Niqiliqivik 2015
Qayangnairutikhat Pidjutiit Tuhaadjutauyut
Ayungnaigiangat ilingnun
 
Qayangnairutikhat Pidjutiit talvani havagviuyut Havaktiit Aanniqtailiqinikkut Akilikhiarnikkullu Katimayiingit qayangnailiqidjutikharnik havaaqhangit naunaiyaiyaangat kiudjutikharnik angikliyumirhimayut ihiviriudjutikhangit akingit inuuhirlirtunun, qayanganairutikharniklu, utigiangatlu havaamingnun atuqtakhaingit, angiyutlu taktarutikhangit akituyut akingit.    Aulayuq tapkununga havaktitiunun pingahunik ukiunik naunaitunik ihivriudjutikharnun avaqutiqaqtunik $40,000 tallamik, aituihimaanginaqtait tapkuat ilitangnaqtunik atuqtauhimaaqtukhanik, akiliktuiqulugitlu tapkuat ihuangitumik maniliqittiangitunun.  

Uvani ukiumi Atanguyat Atuqhimaaquianginaqtuq Apiqhuirut (MPQ) Qayangnairutikhat Pidjutiit havaktitiungit ilitugipkaihimayut ilanganik nuutaanik naunairutikharnik quviahutigiyaptingni!

Tamna apiqhuirut inmikkut katitiqtuigiaqaqtuq naunairutikhangit iniqtihimaaqtilugit apiqhuirutiit, ilihimayaangat nampat iniqtigungni tunitinagu.  Imalu, iniqtigiaqaqtan tunilugulu apiqhuirutikhat qaritauyakkut!  Iniqtiqlugu naqitlugu tamna Submit naqitauta ataaniituq titiraqmi tuyugiangat qaritauyakkut talvunga Qayangnairutikhat Pidjutiit Havaktimun.

Takuyaangat nuutaanguyut titirat, naunaiyailutin amigaitunik naunairutikharnik taima qanuq iniqtigiaqakkit, click here (naqitlutin hamani).

Naunaiqhimalugu umikvikhanga tuyugianagt tamna MPQ-ngit titiraq Tattiaqnaqtuq 30, 2015mi.  

Ilauhimaaqlutin nuutaanguqtiqhimayut hanaqidjutikhat ikayuutigiyaangat havaktitiunun ilitugidjutikharnik tapkuninga ilanganik apiqutingnik apigiinaqtavit uvani MPQ-mi.  Ilauqaqtuq titiraqhimayunik tapkunginga WSCC-nik hanaqidjutikharnik ikayuutiniaqtun ilingnun piyaangat munagidjutikharnik qayangnairutikharnik utigiangatlu havagvingni havaaqharni. 

Naunaiqyumigumavit Qayangnairutikhat Pidjutiit tuhaadjutigiyaptingnik, apiqutiqaguvitluuniit? Hivayalugu tamna Safe Advantage Specialist (Qayangnairutikhat Pidjutiit Havaktimun)!
 
hunauyut nuutaanguqtiqhimayut
WSCC-kut mapiraaliuqhimayuni naunairutiit 

Havakhimaaqpaktgut uvani auyaqmi piqaqhutalu nuutaanik hanalrutikharnik piutikharnik qinigianganik! 

Akhugiyaurutikhat Ilituqhaiyaangat Hunaliukhimayunik 

Ilihimagaluaqin ilituqhaiyukhauyutin aaniqtuqaqqan ayungnautiqaqqanlu tapkununga WSCC-kutnun? Ukuat kangiqhidjutiit titirauyaqhimayutlu naunairutiqaqtun ilituqhaiyaiyaangat atuqtakhait ayungnaitumik kangikhiyaangat tamangnun havaktinun havaktitiununlu.

Ukuat havakhimayut pigiaqaqtun Qablunaaqtun, Uiviititun, Inuktitun Inuinnaqtunlu, ilauqaqhutiklu:
WHMIS-nik 2015mi

Taima Kangiqhidjutikhangit nuutaanguyut Havagvingni Amingnaqtun Hanalrutikhat Naunaiyairutiingit (WHMIS) 2015mi, WSCC-kut, ikayuktiqaqhutik tamangnin talvanga Canadian Centre for Occupational Health and Safety-min ukuningalu WorkSafe New Brunswick-min, havakhutik hanalrutikharnik ikayugiangat havaktinun havaktitiununlu kangikhiyaangat nanminikkut nuutaanguqtiqhimayunik hanaqidjutikharnik.

Qiniqlutin hamani:
Qiniqhimaaqtun aadjiliukhimayunik kitunikliqaaq titiraqhimayut uvani qulaani hanalrutikhangit?  Qaritauyakkut titiraqluhi uvaptingnun
piumayangnik, ilaulugu qaffiutilaangit uqauhikkutlu, quviahuktumiklu tuyugiaqaqtavut ilingnun!

WSCCkungit Hitamahuiqtuqhutik Ilituqhaidjutikhangit Ukiumi Atauhirmi

Ihumagiliqihi WSCC-kut havakhimaaqpaktaingit uvani ukiumi? Qiniqlugu hivulliqpaanguyuq 2015mi Hitamahuiqtuqhutik Ilituqhaidjutikhangit Ukiumi Atauhirmi Ilitugidjutikhangit takuyaangat aulahimaaqtaptingnik havaktaulauqtukharnik hivulliurutikhaptingni.
  
Qungiakhimaaqlutin Ilaulutin 
Qaritauyakkut - nanminigiyangnik havagvingnik aulahimaaqtitiniaqtun ukiakhaliqan 

WSCC-kut quviahuktun tuhaqtitiumayut taima aulatitiliqtun qaritauyakkut - nanminigiyangnik havagvingnik aulahimaaqtitiniaqtun ukiakhaliqan, ayungnairutikharnik ilingnun havagiangat havaanganik!

WSCC Connect-qaritauliqidjutait, qaritauyaliqdjutivut - nanminiqaqtunik, aulanialiqtuq Tattiaqnaqtumi pingahunik ikayuutikharnik piqaqniaqtun ihumagiluaqlugit havaktitiunik.  WSCC Connect - kut tuniqhainiaqtun qaritauyaliqidjutikharnik talvunga:
  • Akiliktuiyukhat akikharnik;
  • Qunngiaqaqniaqtun Ihivriudjutikharnik Akikhangit; taimalu
  • Pilutik Angirutikharnik Naunaitumik.
Havaktitiut piniaqtun ilaudjutikharnik titiqiqidjutikharniklu naunairutingnik titiraqaqvikkut aulatitinaiqtun.

Nuutaanik ikayuutikharnik aulaniaqtun aulahimaagianganik.  Ilauhimaaqlutik amigaitunik naunairutikharnik talvuuna humiiniaqtunik, qakugulu pigiaqaqtangnik! 
   
WSCC-kut nunaqyuami tamaat 

WSCC -kungit Lex Lovatt, Ihivriuqtiuyuq Uyaraqhiuqtunik/Uyaraqhiuqtununlu Annaiyaiyiit Tutqikhailiqiyi, Kanatami Ilautquyauyi talvunga Nunaqyuaptingnik Uyaraqhiuqti Annaiyaiyiingit Timingit (IMRB), ilauniaqtuq talvani 7mi IRMB-kutni Katimaqyuarutaani talvani Hanover, Germanymi Apitilirvikmi 6mi-10mun, 2015mi.
 
Una aituiniaqtun hanaqidjutikharnik Lex-mun WSCC-kutnunlu aulahimaagiangat ilaqatigiirutikharnik akhuqnaqtunik annairutikharnik ilitugidjutikhanrik havakhimaaqpaktainik havakvingnun inungnunlu tamaini nunaqyuaptingni.   Taima takunaqtun Nunatsiaq Nunavutlu ihuaqtumik aulavikhaqaqtin talvuuna Uyaraqhiuqtunun Annairutikharnik taima atuguminaqtumik nunaqyuaptingni tamaat.
 
Apiqutiqaguvit aulahimayumik Uyaraqhiuqtunun Annairutikharnik, hivayaqluta uvani 1-800-661-0792!
   
akikhat qunngiattiaqlugu 
nuutaanguqtirutikhangit aulayukhaliqtun hadja 
  
Havaktitiut, hadja ihuaqtuq havaktakhangit ihivirugiangat akikhangit nallautirutiit tunihimayatin 2015mi.  WSCC-kut tuyuliqtun akikhangit nuutaanguqtirutikhangit tamainun havaktitiunun nuunguliqan tatqikhiut Niqiliqivik.

Ilituqhailiqidjutiit talvuuna allanguqtitirutingnik akikhanun nallautiqhimayunik talvani ukiumi ayungnaitqiyauyuq akiliktuifaaqnaiqtumik nallautiluaqhimangitunik.  Ilituqhaiyaangat allanguqtirutikhangit, iniqtiqlugu tamna Payroll Revision uuktuutikhaq utiqtitilugulu qaritauyakkut kayumiktukkutluuniit uumunga hivayautmun 1-866-277-3677 uvani Nunatsiarmi qaritauyakkut kayumiktukkutluuniit hivayautmun uumunga 1-866-979-8501 Nunavunmi.

Apiqutiqaguvit nuutaanguqtiqhimayunik akikhanun, hivayaqlugu Havaktuliqiyikkut Nunatsiarmi uvani 1-800-661-0792 Nunavunmilu uvani 1-877-404-4407.
HAvagviit umikhimaniaqtun 

Labour Daymi - Apitilirvik  7, 2015mi
(Nunatsiarmi Nunavunmi havagviit umikhimaniaqtun)
 
Ilituqhaiyumaguvit aanniqtauhimaguvit, qanuriliuqhimayuniklu, ayungnautiqaqqanlu, hivayaqlugu tamna 24nik ikaakninik Ayungnautiqaqtuliqiyut Hivayautait uvani 1-800-661-0792.
WSCC
wscc.nt.ca   /  1.800.661.0792   *   wscc.nu.ca  /  1.877.404.4407