| Havagviuyut: Nutaaq Havaaqaqtunut Aanniartailidjutikhat Qayagidjutikhanullu Maliguagakhat tadja atuqtauliqtut Nunavunmi.
Nutaaq ihuaqhaqhimayuklu Havaaqaqtunut Aanniartailidjutikhat Qayagidjutikhanullu Maliguagakhat tadja atuqtauliqtut Nunavunmi. Maliguagakhat ikayuutaulluaqtut qayangnaittumik Ukiuqtaqtumi havagviuyunik havaktinut havaktiuyunullu. Tahapkuat malikpaktuugaluat kingullirmut Atuqtauyunut Qayagidjutikhanut Maliguagakhat maliliqtukhauyut nutaamut Havaaqaqtunut Aanniartailidjutikhat Qayagidjutikhanullu Maliguagakhat nakuuyuq pivalliadjutikhaq pigiyamingni havakvingmingni qayagidjutikhanut ikayuutikhat.
Nutaat Maliguagakhat naunaitkutariyait qanuq havagvikyuat hanayauhimayullu aallan'nguqtirpagiakhainut qaangiutihimayuni qulit ukiurivagainni. Tunihivaktut havagvingnut nutaanguyumik tunngavikhanik ihuaqtunut Ukiuqtaqtumi auladjutauyunut ublumi, piikhugit ayuqhautauvaktut akunngani Nunavut, Nunattiak, aallallu Kanatami nunanginni. Piikhugit ayuqhautauvaktuugaluit, havagviit aulayut amihuni nunani aviktuqhimayunilu ikayuqtauniaqtut nakuutqiyamik kangiqhiudjutiyaanginnik OHS-mut piyakhanut. Ukuat Maliguagakhat pihimayut tamainut nanminiqaqtunut aulayut Nunavunmi Nunattiamilu, tahapkunungaungittunut Kanatami kavamainit maligaqaqtut.
Nutaaq Maliguagakhat takuvagait angiyut aallannguqtirutit uqauhirmut qanuqlu piyakhainut, naunaikpiakhimavlugit kangiqhinnaqtumik qanuqlu piyukhauyunik taimaatut havagvingmi qayagidjutinut naunaitkutit ayungnaittumik piyauvagianginni tamainut havaktiuyunut havagvingnullu. Aallat aallannguqtirutit ukuat nutaat piyakhariliqtait qayangnaqtunut naunaiyaidjutinut; tiliuqtiuyumayunut ilihaudjutikhat; nunguyuittut (radiation); OHS Katimayiit; Aannirtuqaqqat Atuqtakhat; inungmut aannirtailidjutikhat qayagidjutikhanullu aannuraat tamayallu; aallallu qayagidjutikhat alruyiliqiyivaktunut, munarhiliqinikmi havaktut, qaptiriyillu. Unattauk, atauhiq angiyuq ilihimayauyakhaq nutaami Maliguagakhat amigaiyuumiyuq ikayuutikhat uumunga Internal Responsibility System (IRS), pipqaqhugit havagviuyut havaktullu qayangnaittumi havagvikhaqarianginni havaqatigiiklutik.
Ukuat Maliguagakhat naunaikhimayait ilangit maligakhat taimaa tamapta Ukiuqtaqtumi quviahuutigiyakhavut. Pidjutaudjutait havakpiakpakkamik aghuurutigivlugulu ukunanit Ministauyut ilaupkaiqatigiikpiaqhutik pidjutikhanut Ukiuqtaqtumiutanut qaaniutihimayuni ikittuni ukiuni hivumuuqtittugit Maliguagakhat tadja atuqtauliqhutik ublumimut.
Piyukhauyut taimaa havagviit naunaiyaklugit ukuat Maliguagakhat naunairianginni qanuq aallannguqtirutit qanuriliurutauniaqmagaat havagvingminut humilikaak. WSCC-kut uqaqvigiinnarialgit hivayautikkut qaritauyakkut titiqqivigilugit kiuyaanginni apiqhuutinut, taimaalu inungnut uqaqatigiiklutik katimaniaqtut naunaitkutikhanik uqarilugit nunallaalluani Nunavunmi.
Aallanut naunaitkutikhanut, unalu nutaaq Havaaqaqtunut Aanniartailidjutikhat Qayagidjutikhanullu Maliguagakhat, takuyakturlugu qaritauyakkut takuyakturvikput talvani OHSRegs.ca.
Qayagivakluhi,
Dave Grundy
Angiyuqqaaq CEO-lu
|
|
wscc.nt.ca / 1.800.661.0792 * wscc.nu.ca / 1.877.404.4407
| |
