Tissaipa 2015                                            
AIPPAANI TATQIQHIUNMI: QUUYAQINIIT, NAPATKARNIIT, IUKKARNIILLU 
IKAYUUTIT AANNIRNAITTUMIK 

Hivuagut haalatiirnaqhiniup, amigaqhuqattarniarungnaqhiutit. Ayurnaittuq niuviqattarniangani aittutikhanik parnaiyarlunilu nirivikhanik ilannarnut ilangnullu. Kihimi, qanniraangat, hikutpakturlu nuna, taaqhiliqhunilu, pijjutauyukhaq amiriluni avatingnik quuyaqinnaittumik, napatkarnaittumik iukkarnaittumiklu. 
  
Quuyaqinnahuqquurniq, napatkarnahuqquurniq iukkarnahuqquurnirlu angiglivaktuq ukiuraangat, kihimi hamaniitugut puiguqtailiplutit hapkua aannirnaqtut pilaittuyaugaluit. Janualimi makpiraami uvani SafetyNet mi, ihivriurniaqtavut quuyaqqinniq, napatkarniq iukkarnirlu aanniutit naunaiyarahuarlugu: 
  • Qanuq quuyaqinniit, napatkarniit, iukkarniillu pilaaqtat;
  • Huuq atuqtukhauyutit nakuuyunik kamingnik ihuaqtunik;
  • Qanuq halumaniq - iglungni havakvingniluunniit-aannirnaittumik pilaaqtat; unalu
  • Huuq pijjutauyuq parnaiyarluni qilamiuqhimaittumiklu. 
Talvuuna, aliagigguuk una kingulliq makpiraaq 2015 mi aanniqtaililutillu. Takuniaqqaffi atulihaaqqat Nutaaq Ukiuq. 
INMINUT PIUMAGUMI NALLIUTIKHAQ AKILIQTAKHAQ
TATQIQHIUTIHI ILIHIMALUGU: TISSAIPA 31, 2015 

Nanminiqaruvit, paannauguvit, attiqhimalutit katimayiuguvit inmilu havakkuvit, piunaittutit WSCC kut nalliutikhaanik havaamingnit. Piyaarni WSCC nalliutikhamik, Inminut Piumagumi Nalliutikhamik, piqaqhuni aajjikkutainnik pivalliajjutikhanik aallat havaktit havakvingmi aanniarutiqarnahuqquurnirmut aannirnahuqquurnirnmullu. 

Uuktulaaqtutit nalliutikhamik atauhiinnarmik tatqiqhiunmik talvalu piumaguvit ukiuq tamaat. Nutaannguqtitakhat nalliutikhat ukiuq tamaat, nutaannguqtirijjutit piyauyukhat Tissaipa 31, 2015 mi. Kangiqhittiarutikhanik, naqillugu una ihivriuriarni unaInminut Piumagumi Nalliutikhamik makpiraanga. 

Ihivriuriangani iniqtirianganilu Inminut Piumagumi Nalliutikhamik titiravikhaq, naqillugu una, qaritauyakkulluunniit titirarlugit Havaktuliqiyitkut uvani Nunattiami Nunavunmiluunniit kangiqhittiariarni. 
AANNIRNAITTUMIK PARNAIYARNIQ: TIPIQANNGITTUQ PUYUQ
NUTAAMIK PIHIMAVIT AANNIRNAITTUMIK PARNAIYARNIKKUT? 

Iglut tamaani Ukiuqtaqtumi ikiqattalirmatigik uunaqutitik ukiumi, WSCC kut puiguqtailiyaatit utuqqannguqtailiplugu una tipiqanngittuq puyuq tuqunaanguyuq (carbon monoxide mik taivagaa) pinnaittumik parnaiyautimik.

Tipiqanngittuq puyuq (CO) takunaittuq piyavaktuq uqhut ikumarlukkumik. Hapkua uqhut ilait kaassiliit, puplaktut kaassiliit, kiungnik atuqtut ingniriviit, nunamit kaassiliinguyut, uqhuryuallu - tamaita atuqattaqtaunnginnaqtut upluq tamaat inungnit. 

Tipiqanngittuq puyuq takunnaittuq, tipiqanngittuq, mihingnaittuq, tuqunaanguyuq. Tuqunaat ilangit angitqiat imaa 35 ppm (parts-per-million), angiglivalliavakhutiklu igluni ihuittumik hanayauhimayunit ahiruqhimayunillu uunaqtutinit.

Uunaqutit uqhuryuaqtutullu atuqtauliqpaktut tipiqanngittunik puyuuqtunik ilait hapkua:
  • Uqhuryuaq, kaassilliq, pellet, kiuktuqtut ingnirviit;
  • Uunaqutit;
  • Imarnik uunnakhiijjutit;
  • Kaassiliiqtuqtut igluami uunaqutit;
  • Ingniqutilgit hapkua nakhalaaqtut janaliitat; unalu
  • Iglumi ikualattiviit.
     
Tipiqanngittuq puyuq kamanaqtuq, kihimi ayurnaittunik pilaaqtutit aannirnaittumik, iglungni havakvingnilu:
  • iliuraulutit tipiqanngittumik puyurmik ququurutimik ihuaqtumi
  • Uuktuqattaqpaglugit tipiqanngittumik ququurutit.
  • Paatuliingit nakuuyaakhaita pivaglugit ququurutillu nakuuyaakhaita.
  • Uunaqutitit munarivaglugit ihivriuqtaulutiklu ayunngittumit.
  • Ukiuq tamaat ihivriuqtauvaglutik tamaita uqhuqtuqtut atuqpagatit iglungni havakvingnilu.
  • Atuliruvit ingnirvingmik ingniqutilingmikluunniit igluvit iluani, aniaqhiurvikhaqarlutit hilamut nakuuyumik.
  • Unniutilugu ataniit hivuuranaqtunik pinakhangmat tipiqanngittumik puyurmik. 
Tipiqanngittuq puyuq uqitqiaq hilamit, hiamittaarlunilu quyaginnaq igluami. Iliurailiruvit ququurutimik, ilijjavatit qulvanut iglup qilaanulluunniit. Tipiqanngittut puyuq ququurutit iliuraqtauyukhat qitqani iglup, ahiani uqhuryauqtuqtut atuqtauvaktut, hapkua atuqtauvaktut ilaani puyuuqpangmata ikitaulraaraangamik. 

Ukiuraaluk takuvakkaptigu ukiuq tamaat, tipiqanngittuq puyurmik kangiqhimayukhauyugut. 
HUNA NUTAANGUYUQ 
WSCC KUT MAKPIRAANGINNI NAUNAIYAQHIMAYUQ

WSCC kut Mayurautakkut Aannirnaittumik Nipitakhat

Kangiqhimavit ATUQTAKHARINNGITAKKIT qulaaniittuk tutiviik mayurautami? Una Havaktinut Aanniqtailinirmut Havalimaiqqatalu Nalliqtarvik piqaliqtuq nutaamik mayurautakkut aannirnaittumik nipitakhanik iliyakhatit qaanganut mayurautap aannirnaittumik. Piumaguvit mayurautakkut aannirnaittumik nipitakhanikhavakvingnut, qaritauyakkut titirajjavatigut.  (Piyaulaaqtut Qaplunaatut, Uiviititut, Inuktitut, Inuinnaqtullu). 
WHMIS 2015: AKIQANNGITTUQ AYUIQHAUTIKHAQ HIVUMUUQTITAUYUQ

Una Canadian Centre for Occupational Health and Safety (CCOHS) piyaat akiqanngittuq WHMIS 2015 mi ayuiqhautikhaq. Inuit piumagumik uuminnga atauhirmi ikaarnimi qaritauyakkut ayuiqharniq pilaaqtaat akiqanngittumik qaangiqtinnagu Maassi 31, 2016 mi. 

Ayuiqhautikhaq iliharniaqtait havaktit nutaamik atuqtauliqtumik WHMIS 2015 mi atuqtauyunik, malikhugu una after Globally Harmonized Systems of Classification and Labelling of Chemicals (GHS). Fipyuali 2015 mi, Havakvingmi Hivuurabaqtut Tamayat Kangiqhiyaangani Atuqtauyut (WHMIS) havaqatigivagait GHS iliuraiyaangani maliktakhanik naunaiyaiyaangani ihuvuuranaqtut, titirait, atauhiuyuniklu qanurinnikhainnik annirnaittukkut titiqanik. 

Iliharniq WHMIS 2015 mik ilagiyaa kangiqhimayakhavit anniqtailiyaangani ilingnik havaqatitillu hivuuranaqtunit. Inirumikku nakuuyumik qaritauyakkut ayuiqharniq, ilihaqtut aajjikkutaanik titiraliulaaqtut Ilitarijjunmik Iniqhimayaminut. 

Piyaangani una ayuiqhautikhaq akiqanngittuq, taiguarlugu una CCOHS uvani. Kangiqhittiarunagungni WHMIS 2015, Aanniaqtuliqiyitkut Kanatami kangiqhittiarutikhaqaqtut uvani. WHIMS tigut ikayuutikhanik WSCC kunnit, nivingayukhallu piyaangani Aannirnaittumik Tuhaqtakhaik, naqillugu una.
ATUQTAKHANUT AALLANNGUQTIQHIMAYUT 

Aulapkaiyut Katimayiit ihivriuqpaktait angiqhugillu hapkua atuqtakhat Tissaip 2015 mi katimaplutik: 
  • Atuqtakhaq 07.01 Pilaarniq Havaktinut Aanniqtailinirmut Havalimaiqqatalu Nalliqtarvik Kangiqhijjutikhanik
  • Aulapkaiyut Katimayiit Pitquyauhimayuq B-002, Aulapkaiyut Katimayiita Maliktakhait
     
Taiguajjavat una WSCC Atuqtakhakkut Makpiraaqtakuyaarni tamainnik WSCC kut atuqtakhainnik. 
ILIHAUTIKHANUT IKAYUUTIKHAT
AANNIRNAITTUMIK ILIHARNIQ

WSSC kut paannariyait NTFL kut NSA kullu ayuiqhautikhakkut havakvingmi aannirnaittumik kangiqhhijjutikhanik. Kangiqhimakkit ayuiqhautikhat taiguarlugit atajjutit taunani titiraqhimayut. 

Ukiuqtaqtumi Aannirnaittukkut Katujjiqatigiit- takulugit ilihautikhat ayuiqhautikhallu hamani.

Ukiuqtaqtumi Aviktuqhimayuni Havaktuliqiyitkut- takulugit ayuiqhautikhat uvani.

Ilangit angiqtauhimayut Havakvingmi Aanniaqtuliqiyit Aannirnaittumiklu Ilinniaqtut, naqillugu una. 
HAALATIIRNAQHITILLUGU PUIGUQTAILINIQ 

Haalatiirnaqhitillugu , WSCC kut havakviit umikhunnguyut 5:00 munngaqtilluguAippiunmi, Tissaipa 22, 2015 mi angmaffaarluni 8:30 mi Hivullirmi, Januali 4, 2016 mi. 

Uqarumaguvit havakvingmi aanniqhimayumik, tuquhimayumikluunniit, hivayajjavat una 24 nik ikaarnirnik angmaumayuq Qanurittukkut Unnirivkhaq Hivauyautaa uvani 1-800-661-0792 mi.

Aannirnaittumik quviahukluhilu haalatiiquvaffi. 
wscc.nt.ca   /  1.800.661.0792   *   wscc.nu.ca  /  1.877.404.4407