ᕖᕝᕗᐊᕆ 2016
ᑕᖅᑭᐅᓛᖅᑐᖅ: ᓄᑭᑦ ᐊᑐᓗᐊᕐᓂᖅ
#1 ᐱᔾᔪᑎᐅᔪᑦ ᓄᓱᒃᓯᕆᔪᖅ, ᐊᒧᒃᓯᕆᔪᖅ ᐊᒻᒪ ᓄᑭᒃᑯᑦ ᐊᓕᐅᔾᔨᔪᑦ

ᐊᕐᕌᒍᒐᓴᐅᓚᐅᖅᑐᖅ ᐊᑦᑕᕐᓇᖅᑕᐃᓕᒪᓂᕐᒧᑦ ᐃᑭᐊᕿᕝᕕᐊᓂ ᐊᑐᖃᑦᑕᖅᓯᒪᕗᑦ, ᖃᐅᔨᓴᖅᓯᒪᕗᒍᑦ ᖁᐊᐃᑦᑐᑦ, ᐹᓪᓚᒃᑐᑦ ᐊᒻᒪ ᐅᒃᐱᑲᖅᑐᓄᑦ. ᑕᖅᑭᐅᓛᖅᑐᖅ, ᖃᓄᐃᑦᑐᕈᓘᔭᕐᓂᒃ ᐱᔾᔪᑎᐅᖃᑦᑕᖅᑐᓂᒃ ᓄᓱᒃᓯᕆᔪᑦ,  ᐅᒧᒃᓯᕆᔪᑦ ᐊᒻᒪ ᓄᑭᒃᑯᑦ ᐊᓕᐅᔾᔨᔪᑦ: ᓄᑭᒃ ᐊᑐᓗᐊᖅᑎᓪᓗᒍ.
  
ᓯᕗᓂᑦᑎᓐᓂᒃ ᐊᑲᐅᖏᓕᐅᕈᑎᒋᓚᐅᖅᑕᕗᑦ ᖃᐅᔨᓚᐅᕈᕕᐅᒃ, ᐅᖃᓕᒫᖅᑐᒃᓴᐅᓚᐅᖅᐳᑎᑦ ᓄᕕᑉᐱᕆᒥ ᓄᑭᒃ ᐊᑐᓗᐊᖅᑎᓪᓗᒍ ᑭᕕᒃᓯᔪᖃᖅᑎᓪᓗᒍ 20.23%-ᖑᕗᖅ ᑕᒪᒃᑭᑦ ᓄᓱᒃᓯᕆᔪᓄᑦ,  ᐊᒧᒃᓯᕆᔪᑦ ᐊᒻᒪ ᓄᑭᒃᑯᑦ ᐊᓕᐅᔾᔨᔪᑦ 2014−ᒥᑦ. ᑎᑎᖅᑲᕗᑦ ᑕᑯᓗᒍ 2015−ᒥᑦ, ᐊᓯᔾᔨᖅᓯᒪᓗᐊᖏᑦᑐᑦ: ᓄᑭᑦ ᐊᑐᓗᐊᖅᑎᓪᓗᒍ ᑭᕕᒃᓯᔪᖃᕌᖓᑦ ᐱᔾᔪᑎᐅᒐᔪᒃᐳᖅ, ᑎᑎᖅᑕᐅᓯᒪᕗᑦ 18.43%−ᖑᓪᓗᓂ ᑕᒪᒃᑭᑦ ᑖᒃᑯᐊ ᓇᓗᓇᐃᖅᑕᐅᓯᒪᕗᑦ ᓄᓇᑦᑎᐊᕐᒥᑦ ᓄᓇᕗᒻᒥᓪᓗ.

ᖃᓄᕐᓕ ᑖᒃᑯᓄᖓ ᐋᓐᓂᖃᑦᑕᖏᔾᔫᒥᓕᕈᓐᓇᖅᐸᑦ? ᖃᓄᖅ ᓄᑭ ᐊᑐᓗᐊᓕᖃᑦᑕᖅᐸᑦ? ᐊᓯᖏᑦ ᐃᖅᑲᓇᐃᔭᕐᕕᖕᒥᑦ ᐋᓐᓂᖃᑦᑕᖅᑐᑦ, ᑖᒃᑯᓄᖓ ᐋᓐᓂᖅᑕᐃᓕᒪᔪᖃᕈᓐᓇᖅᑐᖅ. ᑕᖅᑭᐅᓛᖅᑐᒥᑦ ᑕᑯᒋᐊᕈᓐᓇᖅᐳᑎᑦ ᖃᓄᖅ ᐋᓐᓂᖅᑕᐃᓕᒪᔪᖃᕐᕈᓐᓇᕐᒪᖔᑦ ᐊᒻᒪ ᓄᑭ ᐊᑐᖏᓐᓂᖅᓴᐅᔪᓐᓇᕐᒪᖔᑦ.
WSCC CONNECT:
ᓄᑖᖅ ᐃᕐᖏᓇᖅᓯᐅᑎᒃᑯᑦ ᐱᔨᑦᑎᕈᑎᑦ ᓴᖅᑭᑕᐅᕗᑦ


ᐱᒋᐊᕐᓂᖓᓂ ᒫᔾᔨ ᒪᕐᕉᒃ ᓄᑖᑦ ᓴᖅᑭᑕᐅᓕᒑᔪᑦ ᖃᕋᓴᐅᔭᒃᑯᑦ ᐱᔨᑦᑎᐅᑎᒃᓴᓂ WSCC Connect ᑖᒃᑯᐊ ᐱᓕᕆᐊᖓᓂᒃ. ᐊᖏᒡᓕᒋᐊᕈᒪᕙᕗᑦ ᓇᖕᒥᓂᖃᖅᑎᐅᖃᑕᐅᔪᓄᑦ ᖃᕋᓴᐅᔭᒃᑯᑦ ᐱᔨᑦᑎᐅᑎᒃᓴᓂᒃ 2016−ᒥᑦ
.

ᐃᖅᑲᓇᐃᔭᕐᕕᖕᒥᑦ ᐊᑦᑕᕐᓇᖅᑐᒥᑦ ᐅᓂᒃᑳᕆᑦ

ᐊᔾᔨᐅᙱᑉᐳᖅ ᖃᕋᓴᐅᔭᒃᑯᑦ ᐱᔨᑦᑎᐅᑎᑦ ᐅᓂᒃᑳᕐᓂᖅ ᐊᑦᑕᕐᓇᖅᑐᒥᑦ ᐃᖅᑲᓇᐃᔭᕐᕕᖕᒥᑦ ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑕᐃᓕᒪᔪᓕᕆᓂᕐᒧᑦ ᓇᓪᓕᐅᒃᑯᒫᓕᕆᔨᓪᓗ ᑐᕌᕈᑎᐊᓄ. ᑭᒃᑯᑐᐃᓐᓇᕐᓄᑦ ᑐᕌᖓᓇᓱᐊᖅᐳᖅ, ᑖᔅᓱᒧᖓ ᐱᔨᑦᑎᖅᑕᐅᓇᓱᒡᓗᓂ ᐃᕐᖏᓇᕐᓯᐅᑎᖃᕆᐊᖃᖏᑦᑐᑎᑦ. ᐃᓕᓴᕆᕙᕗᑦ ᑭᓇᑐᐃᓐᓇᖅ ᑕᑯᔪᖃᕌᖓᒥᑦ ᐊᑦᑕᕐᓇᖅᑐᓂᒃ, ᐅᕝᕙᓘᓐᓃᑦ ᐋᓐᓂᖅᑐᖃᑐᐃᓐᓇᕆᐊᖃᖅᑎᓪᓗᒍ ᐅᕝᕙᓘᓐᓃᑦ ᐃᖅᑲᓇᐃᔮᒧᑦ ᐋᓐᓂᐊᖅᑖᖅᑐᖃᕐᓗᓂ. ᐅᓂᒃᑳᕐᓂᖅ ᐊᑦᑕᕐᓇᖅᑐᒥᑦ ᐃᖅᑲᓇᐃᔭᕐᕕᖕᒥᑦ ᐊᑐᖅᑕᐅᓲᖑᕗᖅ ᖃᓄᐃᓕᐅᔪᖃᕌᖓᑦ ᑭᒃᑯᓕᒫᓄᑦ (ᑭᓇᐅᓂᕐᓂᕐ ᑐᓴᐅᒪᔭᐅᖏᓪᓗᑎᑦ ᐋᒃᑲᓘᓐᓃᑦ).

ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑕᐃᓕᒪᔪᓕᕆᔨᑦ ᓇᓪᓕᐅᒃᑯᒫᓕᕆᔨᓪᓗ ᐅᓂᒃᑳᖅᑐᖃᕌᖓᑦ ᐊᑦᑕᕐᓇᖅᑐᒥᑦ ᐃᖅᑲᓇᐃᔭᕐᕕᖕᒥᑦ, ᖃᓄᐃᓕᑲᓐᓂᓕᕋᔭᕐᒪᖔᑕᒡᓗ ᐃᓱᒪᒋᔭᐅᒐᔭᖅᑐᖅ ᑐᓴᖅᑕᐅᔪᒥᑦ. ᐅᓂᒃᑳᓕᐅᕈᕕᑦ ᐊᑦᑕᕐᓇᖅᑐᒥᑦ ᐃᖅᑲᓇᐃᔭᕐᕕᖕᒥᑦ ᐊᑎᕐᓂᑦ ᑐᓴᐅᒪᑎᑦᑎᖏᓪᓗᑎᑦ, ᑐᓴᕐᕕᒋᔭᐅᓇᓱᒃᑲᔭᖏᑦᑐᑎᑦ. ᐅᓂᒃᑳᓕᐊᑦ ᖃᐅᔨᓇᓱᒍᓐᓇᖅᑕᑦ ᓇᓗᓇᐃᒃᑯᑕᖓᓂ ᑐᓂᔭᐅᓚᐅᖅᓯᒪᔪᒥᒃ, ᖃᐅᔨᒋᐊᕐᓗᒍᓗ ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑕᐃᒪᔪᓕᕆᔨᑦ ᓇᓪᓕᐅᒃᑯᒫᓕᕆᔨᓪᓗ ᑐᕌᕈᑕᓂ ᓇᕿᓪᓗᒍᓗ "ᑕᑯᓇᒡᓗᒍ ᐊᑦᑕᕐᓇᖅᑐᖅ ᐃᖅᑲᓇᐃᔭᕐᕕᖕᒥᑦ ᐅᓂᒃᑳᓕᐊᓄᑦ". ᓇᓗᓇᐃᖅᓯᒪᔪᑦ ᐲᖅᑕᐅᒐᔭᖅᑐᑦ ᓲᕐᓗ ᐊᑎᑦ ᑐᕌᕈᑎᓪᓘᓐᓃᑦ ᓴᖅᑭᑕᐅᓚᐅᖏᓐᓂᒥᓂᒃ ᖃᓴᕋᐅᔭᒃᑯᑦ.

ᑕᑯᓐᓂᕈᕕᑦ ᐊᑦᑕᕐᓇᖅᑐᒥᑦ, ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑕᐃᓕᔪᓕᕆᔨᒃᑯᑦ ᓇᓪᓕᐅᒃᑯᒫᓕᕆᔨᓪᓗ ᐃᓕᖕᓂᑦ ᑲᔪᖏᖅᓴᐃᕗᑦ ᑕᔅᓱᒧᖓ ᓄᑖᕐᒥᑦ ᓴᖅᑭᑕᐅᔪᒥᑦ ᐅᓂᒃᑳᕐᓂᖅ  ᐊᑦᑕᕐᓇᖅᑐᒥᑦ ᐃᖅᑲᓇᐃᔭᕐᕕᖕᒥᑦ. ᐱᔭᕆᐊᑭᑦᑑᕗᑦ ᓇᓗᓇᐃᖅᓯᒐᓛᑐᐃᓐᓇᖅᑐᓂᒃ.

ᐊᑎᓕᐅᕐᓗᒍ ᓇᖕᒥᓂᖁᑎᑦ

ᓇᖕᒥᓂᖁᑎᖃᕈᕕᑦ ᓄᓇᑦᑎᐊᕐᒥᑦ ᓄᓇᕗᒻᒥᓘᓐᓃᑦ ᐅᖓᑖᓂ ᖁᓖᑦ ᐅᓪᓗᓂ ᑕᖅᑭᒃᓯᐅᑎᒃᑯᑦ, ᐊᑎᓕᐅᕆᐊᖃᖅᐳᑎᑦ ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑕᐃᓕᒪᔪᓕᕆᔨ ᓇᓪᓕᐅᒃᑯᒫᓕᕆᔨᓄᓪᓗ. ᐃᖅᑲᓇᐃᔭᖅᑎᑦ ᐃᓯᕈᓐᓇᖅᑐᑦ WSCC Connect ᐊᑎᓕᕈᒪᓐᓂᕈᑎᑦ ᓇᖕᒥᓂᖁᑎᐊᓂ. ᑕᓪᓕᒪᑦ ᐱᔭᕆᐊᑭᑦᑐᑦ ᐱᓇᓱᐊᖅᑕᐅᔪᓐᓇᖅᑐᑦ ᐊᑎᓕᐅᑕᐅᑎᓪᓗᒍ ᓇᖕᒥᓂᖁᑎᑦ:
  1. ᓇᖕᒥᓂᖃᖅᑎᐅᑉ ᓇᓗᓇᐃᖅᓯᒪᔮᓂ − ᒪᓕᒐᖅᑎᒍᑦ ᐊᑎᐊ, ᓴᓇᔪᓕᕆᓂᕐᒧᑦ ᐊᑎᐊ, ᑐᕌᕈᑕ ᐊᒻᒪ ᑐᓴᕐᕕᐅᔪᓐᓇᖅᑐᖅ.
     
  2. ᓇᖕᒥᓂᖃᖅᑎᑦ/ᑐᑭᒧᐊᒃᑎᑦᑎᔨᑦ − ᑐᓴᕐᕕᐅᔪᓐᓇᖅᑐᑦ ᓇᖕᒥᓂᖃᖅᑎᓄᑦ ᐅᕝᕙᓘᓐᓃᑦ ᓇᖕᒥᓂᖃᑎᒌᑦ ᐊᒻᒪ ᐃᒻᒥᒃᑯᑦ ᐃᓱᒪᖅᓲᑕᐅᔪᖅ ᓇᓪᓕᐅᒃᑯᒫᖃᕈᑎ.
     
  3. ᓇᖕᒥᓂᖃᖅᑎᑦ ᐊᐅᓚᑦᑎᔨᑦ − ᓇᒥ ᐊᐅᓚᑦᑎᓂᐊᖅᐱᑦ ᐊᒻᒪ ᐃᖅᑲᓇᐃᔭᖅᑎᑦ ᐊᑭᓖᔾᔪᑎᖏᑕ ᑐᓴᐅᒪᔾᔪᑎᖏᑦ.
     
  4. ᓇᖕᒥᓂᖃᖅᑎᑦ ᐱᓕᕆᐊᖏᑦ − ᑐᓴᒐᒃᓴᖅ ᓇᖕᒥᓂᕐᓄᑦ ᐱᓕᕆᐊᑦ.
     
  5. ᕿᒥᕐᕈᓗᒍ ᑐᓂᓗᒍᓗ − ᕿᒥᕐᕈᔭᐅᑎᓪᓗᒍ ᑐᓴᒐᒃᓴᑐᐃᓐᓇᕐᒥᑦ ᐱᔭᕇᖅᓯᒪᓂᐊᕋᓱᒋᖏᑕᑦᑎᓐᓂᒃ. ᑐᓴᒐᒃᓴᓕᒫᑦ ᐱᔪᐃᓐᓇᐅᒃᐸᑕ, ᑐᒃᓯᕋᖅᑕᑦ ᑐᓂᔪᓐᓇᖅᓯᒐᔭᖅᑕᑦ ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑕᐃᓕᔪᒪᓕᕆᔨᒃᑯᑦ ᓇᓪᓕᐅᒃᑯᒫᓕᕆᔨᒃᑯᓄᓪᓗ.
ᐃᖅᑲᓇᐃᔭᖅᑎᑦ ᑕᑯᓇᒍᓐᓇᖅᓯᒐᔭᖅᐳᑦ ᖃᓄᐃᖅᑐᓕᕐᓂᕐᒥᓂᒃ ᑐᒃᓯᕋᖅᑕᒥᓄᑦ ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑕᐃᓕᒪᔪᓕᕆᔨᒃᑯᑦ ᓇᓪᓕᐅᒃᑯᒫᓕᕆᔨᓪᓗ ᑐᕌᕈᑎᐊᓄᑦ. ᐊᑎᓕᐅᖅᓯᒪᓕᖅᑎᓪᓗᑎᑦ, ᖃᓄᐃᓕᖓᓂᕆᔭᑦ ᐊᑎᓕᐅᕈᓐᓇᖅᓯᒐᔭᖅᐳᖅ (Registered).

ᑖᓐᓇ ᐊᑐᖅᑕᐅᖃᑦᑕᖅᑐᖅ ᐊᔪᕐᓇᖏᑦᑐᖅ ᐱᔭᕐᓂᖏᑦᑐᖏᖢᓂᓗ. ᐃᑭᐊᕿᕕᖓᓄᐊᕆᑦ WSCC Connect ᐅᓪᓗᒥ ᖃᐅᔨᒋᐊᕐᓗᒍᓗ ᑖᓐᓇ ᓄᑖᖅ ᐱᔨᑦᑎᐅᑎ. ᑐᑦᑕᕐᕕᒃᑕᖃᓛᓕᕐᒥᔪᒍᑦ ᓇᖕᒥᓂᖅ ᐱᔨᑦᑎᐅᑎᒃᓴᒥᑦ ᔭᓗᓇᐃᒥ ᑎᑎᕋᕐᕕᑦᑎᓐᓂᒃ ᑕᑯᒋᐊᖅᑐᕈᒪᓐᓂᕈᕕᑦ ᓇᖕᒥᓂᕐᓗ ᐊᑎᓕᐅᕐᓗᑎᑦ.

ᐊᑦᑕᕐᓇᖅᑕᐃᓕᒪᔾᔪᑎᐅᓪᓗᐊᕈᓐᓇᖅᑐᑦ ᐱᕙᓪᓕᐊᔪᑦ
ᐅᓪᓗᐊ ᐊᓯᐅᔨᑦᑎᑕᐃᓕᒍᒃ: ᒫᔾᔨ 31, 2016−ᒥᑦ 

ᐊᑦᑕᕐᓇᖅᑕᐃᓕᒪᓂᕐᒧᑦ ᐊᑐᖅᑕᐅᓪᓗᐊᕈᓐᓇᖅᑐᑦ ᐃᖅᑲᓇᐃᔭᖅᑎᓄᑦ, ᑕᑯᓗᒍ ᐃᓱᓕᕝᕕᐊ ᑐᓂᓯᔭᕆᐊᖃᕐᓂᖅ ᐊᐅᓚᑦᑎᔨᓄᑦ ᐱᓕᕆᐊᖑᖃᑦᑕᖅᑐᑦ ᐊᐱᖅᑯᑎᑦ (MPQ) ᕿᑎᖅᑰᒥᑦ, ᒫᔾᔨ 31, 2016−ᒥᑦ.

ᐊᑦᑕᕐᓇᖅᑕᐃᓕᒪᓂᕐᒧᑦ ᐊᑐᖅᑕᐅᓪᓗᐊᕈᓐᓇᖅᑐᑦ ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑕᐃᓕᒪᔪᓕᕆᓂᕐᒧᑦ ᓇᓪᓕᐅᒃᑯᒫᓕᕆᔨᑯᓐᓄᓪᓗ ᐊᑦᑕᕐᓇᖅᑕᐃᓕᒪᔪᓕᕆᔾᔪᑕᐅᖃᑦᑕᖅᐳᑦ ᐊᑭᓖᖃᑦᑕᖅᑐᑦ $40,000−ᒥᑦ ᐅᖓᑖᓄᑦ ᖃᐅᔨᓴᖅᑎᑦᑎᓗᑎᒃ. ᑖᓐᓇ ᑮᓇᐅᔭᓂᒃ ᐱᓕᕆᐊᒃᓴᐅᓕᒐᓂ ᑐᓐᓂᖁᓯᐊᖅᑖᕋᔭᖅᑐᑦ ᐃᖅᑲᓇᐃᔭᖅᑎᓄᑦ ᓇᓗᓇᐃᖅᓯᒪᔪᓂᒃ ᖃᓄᐃᖏᑦᑎᐊᕐᓂᕐᒧᑦ, ᐊᑦᑕᕐᓇᖅᑕᐃᓕᒪᓂᕐᒧᑦ ᐊᒻᒪ ᐅᑎᕐᓂᐊᖅᑎᓪᓗᒍ ᐃᖅᑲᓇᐃᔭᕐᕕᐊᓄᑦ/ᑐᒃᓯᕋᐅᑎᓄᑦ ᐊᐅᓚᑦᑎᔾᔪᑕᐅᔪᑦ, ᐊᒻᒪ ᐊᑭᑭᑦᑐᑦ ᑐᒃᓯᕋᖅᑕᐅᓚᐅᖅᓯᒪᔪᑦ.

ᐊᑦᑕᕐᓇᖅᑕᐃᓕᒪᓂᕐᒧᑦ ᐊᑐᖅᑕᐅᓪᓗᐊᕈᓐᓇᖅᑐᑦ ᐃᖅᑲᓇᐃᔭᖅᑎᑦ ᐊᐅᓚᑕᐅᑦᑎᐊᖏᑦᑐᓄᑦ ᐊᑭᑐᔫᓪᓗ ᑐᒃᓯᕋᖅᑕᐅᔪᑦ ᓱᒋᐊᖅᑕᐅᒐᔭᖅᑐᑦ. ᑖᒃᑯᐊ ᐊᐱᖅᑯᑕᐅᔪᑦ ᑭᐅᔭᐃᓐᓇᕆᖏᒃᑯᓂᒋᑦ ᓱᒋᐊᖅᑕᐅᒃᑲᓐᓂᑐᐃᓐᓇᕆᐊᓖᑦ.

ᑐᓴᒃᑲᓐᓂᕈᒪᓐᓂᕈᕕᑦ ᐃᑲᔫᑎᐅᔪᓐᓇᒃᑲᓐᓂᖅᑐᓪᓗ ᐊᐱᖅᑯᑎᓐᓄᑦ, ᑕᑯᒋᐊᕐᓗᑎᑦ ᑐᕌᖓᔪᑦ ᐊᑦᑕᕐᓇᖅᑕᐃᓕᒪᓂᕐᒧᑦ ᐊᑐᖅᑕᐅᓪᓗᐊᕈᓐᓇᖅᑐᑦ ᐊᐅᓚᐅᔾᔪᑕᐅᖃᑦᑕᖅᑐᑦ ᐊᐱᖅᑯᑎᐅᑉ ᐃᑲᔫᑎᐊ. ᑖᓐᓇ ᑎᑎᖃᖅ ᐊᑐᐃᓐᓇᐅᑎᑦᑎᕗᖅ ᐃᖅᑲᓇᐃᔭᖅᑎᓕᒫᓄᑦ ᐃᖅᑲᓇᐃᔭᕐᕕᖏᓐᓄᑦ ᖃᓄᐃᖏᑦᑎᐊᕐᓂᕐᒧᑦ ᐊᑦᑕᕐᓇᖅᑕᐃᓕᒪᓂᕐᒧᓪᓗ ᐊᒻᒪ ᐅᑎᕐᓗᑎᒃ ᐃᖅᑲᓇᐃᔭᕐᕕᖏᓐᓄᑦ ᐱᕈᖅᓴᐃᔪᓐᓇᕐᓂᐊᖅᐳᖅ ᐊᐅᓚᑦᑎᓗᓂᓗ.

ᖃᐅᔨᑲᓐᓂᕈᒪᓐᓂᕈᕕᑦ ᐊᑦᑕᕐᓇᖅᑕᐃᓕᒪᓂᕐᒧᑦ ᐊᑐᖅᑕᐅᓪᓗᐊᕈᓐᓇᖅᓂᒃ, ᐅᕝᕙᓘᓐᓃᑦ ᐊᐱᖅᑯᑎᖃᕐᓂᕈᕕᑦ. ᑐᓴᕐᕕᒋᓗᒍ ᐊᑦᑕᕐᓇᖅᑕᐃᓕᒪᓂᕐᒧᑦ ᐊᑐᖅᑕᐅᓪᓗᐊᕈᓐᓇᖅᑐᓕᕆᔨᒻᒪᕆᒧᑦ ᒫᓂ safeadvantage@wscc.nt.ca ᐅᕝᕙᓘᓐᓃᑦ
1-800-661-0792−ᒧᑦ.

ᑐᓴᐅᒪᖃᑦᑕᐅᑎᓂᕐᒧᑦ ᐱᔪᓐᓇᕐᓂᖓ

ᐅᑭᐅᖅᑕᖅᑐᒥᐅᑦ ᐃᒥᓄᑦ ᑕᑎᒋᖃᑦᑕᐅᑎᓐᓇᐅᔭᖅᐳᑦ ᐱᓕᕆᖃᑎᒌᒃᐸᒃᖢᑎᒡᓗ. ᑕᐃᒪᐃᖃᑦᑕᕋᑦᑕ.

ᑕᐃᒪᓐᓇ Safety Share, ᑖᓐᓇ ᓄᑖᖅ ᖃᕋᓴᐅᔭᒃᑯᑦ ᐃᖅᑲᓇᐃᔭᖅᑎᓂᑦ ᑐᓴᐅᒪᑎᑦᑎᔪᓐᓇᖅᐳᑦ, ᐊᐱᖅᓱᕐᓗᑎᒃ, ᑲᑐᔾᔨᖃᑎᒌᒡᓗᑎᑦ ᐊᒻᒪ ᑐᓴᕆᐊᖃᓪᓚᕆᒃᑐᓂᒃ ᐊᑐᐃᓐᓇᐅᑎᑦᑎᒐᔭᖅᐳᑦ ᐊᑦᑕᕐᓇᖅᑕᐃᓕᒪᓂᕐᒧᑦ ᑖᒃᑯᓂᖔᖅᑐᓂᑦ.

Safety Share ᖃᓪᓗᓈᑐᑦ ᐅᐃᕖᑐᓪᓗ ᐊᑐᐃᓐᓇᐅᕗᖅ. ᑲᑎᙵᔪᓂᒃ ᑐᓴᐅᒪᖃᑦᑕᐅᔪᑦ 6−ᓂᑦ ᐊᔾᔨᒌᖏᑦᑐᓂᒃ ᐃᑲᔫᑎᐅᔪᓐᓇᖅᑐᓂᒃ ᐃᖅᑲᓇᐃᔭᖅᑎᓄᑦ ᓇᓗᓇᐃᖅᑕᐅᑲᐅᑎᒋᔪᓐᓇᖅᑐᓂᑦ ᑐᓴᕈᒪᔭᕐᒥᓂᑦ. ᐅᑯᐊᖑᕗᑦ: ᑐᓴᖅᑕᐅᔭᕆᐊᖃᓪᓚᕆᒃᑐᑦ ᐊᑦᑕᕐᓇᖅᑕᐃᓕᒪᓂᕐᒧᑦ, ᐊᑦᑕᕐᓇᖅᑕᐃᓕᒪᔾᔪᑕᖃᑦᑕᖅᑐᑦ, ᑐᓴᒪᖃᑕᐅᑎᔭᕆᐊᖃᕐᓂᖅ, ᕿᓂᕐᓗᑎᑦ ᐃᑲᔫᑎᒃᓴᓂᑦ, ᐱᕙᓪᓕᐊᔪᑦ ᐊᒻᒪ ᐅᖃᐅᓯᕆᔭᐅᒐᔪᒃᑐᓂᑦ. ᐅᖃᖃᑎᒌᖃᑕᐅᔪᓐᓇᕐᓂᖅ; ᐊᔾᔨᙳᐊᓂᑦ ᓴᖅᑭᔮᖅᑎᑦᑎᓂᖅ ᑐᓴᒐᒃᓴᖃᕐᓂᕐᓘᓐᓃᑦ; ᐅᖃᐅᓯᑎᑦ ᓴᖅᑭᔮᖅᑎᓪᓗᒋᑦ; ᐊᒻᒪ ᐊᐱᖅᑯᑎᒃᑯᕕᐊᓂ ᐊᑐᕐᓗᑎᑦ ᑭᐅᔭᔪᒪᓐᓂᕈᕕᑦ ᐊᐱᖅᑯᑎᓐᓂᑦ ᑭᐅᔾᔪᑎᖃᖅᐸᒌᖅᑐᓂᑦ.

ᐊᑦᑕᕐᓇᖅᑕᐃᓕᒪᓂᕐᒧᑦ ᑐᓴᐅᒪᖃᑦᑕᐅᓂᖅ ᐊᑐᐃᓐᓇᐅᕗᖅ ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑕᐃᓕᒪᓂᕐᒧᑦ ᓇᓪᓕᐅᒃᑯᒫᓕᕆᔨᓪᓗ ᐃᑭᐊᕿᕝᕕᐊᓄᑦ ᐅᕝᕙᓘᓐᓃᑦ www.safetyshare.wscc.nt.ca−ᒧᑦ.
ᑕᕐᕋᔭᐅᓯᕐᒧᑦ ᐊᑭᑦᑐᕋᐅᑎᓂᖅ 2016-ᒥᑦ: ᐊᑦᑕᕐᓇᖅᑕᐃᓕᒪᔪᓕᕆᑎᓪᓗᒋᑦ

ᐱᓪᓗᒋᑦ ᑲᓇᑕᒥᐅᓄᑦ ᐃᖅᑲᓇᐃᔮᒧᑦ ᖃᓄᐃᖏᑦᑎᐊᕐᓂᖅ ᐊᑦᑕᕐᓇᖅᑕᐃᓕᒪᓂᕐᒧᓪᓗ, ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑕᐃᓕᒪᔪᓕᕆᔨᑦ ᓇᓪᓕᐅᒃᑯᒫᓕᕆᔨᓪᓗ ᐊᕐᕌᒍᑕᒫᖅ ᓴᖅᑭᔮᖅᑎᑦᑎᖃᑦᑕᕐᒪᑕ ᑕᕋᔭᐅᓯᒃᑯᑦ ᓴᓚᒃᓴᕋᓱᐊᖅᑐᓂᒃ ᐃᓕᓐᓂᐊᖅᑐᓄᑦ ᖁᑦᑎᖕᓂᓖᑦ 9−ᒥᑦ 12−ᒧᑦ ᓄᓇᑦᑎᐊᕐᒥᐅᓂ ᐊᒻᒪ ᓄᓇᕗᒻᒥᑦ. ᑖᒃᑯᓂᖓ ᐊᐅᓚᑕᐅᔪᑦ ᐅᑭᐅᖅᑕᖅᑐᒥᐅᓄᑦ ᓴᓚᒃᓴᕋᓱᐊᖅᑐᓂ ᓇᒃᓯᐅᔾᔭᐅᓚᐅᖏᓐᓂᕐᒥᓂᒃ ᑲᓇᑕᓕᒫᒧᑦ.

ᑎᓴᒪᙵᓐᓂᒃ ᐊᕐᕌᒍᓕᖅᑕᖓᑦ, ᐊᑭᑦᑕᕋᐅᑎᕗᑦ ᖁᑦᑎᖕᓂᓖᑦ 9−ᒥᑦ 12-ᒧᑦ ᐃᓕᓐᓂᐊᖅᓂᒃ ᒪᒃᐱᖓᔪᖅ ᐊᒻᒪ ᐊᕐᕌᒍᔪᖅ ᑐᕌᒐᕆᕙ #ᐊᑦᑕᕐᓇᖅᑕᐃᓕᒪᔪᓕᕆᓂᖅ. ᑕᕐᕋᔭᐅᓯᕐᒥᑦ ᓴᓚᒃᓴᖅᑐᖅ $1000−ᒥᑦ ᐊᒻᒪ ᐊᐃᑉᐸᖓ $1000−ᒥᑦ ᑐᓂᔭᐅᒐᔭᖅᑐᖅ ᐱᖃᑕᐅᔪᓐᓇᖅᑕᒥᓂᒃ ᐃᓕᓐᓂᐊᕐᕈᑎᒥᑦ. ᑕᒪᕐᒥᑦ ᐱᓇᓱᐊᖅᑐᑦ ᐃᓕᓴᐃᔨᖃᕆᐊᖅᐳᑦ ᑲᒪᔨᐅᔪᓐᓇᖅᑐᓂᒃ ᐃᓕᓐᓂᐊᖅᑎᓄᑦ ᐃᑲᔪᖅᓱᖅᑐᒥᒡᓗ.

ᑕᕐᕋᔭᐅᓯᑦ ᐃᖅᑲᓇᐃᔭᕐᕕᖕᓂᑦ ᐊᑦᑕᕐᓇᖅᑕᐃᒪᔪᓕᕆᑎᓪᓗᒋᑦ, ᓴᓚᒃᓴᕋᓱᒃᑐᑦ ᒪᒃᐱᖓᑎᑦᑎᕗᕐᓗ ᐃᓱᒪᒋᔭᕐᓂᒃ ᐊᒻᒪ ᓴᓇᕈᓗᔭᕈᓐᓇᕐᓂᖅ. ᐱᕕᒡᔪᐊᙳᐊᕐᓂᕈᑎᒃ, ᑎᑎᖅᑐᒐᐅᓗᑎᑦ, ᐊᐅᓚᕈᓘᔭᙳᐊᕐᓗᑎᑦ ᑕᕐᕋᔭᐅᓯᖅ ᐅᕝᕙᓘᓐᓃᑦ ᓂᓪᓕᐊᔾᔪᑎᖃᕐᓗᑎᑦ ᑕᕐᕋᔭᐅᓯᖅᑕᒥᖕᓂᑦ, ᐃᓱᒪᒋᔭᐅᔪᓕᒫᑦ ᑐᓂᔭᐅᔪᓪᓗ ᑐᙵᓱᒃᐳᑦ. ᐃᒥᓂᒃ ᐊᐱᕆᓗᑎᑦ ᖃᓄᖅ ᐃᖅᑲᓇᐃᔭᖅᑎᑦ ᐃᑲᔪᕈᓐᓇᕐᒪᖔᑦ ᐃᖅᑲᓇᐃᔭᕐᕕᖏᑦ ᑕᒪᕐᒥᑦ ᐊᑦᑕᕐᓇᖏᑦᑐᒦᖏᑦᑐᐃᓐᓇᐅᒍᓐᓇᕐᒪᖔᑕ.

ᑐᓂᓯᓂᖅ ᐃᓱᓕᓛᖅᑐᑦ 2016-ᒥᑦ #ᐊᑦᑕᕐᓇᖅᑕᐃᓕᒪᓇᓱᐊᕐᓂᕐᒧᑦ ᓴᓚᒃᓴᕋᓱᐊᖅᑐᓂᑦ ᐅᓪᓗᑐᐃᓐᓇᕐᒥᑦ, ᐄᑉᐳ 1−ᒥᑦ 11:59−ᒥᑦ ᐅᓐᓄᐊᒃᑯᑦ ᐱᙵᓐᓇᖓᑕ ᐃᑲᕋᖓᓂᑦ.

ᑐᓴᒃᑲᓐᓂᕈᒪᓐᓂᕈᕕᑦ, ᐱᖃᑕᐅᕗᑦ ᒪᓕᒐᑦ ᐊᑐᐊᒐᓪᓗ, ᖃᓄᖅ ᐊᑎᓕᐅᕈᓐᓇᕐᒪᖔᖅᐱᑦ ᐊᒻᒪ ᑐᓴᒐᒃᓴᑲᓐᓂᕐᓂ, ᑕᑯᒋᐊᓗᒍ ᑕᕐᕋᔭᐅᓯᐅᖅᑐᓂᒃ ᓴᓚᒃᓴᖅᑐᑦ ᒪᒃᐱᖅᑐᒐᖓᓂ ᒫᓂ.
ᓯᓚᕐᔪᐊᒥᑦ ᓄᓱᒃᓯᕇᓐᓇᖃᑦᑕᖅᑐᑦ ᐅᔾᔨᖅᓱᕐᕕᐊ (RSI)
ᓇᒡᒐᔭᐅ ᕕᕝᕗᐊᕆ 29, 2016-ᒥᑦ

ᓄᒃᓱᖅᓯᕇᓐᓇᖃᑦᑕᖅᐳᑦ ᐱᓕᕆᐊᒋᒐᔪᒃᑕᒥᓂᒃ ᐊᒻᒪ ᐃᖅᑲᓇᐃᔮᒧᑦ ᖃᓄᐃᑦᑐᖃᕐᔪᐊᖅᑐᕕᓂᐅᑎᓪᓗᒍ ᐃᓱᒫᓗᑎᐅᕗᖅ ᓯᓚᕐᔪᐊᒥᑦ. ᑲᓇᑕᒥᑦ ᐃᓄᑑᑎᓪᓗᒍ, 2.3 ᒥᓕᐊᓐ ᑲᓇᑕᐅᑦ ᑎᒥᒥᒍᑦ ᐊᔪᕈᑎᖃᖅᓯᒪᕗᑦ ᐊᒧᒃᓯᕆᑎᓪᓗᒋᑦ ᐊᕐᕌᒍᑕᒫᖅ, ᑖᒃᑯᐊᓗ ᐋᓐᓂᖏᑦᑐᖃᕈᓐᓇᖅᑎᓪᓗᒍ.

ᓯᓚᕐᔪᐊᒥᑦ ᓄᓱᒃᓯᕇᓐᓇᖃᑦᑕᖅᑐᑦ ᐅᔾᔨᖅᓱᕐᕕᐊ ᐊᕐᕌᒍᑕᒫᖑᖃᑦᑕᖅᐳᖅ ᕖᕝᕗᐊᕆᐅᑉ ᐅᓪᓗᖓᑕ ᑭᖑᓪᓕᖅᐹᖓᓂ. ᐃᓕᓴᕆᖃᑕᐅᑎᒍᑦ ᑕᔅᓱᒪ ᐅᓪᓗᐊ ᐊᕐᕌᒎᔪᖅ ᓇᒡᒐᔾᔭᐅᒥᑦ, ᕖᕝᕗᐊᕆ 29−ᒥᑦ, ᑕᑯᓗᒍᓗ ᐊᑦᑕᕐᓇᖅᑕᐃᓕᒪᓂᕐᒧᑦ ᐱᕙᓪᓕᐊᔪᕗᑦ ᖃᐅᔨᔪᓐᓇᖁᓗᑎᑦ ᖃᓄᖅ ᓄᓱᒃᓯᕆᔪᓐᓇᖏᑦᑐᓐᓇᕐᒪᖔᖅᐱᑦ. ᐱᓕᕆᖃᑎᒌᓚᐅᖅᑕ ᐊᑦᑕᕐᓇᖏᑦᑐᒦᖏᓗᑕ ᐋᓐᓂᖅᑐᖃᓚᐅᖏᓐᓂᒥᓂᒃ ᐃᖅᑲᓇᐃᔭᖏᓪᓗᓂᓗ.
ᑭᓱ ᓄᑖᙳᕙ
ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑕᐃᓕᒪᔪᓕᕆᔨᒃᑯᑦ ᓇᓪᓕᐅᒃᑯᒫᓕᕆᔨᓪᓗ ᓴᖅᑭᑕᐅᔪᑦ

ᐊᑦᑕᕐᓇᖅᑐᑦ: ᖁᐊᐃᑦᑐᑦ, ᐹᓪᓚᒃᑐᑦ ᐊᒻᒪ ᐅᒃᐱᑲᖅᑐᑦ

ᔮᓄᐊᕆ 29−ᒥᑦ, ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑕᐃᓕᒪᔪᓕᕆᓂᕐᒧᑦ ᓇᓪᓕᐅᒃᑯᒫᓕᕆᔨᒃᑯᓪᓗ ᓴᖅᑭᑎᑦᑎᕗᑦ ᐊᑦᑕᕐᓇᖅᑐᑦ ᖁᐊᐃᑦᑐᑦ, ᐹᓪᓚᒃᑐᑦ ᐊᒻᒪ ᐅᒃᐱᑲᖅᑐᑦ, ᒪᕐᕉᒃ ᐊᑕᑦᑎᒃᑯᑦ ᐱᕈᓗᐊᕿᔪᕕᓃᑦ ᐱᓇᓱᐊᕈᓯᕐᒥᑦ. ᐃᖃᓗᐃᑦ, ᒪᕐᕉᒃ ᐃᖅᑲᓇᐃᔭᖅᑎᑦ ᐊᔾᔨᒌᖏᑦᑐᑦ ᐃᖅᑲᓇᐃᔭᕐᕕᐅᔪᑦ ᖁᐊᐃᑦᑐᕕᓂᐅᕗᑦ ᐹᓪᓚᒃᖢᑎᒡᓗ ᖁᐊᐃᑦᑖᕐᓇᖅᑐᒃᑯᑦ, ᓴᐅᓂᒃᑯᑦ ᓇᑲᕐᔪᐊᖅᑐᕕᓃᑦ ᐱᓚᒃᑕᐅᒋᐊᖃᓪᓕᖅᑐᕕᓂᐅᔪᑦ.

ᑭᖑᓂᐊᓂ ᐊᑲᐅᓕᐅᕈᑎᑦ ᑕᑯᓯᒪᒐᑦᑎᒍᑦ ᑕᐃᑲᓂ ᐊᑦᑕᕐᓇᖅᑕᐃᓕᒪᓂᕐᒧᑦ ᐃᑭᐊᕿᕝᕕᐊᓂᑦ, ᖁᐊᐃᑦᑐᑦ, ᐹᓪᓚᒃᑐᑦ ᐊᒻᒪ ᐅᒃᐱᑲᖅᑐᑦ ᐋᓐᓂᕈᑕᐅᒐᔪᒃᐳᑦ ᐃᖅᑲᓇᐃᔭᕐᕕᖕᒥᑦ. ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑕᐃᓕᒪᔪᓕᕆᔨᑦ ᓇᓪᓕᐅᒃᑯᒫᓕᕆᔨᓪᓗ ᐅᖃᐅᓯᔾᔨᖅᓯᒪᕗᑦ ᐅᔾᔨᖅᓱᐃᓐᓇᖁᔨᕗᑦ ᐅᑭᐅᖅᑕᖅᑐᒥᐅᑕᕐᓂᒃ ᐊᑦᑕᕐᓇᖅᑕᐃᓕᒪᓇᓱᐃᓐᓇᖅᐸᒡᓗᑎᓗ  ᖁᐊᐃᑦᑐᖃᖁᓇᒍ, ᐹᓪᓚᒃᑐᖃᖁᓇᒍ ᐊᒻᒪ ᐅᒃᐱᑲᖅᑐᖃᖁᓇᒍᓗ. ᓇᒦᓐᓂᕆᔭᕐᓂᒃ ᐅᔾᔨᖅᓱᐃᓐᓇᐅᔭᕐᓗᑎᑦ, ᐃᓯᒐᑎᑦ ᓴᐳᑎᓯᒪᑦᑎᐊᖅᐸᒡᓗᒋᑦ ᐊᒻᒪ ᐊᑦᑕᕐᓇᖅᑐᑦ ᐃᖅᑲᓇᐃᔭᕐᕕᖕᓂᑦ ᐊᑦᑕᕐᓇᖅᑐᖃᖏᑦᑎᐊᕐᓗᓂ. ᑖᒃᑯᓄᖓ ᖃᓄᐃᓂᕐᓗᒃᑐᖃᖅᑎᑦᑕᐃᓕᒪᓗᒍ. ᑐᓴᒃᑲᓐᓂᕈᒪᓐᓂᕈᕕᑦ, ᑕᑯᓗᒍ ᐊᑦᑕᕐᓇᖅᑕᐃᓕᒪᓂᕐᒧᑦ ᑐᓴᒐᒃᓴᑦᑎᓄᑦ.

ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑕᐃᓕᒪᔪᓕᕆᔨ ᓇᓪᓕᐅᒃᑯᒫᓕᕆᔨᓪᓗ 2016−ᒥᑦ ᑕᖅᑭᖅᓯᐅᑕ

ᐊᕐᕌᒍᑕᒫᖅ, ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑕᐃᓕᒪᔪᓕᕆᔨᑦ ᓇᓪᓕᐅᒃᑯᒫᓕᕆᔨᓪᓗ ᑕᖅᑭᖅᓯᐅᑎᓕᐊᖃᑦᑕᖅᐳᑦ ᖃᐅᔨᓴᖅᑕᐅᓯᒪᔪᒥᑦ ᓄᖃᖓᕕᖕᒥᑦ ᐊᒻᒪ ᑐᓴᖅᑕᐅᔭᕆᐊᖃᓪᓚᕆᒃᑐᓂᒡᓗ ᖃᓄᐃᑉᐸᓪᓕᐊᔪᓂᒡᓗ ᓄᓇᑦᑎᐊᕐᒥᑦ ᓄᓇᕗᒻᒥᓪᓗ. ᑐᒃᓯᕋᕐᓗᓂ ᐊᔾᔨᙳᐊᓂ ᑕᖅᑭᓯᐅᑎᓪᓗᐊᕆᔪᓐᓇᖅᑕᒥᓂᒃ ᐃᖅᑲᓇᐃᕐᕕᓯᓐᓂᒃ, ᐃᕐᖏᓇᖅᓯᐅᑎᐊᓄᑦ ᑎᑎᕋᕐᕕᒋᑕ ᒫᓂ.
ᐃᓕᓐᓂᐊᕈᑎᒧᑦ ᐃᑲᔫᑎᑦ
ᐊᑦᑕᓇᐃᖅᓯᒪᓂᕐᒧᑦ ᐃᓕᓐᓂᐊᕐᓂᖅ

WSCC ᐃᓚᒋᔭᐅᔪᑦ ᑖᒃᑯᓄᖓ NTFL ᐊᒻᒪᓗ NSA ᐊᑐᐃᓐᓇᐅᑎᑦᑎᕗᑦ ᐃᓕᓐᓂᐊᕐᕋᔅᓴᓂᒃ ᐃᖅᑲᓇᐃᔭᖅᕕᒻᒥ ᐊᑦᑕᓇᐃᖅᓯᒪᓂᕐᒧᑦ ᐊᒻᒪᓗ ᖃᐅᔨᒪᔭᐅᕚᓪᓕᑎᑦᑎᓂᕐᒧᑦ. ᑐᓴᐅᒪᓇᓱᓐᓂᐊᖅᐳᑎᑦ ᓴᖅᑭᓛᖅᑐᓄᑦ ᐃᓕᓐᓂᐊᕐᕋᔅᓴᓄᑦ ᐊᑖᓃᑦᑐᖅ ᐊᒃᑐᐊᔾᔪᑎᐅᔪᖅ ᑕᑯᓂᐊᕐᓗᒍ.

ᐅᑭᐅᖅᑕᖅᑐᒥ ᐊᑦᑕᓇᐃᖅᓯᒪᓂᕐᒧᑦ ᑲᑐᔾᔨᖃᑎᒌ - ᑕᑯᓗᑎᑦ ᑎᑎᕋᖅᓯᒪᔪᓂᒃ ᐱᓕᕆᐊᕐᓂᒃ ᐊᒻᒪᓗ ᐃᓕᓐᓂᐊᕐᕋᔅᓴᓂᒃ ᑕᕝᕙᓂ.

ᐅᑭᐅᖅᑕᖅᑐᒥ ᓄᓇᓖᑦ ᑐᓐᖓᕕᖓ ᐃᖅᑲᓇᐃᔭᖅᑏᑦ- ᑕᑯᓗᑎᑦ ᐃᓕᓐᓂᐊᕐᕋᔅᓴᐅᓛᖅᑐᓂᒃ ᑕᕝᕙᓂ.

ᐊᓯᒃᑲᓐᓂᖏᓐᓄᑦ ᐊᖏᖅᑕᐅᓯᒪᔪᓄᑦ ᐃᓕᓐᓂᐊᕐᕋᔅᓴᖃᑦᑎᑦᑎᕙᑦᑐᓄᑦ ᐃᖅᑲᓇᐃᔭᕐᓂᒃᑯᑦ ᐋᓐᓂᐊᖃᑦᑕᐃᓕᒪᓂᕐᒧᑦ ᐊᒻᒪᓗ ᐊᑦᑕᓇᐃᖅᓯᒪᓂᕐᒧᑦ ᐃᓕᓐᓂᐊᕐᓂᖅ, ᓇᕿᓪᓗᒍ here.
wscc.nt.ca   /  1.800.661.0792   *   wscc.nu.ca  /  1.877.404.4407