Iidjirurvia 2016
TUKLIANI TATQIQHIUNMI: AKHUUQPALLARNIRMIK
#1 AANNIQPAKTUN AHINNIKHUTIK, NUQITITTINIQ, ALIKTITTIPLUTIKLU AANNIKPAKTUT

Amihuyuni taigualiukhimayunit SafetyNet, takuurivaktugut nuqiqtittiniq, ahinniktut takuuriplutallu quiyaqittut, naattut, ulruyut. Tukliani tatqiqhiunmi, ihumaginiaqtavut hivulliqpaq aanniqpaktun ahinnikhutik, nuqitittiplutik, aliktittuiklu aannikpaktut: akhuuqpallarnirmik.
  
Taigudjarikhiruffiuk kinguliit taigualiukhimayutm taiguktatit Tarium Hikutilirvia akhuuqpallarnirmik kivikhiyarangamik aanniutigivaktainut 20.23% tamainit nuqitittiyut, ahinniktut, aliktitityut aanniuitait talvani 2014mi. Takuukhugit titiqani talvanga 2015mit, naunaiqtauyuq aallangutiangittuq naunaiktauyuq: akhuuqpallarnirmik kiviktuiyut aanniutauvaktuq, pidjutaupluni 18.43%, tamainut nuqitittiyut, ahinniktut, aliktitityut aanniuitait talvani Nunatsiarmilu Nunavunmilu.

Qanuqtut ikikliyuumirniaraluaqitigik hapkuat aanniutauvaktut? Hunat pidjutauvakpata akhuuqpallarnirmik aanniutauvaktunut? Tamainut havagvingni aanniutauvaktut, pidjutiqaqpaktut akhuuqpallarnirmik aanniutauvaktunut pittailittaaktugalluaktut. Takudjavatit tukliani tatqiqhiunmi naunaikhiyarni qanuriliurutikharnik pittailidjutikharniklu ikikliyuumiutikharniklu akhuuqpallarnirmik aanniutauvaktunik.
WSCC CONNECT:
NUTAAQ E-SERVICE TAGUAKHAT


Havaktinut Aanniqtailinirmullu Havalimaiqqata Nalliqtarvik (WSCC) iniqtut nuipkainahuakhutik alrungnik nutangnik e-services talvuuna WSCC Connect atuqliqat Qiqaiyalirvia. Pinahuaqtavut tigumiaqtinut angigliyumiutikhanik qaritauyakkurutivut ikayuutikhat 2016mi.

UNIQPAGLUGIT QAYANGNAQTUT HAVAKTAUYUT

Unniqlugit Qayangnaqtut havaktauyunut e-service avalkiittuq ikayuutikhaq talvunga WSCC Connect: tarrangayuq inungnut tamainut, tukiqaqtuq atiliuriaqangitutit pillahidjutikharnik uminga ikayuutikhamik. Qauyimayugut Kinaliqaak takulayuq qanuriliyuqarangat, qayangnaqtumi, uvalu qanuritumik pidjutaullayumik qayangnaqtunut aanniutikhamut, havagvingmillu aanniarutauyumut. Unniqlugit Qayangnaqtut havaktauyunut taimaitumik hamna atuqtakhat tamarmik inungnit unniudjidjutikhamik qanuriliyuqaqqata WSCC (atirminik uqakhimaitumik uqagluniluunniit).

WSCC tuhaqtitauvaktut aanniqtuqarangat Unniudjutimik Qayangnaqtunik Havakhanik tuyutauyarangat, naunaikhiniaqtutlu tuklianik qanuriliurutikhanik naunaiyautanit tuniyauhimayunit. Tuyuruvit Qayangnaqtunik Havakhanik attikhimaitumik, WSCC-kut hivayarunaitatit. Takuttaaktatit qanuriliuqtauyakhanik unniudjutigihimayat naunaitkutanit nappaanik tuniyauhimayumit, takulugu una qaritauyakkut WSCC Connect naqitlugulu "Takuklugit Qayangnaqtut Havaktauyut Unniudjutikhat." Naunaitut hapkuat atiit, nayugaitlu unngavaktauhnguyut titirakhimayumit iliyautinagu talvunga WSCC Connect.

Takuhimaguvit qayanganaqtumik hulidjutanik, WSCC-kut pitquyatit atuiqlugu una nutaaq titiragvikhaq Unniqlugit Qayangnaqtut havaktauyunut. Ayurnaittuq aturiami iniqtauttaaktuqlu ikitunik titiragvigilugu.

ATILIURIAQAQTAT NANMINIRIYAT

Nanminiqaruvit havaktitivigiyarnik tamhamani Nunatsiarmilu Nunavunmiluunniit amigaitqiyanik qulit ublut tatqiqhiut ukiungani, atiliuriaqaqtutit  WSCC-kuni. Havaktiqaqtut qaritauyakkullakhiyut atirliuglutik talvani WSCC Connect Atiliurlugu Nanminiriyaqtik. Ayurnaitut maliktakhatit iniqtiutikhainik nanminiriyarnik atiliurvikharnik:
  1. Nanminiriqaqqit Naunaitkutainik - atuquyauhimayanginnik atinganik, atinganik, nayuqtanik, uqqvikhanik naunaitkutainik.
     
  2. Nanminiriyauyup/Tukimuaqtit - naunaitkutainik nanminiqaqtut, katimayiit, havaqatigiitlu imatutlu piyariaqaqqata uminga Inminut Piumagumi Nalliutikhaq.
     
  3. Nanminiriyauyup Aulapkaidjutait - humi aulapkainiaqqit, havaktiit akiliuhiakhainik naunaitkutit.
     
  4. Nanminiriyauyup Hulidjutikhainik - naunaitkutikhanik nanminiriyaqqit hulidjutikhainik.
     
  5. Ihivriuqlugu Tuyutigilugu - ihivriuglugit naunaitkutikhat piyariaqaqtavut iniqtauhimaitpata. Piyaraqaqtut Naunaitkutit tuyuqtaukpata, tuyutigittaaktatit uuktuutikhatit WSCC-kunut.
Havaktitiyut takuuktaqtait qanurittaakhainik tuyutauhimayut talvuuna WSCC Connect titiraqarvingmikkut. Atiliuruvit, titiraqtaktit talvungauhunguyut Registered.

Atuqtakhatit ayurnaitut aturuminaqtutlu. Atirnik titiragvigilugu una WSCC Connect ublumi hungiutinahuaglugu atuqtarnik qaritauyakkut nutaat atuqtakhanik nuipkainginarmata. Atuqtakhaningniaqtugut nutaanik havagviptingni Yellowknifemi havagviani qaiyumaguvit atiliurlutitlu Ilingnik.

ADJILIUGLUGIT TUHAQTAKHAT
NAUNAIGLUGU UBLUA: Qiyaiyalirvia 31, 2016 

Naunaiqlugu una (Safe Advantage Employers), naunaidjavat taimagvikhanga tuyurvikhat Aulapkainikkut Nakuutqiyauyunik Apiqqutinik Kiuyauyukhat (MPQ) Hitamiut, Qiyaiyalirvia 31, 2016.

Safe Advantage piutigiya WSCC-kut havaktiqaqtut aanniaqtailinikkut piyumadjutikhainik atuqtakhat havaktiqaqtut akilikhivaktunut angitqiyanik   $40,000 naunaiyautikhainik WSCC-kut. Hamna maikhanut piyumadjutikhainik atuqtakhat havaktiqaqtut naunaiqtauhimayunik aanniaqtailinirmut, aanniqtailinirmutlu, utiinarualaqiyut havaariyamingnut/nalliutikhanut munaqhidjutikhat atuqtauyukhat, ikiglivaktut nalliutikhanik atuqtauyut akiliktauyut.

Safe Advantage havaktiqaqtut ihuittunik munaqhidjutikhanut atuqtaqaqtut taimatutlu akitunnagyuanik nalliukkumanut akiliqtuiyut akiliqtakhanikhunguyut. Aullaqtitiyuitkumik iniqhimayunik apiqqutinut titiraqtakhanik akilikhigialaqilutik.

Aallanik naunaikhitiarumaguvit atuqtakhaniklu ikayuutikharnik apiqqutinik kiuyauvikhamik, takulugu una Safe Advantage Aulapkainikkut Nakuutqiyauyunik Apiqqutinik Kiuyauyukhat MaliktakhatTitiraq naunaikhitikhanik atuqtakhainik havaktiqaqtut hanaqivikhanik munaqhivikhaniklui Havaatigut Aanniaqtailiniqinirmut Aanniqtailiqinirmutlu (OHS) talvalu Utirniq Havaarmut (RTW) atuqtakhainik.

Ilitturitiarumavit talvuuna Safe Advantage atuqtakhainik, apiqqutikhaqaruffilu? Uqaqvigilugu Safe Advantage Ayuikhatiakhimayuq [email protected] talvani 1-800-661-0792.
IHUARNINGIT NAUNAIHITIKHAT

Ukiuqtaqturmiut ikayuqtiginginaqpaktut havaqatigiikhutiklu. Pitquhiqqut taimanganiit.

Taimaitumik WSCC-kut havakhimayat Safety Share, nutaaq qaritauyakkurutikhaq katimavikhat havaqtiqaqtut tuhaqtitivikhamingnik tuhaqtakhanik, apiqhiyumagumik, havaqatigiiklutiklu, pivikhamingniklu ayurnaitunik ihuaqtuniklu WSCC-kut aanniaqtailinikkut tuhaqtauyukhanik.

Safety Share ikayuutauyuq tamagingnut Qablunatut Uivivutunlu. Uqaqatigiktunik katipkaivaktut siksiuyunik adjikiiktunik ikayurahuakhugit havaktiqaqtut naunaikhiyangini nallianik uqautikhanik ilauyumayamingnik. Naunaitkutainut hama: Ihuaqtut Aanniqtailinirmut Tuhaqtakhat, Aanniqtailinirmut Atuqtakhat, Atuqtauvaktut Ihuaqtut Tuhaqtitakhat, Ikayuqtikhailiuruvit, Tuhaqtidjutikhani, unalu Quyanginnaq Uqautigiyait. Ilaulutit uqaqqatigiiktunut; iliiurailutit piksamik uvaluunniit talvunga links; titiraglutit titiraqtauhimayunut; taimatutlu atuqlugu una polling feature kiudjutinik piyaani apiqqutigiyarnut kiudjutikhaliukhimayunik (pre-set answers).

Safety Share takuyaullayuq talvuuna WSCC website uvaniiluunniit www.safetyshare.wscc.nt.ca.
PIKSASULIUKHIMAYUNIK TAKHINAHUARUTIKHAT 2016: AANNIQTAILINIKKUQTUNIK

Pidjutigiplugu Kanatamiut Havagviani talvuuna Aanniaqtailiniqinirmut Aanniqtailiqinirmutlu (Occupational Health and Safety) (CCOHS), WSCC uuktuqtitiniarmiyut aipparurangat piksasuliukhimayunik takhinahuarutikhat angayukhiit iliharviani ilihaqtunut talvani Nunatsiarmi Nunavunmillu. WSCC-kut atannguyait munaritai aviktuqniani takhinahuanik tuyutiginatik takhiyumik piksasuliukhimayumik uvunga Aanniaqtailiniqinirmut Aanniqtailiqinirmutlu (Occupational Health and Safety) (CCOHS), nunaryuamit takhinahuaktukhanut.

Tadja 4thhitamanik ukiunga, takhinahuaqtukhat angmayuq tamainut Angayukhiit iliharviani ilihaqtunut puqtuniat 9mit 12mut, umani ukiungani pidjutiginiaqtat Aanniqtailinikkut (#FocusOnSafety). Akimayut piksasuuliuktat akimaniaktuq imatut $1000 taktakhamik, allamiklu $1000 tuniyauhunguyuq akimayup iliharvianut. Tamaita uuktuqqatigiiktut piqariaqaqtut pigiaqtitiyikhamingnik ilihaiyimik iliharvingmingnit munaqtigiyamingnik ikayuqtiuyumiklu uuktuqqatigiiktunik.

Piksasuliukhimayut havagvingmi aanniqtailitikhamik pidjutiqaqtukhat, piksaliuktait tuhaqtitiyumayatlu angmayuq ihumagiyarnik atuinariaqaqtutit. Pinguaqtunikluunniit, ingutanguaqtihimayuniklu, nutqaqtittakhimayunik piksasuliukhimayuniklu, atuutiqaqtuniklu piksaliukhimayunik, tamita ihumagiyahi atuinariaqaqtahi. Ilingnik apirilutit qanuqtut havaktit havaktiqaqtutlu ikayurniaraluaqqat aanniqnaitumik havagvikhamik tamainut.

Tuyugvikharhi taimagvikha 2016 #FocusOnSafety takhinahuaqtukhanut Tallimiut, Qitiqqautiyuq 1st, 11:59 qitiqurnakhikpat MST.

Naunaikhittiarumaguvit, ilainiklu maliktakhanik maliruagakhat, Qanuqtut tuyuutikharnik uuktuutikharnik, allaniklu, takulugu una video contest page here.
NUNARYUAMI
AANNIUTAUQATTAYUKTUNIK (RSI) QAUYIMMAYAKHAT UBLUA

hivulliut, Iidjirurvia  29, 2016

Aanniutauqattayuktunik (RSI) pidjutauvaktut atuqtauqattaktunit havaakhanit qayangnaqpiaktut aanniaqtailiniqinirmut aanniqtailiqinirmutlu ihmalutauyut tamaini nuyaryuami. Kanatamiinaq, 2.3 millian Kanatamiut inirnirit ingutalimaiqpaktut Aanniutauqattayuktunik (RSI) ukiuk tamaat, hapkuat pittailitaraluaktut.

Nunaryuami Aanniutauqattayuktunik (RSI) Kangikhipkaitjutikhaq Ublua naunaitkutauvaktuq kinguliqpaq ublua Iidjirurvia. Atautikukluta ilitarilaqqut #RSIDay umani Hivulliut, Iidjirurvia 29, takuuklugitlu Safety Bulletins ilihautigilugit pittailitikhanik aanniutauvaktut. Havaqatigiluta pittailinahuaqtugu Aanniutauqattayuktunik (RSI) qayangnaqtut aanniutautinagit havalimaiglutiklu havaariyamingnit.
Hunauvat nutaat
WSCC-kut makpiranguqtikhimayait

Qayangnaqtunut Naunaitkutit: Quiyaqitniq, Nattut, Ulruyut

Ubluqtuhivia 29, WSCC-kut nuititiyut Hazard Alert Quiyaqitniq, Naattut, Ulruyut, kinguani malruuk aanniqaqtitlugik atauhirmi havainirmi. Iqalungni, malruuk havaktik havagvigiyamingni quiyaqinamik, ulruplutiklu hikuqarnirmi, hauniit quyiyut pilaktaulaqiplutik.

Takuhimayavut hivuani makpiraanit SafetyNet, Quiyaqitniq, naattut, ulruyut anginikhauyuq huli aanniutauvaktunit havagvingmi. WSCC-kut tuhaqtitiyumayut Ukiuqtaqturmiut qayagitquyiplutik qayagivagluhillu havagvingmi atuqtakhafingnik quiyaqitaililuhi, naattaililuhi, ulrutaililuhilu. Humungauvigiyarnik qayagivaglutit, ihuaqtunik kamikhimalutit, qayangnaqtuniklu takurivaglutit havagviit qayangnaitakhaniklu. Quiyaqitniq, naattut, ulruyut pittailinaqtut. Naunaikhitiarumaguvit, takulugu Safety Bulletins.

WSCC-kut  2016 Tatqiqhiuta

Aipparurangat, WSCC-kut havakpaktut tatqiqhiunmik naunaitkutiqaqtut havaguikhimaviit anginiqaqtutlu WSCC-kut ubluit huliakhaitlu tamangnik Nunatsiarmilu Nunavunmilu. Tuyuquguvit tatqiqhiutinik havagvingni pikhanik, qaritauyakkut titiqitluta here.
ILIHAUTIKHANUT IKAYUUTIKHAT
AANNIRNAITTUMIK ILIHARNIQ

WSSC kut paannariyait NTFL kut NSA kullu ayuiqhautikhakkut havakvingmi aannirnaittumik kangiqhhijjutikhanik. Kangiqhimakkit ayuiqhautikhat taiguarlugit atajjutit taunani titiraqhimayut.

Ukiuqtaqtumi Aannirnaittukkut Katujjiqatigiit - takulugit ilihautikhat ayuiqhautikhallu hamani.

Ukiuqtaqtumi Aviktuqhimayuni Havaktuliqiyitkut - takulugit ayuiqhautikhat uvani.

Ilangit angiqtauhimayut Havakvingmi Aanniaqtuliqiyit Aannirnaittumiklu Ilinniaqtut, naqillugu una.
wscc.nt.ca   /  1.800.661.0792   *   wscc.nu.ca  /  1.877.404.4407