 |
 |
 |
ᐅᑭᐊᒃᓵᖅ ᓴᖅᑭᓐᓂᐊᖅᑐᖅ, ᐱᓕᕆᔩᑦ ᐊᑦᑕᓇᖅᑐᒦᖏᓐᓂᖏᑦ ᐊᒪᓗ ᐱᓕᕆᔩᑦ ᐋᓐᓂᖅᑕᐃᓕᒪᓕᕆᔨᑦ ᐊᒪᓗ ᐊᑭᓖᔨᒃᑯᖏᑦ (WSCC) ᑐᓂᓯᓂᐊᖅᑐᑦ ᖃᕆᑕᐅᔭᒃᑯᑦ ᐱᔅᓂᓯᒥᒃ ᐃᓕᖕᓄᑦ!
ᖃᕆᑕᐅᔭᒃᑯᑦ ᐱᔅᓂᓯ, ᑮᓇᐅᔭᓕᕆᔪᖕᓇᕐᓂᓯ ᐊᒪᓗ ᑐᒃᓯᕋᐅᑎᓂᒃ ᖃᕆᑕᐅᔭᒃᑯᑦ, ᐱᐊᓚᔪᒥᒃ ᐊᑐᖅᑕᐅᖔᕈᒪᓂᖃᖅᑐᖅ ᐱᔅᓂᓯᓕᕆᓂᕐᒧᑦ ᐅᑉᓗᒥᐅᓕᖅᑐᖅ ᑐᑭᓯᐊᒪᔾᔪᑎᓕᕆᓂᐅᔪᒥᑦ. WSCC-ᑯᑦ, ᐃᓚᐅᑉᓗᑎᒃ ᐱᖃᖃᑕᐅᔪᑦ ᐅᑭᐅᖅᑕᖅᑐᒥᑦ, ᑲᓇᑕᒥᑦ, ᐊᒪᓘᓃᑦ ᓄᓇᕐᔪᐊᕐᒥᑦ, ᕿᓃᓐᓇᖃᑦᑕᖅᑐᑦ ᐱᐅᓯᒋᐊᖅᓯᓂᕐᒥᒃ ᐱᔨᑦᑎᕋᐅᑎᒋᔭᑉᑎᖕᓂᑦ ᑭᑐᓗᒃᑖᓄᑦ ᐱᓕᕆᖃᑎᒋᔭᑉᑎᖕᓄᑦ. WSCC-ᑯᓐᓄᑦ ᐊᑦᑕᑕᕐᓂᖅ, ᖃᕆᑕᐅᔭᒃᑯᑦ ᐱᔅᓂᓯᓄᑦ ᐱᔨᑦᑎᕋᐅᑎᕗᑦ, WSCC-ᓕᕆᓂᕆᖃᑦᑕᖅᑕᑉᓯᖕᓂᑦ ᐊᔪᕐᓇᙱᓐᓂᖅᓴᐅᑎᑦᑎᔪᖅ!
WSCC-ᑯᓐᓄᑦ ᐊᑦᑕᑕᕐᓂᖅ ᑐᓂᓯᔪᖅ ᐱᓕᕆᕝᕕᖕᓂᑦ ᐱᔨᑦᑎᕋᐅᑎᓂᒃ ᐱᔪᖕᓇᕐᓂᕐᒥᒃ ᖃᐅᔨᒋᐊᕐᕕᖃᕐᓂᐅᖃᑦᑕᓚᐅᖅᑑᒐᓗᐊᒥᒃ WSCC-ᑯᓐᓄᑦ. ᐅᖃᓗᒡᕕᒋᙱᖔᕐᓗᒋᑦ, ᖃᕆᑕᐅᔭᒃᑯᑦ ᑎᑎᕋᕐᒋᙱᖔᕐᓗᒋᑦ, ᐅᕙᓘᓃᑦ ᑲᑎᖃᑎᒋᓂᖃᕈᒪᙱᖔᕐᓗᑕ ᐱᐊᓂᒃᓯᓂᕐᒧᑦ ᐱᓕᕆᐊᒃᓴᐅᔪᓂᒃ, ᐱᔪᖕᓇᖅᑕᐃᑦ WSCC-ᑯᓐᓄᑦ ᐊᑦᑕᑕᕐᓂᖅ ᐱᐊᓚᔪᒥᒡᓗ ᐱᔨᑦᑎᕋᖅᑕᐅᓗᑎᑦ ᐊᒡᒐᑎᑦ ᐊᑐᕐᓗᒋᑦ!
ᓯᕗᓪᓕᖅᐹᖓᓃᑎᓪᓗᒍ WSCC-ᑯᓐᓄᑦ ᐊᑦᑕᑕᕐᓂᖅ, ᖃᐅᔨᑎᑦᑎᔪᒪᔪᒍᑦ ᐱᖓᓱᓂᒃ ᐱᔨᑦᑎᕋᐅᑎᓂᒃ, ᑐᕌᖅᑐᖅ ᐱᓕᕆᕝᕕᔪᓗᐊᓄᑦ. ᐅᑯᐊᖑᔪᑦ:
ᐊᑭᓖᓗᑎᑦ: ᐊᑭᓕᕐᓗᒍ ᐱᓕᕆᕝᕕᐅᑉ ᖃᐅᔨᓴᖅᑕᐅᓂᕐᒧᑦ ᐊᑭᓕᒐᒃᓴᐃᑦ ᖃᕆᑕᐅᔭᒃᑯᑦ;
ᕿᒥᕐᕈᓗᒋᑦ ᖃᐅᔨᓴᖅᑕᐅᓂᕐᒧᑦ ᐊᑭᐅᔪᑦ: ᕿᒥᕐᕈᓗᒋᑦ ᓇᖕᒥᓂᕆᔭᑎᑦ ᒫᓐᓇᐅᔪᖅ ᐊᒪᓗ ᖄᖏᖅᑐᓂᑦ ᖃᐅᔨᓴᖅᑕᐅᓂᕐᒧᑦ ᐊᑭᐅᔪᑦ, ᐅᕙᓘᓃᑦ ᕿᒥᕐᕈᓗᒋᑦ WSCC-ᑯᑦ ᑕᒪᐃᓅᖓᔪᓄᑦ ᐊᑭᒋᔭᖏᓐᓄᑦ ᒪᓕᒐᒃᓴᖅ; ᐊᒪᓗ
ᐱᓗᑎᑦ ᐲᖅᑕᐅᓂᐅᔪᓂᑦ: ᐱᐊᓚᔪᒥᒃ ᓴᖅᑭᑎᑦᑎᓗᑎᑦ ᓇᖕᒥᓂᖅ ᐲᖅᑕᐅᓂᕐᒧᑦ ᑎᑎᖅᑲᕆᔭᕐᓂᑦ.
WSCC-ᑯᓐᓄᑦ ᐊᑦᑕᑕᕐᓂᖅ ᐱᕈᖅᐸᓪᓕᐊᓂᐊᖅᑐᖅ, ᓄᑖᓂᒃ ᐱᔨᑦᑎᕋᐅᑎᓂᒃ ᑐᓂᓯᓂᕐᒧᑦ ᑐᕌᖓᔪᓂᒃ ᐊᔾᔨᒌᖏᑦᑐᓄᑦ ᐱᖃᖃᑕᐅᔪᓂᒃ, ᓲᕐᓗ ᐃᓄᖕᓂᑦ ᐊᒪᓗ ᑐᒃᓯᕋᐅᓯᐅᖅᑐᓂᒃ. WSCC-ᑯᓐᓄᑦ ᐊᑦᑕᑕᕐᓂᖅ ᐱᓕᕆᐊᖑᓚᐅᖅᑐᖅ ᐃᑲᔪᐃᓂᕐᒧᑦ ᐱᕚᓪᓕᖅᑎᑦᑎᓂᕐᒥᒃ ᐱᔨᑦᑎᕋᐅᑎᒋᔭᑉᑎᖕᓂᒃ ᑐᓂᓯᓂᕐᒧᑦ, ᑐᓂᓯᑉᓗᓂ ᐃᓕᖕᓄᑦ ᐊᑑᑎᖃᕐᓂᖅᓴᒥᒃ ᐊᒪᓗ ᐃᖢᐊᕐᓂᖅᓴᒥᒃ ᐱᓕᕆᓂᑯᖃᕐᓂᕐᒥᒃ.
WSCC-ᑯᓐᓄᑦ ᐊᑦᑕᑕᕐᓂᖅ ᐅᑭᐊᒃᓵᖅ ᓴᖅᑭᓐᓂᐊᖅᑐᖅ. ᐱᓕᕆᕝᕕᐅᔪᓗᒃᑖᑦ ᐊᑎᓕᐅᖅᓯᒪᔪᑦ WSCC-ᑯᓐᓄᑦ ᑐᙵᓱᒃᑎᑕᐅᓂᕐᒥᒃ ᑲᑎᓯᒪᔪᓂᒃ ᐱᓂᐊᖅᑐᑦ ᐊᐅᓚᖅᑎᑕᐅᔪᑦ ᑎᑎᖅᑲᑎᒍᑦ ᑐᕌᕈᑎᖓᓐᓄᑦ ᓇᓗᓇᐃᔭᖅᓯᒪᔪᓗᒃᑖᓂᒃ ᐱᑕᖃᖅᖢᓂ ᐱᔭᕆᐊᖃᖅᑕᖏᓐᓂᒃ ᐊᑎᓕᐅᕐᓂᕐᒧᑦ WSCC-ᑯᓐᓄᑦ ᐊᑦᑕᑕᕐᓂᖅ-ᒧᑦ.
ᓂᕆᐅᖕᓂᐊᖅᐳᓯ ᐱᔨᑦᑎᕋᐅᑎᒃᑲᓐᓂᕐᓂᒃ ᐱᒋᐊᕐᓂᐊᖅᑐᓂᒃ 2016-ᒥᑦ.
ᓱᓇᓗᒃᑖᓂᒃ ᖃᐅᔨᒪᔭᕆᐊᖃᖅᑕᕐᓂᒃ WSCC-ᑯᓐᓄᑦ ᐊᑦᑕᑕᕐᓂᖅ-ᒧ ᑲᑎᕐᒪᔪᓂᑦ ᑐᙵᓱᒃᑎᑦᑎᔪᒦᑐᑦ. ᑲᑎᕐᒪᔪᓂᑦ ᐃᓚᐅᔪᑦ ᑐᙵᓱᒃᑎᑦᑎᓂᕐᒧᑦ ᑎᑎᖅᑲᖅ ᐱᒻᒪᕆᐅᔪᓂᒃ ᐃᓚᐅᖃᑕᐅᓕᕐᓂᕐᒧᑦ ᑐᑭᓯᐅᒪᔾᔪᑎᓂᒃ, ᐊᒪᓗ WSCC-ᑯᓐᓄᑦ ᐊᑦᑕᑕᕐᓂᖅ-ᒧ ᐱᒋᐊᖅᐸᓪᓕᐊᓕᕐᓂᒧᑦ ᒪᓕᒃᑕᐅᔪᒃᓴᖅ, ᑕᑯᒃᓴᐅᑎᑦᑎᔪᖅ ᒪᓕᒋᐊᖃᖅᑕᕐᓂᒃ ᖃᓄᖅ ᐋᕿᒃᓯᓂᕐᒧᑦ ᑐᖅᑯᖅᓯᒪᕝᕕᒃᓴᕐᓄᑦ.
ᑭᐊᑐᐃᓐᓇᐅᑉ ᐱᔪᖕᓇᖅᑕᖓ WSCC-ᑯᓐᓄᑦ ᐊᑦᑕᑕᕐᓂᖅ. ᓯᕗᓪᓕᖅᐹᖓᓃᑎᓪᓗᑎᑦ, ᕿᒥᕐᕈᓂᖅ ᖃᐅᔨᓴᖅᑕᐅᓂᕐᒧᑦ ᓈᐅᓴᐅᑏᑦ ᐅᒃᑯᐃᖓᔪᖅ ᑭᑐᓗᒃᑖᓄᑦ ᑕᑯᔭᒃᓴᐅᑕᐅᑉᓗᓂ ᐊᒪᓗ ᓇᓗᓇᐃᖅᖢᓂ ᒫᓐᓇᐅᔪᖅ ᐊᒪᓗ ᖄᖏᖅᑐᓂᒃ ᓈᓴᐅᑎᓂᒃ ᑐᕌᖓᔪᑦ ᐱᓕᕆᕝᕕᖕᓄᑦ ᐊᒪᓗ ᑐᒡᓕᕇᓕᖓᔪᓄᑦ.
ᑭᓯᐊᓂ, ᐱᔅᓂᓯᓕᕆᓂᐊᕐᓗᓂ ᐱᔾᔪᑎᓗᒋᑦ ᐱᓕᕆᕝᕕᒋᔭᐃᑦ, ᐱᓂᐊᕐᓗᓂ ᐲᖅᑕᐅᓂᐅᔪᓂᒃ ᐊᒪᓗ ᐊᑭᓕᖅᑐᐃᓂᖃᕐᓗᓂ, ᐊᖏᖅᑕᐅᓯᒪᓂᖃᕆᐊᖃᖅᑐᑎᑦ ᐱᓕᕆᕝᕕᒋᔭᖅᐱᑦ ᐱᑎᑕᐅᔪᖕᓇᕐᓂᕐᒧᑦ ᐊᐅᓚᑦᑎᔨ-ᖓᓂᑦ.
ᐱᓕᕆᕝᕕᐅᔪᑦ, ᓯᕗᓂᐊᒍᑦ ᑖᑉᑯᐊ ᑲᑎᓯᒪᔪᑦ ᐱᓂᐊᓵᖅᑎᓪᓗᒍ, ᐃᓱᒪᒃᓴᖅᓯᐅᓕᕆᑦᑎ ᑭᓇ ᑲᑐᔾᔨᖃᑎᒌᒋᔭᑉᓯᖕᓂᑦ ᐱᑎᑕᐅᔪᖕᓇᕐᓂᕐᒧᑦ ᐊᐅᓚᑦᑎᔨ-ᐅᓂᐊᕐᒪᖔᑦ. ᑖᒻᓇ ᑲᒪᔭᖃᖅᑐᖅ WSCC-ᑯᓐᓄᑦ ᐊᑦᑕᑕᕐᓂᖅ-ᓂᐅᑉ ᑐᖅᑯᖅᓯᓯᒪᕝᕕᖏᓐᓄᑦ, ᐊᒪᓗ ᐱᒋᐊᖅᑎᑦᑎᔪᖕᓇᖅᖢᓂ ᐅᕙᓘᓃᑦ ᕿᐱᓗᒡᓗᒋᑦ ᐊᓯᖏᑦ ᐊᑐᖃᑦᑕᖅᑐᑦ ᑲᑐᔾᔨᖃᑎᒌᓂᒃ ᐱᔾᔪᔾᔨᑉᓗᓂ. ᓯᕗᓪᓕᖅᐸᐅᔪᖅ ᐃᓄᒃ ᐃᓚᓯᓗᓂ ᐱᓕᕆᕝᕕᐅᔪᒥᑦ ᑐᖅᑯᖅᓯᓯᒪᕝᕕᖓᓐᓄᑦ ᐱᑎᑕᐅᔪᖕᓇᕐᓂᕐᒧᑦ ᐊᐅᓚᑦᑎᔨ-ᖑᑲᐅᑎᒋᔪᖅ. ᐱᒋᐊᕈᖕᓇᖅᓯᑐᐊᕈᕕᑦ ᐊᓯᖏᓐᓂᒃ ᐊᑐᕈᖕᓇᖅᑐᓂᒃ, ᑭᒡᓕᖃᖅᑐᒥᒃ ᐊᑐᕈᖕᓇᖅᓯᑎᑦᑐᖕᓇᖅᑕᑎᑦ ᐃᓚᖏᓐᓄᑦ ᐃᓚᒋᔭᐅᔪᓄᑦ, ᐅᕙᓘᓃᑦ ᑕᒪᓗᒃᑖᕐᒥᒃ ᐱᑎᑕᐅᔪᖕᓇᕐᓂᕐᒧᑦ ᐊᐅᓚᑦᑎᔨ-ᒥᒃ ᐱᔪᖕᓇᕐᓗᑎᒃ.
ᐊᓯᖏᑦ ᐊᑐᖃᑦᑕᖅᑐᑦ ᑐᒃᓯᕋᕈᖕᓇᖅᑐᑦ ᐃᓚᔭᐅᔪᒪᓗᑎᒃ ᑲᑐᔾᔨᖃᑎᒌᑉᓯ ᑐᖅᑯᖅᓯᓯᒪᕝᕕᖓᓄᑦ, ᐊᒪᓗ ᐱᑎᑕᐅᔪᖕᓇᕐᓂᕐᒧᑦ ᐊᐅᓚᑦᑎᔨ ᐃᓚᐅᓕᖅᑎᑦᑎᖁᔨᔪᖕᓇᖅᑐᖅ WSCC-ᑯᓐᓄᑦ ᐊᑦᑕᑕᕐᓂᖅ-ᒧᑦ.
WSCC-ᑯᓐᓄᑦ ᐊᑦᑕᑕᕐᓂᖅ ᐊᔪᙱᑎᑦᑎᔪᖅ ᑲᑎᑎᑦᑎᓂᕐᒥᒃ ᓇᖕᒥᓂᖅ ᖃᕆᑕᐅᔭᒃᑯᑦ ᑐᖅᑯᖅᓯᓯᒪᕝᕕᖕᓂᑦ ᐊᑕᐅᓯᐅᖏᑦᑐᒥᒃ ᐱᓕᕆᕕᖕᒧᑦ. ᐊᔪᙱᑎᑦᑎᔪᖅ ᐱᔅᓂᓯᓕᕆᓂᕐᒥᒃ ᐱᔾᔪᑎᓗᒋᑦ ᐃᒥᓱᐃᑦ ᐱᓕᕆᕝᕕᐅᔪᑦ, ᐃᖢᐊᖅᑑᔪᖕᓇᖅᑐᖅ ᓈᓴᐅᓯᕆᔨᐅᒍᕕᑦ, ᐅᕙᓘᓃᑦ ᐊᐅᓚᑦᑎᔨᐅᒍᕕᑦ ᐱᓕᕆᓗᑎᑦ ᐊᓯᐊᓄᑦ ᑲᑐᔾᔨᖃᑎᒌᒧᑦ.
WSCC-ᑯᓐᓄᑦ ᐊᑦᑕᑕᕐᓂᖅ ᐃᓕᓯᓂᐊᖅᑐᖅ ᑕᒪᐃᓅᖓᔪᒥᒃ ᖃᑉᓗᓈᑎᑐᑦ ᐊᒪᓗ ᐅᐃ-ᐅᐃᑎᑐᑦ, ᐊᒪᓗ ᐊᑐᖅᑲᑦᑕᖅᑐᑦ ᐋᕿᒃᓯᒃᐸᑕ ᓇᖕᒥᓂᖅ ᖃᕆᑕᐅᔭᒃᑯᑦ ᑐᖅᑯᖅᓯᓯᒪᕝᕕᖓᓐᓂᑦ, ᓂᕈᐊᕈᖕᓇᖅᑐᑦ ᐅᖃᐅᓯᕐᒥᑦ ᐊᑐᕈᒪᔭᖓᓐᓂᑦ. ᑕᒪᓐᓇ ᑕᑯᔭᐅᒋᐊᖅᑕᕐᕕᖕᒧᐊᕐᓂᑕᒫᑦ, ᐅᖃᐅᓯᒥᒃ ᐊᑐᕈᒪᔭᖓᓄᙵᐅᔪᖕᓇᖅᑐᑦ.
ᓇᓂ ᓇᓂᔪᖕᓇᖅᐸᕋ WSCC-ᑯᓐᓄᑦ ᐊᑦᑕᑕᕐᓂᖅ ?
WSCC-ᑯᓐᓄᑦ ᐊᑦᑕᑕᕐᓂᖅ ᑕᐃᒪᐅᓕᖅᐸᑦ, ᐱᔨᑦᑎᕋᐅᑎᒧᐊᕈᖕᓇᖅᑐᑎᑦ ᓯᕗᓪᓕᖅᐸᐅᔪᒥᑦ ᒪᒃᐱᖅᑐᒐᕐᒥᑦ WSCC-ᑯᑦ ᖃᕆᑕᐅᔭᒃᑯᑦ ᑕᑯᔭᐅᒋᐊᖅᑕᕐᕕᖓᓐᓂᑦ, ᐅᕙᓂ wscc.nt.ca ᐅᕙᓘᓃᑦ wscc.nu.ca. ᕿᓂᕐᓗᒍ WSCC-ᑯᓐᓄᑦ ᐊᑦᑕᑕᕐᓂᖅ ᑕᖅᓴᖓ ᓇᓗᓇᐃᑯᑕᖓ ᓇᕿᓪᓗᒍᓗ. ᑖᒻᓇ  ᖃᕆᑕᐅᔭᒃᑯᑦ ᐱᔅᓂᓯᓕᕆᓂᑉᑎᖕᓄᐊᖅᑎᑦᑎᖃᑦᑕᖅᑐᖅ. ᓇᓗᓇᐃᑯᑦᑎᕈᖕᓇᖅᑕᐃᑦ WSCC-ᑯᓐᓄᑦ ᐊᑦᑕᑕᕐᓂᖅ ᖃᕆᑕᐅᔭᒃᑯᑦ ᑕᑯᔭᐅᒋᐊᖅᑕᕐᕕᒃ, ᐅᕙᓘᓃᑦ ᐱᑲᐅᑎᒋᓗᒍ WSCC-ᑯ ᓯᕗᓪᓕᖅᐹᖑᔪᖓᓄᑦ ᒪᒃᐱᖅᑐᒐᖓᓄᑦ.
|
|
wscc.nt.ca / 1.800.661.0792 * wscc.nu.ca / 1.877.404.4407
|
|
|
|
|
|
|
|
|
|
|