ᐆᑦᑑᕝᕙ 2015
ᑕᖅᑭᒋᓛᖅᑕᑎᓐᓂᑦ: ᓄᓱᑦᓯᓂᖅ ᐊᑦᓱᕈᓐᓇᖅᑐᓂᓪᓗ
ᐃᓕᑕᖅᓯᓂᖅ ᓄᖅᑲᖓᑎᑦᓯᓂᓪᓗ ᓄᓱᑦᓯᓂᖅᓂᑦ ᐊᑦᓱᕈᓐᓇᖅᑐᓂᓪᓗ, ᖁᕐᕕᐅᓂᕐᓂᓪᓗ

$286,000: ᑕᒪᓐᓇ ᓄᓱᑦᓯᓂᖅ, ᐊᑦᓱᕈᓐᓇᓂᖅ, ᐋᓐᓂᕐᓂᐅᔪᐃᓪᓗ ᐊᑭᖃᖅᑐᑦ ᐅᑭᐅᖅᑕᖅᑐᒥ ᐃᖅᑲᓇᐃᔭᖅᑎᑦᓯᔨᓄᑦ ᓄᓇᑦᓯᐊᒥᑦ ᓄᓇᕗᒻᒥᓪᓗ ᐃᖅᑲᓇᐃᔭᖅᑎᓄᑦ ᓇᓪᓕᐅᒃᑯᒫᓄᑦ ᐊᑐᖅᑕᐅᕙᑦᑐᒧᑦ ᑕᖅᑭᑐᐃᓐᓇᖓᓂᑦ ᓯᑦᑎᒻᕙᐅᑉ!
 
ᓄᓱᑦᓯᓂᖅ ᐊᑦᓱᕈᓐᓇᖅᑐᓂᓪᓗ ᐋᓐᓂᕐᓂᐅᔪᑦ ᐱᔾᔪᑕᐅᓗᐊᖅᑐᑦ ᐊᓯᐅᔨᓂᕐᒥᑦ ᐋᓐᓂᕐᓂᕐᒧᑦ ᐃᖅᑲᓇᐃᔭᖅᑎᓄᑦ ᓄᓇᑦᓯᐊᓕᒫᒥᑦ ᓄᓇᕗᒻᒥᓪᓗ. ᑕᖅᑭᕆᓛᖅᑕᑎᓐᓂᑦ ᐊᑦᑕᕐᓇᖅᑕᐃᓕᒪᓕᕆᓂᐊᖅᑐᒍᑦ, ᓵᖓᓂᐊᖅᑕᕗᑦ:
  • ᓱᓇᐃᑦ ᐱᔾᔪᑕᐅᕙᑦ ᓄᓱᑦᓯᓂᕐᒧᑦ, ᐊᑦᓱᕈᓐᓂᕐᒧᑦ, ᐊᓕᓐᓂᐊᔪᓪᓗ; 
  • ᖃᓄᐃᔾᔪᑏᑦ ᐃᑉᐱᒋᒋᐊᓖᑦ: 
  • ᖃᓄᐃᓕᐅᕆᐊᖃᕐᓂᕐᒥᑦ ᐃᖅᑲᓇᐃᔭᖅᑎᐅᓗᓂ; 
  • ᖃᓄᐃᓕᐅᕆᐊᖃᕐᓂᕐᒥᑦ ᐃᖅᑲᓇᐃᔭᖅᑎᑦᓯᔨᐅᓗᓂ; ᐊᒻᒪᓗ 
  • ᖃᓄᖅ ᓄᖅᑲᖓᑎᑦᓯᓂᕐᒥᑦ ᓄᓱᑦᓯᓂᕐᒥᑦ ᐊᑦᓱᕈᓐᓇᖅᑐᓂᓪᓗ ᐋᓐᓂᕐᓂᕐᒧᑦ.
     
2016 ᓇᓪᓕᐅᒃᑯᒫᓂᑦ ᐊᑭᓖᔾᔪᑏᑦ
ᐃᖅᑲᓇᐃᔭᖅᑎᓄᑦ ᓇᓪᓕᐅᒃᑯᒫᓂᑦ ᐊᑭᓖᔾᔪᑏᑦ ᑎᑭᓐᓂᐊᖅᑐᑦ WSCC CONNECT

ᒫᓐᓇ ᑕᐃᒪ ᓇᓪᓕᐅᑎᒥᒻᒪᑦ: ᐃᖅᑲᓇᐃᔭᖅᑎᓄᑦ ᓇᓪᓕᐅᒃᑯᒫᓂᑦ ᐊᑭᓖᔾᔪᑏᑦ ᐱᑕᖃᓕᕆᕗᑦ. ᐃᖅᑲᓇᐃᔭᖅᑎᑦᓯᔩᑦ ᑎᑎᖅᑲᐅᓯᐊᕐᓂᐊᖅᑐᑦ ᑎᑎᖅᑲᓂᐊᕐᕕᒃᑯᑦ ᐱᒋᐊᖓᕐᓂᖓᓂᑦ ᓅᕙᐃᒻᕙᒥ ᓇᓗᓇᐃᔭᐃᔪᓂᑦ ᐊᑐᓂᑦ ᐊᑭᓖᔾᔪᑎᓂᑦ. ᐊᕐᕌᒍᑕᒫᑦ, ᐊᐅᓚᑦᓯᔩᑦ ᑲᑎᒪᔨᖏᑦ ᓇᒻᒥᓂᖅᓱᖅᑐᓪᓗ ᐊᑭᖏᑦ ᐋᖅᑭᑦᑕᐅᒪᔪᑦ ᐊᕕᑦᑐᖅᓯᒪᔪᓂᑦ ᖃᐅᔨᓴᖅᑕᐅᓂᕐᒧᑦ ᐊᑭᖏᑦ ᐊᑐᓂᓪᓗ ᐊᑭᓖᔾᔪᑏᑦ ᐊᒡᒍᖅᓯᒪᓂᖏᑦ.

ᑕᕝᕙᓂ ᐊᕐᕌᒍᒻᒥᑦ, ᐊᑭᖏᓐᓄᑦ ᐊᑐᐊᒐᐃᑦ ᐊᑐᐃᓐᓇᐅᓂᐊᖅᑐᑦ ᐊᖅᑯᑕᐅᓗᓂ WSCC Connect. ᐊᖅᑯᑕᐅᓗᓂ ᑖᓐᓇ ᐱᕙᓪᓕᐊᔭᐅᓂᖏᓐᓄᑦ ᖃᕆᑕᐅᔭᒃᑯᑦ ᐱᔨᑦᓯᕋᕐᓂᕐᒥᑦ, ᐃᖅᑲᓇᐃᔭᖅᑎᑦᓯᔩᑦ ᕿᒥᕐᕈᒍᓐᓇᖅᑐᑦ ᒫᓐᓇᐅᔪᖅ ᖃᐅᔨᓴᖅᑕᐅᖃᑦᑕᕈᑎᒥᓂᕐᓂᓪᓗ ᐊᑭᖏᓐᓂᑦ ᐊᒻᒪ ᐃᖅᑲᓇᐃᔭᖅᑎᓄᑦ ᐊᑦᑕᓐᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᒃᑯᑦ ᐃᓘᓐᓇᒍᑦ ᐊᑭᖏᓐᓄᑦ ᐊᑐᐊᒐᐃᑦ. ᐱᔭᑦᓴᐅᑦᓱᓂ ᑖᓐᓇ ᑐᑭᓯᐅᒪᔾᔪᑏᑦ, ᓇᕿᓪᓗᒍ WSCC Connect ᐃᑭᐊᖅᑭᕕᐅᑉ ᐱᒋᐊᕐᕕᖓᓂ, ᓇᕿᓪᓗᒍᓘᓐᓃᑦ.
ᐃᑭᔪᐊᑦᑐᐃᑦ ᒥᑦᓵᓄᑦ
ᐅᔾᔨᕈᓱᐃᓐᓇᕆᑦ, ᐱᓕᒻᒪᑦᓴᕆᑦ ᓄᖅᑲᖓᑎᑦᓯᓂᕐᒥᑦ.

ᐅᖃᐅᓯᖃᕐᓂᖅ ᐃᑭᔪᐃᑦᑐᓂ ᑲᑉᐱᐊᓱᓐᓂᖅᒦᑦᑎᓂᐅᕗᖅ ᐅᕙᑦᑎᓐᓄᑦ, ᑭᓯᐊᓂ ᐃᖅᑲᓇᐃᔭᕐᕕᒻᒥᑦ ᖃᓂᒪᓐᓇᐃᑦ ᐃᓅᕈᓐᓃᕈᑕᐅᔪᓪᓗ ᐊᑦᑐᐊᓂᓖᑦ ᐃᑭᔪᐃᑦᑐᓂᑦ ᓴᖅᑭᔮᕐᓂᕐᒧᑦ ᓄᖅᑲᖓᑎᑕᐅᒍᓐᓇᖅᑐᑦ. ᖃᓄᐃᓐᓂᐅᔪᓂᑦ ᐊᓚᒃᑲᖅᑎᖃᑦᑕᕐᓂᖏᓐᓂᑦ ᓇᒻᒥᓂᖅ ᐱᔾᔪᑎᒋᑦᓱᒍ ᐱᑕᖃᑦᓯᐊᖏᓐᓂᖓᓄᑦ ᐃᖅᑲᓇᐃᔭᖅᑎᓄᑦ ᓴᐳᔾᔨᓂᕐᒥᑦ ᐱᓕᕆᐊᓂᑦ ᐊᓂᒍᖅᓯᒪᔪᓂᑦ, ᐊᑯᓂᑦ ᖃᐅᔨᔭᐅᓇᓵᕈᑕᐅᓯᒪᓂᖏᓐᓄᑦ ᐃᑭᔪᐃᑦᑐᓂ−ᐊᑦᑐᓂᓕᓐᓂᑦ ᖃᓂᒪᓐᓇᕐᓂᑦ (20-40 ᐊᕐᕌᒍᐃᑦ). ᐅᓪᓗᒥ, ᐊᒥᓲᒐᓗᐊᕐᒪᑕ ᓄᑦᑲᖓᑎᑦᔨᔾᔪᑏᑦ ᐃᖅᑲᓇᐃᔭᖅᑎᑦᓯᔩᑦ ᐃᖅᑲᓇᐃᔭᖅᑏᓪᓗ ᓇᓗᓇᐃᖅᓯᒍᓐᓇᖅᑐᖅ ᐃᑭᔪᐃᑦᑐᖃᖏᓂᕐᒥᑦ ᐃᖅᑲᓇᐃᔭᕐᕕᓐᓂᑦ.

ᐃᖅᑲᓇᐃᔭᖅᑮᑦ, ᐃᖅᑲᓇᐃᔭᖅᓯᒪᕕᓪᓘᓐᓃᑦ ᑖᒃᑯᓇᓂ ᐱᓕᕆᕝᕕᐅᔪᓂᑦ?
  • ᐃᓪᓗᐃᑦ ᓴᓇᔭᐅᔪᑦ ᓄᑖᙳᕆᐊᖅᑕᐅᔪᐃᓪᓘᓐᓃᑦ ᐃᓚᒋᔭᐅᑦᓱᑎᒃ:
    • ᕿᔪᓕᕆᓂᖅ
    • ᓴᓇᓂᕐᒧᑦ ᐃᖅᑲᓇᐃᔮᑦ
    • ᐃᑭᐊᖅᑎᕆᓂᕐᒧᑦ ᐋᖅᑭᑦᓱᐃᓂᖅ
    • ᓱᓪᓗᓕᕆᓂᖅ
    • ᖄᓕᐅᕐᓂᖅ
    • ᐅᒥᐊᕐᔪᐊᓕᐅᕐᓂᖅ
    • ᐋᖅᑭᒪᔪᓕᐅᕐᓂᖅ
  • ᓴᓗᒻᒪᖅᓴᐃᓂᖅ ᐊᑦᑕᑯᓂᓪᓗ ᐊᐅᓚᑦᓯᓂᖅ
ᑕᐃᒪᐃᑉᐸᑦ, ᐱᒻᒪᕆᐅᕗᖅ ᐅᔾᔨᕈᓱᒋᐊᖃᕐᓂᕐᒥᑦ ᑐᑭᓯᐅᒪᓂᕐᒥᓪᓗ ᖃᓄᖅ ᓇᒻᒥᓂᖅ ᓴᐳᔾᔨᒍᓐᓇᓂᕐᒥᑦ ᐊᓯᓂᓪᓗ. ᐊᐱᕆᓗᒍ ᐃᖅᑲᓇᐃᔭᖅᑎᑦᓯᔩᑦ ᑖᒃᑯᓃᖓ ᒪᕐᕉᓐᓂᑦ ᐱᒻᒪᕆᐅᔫᓐᓂᒃ ᐊᐱᖅᑯᑏᓐᓂᑦ ᐱᒋᐊᓚᐅᖏᓐᓂᕐᓂᑦ ᐃᖅᑲᓇᐃᔮᕐᓂᑦ ᓴᖅᑭᔮᖅᕕᐅᑐᐃᓐᓇᕆᐊᖃᕐᓂᓐᓄᑦ ᐃᖅᑲᓇᐃᔭᖃᑏᓪᓗ ᐃᑭᔪᐃᑦᑐᓄᑦ:

ᖃᓄᑎᒋ ᐱᑐᖃᐅᕙ ᐃᓪᓗ ᐊᖏᕐᕋᕆᔭᕐᓘᓐᓃᑦ?
  • ᓴᓇᔭᐅᓯᒪᔪᑦ ᐃᓪᓗᐃᑦ 1990-ᖑᓚᐅᖅᑎᓐᓇᒍ ᖃᐅᔨᓴᒐᑦᓴᓂᑦ ᐱᕕᐅᑐᐃᓐᓇᕆᐅᓖᑦ ᐃᑭᔪᐃᐊᑦᓄᑦ ᐱᑕᖃᑐᐃᓐᓇᕆᐊᓕᓐᓄᑦ. ᐊᑐᕐᓂᖅ ᐃᑭᔪᐃᑦᑐᓂᑦ ᐊᑐᕈᓐᓃᕐᓂᐊᓕᖅᑎᓪᓗᒋᑦ 1990-ᒥ, ᑕᒫᓂ ᐅᑭᐅᖅᑕᖅᑐᒥ, ᑲᑎᑕᐅᓯᒪᔪᓂᑦ ᐃᓪᓗᓕᕆᕈᑎᓂᑦ ᓄᓇᓕᓐᓃᖐᑦᓯᒪᔪᖃᑐᐃᓐᓇᕆᐊᓕᒃ.
  • ᐱᒋᐊᓚᐅᖅᑎᓐᓇᒋᑦ ᐱᓕᕆᐊᖑᔪᑦ, ᑐᑦᓯᕋᕆᑦ ᓈᓴᖅᓯᒪᔪᓂᑦ ᐃᓪᓗᓕᐅᕈᑎᓂᑦ ᖃᐅᔨᒪᓂᖃᖅᑐᒥᓪᓗ ᑲᒪᒋᔭᖃᖁᔨᓂᕐᒥᑦ ᖃᐅᔨᓴᕐᓂᕐᒥᑦ ᐃᑭᔪᐃᑦᑐᓂᑦ. ᐃᓚᖏᑦ ᐃᓪᓗᓕᐅᕈᑏᑦ ᐃᓚᒋᔭᖃᑐᐃᓐᓇᕆᐊᓖᑦ ᐃᑭᔪᐃᑦᑐᓂᑦ ᐅᑯᐊᖑᕗᑦ:
    • ᖄᓕᐅᕈᑏᑦ;
    • ᐅᒃᓯᒃᓴᐅᑏᑦ;
    • ᓇᑎᓕᐅᕈᑏᑦ (ᓲᕐᓗ ᕙᐃᓄ ᓇᑎᓕᐅᕈᑏᑦ, ᓕᕉᓕᐊᒻ ᓇᑎᓕᐅᕈᑏᑦ, ᐊᓯᖏᓪᓗ);
    • ᐊᑰᔅᑎᒃ ᖁᓛᓕᐅᕈᑏᑦ;
    • ᕿᔪᐃᑦ, ᑎᓯᑦᑎᕈᑏᑦ (ᓲᕐᓗ ᐊᑭᓐᓇᓕᐅᖅᐸᓪᓕᐊᕈᑏᑦ, ᐊᑭᓐᓇᓕᐅᕈᑏᑦ, ᖁᓛᓕᐅᕈᑏᑦ), ᐊᒻᒪᓗ ᐊᑭᓐᓇᓕᐅᕈᑏᑦ ᑲᑎᙵᐅᖅᑐᑦ;
    • ᐃᑭᐊᖅᑎᕆᓂᕐᒧᑦ ᕘᒥᑭᐅᓪᓚᐃᑦᓗ;
    • ᐃᑭᐊᖅᑎᕆᓂᕐᒧᑦ ᐊᕙᓗᓕᐅᕐᓂᕐᒥᑦ ᐃᒪᕐᒧᑦ ᓱᓪᓗᓕᓐᓂᓪᓗ ᐆᓇᖅᑐᓂᑦ; ᐊᒻᒪᓗ
    • ᖁᐊᖅᑕᔫᓖᑦ ᓱᓪᓗᓖᑦ (ᓲᕐᓗ ᑐᕌᓐᓴᐃᑦ ᐊᒻᒪᓗ ᐊᓯᖏᑦ ᐃᑭᔪᐃᑦᑐᓖᑦ−ᖁᐊᖅᑎᑕᒐᐃᑦ).
  • ᓇᓂᓯᓗᑎᑦ ᐱᔪᓐᓇᐅᑎᓕᒻᒥᑦ ᐃᓄᒻᒥᑦ ᖃᐅᔨᓴᒐᒃᓴᓂᑦ ᐱᒍᓐᓇᖅᑐᒥᑦ ᐱᒋᐊᓚᐅᖏᓐᓂᖓᓂᑦ ᐃᖅᑲᓇᐃᔮᖅ.
ᐃᓕᓐᓂᐊᕐᓯᒪᕗᖔ, ᖃᐅᔨᒪᓂᖃᖅᑯᖔ, ᓇᒻᒥᓂᕐᓗ ᓴᐳᔾᔨᓂᕐᒧᑦ ᐱᖁᑎᖃᖅᑯᖔ (PPE) ᓵᖅᑭᔮᖅᑎᑕᐅᖏᓐᓂᕐᒧᑦ ᐃᑭᔪᐃᑦᑐᓄᑦ?
  • ᐃᖅᑲᓇᐃᔭᖅᑎᓕᒫᑦ ᐃᓕᓐᓂᐊᕐᑎᑕᐅᓯᒪᒋᐊᓖᑦ ᖃᓄᖅ ᓴᐳᔾᔨᒍᓐᓇᓂᕐᒥᑦ ᓇᒻᒥᓂᖅ ᐃᑭᔪᐃᑦᑐᓂᑦ.
  • ᓈᒻᒪᑦᑐᓂᑦ ᓇᒻᒥᓂᖅ ᓴᐳᔾᔨᓂᕐᒧᑦ ᐱᖁᑎᓂᑦ ᐃᑭᔪᐊᑦᑐᓂᑦ ᑲᒪᒋᔭᖃᕐᓂᕐᒥᑦ ᐃᓚᒋᔭᖃᖅᑐᑦ:
    • ᐊᕝᕙᐃᓐᓇᖓ ᐊᑕᖏᑦᑐᒥᓪᓘᓐᓃᑦ ᑮᓇᕐᒧᑦ ᐊᓂᖅᑎᕆᔾᔪᑎᒥᑦ P100 ᐴᓕᒻᒥᑦ:
    • ᑕᐃᕙᒃ ᐊᑕᔪᓖᓐᓂᑦ;
    • ᑲᒫᓘᓐᓂᒃ; ᐊᒻᒪᓗ
    • ᐊᒡᒑᓐᓂᑦ.
ᐃᖅᑲᐅᒪᒋᑦ, ᐃᑭᔪᐃᑦᑐᐃᑦ ᐋᓐᓂᖅᓯᔪᓐᓇᖏᑦᑐᖅ ᐃᖅᑲᓇᐃᔭᖅᑎᓂᑦ, ᑭᓯᐊᓂ ᓈᒻᒪᑦᑐᓂᑦ ᑲᒪᒋᔭᖃᕐᓂᕐᒧᑦ ᐱᓕᕆᔾᔪᓯᕐᓂᑦ, ᐃᓕᓐᓂᐊᑎᑦᓯᓂᕐᒥᑦ, ᓇᒻᒥᓂᖅ ᓴᐳᔾᔨᓂᕐᒧᑦ ᐱᖁᑎᖃᕐᓂᕐᒥᑦ, ᐊᑦᑕᕐᓇᖅᑕᐃᓕᒪᓂᕐᒧᑦ ᑲᒪᒋᔭᖃᑦᓯᐊᕐᓂᕐᒧᓪᓗ, ᖃᓄᐃᓐᓂᐅᔪᑦ ᓄᖅᑲᖓᑎᒍᓐᓇᖅᑕᕗᑦ.

ᑐᑭᓯᒋᐊᒃᑲᓐᓂᕈᒪᒍᕕᑦ, ᑕᑯᓂᐊᕐᓗᑎᑦ ᐃᑭᔪᐃᑦᑐᓂᑦ ᒥᑭᓪᓕᕚᓪᓕᑎᑦᓯᓂᕐᒥᑦ ᐱᓕᕆᔾᔪᓰ ᒪᓕᒋᐊᓖᑦ ᐃᑭᐊᖅᑭᕕᑦᑎᓐᓂᑦ.
ᓱᓇᐅᕙᑦ ᓄᑖᑦ
ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᒃᑯᑦ ᑎᑎᕋᖅᑕᐅᓯᒪᓂᖏᑦ ᓇᓗᓇᐃᔭᐃᔪᑦ

ᓄᑖᖅ ᐱᓕᕆᔾᔪᓰᑦ ᒪᓕᑦᑕᐅᒋᐊᓖᑦ − ᐃᖅᑲᓇᐃᔮᒧᑦ ᐅᑎᕐᓂᕐᒧᑦ

ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᕐᑎᒃᑯᑦ ᓴᖅᑭᖅᓯᕋᑖᓚᐅᖅᑐᑦ ᓄᑖᒥᑦ ᐱᓕᕆᔾᔪᓯᕐᒥᑦ ᒪᓕᒋᐊᓕᒻᒥᑦ ᐅᑎᕐᓂᕐᒧᑦ ᐃᖅᑲᓇᐃᔭᕐᕕᒻᒧᑦ ᐱᓕᕆᐊᒥᑦ, ᐱᒋᐊᓚᐅᖅᑐᖅ ᓯᑦᑎᒻᕙ 30-ᖑᑎᓪᓗᒍ. ᒪᓕᒋᐊᓕᒃ ᓇᓗᓇᐃᔭᐃᔪᖅ ᒪᓕᒐᓕᐅᕐᓂᕐᒥᑦ ᐱᓇᓱᐊᕋᑦᓴᖏᑦ ᐅᑎᕐᓂᕐᒧᑦ ᐃᖅᑲᓇᐃᔮᒧᑦ ᐱᓕᕆᔾᔪᓯᖅ, ᐃᖅᑲᓇᐃᔭᖅᑎᑦᓯᔨᓄᓪᓗ ᖃᐅᔨᒪᔾᔪᑏᑦ ᐅᑎᕐᓂᕐᒧᑦ ᐃᖅᑲᓇᐃᔮᒧᑦ, ᐊᑐᐃᓐᓇᐅᑎᑦᓯᔪᖅ ᖃᐅᔨᒪᔾᔪᑕᐅᔪᓂᑦ ᖃᓄᖅ ᓴᖅᑭᑎᑦᓯᒍᓐᓇᓂᕐᒥᑦ ᓴᖅᑭᔮᖅᑎᑦᓯᓂᕐᒥᑦ ᐃᖅᑲᓇᐃᔭᕐᕕᒻᒧᑦ ᐅᑎᖅᐸᓪᓕᐊᓂᕐᒥᑦ.

ᐊᖅᑯᑕᐅᓗᓂ ᐃᖅᑲᓇᐃᔭᕐᕕᒻᒧᑦ ᐅᑎᕐᓂᕐᒧᑦ ᐱᓕᕆᐊᑦ, ᐃᖅᑲᓇᐃᔭᖅᑎᑦᓯᔩᑦ ᐃᖅᑲᓇᐃᔭᖅᑏᓪᓗ ᓇᓗᓇᐃᖅᓯᒍᓐᓇᖅᑐᑦ ᐋᖅᑭᒋᐊᕆᓂᕐᒥᑦ ᐊᓯᐊᓂᓪᓗ ᐃᖅᑲᓇᐃᔭᕐᓂᕐᒥᑦ ᐋᖅᑭᒋᐊᕆᓂᕐᒥᓪᓗ ᐱᓕᕆᐊᕐᓂᑦ ᐊᑦᑕᓇᖏᑦᑐᒦᑦᑎᑦᓯᓂᕐᒥᑦ ᐃᖅᑲᓇᐃᔭᖅᑎᒥᑦ ᐅᑎᖅᐸᓪᓕᐊᓂᐊᖓᓄᑦ ᐃᖅᑲᓇᐃᔮᒥᓄᑦ ᐱᓯᒪᑦᓯᖏᓐᓇᕐᓂᒥᓪᓗ ᐊᑦᑕᓇᖏᑦᑐᒥᑦ ᐃᖅᑲᓇᐃᔭᕐᓂᕐᒥᑦ ᐱᓕᕆᔾᔪᕐᓂᑦ ᐃᖅᑲᓇᐃᔭᖅᑎᐅᖃᑎᓄᑦ. ᐃᑭᐊᖅᑭᕕᑦᑎᓐᓅᕆᑦ ᐅᖃᓕᒫᕐᓗᒍ ᐅᑎᕐᓂᕐᒧᑦ ᐃᖅᑲᓇᐃᔮᒧᑦ ᐱᓕᕆᔾᔪᓰᑦ ᒪᓕᑦᑕᐅᒋᐊᓖᑦ.
ᐅᖅᓱᖅᑎᕈᑏᑦ ᐅᖅᓱᐊᓗᐃᓪᓗ ᐊᖏᖃᑎᒌᒍᑎ ᑐᑭᓯᐅᒪᖃᑦᑕᐅᑎᓂᕐᒥᑦ

ᓯᑦᑎᒻᕙ 30-ᒥ, ᐊᓪᓚᕝᕕᖓ ᐊᐅᓚᑦᓯᔨᐅᔪᖅ ᐅᖅᓱᖅᑎᕈᑎᓂᑦ ᐅᖅᓱᐊᓗᓐᓂᓪᓗ ᐊᐅᓚᑦᓯᓂᕐᒧᑦ ᐊᑎᓕᐅᓚᐅᖅᑐᖅ ᐊᖏᖃᑎᒌᒍᑎᒥᑦ ᑐᑭᓯᐅᒪᖃᑦᑕᐅᑎᓂᕐᒧᑦ (MOU) ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᕐᑎᒃᑯᓪᓗ. ᐊᖏᖃᑎᒌᒍᑎᒥᑦ ᑐᑭᓯᐅᒪᖃᑦᑕᐅᑎᓂᕐᒧᑦ ᓴᖅᑭᑎᑦᓯᔪᖅ ᐱᓕᕆᖃᑎᒌᓐᓂᕐᒥᑦ ᐊᑦᑕᕐᓇᖅᑕᐅᓕᒪᓂᕐᒧᑦ-ᐊᑦᑐᐊᓂᓕᓐᓂᑦ ᐃᓚᒋᔭᐅᑦᓱᑎᒃ ᐃᖅᑲᓇᐃᔭᖅᑎᓂᑦ ᐃᓕᓐᓂᐊᑎᑦᓯᓂᕐᒥᑦ, ᐊᐅᓚᑦᓯᓂᕐᒥᑦ ᖃᐅᔨᓴᕐᓂᐅᔪᓂᑦ, ᑭᐅᖃᑦᑕᓂᕐᒧᓪᓗ ᖃᓄᐃᓐᓂᐅᔪᓄᑦ. ᐊᑖᓂᑦ ᑖᑦᓱᒪ ᑐᑭᓯᐅᒪᖃᑎᒌᓐᓂᐅᑉ, ᐱᓕᕆᖃᑎᒌᑦ ᐊᖏᖃᑎᒌᑦᑐᑦ ᐃᓚᒋᔭᐅᓂᕐᒧᑦ ᖃᐅᔨᖃᑦᑕᐅᑎᓂᕐᒥᑦ ᐊᑐᖅᑕᕙᑦᑐᓂᑦ ᖃᐅᔨᒪᔨᑕᕐᓂᑦ, ᐊᑐᐊᒐᑦᓴᓂᑦ ᑐᑭᓯᔾᔪᑎᓂᑦ, ᐱᐅᓂᖅᐹᓂᓪᓗ ᐊᑐᖅᑕᐅᖃᑦᑕᕐᓂᐊᖅᑐᓂᑦ, ᐊᒻᒪ ᐋᖅᑭᑦᓱᐃᓂᕐᒥᑦ ᑲᑎᑎᑦᓯᒐᓱᐊᕐᓂᕐᒥᑦ ᑭᒃᑯᑐᐃᓐᓇᕐᓂᑦ ᐱᓯᒪᑦᓯᖏᓐᓇᓂᕐᒥᑦ ᐅᔾᔨᕈᓱᓐᓂᕐᒥᑦ ᐊᑦᑕᕐᓇᖅᑕᐃᓕᒪᔾᔪᑎᐅᒋᐊᓕᓐᓂᑦ ᓱᓕᕆᓂᐅᔪᓄᑦ ᐃᖅᑲᓇᐃᔭᕐᕕᒻᒥᓪᓗ ᐊᑦᑐᐊᓂᓕᓐᓂᑦ ᐅᖅᓱᖅᑎᕆᓂᕐᒧᑦ ᐅᖅᓱᐊᓗᓕᕆᓂᕐᒧᓪᓗ.

ᐅᖃᓕᒫᕐᓂᐊᕐᓗᒍ ᐊᖏᖃᑎᒌᓐᓂᕐᒧᑦ ᑐᑭᓯᐅᒪᖃᑎᒌᓐᓂᕐᒥᑦ, ᓇᕿᓪᓗᒍ ᐅᓇ.
ᑲᓇᑕᒥ ᐱᓕᕆᔪᓐᓇᖅᑐᑦ: ᐱᕚᓪᓕᒋᐊᕆᑦᓯ!

ᐊᒻᒪᐃᓛᒃ, ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᕐᑎᒃᑯᑦ  ᐃᓚᒋᔭᐊᓂᐊᖅᑐᑦ ᐅᓪᓗᓄᑦ ᒪᕐᕉᓐᓄᑦ ᐱᕚᓪᓕᕆᐊᕐᓂᕐᒧᑦ! ᒪᒃᑯᑦᑐᓄᑦ ᑲᑎᒪᓂᕐᒧᑦ ᑲᒪᒋᔭᐅᓂᐊᖅᑐᑦ ᑲᓇᑕᒥ ᐱᓕᕆᔪᓐᓇᖅᑐᓄᑦ ᓄᓇᑦᓯᐊᕐᒥᑦ ᖁᕝᕙᓯᓐᓂᓕᓐᓄᑦ 8-ᒥ ᐃᓕᓐᓂᐊᕐᑎᓄᑦ ᔨᐊᓗᓇᐃᕝᒥᑦ. ᐱᕚᓪᓕᒋᐊᕆᑦᓯ! ᐊᑐᐃᓐᓇᐅᑎᑦᓯᔪᖅ ᐃᓕᓐᓂᐊᕐᑎᓄᑦ ᐱᕕᖃᕐᓂᕐᒥᑦ ᐃᓕᓐᓂᐊᕐᓂᕐᒥᑦ ᐃᓚᖏᓐᓂᑦ ᖁᕕᐊᓇᖅᑐᓂᑦ ᐃᖅᑲᓇᐃᔮᓂᑦ ᐊᔾᔨᒌᖏᑦᑐᓂᑦ ᐊᑐᐃᓐᓇᖃᕕᐅᓂᖏᓐᓂᑦ, ᐊᑐᐃᓐᓇᐅᑎᑦᓯᒻᒥᔪᖅ ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᕐᑎᒃᑯᓐᓂᑦ ᐱᕕᖃᕐᓂᖏᓐᓂᑦ ᖃᐅᔨᒃᑲᐃᓂᕐᒥᑦ ᑭᖑᕚᑦᓴᑎᓐᓂᑦ ᐃᖅᑲᓇᐃᔭᖅᑎᓂᑦ ᐃᖅᑲᓇᐃᔭᖅᑎᑦᓯᔨᓂᓪᓗ ᐃᖅᑲᓇᐃᔭᕐᕕᒻᒥᑦ ᐊᑦᑕᕐᓇᖅᑕᐃᓕᒪᓂᕐᒧᑦ ᐱᔪᓐᓇᐅᑎᖏᓐᓂᑦ ᑲᒪᒋᔭᕆᒋᐊᓕᖏᓐᓂᓪᓗ. ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᕐᑎᒃᑯᑦ ᐃᓕᓐᓂᐊᑎᑦᓯᓂᖅ ᓇᓗᓇᐃᖅᓯᓂᐊᖅᑐᖅ ᐱᒻᒪᕆᐅᓂᖓᓂᑦ ᐅᔾᔨᕈᓱᓐᓂᕐᒥᑦ, ᐊᑦᑕᕐᓇᖅᑕᐃᓕᒪᓂᕐᒥᑦ ᓄᖅᖃᖓᑎᑦᓯᓂᕐᒥᓪᓗ, ᐱᕕᖃᖅᑎᑦᓯᓂᐊᕐᒥᔪᓪᓗ ᐃᓕᓐᓂᐊᕐᑎᓂᑦ ᖃᐅᔨᓇᓱᐊᕐᓂᕐᒥᑦ ᐃᖅᑲᓇᐃᔮᖑᒍᓐᓇᖅᑐᓂᑦ ᐊᑦᑕᕐᓇᖅᑕᐃᓕᒪᓕᕆᔨᐅᓂᕐᒧᑦ.

2015 ᐱᕚᓪᓕᒋᐊᕆᑦᓯ! ᒪᒃᑯᑦᑐᓄᑦ ᑲᑎᒪᓂᖅ ᑕᕝᕙᓂ ᐊᕐᕌᒍᒻᒥᑦ ᐱᒋᐊᕐᓂᐊᖅᑐᑦ ᓅᕙᐃᒻᕙ 12-13. ᖃᐅᔨᒋᐊᕆᑦ Skills Canada NWTᐃᑭᐊᖅᑭᕕᖓᓄᑦ ᑐᑭᓯᒋᐊᑲᓐᓂᕈᒪᒍᕕᒃ ᒥᑦᓵᓄᑦ ᑲᑐᔾᔨᖃᑎᒌᑦ ᐱᓕᕆᐊᓂᓪᓗ ᐊᑐᐃᓐᓇᐅᑎᑦᓯᓂᖏᓐᓂᑦ.
ᓄᓇᙳᐊᓕᕆᓂᕐᒧᑦ ᑲᑎᒪᓂᖅ 2015
ᐳᓛᕆᐊᕆᑦ ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᒃᑯᑦ ᐅᐸᑦᑕᕐᕕᖓᓄᑦ 

ᑎᑎᖅᓯᕕᒋᒍᑦ ᐅᓪᓗᑕᒫᖅᓯᐅᑏᑦ: 43-ᖑᓕᖅᑐᒥᑦ ᐊᕐᕌᒍᑕᒫᖅ ᔨᐊᓗᓇᐃᕝᒥᑦ ᓄᓇᙳᐊᓕᕆᓂᕐᒧᑦ ᑲᑎᒪᓂᕐᒧᑦ ᐅᓪᓗᓄᑦ ᐱᖓᓱᓅᕐᓂᐊᖅᑐᖅ ᓅᕙᐃᒻᕙ 24-ᒥ26-ᒧ ᐃᐊᑦ ᔨᐊᔅᑭ ᕼᐋᑭᕐᕕᖓᓂᑦ ᔨᐊᓗᓇᐃᕝᒥᑦ. ᐱᓕᕆᖃᑎᒌᓐᓂᖅ ᓄᓇᑦᓯᐊᖅ ᓄᓇᕗᒻᒥᓪᓗ ᐅᔭᕋᓐᓂᐊᖅᑐᓕᕆᓂᕐᒧᑦ, ᒐᕙᒪᒃᑯᑦ ᓄᓇᑦᓯᐊᕐᒥᑦ ᐳᓚᕋᑦᑐᓕᕆᔨᒃᑯᑦ, ᐱᕈᖅᓴᐃᓂᕐᒧᓪᓗ, ᑕᕝᕙᓂ ᐊᕐᕌᒍᓕᒫᒧᑦ ᑲᑎᒪᓂᐅᔪᒥᑦ ᐊᖏᓂᖅᐸᐅᔪᑦ ᐅᔭᕋᓐᓂᐊᖅᑏᑦ ᐅᖅᓱᐊᓗᓕᕆᓂᕐᒧᓪᓗ ᑲᑎᒪᓂᖅ ᐃᖅᑲᓇᐃᔮᓂᑦ ᑕᑯᑦᓴᐅᑎᑦᓯᓂᕐᒥᑦ ᓄᓇᑦᓯᐊᕐᒥᑦ. ᓂᕆᐅᑉᐳᒍᑦ ᐃᓕᓐᓂᑦ ᑕᑯᓂᐊᖅᓂᑎᓐᓂᑦ ᑕᐃᑲᓂ!
ᐊᑐᐊᒐᐃᑦ ᐊᓯᔾᔨᕐᓂᖏᑦ

ᐊᐅᓚᑦᓯᔩᑦ ᑲᑎᒪᔨᖏᑦ ᕿᒥᕐᕈᓯᒪᔪᑦ ᐊᖏᖅᓯᒪᑦᓱᑎᓪᓗ ᒪᓕᑦᑐᓂᑦ ᐊᑐᐊᒐᕐᓂᑦ ᓯᑦᑎᒻᕙ 2015 ᑲᑎᒪᓂᕐᒥᑦ:
  • ᐊᑐᐊᒐ 00.06, ᐱᓕᕆᖃᑕᐅᔪᓄᑦ ᖃᓄᐃᓕᐅᕐᓂᖅ
  • ᐊᑐᐊᒐ 10.02, ᐃᖅᑲᓇᐃᔭᖅᑎᓂᑦ ᓴᐳᔾᔨᓂᕐᒥᑦ ᑮᓇᐅᔭᐃᑦ ᐱᕈᖅᓴᐃᓂᕐᒧᑦ (ᐱᕈᖅᓴᐃᓂᕐᒧᑦ ᐊᑐᐊᒐᐅᖃᑦᑕᖅᓯᒪᔪᖅ)
ᑕᑯᓂᐊᕆᑦ ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᕐᑎᒃᑯᑦ ᐊᑐᐊᒐᕐᒥᑦ ᐅᖃᓕᒫᒐᕐᒥᑦ ᕿᒥᕐᕈᔭᐃᓐᓇᕆᓕᐊᕐᓗᖏᑦ ᐃᓘᓐᓇᑎᑦ ᐊᑐᐊᒐᐃᑦ ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᕐᑎᒃᑯᑦ.
ᐃᓕᓐᓂᐊᕐᓂᕐᒧᑦ ᐊᑐᖅᑕᐅᓕᕈᓐᓇᖅᑐᑦ
ᐊᑦᑕᕐᓇᖅᑕᐃᓕᒪᓂᕐᒧᑦ ᐃᓕᓐᓂᐊᕐᓂᖅ

ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᕐᑎᒃᑯᑦ, ᑲᑐᔾᔨᖃᑎᕗᓪᓗ NTFL-ᑯᑦ, ᓄᓇᕘᒥ ᓄᓇᑖᖑᓯᒪᔪᓂᑦ, ᐅᑭᐅᖅᑕᖅᑐᒥᓪᓗ ᑭᐅᔩ ᑲᓇᑕᒥ, ᐊᑐᐃᓐᓇᐅᑎᑦᓯᖃᑦᑕᖅᑐᑦ ᐃᓕᓐᓂᐊᕐᓂᕐᒥᑦ ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑕᐃᓕᒪᓂᕐᒧᑦ ᐅᔾᔨᕈᓱᓐᓂᕐᒧᓪᓗ. ᑐᓴᐅᒪᖏᓐᓇᕆᑦ ᐃᓕᓐᓂᐊᕐᓂᐅᕙᓪᓕᐊᔪᓂᑦ ᐅᐸᓪᓗᑎᑦ ᑲᓱᕐᕕᓄᑦ ᐊᑖᓃᑦᑐᓄᑦ.
 
Northern Safety Association - ᑕᑯᓂᐊᖅᑐᑎᑦ ᑎᑎᕋᖅᓯᒪᔪᐃᓐᓇᕐᓂᑦ ᐱᓕᕆᐊᓂᑦ ᐃᓕᓐᓂᐊᕐᓂᕐᓂᓪᓗ ᐅᕙᓂ.
 
Northern Territories Federation of Labour - ᕿᒥᕐᕈᒋᑦ ᐃᓕᓐᓂᐊᕐᓂᐅᓛᖅᑐᓂ ᐅᕙᓂ.
 
Arctic Response Canada Ltd. - ᖃᐅᔨᓇᓱᐊᕐᓂᖅ ᐃᓕᓐᓂᐊᕐᓂᕐᒧᑦ ᐱᓕᕆᐊᓂᑦ ᐊᑐᐃᓐᓇᐅᑎᑕᐅᔪᓂᑦ ᐅᕙᓂ.
 
ᐊᖏᖅᑕᐅᓯᒪᑲᓐᓂᖅᑐᓄᑦ ᐊᑐᐃᓐᓇᐅᑎᑦᓯᔪᓄᑦ ᐃᖅᑲᓇᐃᔮᒧᑦ ᐋᓐᓂᖅᑕᐅᓕᒪᓂᖅ ᐊᑦᑕᕐᓇᖅᑕᐃᓕᒪᓂᕐᒧᓪᓗ ᐃᓕᓐᓂᐊᕐᓂᖅ, ᓇᕿᓪᓗᒍ.
ᐊᓪᓚᕝᕖᑦ ᒪᑐᒪᖃᑦᑕᕐᓂᖏᑦ

ᐃᖅᑲᐅᒪᓐᓇᖅᑐ ᐅᓪᓗᖅᓅᕙᐃᒻᕙ 11, 2015 (ᓄᓇᑦᓯᐊᕐᒥᑦ ᓄᓇᕗᒻᒥᓪᓗ ᐊᓪᓚᕝᕖᑦ ᒪᑐᒪᔪᑦ)
 
ᖃᐅᔨᒃᑲᐃᓂᕐᒥᑦ ᐱᒻᒪᕆᐅᔪᓂᑦ ᐋᓐᓂᕐᓂᕐᒧᑦ ᐃᖅᑲᓇᐃᔭᕐᕕᒻᒥᑦ, ᖃᓄᐃᓐᓂᐅᔪᓂᑦ, ᐱᕐᕈᓗᐊᕿᓂᓪᒥᓪᓘᓐᓃᑦ, ᐅᖄᓚᒋᑦ 24-ᓄ ᐃᑲᕐᕋᓐᓄᑦ ᖃᓄᐃᓐᓂᐅᔪᒧᑦ ᖃᐅᔨᒃᑲᐃᕕᒻᒧᑦ ᐅᕗᖓ 1-800-661-0792.
ᐊᐱᖅᑯᑏᑦ?

ᐊᐱᖅᑯᑎᖃᕈᕕᑦ ᐅᕙᓘᓃᑦ ᐅᖃᐅᓯᒃᓴᓂᒃ ᐅᕙᑉᑎᖕᓄᑦ ᐱᔾᔪᑎᓕᖕᒥᑦ WSCC-ᑯᓐᓄᑦ ᐊᑦᑕᑕᕐᓂᖅ-ᒥᒃ, ᖃᕆᑕᐅᔭᒃᑯᑦ ᑎᑎᕋᕐᕕᒋᓗᑕ ᐅᕗᖓ info@wscc.nt.ca-ᒧᑦ ᐅᕙᓘᓃᑦ info@wscc.nu.ca-ᒧᑦ.
wscc.nt.ca   /  1.800.661.0792   *   wscc.nu.ca  /  1.877.404.4407