ᑎᓯᐱᕆ 2015                                           
ᑕᖅᑭᐅᓛᖅᑐᒥ: ᖁᐊᔭᕿᓐᓃᑦ, ᓈᓐᓃᑦ, ᐊᒻᒪᓗ ᐹᓪᓚᓐᓃᑦ
ᖃᐅᔨᒪᔾᔪᑎᑦ ᐋᓐᓂᖅᑕᐃᓕᒪᓂᕐᒧᑦ

ᖁᕕᐊᓱᒃᕕᐅᓂᐊᕐᓕᕐᒥᑎᓪᓗᒍ ᓄᖅᑲᖓᓐᓇᐅᓂᐊᓕᕐᒥᒻᒪᑦ, ᓇᓕᐊᓐᓄᕋᕈᓘᔭᑐᐃᓐᓇᕆᐊᖃᕋᕕᑦ. ᐱᔭᔅᓴᖃᐃᓐᓇᓇᕐᒪᑦ ᓂᐅᕕᕋᖅᑐᓂ ᑐᓂᔭᔅᓴᓂᒃ ᐊᒻᒪᓗ ᓂᕿᓕᐅᖃᑦᑕᕐᓗᓂ ᓂᕆᖃᑎᒌᓛᕐᓗᓯ ᐱᖃᓐᓂᕆᔭᑎᓪᓗ ᐊᒻᒪᓗ ᐃᓚᔮᑎᑦ. ᑭᓯᐊᓂᓕ, ᖃᓪᓕᖃᑦᑕᑎᓪᓗᒍ, ᓄᓇ ᖁᐊᓴᐅᑎᓪᓗᒍ, ᐊᒻᒪᓗ ᑖᕐᓂᖅᓴᐅᓕᖅᑎᓪᓗᒋᑦ ᐅᓪᓗᐃᑦ, ᐅᐊᑦᑎᑎᐊᕐᓂᖅᓴᐅᔭᕆᐊᖃᓐᓇᕐᒪᑦ ᐃᕝᕕᑦ ᐊᕙᑎᐊᓂᒃ ᐊᒻᒪᓗᖁᐊᔭᕿᑦᑕᐅᓕᒪᓗᑎᑦ, ᓈᑦᑕᐃᓕᒪᓗᑎᑦ, ᐅᕝᕙᓘᓐᓃᑦ ᐹᓪᓚᑦᑕᐃᓕᒪᓗᑎᑦ. 
  
ᐅᑭᐅᖑᓕᕋᐃᒻᒪᑦ ᖁᐊᔭᕿᖃᑦᑕᓇᕐᓂᓴᐅᒻᒪᑦ, ᓈᑦᑐᓂᓘᓐᓃᑦ ᐅᕝᕙᓘᓐᓃᑦ ᐹᓪᓚᓪᓗᓂ, ᑭᓯᐊᓂᓕ ᐃᖅᑲᐃᑎᑦᑎᔪᒪᕗᒍᑦ ᑕᒪᒃᑯᐊ ᐱᓂᕐᓗᕐᓂᐅᔪᑦ ᐊᑐᓐᖏᒐᔅᓴᐅᒥᒻᒪᑕ. ᔮᓄᐊᓕᒥ ᑐᓴᕋᔅᓴᐅᔪᑦ ᑕᕝᕙᓂ SafetyNet-ᒥ, ᐱᓕᕆᐊᖃᕐᓂᐊᖅᑐᒍᑦ ᖁᐊᔭᕿᓪᓗᓂ, ᓈᓪᓗᓂ, ᐊᒻᒪᓗ ᐹᓪᓚᓪᓗᓂ ᐋᓐᓂᕈᑎᐅᕙᑦᑐᓂᒃ ᓇᓗᓇᐃᖅᓯᒐᓱᐊᕐᓗᑕ:  
  • ᖃᓄᖅ ᖁᐊᔭᕿᓲᖑᒻᒪᖔᑕ, ᓈᓪᓗᑎᒃ, ᐊᒻᒪᓗ ᐹᓪᓚᓪᓗᑎᒃ;
  • ᓱᒻᒪᑦ ᐊᑐᕆᐊᖃᒻᒪᖔᖅᐱᑦ ᐃᓯᒐᐅᔭᓂᒃ ᓈᒻᒪᑎᐊᖅᑐᓂᒃ;
  • ᓴᓗᒪᑎᑦᑎᓂᖅ - ᐊᖏᕐᕋᒥ ᐃᖅᑲᓇᐃᔭᖅᕕᒥᓪᓘᓐᓃᑦ - ᓴᐳᔾᔨᔪᓐᓇᕐᒥᔪᖅ ᐋᓐᓂᖅᑐᖃᕐᓂᕐᒥᒃ; ᐊᒻᒪᓗ
  • ᓱᒻᒪᑦ ᐱᒻᒪᕆᐅᕙ ᐸᕐᓇᐃᕙᒌᖅᓯᒪᓗᓂ ᐊᒻᒪᓗ ᑐᐊᕕᐊᕆᖏᓪᓗᒍ.
ᒫᓐᓇᓕ, ᐅᓇ ᑐᓴᕋᔅᓴᖅ ᑎᑎᕋᖅᓯᒪᔪᑦ ᑭᖑᓪᓕᖅᐹᖓ 2015-ᒥ ᐅᖃᓕᒫᑦᑎᐊᓚᐅᕈᒃ ᐊᒻᒪᓗ ᐊᑦᑕᓈᕿᑦᑕᐃᓕᒪᑦᑎᐊᕐᓗᑎᑦ. ᑕᑯᓛᕆᕗᒍᑦ ᖃᓄᐃᖏᓪᓗᑕ ᐱᒋᐊᓕᕋᑖᖅᑎᓪᓗᒍ ᓄᑖᖅ ᐊᕐᕌᒎ. 
ᐃᒻᒥᒧᑦ ᓇᓖᕌᕈᑎᑦ ᐊᑭᓕᖅᑕᐅᔾᔪᑎᓄᑦ 
ᓇᓗᓇᐃᓚᐅᕈᒃ ᐅᓪᓗᖅᓯᐅᑎᑎᑦ: ᑎᓯᐱᕆ 31, 2015

ᓇᒻᒥᓂᖃᑦᑎᐅᒍᕕᑦ ᐱᓕᕆᓗᑎᑦ, ᓇᒻᒥᓂᖃᖃᑕᐅᒍᕕᑦ, ᐃᓕᑕᕆᔭᐅᓯᒪᔪᖅ ᐊᐅᓚᑦᑎᔨ, ᐅᕝᕙᓘᓐᓃᑦ ᐃᒻᒥᒃᑯᑦ ᐃᖅᑲᓇᐃᖅᑎᐅᒍᕕᑦ, ᑕᕝᕙᑲᐅᑎᒋᑦ ᐱᖃᑦᑕᖏᓪᓗᑎᑦ WSCC ᐊᑭᓕᖅᑕᐅᔾᔪᑎᒥᒃ ᐃᖅᑲᓇᐃᔭᖅᕕᒃᑯᑦ, ᐊᑎᓕᐅᕆᐊᖃᑦᑐᑎᑦ ᑖᔅᓱᒧᖓ ᐃᒻᒥᒧᑦ ᓇᓖᕌᕈᑎᑦ ᐊᑭᓕᖅᑕᐅᔾᔪᑎᓄᑦ, ᑖᓐᓇ ᐱᑕᖃᑦᑎᑦᑎᔪᖅ ᐊᑦᔨᒌᓂᒃ ᐃᑲᔫᑎᓂᒃ ᐊᓯᑐᑦ ᐃᖅᑲᓇᐃᔭᖅᑏᑦ ᐃᖅᑲᓇᐃᔭᖅᕕᒻᒥ ᐋᓐᓂᐊᑕᖃᑉᐸᑦ ᐊᒻᒪᓗ ᐋᓐᓂᖅᑐᖃᕐᓂᖅᐸᑦ. 

ᐱᓇᓱᒍᓐᓇᖅᑐᑎᑦ ᐊᑭᓕᖅᑕᐅᔾᔪᑎᒧᑦ ᐊᑭᑭᑦᑐᒃᑯᑦ ᐊᑕᐅᓯᕐᒧᑦ ᑕᖅᑭᒧᑦ ᐅᕝᕙᓘᓐᓃᑦ ᐊᑕᐅᓯᕐᒧᑦ ᐊᕐᕌᒍᒧᑦ. ᓄᑖᓐᖑᕆᐊᖅᑎᖃᑦᑕᕐᓗᒍ ᐊᑭᓖᓗᑎᑦ ᑎᓯᐱᕆ 31, 2015-ᒥ. ᐊᓯᒃᑲᓐᓂᖏᓐᓄᑦ ᑐᑭᓯᐅᒪᔾᔪᑎᓄᑦ, ᓇᕿᓪᓗᒍ ᐅᓇ, here ᑕᑯᓇᓐᓂᐊᕋᕕᑦᐅᖃᓕᒫᒐᖁᑎᑦᑎᓐᓂᒃ ᐃᒻᒥᒧᑦ ᓇᓖᕌᕈᑎᑦ ᐊᑭᓕᖅᑕᐅᔾᔪᑎᓄᑦ. 

ᑕᑯᓇᓐᓂᐊᕐᓗᓂ ᐊᒻᒪᓗ ᑎᑎᕋᓐᓂᐊᕐᓗᒍ ᑖᓐᓇ ᐃᒻᒥᒧᑦ ᓇᓖᕌᕈᑎᑦ ᐊᑭᓕᖅᑕᐅᔾᔪᑎᓄᑦ ᑎᑎᕋᖅᕕᒃᓴᖅ, ᐅᕗᖓᓚᐅᕆᑦ here, ᐅᕝᕙᓘᓐᓃᑦ ᖃᕋᓴᐅᔭᒃᑯᑦ ᑎᑎᕋᖅᕕᐊᓄᑦ ᐃᖅᑲᓇᐃᔭᖅᑎᓄᑦ ᐱᔨᑦᑎᕈᑎᑦ Northwest Territories ᐅᕝᕙᓘᓐᓃᑦ  Nunavut ᑐᑭᓯᒋᐊᒃᑲᓂᕐᓗᑎᑦ.
ᐊᑦᑕᓈᕿᑦᑕᐃᓕᒪᓂᕐᒧᑦ ᐋᖅᑭᒃᓯᒪᓂᖅ: ᐳᔪᕐᓗᒃ
ᐅᓪᓗᒥᒨᖓᑦᑎᐊᖅᐱᑦ ᐊᑦᑕᓈᕿᑦᑕᐃᓕᒪᓂᕐᒧᑦ ᐅᐸᓗᖓᐃᖅᓯᒪᓂᒃᑯᑦ?  

ᐊᖏᕐᕋᕆᔭᐅᔪᓂ ᐅᑭᐅᖅᑕᖅᑐᒥ ᐅᖅᑰᓴᐅᑎᒥᓂᒃ ᐃᑭᒋᐊᖅᑎᑦᑎᓯᒪᓕᓲᖑᒻᒪᑕ ᐅᑭᐅᒃᑯᑦ ᐅᖅᑰᓇᓱᐊᖅᑐᑎᒃ, ᑖᒃᑯᐊ WSCC ᐃᖅᑲᐃᑎᑦᑎᔪᒪᕗᑦ ᐅᓪᓗᒥᒧᑦ. 

ᐳᔪᕐᓗᒃ (CO) ᒑᓯᐅᕗᖅ ᓴᖅᑭᓲᖑᔪᖅ ᐃᑯᐊᓚᑦᑎᐊᖏᑎᓪᓗᒍ ᐅᖅᓱᐊᓗᒃ. ᑕᒪᒃᑯᐊ ᐅᖅᓱᐊᓗᐃᑦ ᐃᓚᖃᑉᐳᑦ ᒑᓯᒥᒃ, ᐊᒻᒪᓗ ᑭᓂᖅᑐᑦ - ᑕᒪᕐᒥᒃ ᐊᑐᖅᑕᐅᓱᖑᔪᑦ ᖃᐅᑕᒫᑦ ᐅᕙᑦᑎᓐᓄᑦ ᐊᒥᓱᓄᑦ. 

ᐳᔪᕐᓗᒃ ᑕᑯᔭᔅᓴᐅᖏᓚᖅ, ᑎᐱᖃᕋᓂᓗ ᐊᒻᒪᓗ ᓇᐃᕝᕙᓪᓚᒐᔅᓴᐅᖏᑦᑐᓂ, ᑭᓯᐊᓂᓕ ᑐᖁᓐᓇᖅᑐᒻᒪᕆᐅᕗᖅ. ᑐᖁᓐᓇᖅᑐᓕᒃ ᖁᓛᓂ 35 ppm (ᐃᓚᖏᑦ-ᐊᑕᐅᓯᖅ-ᒥᓕᐊᓐ), ᐊᒻᒪᓗ ᓄᐊᑉᐸᓪᓕᐊᒍᓐᓇᖅᑐᓂ ᐃᓪᓗᒋᔭᐅᔪᓂ ᐋᖅᑭᒃᓯᒪᑦᑎᐊᖏᑦᑐᒃᑯᑦ ᐅᕝᕙᓘᓐᓃᑦ ᓱᕋᔅᓯᒪᑉᐸᑦ ᐅᖅᑰᓴᐅᑎᑦ.

ᐅᖅᑰᓴᐅᑎᑦ ᐊᒻᒪᓗ ᐅᖅᓱᐊᓗᒃᑐᖅᑐᑦ ᐳᔪᕐᓗᒃᑖᕈᓐᓇᖅᑐᑦ ᐅᑯᐊᖑᕗᑦ:
  • ᑭᓂᖅᑐᖅ, ᒑᓯ, ᓴᒃᑯ, ᐊᒻᒪᓗ ᕿᔪᑦ ᐃᒐᐃᑦ;
  • ᐅᖅᑰᓴᐅᑎᑦ;
  • ᐆᓇᖅᑐᖃᐅᑎᑦ;
  • ᒑᓯᒨᖅᑐᑦ ᐅᖅᑰᓴᐅᑏᑦ;
  • ᐊᐅᓚᐅᑎᓖᑦ ᐱᓕᕆᔾᔪᑎᑦ ᓱᕐᓗ ᐊᐅᓚᑕᒐᐃᑦ ᐊᐅᓚᐅᑎᕋᓛᑦ; ᐊᒻᒪᓗ
  • ᐃᒐᐃᑦ ᕿᔪᑦᑐᖅᑐᑦ ᑲᑉᐳᔭᖅᑐᑦ.
ᐳᔪᕐᓗᒃ ᐅᓗᕆᐊᓇᓪᓚᑦᑖᖅᑐᖅ, ᑭᓯᐊᓂᓕ ᖃᓄᐃᓕᐅᕈᓐᓇᕆᕗᑎᑦ ᐊᑦᑕᓇᐃᖅᓯᒪᑦᑎᐊᕈᓐᓇᖁᓪᓗᑎᑦ ᐊᖏᕐᕋᓐᓂ ᐊᒻᒪᓗ ᐃᖅᑲᓇᐃᔭᖅᕕᓐᓂ: 
  • ᐋᖅᑭᒃᓯᓗᑎᑦ ᐳᔪᕐᓗᒥᒃ ᖃᐅᔨᓴᕈᑎᓂᒃ ᓈᒻᒪᑉᐸᑦ.
  • ᖃᐅᔨᓴᖃᑦᑕᐃᓐᓇᕐᓗᒍ ᐳᔪᕐᓗᕐᒧᑦ ᖃᐅᔨᓴᕈᑏᑦ. ᐹᑕᓖᖏᑦ ᐱᔪᓐᓇᑎᑦᑎᐊᕐᓗᒋᑦ ᐊᒻᒪᓗ ᖁᖁᐊᖁᑎᖓ ᐱᔪᓐᓇᑎᐊᕐᓗᓂ.
  • ᐅᖅᑰᓴᐅᑏᑦ ᑲᒪᒋᔭᐅᑦᑎᐊᖃᑦᑕᕐᓗᓂ ᐊᒻᒪᓗ ᖃᐅᔨᓴᖅᑕᐅᕙᓪᓗᓂ ᐱᓕᕆᔨᒻᒪᕆᒻᒧᑦ.
  • ᐊᕐᕌᒍᑕᒫᑦ ᖃᐅᔨᓴᖅᑕᐅᖃᑦᑕᕐᓗᑎᒃ ᐃᓪᓗᓯᓐᓂᑦᑐᑦ ᐅᖅᓱᐊᓗᒃᑐᖅᑐᓕᒫᑦ ᐊᒻᒪᓗ ᐃᖅᑲᓇᐃᔭᖅᕕᓐᓂ.
  • ᐃᒐᖃᕈᕕᑦ ᐅᕝᕙᓘᓐᓃᑦ ᐊᐅᓚᐅᑎᓕᒻᒥᒃ ᐅᖅᓱᐊᓗᒃᑐᖅᑐᒥᒃ ᐱᕕᑭᑦᑐᒥ, ᐊᓂᐊᕕᖃᑦᑎᑎᐊᕐᓗᒍ.
  • ᖃᐅᔨᑎᓪᓗᒍ ᐃᖅᑲᓇᐃᔭᖅᕖᑦ ᐅᓗᕆᐊᓇᖅᑐᖅᑕᖃᑉᐸᑦ ᐳᔪᕐᓗᒃᑕᕈᑎᐅᑐᐃᓐᓇᕆᐊᓕᒻᒥᒃ.
ᐳᔪᕐᓗᒃ ᐅᕿᓐᓂᖅᓴᐅᒻᒪᑦ ᐊᓂᕐᓂᖅᓴᒥᒃ, ᐊᒻᒪᓗ ᓯᐊᕐᒪᕈᓐᓇᖅᑐᓂᒃ ᓇᒧᑐᐃᓐᓇᑦᑎᐊᖅ ᐃᓪᓗᕈᓯᕐᒧᑦ. ᐋᖅᑭᒃᓯᓗᓂ ᐳᔪᕐᓗᒧᑦ ᖃᐅᔨᓴᕈᑎᒥᒃ, ᖁᑦᑎᑦᑐᒦᑎᓪᓗᒍ ᐊᕙᓗᒥ ᐅᕝᕙᓘᓐᓃᑦ ᖁᓛᓂ. ᐳᔪᕐᓗᒧᑦ ᖁᖁᐊᕈᑎᑦ ᐋᖅᑭᒃᑕᐅᔭᕆᐊᖃᒻᒥᔪᑦ ᕿᑎᐊᓃᑎᓪᓗᒋᑦ ᐃᓪᓘᑉ, ᐊᒻᒪᓗ ᐅᖓᓯᑦᑐᒦᑎᓪᓗᒋᑦ ᐅᖅᓱᐊᓗᒃᑐᖅᑐᑦ, ᑕᒪᒃᑯᐊ ᐊᑐᖅᑕᐅᓲᑦ ᐅᖅᓱᐊᓗᒃᑐᖅᑐᑦ ᒥᑭᔫᒐᓗᐊᒥᒃ ᐳᔪᕐᓗᒥᒃ ᐳᑦᑐᐊᕿᔭᕐᒪᑕ ᐃᑭᑕᐅᒑᖓᒥᒃ.

ᐊᑯᓂᐅᖃᑦᑕᕐᒪᑦ ᐅᑭᐅᖅ ᐊᕐᕌᒍᑕᒫᑦ, ᐳᔪᕐᓗᕐᒥᑦ ᖃᐅᔨᒪᓇᓱᐊᕐᓂᖅ ᐱᒻᒪᕆᐅᕗᖅ. ᑕᑯᓂᐊᓚᐅᕆᑦ ᐅᕗᖓ.
ᓱᓇ ᓄᑖᖑᕙᑦ
WSCC-ᑯᑦ ᓴᖅᑭᑕᖏᑦ ᐸᐃᑉᐹᒃ ᐱᒻᒪᕆᐅᓂᖏᑦ

WSCC-ᑯᑦ ᒪᔪᕋᐅᑎᒃᑯᑦ ᐊᑦᑕᓈᕿᑦᑕᐃᓕᒪᓂᕐᒧᑦ ᓂᐱᑎᒐᑦ

ᖃᐅᔨᒪᓚᐅᖅᑭᑦ ᐊᑐᕆᐊᖃᖏᑎᐊᖅᑐᑎᑦ ᖁᓛᓃᑦᑑᓐᓂᒃ ᒪᕐᕉᓐᓂᒃ ᒪᔪᕋᐅᑏᑦ ᑐᒻᒥᕋᖏᓐᓂᒃ? ᑖᒃᑯᐊ ᐃᖅᑲᓇᐃᔭᖅᑏᑦ ᐊᑦᑕᓈᕿᑦᑕᐃᓕᒪᑎᑦᑎᓂᕐᒧᑦ  ᐊᒻᒪᓗ ᐃᑲᔫᓯᐊᓄᑦ ᑲᑎᒪᔨᖏᑦ ᓄᑖᒥᒃ ᒪᔪᕋᐅᑎᓄᑦ ᐊᑦᑕᓈᕿᑦᑕᐃᓕᒪᓂᕐᒧᑦ ᓂᐱᑎᒐᖃᑦᑐᑦ ᑐᕌᖓᔪᓂᒃ ᑕᑉᐱᒃᑯᓄᖓ ᒪᕐᕉᓐᓄᑦ ᑐᓪᓕᕋᖏᓐᓄᑦ ᐃᓘᓇᑎᒃ ᐊᑦᑕᓇᐃᖅᓯᒪᖁᓪᓗᒋᑦ. ᐱᔪᒪᒍᕕᑦ ᒪᔪᕋᐅᑎᓐᓄᑦ ᓂᐱᑎᒐᕐᓂᒃ ᐃᖅᑲᓇᐃᔭᖅᕕᓐᓄᑦ, ᐅᕗᖓ ᖃᕋᓴᐅᔭᒃᑯᑦ ᑎᑎᕋᓚᐅᕆᑦ email us. (ᐊᑐᐃᓐᓇᐅᔪᑦ ᖃᓪᓗᓈᑎᑐᑦ, ᐅᐃᕖᑎᑐᑦ, ᐃᓄᒃᑎᑐᑦ, ᐊᒻᒪᓗ ᐃᓄᐃᓐᓇᖅᑐᓐ). 
WHMIS 2015: ᐊᑭᖃᖏᑦᑐᖅ ᐃᓕᓐᓂᐊᕐᕋᔅᓴᖅ ᐅᖓᕙᕆᐊᖅᑕᐅᔪᖅ 

ᑲᓇᑕᒥ ᐃᓕᓐᓂᐊᖅᕕᒃ ᐃᖅᑲᓇᐃᔭᕐᓂᕐᒧᑦ ᐋᓐᓂᐊᖃᓐᓇᖏᑦᑐᓕᕆᔨᒃᑯᑦ ᐊᒻᒪᓗ ᐊᑦᑕᓈᕿᑎᑦᑎᑕᐃᓕᒪᓂᕐᒧᑦ (CCOHS) ᐅᖓᕙᕆᐊᖅᓯᓯᒪᕗᑦ ᐊᑭᖃᖏᑦᑐᒥᒃ ᐊᑐᐃᓐᓇᐅᑎᑦᑎᓂᖓ ᑖᒃᓱᒧᖓ WHMIS 2015 ᐃᓕᓐᓂᐊᕐᓂᕐᒥᒃ. ᐃᓄᐃᑦ ᐃᓕᓐᓂᐊᕐᕈᒪᔪᑦ ᐊᑕᐅᓯᕐᒧᑦ ᐃᑲᕐᕋᒧᑦ ᐃᓕᓐᓂᐊᕐᕈᓐᓇᖅᐳᑦ ᖃᕋᓴᐅᔭᒃᑯᑦ ᑲᔪᓯᔪᓐᓇᖅᓯᔪᑦ ᐊᑭᖃᖏᑦᑐᓂ ᑎᑭᓪᓗᒍ ᒫᑦᓯ 31, 2016. 

ᑖᓐᓇ ᐃᓕᓐᓂᐊᕐᕋᔅᓴᖅ ᖃᐅᔨᕚᓪᓕᑎᑦᑎᓂᐊᖅᑐᖅ ᓄᑖᓂᒃ WHMIS 2015 ᐱᓕᕆᓂᕐᒥᒃ, WHMIS ᑭᖑᓂᐊᒍᑦ ᓄᓇᕐᔪᐊᕐᒥ ᐃᓚᓕᐅᔾᔨᓂᖅ ᓇᓗᓇᐃᖅᑎᖅᑕᐅᓂᖏᓐᓄᑦ ᐊᒻᒪᓗ ᓇᓗᓇᐃᒃᑯᑎᓕᖅᓱᐃᓂᕐᒧᑦ ᐃᓚᔅᓴᔭᓂᒃ (GHS). ᕖᕗᐊᓕᒥ 2015, ᑖᒃᑯᐊ ᐃᖅᑲᓇᐃᔭᖅᕕᒻᒥ ᐅᓗᕆᐊᓇᖅᑐᑦ ᑭᓱᒐᓚᐃᑦ ᑐᑭᓯᐅᒪᔾᔪᑎᑦ (WHMIS) ᑲᑐᔾᔨᖃᑎᖃᓚᐅᖅᐳᑦ GHS-ᑯᓐᓂᑦ ᐋᖅᑭᒃᓯᓪᓗᑎᒃ ᒪᓕᒐᕆᔭᐅᓂᐊᖅᑐᓂᒃ ᓇᓗᓇᐃᖅᑎᕆᓂᕐᒧᑦ ᐅᓗᕆᐊᓇᖅᑐᓂᒃ ᑭᓱᑐᐃᓐᓇᕐᓂᒃ, ᓇᓗᓇᐃᒃᑯᑕᐃᑦ, ᐊᒻᒪᓗ ᑐᓐᖓᕕᖓᓂᒃ ᐊᑦᑕᓇᐃᖅᓯᒪᓂᕐᒧᑦ ᑎᑎᕋᖅᕕᒃᓴᓂᒃ. 

ᐃᓕᓐᓂᐊᕐᓂᖅ ᒥᒃᓵᓄᑦ WHMIS 2015 ᐃᓚᒋᒻᒪᒍ ᖃᐅᔨᒪᓂᕆᔭᕆᐊᖃᑦᑕᕕᑦ ᓴᐳᑎᓯᒪᓂᐊᕐᓗᑎᑦ ᐊᒻᒪᓗ ᐃᖅᑲᓇᐃᔭᖃᑎᑎᑦ ᐅᓗᕆᐊᓇᖅᑐᓂᒃ. ᐱᐊᓂᒃᑕᐅᑦᑎᐊᓚᐅᖅᑎᓪᓗᒍ ᐃᓕᓐᓂᐊᕐᕋᔅᓴᖅ ᖃᕋᓴᐅᔭᒃᑯᑦ, ᐃᓕᓐᓂᐊᖅᑐᑦ ᑎᑎᕋᕈᓐᓇᖅᓯᓂᐊᖅᑐᑦ ᓇᓗᓇᐃᒃᑯᑎᒥᒃ ᐱᐊᓂᒃᓯᓂᕐᒥᓄᑦ. 

ᑖᒃᓱᒥᖓ ᐊᑭᖃᖏᑦᑐᒥᒃ ᐃᓕᓐᓂᐊᕐᕈᑎᒥᒃ ᐱᔪᒪᒍᕕᑦ, ᐅᕗᓐᖓᕈᓐᓇᖅᐳᑎᑦ CCOHS ᐃᑭᐊᖅᓯᕕᖓᓄᑦ here. ᑐᑭᓯᒋᐊᒃᑲᓐᓂᕈᒪᒍᕕᑦ ᒥᒃᓵᓄᑦ WHMIS 2015, ᑲᓇᑕᒥ ᐋᓐᓂᐊᖃᓐᓇᖏᑦᑐᓕᕆᔨᒃᑯᑦ ᐊᓯᒃᑲᓐᓂᖏᓐᓂᒃ ᓇᓗᓇᐃᖅᑎᕆᓯᒪᔪᑦ ᑕᕝᕙᓂ here. ᑕᑯᔪᒪᒃᑲᓐᓂᕈᕕᑦ WHMIS-ᑯᑦ ᐅᖃᓕᒫᒐᕈᓘᔭᖏᓐᓂᒃ, ᐊᕙᓗᒥᐅᑕᐃᓪᓗ ᐊᒻᒪᓗ ᐊᑦᑕᓈᕿᑦᑕᐃᓕᒪᓂᕐᒧᑦ ᐅᖃᓕᒫᒐᐃᑦ, ᐆᒥᖓ ᓇᕿᑦᑎᓚᐅᕆᑦ here.
ᐊᑐᐊᒐᖅ ᐊᓯᔾᔨᕐᓂᖓ

ᐊᐅᓚᑦᑎᓂᕐᒧᑦ ᑲᑎᒪᔩᑦ ᕿᒥᕐᕈᓚᐅᖅᐳᑦ ᐊᒻᒪᓗ ᐊᖏᖅᓯᓚᐅᖅᑐᑎᒃ ᐅᑯᓂᖓ ᐊᑐᐊᒐᕐᓂᒃ ᑎᓯᐱᕆ 2015-ᒥ ᑲᑎᒪᓂᖃᑦᑎᓪᓗᒋᑦ:
  • ᐊᑐᐊᒐᖅ 07.01 ᐃᖅᑲᓇᐃᔭᖅᑏᑦ ᐊᑦᑕᓇᐃᖅᓯᒪᔭᕆᐊᖃᓐᓂᖏᓐᓄᑦ ᐊᒻᒪᓗ ᐊᑭᓕᖅᑕᐅᔾᔪᑎᖏᓐᓄᑦ ᑐᑭᓯᐅᒪᔾᔪᑎᓂᒃ ᐊᑐᐃᓐᓇᖃᕐᓂᖅ
  • ᐊᐅᓚᑦᑎᓂᕐᒧᑦ ᑲᑎᒪᔩᑦ ᑐᑭᑖᕈᑎᖏᑦ B-002, ᐊᐅᓚᑦᑎᓂᕐᒧᑦ ᑲᑎᒪᔩᑦ ᒪᓕᒐᖏᑦ 
ᑕᑯᓂᐊᕆᑦ  WSCC Policy Manual ᕿᒥᕐᕈᔪᓐᓇᕐᓂᐊᕋᕕᑦ ᐃᓘᓐᓇᖏᓐᓂᒃ WSCC-ᑯᑦ ᐊᑐᐊᒐᖁᑎᖏᓐᓂᒃ.
ᐃᓕᓐᓂᐊᕈᑎᒧᑦ ᐃᑲᔫᑎᑦ
ᐊᑦᑕᓇᐃᖅᓯᒪᓂᕐᒧᑦ ᐃᓕᓐᓂᐊᕐᓂᖅ

WSCC ᐃᓚᒋᔭᐅᔪᑦ ᑖᒃᑯᓄᖓ NTFL ᐊᒻᒪᓗ NSA ᐊᑐᐃᓐᓇᐅᑎᑦᑎᕗᑦ ᐃᓕᓐᓂᐊᕐᕋᔅᓴᓂᒃ ᐃᖅᑲᓇᐃᔭᖅᕕᒻᒥ ᐊᑦᑕᓇᐃᖅᓯᒪᓂᕐᒧᑦ ᐊᒻᒪᓗ ᖃᐅᔨᒪᔭᐅᕚᓪᓕᑎᑦᑎᓂᕐᒧᑦ. ᑐᓴᐅᒪᓇᓱᓐᓂᐊᖅᐳᑎᑦ ᓴᖅᑭᓛᖅᑐᓄᑦ ᐃᓕᓐᓂᐊᕐᕋᔅᓴᓄᑦ ᐊᑖᓃᑦᑐᖅ ᐊᒃᑐᐊᔾᔪᑎᐅᔪᖅ ᑕᑯᓂᐊᕐᓗᒍ. 

ᐅᑭᐅᖅᑕᖅᑐᒥ ᐊᑦᑕᓇᐃᖅᓯᒪᓂᕐᒧᑦ ᑲᑐᔾᔨᖃᑎᒌ - ᑕᑯᓗᑎᑦ ᑎᑎᕋᖅᓯᒪᔪᓂᒃ ᐱᓕᕆᐊᕐᓂᒃ ᐊᒻᒪᓗ ᐃᓕᓐᓂᐊᕐᕋᔅᓴᓂᒃ ᑕᕝᕙᓂ.
 
 ᐅᑭᐅᖅᑕᖅᑐᒥ ᓄᓇᓖᑦ ᑐᓐᖓᕕᖓ ᐃᖅᑲᓇᐃᔭᖅᑏᑦ - ᑕᑯᓗᑎᑦ ᐃᓕᓐᓂᐊᕐᕋᔅᓴᐅᓛᖅᑐᓂᒃ ᑕᕝᕙᓂ.  

ᐊᓯᒃᑲᓐᓂᖏᓐᓄᑦ ᐊᖏᖅᑕᐅᓯᒪᔪᓄᑦ ᐃᓕᓐᓂᐊᕐᕋᔅᓴᖃᑦᑎᑦᑎᕙᑦᑐᓄᑦ ᐃᖅᑲᓇᐃᔭᕐᓂᒃᑯᑦ ᐋᓐᓂᐊᖃᑦᑕᐃᓕᒪᓂᕐᒧᑦ ᐊᒻᒪᓗ ᐊᑦᑕᓇᐃᖅᓯᒪᓂᕐᒧᑦ ᐃᓕᓐᓂᐊᕐᓂᖅ, ᓇᕿᓪᓗᒍ here.
ᕿᑲᓐᓇᕐᒥ ᐃᖅᑲᐃᑎᑦᑎᔾᔪᑏᑦ

ᕿᑲᓐᓇᐅᑎᓪᓗᒍ, WSCC-ᑯᑦ ᐊᓪᓚᒡᕕᖏᑦ ᒪᑐᓯᒪᓂᐊᕐᒪᑕ 5-ᒨᖅᑲᑦ ᐅᓐᓄᓴᒃᑯᑦ ᓄᓇᓖᑦ ᓯᕿᓐᖑᔭᖓ ᒪᓕᓪᓗᒍ ᓇᒡᒐᔾᔭᐅᓕᖅᑭᒻᒥ, ᑎᓯᐱᕆ 22, 2015, ᐊᒻᒪᓗ ᒪᑐᐃᒃᑲᓂᕐᓗᓂ 8:30-ᒥ ᐅᓪᓛᒃᑯᑦ ᓇᒡᒐᔾᔭᐅᒥ, ᔮᓄᐊᓕ 4, 2016.

ᐅᖃᐅᓯᖃᕐᓂᐊᕐᓗᓂ ᐱᒋᒻᒪᕆᐅᔪᒥᒃ ᐃᖅᑲᓇᐃᔭᖅᕕᒻᒥ ᐋᓐᓂᖅᑐᖃᑉᐳᑦ, ᑐᖁᔪᖃᑉᐸᓘᓐᓃᑦ, ᐅᖄᓚᓗᑎᑦ 24-ᓄᑦ ᐃᑲᕐᕋᓄᑦ ᐱᓂᕐᓗᒃᑐᖃᑦᑎᓪᓗᒍ ᐅᖃᕐᓂᕐᒧᑦ ᐅᖄᓚᐅᑎᖓᓄᑦ 1-800-661-0792.

ᖃᓄᐃᖏᑎᐊᕐᓗᑎᑦ ᐊᒻᒪᓗ ᖁᕕᐊᓱᑦᑎᐊᕐᓗᓯ ᖁᕕᐊᓱᒃᕕᔅᓯᐅᖁᕙᓯ. 
wscc.nt.ca   /  1.800.661.0792   *   wscc.nu.ca  /  1.877.404.4407