Qiqaiyaqluaqvia 2015                            

June 1-mi, Maligannguqniaq

 

June 1-mi, 2015 nutaat Havakvingnit Aanniaqtailiniqmut Aanniqtailiniqmullu (OHS) Maliktaghat atuqtitauniat Nunattiami tamaat. 

 

Nunavunmi, maligaghaliuqhimayut maligannguqtauniaq nungutinnagu 2015. Ihivriuqtaghat hapkua Maliktaghaliuqhimayut qanuq mihingnarniariaghait nanminiqnut. Havaktit Aanniqtailiniqmut Ikayuutinullu Kamissin katimapkaivangniat katimaqatigiingnik ilittuqhitilugit havaktit havakvillu nutaanik Maliktaghanik. 

 

Takulugu qaritauyakkuurutivut katimavighaptingnik, nani katimaniat, ilauyaamilu titiraliqiniqmut.

Quviahuutigilugu Uyaraghiuqtut Upluutainik

 

June 8-14

 

58-nik ukiunik aulavaktut taapkua Ukiuq Tamaat Uyaraghiuqvit Annaqtittiplutik Akihaqtuutiyut Uyaraghiuqtillu Niripkainahuat Saturday-mi, June 13-mi, Yellowknife Nunallaarmiut Quahiyarviat aghaluutiqarvianit. Uyaraghiuqtinik Annaqtinik ikayuqtigiingnik tamaat Nunattiami ukiuqlu atuqtumi, ikayuqtigiingnik British Columbia-mit, akihaqtuutinahuat akimayaghanik nunap qaangani annaktunik nunaplu iluani annaktunik. Hulilukaaqtaghat akiittut ilauvigiinnarialgillu inungnit. Aullaqtitauvangniat 8:00-mit uplaami 3:00-munngaqqat upluummaat, Uyaraghiuqtit niripkainahuat BBQ-mik 12:00-munngaqqat. Tamaita ilatit qaiqatigilugit Saturday-mi takuyaqtuqluhi havauhikput ikayuqtigiighuta, quviahuutigilugit Uyaraghiuqtit Annaktit havauhiit aghuurnaqmata.

 

Ikulayunik aghunaanullu annaktit akihaqtuutiniat Friday-mi, June 12-mi. Hapkua hulilukaaqtaghat aullaqtitauniat Ingram Apqutaanit.  

NAOSH-kut Quyagivaahi

 

 

North Americami Havakvingnit Aanniqtailiniq Aanniaqtailiniqlu (NAOSH) upluutait aullaqtitauhimayut May 3-mit 9-mut, 2015-mi. Ikayuqhugit Kanatami Katimayiit Aanniqtailiplutik Hanayinik (CSSE) ihuaqnikkullu irininaqtut taapkua Hivumuuqtittiyut Aanniqtailiniqmut Ilitquhinik, taapkua WSCC-kut quviahuutigivagait hulilukaaqtittiplutik Nunattiami tamaat Nunavunmilu. 

 

Inuvingmiutat ilauquhimayut Katimayunut Aanniqtailiniqmut Monday-mi, May 4-mi, uqaqtiqaqhutik Inuvik Uqhuqyualiqiyinit, Nunallaaryuanganit Inuvik, talvanngallu Inuvik Aviktuqhimayumi Aanniaqvianit. Ilauyut tamangnik quyagivagait tupauttaqtuutit ilihaqtillutik unipkaarutigiighutik aanniqtailiniqmut ilihimayaghat. 

 

Iqalungni havakvikput Ulapqipkaivaktut Aanniqtailiniqmut Annaktunik Qunngiaqtittiplutik Tuesday, May 5-mi. Amihut qunngiariaqtuqpaktut, taapkua Qulliq Alruyaliqiyit Kuapuriissat akimaplutik!

 

Yellowknife ulapqipkaivaktut WSCC-kut Ukiuq tamaat Aanniqtailiniqmut Apqutinit akihaqtuutiplutik Friday-mi, May 8-mi. 10-nguyut ikayuqtigiit akihaqtuutivaktut qauhimayainik ayuitainiklu akimayumaplutik angiyumik. Ikayuqtigiit pihuutigiiktut akimaplutik taapkua GNWT-kut - HR-kut Aanniqtailiniqmut Nayaghaktittiyit. 

 

Quyagivaqqut inuit tamaita ilauyut ikayuqtullu NAOSH-kut Upluutainik hulilukaaqtittiplutik Nunattiami tamaat Nunavunmilu. 

 

Havakviit, ilihimaluhi taimaa uuktuinnarialgit huli CSSE-kut Havakvingnik Ilitaqhitiyut Akihaqtuutiyunut, takulugu  qaritauyakuurutivut  naunaittiarumaguffi.  

Ayuittut Akimayut

 

Ayuittut Kanatami Nunattiami taapkualu Ayuittut Kanatami Nunavunmiut Akihaqtuutivaktut Aviktuqhimayumi Akihaqtuutiplutik (TSC) tatqiqhiut qaangiqtumi. Akihaqtuutiplutik aullaqtittivalliutiuyut havaaghanut hananiqmut alruyaqtuqtuniklu Ukiuqtaqtumiunut inulramminut.

 

WSCC-kut quviahughutik ilauvaktut ukiuq tamaat titiraqtiuplutik talvani Havakvingnit Aanniqtailiniqmut Akihaqtuutiplutik. 

 

Nunattiarmiut Akihaqtittivaktut 17-nik Ukiunik Aulaplutik Ayuittainik Akihaqtuutiplutik April 21-mi Yellowknife-mi, nunallaarmiullu Aklavingmiut quviahuutiqaqhutik, aimaviupluni tamangnit akihimayunik talvanngat Havakvingnit Aanniqtailiniqmut Ayuitainik Akihaqtuutiyunik.

 

Akimayut taapkua:

Ethan Hartley 

Nathan Wilson 

Dwight Stefansson 
 

 

 

Nunavunmiut Akihaqtittivaktut 10-nik Ukiunik Aulaplutik Ayuitainik Akihaqtuutiplutik April 29-mi Iqalungni. Akimahimayut talvani Havakvingnit Ayuitainik Akihaqtuutiyunit taapkua:

 

Precious Maningas

Leroy Pialaq

Dino Akearok 

 

(Photo: Precious Maningas)

Ilihimayaghat - Morel mahungnik Niqighaqhiuqtut

 

Niqighaqhiuruvit morel-nik Nunattiami havakpaghutillu ilikkut, ikayuqtaulaittutit WSCC-kunnit. Ikayuqtauyumaguvit aajjikkutainik ikayuutinik amiriyaulutillu ahitut havaktinik, niuviinnarialiuyutit Inmikkut Ikayuutigiinnarialingnik WSCC-kunnit.

 

Ikayuutinik WSCC-kut ikayuutainik ayuqnaittuq. Titiraqlugit aullaqtittilugillu taapkua Inmikkut Ikayuutighat titiraaghat. Havakvingnut Ikayuqtivut ikayuinnarialgit titiraqtaghanut, ilittuqhitilugit ikayuutit akighaillu. Ikayuqtauliqpaktut titiraaghat pihimaguptitku akighaillu tamaat. Hivikinniqhat ikayuutinik niuviinnarialgit tatqiqhiunmut atauhiqmut.

 

Naunaittiarumaguffi takulugu qaritauyakkuurutivut.

Aimavingnik Nanminilgit Makpiraangit

 

Upinngagharaangat, tamapta ahiqquiyaiyumavaktugut aimaviptingnik hilamilu hanalukaaqtaghanik. Havaktighaqhiuqtinnatit ikayuqtighanik, WSCC-kut hivayaqlugit ilittuqhiyaami taapkua Havaktit Ikayuutainut Maligait taamnalu Aanniqtailiniqmut Maliganit havakviuyaagharnik. Nanminiqaruvit aimavingnit nunamikluuniit, ilvit ataniulluaqtughauyutit hulilukaaqtunik nanminirnit, kihimi titiraqhimayumik angirutiqaruvit ilitturittiarnaqtunik taimaa ahiit munaqtiulluaqtut. Naunaittiarumaguffi havaagharnik nanminiqaruvit havaktighaqhiurniqmut havaktughaq aimavingnit, aajjikkutainik pilutit taapkuninnga Aimavilgit Nanminirnik Havaaghainut makpiqqanik hamani, hivayaqlugilluuniit WSCC-kut talvani 1-800-661-0792.

Inuuhuktut Havaktit

Auyaq Tikihaqtuqtuq taapkualu Inuuhuktut Havaktit

 

Qauyihaqhimahaaqtunik makpiraaliuqhimayait Kanatami Aanniqtailiniqmut Naunaitkutanit ilittuqhihimayut inuuhuktunik havaktinik aanniqtailiniqmut ihuaqutilluat - taamna atannguyaq.

 

Qauyihaqhimayainillu ilittuqhivaktut taimaa angayuqqaat, aniqatit, ilannait, ilihaqtit, havaqatigiillu havaaghalgit ikayurahuaqhugit inuuhuktut, ilihaqtittiplugillu aanniaqtailiniqmut havauhighanik pitquhighaniklu. Kihimi havakvingnit aanniqtailiyunit, atannguyait aghuurnatqiyauvaktut havaqatit inuuhuktunut.

 

Atannguyait, ilihimaluhi, havauhittiat atuqpaktaghatit taimaa aanniqtailiyaamik tamangnik havaktit havakvingnit, maligaugamik.

 

Inuuhuktut havaktit aanniqtaililugit ilittuqhitilugit taimaa:

  • Aanniqtailiniqmut Ilittuqhitikkut;
  • Ilitturipkailutik Havakvingnit Amirnaqtunik;
  • Amirnaittunik Havauhinik Havattiarahuaqlutik;
  • Qauhimalugit Havaktit Pilaarutait Havaaghaillu;
  • Ikayuqtuiniq; imaalu
  • Hakugighainiq.

Naunaittiariami havakvit munaqtaghainik, naqillugu hamna.

 

Naunaittiarumaguffi taapkuninnga Kanatami Aanniqtailiniqmut Naunaitkutanit qauyihaqtainik, takulugu hamna.

Ilihaqtaghanut Naunaittughat

Aanniqtailiniqmut Ilihaqtitauniat

 

Ikayuqtivut taapkua Ukiuqtaqtumi Aviktuqhimayuni Tunngaviat Havaktinut (NTFL) taapkualu Ukiuqtaqtumi Aanniqtailiniqmut Katimayiit (NSA), ilihaqtittivaktut havakvingnit aanniqtailiniqmik ilittuqhitivaghutik. Ilihimattiaqlutit!

  
Ukiuqtaqtumi Aanniqtailiniqmut Katimayiit -  Hivayaqlugu NSA naunaittiarumaguffi!

 

Ihivriuqhiyit Ilihaqvighaat
Yellowknife 
May 28-mit 29-mut

 

Fédération du travail des Territoires du Nord  -   Naunaittiaqluhi ilihaqtaghanik hamani!

 

Atannguyanik Aanniqtailiniqmik Ilihainahuat
Yellowknife
June3-mit 4-mut
Havauhighaq 1: Qauhimayaghat Havaktit Ikayuutainik
Yellowknife
June 15
Havauhighaq 2: Ilittuqhitiyut Havagiatqingnirmik
Yellowknife
June 16
Havauhighaq 3: Tutqighaiyut Havagiatqiktut Atuqtaghainik
Yellowknife
June 23-mit 25-mut

NAUNAIQHIYUUMIRUMAVIT?

 

Uukturumaguvit kitunut, naunaittiarumavilluuniit? Takulugu qaritauyakkuurutit, imaalu titiraqlutit qaritauyakkut! Tuhaqvigiyumayaffi!

 
wscc.nt.ca   /  1.800.661.0792   *   wscc.nu.ca  /  1.877.404.4407