ, ᐃᓚᐅᑎᑦᑎᓗᑎᒡᓗ ᐊᑦᑕᕐᓇᖅᑕᐃᓕᓂᕐᒥᑦ ᐅᖃᖃᑎᒌᒡᓗᑎᒃ. ᑐᑭᓯᒋᐊᖅᑎᑦᑎᒃᑲᓐᓂᕐᓂᐊᕐᒥᔪᑦ ᓄᑖᖑᔪᑦ ᐃᖅᑲᓇᐃᔭᕐᕕᖕᒥ ᐋᓐᓂᐊᖃᖅᑕᐃᓕᒪᓂᕐᒧᑦ ᐊᑦᑕᕐᓇᖅᑐᒧᐊᖅᑕᐃᓕᒪᓂᕐᒧᓪᓗ ᐊᑐᐊᒐᐅᑉ ᒥᒃᓵᓄᑦ.

ᑐᑭᓯᒋᐊᒃᑲᓐᓂᕈᒪᒍᕕᑦ ᑕᒪᑐᒪ ᒥᒃᓵᓄᑦ, ᖃᐅᔨᒋᐊᕐᕕᒋᓗᒍᑦ naosh@wscc.nt.ca. ᐃᓂᒃᓴᑭᑦᑑᕗᑦᐅᓪᓛᕈᒻᒥᓴᕐᓂᐅᔪᖅ ᐅᑭᐅᖅᑕᖅᑐᒥ ᑲᑐᔾᔨᖃᑎᒌᖏᑦ ᓴᓇᔪᓕᕆᔨᒃᑯᓐᓂᙶᖅᑐᖅ (NTFL).

ᐃᖃᓗᐃᑦ

ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑐᓂᒃ ᓇᓪᓕᐅᒃᑯᒫᓂᒡᓗ ᖃᐅᔨᓴᖅᑏᑦ NAOSH-ᒧᑦ ᖃᓄᐃᓕᐅᕈᑎᖃᕐᓂᐊᖅᑐᑦ ᐱᖓᔪᐊᑦ, ᒪᐃ 4-ᖑᓕᕈᓂ, ᐅᐃᕖᒃᑯᑦ ᐃᒡᓗᖁᑖᓂ! ᓂᕿᓕᐅᖅᓯᒪᓂᐊᖅᑐᑦ, ᓵᓚᒃᓴᐅᓯᐊᖅᑐᖃᖅᐸᒡᓗᓂᑦ, ᑐᑭᓯᒋᐊᕈᑎᖃᑦᑎᐊᕐᓗᓂᓗ ᓄᑖᖑᔫᑉ ᓴᖅᑭᑕᐅᓵᖅᑐᖅ ᐃᖅᑲᓇᐃᔭᕐᕕᖕᒥ ᐋᓐᓂᐊᖃᖅᑕᐃᓕᒪᓂᕐᒧᑦ ᐊᑦᑕᕐᓇᖅᑕᐃᓕᒪᓂᕐᒧᓪᓗ ᐊᑐᐊᒐᕐᓂᑦ.
 
ᑖᓐᓇ ᐱᒋᐊᕐᓂᐊᖅᑐᖅ 11-ᒥᑦ ᐅᓪᓗᒃᑯᑦ. ᐅᓪᓗᕈᒻᒥᓴᕆᐊᕐᓂᐊᖅᐳᑎᑦ, ᐅᑭᐅᖅᑕᖅᑐᒥ ᑲᑐᔾᔨᖃᑎᒌᖏᑦ ᓴᓇᔪᓕᕆᓂᕐᒥᙶᖅᑐᖅ ᐅᓪᓗᕈᒻᒥᓴᕐᓂᐅᔪᖅ.
 
ᑐᑭᓯᒋᐊᒃᑲᓐᓂᕈᒪᒍᕕᑦ ᑕᒪᑐᒪ ᒥᒃᓵᓄᑦ, ᐃᕐᖐᓐᓈᖅᑕᐅᒃᑯᑦ ᑎᑎᕋᕐᕕᒋᑎᒍᑦ ᐅᕗᖓ naosh@wscc.nu.ca.

ᓄᓇᕗᓕᒫᒥ: ᑕᕐᕆᔭᖅᑎᑦᑎᓂᖅ
 
ᐅᓪᓗᖅᓯᐅᑏᑦ ᑎᑎᕐᕕᒋᒍᒃ: ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑐᓂᒃ ᓇᓪᓕᐅᒃᑯᒫᓂᒡᓗ ᖃᐅᔨᓴᖅᑏᑦ ᑕᕐᕆᔮᒃᓴᓕᐅᖅᑐᑦ ᓴᖅᑭᑕᐅᓂᐊᖅᑐᒥᒃ ᐃᑭᐊᖅᑭᕕᑦᑎᓐᓂ ᐅᓪᓛᕆᔭᖓᓂᑦ ᐅᓪᓗᑐᐃᓐᓇᖅ, ᒪᐃ 6. ᑕᕐᕆᔭᕐᓗᒍᑦ ᐳᐃᒍᔾᔭᐃᕐᓗᒋᓗ ᐊᑦᑕᕐᓇᖅᑐᒧᐊᖅᑕᐃᓕᒪᓂᕐᒧᑦ ᐊᐱᖅᑯᑏᑦ ᐃᓱᐊᓂ. ᐃᓚᐅᖃᑕᐅᔪᓕᒫᑦ ᑭᐅᓯᔪᑦ ᓇᒡᒐᔾᔭ, ᒪᐃ 16 ᑐᖔᓂ ᐊᒧᔭᒃᓴᙳᕐᓂᐊᖅᑐᑦ ᐊᒧᔭᒃᓴᑦᑎᐊᕙᖕᓂ.
 
ᐊᒧᔭᐅᓇᓱᐊᕐᓂᖅ ᐅᒃᑯᐃᖓᕗᖅ ᐃᖅᑲᓇᐃᔭᖅᑎᓕᒫᓄᑦ ᐃᖅᑲᓇᐃᔭᕐᕕᓕᒫᓄᓪᓗ ᓄᓇᑦᓯᐊᕐᒥ ᓄᓇᕗᒻᒥᓗ, ᑐᓴᐅᒪᐃᓐᓇᕋᓱᐊᕆᑦ ᖃᐅᔨᒋᐊᖅᐸᒡᓗᒍᓗ NAOSH ᒪᒃᐱᖅᑐᒐᖓᐃᑭᐊᖅᑭᕕᑦᑎᓐᓂ; ᑕᕐᕆᔮᒃᓴᖅ ᐊᑐᐃᓐᓇᐅᓂᐊᖅᑐᖅ ᐅᓪᓗᑐᐃᓐᓇᖅ, ᒪᐃ 6-ᖑᓕᕆᓂᑦ.
ᐅᓂᒃᑲᐅᓯᕆᕙᒡᓗᒋᑦ ᐊᑦᑕᕐᓇᖅᑐᑦ ᐃᖅᑲᓇᐃᔭᕐᕕᖕᒥ
ᑕᐅᑐᓵᕈᕕᑦ, ᐅᓂᒃᑲᐅᓯᕆᓗᒍᑦ

ᕖᕝᕗᐊᕆᒥ ᓴᖅᑭᓚᐅᖅᑕᑦᑎᓐᓂ SafetyNet-ᒧᑦ, ᐃᓕᖕᓄ ᓴᖅᑭᓚᐅᖅᑕᕗᑦ ᐊᑕᐅᓯᖅ ᓄᑖᖑᔪᖅ ᐱᔨᑦᑎᕋᐅᑎ ᐊᑐᐃᓐᓇᐅᓪᓗᓂᑦ ᐃᓕᖕᓄ WSCC Connect-ᑎᒍᑦ: ᐅᓂᒃᑲᐅᓯᖃᕈᑎ ᐊᑦᑕᕐᓇᖅᑐᑦ ᒥᒃᓵᓄᑦ ᐃᖅᑲᓇᐃᔭᕐᕕᖕᒥ.

ᓱᓕᓪᓗᓂᑦ ᑭᓇᑐᐃᓐᓇᖅ ᐱᕕᖃᕐᓂᕐᒥᓂᑦ ᑕᒪᑐᒧᖓ ᐱᔨᑦᑎᕋᐅᑎᒧᑦ - ᐃᓛᒃᑰᔪᓐᓇᖅᖢᑎᒡᓗ - ᐳᐃᒍᖅᑕᐃᓕᒋᑦ ᐃᖅᑲᓇᐃᔭᖅᑎᐅᓪᓗᑎᑦ, ᐱᓕᕆᐊᒃᓴᕆᔭᑦ ᑕᐅᑐᒃᑎᓪᓗᑎᑦ ᐊᑦᑕᕐᓇᖅᑐᒥᑦ ᐃᖅᑲᓇᐃᔭᕐᕕᖕᒥ ᐅᓂᒃᑲᐅᓯᕆᔭᕆᐊᖃᖅᖢᒍᑦ ᖃᓄᐃᔾᔪᑕᐅᔪᖅ ᐊᖓᔪᖅᑳᕐᓄᑦ. ᐊᑕᐅᑦᑎᒃᑯᑦ, ᐃᒡᕕᑦ ᐊᖓᔪᖅᑳᓪᓗ ᖃᐅᔨᓴᕐᓗᓯᐅᒃ ᐊᑦᑕᕐᓇᖅᑐᖅ ᐋᖅᑭᒐᒃᓴᐅᙱᒃᑯᓂᓗ, ᐅᓂᒃᑲᐅᓯᕆᓕᕐᓗᒍᑦ ᐅᓂᒃᑳᕈᑎᑎᒍᑦ ᐃᑭᐊᖅᑭᕕᒃᑎᒍᑦ.

ᐃᖅᑲᓇᐃᔭᕐᕕᒃᐱᑦ ᓯᓚᑖᓃᑎᓪᓗᑎᑦ, ᑭᓯᐊᓂᓕ, ᐅᓂᒃᑲᐅᓯᖃᕈᓐᓇᖅᑐᑎᑦ ᐊᑦᑕᕐᓇᖅᑐᒥᑦ ᐅᕙᑦᑎᓐᓄ ᖃᖓᑐᐃᓐᓇᑦᑎᐊᖅ ᐅᓗᕆᐊᓇᖅᑐᒃᑰᕈᕕᑦ ᑕᐅᑐᒃᑯᕕᓘᓐᓃᑦ ᐅᓗᕆᐊᓇᖅᑐᒥᑦ ᓄᓇᓕᖕᓂ. ᐅᐱᕐᖓᓕᖅᑎᓪᓗᒍᑦ, ᖃᐅᔨᕙᓪᓕᐊᑐᐃᓐᓇᕆᐊᖃᖅᑐᑎᑦ ᐃᓄᐃᑦ ᐱᓱᖃᑦᑕᖅᐸᓪᓕᐊᑐᐃᓐᓇᓕᕐᓂᖏᓐᓂᑦ ᓯᓚᒥᑦ, ᐱᓕᕆᐊᒃᓴᕆᕙᕗᓪᓗ ᐅᕙᑦᑎᓐᓄ ᑭᓇᓕᒫᕐᒥᑦ ᐊᑦᑕᕐᓇᖅᑐᒦᓕᖅᑐᖃᙱᒃᑲᓗᐊᕐᒪᖔᑦ.  ᖃᓄᑐᐃᓐᓇᖅ ᐊᑦᑕᕐᓇᖅᑐᒥᑦ ᖃᓄᐃᓕᐅᕈᑕᐅᔪᒥᑦ ᑭᓱᒥᒡᓘᓐᓃᑦ, ᐃᖅᑲᓇᐃᔭᕐᕕᖕᒥᓘᓐᓃᑦ ᐊᑦᑕᕐᓇᖅᑐᒥᑦ, ᐅᓂᒃᑲᐅᓯᕆᓗᒍᑦ. ᑕᑯᕕᑦ ᓴᓇᔪᒥᑦ ᐃᒡᓘᑉ ᖄᖓᓂ ᑲᑕᔾᔭᐃᒃᑯᓯᖅᓯᒪᙱᑦᑐᒥᑦ? ᐅᓂᒃᑲᐅᓯᕆᓗᒍᑦ. ᓴᓇᔪᑐᐊᕐᒥᑦ ᑕᑯᕕᑦ ᓇᐹᖅᑐᓕᕆᔪᒥᑦ ᖃᐅᒻᒪᖅᑯᑎᐅᑉ ᐊᖅᑯᑎᖓᑦᑕ ᖃᓂᒋᔮᓂ ᓴᓇᔨᑕᖃᒃᑲᓐᓂᙱᖦᖢᓂ ᖃᓂᒋᔭᖓᓂ? ᐅᓂᒃᑲᐅᓯᕆᓗᒍᑦ.

ᐅᓂᒃᑲᐅᓯᖃᕐᕕᖕᒧᐊᕈᒪᓗᒍᑦ ᐊᑦᑕᕐᓇᖅᑐᑦ ᐃᖅᑲᓇᐃᔭᕐᕕᖕᒥ ᐃᑭᐊᖅᑭᕕᒃᑯᑦ, ᑕᑯᓗᒍᑦ WSCC Connect, ᖁᓛᒎᖅᑎᓪᓗᒍᑦ ᐃᖅᑲᓇᐃᔭᕐᕕᖕᒥ ᐋᓐᓂᐊᖃᖅᑕᐃᓕᒪᓂᕐᒧᑦ ᐱᔨᑦᑎᕋᐅᑏᓪᓗ ᓇᕿᑦᑕᒐᖓᓂᑦ, ᓇᕿᓪᓗᒍᑦ ᐅᓂᒃᑲᐅᓯᕆᕙᒡᓗᒋᑦ ᐃᖅᑲᓇᐃᔭᕐᕕᖕᒥ ᐊᑦᑕᕐᓇᖅᑐᑦ.
ᕿᒃᓵᖕᓇᐅᑉ ᐅᓪᓗᖓ
ᐃᖅᑲᐅᒪᓂᖅ

ᐊᕐᕌᒍᑕᒫᖅ, 1,000 ᐅᖓᑖᓂ ᑲᓇᑕᒥᐅᑦ ᐃᖅᑲᓇᐃᔭᖅᑏᑦ ᐃᓅᔪᓐᓃᖃᑦᑕᖅᐳᑦ ᐱᓪᓗᒍ ᐃᖅᑲᓇᐃᔭᕐᕕᖕᒥ ᐋᓐᓂᖅᖢᑎᒃ ᐋᓐᓂᐊᓕᖅᖢᑎᒡᓘᓐᓃᑦ. ᐊᕐᕌᒍᑕᒫᖅ, ᐃᖅᑲᐅᒪᖃᑦᑕᖅᑕᕗᑦ ᐃᓅᔪᓐᓃᖅᓯᒪᔪᑦ ᐊᐃᕐᕆᓕ 28-ᖑᓕᕌᖓᑦ, ᑲᓇᑕᒥ ᕿᒃᓵᖕᓇᐅᑉ ᐅᓪᓗᕆᖃᑦᑕᖅᐸᐅᒃ. ᐅᐱᒍᓲᑕᐅᖃᑦᑕᖅᐳᖅ ᕿᒃᓵᒍᑕᐅᖃᑦᑕᖅᐳᕐᓗ, ᑭᓯᐊᓂᑦᑕᐅᖅ ᓄᑖᙳᕆᐊᕈᑎᒋᖃᑦᑕᕆᕙᕗᑦ ᐱᑕᖃᕈᓐᓃᖁᔨᓂᑦᑎᓐᓂᒃ ᓯᕗᓂᒃᓴᑦᑎᓐᓂᑦ ᐃᖅᑲᓇᐃᔭᕐᕕᖕᒥ ᐱᕐᕈᓗᐊᕿᓂᐅᓇᔭᖅᑐᓂᒃ.

ᐃᖅᑲᐅᒪᖃᑦᑕᖅᐳᑦᑲᓇᑕᓕᒫᒥᑖᓐᓇᐅᑎᓪᓗᒍᑦ. ᔭᓗᓇᐃᕝᐊᒻᒪᐃᖃᓗᐃᑦ, ᐅᑭᐅᖅᑕᖅᑐᒥᑲᑐᔾᔨᖃᑎᒌᖏᑦᓴᓇᔪᓕᕆᓂᕐᒧᑦ (NTFL) ᑭᒃᑯᓕᒫᓄᑦᑲᑎᙵᑎᑦᑎᓛᖅᑐᑦᒪᓕᒐᓕᐅᕐᕕᖕᒥᑕᒪᐃᓐᓂᓄᓇᓕᐸᐅᔭᕐᓂᑦᕿᑎᖅᑰ, ᐊᐃᕐᕆᓕ 28-ᒥᑦ, ᖁᓛᓄᐊᕈᓂᑦ. ᖁᔭᓐᓇᒦᒃ ᖃᐃᔪᓐᓇᓚᐅᖅᑐᑦ.

ᐃᖅᑲᐅᒪᒋᑦ: ᐃᖅᑲᓇᐃᔭᕐᕕᖕᒥ ᐊᑦᑕᕐᓇᖅᑐᒧᐊᖅᑕᐃᓕᒪᓂᕐᒧᑦ ᐅᔾᔨᕈᓱᖕᓂᖅ ᐊᓐᓇᐅᒪᔾᔪᑕᐅᔪᓐᓇᕐᓂᖓᓂᑦ.

Day of Mourning
ᐊᖏᕐᕋᖃᖅᑏᑦ ᐅᔾᔨᕈᓱᒋᐊᖃᕐᓂᖏᑦ

ᐅᐱᕐᖓᑦᑎᐊᓯᕗᖅ, ᖃᐅᔨᒪᔭᑦ ᖃᓄᖅ ᑐᑭᖃᕐᒪᖔᑦ: ᐊᖏᕐᕋᐃᑦ ᓄᑖᙳᖅᑎᕆᐊᖃᓕᕐᓂᖓᓂᑦ ᓯᓚᒥᓪᓗ ᐱᓕᕆᐊᒃᓴᖃᕐᓇᖅᓯᓂᖓᓂᑦ!

ᖃᐅᔨᒪᕕᑦ ᐃᖅᑲᓇᐃᔭᕐᕕᐅᓂᕋᖅᑕᐅᔪᓐᓇᖅᑐᑎᑦ ᐱᓕᕆᐊᒃᓴᖅᑖᖅᑎᑦᑎᖃᑦᑕᕈᕕᑦ ᐃᒡᓗᖕᓂᑦ ᖃᓂᒋᔭᖓᓂᓪᓗ? ᐸᐃᕆᔨᑖᕈᒪᒍᕕᑦ, ᓴᓗᒻᒪᖅᓴᐃᔨ, ᐋᖅᑭᒃᓱᐃᔨ, ᑳᓐᑐᕌᒃᑎᓂᓪᓘᓐᓃᑦ ᐅᓪᓗᓕᒫᕐᒧᑦ ᐃᓚᐃᓐᓇᖓᓄᓪᓘᓐᓃᑦ, ᑐᑭᓯᒋᐊᕐᕕᒋᓗᒋᑦ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐊᒻᒪᓗ ᐃᖅᑲᓇᐃᔭᖅᑎᓄᑦ ᓇᓪᓕᐅᒃᑯᒫᓂᒃ ᐱᖁᔭᐃᑦ ᐊᒻᒪᓗ ᐊᑦᑕᕐᓇᖅᑐᒧᐊᖅᑕᐃᓕᒪᓂᕐᒧᑦ ᐱᖁᔭᐃᑦ ᖃᐅᔨᓇᓱᐊᕐᓗᒍᑦ ᐃᖅᑲᓇᐃᔭᕐᕕᐅᓂᕋᖅᑕᐅᓇᔭᕈᕕᑦ.

ᑐᑭᓯᒋᐊᒃᑲᓐᓂᕈᒪᒍᕕᑦ, ᑕᑯᓗᒍᑦ ᐊᖏᕐᕋᖃᖅᑎᓄᑦᐱᓕᕆᐊᒃᓴᕆᔭᐅᔪᑦᐅᖃᓕᒫᒐᖅ, ᐅᖄᓚᓗᑎᓪᓗ 1-800-661-0792 ᖃᓄᑐᐃᓐᓇᖅ ᐊᐱᖅᑯᑎᒃᓴᖃᕈᕕᑦ.
ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑐᓂᒃ ᓇᓪᓕᐅᒃᑯᒫᓂᒡᓗ ᖃᐅᔨᓴᖅᑏᑦ ᓄᒃᑕᕐᓂᖏᑦ

ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᓇᒧᙵᕈᓘᔭᓚᐅᑲᒃᓯᒪᕗᑦ. ᑕᑯᒋᐊᕈᒃ ᓇᒧᙵᖅᓯᒪᔭᕗᑦ, ᓇᒧᙵᐅᓂᐊᖅᑕᕗᓪᓗ!

ᐅᔭᕋᖕᓂᐊᕐᕕᖕᒥ ᑐᐊᕕᕐᓇᖅᑐᓕᕆᓂᕐᒧᑦ ᐱᓕᒻᒪᒃᓴᕐᓂᖅ

ᒫᔾᔨ 5-ᒥᑦ, ᑕᐃᕕᒃ ᑕᐃᒪᓐ ᐅᔭᕋᖕᓂᐊᕐᕕᖓ ᐱᓕᒻᒪᒃᓴᐃᓚᐅᖅᑐᑦ ᑐᐊᕕᕐᓇᖅᑐᓕᕆᓂᕐᒧᑦ ᐱᕙᒌᔭᖅᓯᒪᓇᓱᐊᕐᓂᕐᒧᑦ. ᐃᓚᐅᖃᑕᐅᓚᐅᖅᑐᑦ ᐱᖃᓯᐅᑎᕗᖅ ᑕᐃᕕᒃ, ᐃᑳᑎ, ᓯᓈᑉ ᓚᐃᒃ, ᐊᒻᒪᓗ ᓂᐅ ᐋᕝᑕᓐ ᐅᔭᕋᖕᓂᐊᕐᕕᒃ.

ᓄᓇᕗᒻᒥ ᐅᔭᕋᖕᓂᐊᕐᓂᕐᒧᑦ ᑲᑎᒪᓂᖅ

ᐱᖅᓯᕋᓗᐊᖅᑎᓪᓗᒍᑦ ᐊᔪᖅᑎᑕᐅᓚᐅᙱᑦᑐᒍᑦ: ᑕᒪᑐᒪᓂ ᐊᕐᕌᒎᔪᒥ, ᓄᓇᕗᒻᒥ ᐅᔭᕋᖕᓂᐊᕐᓂᕐᒧᑦ ᑲᑎᒪᓂᖅ ᐃᖃᓗᖕᓂᐅᓚᐅᖅᑐᖅ ᐊᐃᕐᕆᓕ 4-ᒥᑦ 7-ᒧ, ᓯᓚᓗᑲᑕᒃᑲᓗᐊᖅᑎᓪᓗᒍᑦ. ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᑲᑎᒪᑎᑦᑎᔨᐅᒃᑲᓐᓂᖅᖢᑎᒃ, ᒫᑎᓐ ᕚᓐ ᕉᐃ, ᐅᔭᕋᖕᓂᐊᕐᓂᕐᒧᑦ ᓴᓇᔪᓕᕆᔨ ᖃᐅᔨᓴᖅᑎᓗ ᐅᔭᕋᖕᓂᐊᕐᓂᕐᒧᑦ ᐊᑦᑕᕐᓇᖅᑕᐃᓕᑎᑦᑎᔨᒃᑯᓐᓂᑦ, ᐅᖃᓪᓚᓚᐅᖅᑐᖅ "ᐃᖅᑲᓇᐃᔭᖅᑎᓄᑦ ᓇᓪᓕᐅᒃᑯᒫᒋᔭᐅᔭᕆᐊᓖᑦ" ᒥᒃᓵᓄᑦ ᐅᓂᒃᑲᐅᓯᖃᕐᓂᕐᒧᑦ ᑕᐃᒎᓯᓕᖕᒥᑦ "ᐃᖅᑲᓇᐃᔭᖃᑎᖃᑦᑎᐊᕐᓂᖅ ᐊᑐᐊᒐᖃᖅᑎᑦᑎᔨᓂᒃ ᐱᕙᓪᓕᐊᑦᑎᐊᕋᒪᓪᓗᒍᑦ".

ᓄᓇᕗᒻᒥ ᐅᔭᕋᖕᓂᐊᕐᓂᕐᒧᑦ ᑲᑎᒪᓂᖅᓇᓗᓇᐃᕇᓚᐅᖅᑐᑦ 2017-ᒥᑦ ᐅᓪᓗᕆᓂᐊᖅᑕᖓᓂᑦ: ᐊᐃᕐᕆᓕ 3-6, 2017. ᑕᑯᓛᖅᐸᑦᑎᒋᑦ ᐊᕐᕌᒍᑦ!

ᓄᓇᑦᑎᐊᕐᒥ ᐅᑭᐅᖅᑕᖅᑐᒥᐅᑦ ᐱᒡᒍᓴᐅᑎᓂᖏᑦ 

ᐊᐃᑉᐹ, ᐊᐃᕐᕆᓕ 19-ᒥᑦ, ᐃᓕᓐᓂᐊᖅᑏᑦ ᓄᓇᑦᓯᐊᕐᒥᑦ ᑲᑎᓚᐅᖅᑐᑦ ᔭᓗᓇᐃᒥᑦ ᐊᕐᕌᒍᑕᒫᖅᓯᐅᒻᒧ ᐅᑭᐅᖅᑕᖅᑐᒥ ᐱᒡᒍᓴᐅᑎᓂᕐᒧᑦ. ᐊᑐᖅᑎᑕᐅᓪᓗᓂᑦ ᐱᓕᒻᒪᒃᓴᐃᔩᑦᑲᓇᑕᒥᓄᓇᑦᓯᐊᕐᒥ, ᐱᒡᒍᓴᐅᑎᓂᖅ 18 ᐊᕐᕌᒍᖓᓃᓕᖅᐳᖅ ᑲᑎᑎᑦᑎᕙᒃᖢᓂᑦ ᐃᓕᓐᓂᐊᖅᑎᓂᒃ ᒪᒃᑯᒃᑐᓂᓪᓗ ᓴᓇᔨᕈᕆᐅᖅᓴᔪᓂᒃ ᐱᒡᒍᓴᐅᑎᓪᓗᑎᒃ ᓂᕈᐊᕆᔭᒥᖕᓂᑦ.

ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐱᒡᒍᓴᐅᑎᑎᑦᑎᓚᐅᕐᒥᔪᑦ ᐃᖅᑲᓇᐃᔭᕐᕕᖕᒥ ᐊᑦᑕᕐᓇᖅᑐᒧᐊᖅᑕᐃᓕᒪᓂᕐᒧᑦ ᐃᓚᐅᖃᑕᐅᒋᓪᓗᓂ ᐃᖅᑲᓇᐃᔮᓂᒃ ᑕᑯᒃᓴᐅᑎᑦᑎᓂᕐᒧᑦ. ᐃᖅᑲᖅᑐᐃᔨᒋᔭᐅᔪᑦ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᒃᑯᓐᓂᑦ ᖃᐅᔨᓴᕆᐊᖅᑎᑕᐅᓚᐅᕐᒥᔪᑦ ᐊᓯᖏᓐᓂ ᐃᖅᑲᓇᐃᔮᒃᓴᐅᕙᒃᑐᓂᑦ ᓇᓗᓇᐃᕈᒪᓪᓗᑎᒃ ᐃᖅᑲᓇᐃᔭᕐᕕᖕᒥ ᐊᑦᑕᕐᓇᖅᑐᒧᐊᕐᓇᙱᒃᑲᓗᐊᕐᒪᖔᑦ. ᐃᓕᓐᓂᐊᖅᑏᑦ ᐃᓚᐅᖃᑕᐅᔪᑦ ᐃᖅᑲᓇᐃᔭᕐᕕᖕᒥ ᐊᑦᑕᕐᓇᖅᑐᒧᐊᖅᑕᐃᓕᒪᓂᕐᒧᑦ ᐱᒡᒍᓴᐅᑎᓂᕐᒥᑦ ᐅᓗᕼᐊᒃᑐᕐᒥᙶᓚᐅᖅᑐᑦ ᐊᒃᓚᕕᖕᒥᓗ.

ᐊᓕᐊᓇᐃᒍᓱᖃᑎᒋᕙᕗᑦ ᐱᒡᒍᓴᐅᑎᖃᑕᐅᔪᓕᒫᖑᓚᐅᖅᑐᑦ - ᐱᒡᒍᓴᐅᑎᓪᓗᑎᒡᓗ ᐊᑦᑕᕐᓇᖏᑦᑐᒃᑯᑦ. ᓂᕆᐅᒋᑦᑎᐊᕆᕙᕗᑦ ᑭᖑᓪᓕᕐᒥᑦ ᐱᒡᒍᓴᐅᑎᓂᐊᖅᑐᑦ ᐊᕐᕌᒎᓂᐊᖅᑐᖅ!

ᐅᖅᓱᐊᓗᓕᕆᓂᕐᒧᑦ ᐊᑦᑕᕐᓇᙱᑦᑐᒃᑯᑦ ᑲᑎᒪᓂᖅ

ᐃᓚᐅᖃᑕᐅᓂᐊᖅᐳᑎᑦ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᒃᑯᓐᓂ ᐱᓇᓱᐊᕈᓯᐅᓂᐊᖅᑐᒥᑦ 65-ᖓᑦᐊᕐᕌᒍᑕᒫᖅᓯᐅᑦᐅᖅᓱᐊᓗᓕᕆᓂᕐᒧᑦᐊᑦᑕᕐᓇᖏᑦᑐᒃᑯᑦᑲᑎᒪᓂᕐᒥᑦ!
 ᐊᐃᑉᐹ, ᒪᐃ 3-ᒥᑦ ᕿᑎᖅᑰ, ᒪᐃ 5-ᒧ, ᑭᒡᒐᖅᑐᐃᔩᑦ ᐅᖅᓱᐊᓗᓕᕆᔨᓂᒃ ᑲᑎᓐᓂᐊᖅᑐᑦ ᖃᐅᔨᒪᔭᒥᓂᒡᓗ ᐅᖃᓪᓚᒡᓗᑎᒃ ᖃᓄᖅ ᐱᐅᓯᒋᐊᖅᑎᑦᑎᔪᓐᓇᕐᓂᕐᒧᑦ ᐊᑦᑕᕐᓇᖏᓐᓇᓱᐊᕐᓂᐅᕙᒃᑐᓂᒃ ᐅᖅᓱᐊᓗᓕᕆᕝᕕᖕᓂ.

ᑕᑯᓂᐊᕈᒪᕙᑦᑎᒋᑦ ᑕᐃᑲᓂ.
ᐊᑐᐊᒐᐃᑦ ᐊᓯᔾᔨᖅᑐᑦ

ᐊᐅᓚᑦᑎᔩᑦ ᑲᑎᒪᔨᖏᑦ ᕿᒥᕐᕈᓚᐅᖅᑐᑦ ᐊᖏᖅᓯᓪᓗᑎᒡᓗ ᒪᑯᓂᖓ ᐊᐅᓚᑦᑎᔩᑦ ᑲᑎᒪᔨᖏᑦᑕ ᑎᓕᐅᕆᔾᔪᑎᖏᓐᓂᑦ ᒫᔾᔨ 2016-ᒥᑦ ᑲᑎᒪᑎᓪᓗᒋᑦ:
  • ᐊᐅᓚᑦᑎᔩᑦ ᑲᑎᒪᔨᖏᑦᑕ ᑎᓕᐅᕆᔾᔪᑎᖓ B-000, ᐊᐅᓚᑦᑎᔩᑦ ᑲᑎᒪᔨᖏᑦᑕ ᐱᓕᕆᐊᒃᓴᖏᑦ ᑲᒪᒋᔭᕆᐊᖃᖅᑕᖏᓪᓗ
     
  • ᐊᐅᓚᑦᑎᔩᑦ ᑲᑎᒪᔨᖏᑦᑕ ᑎᓕᐅᕆᔾᔪᑎᖓ B-006,ᐊᐅᓚᑦᑎᔩᑦ ᑲᑎᒪᔨᖏᑦᑕ ᑐᑭᒧᐊᒃᑎᑦᑎᔨᓄᑦ ᒪᓕᒃᑕᐅᔭᕆᐊᓖᑦ
     
  • ᐊᐅᓚᑦᑎᔩᑦ ᑲᑎᒪᔨᖏᑦᑕ ᑎᓕᐅᕆᔾᔪᑎᖓ B-010, ᐊᐅᓚᑦᑎᔩᑦ ᑲᑎᒪᔨᖏᑦᑕ ᑐᑭᒧᐊᒃᑎᑦᑎᔩᑦ ᓇᓪᓕᐅᒃᑯᒫᓕᕆᓂᖏᑦ
ᑕᑯᓗᒍᑦ  ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐊᑐᐊᒐᖓ ᕿᒥᕐᕈᔪᒪᓗᒋᑦ ᑕᒪᐃᓐᓂ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐊᑐᐊᒐᓕᒫᖏᑦ, ᐊᒻᒪᓗ  ᐊᐅᓚᑦᑎᔩᑦ ᑲᑎᒪᔨᖏᑦᑕ ᑐᑭᒧᐊᒍᑎᖏᓐᓄᐊᑐᐊᒐᖅ ᕿᒥᕐᕈᔪᒪᓗᒋᑦ ᑕᒪᐃᓐᓂ ᐊᐅᓚᑦᑎᔩᑦ ᑲᑎᒪᔨᖏᑦᑕ ᑐᑭᒧᐊᒍᑎᓕᒫᖏᑦ.
ᐃᓕᓐᓂᐊᕈᑎᒧᑦ ᐃᑲᔫᑎᑦ
ᐊᑦᑕᓇᐃᖅᓯᒪᓂᕐᒧᑦ ᐃᓕᓐᓂᐊᕐᓂᖅ

WSCC ᐃᓚᒋᔭᐅᔪᑦ ᑖᒃᑯᓄᖓ NTFL ᐊᒻᒪᓗ NSA ᐊᑐᐃᓐᓇᐅᑎᑦᑎᕗᑦ ᐃᓕᓐᓂᐊᕐᕋᔅᓴᓂᒃ ᐃᖅᑲᓇᐃᔭᖅᕕᒻᒥ ᐊᑦᑕᓇᐃᖅᓯᒪᓂᕐᒧᑦ ᐊᒻᒪᓗ ᖃᐅᔨᒪᔭᐅᕚᓪᓕᑎᑦᑎᓂᕐᒧᑦ. ᑐᓴᐅᒪᓇᓱᓐᓂᐊᖅᐳᑎᑦ ᓴᖅᑭᓛᖅᑐᓄᑦ ᐃᓕᓐᓂᐊᕐᕋᔅᓴᓄᑦ ᐊᑖᓃᑦᑐᖅ ᐊᒃᑐᐊᔾᔪᑎᐅᔪᖅ ᑕᑯᓂᐊᕐᓗᒍ.

ᐅᑭᐅᖅᑕᖅᑐᒥ ᐊᑦᑕᓇᐃᖅᓯᒪᓂᕐᒧᑦ ᑲᑐᔾᔨᖃᑎᒌ - ᑕᑯᓗᑎᑦ ᑎᑎᕋᖅᓯᒪᔪᓂᒃ ᐱᓕᕆᐊᕐᓂᒃ ᐊᒻᒪᓗ ᐃᓕᓐᓂᐊᕐᕋᔅᓴᓂᒃ ᑕᕝᕙᓂ.

ᐅᑭᐅᖅᑕᖅᑐᒥ ᓄᓇᓖᑦ ᑐᓐᖓᕕᖓ ᐃᖅᑲᓇᐃᔭᖅᑏᑦ - ᑕᑯᓗᑎᑦ ᐃᓕᓐᓂᐊᕐᕋᔅᓴᐅᓛᖅᑐᓂᒃ ᑕᕝᕙᓂ.

ᐊᓯᒃᑲᓐᓂᖏᓐᓄᑦ ᐊᖏᖅᑕᐅᓯᒪᔪᓄᑦ ᐃᓕᓐᓂᐊᕐᕋᔅᓴᖃᑦᑎᑦᑎᕙᑦᑐᓄᑦ ᐃᖅᑲᓇᐃᔭᕐᓂᒃᑯᑦ ᐋᓐᓂᐊᖃᑦᑕᐃᓕᒪᓂᕐᒧᑦ ᐊᒻᒪᓗ ᐊᑦᑕᓇᐃᖅᓯᒪᓂᕐᒧᑦ ᐃᓕᓐᓂᐊᕐᓂᖅ, ᓇᕿᓪᓗᒍ here.
wscc.nt.ca   /  1.800.661.0792   *   wscc.nu.ca  /  1.877.404.4407