Qitiqqautiyuq 2016
OHS MALIGUAGAKHAT NUNAVUNMI
MALIGAUNGMAT

Havagviuyut-Nutaaq Havaaqaqtunut Aanniartailidjutikhat Qayagidjutikhanullu Maliguagakhat tadja atuqtauliqtut Nunavunmi. Maliguagakhat ikayuutigiyaat havagviuyunut nutaamik tun'ngavikhamik ihuaqtunut Ukiuqtaqtumi auladjutikhanut ublumi, pipqaqhugit Ukiuqtaqtumiut kangiqhinnaqtunik, ihuaqtunik qanuriliurutikhanik, havaktiillu havagviuyullu aullalutik amigaitqiyami atauhiqmit nunamit aviktuqhimayumilluunniit kangiqhiyuumiyait atuqtakhatik uumunga OHS-mut maliktakhatik.
  
Maliguagakhat atuliqtait Nunattiami 2015-mi amihullu Nunavunmi havagviit kangiqhiyuumivaktait aallannguqtiruttigihimayainut. Maliguagakhat atuqtauyakhat tamainit nanminiqaqtunit aulayunut Nunavunmi Nunattiamilu, ilaungittut kihimi tahapkuat kanatami kavamanganit maligakhaqaqtunut.

Maliguagakhat akhuurutauyut ikayuutauvlutik nakuukpiaktumik Ukiuqtaqtumi qayangnaqtumik pitquhikhanut. WSCC-kut tingminiaqtut havagvilluanut Nunavunmi naunaiktittilutik nutaanik naunaitkutikhanik kiulutiklu apiqhuutinut havagvingnit havaktinilluunniit piqaqqata, katimaqatigilugit. Taimaalu, apiqhuutiqaruvit maliktakhanut, uqaqvigiluta talvani OHSRegs@wscc.nu.ca.

Nutaaq Maliguagakhat piinnarialgit qaritauyakkut pilugit talvani OHSRegs.ca.
NAOSH HAVAINIQ PIFFAAQNAHUALIQTAAT

Qiqaiyarluarvia 1-7, 2016

Tikinmiyuq ukiungani - North American Occupational Safety & Health (NAOSH) Havainiq talvani Qiqaiyarluarvia 1-7, 2016! Takulugit ataani qanuriliurutikhainut Nunattiami Nunavunmilu.

Yellowknife

Havaariinnaqpagaat, Canadian Society of Safety Engineers (CSSE) katimapkaidjutigiyaat NAOSH Kick-Off Breakfast and Safety Seminar talvani Hivulliut, Qiqaiyarluarvia 2 hiniktarvikmi Explorer Hotel Yellowknife-mi. Atiliurumaguvit, qaritauyakkut titiqqivigilugu cssenorth60@gmail.com.
 
Uumani ukiungani, Yellowknife WSCC-kut havagvia havaguiqtiliqtut Safety Street-mut qayagidjutikhangnut havagvingni. Katimapkaidjutiginiaqtaqqut qayagidjutikhat nutqallakhimagumik kaapitungnaqhikpat Safety Coffee Breaks ihuaqhihimayuq nanminiqaqtunut piqaqtut 20-nik ikitqiyanikluunniit havaktinik, katimapkaidjutigilugit ukuat:
  • Ulruttailinikkut;
  • Havagvingmi Havaarihimayakhait;
  • Quiyaqittunut, Napatkaktunut, Ulruyunullu;
  • Havagiaktuffaaqtunut; unalu
  • Havagvikhanut Naunaiyaiyit.
Havaqatigiyavut havaariniaqtait tahapkuat Safety Coffee Breaks havagvingni Yellowknife-mi talvanga Aippiut, Qiqaiyarluarvia 3 talvunga Hitammiut, Qiqaiyarluarvia 5, talvani 10:00 AM unalu 3:00 PM katimagaigumik. WSCC Qayagidjutikhanut Havaktiit ukualluunniit Uyaraqhiurvikmi Ihivriuqtit agidjiniaqtut kaapikhamik tamuayakhaniklu, quviahuutigiyait ukunanit Northern Territories Federation of Labour (NTFL).
 
Pidjutikhaa piniaqtait hivulliuyunut, hivullikmik piniaqtut. Qaritauyakkut titiqqiluta talvani naosh@wscc.nt.ca naunairumagungni.

Inuvik

Uumani ukiungani, WSCC-kut Inuvik-mi havaqatauyut katimapkainiaqtut qayagidjutikhanut hulilukaarutikhanik Aippiutmi, Qiqaiyarluarvia 3, tupauttaklutik, uqaqtiqaqniaqtut, uqaqatigiigutilugillu qayagidjutikhanik. Naunaitkutikhaqaqniaqtuq nutaamut Havaaqaqtunut Aanniartailidjutikhat Qayagidjutikhanullu Maliguagakhat (OHS).

Naunairumagungni hulilukaarutikhaq, uqaqvigilugu naosh@wscc.nt.ca. Inikhat ikittutTupauttaqtittiniaqtut Northern Territories Federation of Labour (NTFL).

Iqaluit

WSCC-kut Iqalungni katimapkaidjutiginiaqtaat NAOSH hulilukaarutikhaq talvani Pingattiut, Qiqaiyarluarvia 4, talvani Francophone Centre! Niripkainiaqtut BBQ-lutik, taktakhaqaqlutik, naunaitkutikhaqaqlutiklu nutaamut anipkalihaaktamut Havaaqaqtunut Aanniartailidjutikhat Qayagidjutikhanullu Maliguagakhat.
 
Hulilukaaqtittiniaqtut 11:00 AM-mi. Qitiqqauyakpat niriqatigiluta, niripkaiyut Northern Territories Federation of Labour (NTFL).
 
Naunairumagungni hulilukaarutikhaq, qaritauyakkut titiqqiviluta talvunga naosh@wscc.nu.ca.

Nunami: Piksasuuqtittiniaqtut
 
Naunaiklugu tatqirhiutihi: WSCC-kut piksasuukhaliuliqtut takunnaqniaqtumik qaritauyakkut takuyakturviani ublaami Tallimmiut, Qiqaiyarluarvia 6. Tautuklugu piksasuuliuqhimayuq itqaumalugillu aallat qayagidjutikhanut apiqhuutit piksasuuq nunguliqqat. Tamaita ilauyut kiuyut apiqhuutinik qaangiktinnagu Hivulliut, Qiqaiyarluarvia 16 atiit iliyauniaqtut amuyakhamut taktakhamut.
 
Amuyakhaq angmaumayuq tamainut havaktinut havagviuyunullu Nunattiami Nunavunmilu, Utaqqilugu NAOSH page on our website; piksasuuliuqhimayuq takunnaqhiniaqtuq talvani Tallimmiut, Qiqaiyarluarvia 6.
UNNIRLUGIT QAYANGNAQTUT HAVAGVINGMI
TAKUGUNGNI, UNNIRHIUTILUGIT

Talvani Idjirurvia pidjutaanut SafetyNet, naunaiktitaffi nutaamut havaktauliqtunut talvuuna WSCC Connect: una Unnirlugit Qayangnaqtut Havagvingmi ikayuutikhaq.

Itquumagaluaqhuni kinalikaak atuqtaaktaa havaktauhimayuq - kinauyaakhamingnut uqaqhimaittumik - puiguktailugu taimaa havaktiulutit, hivulliq havaariyakhariyat takuguvit qayangnaqtumik havagvingmi unnirtakhat pidjutaa tiliuqtingnut. Tamaptik, ilvit tiliuqtillu naunaiyanginnariaqaqtatik qayangnaqtumut taimaalu ihuaqhihimaitpat, tuglik piyakhamut unnirutigilugu uumuuna Unnirlugit Qayangnaqtut Havagvingmi qaritauyakkut.

Ahiniitkuvit havgvingnit, taimaa, unnirhittaaqtutit qayangnaqtunut havagvingni kakugulikaak takuguvit qayangnaqniaqtumik nunallaangni. Upinngaaliktuq, takuniaqtatit inuit havaktut hilami, havaariyakhaqqut tamaptingnut inuit qayagipkaklugit. Takuhiguvit qayangnaqtumik havaktunik pidjutilluunniit, havagvingmilu qayangnaqniaqtunik, unnirutigilugu. Takuvit inungmik iglup qilaaniittumik aannirtailidjutiqangittumik? Unnirutigilugu. Takuhivit avaliittuq havaktuq uqpiiyaiyuq napaaqtuniklu pauvatuutinut alruyanit napayunit ikayuqtiqangittumik havaktimit tiliuqtiqangittukluunniit haniani? Unnirutigilugu.

Pinahuarungni Unnirlugit Qayangnaqtut Havagvingmi qaritauyakkuurutaa, talvungaklutit WSCC Connect, kaanganuuqlutit Occupational Health and Services naunaitkutaani, naqitlugu una Report Unsafe Work.
UBLUA NIKAHUKTUNUT
ITQAUMAVLUGIT

Tamainni ukiuni, amigaitqiyat 1,000nit Kanatamiutat  havaktit tuquvaktut havagvingmi aanniraangamik aanniarumikluunniit. Tamainni ukiuni, itqaumavaktavut tuquhimayut talvani Qitiqqautiyuq 28, Nunakyuami Ublua Nikahuktunut. Ublua nan'ngarivlugit nikahukhutiklu, ublualu nutaanguqtirilutik havaktakhaptingnut nutqaqtillugit hivuniptingni havagvingmi ayuqhautinik.

Katimavlutik Itqaumavaktut nunani uumani ubluani. Yellowknife-mi Iqalungnilu, Northern Territories Federation of Labour (NTFL) inungnut katimapkaivaktut Maligaliurvikni tamangmingni nunalipauyanitalvani Hitammiut, Qitiqqauyaqvia 28, qitiqqukpat. Quanaktut inuit upautihimayut.

Ilihimalugu: havagvingmi qayagidjutikhanut kangiqhihimaniq annaudjautikhautiniaqtut inuuhirnut.
Day of Mourning
IGLUQAQTUT NANMINIRIYAMIK ILIHIMAYAKHAIT

Upinngaaliqmiyuq, kangiqhidjutigiyat: iglumik nutaanguqtirinaqhingmiyuq hilamilu hulilukaaqluni havaktakhanik!

Ilihimavit havagviuyutit inungnik havaktittigaangavit iglungnik hilataanilu? Havaktittiyumaguvit iglumiutakhangnut nutaqqiqiyukhamik, halummaqhiyit, iglumik ilingaiyaiyit, kaantraaqaqtulluunniit havakhimmaaqut ilainnaaniluunniit havakpaktut, naunaikvigilugit WSCC-kut, Havaktinut Aannirtailinirmut Havalimaiqqata Maligaq unalu Qayangnautikhanut Maligaq naunairiangani ilauyaakhangnut havagviuyunut naunaitkutaini.

Naunairumagungni, takulugu pigiyakkut Homeowners' Responsibilities brochure, uqaqvigilutalu talvani 1-800-661-0792 apiqhuutiqaruvit.
WSCC-KUT TINGMIDJUTIGIVAGAIT NUNANUT

WSCC-kut amihunut nunanungauhimayut kangannuaq. Takulugit humungauvigihimayavut, humungauliriakhaptingnut!

UYARAQHIURVIKMI AANNIRTUQAQQAT QILAMIURUTINUT AYUIQHAIDJUTIKHAQ

Talvani Qiqaiyalirvia 5mi, Diavik Diamond Mine pidjutigiyaat aannirtuqaqqat qilamiurutinut ayuiqhaiyut qilamiurutinut upalungaikhimayaamingni. Ilauyut ukuat havaqatigiikpaktut ukunanit Diavik, Ekati, Snap Lake, unalu New Afton uyaraqhiurvit.

NUNAVUNMI UYARAQHIURPAKTUNUT KATIMAYUARUTIKHAQ

Hilaklugaluaqhuni katimavaktugut: uumani ukiungani, Nunavunmi Uyaraqhiurnikkut Katimayuarutaat katimayut Iqalungni Qitiqqautiyuq 4-mit 7-mut, hilaklugaluaqtillugu katimahuiqniaqnahugivaktugut. WSCC-kut havakpagait naunaikhidjutaungmiyut, unalu Martin van Rooy, Uyaraqhiurnikkut Titiraqti unalu Ihivriuqhiyi Uyaraqhiurvikmi Qayagidjutikhanut, uqariyait "Akiligakhaq Havagviuyunut Qullangnaiyautikhaq" tautuktidjutaanut atilik "Nakuuyut Pikatigiigutikhat Maligaliuqtinut Ihuaqtunut Pivalliadjutikhanut (Healthy Relationship with Regulators for Balanced Development).

Una Nunavut Mining Symposium tuhaqtidjutauhimayuq 2017-mi ublukhat: Qitiqqautiyuq 3-6, 2017. Takuniaqtaffi talvani aippaagu ukiungani!

NUNATTIAMI NUNAMI AYUIQHIMAYAMINGNUT AKIMANAHUGIDJUTAIT 

Talvani Aippiut, Qitiqqautiyuq 19, ilihaqtut nunanit Nunattiami katittut Yellowknife-mi ukiunganut Nunami Ayuiqhimayamingnut Akimanahugidjutainut. Katimapkaiyut Skills Canada NWT, akimanahugittutik uuktuutigiyaat tikittugu 18-nik ukiungit katipkakhugit ilihaqtut inulrammiillu havaakhamingnut ilihaqtut uukturiamingni piumayamingnut ayuiqhimayamingnik naunaitkutainut.

WSCC-kut atauhiqmik katimapkaidjutigihimayaat Havagvingmi Qayagidjutikhanut uuktuutikhamik ilauvlutiklu naunaikhipkaiyiuvlutik talvani havaarihimmaaqtakhanut naunikhiyunut Career Expo. Akimayukhanik naunaihiyukhat WSCC-kunit ilauyut ihivriutiuvlutik aallanut akimanahugidjutikhanut havagvingmi qayangnariangani. Ilihaqtut ilauyut Havagikni Qayagidjutikhanut uuktuqtuni pihimayut nunallaanit Ulukhaktok-mit Aklavik-millu.

Quviagiyauyut tamaita inulrammiit uuktuqtut - iniqhivlutiklu qayagivlutik. Uuktuqtinniaqtavut tugliit inulrammiit havaktiit uuktuqniaqtunut aipaagu ukiungani!

UQHUQYUALIQINIRMUT QAYANGNAUTIKHANUT KATIMAKYUARUTAAT

Ilauqatigilugit WSCC-kut Banff-mi tikiliqtumut havainiqmi pidjutikhaanut 65th Annual Petroleum Safety Conference! Talvanga Aippiut, Qiqaiyarluarvia 3-mit talvunga Hitammiut, Qiqaiyarluarvia 5-mut, havaktit uqhuqyaliqiyinit kaasiliiliqiyinillu havagvikyuanit katimaniaqtut uqaqatigiigutilugit inmik qauhimayamingnik ihuaqhiyuumidjutikhanut qayangnautikhat auladjutinut havagvingni.

Talvani takuyumayaffi.
ATUGAKHANUT AALLANNGUQTIRUTIT

Governance Council naunaiyaktait angiqhugillu ukuat ataaniittut pitquyauhimayait Governance Council Directives talvani Qiqaiyalirvia 2016 katimagamik:
  • Governance Council Directive B-000, Governance Council Roles and Responsibilities
  • Governance Council Directive B-006, Governance Council Directors' Code of Conduct
  • Governance Council Directive B-010, Governance Council Directors' Claims
Takulugu una WSCC Policy Manual naunairianginni WSCC-kut atugakhait, unalu Governance Council Directives Manual naunairianginni tamaita pitquyauhimayait Governance Council Directives.
ILIHAUTIKHANUT IKAYUUTIKHAT
AANNIRNAITTUMIK ILIHARNIQ

WSSC kut paannariyait NTFL kut NSA kullu ayuiqhautikhakkut havakvingmi aannirnaittumik kangiqhhijjutikhanik. Kangiqhimakkit ayuiqhautikhat taiguarlugit atajjutit taunani titiraqhimayut.

Ukiuqtaqtumi Aannirnaittukkut Katujjiqatigiit - takulugit ilihautikhat ayuiqhautikhallu hamani.

 Ukiuqtaqtumi Aviktuqhimayuni Havaktuliqiyitkut - takulugit ayuiqhautikhat uvani.

Ilangit angiqtauhimayut Havakvingmi Aanniaqtuliqiyit Aannirnaittumiklu Ilinniaqtut, naqillugu una.
wscc.nt.ca   /  1.800.661.0792   *   wscc.nu.ca  /  1.877.404.4407