ᓄᑖᑦ ᐱᐅᓯᒋᐊᖅᓯᒪᔪᓪᓗᐃᖅᑲᓇᐃᔮᒧᑦᐋᓐᓂᐊᖃᕐᑕᐃᓕᒪᓂᖕᒧᑦᐊᑦᑕᖕᓇᖅᑕᐃᓕᒪᓂᖕᒧᓪᓗᒪᓕᒋᐊᓕᖏᑦ ᐃᑲᔪᖅᑐᐃᑦᑎᐊᖕᓂᕐᓴᐅᕗᑦ ᐊᑦᑕᖕᓇᙱᑦᑐᒥᑦ ᐅᑭᐅᖅᑕᖅᑐᒥᑦ ᓴᓇᕝᕕᖕᓂᑦ ᐃᖅᑲᓇᐃᔭᖅᑎᑦᑎᔨᓄᑦ ᐃᖅᑲᓇᐃᔭᖅᑎᓄᓪᓗ. ᑖᒃᑯᐊ ᒪᓕᑦᑎᐊᖃᑦᑕᓚᐅᖅᑐᑦ ᓯᕗᓪᓕᐅᓚᐅᖅᑐᓂᑦᐊᑦᑕᖕᓇᖅᑕᐃᓕᒪᓂᖕᒧᑦ ᒪᓕᒋᐊᓖᑦ ᐊᓯᔾᔨᖕᓂᖏᑦ ᓄᑖᒧᑦᐃᖅᑲᓇᐃᔮᒧᑦᐋᓐᓂᐊᖃᕐᑕᐃᓕᒪᓂᖕᒧᑦᐊᑦᑕᖕᓇᖅᑕᐃᓕᒪᓂᖕᒧᓪᓗᒪᓕᒋᐊᓕᖏᑦᐊᑐᓕᖅᐸᓪᓕᐊᓂᐊᕐᐸᔾᔪᒃ ᐊᑦᑕᖕᓇᖅᑕᐃᓕᒪᔾᔪᑎᖏᓐᓄᑦ.
ᑖᓐᓇᓄᑖᖅᒪᓕᒋᐊᓕᒃ ᑐᕌᖓᔾᔫᒥᔪᑦ ᑕᒪᒃᑯᐊ ᓴᓇᕝᕖᑦ ᐱᓕᕆᔾᔪᑏᓪᓗ ᐊᓯᔾᔨᖅᓯᒪᓕᖕᓂᖏᓐᓄᑦ ᐊᕐᕌᒍᒐᓴᐅᓕᖅᑐᑦ. ᐃᖅᑲᓇᐃᔭᕐᕕᐅᔪᓂᑦ ᓄᑖᖑᔾᔫᒥᔪᓂᒃ ᑐᙵᕕᖃᖅᑎᑦᑎᓲᑦ ᑐᕌᖓᔾᔫᒥᔪᓄᑦ ᐅᑭᐅᖅᑕᖅᑐᒥᐅᓂᑦ ᐊᐅᓚᑦᑎᕙᒃᑐᓂᑦ, ᐱᑕᖃᙱᓐᓂᕆᔭᓂᓪᓗ ᑲᒪᒋᔭᖃᕐᓗᑎᒃ ᓴᖅᑭᔮᓚᐅᖅᑐᓂᑦ ᓄᓇᕗᒻᒥᑦ, ᓄᓇᑦᑎᐊᒥᑦ ᐊᓯᖏᓐᓂᒡᓗ ᑲᓇᑕᒥᑦ ᐱᔪᓐᓇᖕᓂᖃᕐᕕᐅᔪᓂᑦ. ᐱᑕᖃᐅᙱᑦᑐᑦ ᑲᒪᒋᓪᓗᒋᑦ, ᐃᖅᑲᓇᐃᔭᖅᑎᑦᑎᔩᑦ ᐊᐅᓚᑦᑎᓲᑦ ᐊᒥᓱᓂᑦ ᐊᕕᒃᑐᖅᓯᒪᔪᓂᑦ ᐊᑲᐅᓈᕈᑎᓂᐊᓕᖅᑐᑦ ᐱᐅᓂᕐᓴᒥᑦ ᐃᓕᓴᖕᓇᖅᑐᓂᑦ ᐊᑐᖅᑕᐅᔭᕆᐊᓕᖕᓂᑦᐃᖅᑲᓇᐃᔮᒧᑦᐋᓐᓂᐊᖃᕐᑕᐃᓕᒪᓂᖕᒧᑦᐊᑦᑕᖕᓇᖅᑕᐃᓕᒪᓂᖕᒧᓪᓗᒪᓕᒋᐊᓕᖏᑦ. ᑖᒃᑯᐊᒪᓕᒋᐊᓕᒃ ᑐᕌᖓᔪᑦ ᓇᖕᒥᓂᖃᖅᑐᓕᒫᓄᑦ ᐊᐅᓚᑕᐅᔪᑦ ᓄᓇᕗᒻᒥᑦ ᓄᓇᑦᑎᐊᒥᓪᓗ, ᐱᓇᒋᓪᓕ ᒐᕙᒪᑐᖃᖅᑯᓐᓂᑦ ᐊᐅᓚᑕᐅᔪᓂᑦ.
ᑖᓐᓇᓄᑖᖅᒪᓕᒋᐊᓕᒃ ᐊᓯᔾᔩᓯᒪᒻᒪᕆᒃᑐᑦ ᐅᖃᐅᓯᖕᓂᑦ ᐋᖅᑭᐅᒪᓂᖓᓂᒡᓗ, ᓇᓗᓇᙱᔾᔫᒥᓪᓗᑎᒃ ᐃᓗᐃᑦᑑᔾᔫᒥᔪᓂᒃ ᐊᔪᕆᖅᓲᓯᖃᖅᖢᑎᒃ ᑖᒃᑯᐊ ᐃᖅᑲᓇᐃᔭᕐᕕᖕᒥᑦ ᐊᑦᑕᖕᓇᖅᑕᐃᓕᒪᓂᓕᕆᔪᑦ ᐊᑐᐃᓐᓇᐅᓕᖅᖢᑎᒃ ᐃᖅᑲᓇᐃᔭᖅᑎᓄᑦ ᐃᖅᑲᓇᐃᔭᖅᑎᑦᑎᔨᓂᒡᓗ. ᐊᓯᖏᑦ ᐊᓯᔾᔨᖅᑐᑦ ᓄᑖᑦ ᒪᓕᒃᑕᐅᔭᕆᐊᓖᑦ ᐅᓗᕆᐊᓇᖅᑐᓂᑦ ᖃᐅᔨᓴᖕᓂᖕᓄᑦ; ᐊᖓᔪᖅᑳᑦ ᐃᓕᓐᓂᐊᕐᓂᖏᑦ; ᐆᑎᕆᔾᔪᑎᓂᒃ; ᐃᖅᑲᓇᐃᔮᒧᑦᐋᓐᓂᐊᖃᕐᑕᐃᓕᒪᓂᖕᒧᑦᐊᑦᑕᖕᓇᖅᑕᐃᓕᒪᓂᖕᒧᓪᓗᒪᓕᒋᐊᓕᖏᑦ ᑲᑎᒪᔨᕋᓛᖏᑦ; ᐋᓐᓂᖅᑐᓕᕆᓃᑦ; ᓴᐳᒻᒥᒃᖠᕈᑎᑦ ᐱᖁᑎᑦ; ᓴᐳᒻᒥᒃᖠᒃᑲᓐᓂᕈᑎᓂᒃ ᐅᐊᔭᓕᕆᔨᓄᑦ, ᐋᓐᓂᐊᖅᑐᓕᕆᔨᓄᑦ, ᖃᑦᑎᕆᔨᓄᓪᓗ. ᐊᒻᒪᓗᑦᑕᐅᖅ, ᐊᑕᐅᓯᖅ ᐊᖏᓛᖑᔪᖅᑖᓐᓇᓄᑖᖅᒪᓕᒋᐊᓕᒃᐃᓚᒋᐊᖅᑕᐅᓂᖓ ᐃᑲᔪᖅᑐᐃᔾᔪᑏᑦ ᐃᓗᐊᓂᑦ ᑲᒪᒋᔭᕆᐊᓕᖕᓄᑦ ᐱᓕᕆᔾᔪᑏᑦ (IRS), ᐱᕕᖃᕈᑕᐅᔪᖅ ᐃᖅᑲᓇᐃᔭᖅᑎᑦᑎᔨᓂᑦ ᐃᖅᑲᓇᐱᔭᖅᑎᓂᒡᓗ ᐊᑦᑕᖕᓇᙱᑦᑐᒥᑦ ᓴᓇᕝᕕᖃᕋᓗᐊᕆᐊᒃᓴᖏᖕᓂᒃ.
ᑖᒃᑯᐊᒪᓕᒋᐊᓖᑦᐃᓚᖃᖅᑐᖅ ᒪᓕᒐᓕᐊᖑᓯᒪᔪᒥᑦ ᑕᒪᑦᑕ ᐅᑭᐅᖅᑕᖅᑐᒥᐅᖑᓗᑕ ᐱᒃᑯᒋᓪᓗᐊᖅᑕᑦᑎᓐᓂᑦ. ᓴᖅᑭᑦᑐᖅ ᐱᓕᕆᐊᖑᓪᓚᕆᖕᓂᖕᓄᑦ ᐊᖏᖅᓯᒪᓂᖏᓐᓂᒡᓗ ᒥᓂᔅᑕᐅᑉ ᐊᑦᑕᖕᓇᖅᑕᐅᓕᒪᓂᖕᒧᑦ ᐅᖃᐅᔾᔨᐅᔨᖏᑦᑕ ᑲᑎᒪᔨᕋᓛᖏᓐᓄᑦ, ᐃᓚᐅᓚᐅᖅᑐᑦ ᐃᓚᒋᔭᐅᓪᓚᕆᒃᖢᑎᒃ ᐊᑐᐃᓐᓇᓂᑦ ᐅᑭᐅᖅᑕᖅᑐᒥᐅᓂᑦ ᐊᕐᕌᒍᒐᓴᐅᓕᖅᑐᓂᑦ ᑖᒃᑯᐊ ᒪᓕᒋᐊᓖᑦ ᒫᓐᓇᒨᓂᖏᓐᓄᑦ.
ᐱᒻᒪᕆᐅᔪᑦ ᑖᒃᑯᐊ ᑲᑐᔾᔨᖃᑎᒌᖑᔪᑦ ᕿᒥᕐᕈᓂᐊᕐᓗᑎᒃ ᑖᒃᑯᓂᖓ ᒪᓕᒋᐊᓕᖕᓂᑦ ᖃᓄᖅ ᑖᒃᑯᐊ ᐊᓯᔾᔨᖕᓂᐊᔪᑦ ᐊᒃᑐᐃᓇᔭᖕᒪᖔᖏᑦ ᐃᖅᑲᓇᐃᔭᕐᕕᖏᓐᓂᑦ. ᑖᓐᓇ ᐃᖅᑲᓇᐃᔭᖅᑎᓄᑦ ᐊᑦᑕᖕᓇᖅᑐᓂᒃ ᓇᓪᓕᐅᒃᑯᒻᒫᓂᒡᓗ ᑲᒪᔨᖏᑦ ᐊᑐᐃᓐᓇᐅᔪᑦ ᐅᖄᓚᐅᑎᒃᑯᑦ ᐃᕐᖐᓐᓇᒃᑰᕈᑎᒃᑯᓪᓗ ᑭᐅᓂᐊᕐᓗᑎᒃ ᐊᐱᖅᑯᑎᓂᒃ, ᐅᖃᖃᑎᖃᖃᑦᑕᓛᖅᖢᑎᒃᓗ ᐃᓄᖕᓂᑦ ᑐᓴᐅᒪᔾᔪᓯᕆᓂᖕᓄᑦ ᓄᓇᓕᒡᔪᐊᖑᔪᓂᑦ ᓄᓇᕗᒻᒥᑦ.
ᖃᐅᔨᒋᐊᒃᑲᓐᓂᕈᒪᔪᑦ, ᐃᓚᐅᓪᓗᑎᒃ ᓄᑖᑦᐃᖅᑲᓇᐃᔮᒧᑦᐋᓐᓂᐊᖃᕐᑕᐃᓕᒪᓂᖕᒧᑦᐊᑦᑕᖕᓇᖅᑕᐃᓕᒪᓂᖕᒧᓪᓗᒪᓕᒋᐊᓕᖏᑦ,ᐃᑭᐊᖅᑭᕕᑦᑎᓐᓄᐊᕐᓗᓯ ᐅᕗᖓ OHSRegs.ca .
ᐊᑦᑕᖕᓇᖅᑕᐃᓕᒪᒋᑦᑎ,
ᑕᐃᕝ ᒡᕋᓐᑎ
ᐊᖓᔪᖅᑳᖅ ᑐᑭᒧᐊᒃᑎᑦᑎᔨᒻᒪᕆᒡᓗ
