Hikutirvia 2015
ILITTURIPLUGIT AANNIUTIGITTAILINA-HUAKHUGITLU ULRUITTITINIQ QILUQQITIDJUTITLU

Ulruittitiniq, qiluqqittitiniqlu, alliktitiniitlu aanniutauvaktut havaktinut tamaini nunaqaqtunut Nunatsiarmi Nunavunmillu - atuqtauvakhutiklu. 2014mi, aanniutauvakhimayut 26% aannikhimayunit havalimairangamik maniktautikhainik - taimatut amigaitqiyanik 1-mit 4-manut aannikhimayunit havalimairangamik maniktautikhainik nalliukumanik aipangani - atauttimut, akilikhivaktut Ukiuqtaqtumi havaktitiyutlu Ukiuqtaqtumi akiliuhiarutikhanut atuqtauvaktut $3,550,000 taffumainarmi ukiungani.

Hamallu ilihimayavut:
  • 1,073 ulruittitiniq, qiluqqittitiniqlu, alliktitiniitlu aanniutauvaktunut aannikhimayunit havalimairangamik maniktautikhainik nalliukumanik 2014mi.
     
  • Hunauva aanniutauqattaqpaktuq? Akhuukpallarangamik kivikhinahuakhutik (20.23%), tukliuyuttauq hapkuat aanniutauvakhutik aurangnik, mayurarnik, paamngurnik, ihaakhutik inukhaktamingnik, hanninmut ingutariarnik (10.40%).
     
  • Imatut aanniutauvaktut qittimikkut, hinngirnikkut, hitkukkutlu.
     
  • Aanniqtut amigaitqiyavaktut tatqiqhiutani hapkutiguna ulruittitiniq, qiluqqittitiniqlu, alliktitiniitlu aanniutauvaktunut Tattiaqnaqhiyumi.
Hapkuat ihumagitigik. Hunauvat qiluqqittitiniq nuqiqtitiniqlu?

Qiluqqittitiniq alliktitiyarangamik uvalu tahittitipkaiyarangamik nukiinnik - qaqqulangit ipiringnit attadjutait malrungnut hauniingnut. Qiluqqittiliqpaktut hinngirniinut.

Qiluqqittitiniq alliktitiyarangamik uvalu tahittitipkaiyarangamik nukiinnik ivaluinikluunniit - niqanut nukiinutlu atadjutait hauniinut. Qiluqqittitiniq aanniutauqattaliqpaktuq kitirmut.

Qanuqtut qiluqqittitiniq alliktitiyarangamik aanniutauvakpat?

Ilihimayugut akhuuvallaq kimiktuiyut aanniutigivaktait qiluqqittitinikkut,  alliktitiyarangamiklu aanniutigivaktait, allatlu atuqtauvaktut, imatut:
  • Akhuurangamik - kivikhiyuq, taadjaqtuq, nuhuktuiyuq, tiguumiaktuqlu.
     
  • Timip idjuhia - hivituyumik ingutaakhimaitumik havakhaakpiarangamik, ingutaakhimaitumiklu ilani, aurakkangamiklu, hannimut ingutarangamiklu ihuitumik timip idjuhia.
     
  • Atauhirmik ingutaakkattakhutik - atauhirmik ingutaakkattakhutik aullavarangamik amihuiktukpiakhutiklu, ihuakhittikhimaitumiklu.
     
  • Hayukattakhutiklu - algakkut talikkutluunniit hayukattakhutiklu tigumminirmik hanalrutinik ingilrutiniklu ingutarnirmut hayuktunut, timiluunniit tamat hayukattakhutiklu ikhivanirmit nangirnirmitlu ingilrutinit inguutaaktunit.
     
  • Ingutakayakkangat - inguutakayaktuq, ihaaktuq, quiyaqittuq, uluruyuqluunniit.
Hunauvat naunaitkutikhat nahuriyakhavut?

Ilangit hamma naunaitkutikhat nahuriyakhavut: kigikhiurniq, qidjarniq, imatutlu kigikhiqayaktaqtuq; puvvittuq, aktuqtaililiqtuq; pautunguyalaqiyuq; nukiit qiluhiqattaqtut; hakuiktittuq; ingutarlualimaiktittuq uluriahuktuq ingutaktitiyaminik.

Pihukkangavit uluriahukpaliruvit ingutalimaiqqatlu avatitit kigikhihimaittumik, taaktiliadjavutit munaqhiliakglutitluunniit.

Qanuriliurniaqqit havaktiunirni?

Havaktiupluni, kangikhihimayakhatit maliqqalugillu qayangnaitkutikhatit atuqtakhaliukhimayut. Qauyimalutit qayangnaktukhanik havagvingmi Uqaqlugit qilamik qayangnaktunik takkuguvit atannguyarnut. Qiniglutit ikayuutikhanik ikiklidjutikhaniklu qayangnaqtunut havagvingmi.

Aanniruvit, hugittailiinakhimaittumik mihigimayatit. Ilingnut ikayuutauhunguyuq ilitagigupkit unniklugillu qilamivyak. Mihigimaliutitit mihingnaqtutlu ingattautihunguyut hivituyumut ayukhautaulutikluunniit. 

Puiguktailutit qiluqqittiinniit aannirniitlu havaguikhimadjutaulimaittut ilaani. Uqaqatigilugu atannguyat qanuqtut iliurutilkharnik nakuuhittiutingni aturuminaqtunik. Naunaiyarikhimayunik allanik havaktakharnik piliukhimayukhaugaluaqtut havaguikhimallautingni.

Hunauvat Havaktitiyut munariyakhainik?

Qayangnaittunik utiqvikhanut havaariyamingnut (RTW) atuqtakhanik. Tunihivakkumik ihuakharikhimayunik allanikluunniit havaktakhainik ikayuutauniaktuq mikhitikhaniklu akiliqtakhainut ihuaqutikhaniklu nakuuhittiqtunut. Havagviuyut munariyakhait ilihaudjunikkut tuhaqtitlugillu havaktigiyatik havaariyaini qayangnaqtunik, qinikhialutiklu allanik qayangnaqtunik aanniutauttaaktunik qiluqqitinnaqtukhanik aannirnaqtuniklu. Havagviuyut munarihimmaakpaktukhat havagvingmingnik qayangnaitumik havaktinut maliqayakhainik atuqtakhaliukhimlutik, havaqatigilugillu qayangnaqtut ihuakhautikhainik. Havaktiqaqtut piyariaqaqtutlu havaktigiyatik unniudjinarikpaktukhauyut mihigihimalirangamik ihumaluliraigumiklu.

Havaktit takuukhiriaqtukhimagumik munaqhimit taaktimitlu, tukhiriaqaqtut inngutalimaiqqata pitaaqtainiklu titiqamik naunaikhitikhamik qanuqtut hulittaaktarnik havautikharnik qayangnaittunik havaktip havaktakhainik atuqtakhainutlu.

Nakuunikhauyq ihivriuglugit havagvingmi qayangnaqtut Utigvikhanut Havaariyaminut (RTW) atuqtakhanik qakunguraikpat atuqtakhainut - Havalihaaktuinnaungittunut havaktinut, kihimi tammainut havaktiukhaaktunullu - nutaanguqtiqattakpaklugullu piyakhunguraikpat. Havaqatigiikluta, havaktiqaqtutlu havaktiuyutlu havagvigiyaqqut qayangnaitqiyauyangani tamaptingnut.

Qanuqtut pittailiniaraluaqqitigik aanniutauvaktut qiluqqitittiniq, aanniutauvaktunutlu havagvingmi?
  • Akhuuktailivakluhi havaaffingni. Naunaiklugit hunat ahinungaqtakhatit, qanuqtutlu ingutaarutikharnik havaktakharnut, akhuuktailinahuarutikhaniklu.
  • Qilamiuktailinahuaklutit havaktakhatit havaglugit- inngutakayakkangata ilani aannirnaqtuq ilanillu ihuitumik ingutarangat aannirnaqtuqlu. Qilamiukhimattumik, naunaittiakpaklugitlu havagvigiyatit hunauyakhainiklu hivuranaqtut. Qaumadjutikhaqaqlutitlu havagviginahuaqtarni takuyarni huliyakharniklu humungauvikharniklu. Quiyarnaqtukhanik uvingayuniklu qinikhimalutit quiyaqinnaitumik, ulrunnaitumiklu.
  • Atuqlutit atuqtakhanik ingilrutiniklu havagvingni. Atuqlutit kaipluarutinik, uhidjutiniklu, kivikhidjutikhaniklu, akhalutikniklu atuqtakhanik uqqumaittuliqinahuaruvit. Mayutautanik, havagvingmillu marugvikhanik, quvaktirutikhanik, takhidjutikhatlu atuqpaklugit qulvaniitunik pinahuaruvit, innukhaqtailivaklutit, qaniglilugit havagvigiyatit ilingnut. Alruyaqtuqtut hanalrutit ihuaqtut havariyakharnut uqqumaitunutlu.
  • Ikayuqtigiigluhi: kivikhinahuaruiglutit ilingnik tigumiarahuaglutitlu uqqumaigiyarnik tamayaniklu ilingniinnaq. Ikayuqtigiyumalugit havaqatigiyatit. Kivikhinahuaruvit tigumiaglutit napkiyarnik, aannirnaitumik taimatutlu qayarilutit timit ihuaktumik ingutaaktitlugu tigumiakhatit iqqimidjariktumik akhuurnaitumik ipiringnirni.
  • Kamikhimavaglutit ihuaqtunik havaariyarnut. Aippanik alganngnik tiguumidjutikharnik ayappautikharniklu ulruliruvit. Havagaiguvit quiyarnaqtumi pihurnahuaruvitluunniit ingutarahuaruvitlu quiyarnaqtumi, havaktitiyit niuvviktidjavat quiyarnaitkutikharnik tunngavikhanik quiyaqinnaitumik, nappatqarnaitumiklu, iqukkarnaitumiklu aanniqtailitikhanik. Ulappaqaqtut tunmiyauyakhat quiyarnaitkutiqaqtut tungavigiyaami, iliuraruminakhutiklu.
  • Ihuaqtumik haluummaqhidjutikhanik havauhihaniklu atuqtitivagluhi havagvingmi. Haluummaqtiqpaklugit tutquqtiqpaklugillu tamayat, allaqtiqpaklugillu kuviniit imangniitlu takugaigupkit. Talitiqpaklugillu qalikhiqugit amiirnirit alruyat pihurhiuyuni.
  • Ihuaqhihimanahuaqpaklutit inuuhikharnik, inguutaakpaklutillu hanaqitinnatit uqqumaittuliqitinatitlu aannirnaitumik qiluqqititinnaitumiklu. Unnaguikhiqattaqpaklutillu timit ihuakhittiglugullu.
Qiluqqitittiniit aanniutauvaktutlu pittailidjutikhaqaqtut. Aanniqtailitikhanik maliqqattiakpaklutit qayangnaitkutikhaniklu havagvingni. Naunaikhittiarumaguvit, takkulugu wscc.nt.ca unaluunniit wscc.nu.ca takuuklugillu Maliktakhaliukhimayavut Atuqtauyukhanut, Qayangnaqtunut Naunaitkutikhanik, Qayangnaitkutikhanut Tuharvikhat, Nivinngayutlu.
Apiqhuutiqaqqihi?

Apiqhuutiqaguffi ihumagiyainiklu uvaptingnun, tuyuqlutin uvaptingnun qaritauyakkut uvani info@wscc.nt.cauvaniiluuniit info@wscc.nu.ca.
 
wscc.nt.ca   /  1.800.661.0792   *   wscc.nu.ca  /  1.877.404.4407