Kinaliqaa pijutiqaqtuq nanminik anigitaamikni, anigitaaganilu havaqatigiyatik. Havaktut havaktitiyulu takupkaqtitaiyut umiga uvuna timiuyumi havauhiqnik atuqtumik (IRS): inujuhiq tamaita havakvikmi, havaktitiyut havaktulu, pijutiqaqtut aniqtuqagitaagani havakvikmi, inmikni havaqatimiknilu. Ilihijutauyuq havaktuq - havaktitiyuqlu ikayuqtiriigiagani aniqnaitaagani aniarutiqagitaaganilu havakvikni.

Ataniuyut aniqnainiganik ilihautit havaat ihuaqtumik qauyimayau-yariaqaqtut ataniuyunin aniqtuqagitaagani maliganik, ukualuat Anigitaagani Maligaqyuat Maliruagakhalu. Ilihaqnikut havaaq atuqtitiyariaqaqtuq nakuniqhanik havauhikhanik tikuaqhiyaagani munarilugilu anirutaulaqtut, ayuqiqtuijutiniklu katraqaqtut aniqtuqagitaagani munarijutinik, ihuaqtuniklu havakvikmi iqaiyau-tinik. Agiktauhimayuq Ataniuyut Aniqtuqagitaagani Qauyivaaliru-tikhainik Havaamik ilaliutipkaiyariaqaqtut, kihiani talvatuagugituq, ukuniga: 

• Maligakhat
• NWT-mi NU-milu Anigitaagani Maligaqyuat
• NWT-mi Havakvikmi Aniaqnianigagut Anigitaaganilu Maliruakhat (atuqtauyumayuq Nunavumi) 
• Pitquhiuyut

Maliruatiariagani taja NWT-mi Havakvikmi Aniaqnianigagut Anigitaaganilu (OHS) Maliruakhaq, ataniuyut iniqhiyariaqaqtut Ataniuyut Aniqtuqagitaagani Qauyijutinut ilihaqniq agiqhimayaat WSCC-kuniAniqtailijutinik Atanguyaluaq. Ataniuyut inikhitiaqtut umiga havaamik maliruatiaqtut umiga NWT-mi OHS-mi Maliriaq-hanik, (atuqtauyumayuq Nunavumi). 

Agiqtauhimayut ilihautikhat ublumimut maliganik aturiaqaq-niginut pijutauyut ukua:

• Una Hivuliqhuqnik Aniqtuqagitaagani Ihuaqniqhanik Ayuiqhajut, unalu Pitquhiuyut Aniaqnaitumik Aniqnaitumiklu Munarijutinut Ayuiqhajutit, kahaktut ukunanga Ukiuktaqtumi Aniqtailijutiliqiyit Katimayinin.  
• Una Ataniuyunit Ayuiqhajutin Aniqtuqagitaagani ilihaqnik, kahaktut ukunanga Ukiuktaqmumi Nunagiyauyuni Katimaqyuaqtin Havaktunin.  

Hivuniqhivaalirumaniruvin agiktauhimayunik pipkaivaktunik Nuna-tiami Nunavumilu, takujavan una WSCC-kut qungialiugaattaja naunai-kutauyumik, nutaaguqtikpagaptiknik agiqpaliatiluta ilagiarutikhanik ayuiqhajutikhanik. Naluvyakuvin huli ihuaqtumik ilihautikhamik malirua-tairuviluniit, titiqijutigijavatin apiqutin uvuga  OHSRegs@wscc.nt.ca. 

Munariniga Havauhiyup  

16. (1) Havaktitiyuq piqaqtitiniaquq, havakvikmi, 

(a) havauhiq ihuaqtumik ayugitumilu munaripkagauniaquq; 

(b) ataniuyut qauyimaniqatiariagani ukuniga: 

(i) hunanikluqaa havakvikmi aniaqnaitaagani aniqtuqagi-taaganilu havaamik atulaqtainik havaktut munagiyauyunik havakmi,

(ii) qayagitiaqlugit, atutiaqlugit, tutqutiaqlugit, hanatiaqlugit iqatiaqnigilu anirutaulaqtut kuviyaaqtuvaluit,

(iii) ihariagiyaunigin, aniqnaitumiklu atuqnigin, nanminik aniriipkutin piqutit,

(iv) upaluqnaqtuqaqat pigiarutikhat piquyauyut ukunanga maliriakhanin,

(c) ataniuyut iniqhihimakpata agiqtauhimayumik maliruagakhanik qauyuvaalirutikhanik havaamik; unalu

(2) Ataniuyuq havaktunik maliruaqtitiniaquq umiga Maligaqyuamik ukunigalu maliruagakhanik atuqniqaqata havakvikmi.

Ataniqtuiyit Katimayit ihivriuqhiyut agikhugilu ukua pitquhiuyut June-mi 2015-mi katimagamik:

• Pitquhiq 00.04, Ukuimi Akituniqhaq Qulaqnaiyautinut Akiliutit 

• Pitquhiq 00.05, Naunaiyaqniga Qanuriniga Innum ilagagut Havaktin Manikhauhikhainik Maligaqyuam: Humiliqaa (hivuani, Naunaiyaq-niga Havaktitiyum Havaktuvlu Qanuriniga)

• Pitquhiq 00.05.01, Naunaiyaqniga Qanuriniga Innum ilagagut Havaktin Manikhauhikhainik Maligaqyuam: Havaktitiyut

• Pitquhiq 00.05.02, Naunaiyaqniga Qanuriniga Innum ilagagut Havaktin Manikhauhikhainik Maligaqyuam: Havaktut

• Pitquhiq 02.11, Himaitikhaq Ilagilu Havaktut

WSCC-kut havakpiaqpaktut pivagiafikni nutaanik hivuniqhinaqtu-niklu uqauhiqnik tamaini takupkaqtijutiptikni. Una atuqhimaginaq-tuq uigua takupkaijutauyuq qaganuaq nutaaguqtikniginik nutaanik-lu igilrutikhanik atuqtakhaqnik!

Utiqat Havaamut (RTW) Ihuaqutit:

Aniguqvikhaq Mamijutikhamut: Una kautuaqmulaaqtuq taiguakhaq aniqhimayunin havaktunit ihariahuktunik WSCC-kut ikayuktutainik uqauhiqaqtuq tukhiqtutit aulaniginik, RTW-kulu ilaunigilu havaagilu WSCC-kut, munaqhit, havaktitiyut, aniqhimayuvlu havaktum.  

Apqutauyuq Mamijutikhamut Taiguakhaq: Ikayutaulaqtuq igilrut atuqtakhat havaktut havaktitiyulu, una taiguakhaq takupkaiyuq aalatqiinik atuqtakhanik utiriami havaamut, havakhimaginariagani-luniit 

 
Utiriami Havaamut Aniqhimayunin Havaktunik Taiguakhaq: Una taiguakhaq pijutauyuq hunanikliqaa ikayutivaluknik RTW-nit, aulaniganik, uqaqvikhaniklu inuknik hivuniqhijutikhanik.
 

Havaktitiyup Maliriakhaa Utiriagani Havaamut: RTW-kut havaaga ikayuqtuiyuq aniqhimayunik havaktunik utiriagani ihuaqtumut havaamut qilamik aniarutiqaruiqat ila. Una maliruakhaq uqatiaq-tuq qanuq ihuaqhariagani atuliriaganilu utiqat havaamut ikayutik-haq timiuyumi havakvikni, ilaqaqtuqlu atulaaqtunik iniriiqhimayu-nik titiraakhaniklu. Ukua titiraakhat atulaaqtulu qahaktut ihuaqha-laaqtunik makpiraani WSCC-kut qungialiugaini qaritauyami. 

Piyumavit titiraqhimayunik ukuniga ajikutainiq makpiraat? Uqaqvigiluta tukhiqtutiknik, qafiniklu, turaaqtitivikhaptikniklu, quvia-hukniaqugut tuyutigiyaagani iliknut! Ukua titiqat qahaktun Qavlunaatut, French-titut, Inuktitut, Inuinaqtulu. 

Ihumagiyaqaqin kitunikliqaa ukuniga uqauhiuyunik, qiniqhiaviluniit hivuniqhivaalirutikhanik? Naunaiyaqvigijavat qungialiugaqut, titiqilutaluniit uvani (safetynet@wscc.nt.ca)-mi! Tuharumainaqtu-gut iliknit!