ᓄᕕᐱᕆ 2015
ᐃᓕᓴᖅᓯᔪᓐᓇᖕᓂᖅ ᐅᕐᕈᐊᖅᓯᑦᑕᐃᓕᒪᓂᕐᓗ ᐱᓪᓗᐃᑦᑕᐃᓕᓃᓪᓗ

ᐅᕐᕈᐊᖅᓯᓃᑦ, ᐱᓪᓗᐃᓃᑦ ᓄᓱᒃᓯᓃᓪᓗ ᓯᕗᓪᓕᖅᐸᐅᕗᑦ ᔭᒐᐃᔭᔾᔪᑕᐅᓪᓗᑎᒃ ᐃᑲᕐᕋᓂᑦ ᐃᖅᑲᓇᐃᔭᖅᑎᓄᑦ ᓄᓇᑦᑎᐊᒥᑦ ᓄᓇᕗᒻᒥᓪᓗ ᐅᓪᓗᒥᒧᑦ. 2014ᖑᑎᓪᓗᒍ, 26 ᐳᓴᓐᑎᐅᓚᐅᖅᐳᑦ ᓇᓪᓕᐅᒃᑯᒻᒫᖅᑖᕋᓱᒃᑐᑦ - ᑐᑭᓕᒃ ᑖᒃᑯᐊ ᐊᒥᓲᓂᕐᓴᑦ 1 4ᓂᖔᖅᑐᓂᑦ ᐱᓇᓱᐊᖕᓂᕐᓴᐅᓚᐅᖕᒪᑕ ᐊᕐᕌᓂᑦ ᑲᑎᓕᒫᖅᖢᒋᑦ, ᐊᑭᖃᓚᐅᖅᑐᑦ ᑖᒃᑯᖕᓄᖓᒃ ᐅᑭᐅᖅᑕᖅᑐᒥᑦ ᐃᖅᑲᓇᐃᔭᖅᑎᑦᑎᔨᓄᑦ ᐅᑭᐅᖅᑕᖅᑐᒥᑦ ᓇᓪᓕᐅᒃᑯᒻᒫᓕᕆᓂᖕᓄᑦ $3,550,000 ᐊᕐᕌᒍᑐᐊᖅ.

ᐅᑯᐊᑦᑕᐅᖅ ᑕᒡᕙ ᖃᐅᔨᒪᖕᒥᔭᕗᑦ:
  • 1,073 ᐅᕐᕈᐊᖅᓯᓂᖕᒧᑦ, ᐱᓪᓗᐃᓂᖕᓄᑦ ᓄᒃᓱᒃᓯᓂᖕᓄᑦ ᓇᓪᓕᐅᒃᑯᒻᒫᖅᑖᓄᑦ ᐊᑭᓕᕐᑕᐅᓚᐅᖅᐳᑦ 2014ᒥᑦ.
     
  • ᐋᓐᓂᕈᑕᐅᒐᔪᒃᑐᖅ? ᐊᒃᓱᕈᓗᐊᒧᑦ ᑭᕕᒃᓯᓇᓱᒃᖢᓂ (20.23%), ᑭᖑᓪᓕᐅᓪᓗᑎᒃ ᐊᖁᕕᓐᓇᓱᒃᖢᓂ, ᒪᔪᕋᖅᖢᓂ, ᐸᙳᖅᖢᓂ, ᖁᑦᑎᒃᑐᒥ ᑎᒍᓯᓇᓱᒃᖢᓂ ᓴᓂᒧᓪᓗ ᓵᓗᐊᒧᑦ (10.40%).
     
  • ᐋᓐᓂᖅᑕᐅᒐᔪᓛᖅ ᑎᒥᒃᑯᑦ ᑐᓄᓱᒃᑯᑦ, ᓯᖏᖕᓂᒃᑯᑦ ᓰᖅᑯᒃᑯᓪᓗ.
     
  • ᐋᓐᓂᒐᔪᖕᓇᓛᖑᓚᐅᖅᑐᖅ ᐱᓪᓗᐃᓂᖅ, ᐅᕐᕈᐊᖅᓯᓂᖕᒧᑦ ᓄᓱᒃᓯᓃᓪᓗ ᐅᑐᐱᕆᒥᑦ.
ᐅᐊᑦᑎᐊᕈᐊᐃ. ᑭᓲᖕᒪᑕ ᐅᕐᕈᐊᖅᓯᓃᑦ ᐱᓪᓗᐃᓃᓪᓗ?

ᐅᕐᕈᐊᖅᓯᓂᖅ ᐊᓕᒍᔾᔨᓪᓗᓂᓘᓐᓃᑦ ᓄᓱᒍᔾᔨᓪᓗᓂᓘᓐᓃᑦ ᓄᕕᖅᖢᖕᓂᑦ  ᑖᒃᑯᐊ ᓇᒡᒍᐊᖕᓃᑦᑐᑦ ᑲᑎᙵᔾᔪᑕᐅᔪᑦ ᓴᐅᓂᖕᓂᑦ. ᐱᓪᓗᐃᓃᑦ ᓯᖏᖕᓂᒃᑰᒐᔪᒃᐳᑦ.

ᐱᓪᓗᐃᓂᖅ ᐊᓕᒃᖢᓂ ᑕᓯᖦᖢᓂᓘᓐᓃᑦ ᓄᑮᑦ − ᑖᒃᑯᐊᒃ ᑲᑎᙵᔪᑦ ᓴᐅᓂᖕᒧᑦ. ᐱᓪᓗᐊᓃᑦ ᑐᓅᑉ ᐊᑦᑎᖕᓂᖓᒎᒐᔪᒃᐳᑦ.

ᑭᓱᑦ ᐅᕐᕈᐊᖅᓯᓐᓇᖕᒪᑕ ᐱᓪᓗᐃᓐᓇᖅᖢᑎᒃᓗ?

ᖃᐅᔨᓯᒫᓂᒃᑐᒍᑦ ᐊᒃᓱᕈᓗᐊᒧᑦ ᐅᕐᕈᐊᖅᓯᓐᓇᖅᑐᑦ, ᐱᓪᓗᐃᓂ ᐊᓕᖕᓂᐅᔪᓪᓗ ᑭᓯᐊᓂᑦᑕᐅᖅ ᐊᓯᖏᓐᓄᑦ ᐱᔾᔪᑎᖃᓲᖑᖕᒥᔪᑦ, ᓲᕐᓗ ᒪᑯᐊ:
  • ᐊᒃᓱᕈᖅᖢᓂ - ᑭᕕᒃᓯᓪᓗᓂ, ᐊᔭᐅᖅᖢᓂ, ᓄᑦᑐᒃᖢᓂ ᐊᒡᔭᖅᓯᓪᓗᓂᓘᓐᓃᑦ.
     
  • ᑎᒦᑦ ᖃᓄᐃᓕᖓᕙᖕᓂᖓᓄᑦ ᐊᑕᐅᓯᑦᑕᐃᓐᓇᒦᖏᓐᓇᖅᖢᓂ ᓄᒃᑕᓗᐊᖦᖤᕋᓂ ᐊᐅᓚᙱᖦᖢᓂᓘᓐᓃᑦ, ᐊᖁᕕᖃᑦᑕᖕᓂᒃᑯᑦ ᓴᓂᒨᕐᓗᓂ ᐋᖅᑭᒃᓯᒪᑦᑎᐊᙱᓪᓗᓂ.
     
  • ᐊᑕᐅᓯᑦᑕᐃᓐᓇᓕᓂᖅ − ᐊᑕᐅᓯᑦᑕᐃᓐᓇᒃᑯᑦ ᐊᐅᓚᓂᖃᖅᖢᓂ ᑕᐃᒪᓐᓇᔅᓴᐃᓐᓇᖅ, ᖃᓄᐃᑦᑐᓐᓃᕐᕕᒃᓴᖃᓗᐊᕋᓂ.
     
  • ᐊᐅᓚᔮᖕᓃᑦ − ᐊᒡᒐᒧᑦ ᑕᓕᖕᒧᓪᓘᓐᓃᑦ ᓴᓇᕐᕈᑎᒥᑦ ᑎᒍᒥᐊᖕᓂᑯᒧᑦ ᐊᐅᓚᐃᓐᓇᓲᖑᓪᓗᓂ, ᑎᒥᓕᒫᒧᓪᓘᓐᓃᑦ ᐊᐅᓚᓐᓇᖅᑐᖅ ᐃᒃᓯᕚᕐᓗᓂ ᓇᖏᕐᓗᓂᓘᓐᓃᑦ ᐱᓕᕆᔾᔪᑎᒥᑦ ᐊᐅᓚᓲᒥᒃ.
     
  • ᐊᐅᓚᔾᔭᑳᓪᓚᖃᑦᑕᖕᓂᖅ − ᓴᙳᐊᓪᓚᖕᓂᖅ, ᑎᒍᓯᓇᓱᖕᓂᖅ ᐅᖓᓯᒃᑐᒥᑦ, ᓯᐊᕐᕆᓂᖅ ᐅᕐᕈᓂᕐᓘᓐᓃᑦ.
ᐅᔾᔨᖅᓱᕆᐊᖃᖅᐱᑕᓕ ᖃᓄᐃᓕᖅᑐᓂᑦ?

ᐃᓚᖏᑦ ᖃᓄᐃᔾᔪᑕᐅᓕᓲᖑᔪᓐᓇᖅᑐᑦ ᐅᑯᐊ:  ᐋᓐᓂᐊᕐᓗᓂ, ᐆᖅᑰᔨᓗᓂ, ᐋᓐᓂᑳᓪᓚᑲᑕᒡᓗᓂᓘᓐᓃᑦ; ᐳᕕᓕᕐᓗᓂ ᒪᐃᓪᓗᓂᓘᓐᓃᑦ; ᓱᙴᔭᕐᓂᖅ; ᓄᑭᑦ ᐊᐅᓚᔾᔭᑳᓪᓚᑲᑕᖕᓂᖅ; ᓄᑭᑭᓪᓗᓂ; ᐊᐅᓚᔪᓐᓇᑦᑎᐊᙱᓪᓗᓂ ᐊᐅᓚᔪᓐᓇᐃᓪᓕᓗᓂᓘᓐᓃᑦ ᓄᑭᒧᑦ ᐋᓐᓂᐊᔪᒧᑦ.

ᐱᓱᒡᓗᑎᒃ ᐊᑲᐅᙱᑉᐸᑦ ᐊᐅᓚᔾᔭᒍᓐᓇᐃᓪᓕᒍᕕᓪᓘᓐᓃᑦ ᓇᒡᒍᐊᒃᑯᑦ ᐋᓐᓂᕐᐸᒡᓗᓂᓘᓐᓃᑦ, ᐋᓐᓂᐊᓯᐅᑎᒧᙵᐅᓪᓗᐊᖅᐳᑎᑦ.

ᖃᓄᐃᓕᐅᓪᓗᐊᕋᕕᓪᓗ ᐃᖅᑲᓇᐃᔭᖅᑎᐅᓗᑎᑦ?

ᐃᖅᑲᓇᐃᔭᖅᑎᐅᓗᑎᑦ, ᑐᑭᓯᐅᒪᔭᕆᐊᖃᖅᐳᑎ ᒪᓕᒃᓗᒋᓪᓗ ᐊᑦᑕᖕᓇᖅᑕᐅᓕᒪᔾᔪᑏᑦ. ᐅᔾᔨᖅᓱᕐᓗᑎᑦ ᐅᓗᕆᐊᓇᕈᑕᐅᔪᓐᓇᖅᑐᓂᑦ ᐃᖅᑲᓇᐃᔭᕐᕕᖕᒥᑦ, ᐅᖃᐅᓯᕆᑲᐅᑎᒋᓗᒋᑦ ᓇᓗᓇᐃᖅᑕᐅᓯᒪᔪᑦ ᐅᓗᕆᐊᓇᖅᑐᑦ ᐊᖓᔪᖅᑳᖕᓄᑦ. ᖃᐅᔨᓇᓱᒃᐸᒡᓗᑎᑦ ᐱᕐᕈᓗᐊᕿᑦᑕᐃᓕᒪᔾᔪᑎᓂᑦ ᐅᓗᕆᐊᓇᖅᑐᖃᖁᓇᒍᓘᓐᓃᑦ ᐃᖅᑲᓇᐃᔭᕐᕕᖕᒥᑦ.

ᐋᓐᓂᕈᕕᑦ, ᑲᒪᒋᓗᒋᑦ. ᐊᑲᐅᓂᕐᓴᐅᓂᐊᖅᑐᑦ ᐃᓕᖕᓄᑦ ᖃᐅᔨᓵᓕᒍᕕᑦ ᐅᖃᐅᓯᕆᑲᐅᑎᒋᓗᒋᓪᓗ ᖃᓄᐃᓕᑐᐊᕈᕕ. ᖃᐅᔨᒪᔾᔪᑏᑦ ᖃᓄᐃᓐᓃᓪᓗ ᑭᖑᓂᐊᒍᑦ ᖃᓄᐃᓕᕈᑕᐅᔪᓐᓇᖕᒪᑕ ᐊᑯᓂᐊᔪᒧᑦ.

ᐃᖅᑲᐅᒪᓂᐊᖅᐳᑎᑦ ᑕᒪᒃᑯᐊ ᐅᕐᕈᐊᖅᓯᓃᑦ ᐱᓪᓗᐃᓃᓪᓗ ᔭᒐᐃᔾᔪᑕᐅᙱᑦᑐᓐᓇᖅᑐᑦ ᐃᑲᕐᕋᓂᑦ ᐃᖅᑲᓇᐃᔭᕐᕕᖕᓂᑦ. ᐃᖅᑲᓇᐃᔭᖅᑎᑦᑎᔨᖕᓄᑦ ᐅᖃᖃᑎᖃᕐᓗᑎᑦ ᖃᓄᐃᓕᐅᖔᕈᓐᓇᖕᒪᖔᑦ. ᐋᖅᑭᒋᐊᖅᓯᒪᔪᒥᑦ ᐊᓯᔾᔨᖅᑕᐅᖔᕈᓐᓇᖅᐳᓪᓘᓐᓃᑦ ᐱᓕᕆᐊᒃᓴᑎᑦ ᖃᓄᐃᑦᑐᓐᓃᖅᓯᕐᓗᑎᑦ.

ᑭᓲᖕᒪᑕᓕ ᐃᖅᑲᓇᐃᔭᖅᑎᑦᑎᔨᐅᑉ ᑲᒪᒋᔭᒃᓴᖏᑦ?

ᐊᑦᑕᖕᓇᖅᑕᐃᓕᒪᓂᖕᒧᑦ ᐅᑎᕐᕕᐅᔪᓐᓇᖅᑐᒥᒡᓗ ᐱᓕᕆᐊᖅᑕᖃᕐᓗᓯ.  ᐋᖅᑭᒋᐊᖅᓯᒪᔪᒥᑦ ᐊᓯᔾᔩᓂᕐᓘᓐᓃᑦ ᐱᓕᕆᐊᒃᓴᓂᑦ ᐊᑭᑭᓐᓂᕐᓴᐅᔪᓐᓇᖅᐳᖅ ᖃᓄᐃᑦᑐᓐᓃᕐᓗᑎᓪᓗ. ᐃᖅᑲᓇᐃᔭᖅᑎᑦᑎᔨᐅᑉ ᑲᒪᒋᕙᔾᔪᒃ ᐃᓕᓐᓂᐊᕐᑎᑦᑎᓂᐊᕐᓗᑎᒃ ᐅᔾᔨᖅᓱᕐᑎᓪᓗᓂᒋᓪᓗ ᐃᖅᑲᓇᐃᔭᖅᑎᖁᑎᖏᓐᓂᑦ ᑕᒪᒃᑯᓄᖓ ᐃᖅᑲᓇᐃᔮᓄᑦ ᐅᓗᕆᐊᓇᕈᑎᓂᑦ, ᖃᐅᔨᓇᓱᒡᓗᑎᒃᓗ ᓇᓗᓇᐃᔭᐃᓗᑎᒡᓗ ᐅᓗᕆᐊᓇᕈᑕᐅᒃᑲᓐᓂᖅᑐᓂᑦ ᐅᕐᕈᐊᖅᓯᔾᔪᑕᐅᓲᓂ ᐱᓪᓗᐃᔾᔪᑕᐅᓲᓂᒡᓗ. ᐃᖅᑲᓇᐃᔭᖅᑎᑦᑎᔨ ᖃᐅᔨᓴᐃᓐᓇᐅᔭᕆᐊᓕᒃ ᐃᖅᑲᓇᐃᔭᕐᕕᖕᒥᑦ ᑖᒃᑯᐊ ᐃᖅᑲᓇᐃᔭᖅᑏᑦ ᒪᓕᑦᑎᐊᕋᓗᐊᕆᐊᒃᓴᖏᓐᓂᑦ ᐊᑦᑕᖕᓇᖅᑕᐃᓕᒪᓂᖕᓂᑦ, ᐱᓕᕆᖃᑎᒋᓗᒋᓪᓗ ᐅᓗᕆᐊᓇᖅᑐᐃᔭᐃᓗᑎᒃ. ᐃᖅᑲᓇᐃᔭᖅᑎᑦᑎᔩᑦᑕᐅᖅ ᑕᒪᒃᑯᐊ ᐃᖅᑲᓇᐃᔭᖅᑎᖏᓐᓂᑦ ᐅᖃᐅᓯᖃᖅᓵᓕᑎᑦᑎᒐᓗᐊᕆᐊᒃᓴᖏᓐᓂᑦ ᖃᓄᐃᓐᓂᕆᔭᐅᔪᓂ ᐃᓱᒫᓘᑕᐅᔪᓂᒡᓘᓐᓃᑦ.

ᐃᖅᑲᓇᐃᔭᖅᑎ ᐋᓐᓂᐊᓯᐅᑎᓕᐊᕈᓂ, ᑐᒃᓯᕋᕐᓗᓂᓗ ᐊᐅᓚᔪᓐᓇᖕᓂᖕᒧᑦ ᑎᑎᕋᕐᕕᒃᓴᓂᑦ ᖃᐅᔨᓇᓱᒍᓐᓇᖁᓪᓗᑎᑦ ᓇᓕᐊᑦ ᐱᓕᕆᐊᒃᓴᐃᑦ ᐊᑦᑕᖕᓇᙱᒻᒪᖔᖏᓐᓂᑦ ᐃᖅᑲᓇᐃᔭᖅᑎᒧᑦ ᐱᓕᕆᐊᖑᓂᐊᕐᓗᓂ.

ᐱᐅᓛᖑᕗᖅ ᐊᑐᖃᑦᑕᖕᓂᐊᕐᓗᓂ ᕿᒥᕐᕈᓂᖕᓂᖅ ᐃᖅᑲᓇᐃᔭᕐᕕᖕᒥᑦ ᐊᑦᑕᖕᓇᖅᑕᐃᓕᒪᓂᖕᓂᑦ ᐅᑎᖕᓂᐊᕐᓂᖕᒧᓪᓗ ᐱᓕᕆᐊᒃᓴᓂᑦ ᑕᐃᒪᙵᑦ ᓄᑖᑐᐊᓅᖏᑦᑐᖅ ᐃᖅᑲᓇᐃᔭᖅᑎᑖᓵᓄᑦ, ᐃᖅᑲᓇᐃᔭᖅᑎᑐᖃᐅᔪᓄᓪᓗᑦᑕᐅᖅ − ᓄᑖᙳᕆᐊᖅᐸᒡᓗᒋᓪᓗ ᐱᔭᕆᐊᖃᓕᕌᖓᑦ. ᐱᓕᕆᖃᑎᒌᖕᓂᒃᑯᑦ, ᐃᖅᑲᓇᐃᕐᑎᑦᑎᔩᑦ ᐃᖅᑲᓇᐃᔭᖅᑏᓪᓗ ᐃᖅᑲᓇᐃᔭᕐᕕᖃᕈᓐᓇᖕᒪᑕ ᐊᑦᑕᖕᓇᙱᑦᑐᒥᑦ ᑕᒪᐃᓐᓄᑦ.

ᖃᓄᕐᓕ ᐅᕐᕈᐊᖅᓯᑦᑕᐃᓕᔪᓐᓇᕋᑦᑕ ᐱᓪᓗᐃᑦᑕᐃᓕᓗᑕᓘᓐᓃᑦ?
  • ᒥᒃᖠᒋᐊᕐᓗᒋᑦ ᐃᖅᑲᓇᐃᔭᖅᑎᑦ ᐱᓕᕆᐊᒧᑦ. ᖃᐅᔨᓴᕐᓗᒋᑦ ᓅᑦᑕᕆᐊᓕᒃᑎᑦ ᐊᐅᓚᕝᕕᐅᕙᒃᑐᓪᓘᓐᓃᑦ ᐱᓕᕆᓪᓗᑎᒃ, ᐸᖕᓇᒃᓯᒪᕙᒌᕐᓗᑎᒃ ᐊᒃᓱᕈᖅᑎᓗᐊᓕᙱᒃᑲᓗᐊᖕᒪᖔᑦ.
  • ᑐᐊᕕᙱᓪᓗᑎᑦ ᐱᓕᕆᐊᖕᓂᑦ ᐊᐅᓚᔾᔭᑳᓪᓚᖃᑦᑕᖕᓂᖅ ᐅᕐᕈᐊᖅᓯᓐᓇᖅᐳᑦ ᐱᓪᓗᐃᓐᓇᖅᖢᓂᓗ. ᑐᐊᕕᙱᓪᓗᑦ, ᐅᔾᔨᖅᓱᑦᑎᐊᕐᓗᑎᓪᓗ ᐊᕙᑎᖕᓂᑦ. ᖃᐅᒪᑦᑎᐊᕋᓗᐊᖕᒪᖔᓪᓗ ᐱᓕᕆᐊᖕᓂᑦ ᑕᐅᑐᒍᓐᓇᕐᓗᑎᑦ ᓇᒧᙵᐅᖕᒪᖔᓪᓘᓐᓃᑦ. ᖁᐃᑦᑖᖕᓇᖅᑐᑦ ᓇᓕᒧᒌᙱᑦᑐᓪᓘᓐᓃ ᖁᐃᔾᔪᑕᐅᕙᒃᐳᑦ, ᓈᓐᓇᖅᖢᑎᒡᓘᓐᓃᑦ ᐅᕐᕈᓐᓇᖅᖢᑎᒡᓘᓐᓃᑦ.
  • ᐊᑐᑦᑎᐊᕐᐸᒡᓗᒋᑦ ᓴᓇᕐᕈᑏᑦ ᐊᐅᓚᐅᑎᓖᓪᓗ ᐃᖅᑲᓇᐃᔭᕐᕕᖕᓂᑦ. ᐊᔭᐅᕈᑎᓂᑦ, ᑭᕕᒃᓯᔾᔪᑎᓂᒃ ᐊᐅᓚᐅᑎᓅᖅᑐᓂᒡᓗ ᐊᑐᕐᐸᒡᓗᑎᒃ ᐊᔪᕐᓇᙱᒃᑳᖓᑦ ᐅᕿᙱᑦᑐᓕᕆᓂᐊᕐᓗᑎᑦ. ᒪᔪᕋᐅᑎᑦ, ᐃᑯᕐᕋᐃᑦ, ᖁᒻᒧᒃᑕᕈᑎᓪᓗ ᐅᐃᒍᐃᓪᓗ ᓇᐸᔪᑦ ᐊᒃᓱᕈᖕᓇᓗᐊᕈᑕᐅᙱᓚᑦ, ᐱᓕᕆᐊᖕᓂᓪᓗ ᖃᒡᓕᕚᓪᓕᕈᓐᓇᖅᖢᑎᑦ. ᑲᑉᐳᔾᔭᖅᑐᒨᖅᑐᑦᒃ ᓴᓇᕐᕈᑏᑦ ᐊᒃᓱᕈᓗᐊᕈᑕᐅᙱᑦᑐᓐᓇᕆᕗᑦ.
  • ᐱᓕᕆᖃᑎᒌᒃᓗᓯ: ᐃᓄᑑᓗᑎᑦ ᑭᕕᒃᓯᓇᓱᒃᐸᙱᓪᓗᑎᑦ ᐊᖏᓗᐊᖅᑐᓂᒡᓗ ᐊᒡᔭᖅᓯᕙᙱᓪᓗᑎᒃ. ᐃᖅᑲᓇᐃᔭᖃᑎᖕᓄᑦ ᐃᑲᔪᖅᑕᐅᔪᒪᕙᒡᓗᑎᑦ. ᐃᒻᒥᓂᒃ ᐊᒡᔭᖅᓯᔭᕆᐊᖃᕈᕕᑦ, ᐅᖁᒪᐃᓗᐊᙱᑦᑐᒥᑦ ᐊᒡᔭᖅᓯᓗᑎᒃ ᑎᒦᑦ ᐋᖅᑭᑦᑎᐊᕐᓯᒪᓗᓂ ᑎᒥᖕᓄᑦ ᐊᒃᑐᐊᓗᑎᒃ ᐊᒃᓱᕈᓗᐊᖁᓇᒋᑦ ᓇᒡᒍᐊᑎᑦ.
  • ᓈᒻᒪᒃᑐᓂᑦ ᐊᑐᕆᐊᓕᖕᓂᑦ ᑲᒫᓗᒃᓯᒪᕙᒡᓗᑎᑦ ᐃᖅᑲᓇᐃᔭᕐᕕᖕᓂᑦ. ᐊᒡᒐᕕᑦ ᐃᒡᓗᐊ  ᕿᓱᓕᕆᙱᓪᓗᓂ ᐅᕐᕈᒋᐊᕈᕕᑦ ᐊᔭᑉᐸᒍᓐᓇᖁᓪᓗᑎᑦ. ᐃᖅᑲᓇᐃᔭᕈᕕᑦ ᐱᓱᑲᑕᖃᑦᑕᕆᐊᖃᕐᓗᑎᑦ ᓅᑲᑕᖃᑦᑕᕆᐊᖃᕐᓗᑎᓪᓘᓐᓃᑦ ᖁᐃᑦᑖᖕᓇᖅᑐᒃᑯᑦ ᒪᓴᒃᑯᓪᓘᓐᓃᑦ, ᐃᖅᑲᓇᐃᔭᖅᑎᑦᑎᔨᓯ ᐱᑖᕐᓯᒪᓗᑎᒃ ᖁᐃᑦᑖᔾᔭᐃᒃᑯᑎᒥᑦ ᖁᐃᖁᓇᒃ, ᓈᖁᓇᒃ ᐅᕐᕈᖁᓇᒡᓘᓐᓃᑦ. ᐊᓗᕐᓗᐃᔭᐅᑏᑦ ᐊᐅᒃᑕᔫᑦ ᖁᐃᑦᑖᓗᐊᖕᓇᙱᓚᑦ, ᐃᓕᔭᒃᓴᐅᓪᓗᑎᒡᓗ.
  • ᓴᓗᒪᐃᓐᓇᖃᑦᑕᕐᓗᑎᒃ ᐃᖅᑲᓇᐃᔭᕐᕕᖕᒥᑦ. ᐊᒡᕕᐊᖅᑐᖃᙱᓪᓗᓂ, ᓴᓗᒻᒪᖅᓴᑲᐅᑎᒋᕙᒡᓗᒋᑦ ᑯᕕᓯᒪᔪᑦ ᑕᑯᑐᐊᕌᖓᔅᓯ. ᒪᑐᓗᒋᑦ ᓴᐳᒻᒥᓗᒋᓪᓗ ᓱᕋᒃᓯᒪᔪᑦ ᐅᐊᔭᐃᑦ ᑲᐳᔾᔭᖅᑐᐃᓪᓗ ᐱᓱᒡᕕᐅᓲᓂᑦ.
  • ᖃᓄᐃᙱᑦᑎᐊᕐᓗᓯ, ᐃᖃᐃᓕᓴᖅᐸᒌᖅᐸᒡᓗᓯ ᑎᒥᓯ ᐊᑐᖕᓂᐊᕌᖓᔅᓯᐅᒃ ᖃᓱᓴᖁᓪᓗᒋᑦ ᓄᑭᑎᑦ ᐊᐅᓚᔪᓐᓇᑦᑎᐊᖁᓪᓗᑎᑦ ᓇᒡᒍᐊᑎᑦ. ᓄᖅᑲᖓᓚᐅᑳᕐᔪᒃᐸᒡᓗᑎᑦ ᑎᒦᑦ ᐅᑎᑦᑎᐊᖁᓪᓗᒍ.
ᐅᕐᕈᐊᖅᓯᓃᑦ ᐱᓪᓗᐃᓃᓪᓗ ᐊᑐᙱᑦᑐᓐᓇᖅᐳᑦ.  ᖃᓄᐃᓕᐅᑦᑎᐊᕐᓗᑎᑦ ᐊᑦᑕᖕᓇᖅᑐᒦᖁᓇᒃ ᖃᓄᐃᙱᑦᑎᐊᕐᓗᑎᓪᓗ ᐃᖅᑲᓇᐃᔭᕐᕕᖕᒥᑦ.  ᑐᑭᓯᒋᐊᒃᓴᓐᓂᕈᒪᒍᕕᑦ, ᐃᑭᐊᖅᑭᕕᖕᒧᐊᕐᓗᑎᑦ ᐅᕗᖓ  wscc.nt.ca ᒧᑦ wscc.nu.caᒧᓪᓘᓐᓃᑦ ᑕᑯᓇᒡᓗᒋᑦ ᒪᓕᒋᐊᓕᕗᑦ ᐱᓕᕆᔾᔪᓯᖕᓄᑦ, ᐅᓗᕆᐊᓇᖅᑐᓄᑦ ᐅᔾᔨᕈᓱᒋᐊᕈᑏᑦ, ᐊᑦᑕᖕᓇᖅᑕᐃᓕᒪᓂᖕᒧᑦ ᑐᓴᒐᒃᓴᐃᑦ ᓴᓂᐊᓄᐊᖅᑕᐅᓲᓂᒡᓗ.
ᐊᐱᖅᑯᑏᑦ?

ᐊᐱᖅᑯᑎᖃᕈᕕᑦ ᐅᕙᓘᓃᑦ ᐅᖃᐅᓯᒃᓴᓂᒃ ᐅᕙᑉᑎᖕᓄᑦ ᐱᔾᔪᑎᓕᖕᒥᑦ WSCC-ᑯᓐᓄᑦ ᐊᑦᑕᑕᕐᓂᖅ-ᒥᒃ, ᖃᕆᑕᐅᔭᒃᑯᑦ ᑎᑎᕋᕐᕕᒋᓗᑕ ᐅᕗᖓ info@wscc.nt.ca-ᒧᑦ ᐅᕙᓘᓃᑦ info@wscc.nu.ca-ᒧᑦ.
 
wscc.nt.ca   /  1.800.661.0792   *   wscc.nu.ca  /  1.877.404.4407