HIKUTILIKVIANI 2015
ATUQTUGHAMI TATQIQHIUNMIT: QILUQQITTUT NUKIKLIUQTUT
ILITAQHINIQ QILUQQITTAILINIQLU, NUKIKLIUQTAILINIQ, NUKIRUAQTULLU

$286,000-taalait: taimaa qiluqqittihimayut, nukikliuqtut, nukiruaqtullu aanniutit akittuutivaktut Ukiuqtaqtumiut havakviinut taapkununngalu Nunattiami Nunavunmilu Havaktit Ikayuutainut tatqiqhiunmik atauhirmik September-mi!
 
Qiluqqittiyut nukiruaqtullu aanniutit havaktailitjutauvaktut havaktinut tamaat Nunattiami Nunavunmilu. Tatqiqhiutimi atuqtughami tuhaayaghanit SafetyNet-mi, ihumagilluaqniaqtaqqut hapkua:
  • Qanuq qiluqqittivaktut, nukikliuqtivaktut, nukiruaqpaktullu; 
  • Ilittuqhitit qauhimagilugit; 
  • Qanuriliulaaqqit Havaktitut; 
  • Qanuriliulaaqqit Havakviktut; imaalu 
  • Qanuq qiluqqittailivagiat nukikliuqtailivagiaqlu.
2016-MI QAUYIHAUTIT AKILIUGAGHANUT
HAVAKVIIT QAUYIHAUTAIT AKILIUGAGHANUT TUNIYAUNIAQQUT WSCC CONNECT-KUT

Taimainmiyuq ukiuq: havakviit qauyihautait akiliugaghanut tikinmiyut. Havakviit titiraaghaqniaqtut titiraqaqviinit November atulihaaqqat naunaitkutaqarlutik ilikkut akiliugaghainik. Ukiuq tamaat, Ataniqtuqtuiyut Katimayiit ilikkuuqtuqlu qauyihaiyi akiliktaghanik iniriiqhimayuktut ilikkuuqtullu akiliqtaghainik tamangnut avighimayunut.

Ukiumi atuqtumi, Akiliqtaghanut Maliktaghat hailiyauniaqtut WSCC Connect-kut. Nutaanik ikayuutikkut e-Business-mik, havakviit takuinnariaqaqniat atuqtauyunik utuqqarniklu qauyihautinik akiliqtaghanut taapkualu WSCC-kut akiliqtaghanut maligaghat. Naunaitkutat tautugiami, naqillugu WSCC Connect-kut naqittautaa hivulliqmi makpiraqmi, naqilluguluuniit hamna.
NAUNAITKUTAT ASBESTOS-MIK
QAUHIMATTIAQHIMALUHI. HULIYUQAQTAILILUHI.

Unipkaaqtaugaangat asbestos quiliqtahuliqpaktugut, kihimi havakvingnit aanniarutit tuqunnaqtullu asbestos-mit aktuqtautillug pittailiinnarialgit. Aanniarutit ilitturinnaqhivaktut ilaani havaktit amiqhiyuinnamik hivuanit, hivitunialu aanniarut nuivalliatjutaat asbestos-mit (20-nik 40-nikluuniit ukiunik). Uplumi, amihuuyut havauhiit amirnaiyainirmut asbestos-mik havakvingnit havaktinullu.

Havakpakpit, havaghimavilluuniit, hapkunani hannavingnit?
  • Hanayunik Ikluqpaghanik Ahiqquiyaiyuniklu, hapkuatut:
    • Kaamnitut
    • Ikluqpaliuqtut 
    • Uqquuqutingnik Iliurainiqmik
    • Tuqhualiqiyit
    • Qilaaliqtuiyut
    • Umialiuqtut
    • Aannuraaliuqtit
  • Halummaqtiriyut Iqqakuliqiyillu Havaktitut
Taimaitpat, ilihimattiaqtughat qauhimattiaqluhilu qanuq ilingnik ahiniklu amiriinnarialik. Apirilugit havakvitit hapkuninnga malruk apiqhuutinik havagiaqtinnatit amirnarahuqquuqpat asbestos ilingnut havaqatingnullu:

Qanuq utuqqauva ikluqpak aimavikluuniit?
  • Hanayauhimayut ikluqpait 1990-nguqtinnagu ihivriuqtauyughat asbestos-mik iluliqariaghainik hanatjutinit. Asbestos taamna amirnaqtuq atuqtauhuiqpalliayuq 1990-mi, hamani Ukiuqtaqtumi, amihuuyut kihimi hanayaghat ahu nunallaarniighaaqtut.
  • Hanayautinnagu hanayaghaq, hanatjutighat kititauqulugit ilihimattiaqtumiklu ihivriuqtauqulugit asbestos-qariaghainik. Ilangi hanatjutit asbestos-mik iluliqaqpangniat hapkua:
    • Qilaaliqtuutit hanatjutit;
    • Minguutit;
    • Natighat (taapkuatut qipliqtut natighat, iluittut qipliqtut natighat, hunallu);
    • Avguqhimayut qilaaghat;
    • Marlukpaluktut (taapkuatut qakuqtat qiqhuktut ikluqpait ilulighait), taapkualu qakuqtat atatarutighait;
    • Uqquuqutighat;
    • Uqquuqutighait tughutjat imautingnit uunaqutingniklu; hapkualu
    • Uyarakpalungnit tuqhutjat (transite-nik ahiillu asbestos-nik ilulilgit).
  • Ilihaqhimayumik ilihimattiaqtumik ihivriuqtiqarlutit hanatinnatik.
Ilihaqhimavik, qauhimattiaqqik, amirnaiyainiqmullu hanalrutiqaqqik (PPE) aktuqtauttailitjutighanik asbestos-mit?
  • Tamangnik havaktit ilihaqhimayughat qanuq amiqhiniqmik asbestos-mit.
  • Ihuaqtunik PPE-nik havauhiqaqtughat asbestos-mik ahivaiyaami:
    • Avvainnaanik kiinaqmullu tamaat aniqhaarutinik P100-mik aniqhaaktuutiqarluni;
    • Tyvek-mik qipliqtumik aannuraanik;
    • Ulapangnik anniqpaangnik; hapkualu
    • Algaak.
Puiguqtaililutit, asbestos amirnaqhilaaqtuq havaktinut, kihimi hanaqiniqmut havauhiqattiaqqat, ilihaqhimaguffi, PPE-nik, amiqhiguffi aanniqtailipluhilu, aktuqtauttailinnaqtut.

Naunaittiarumaguffi, takulugu taamna Asbestos-mik Ilulingnik Havauhiit (Asbestos Abatement Code of Practice) qaritauyakkuurutinit.
HUNA NUTAANGUVA
WSCC-KUT MAKPIRAALIUGAINIT NAUNAITTUGHAT

Nutaaq Havauhinut Maliktaghat - Havagiatqiktunut

WSCC-kut takupkaqtittihaaqtut nutaamik Havauhinut Maligaghanik Havagiatqiktunut, atuqtitauliqtut September 30-mi. Havauhighanit ilittuqhitivaktuq maligaliuqhimayunit Havagiatqingniqmut, atuqhugu taamna Havakviit Maligaghait Havagiatqingniqmut, havauhighalik qanuq aullaqtittiyaigut hivumuuqtitpalliavaktuq havaktip nakuuhittirnianik.

Talvuuna Havagiatqiktughanut Aullaqtihimayainut, havakviit havaktillu ilittuqhiniaqqut havaaghalluanik aallaniklu havaaghanik ihuaqtut amirnaittullu aanniqhimayumut havaktimut havaqatigiplugillu havaqatait. Takulugu qaritauyakkuurutit Havagiatqiktunut Havauhinut Maliktaghat (Return to Work Code of Practice).
UQHUQYUANUT KAASILIINULLU TITIRAQ QAUHIMATJUTINUT

September 30-mi, Havakviat Aulapkaiyit Uqhuqyuanut Kaassiliinullu atiliqhimayut Titiraqmik Qauhimatjutinik (MOU) taapkualu WSCC-kut. Taamna MOU tunngaviuyuq havaqatigiingniqmut aanniqtailiniqmut havakvingnit ilihainiqmiklu havaktinik, parnaiyaiplutik ihivriuqtaghanik, kiuhiplutiklu irininaqtunik. Ataagut hapkua qauhimatjutinit, tamangnik ilauyut havaqatigiingniqmut angiqhimayut alruyaqtuqtunik ayuitainik ilittuqhitiniqmut, aulapkainiqmut naunaitkutinik, havauhittianiklu, parnaiyainiqmiklu katimavighainik inuit ilitturihimapkaqhugit amirnaqtunik aanniqtailiniqmullu huliyainut havaaghainullu uqhuqyuanut kaassiliinullu.

Taiguariami MOU-nik, naqillugu hamna.
AYUNNGITAIT KANATA: HAKUGIGHAQLUTIT!

Taitai huli, WSCC-kut ilaunahuat aulayughamit malrungnik uplunik Hakugighaqlutit! (Power Up!) Inulrammiit Katimayiinit aullaqtitauhimayuq taapkuninnga Ayunngitait Kanata Nunattiami ilihaqtunillu Grade 8-mi Yellowknife-mi. Hakugighaqlutit! (Power Up!) ilihaqtittiniaqtut ilihaqtunik havaaghanut angmaumayunik, atauttikkut WSCC-kut ilittuqhitivangniat nutaanut havaktighanut havakvingnullu aanniqtailiniqmut pilaarutainik havaaghainiklu. WSCC-kut katimapkaqtaigut ilittuqhitivangniat qauhimattiarniqmik, aanniqtailiniqmik, pittailiniqmiklu, ilihaqtuniklu ilitturipkaivangniat havaaghanik Aanniqtailiniqmut Titiraqtiuyutut.

Taamna 2015-mi Hakugighaqlutit! (Power Up!) Inulrammiit Katimayiit katimanahuat November 12-mit 13-mut. Takulugu taamna Ayunngitait Kanata Nunattiami qaritauyakkuurutait naunaittiarumaguffi katimayinik aullaqtihimayainiklu.
NUNANIK QAUYIHAIYUT KATIMAVIAT 2015
PULAAQLUGU WSCC-KUT NAUNAIQHITIVIAT

Tatqiqhiutit titiraqlugu: 43-nguqtuq Ukiuq Tamaat Yellowknife-mi Nunanik Qauyihaiyut Katimanahuat pingahunik uplunik November 24-mit 26-mut talvani Ed Jeske Quahiyaqvianit Yellowknife-mi. Havaqatigiighutik taapkua Nunattiaqmi Nunavunmilu Katimayiit Uyaraghiuqtinut, Kavamatkut Nunattiami Havakviat Hannaviit, Pulaaqtaqtit, Manighiurniqmullu, imaa ukiuq tamaat katimagaangamik inugiatqiyauvaktuq uyaraghiuqtunik uqhuqyuaqhiuqtuniklu havakvingnllu takupkaqtittiyut Nunattiami. Takuyumayaffi talvani!
MALIGAGHANIK AALLANNGUQTIRIYUT

Ataniqtuqtuiyut Katimayiit ihivriuqhivaktut angiqhugillu hapkua maligaghait September 2015-mi katimagamik:
  • Maligaghaq 00.06, Pingahuat Ilauyunut Huliyait
  • Maligaghaq 10.02, Havaktinik Munaqhiniqmut Manighait (hivuani Manighaqhiurniqmut Maligaghauyuq)
Takulugu taamna WSCC-kut Maligaghanut Makpiraaq takuyaami tamangnik WSCC-kut maligaghait.
ILIHAQTAGHANUT IKAYUUTIT
AANNIQTAILINIQMUT ILIHAQTAGHAT 

WSCC-kut, havaqatikpullu NTFL-mi, NSA-mi, Ukiuqtaqtumilu Kiuhiyut Kanatami, ilihaqtittivaktut havakvingnit aanniqtailiniqmut qauhimattiarniqmullu. Naunaiqhimaluhi ilihaqvighanik pulaaqlugit atatarutit ataani.
 
Ukiuqtaqtumi Aanniqtailiniqmut Katimayiit - takulugit tamaita titiraqhimayut ayuiqhaqvighat ilihaqvighallu hamani.
 
Ukiuqtaqtumi Aviktuqhimayut Katimayiit Havaktinik - takulugit ilihaqtitaghait hamani.
 
Ukiuqtaqtumi Kiuhiyut Kanatami - ilittuqhailugit ilihaqtitaghait hamani.
 
Angiqtauhimayunik ilihaqtittiyinik naunairumaguffi Havakvianit Aanniaqtailiniqmut Aanniqtailiniqmullu Ilihaiyinik, naqillugu hamna.
HAVAKVIIT UMIGHIMAVIGHAIT

Puiguqtailivighaq Upluq (Remembrance Day) - November 11, 2015 (Nunattiami Nunavunmilu havakviit umighimanahuat)
 
Aanniqtuqarluaqqat havakvingnit, huliyuqarniqqat, huiqtuqarniqqallu, hivayaqlugu Huliyuqaqtunut Hivayaqvighait talvani 1-800-661-0792.
wscc.nt.ca   /  1.800.661.0792   *   wscc.nu.ca  /  1.877.404.4407