ᐊᒐᓯ 2015
ᐊᑦᑕᕐᓇᖅᑕᐃᓕᒪᑎᑦᑎᓂᕐᒧᑦ ᐱᕙᓪᓕᐊᔪᑦ
ᐃᓕᖕᓄᑦ ᐊᔪᕐᓇᕋᓐᓃᖅᐹᓪᓕᕐᓗᓂ

ᐃᖅᑲᓇᐃᔭᖅᑎᓄ ᐊᑦᑕᓇᖅᑐᓂᒃ ᐊᒻ ᓇᓪᓕᐅᒃᑯᒫᓂ ᖃᐅᔨᓴᖅᑏᑦ ᐊᑦᑕᓇᖅᑐᒦᑎᑕᐃᓕᒪᕗᑦ ᑲᒪᒋᔭᖃᕈᓐᓇᕐᓗᑎᒃ ᖃᐅᔨᓴᕐᔫᒥᕙᒡᓗᑎᒃ ᐱᓪᓗᒍ ᖃᓂᒪᓂᖅ, ᐊᑦᑕᕐᓇᖅᑕᐃᓕᒪᓂᖅ, ᐃᖅᑲᓇᐃᔮᒧᓪᓗ ᐅᑎᕐᓂᐅᖃᑦᑕᖅᑐᑦ ᐊᒻᒪ ᐱᓇᓱᐊᖅᑕᖓᑦ ᐊᑭᑐᕐᔪᐊᖃᑦᑕᖅᑎᓪᓗᒋᑦ. ᐃᖅᑲᓇᐃᔭᖅᑎᓄᑦ ᑐᕌᒐᐅᖃᑦᑕᖅᐳᖅ ᐱᖓᓱᓂᒃ ᐊᕐᕌᒍᓂᒡᓗᐊᖅ ᖃᐅᔨᓴᖅᑕᐅᓚᐅᔪᑦ ᐅᖓᑖᓂᒃ $40,000-ᖑᕗᖅ, ᑐᓂᐅᖃᖅᑕᐅᖃᑦᑕᖅᑐᑦ ᑖᒃᑯᐊ ᐱᓕᕆᐊᖑᓯᒪᔪᑦ ᓇᓗᓇᐃᖅᑕᐅᔪᕕᓃᑦ, ᐊᒻᒪ ᑖᒃᑯᐊ ᑲᑕᓚᐅᑲᒃᑐᕕᓃᑦ.  ᐊᕐᕉᒍᔪᖅ ᐊᐅᓚᑦᑎᔨ ᐊᐱᖅᓱᖃᑦᑕᖅᑕᖏᑦ ᐊᑦᑕᕐᓇᖅᑐᒦᖏᑉᐸᓪᓕᖁᓗᒋᑦ ᓄᑖᓂᒃ ᓴᕿᑦᑐᖃᕐᓂᐊᖅᑐᑦ.

ᐊᐱᖅᓱᑕᐅᔪᑦ ᓈᓴᖅᑕᐅᑲᐅᑎᒋᕗᑦ ᑭᐅᔭᕇᕋᖓᕕᑦ, ᑲᑎᑦᑐᓪᓗ ᖃᐅᔨᒪᓂᐊᕋᕕᑦ ᐊᑐᐃᓐᓇᐅᓂᐊᕐᒪᑕ. ᐊᒻᒪᑕᐅᖅ, ᐱᔭᕇᖅᕈᓐᓇᖅᓯᕗᑎᑦ ᑐᓂᓯᓗᑎᒡᓗ ᐊᐱᖅᑯᑎᓂᒃ ᖃᕋᓴᐅᔭᒃᑯᑦ. ᑎᑎᕐᓗᒋᑦ ᑐᓂᓗᒍ ᓂᕿᓪᓗᒍ ᐊᑖᓂᑦᑐᓂᒃ ᑕᑕᑎᒐᒃᓴᒥᒃ ᐃᕐᖏᓇᖅᓯᐅᑎᒧᑦ ᑐᓂᑲᐅᑎᒋᒐᔭᖅᑐᓗᓂ ᐊᑦᑕᕐᓇᐃᓕᔪᓕᕆᔨᒻᒪᕆᒧᑦ.

ᓄᑖᑦ ᑕᑕᑎᒐᒃᓴᑦ ᑕᑯᓇᓱᒡᓗᒋᑦ, ᑐᓴᒃᑲᓐᓂᕋᓱᒡᓗᓂ ᖃᓄᖅ ᐱᔭᕇᕈᓐᓇᒪᖔᑦ, ᒫᓂ ᓇᕿᓪᓗᒍ.

ᑐᓂᓇᓱᒡᓗᒋᑦ ᐃᓱᓕᓛᖅᑐᑦ ᐅᑐᑉᐱᕆ 30, 2015-ᒥᑦ.

ᓴᖅᑭᑎᑕᐅᓂᖅᑎᓪᓗᒍ ᐊᑐᖅᑕᐅᓕᒑᔪᑦ ᐃᑲᔫᑎᐅᓂᐊᖅᑐᖅ ᐃᖅᑲᓇᐃᔭᖅᑎᓄᑦ ᑐᑭᓯᔪᓐᓇᖁᓗᒋᑦ ᐱᖁᔭᒃᓴᓕᐊᖓᑦ ᐃᓚᖏᓐᓂᒃ ᐊᐱᖅᑯᑎᓂᒃ ᐊᐱᕆᓛᖅᑕᑦᑎᓐᓂᒃ MPQ-ᓂᑦ. ᐱᖃᓯᐅᑎᕗᑦ ᑎᑎᕋᖅᓯᒪᔪᖅ ᐃᖅᑲᓇᐃᔭᖅᑐᓕᕆᔨᒃᑯᑦ ᐊᑦᑕᕐᓇᖅᑕᐃᓕᒪᑎᑦᑎᓂᕐᒧᑦ ᓇᓪᓕᐅᒃᑯᒫᓕᕆᔨᓪᓗ ᐊᑐᖃᑦᑕᖅᑕᖏᑦ ᐃᑲᔪᕈᓐᓇᖅᑐᑦ ᐊᑦᑕᕐᓇᕈᓐᓃᖅᐸᓪᓕᕐᓂᕐᒧᑦ ᐅᑎᓪᓗᑎᒡᓗ ᐃᖅᑲᓇᐃᔭᕐᕕᐅᑉ ᐱᓕᕆᐊᒃᓴᖏᓐᓂᒃ.

ᖃᐅᔨᒃᑲᓐᓂᕈᒪᓐᓂᕈᕕᑦ ᐊᑦᑕᕐᓇᖅᑕᐃᓕᒪᑦᑎᑦᑎᓂᕐᒧᑦ ᐊᐱᖅᑯᑎᖃᕐᕕᓪᓘᓐᓃᑦ? ᖃᐅᔨᒋᐊᕆᑦ ᐊᑦᑕᕐᓇᖅᑕᐃᓕᒪᔪᓕᕆᔨᒻᒪᕆᖕᒧᑦ!
 
ᑭᓱ ᓄᑖᖑᖕᒪᑦ
ᐃᖅᑲᓇᐃᔭᖅᑎᓄ ᐊᑦᑕᓇᖅ ᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ  ᓴᖅᑭᑕᖏᑦ ᑐᓴᒐᒃᓴᑦ 

ᐊᐅᔭᖅ ᐱᔭᒃᓴᖃᐅᕈᓘᔭᖅᐳᒍᑦ ᓄᑖᓂᒡᓗ ᐊᑐᐃᓐᓇᐅᓂᐊᖅᑐᓂᒃ ᓴᖅᑭᑎᑦᑎᓂᐊᖅᖢᑕ ᑕᑯᓇᖕᓂᐊᖅᑕᓐᓂᒃ!

ᐊᑑᑎᓪᓗᕆᖕᓂᖏᑦ ᐅᓂᑳᓪᓕᐊᖑᔪᑦ

ᖃᐅᔨᒪᕕᑦ ᑭᓱ ᐅᓂᑳᖑᔭᕆᐊᖃᕐᓂᖏᑦ ᖃᓄᐃᓕᔪᖃᖅᑎᓪᓗᒍ ᐱᕈᓗᐊᕿᔪᖃᖅᑎᓪᓗᒍᓗ ᐃᖅᑲᓇᐃᔭᖅᑐᓕᕆᔨᒃᑯᑦ ᐊᑦᑕᕐᓇᑕᐃᓕᒪᑎᑦᑎᓂᕐᒧᑦ ᓇᓪᓕᐅᒃᑯᒫᓕᕆᔨᓪᓗ? ᑖᒃᑯᐊ ᓇᓗᓇᐃᖅᑕᐅᔪᑦ ᐊᑭᓐᓇᓪᓗ ᓇᓗᓇᐃᖅᓯᕗᑦ ᐅᓂᒃᑳᖑᔭᕆᐊᖃᖅᑐᑦ ᑐᑭᓯᒐᕐᓂᖅᖢᑎᒡᓗ ᑕᒪᒃᑭᑦ ᐃᖅᑲᓇᐃᔭᖅᑎᓄᑦ ᐃᖅᑲᓇᐃᔭᖅᑎᑦᑎᔪᒧᓪᓗ.

ᑖᒃᑯᐊ ᐊᑐᐃᓐᓇᐅᔪᑦ ᖁᓪᓗᓈᑎᑐᑦ, ᐅᐃᕖᑎᑐᑦ, ᐃᓄᒃᑎᑐᑦ ᐃᓄᐃᓐᓇᖅᑐᓪᓗ ᐊᒻᒪ ᐱᖃᓯᐅᑎᕗᑦ: 
ᐃᖅᑲᓇᐃᔭᕐᕕᖕᒥᑦ ᐊᑦᑕᕐᓇᖅᑐᓂᒃ ᑐᓴᒐᒃᓴᑦ2015

ᐱᒋᐊᕐᓂᖃᖅᖢᓂ ᓄᑖᒥᒃ ᐃᖅᑲᓇᐃᔭᕐᕕᖕᒥᑦ ᐊᑦᑕᕐᓇᖅᑐᓂᒃ ᑐᓴᒐᒃᓴᑦ (WHMIS) 2015−ᒥᑦ ᐃᖅᑲᓇᐃᔭᖅᑐᓕᕆᔨᒃᑯᑦ ᐊᑦᑕᕐᓇᐃᓕᒪᑎᑦᑎᓂᕐᒧᑦ ᓇᓪᓕᐅᒃᑯᒫᓕᕆᔨᓪᓗ, ᐃᑲᔪᕋᔭᖅᑐᑦ ᑕᒪᒃᑭᑦ ᑲᓇᑕᒥᑦ ᐃᖅᑲᓇᐃᔭᖅᑎᓄᑦ ᖃᓄᐃᖏᑦᑎᐊᕐᓂᕐᒧᑦ ᐊᑦᑕᕐᓇᖅᑕᐃᓕᒪᑎᑦᑎᓂᕐᒧᑦ ᐃᖅᑲᓇᐃᔭᕐᕕᖕᒥᑦ ᓅᐸᓐᓱᕕᒃᒥᑦ, ᐋᖅᑭᒃᓱᖅᑕᐅᓯᒪᔪᑦ ᐃᑲᔫᑎᐅᒐᔭᖅᑐᑦ ᐃᖅᑲᓇᐃᔭᖅᑐᓄᑦ ᐃᖅᑲᓇᐃᔭᖅᑎᑦᑎᔨᔪᓪᓗ ᖃᐅᔨᔪᓐᓇᖁᓗᒋᑦ ᓄᑖᖑᖅᑎᑕᐅᓯᒪᔪᒥᒃ.

ᖃᐅᔨᒋᐊᕐᓗᒍ:
ᐊᔾᔨᙱᓐᓂᒃ ᓇᓕᐊᖕᓂᑐᐃᓐᓇᖅ ᖁᓛᓂᑦᑐᒥᒃ ᐱᔪᒪᕕᑦ? ᑐᒃᓯᕋᖅᑕᓐᓄᑦ ᐅᕙᑦᑎᓄᑦ ᐃᕐᖏᓇᖅᓯᐅᑎᑦᑎᓄᑦ ᑎᑎᕋᕆᑦ, ᐱᖃᓯᐅᑎᕗᑦ ᐅᖃᐅᓯᑦᑎᐊᖅᓯᒪᔪᓂᒃ ᓇᓐᓯᐅᑎᔭᕆᐊᒃᓴᓗ ᐊᓕᐊᓇᐃᒍᓱᒃᐳᒍᑦ ᐃᓕᖕᓄᑦ! 

ᐃᖅᑲᓇᐃᔭᖅᑐᓕᕆᔨᑦ ᐊᑦᑕᕐᓇᖅᑕᐃᓕᒪᑎᑦᑎᓂᕐᒧᑦ ᓇᓪᓕᐅᒃᑯᒫᓕᕆᔨᓪᓗ ᐱᕙᓪᓕᐊᔪᖏᑦ ᑕᖅᑭᑦ ᑎᓴᒪᙵᓂᒃ ᖃᖏᕋᖓᑕ

ᐊᕐᕌᒍᔪᖅ ᖃᓄᐃᓕᐅᖅᓯᒪᕚᑦ ᐃᓱᒪᕖᑦ ᐃᖅᑲᓇᐃᔭᖅᑐᓕᕆᔨᒃᑯᑦ ᐊᑦᑕᕐᓇᖅᑕᐃᓕᒪᑎᑦᑎᓂᕐᒧᑦ ᓇᓪᓕᐅᒃᑯᒫᓕᕆᔨᓪᓗ? ᓯᕗᓕᕐᒥᑦ  2015 ᑕᖅᑭᑦ ᑎᓴᒪᙵᓐᓂᒃ ᐱᕙᓪᓕᐊᔪᑦ ᐱᓕᕆᐊᑦᑎᓐᓂᒃ ᐱᔾᔪᑎᓪᓚᕆᖕᓂᒡᓗ.
  
ᑕᑯᒋᐊᓛᕆᕙᑦ
ᐃᕐᖏᓇᖅᓯᐅᑎᕗᑦ ᐅᑭᐊᒃᓵᖑᓂᐊᖅᑐᖅ

WSCC−ᑯᑦ ᐅᓐᓂᖅᓯᐅᖅᖢᑎᒃ ᓴᖅᑭᓐᓂᐊᖅᑕᕗᑦ ᐃᕐᖏᓇᖅᓯᐅᑎᒃᑯᑦ ᐱᓕᕆᐊᕗᑦ ᐅᑭᐊᒃᓵᖑᓂᐊᖅᑐᖅ, ᐊᔪᓐᓇᕈᓃᖅᐸᓪᓕᖁᓗᒍᑦ ᐱᔨᑦᑎᕈᓐᓇᖁᓗᑕ ᐃᓕᖕᓄᑦ!

WSCC-ᑯᓐᓄᑦ ᑐᕋᒐᖅ, ᐃᕐᖏᓇᖅᓯᐅᑎᕗᑦ ᐱᓕᕆᐊᑎᓐᓄᑦ, ᐱᒋᐊᕐᓂᐊᖅᑐᖅ ᐅᑐᑉᐱᕆᒥᑦ  ᐱᖓᓱᓂᒃ ᐱᔨᑦᑎᕋᓱᐊᖅᑐᖅ ᐃᖅᑲᓇᐃᔭᖅᑎᑦᑎᔨᓄᑦ ᐱᓗᐊᖅᑐᒥᑦ.  WSCC−ᑯᓐᓄᑦ ᑐᕌᒐᖅ ᐊᑐᐃᓐᓇᐅᑲᐅᑎᒋᓕᕋᔭᖅᑕᑎᑦ:
  • ᐊᑭᓖᓗᓂ;
  • ᖃᐅᔨᓴᖅᑕᐅᔪᑦ ᐊᑭᓕᖕᓗ ᑕᑯᓇᒐᓱᒡᓗᒋᑦ; ᐊᒻᒪ
  • ᐊᖏᖅᑕᐅᓯᒪᐃᓐᓇᕐᓗᓂ.
ᐃᖅᑲᓇᐃᔭᖅᑎᑦᑎᔨ ᖃᐅᔨᔪᑎᑖᕋᔭᖅᑐᖅ ᐊᑭᓕᕈᑎᒃᓴᒡᓗ ᑐᓴᒐᒃᓴᓂᒃ ᑎᑎᖅᑲᑎᒍᑦ ᓴᖅᑭᓐᓂᐊᑎᓪᓗᒍ.

ᓄᑖᓂᒃ ᐱᔨᑦᑎᕈᑎᑦ ᓴᖅᑭᓐᓇᖃᑦᑕᕐᓂᐊᖅᑐᑦ. ᑕᑯᒋᐊᒃᑲᓐᓂᕐᓗᑎᒃ ᑐᓴᒐᒃᓴᓂᒃ ᑭᓱᑕᖃᓛᕐᒪᖔᑦ, ᓂᕆᐅᒋᑎᓪᓗᒋᑦ!
   
ᐃᖅᑲᓇᐃᔭᖅᑎᓄ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᓯᓚᕐᔪᐊᒥᑦ

WSCC−ᑯᑦ ᓕᒃᔅ ᓗᕚᑦ, ᖃᐅᔨᓴᖅᑎ ᐅᔭᕋᖕᓂᐊᓂᕐᒧᑦ/ᐅᔭᕋᖕᓂᐊᕐᓂᕐᒧᑦ ᓴᐳᔾᔨᓂᖅ, ᑲᓇᑕᒥᑦ ᑭᒡᒐᖅᑐᐃᔨᐅᓗᓂ ᓯᓚᕐᔪᐊᒥᒃ ᐅᔭᕋᖕᓂᐊᓂᕐᒧᑦ ᓴᐳᔾᔨᓂᖅ (IMRB)−ᑯᑦ, ᐃᓚᐅᓛᕐᒥᔪᖅ 7−ᖓᓂᒃ ᑲᑎᒪᓂᐅᑎᓪᓗᒋᑦ IMRB−ᑯᑦ ᕼᐊᓐᐅᕙ ᔫᒪᓂᒥᒃ ᓯᑎᑉᐱᕆ 6−ᒥᑦ 10−ᒧᑦ, 2015-ᒥᑦ.
 
ᑖᓐᓇ ᓴᖅᑭᔮᕐᓂᐊᖅᑐᖅ ᓚᒃᔅᒧᑦ ᐊᒻᒪ WSCC−ᑯᑦ ᑐᓴᒪᑎᑦᑎᓇᕐᓗᑎᒃ ᐊᑑᑎᓪᓚᕆᖕᓂᖅ ᐅᔭᕋᖕᓂᐊᕐᓂᓕᕆᓂᕐᒧᑦ ᓴᐳᔾᔨᓂᖅ ᓴᖅᑭᑕᐅᓂᖓ ᖃᐅᔨᒪᒋᐊᖃᕐᓂᖅ ᐃᖅᑲᓇᐃᔭᖃᑎᖃᓕᒪᓂᕐᓗ ᐊᓯᖏᓐᓂᒃ ᑲᑐᔾᔨᖃᑎᒌᖑᔪᓂᒃ ᐃᓄᖕᓂᒡᓗ ᓯᓚᕐᔪᐊᒥᐅᓂᒃ.
 
ᐊᐱᖅᑯᑎᖃᕈᕕᑦ ᐅᔭᕋᖕᓂᐊᓂᓕᕆᓂᕐᒧᑦ ᓴᐳᔾᔨᓂᕐᒧᑦ ᑐᕌᖓᔪᒥᒃ, ᐅᖄᓚᕕᒋᑕ 1-800-661-0792!
   
ᖃᐅᔨᓴᕐᓗᒍ ᐃᖅᑲᓇᐃᔭᖅᑎᑦ ᐊᑭᓕᖅᓱᖅᑕᐅᔾᔪᑎᑦ
ᒫᓇ ᕿᒥᕐᕈᔭᕆᐊᖃᓕᖅᑐᑦ 
  
2015−ᒥᑦ ᑐᓂᔭᑎᑦ ᐃᖅᑲᓇᐃᔭᖅᑎᓄᑦ, ᐊᑭᓕᖅᓱᖅᑕᐅᓪᓗᐊᓚᐅᖅᑕᑎᑦ ᐅᓪᓗᒥ ᕿᒥᕐᕈᔭᐅᒍᑎᑦ. ᐃᖅᑲᓇᐃᔭᖅᑐᓕᕆᔨᒃᑯᑦ ᐊᑦᑕᕐᓇᖅᑕᐃᓕᒪᑎᑦᑎᓂᕐᒧᑦ ᓇᓪᓕᐅᒃᑯᒫᓕᕆᔨᓪᓗ ᐊᑭᓕᖅᑕᐅᔾᔪᓯᐊᓚᐅᖅᑐᓄᑦ ᕿᒥᕐᕈᔭᐅᓚᐅᖅᑐᓂᒃ ᐃᖅᑲᓇᐃᔭᖅᑎᓪᓕᒫᓄᑦ ᐊᒡᒌᓯ ᐃᓱᐊᓂ. 

ᑐᑭᓯᓂᕐᓗᖁᓇᑎᑦ ᐊᓯᔾᔨᖅᑐᑦ ᐊᑭᓕᖅᓱᖅᑕᐅᓗᐊᓚᐅᖅᑕᑎᑦ ᐊᕐᕌᒍᒧᑦ. ᐊᓯᔾᔨᖅᑐᓂᒃ ᐅᖃᐅᓯᖃᕈᒪᓗᓂ, ᐱᔭᕇᕐᓗᑎᒃ ᐊᑭᓕᖅᓱᖅᑕᐅᓚᐅᖅᑐᑦ ᐊᑭᓕᖅᓱᖅᑕᐅᔾᔪᑎᑦ ᕿᒥᕐᕈᔭᐅᔪᑦ  ᑕᑕᑎᒐᒃᓴᑦ ᐅᑎᖅᑎᓪᓗᒍ ᐃᕐᖏᓇᖅᓯᐅᑎᒃᑯᑦ  ᐅᕝᕙᓘᓐᓃᒃ ᓱᒃᑲᔪᒃᑯᑦ 1-877-277-3677−ᒧᑦ ᓄᓇᑦᑎᐊᒧᑦ ᐅᕝᕙᓘᓐᓃᑦ ᐃᕐᖏᓇᖅᓯᐅᑖᓄᑦ ᐅᕝᕙᓘᓐᓃᒃ 1-866-979-8501-ᒧᑦ ᓄᓇᕗᒥᑦ.

ᐊᐱᖅᑯᑎᖃᕈᕕᑦ ᕿᒥᕐᕈᔭᐅᑎᓪᓗᒍ ᐃᖅᑲᓇᐃᔭᖅᑎᑦ ᐊᑭᓕᖅᓱᖅᑕᐅᔾᔪᑎᕕᑦ, ᐃᖅᑲᓇᐃᔭᖅᑎᓄᑦ ᐱᔨᑦᑎᕐᕕᑦ ᓄᓇᑦᑎᐊᕐᒧᑦ 1-800-661-0792-ᒧᑦ ᐊᒻᒪ ᓄᓇᕗᒥᑦ 1-877-404-4407-ᒧᑦ. 

ᑎᑎᕋᕐᕕᒃ ᒪᑐᓯᒪᓛᖅᑐᖅ
  
ᐃᖅᑲᓇᐃᔭᖅᑏᑦ ᓄᖃᖓᕕᐊᓂᒃ -  ᓯᑎᑉᐱᕆ 7, 2015−ᒥᑦ
(ᓄᓇᑦᑎᐊᕐᒥᑦ ᓄᓇᕗᒥᓪᓗ ᑎᑎᕋᕐᕕᖏᑦ ᒪᑐᓯᒪᓛᖅᑐᑦ)
 
ᐋᓐᓂᖅᑐᖃᕐᔪᐊᖅᑐᒥᑦ ᐅᓂᒃᑳᓕᐅᕐᓗᓂ, ᖃᓄᐃᓕᔪᖃᖅᑎᓪᓗᒍ ᐅᕝᕙᓘᓐᓃᑦ ᐱᕕᒡᔪᐊᖅᑐᖃᕐᓗᓂ, ᐅᖄᓚᓗᑎᑦ 24−ᓂᒃ ᐃᑲᕋᓂᒃ ᒪᒃᐱᖓᔪᖅ ᖃᓄᐃᓕᔪᖃᖅᑎᓪᓗᒍ ᐅᓂᒃᑳᓕᐅᕐᕕᒃ 1-800-661-0792-ᒧᑦ.  
WSCC
wscc.nt.ca   /  1.800.661.0792   *   wscc.nu.ca  /  1.877.404.4407