Saptaipa 2015                          
WSCC-kut Atatarutait 

Aullaqtitaunahuat ukiaghaq, taapkua Havaktit Aanniqtailiniqmut Ikayuutainullu Kamissangat (WSCC) e-Business-mik ilingnut hailiyaunahuat!

Hunauyuq WSCC Connect?

Taapkua E-Business, maniktuinnarialiutit tughirautinullu ihuaqutauyut alruyaqtuqtukkut, kayumighiyumi atuqtauyumalluaqtuq havauhiq uplumi tuhaqtittigiiktunit. WSCC-kut, ilauyullu hiamittut Ukiuqtaqtumi, Kanatami, nunaqyuaqmilu, havauhighaqhiuqhimmaayuktut ihuaqtunik ikayuutighait inuit tamaita havaqatigivaktavut. WSCC Connect­-kut, e-Business-nut ikayuutivut, aullaqtitauhimayuq ayuqnaiyarahuaqhugit iniqtaghatit WSCC-kunnit! 

WSCC Connect-kut havakvingnut ayuqnaiyaivaktuq ikayuutinik aturiami hivuanit hivayaqtaghaqariaqhutik WSCC-kut. Hivayaqhimaittumik, qaritauyakkut titiraqhimaittumik, katimavighaniklu iniriiqhimaittumik iniqhiyaami havaaghanik, takuinnarialgit WSCC Connect-kut kayumiktumik ikayuqtaunnaqtuq hailiyauplutik algaqtingnit

Havaaghanit hivulliqnit WSCC Connect-nit, pingahunik ikayuutinik ilittuqhitinahuaqtugut, ihumagilluaqhugit havakviit. Hapkuanguyut:

Akiliqhilutit: Akiliqlugit havakvikpit qauyihautinut akiliqtaghat qaritauyakkut;

Takulugit Qauyihautinut Akighat: Takulugit nanminiqtit tajja utuqqallu qauyihautinut akiliqtaghat, takulugilluuniit WSCC-kut akighanut tamangnut naunaitkutait; imaalu

Ihuinaaqtailihimaniqnut Pilutit: Kayumiklutit ihuinaaqtailihimaniqnut titiqqanik titiraqlutit.

WSCC Connect-kut aklivallianiaqtut nuivallialutik, nutaanik ikayuutinik aittuilutik ihumagiplugit aallatqiik ilauyut, inuillu tamangnik tughiraqtullu. WSCC Connect-kut hanayauhimayuq ihuaqharumaplugit ikayuutivut, nakuutqiyakkut kayumigahuaqhutiklu ikayurumaplutik.

Qakugu Aullaqtitauniaqqa?

WSCC Connect-kut aullaqtitauniat ukiaghaq. Tamangnik havakviit titiraqhimayut WSCC-kunni tuyuqtaunahuat tunngahuutinik aittuutinik titiraqaqvianut naunaitkutaqarluni titiraqtauyaami WSCC Connect-kunnut.

Naahuriluhi aallanik ikayuutighanik 2016-mi.

Hunanik Ilihimayughauyunga?

Ilihimayaghatit tamangnik atuqpauhinut WSCC Connect-kunnik talvaniittut tunngahuutinit. Hapkunani aittuutinit iliqahiutihimayut titiraqmik atiliqtauniqmut ilauyaamilu naunaitkutalik, taapkuninngalu WSCC Connect-kut Aullaqtittiniqmut Maliktaghait, havauhighanik naunaiqhitittiaqtuq aullaqtittiyaami atugaqhaqnik.

Inuit quyaginnaq atuinnarialgit WSCC Connect-nik. Hivulliqnit havaaghanit, Takuyaghat Qauyihautinut Akighait angmaumayut inungnut takuyaghait ilitturipkaitjutighallu tajja atuqtainik utuqqaniklu akighat kitunut hannavingnut tukliillu-havakvit. 

Kihimi, havagiami kivgaqtuipluni havaktinik, Ihuinaaqtailihimaniqmut Naunaitkutat Akiliqhiniqmullu, angiqtauhimayughat havaktiit taaffuma Atuinnarianingmut Titiraliqiyianit

Havakviit, tuniyautinnagit aittuutinik, ihumaliuqtughauyuhi kina havakvingnit Atuinnarianingmut Titiraqtiuniariaghaat. Una havaktiulluarniaqtuq WSCC Connect-nut atugaqaqvingnit, angiqhiinnarialik qinngiinnarialiklu ahinik atuqtinik havakviita kivgaqtuqhugit. Hivulliq inuk Ilihigumi Havakvingnik atugaqaqviinit atauttikkut Atuinnarianingmut Titiraqtinnguqpaktuq. Atuinnarianikkumik atuqtighat, atuqtittiinnariaqaqtatit mikiyunik ilainnainut atuqtaghainut, atuqtittiinnariaqaqtatillu Atuinnarianingmut Titiraqtiuyutut.

Aallat atuqtit tughiinnarialgit ilayauyumagumik havakvikpit atugaanut, taapkualu Atuinnarianingmut Titiraqtit ilauquivangniat inungnik atuqulugit WSCC Connect-mik.

WSCC Connect-kut atugaqnik atuqtitaunginnarialgit ahinut havakvingnut. Imaatut havainnarianiktutit kivgaqtuqhugit amihut havakviit, ihuaqutauvaktut Maniliqiyiuguvit, Maningnik Titiraqtiuguvit, Titiraliqiuguvillu aallanik havakviqaruvit.

WSCC Connect-kut aullaqtitaunahuat Qaplunaatut Uiviititullu, atuqtighat titiraqtaarumik atugaghanik qaritauyakkut, tikkuanginnarialgit uqauhirnik atuqluaqpagaat. Taimaa qaritauyanut angmaqhigaangamik, uqauhiigut qiniqhiavangniat qaritauyanit.

Nani nalvaaqniaqqigit WSCC Connect-kut?

Taapkua WSCC Connect-kut aullaqtitaukpat, takuinnariaqaqtatit ikayuutait hivulliqpaamit makpiraanit WSCC-kut qaritauyakkuurutainit, piinnarialgit wscc.nt.ca talvaniluuniit wscc.nu.ca.  Qiniqlugu WSCC Connect-kut naunaitkutaat (naunaitkutaq hapkunaniittut) naqillugu. Hapkua ingilratjutauniat qayangnaittunut e-Business-nut qaritauyakkuurutinit. Naunaitkuhiqtuinnarialik WSCC Connect-kut qaritauyakkuurutait, takuinnarialikluuniit ayuqnaittumik talvanngat WSCC-kut aimavianit makpiqqanit.

Apiqhuutighaqaqqit?

Apiqhuutighaqaruvit tuhaqtittiyumaguvilluuniit WSCC Connect-kut mighaagut, qaritauyakkut titiraqluhi talvunga  info@wscc.nt.ca talvungaluuniit info@wscc.nu.ca
wscc.nt.ca   /  1.800.661.0792   *   wscc.nu.ca  /  1.877.404.4407