ᒪᐃ 2015                                     
 

ᔫᓂ 1 − ᒪᓕᒐᐅᔪᖅ

 

ᔫᓂ 1, 2015−ᒥ, ᓄᑖᑦ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᖃᕐᓇᙱᑦᑐᓕᕆᓂᖅ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᖅ (OHS) ᒪᓕᒃᑕᐅᖁᔭᐅᔪᑦ ᐊᑐᓕᕐᓂᖃᕐᓂᐊᖅᐳᖅ ᓄᓇᑦᓯᐊᓕᒫᒥᑦ.

 

ᓄᓇᕗᒻᒥ, ᐊᖏᖅᑕᐅᓇᓱᐊᖅᑐᑦ ᒪᓕᒃᑕᐅᖁᔭᐅᔪᑦ ᐊᑐᓕᕐᓂᐊᕐᒪᑕ ᑭᖑᓂᐊᓂ2015−ᒥᑦ. ᐱᒻᒪᕆᐅᕗᖅ ᕿᒥᕐᕈᓇᖕᓂᕐᒧᑦ ᒪᓕᒃᑕᐅᖁᔭᐅᔪᒥᒃ ᑕᑯᓂᕐᒧᑦ ᖃᓄᖅ ᐊᒃᑐᐃᕙᖕᓂᖏᓐᓂ ᓇᖕᒥᓂᕆᔭᕐᓂᑦ. ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐱᓕᕆᓂᐊᖅᐳᑦ ᑲᑎᙵᔪᒥᑦ ᐅᖃᐅᓯᒃᓴᓕᕆᓂᕐᒥᑦ ᐃᑲᔪᕐᓂᕐᒧᑦ ᓱᖏᐅᔾᔨᓴᕐᓂᕐᒧᑦ ᐱᓕᕆᓕᐅᔪᓂᑦ ᐊᒻᒪᓗ ᐃᖅᑲᓇᐃᔭᖅᑎᓂᑦ ᓄᑖᓂᒃ ᒪᓕᒃᑕᐅᖁᔭᐅᔪᒥᒃ.

 

ᑕᑯᒍᒃ ᖃᕋᓴᐅᔭᒃᑯᑦ ᑐᑭᓯᒋᐊᖅᑕᕐᕕᖓ ᑕᑯᒃᓴᐅᑎᑕᐅᓂᖓᓄᑦ ᐅᓪᓗᖏᓐᓂᑦ, ᐃᓂᖓᓂᑦ, ᐊᒻᒪᓗ ᐃᓚᐅᖃᑕᐅᓂᕐᒧᑦ ᐊᑎᓕᐅᕆᓂᕐᒥ ᖃᓄᐃᓕᖓᓂᖏᓐᓂᑦ.

ᖁᕕᐊᓱᖃᑎᖃᕆᑦ ᐅᔭᕋᖕᓂᐊᕐᓂᕐᒧᑦ ᐱᓇᓱᐊᕈᓯᕐᒥ 

 

ᔫᓂ 8-14−ᒧᑦ

 

58−ᖓᓂ ᐊᕐᕌᒍᑕᒫᑦ ᐅᔭᕋᖕᓂᐊᕐᕕᒃ ᓴᐳᔾᔨᓂᕐᒧᑦ ᓵᓚᖃᕋᓱᐊᕐᓂᐅᔪᖅ ᐊᒻᒪᓗ ᐅᔭᕋᖕᓂᐊᖅᑎᓄᑦ ᓂᕆᓂᐅᓂᐊᖅᑐᒥᑦ ᓯᕙᑖᕐᕕᖕᒥ ᔫᓂ 13−ᒥᑦ ᔭᓗᓇᐃᕝ ᓄᓇᓕᖕᓂ ᐊᓐᓂᑲᑕᒡᕕᖓᓂ ᓄᓇᓯᐅᑎᖃᕐᕕᖓᓂ. ᖃᓄᐃᓐᓂᐅᔪᖅ ᐃᓚᖃᕐᓂᐊᖅᐳᖅ ᐅᔭᕋᖕᓂᐊᕐᕕᖕᒥ ᓴᐳᔾᔨᓂᕐᒧᑦ ᑲᑎᙵᔪᓂᑦ ᐱᖓᓱᓂᑦ ᐅᑭᐅᖅᑕᖅᑐᒥ ᐊᕕᒃᑐᖅᓯᒪᓂᐅᔪᓂ ᐊᒻᒪᓗ ᑕᒪᑐᒪᓂ ᐊᕐᕌᒍᒥᑦ, ᑲᑎᙵᔪᓂᑦ ᐳᕆᑎᔅ ᑲᓚᒻᐱᐊᒥᑦ ᓵᓚᖃᕋᓱᐊᕐᓂᐊᖅᑐᑦ ᖁᑦᑎᓛᖑᓇᓱᐊᖅᑐᒥᑦ ᐊᒻᒪᓗ ᓄᓇᐅᑉ ᐊᑖᓄᑦ ᓵᓚᖃᐅᓯᐊᖑᔪᓂᑦ. ᖁᕕᐊᓱᖕᓂᐅᔪᑦ ᐊᑭᖃᙱᓚᑦ ᐊᒻᒪᓗ ᒪᑐᐃᖓᕗᑦ ᐃᓄᓕᒫᓄᑦ. ᐃᖏᕐᕋᓂᖃᕐᓂᐊᖅᐳᑦ 8:00 ᐅᓪᓚᒃᑯᑦ 3:00 ᐅᓐᓄᓴᒃᑯᑦ ᐅᔭᕋᖕᓂᐊᖅᑏᑦ ᐅᓪᓗᕈᒻᒥᑕᖓ ᐱᒋᐊᕐᓗᓂ 12−ᒥᑦ ᐅᓐᓄᓴᒃᑯᑦ. ᓇᒃᓴᖅᓯᐅᒃ ᐃᓚᓕᒫᑎᑦ ᓯᕙᑖᕐᕕᖕᒥᑦ ᑕᑯᓂᕐᒧᑦ ᐆᒃᑐᕋᐅᑎᑦᑎᐊᕙᖕᓂ ᑲᑎᙵᔪᓄᑦ ᐱᓕᕆᓂᐅᔪᒥᑦ ᐊᒻᒪᓗ ᖁᕕᐊᓲᑎᖃᕐᓗᑎᒃ ᐱᒻᒪᕆᐅᓂᖓᓂ ᐅᔭᕋᖕᓂᐊᕐᕕᖕᓄᑦ ᓴᐳᔾᔨᓂᕐᒧᑦ ᐊᐅᓚᑕᐅᔪᓂᑦ.

 

ᐃᑭᑦᑐᓄᑦ ᐊᒻᒪᓗ ᐊᒃᖢᓈᓄᑦ ᓴᐳᔾᔨᓂᕐᒧᑦ ᐃᓚᖓᓂ ᓵᓚᖃᕋᓴᐅᕐᓂᐅᔪᒥᑦ ᐱᓕᕆᐊᖑᓂᐊᖅᐳᖅ ᐅᓪᓗᑐᐃᓐᓇᒥ ᔫᓂ 12−ᒥᑦ. ᑕᒪᓐᓇ ᐃᓚᒋᔭᖓ ᖃᓄᐃᓕᐅᕐᓂᐅᔪᒥᑦ ᐱᓕᕆᐊᖑᓂᐊᖅᐳᖅ ᐃᖕᒍᕋᒻ ᐱᓱᔪᒡᕕᐊᓂᑦ.  

ᑲᓇᑕᐅᑉ ᓄᓇᕐᔪᐊᖃᕐᕕᖓᓂ ᐃᖃᓇᐃᔮᓂ ᐊᑦᑕᕐᓇᖅᑕᐃᓕᒪᓂᖅ ᖁᔭᓐᓇᒦᒃ

 

ᑲᓇᑕᐅᑉ ᓄᓇᕐᔪᐊᖃᕐᕕᖓᓂ ᐃᖃᓇᐃᔮᓂ ᐊᑦᑕᕐᓇᖅᑕᐃᓕᒪᓂᖅ (ᓄᐊᔅᓴ) ᐱᓇᓱᐊᕈᓯᖅ ᐱᓕᕆᐊᖑᓚᐅᖅᐳᖅ ᒪᐃ 3-9, 2015−ᒥᑦ. ᐃᑲᔪᖅᓱᐃᓂᕐᒧᑦ ᑲᓇᑕᒥ ᑲᑐᔾᔨᖃᑎᒌᖑᔪᓄᖅ ᐊᑦᑕᓇᔾᔭᐃᖅᓯᒪᓂᕐᒧᑦ ᐋᖅᑭᒃᓱᕐᑕᐅᕙᓕᐊᓂᕐᒥᑦ ᐊᒻᒪᓗ ᐱᓕᕆᔾᔪᑎᒃᓴᓂᒃ ᐸᕐᓇᐃᓂᕐᒧᑦ ᓯᕗᓪᓕᐅᔾᔭᐅᖁᔭᐅᔪᖅ ᓯᕗᒻᒧᐊᖅᑎᕆᓂᕐᒥ ᐊᑦᑕᓇᔾᔭᐃᖅᓯᒪᓂᕐᒧᑦ ᐃᓕᖅᑯᓯᐅᔪᒥᑦ, ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᖁᕕᐊᓱᖃᑎᖃᓚᐅᖅᐳᑦ ᖃᓄᐃᓕᐅᕐᓂᐅᔪᓂᑦ ᓄᓇᑦᓯᐊᕐᒥ ᐊᒻᒪᓗ ᓄᓇᕗᒻᒥ.

ᐃᓅᕕᒃ ᖃᐃᖁᔨᓯᒪᓚᐅᖅᐳᑦ ᖃᐃᖁᔭᐅᓯᒪᔪᓂᑦ ᐊᑦᑕᓇᔾᔭᐃᖅᓯᒪᓂᕐᒧᑦ ᑲᑎᒪᕕᒡᔪᐊᕐᓂᕐᒧᑦ ᐱᓕᕆᐊᖑᓚᐅᖅᑐᒥ ᓇᒡᒐᔾᔭᐅ ᒪᐃ 4−ᒥᑦ, ᐅᖃᓪᓚᒃᑎᑲᖅᖢᑎᒃ ᐃᓅᕕᖕᒥ ᐅᖅᓱᐊᓗᒃᓴᒥᑦ ᐊᒻᒪᓗ ᐅᖅᓱᒥᑦ, ᓄᓇᓕᖅᐸᐅᔭᒥᑦ ᐃᓅᕕᖕᒥ, ᐊᒻᒪᓗ ᐃᓅᕕᖕᒥ ᐊᕕᒃᑐᖅᓯᒪᔪᑦ ᐋᓐᓂᐊᕕᖓᓐᓂ. ᖃᐃᖁᔭᐅᓯᒪᔪᑦ ᐊᓕᐊᓇᐃᒋᔭᖃᓚᐅᖅᐳᑦ ᒪᒪᑦᑎᐊᖅᑐᒥ ᐅᓪᓛᕈᒻᒥᑕᕐᒥ ᐃᓕᓐᓂᐊᖑᔮᕐᔪᒃᑎᓪᓗᒋᑦ ᐊᒻᒪᓗ ᐅᖃᐅᓯᖃᕐᓂᕐᒧᑦ ᐱᒻᒪᕆᐅᔪᓂ ᐊᑦᑕᓇᔾᔭᐃᖅᓯᒪᓂᕐᒧᑦ ᐅᖃᐅᓯᒃᓴᓂ.

ᐃᖃᓗᖕᓂ ᑎᑎᕋᕐᕕᒃᐳᑦ ᐱᓕᕆᐊᖃᓚᐅᖅᐳᑦ ᐊᑦᑕᓇᔾᔭᐃᖅᓯᒪᓂᕐᒧᑦ ᐆᒪᓇᓱᐊᕐᓂᕐᒧᑦ ᐱᙳᐊᕐᓂᐅᔪᒥᑦ ᖁᙱᐊᖅᑕᐅᓂᖓᓂ ᐊᐃᑉᐹᓂ ᒪᐃ 5−ᖑᑎᓪᓗᒍ. ᐅᐸᒃᑕᐅᑦᑎᐊᓚᐅᖅᐳᑦ, ᖁᓪᓕᖅ ᐊᐅᓚᔪᓐᓇᐅᑎᑦ ᑎᒥᖁᑎᐅᔪᑦ ᓵᓚᒃᓴᖅᑎᐅᓪᓗᑎᒃ!

ᔭᓗᓇᐃᕝ ᑲᒪᒋᔭᖃᓚᐅᖅᐳᑦ ᐊᕐᕌᒍᑕᒫᑦ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐊᑦᑕᓇᔾᔭᐃᖅᓯᒪᓂᖅ ᐊᖅᑯᒻᒥ ᓵᓚᖃᕋᓴᐅᕐᓂᐅᔪᒥᑦ ᐅᓪᓗᑐᐃᓐᓇᖅ, ᒪᐃ 8−ᖑᑎᓪᓗᒍ. ᖁᓕᓂᑦ ᑲᑎᙵᔪᓂᑦ ᖃᐅᔨᓇᓱᐊᓚᐅᖅᐳᑦ ᐊᑦᑕᓇᔾᔭᐃᖅᓯᒪᓂᕐᒧᑦ ᖃᐅᔨᒪᓂᖏᓐᓂ ᐊᒻᒪᓗ ᐊᔪᙱᓐᓂᖏᓐᓂᑦ ᐊᖏᔪᒥᑦ ᓵᓚᖃᕋᓱᐊᕐᓂᐅᔪᒥᑦ. ᑲᑎᙵᓂᐅᔪᑦ ᓵᓚᖃᓚᐅᖅᑐᓂ ᓄᓇᑦᓯᐊᕐᒥ ᒐᕙᒪᒃᑰᓚᐅᖅᐳᑦ − ᐃᖅᑲᓇᐃᔭᖅᑐᓕᕆᓕᓂᑦ ᐊᑦᑕᓇᔾᔭᐃᖅᓯᒪᓂᕐᒧᑦ ᓴᓛᒧᔅ.

ᖁᔭᓐᓇᒦᒃ ᑭᒃᑯᓕᒫᓄᑦ ᐃᓚᐅᓚᐅᖅᑐᓄᑦ ᐊᒻᒪᓗ ᐃᑲᔪᖅᓱᐃᓚᐅᖅᑐᓄᑦ ᑲᓇᑕᐅᑉ ᓄᓇᕐᔪᐊᖃᕐᕕᖓᓂ ᐃᖅᑲᓇᐃᔮᓂ ᐊᑦᑕᕐᓇᖅᑕᐃᓕᒪᓂᖅ ᖃᓄᐃᓕᐅᕐᓂᐅᔪᓂᑦ ᓄᓇᑦᓯᐊᕐᒥ ᐊᒻᒪᓗ ᓄᓇᕗᒻᒥ.

ᐃᖃᓇᐃᔭᖅᑎᖁᑎᓕᑦ, ᐃᖅᑲᐅᒪᒋᑦᑎ ᓱᓕ ᐱᕕᒃᓴᖃᖅᐳᖅ ᐃᓚᐅᖃᑕᐅᓂᕐᒧᑦ ᑲᓇᑕᒥ ᑲᑐᔾᔨᖃᑎᒌᖑᔪᓄᖅ ᐊᑦᑕᓇᔾᔭᐃᖅᓯᒪᓂᕐᒧᑦ ᐋᖅᑭᒃᓱᕐᑕᐅᕙᓕᐊᓂᕐᒥᑦ ᐃᖃᓇᐃᔭᖅᑎᖁᑎᓕᖕᓄᑦ ᐃᓕᓴᕆᔭᐅᓯᒪᓂᕐᒧᑦ ᓵᓚᖃᕋᓱᐊᕐᓂᕐᒥᑦ, ᐅᐸᒍᒃ ᖃᕋᓴᐅᔭᒥ ᑐᑭᓯᒋᐊᖅᑕᕐᕕᖓᓂ ᖃᐅᔨᒋᐊᒃᑲᓐᓂᕐᓂᕐᒧᑦ ᐅᖃᐅᓯᒃᓴᓂᑦ.

ᐊᔪᙱᓐᓂᓕᖕᓂ ᓵᓚᖃᖅᑎᐅᔪᓄᑦ

 

ᐊᔪᙱᓐᓂᓕᖕᓂ ᑲᓇᑕ ᓄᓇᑦᓯᐊᕐᒥ ᐊᒻᒪᓗ ᐊᔪᙱᓐᓂᓕᖕᓂ ᑲᓇᑕ ᓄᓇᕗᑦ ᐱᓕᕆᐊᖃᓚᐅᖅᐳᑦ ᐊᕐᕌᒍᑕᒫᑦ ᐅᑭᐅᖅᑕᖅᑐᒥ ᐊᕕᒃᑐᖅᓯᒪᓂᐅᔪᓂ ᐊᔪᙱᓐᓂᐅᔪᓂᑦ ᓵᓚᖃᕋᓴᐅᕐᓂᐅᔪᒥᑦ ᑕᖅᑭᐅᓚᐅᖅᑐᒥᑦ. ᓵᓚᖃᕋᓴᐅᕐᓂᐅᔪᖅ ᖁᕝᕙᕆᐊᖅᑎᑦᑎᕙᒃᐳᖅ ᐃᖅᑲᓇᐃᔮᖑᔪᓂᑦ ᐊᔪᙱᓐᓂᐅᔪᓂᑦ ᓴᓇᓂᕐᓄᑦ ᐊᒻᒪᓗ ᓄᑖᙳᖅᐸᓪᓕᐊᔪᓄᑦ ᐅᑭᐅᖅᑕᖅᑐᒥᑦ ᒪᒃᑯᒃᑐᓄᑦ.

 

ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐅᐱᒍᓱᒃᖢᑎᒃ ᐅᐸᒃᐸᒃᐳᑦ ᐊᕐᕌᒍᑕᒫᑦ ᐃᑲᔪᕐᓂᕐᒧᑦ ᐊᐅᓚᑦᑎᓂᕐᒥ ᐃᖅᑲᓇᐃᔭᕐᕕᖕᒥ ᐊᑦᑕᓇᔾᔭᐃᖅᓯᒪᓂᕐᒧᑦ ᐊᔪᙱᓐᓂᐅᔪᓄᑦ ᓵᓚᖃᕋᓴᐅᕐᓂᐅᔪᒥᑦ.

 

ᓄᓇᑦᓯᐊᕐᒥ ᐱᓕᕆᓂᖃᓚᐅᖅᐳᑦ 17−ᖓᓂ ᐊᕐᕌᒍᑕᒫᑦ ᐊᔪᙱᓐᓂᐅᔪᓄᑦ ᓵᓚᖃᕋᓴᐅᕐᓂᐅᔪᒥᑦ ᐊᐃᑉᐱᓕ 21−ᒥᑦ ᔭᓗᓇᐃᕝᒥᑦ, ᐊᒻᒪᓗ ᓄᓇᓕᐅᔪᑦ ᐊᒃᓛᕕᖕᒥ ᐱᔾᔪᑎᒃᓴᖃᖅᐳᑦ ᖁᕕᐊᓲᑎᖃᕐᓂᕐᒧᑦ, ᐊᖏᕐᕋᕆᔭᐅᓪᓗᓂ ᑕᒪᒃᑭᓄᑦ ᓵᓚᖃᖅᑎᐅᔪᓂᑦ ᐃᖅᑲᓇᐃᔭᕐᕕᖕᒧᑦ ᐊᑦᑕᓇᔾᔭᐃᖅᓯᒪᓂᖅ ᐊᔪᙱᓐᓂᐅᔪᓄᑦ ᓵᓚᖃᕋᓴᐅᕐᓂᐅᔪᒥᑦ.

 

ᓵᓚᒃᓴᖅᑎᐅᓚᐅᖅᑐᑦ ᐅᑯᐅᖓᕗᑦ:

ᓇᐃᑕᓐ ᐅᐃᔾᓴᓐ

ᐄᑕᓐ ᕼᐋᑦᓕ

ᑐᕙᐃᑦ ᓯᑏᕙᓐᓴᓐ

 

 

ᓄᓇᕗᑦ ᐱᓕᕆᓂᖃᓚᐅᖅᐳᑦ 10−ᖓᓂ ᐊᕐᕌᒍᑕᒫᑦ ᐊᔪᙱᓐᓂᐅᔪᓄᑦ ᓵᓚᖃᕋᓴᐅᕐᓂᐅᔪᒥᑦ ᐊᐃᑉᕆᓕ 29−ᒥᑦ ᐃᖃᓗᖕᓂᑦ. ᓵᓚᒃᓴᖅᑎᐅᔪᑦ ᐅᕙᙵᑦ ᐃᖅᑲᓇᐃᔭᕐᕕᖕᒧᑦ ᐊᑦᑕᓇᔾᔭᐃᖅᓯᒪᓂᖅ ᐊᔪᙱᓐᓂᐅᔪᓄᑦ ᓵᓚᖃᕋᓴᐅᕐᓂᐅᔪᒥᑦ ᐅᑯᐊᖑᓚᐅᖅᐳᑦ:

 

ᐳᕋᓴᔅ ᒪᓂᙵᔅ

ᓕᕈᐅᐃ ᐱᐊᓚᖅ

ᑏᓄ ᐊᕿᐊᕈᖅ

 

ᐃᖅᑲᐃᔾᔪᑎ − ᒧᐊᕈ ᑐᒃᑑᑉ ᓂᖄ, ᐃᒃᑯᑎᓂᒃ ᑲᑎᖅᓱᐃᔨᑦ

 

ᑲᑎᖅᓱᐃᔨᐅᖃᑕᐅᒍᕕᑦ ᒧᐊᕈ ᑐᒃᑑᑉ ᓂᖄ ᐃᒃᑯᑎᓂᒃ ᓄᓇᑦᓯᐊᕐᒥ ᐊᒻᒪᓗ ᐃᓕᖕᓄᑦ ᐃᖅᑲᓇᐃᔭᕈᕕᑦ. ᓇᓪᓕᐅᒃᑯᒫᒃᑯᑦ ᐱᑎᑕᐅᓯᒪᙱᑉᐳᑎᑦ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᓂᑦ. ᐱᔪᒪᒍᕕᑦ ᑕᐃᒃᑯᓂᖓᑦᑕᐃᓐᓇᖅ ᐱᕙᓪᓕᕈᑎᓂᑦ ᐊᒻᒪᓗ ᓴᐳᔾᔭᐅᓯᒪᔾᔪᑕᐅᔪᓂᑦ ᐊᓯᖏᑎᑐᑦ ᐱᓕᕆᐅᔪᓂᑦ, ᓂᐅᕕᕈᓐᓇᖅᐳᑎᑦ ᓇᖕᒥᓂᖅ ᐃᓱᒪᖅᓱᕈᓐᓇᖅᑐᓂ ᓇᓛᒍᑦ ᓇᓪᓕᐅᒃᑯᒫᒥᑦ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᓂᑦ.

 

ᑐᒃᓯᕋᕐᓂᖅ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᓂᑦ ᑲᒪᒋᔭᐅᓂᕐᒧᑦ ᐊᔪᕐᓇᙱᓚᖅ. ᑕᑕᑎᕆᓗᑎᑦ ᐊᒻᒪᓗ ᑐᓂᓗᒋᑦ ᓇᖕᒥᓂᖅ ᐃᓱᒪᖅᓱᕈᓐᓇᖅᑐᓂ ᓇᓛᒍᑦ ᓇᓪᓕᐅᒃᑯᒫᒥᑦ  ᑕᑕᑎᕈᑎᒃᓴᒥᑦ. ᐃᖅᑲᓇᐃᔭᖅᑎᑦᑎᔨᑦᑕ ᐱᔨᑦᑎᕋᐅᑏᑦ ᐊᑐᐃᓐᓇᐅᕗᑦ ᐱᓱᖃᑎᖃᕐᓂᕐᒥᑦ ᐱᓕᕆᔾᔪᓯᐅᔪᒥᑦ ᐊᒻᒪᓗ ᐅᓂᒃᑳᕆᓗᑎᒃ ᐱᕙᓪᓕᕈᑎᓂᑦ ᐊᒻᒪᓗ ᐊᑭᖏᓐᓂᑦ. ᓇᓪᓕᐅᒃᑯᒫᑦ ᐱᒋᐊᖅᐳᑎ ᐱᒍᑦᑕ ᐱᐊᓂᒃᓯᒪᔭᕐᓂᑦ ᑕᑕᑎᕆᔭᕆᐊᖃᖅᑐᒥᑦ ᐊᒻᒪᓗ ᑕᒪᒃᑭᒥᑦ ᐊᑭᓕᐅᑎᒥᒃ. ᒥᑭᓛᖓ ᐊᑯᓂᐅᑎᒋᔪᒥᑦ ᓂᐅᕕᕈᓐᓇᕐᓂᕐᓂ ᑕᒪᑐᒧᖓ ᓇᓪᓕᐅᒃᑯᒫᒧᑦ ᑕᖅᑭᒧᑦ ᐊᑕᐅᓯᑐᐊᖑᕗᖅ.

 

ᖃᐅᔨᒋᐊᒃᑲᓐᓂᕐᓂᕐᒧᑦ ᐅᖃᐅᓯᒃᓴᓂ ᐅᐸᒍᒃ ᖃᕋᓴᐅᔭᒥ  ᑐᑭᓯᒋᐊᖅᑕᕐᕕᖓᓂ.

 

ᐊᖏᕋᓂᒃ ᓇᖕᒥᓂᓕᖕᓄᑦ ᐅᖃᓕᒫᒐᖅ

   

ᐅᐱᕐᙶᖅ ᑎᑭᑉᐸᓪᓕᐊᑎᓪᓗᒍ, ᐱᔪᒪᓕᕐᓂᖃᖃᑦᑕᖅᐳᒍᑦ ᐊᖏᕐᕋᒥ ᓄᑖᙳᕆᐊᖅᑎᕆᓂᕐᒥᑦ ᐊᒻᒪᓗ ᓯᓚᒥᑦ ᐱᓕᕆᐊᖑᔪᓂᑦ. ᐃᖅᑲᓇᐃᔭᖅᑎᑖᓚᐅᙱᓐᓂᕐᓂ ᐃᓕᖕᓂ ᐃᑲᔪᕐᓂᐊᖅᑐᒥᑦ, ᖃᐅᔨᒋᐊᒃᑭᑦ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᖃᐅᔨᓇᓱᖕᓂᕐᒧᑦ ᐃᖅᑲᓇᐃᔭᖅᑎᓄᑦ ᓇᓪᓕᐅᒃᑯᒫᓂᒃ ᒪᓕᒐᐃᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᓂᖅ ᒪᓕᒐᐃᑦ ᐃᓕᖕᓂᑦ ᐃᓱᒪᒋᔭᖃᕈᓗᐊᕆᐊᒃᓴᖏᓐᓂ ᐃᕝᕕᑦ ᐃᖅᑲᓇᐃᔭᖅᑎᑦᑎᔨᐅᖕᒪᖔᖅᐱᑦ.ᐊᖏᕐᕋᒥ ᓇᖕᒥᓂᖃᖅᑎᐅᓗᑎᑦ ᐅᕝᕙᓘᓐᓃᑦ ᓄᓇᖓᓐᓄᑦ ᓇᖕᒥᓂᖃᖅᑎᐅᓗᑎᑦ, ᑭᖑᓪᓕᖅᐹᖓᓂ ᐱᔪᓐᓇᕐᓂᖃᖅᐳᑎᑦ ᐊᒻᒪᓗ ᐊᐅᓚᑦᑎᓂᕐᒥ ᐱᓕᕆᓂᐅᔪᓂᑦ ᐱᓕᕆᐊᖑᔪᓂᑦ ᓇᖕᒥᓂᕆᔭᕐᓂᑦ, ᑭᓯᐊᓂ ᑎᑎᕋᖅᓯᒪᔪᒃᑯᑦ ᐊᖏᕈᑎᓕᐅᖅᓯᒪᒍᕕᑦ ᓇᓗᓇᙱᑦᑐᒥ ᑐᓂᓯᓂᖃᖅᑐᒥᑦ ᑲᒪᒋᔭᖃᕐᓂᐅᔪᒥᑦ ᐊᓯᖕᓄᑦ. ᖃᐅᔨᒃᑲᓂᕈᒪᕖᑦ ᐱᔭᒃᓴᕐᓂᑦ ᐊᖏᕐᕋᒥᑦ ᓇᖕᒥᓂᖃᖅᑎᐅᓂᕐᒧᑦ ᐃᖅᑲᓇᐃᔭᖅᑎᑖᕐᓂᕐᒧᑦ ᑭᓇᑐᐃᓐᓇᒥᑦ ᐱᓕᕆᓂᕐᒧᑦ ᐃᓗᐊᓂ ᐊᒻᒪᓗ ᖃᓂᒋᔭᖓᓂ ᐊᖏᕐᕋᕕᑦ, ᓴᖅᑭᑎᒍᒃ ᐊᖏᕐᕋᒥᑦ ᓇᖕᒥᓂᓕᖕᒧᑦ ᑲᒪᒋᔭᕆᐊᖃᖅᑕᒥᓂᑦ ᐅᖃᓕᒫᒐᖓ, ᐅᕝᕙᓘᓐᓃᑦ ᐅᖃᓗᒡᕕᒋᓗᒋᑦ ᐃᖅᑲᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ 1-800-661-0792−ᒧᑦ.

ᒪᒃᑯᒃᑐᑦ ᐃᖃᓇᐃᔭᖅᑏᑦ

 

ᐊᐅᔭᖅ ᑎᑭᑉᐸᓪᓕᐊᕗᖅ ᐊᒻᒪᓗᑦᑕᐅᖅ ᒪᒃᑯᒃᑐᑦ ᐃᖃᓇᐃᔭᖅᑏᑦ

 

ᒫᓐᓇᓕᓴᒥᑦ ᖃᐅᔨᓴᕐᓂᐅᔪᒥᑦ ᑎᑎᕋᖅᑕᐅᓂᑯᒥ ᑲᓇᑕᒥ ᐊᑦᑕᓇᔾᔭᐃᖅᓯᒪᓂᕐᒧᑦ ᐅᓂᒃᑳᓕᐊᒥᑦ ᓇᓗᓇᐃᖅᓯᓚᐅᖅᐳᖅ ᐱᒻᒪᕆᐅᔪᒥ ᐃᓚᒋᔭᐅᔪᒥᑦ ᒪᒃᑯᒃᑐᓄᑦ ᐃᖅᑲᓇᐃᔭᖅᑎᒧᑦ
 
ᐊᑦᑕᓇᔾᔭᐃᖅᓯᒪᓂᖅ − ᐊᖓᔪᖅᑳᖓ.

 

ᖃᐅᔨᓴᕐᓂᖅ ᓇᓗᓇᐃᖅᓯᒋᕗᖅ ᐱᒻᒪᕆᐅᓂᖓᓂ ᐱᓕᕆᐊᖓᓂ ᐊᖓᔪᖅᑳᑦ, ᖃᑕᙳᑎᒌᑦ, ᐱᖃᓐᓇᕆᔭᐃᑦ, ᐃᓕᓴᐃᓕᑦ ᐊᒻᒪᓗ ᐃᖅᑲᓇᔭᖃᑎᒥᓂᑦ ᐱᙳᐊᕐᓂᖃᕐᓂᖃᖅᑐᐃᓐᓇᐅᓂᖏᓐᓂ ᐱᒻᒪᕆᐅᓂᖓᓂ ᐋᓐᓂᐊᖃᕐᓇᙱᑦᑐᓕᕆᓂᕐᒥᑦ ᐱᓕᕆᓂᐅᕙᒃᑐᓂᑦ ᐊᒻᒪᓗ ᐃᓕᖅᑯᓯᖃᕐᕕᒋᔭᖃᕐᓂᕐᒥᑦ. ᑭᓯᐊᓂ ᐃᖅᑲᓇᐃᔭᕐᕕᖕᒧᑦ ᐊᑦᑕᓇᔾᔭᐃᖅᓯᒪᓂᕐᒧᑦ, ᐊᖓᔪᖅᑳᑦ ᐃᓱᒪᒋᔭᐅᓯᒪᔪᓂ ᐱᒻᒪᕆᐅᓛᖑᓂᖏᓐᓂ ᐃᓅᖃᑎᒌᖕᓂᕐᒧᑦ ᑎᓕᐅᕆᒍᓐᓇᕐᓂᐅᔪᒥᑦ ᒪᒃᑯᒃᑐᓄᑦ ᐃᖃᓇᐃᔭᖅᑎᓄᑦ.

 

ᐊᖓᔪᖅᑳᑦ, ᐃᖅᑲᐅᒪᒋᑦᑎ, ᐱᓕᕆᔾᔪᓯᑦᑎᐊᑐᐃᓐᓇᐅᙱᓚᖅ ᓇᓗᓇᐃᖅᓯᓂᕐᒧᑦ ᐊᑦᑕᓇᔾᔭᐃᖅᓯᒪᓂᖅ ᑭᒃᑯᓕᒫᓂᑦ ᐃᖅᑲᓇᐃᔭᕐᕕᒋᔭᕐᓂ, ᒪᓕᒐᐅᒋᕗᖅ.

 

ᒪᒃᑯᒃᑐᕗᑦ ᐃᖃᓇᐃᔭᖅᑎᕗᑦ ᐊᑦᑕᓇᔾᔭᐃᖅᓯᒪᓚᕗᑦ ᑐᓂᓯᓂᒃᑯᑦ:

  • ᐊᑦᑕᓇᔾᔭᐃᖅᓯᒪᓂᕐᒥ ᐱᓕᒻᒪᒃᓴᐃᓂᕐᒥᑦ;
  • ᐅᔾᔨᕈᓴᖕᓂᕐᒥᑦ ᐃᖅᑲᓇᐃᔭᕐᕕᖕᒧᑦ ᐅᓗᕆᐊᓇᖅᑐᓂᑦ;
  • ᐊᑦᑕᓇᙱᑦᑐᒥᑦ ᐱᓕᕆᓂᕐᒧᑦ ᐱᓕᕆᔾᔪᓯᐅᔪᓂᑦ ᐊᒻᒪᓗ ᐊᑐᖅᑕᐅᕙᒃᑐᓂᑦ;
  • ᖃᐅᔨᒪᓂᖅ ᓴᓇᔨᐅᑉ ᐱᔪᓐᓇᕐᓂᖏᓐᓂᑦ ᐊᒻᒪᓗ ᑲᒪᒋᔭᕆᐊᓕᖏᓐᓂᑦ;
  • ᐃᓕᓐᓂᐊᖅᑎᑦᑎᖃᑦᑕᕐᓗᑎᒃ; ᐊᒻᒪᓗ,
  • ᐱᔪᓐᓇᖅᓯᕙᓪᓕᐊᓂᕐᒥᑦ.

ᐃᓕᑦᑎᒃᑲᓐᓂᕐᓂᕐᒧᑦ ᐃᖅᑲᓇᐃᔭᖅᑎᓕᖕᓄᑦ ᑲᒪᒋᔭᕆᔭᖏᓐᓂᑦ,  ᐅᕘᓇ ᓇᕿᓪᓗᒍ.

 

ᐃᓕᑦᑎᒃᑲᓐᓂᕐᓂᕐᒧᑦ ᑲᓇᑕᒥ ᐊᑦᑕᓇᔾᔭᐃᖅᓯᒪᓂᕐᒧᑦ ᐅᓂᒃᑳᓕᐊᖓᓂ ᖃᐅᔨᓴᖅᑕᐅᓂᑯᒥᑦ,  ᐅᐸᒍᒃ ᐅᕘᓇ.

ᐃᓕᓐᓂᐊᕐᓂᓄᑦ ᐃᑲᔪᕈᑎᑦ

ᑎᑭᑉᐸᓪᓕᐊᔪᑦ ᐊᑦᑕᓇᔾᔭᐃᖅᓯᒪᓂᕐᒧᑦ ᐃᓕᓐᓂᐊᕐᓂᑦ

 

ᐱᓕᕆᖃᑎᕗᑦ ᐅᑭᐅᖅᑕᖅᑐᒥ ᐊᕕᒃᑐᖅᓯᒪᔪᓂᑦ ᑲᑐᔾᔨᖃᑎᒌᖑᔪᓂᑦ ᐃᖅᑲᓇᐃᔭᕐᓂᕐᒧᑦ ᐊᒻᒪᓗ ᐅᑭᐅᖅᑕᖅᑐᒥ ᐊᑦᑕᓇᔾᔭᐃᖅᓯᒪᓂᕐᒧᑦ ᑲᑐᔾᔨᖃᑎᒌᖏᑦ ᐊᑐᐃᓐᓇᖃᖅᑎᑦᑎᕗᑦ ᐃᓕᓐᓂᐊᕐᓂᕐᓂᑦ ᐃᖅᑲᓇᐃᔭᕐᕕᖕᒧᑦ ᐊᑦᑕᓇᔾᔭᐃᖅᓯᒪᓂᕐᒧᑦ ᐊᒻᒪᓗ ᐅᔾᔨᕈᓱᖕᓂᕐᒥᑦ. ᑐᓴᐅᒪᑦᑎᐊᕆᐊᕆᑦ!

 

ᐊᑦᑕᓇᔾᔭᐃᖅᓯᒪᓂᕐᒧᑦ ᑲᑐᔾᔨᖃᑎᒌᖑᔪᓄᑦ  ᖃᐅᔨᒋᐊᕈᒃ ᐅᑭᐅᖅᑕᖅᑐᒥ ᐊᑦᑕᓇᔾᔭᐃᖅᓯᒪᓂᕐᒧᑦ ᑲᑐᔾᔨᖃᑎᒌᖑᔪᑦ ᐅᖃᐅᓯᒃᓴᒃᑲᓐᓂᕐᓂ.
 

 

ᑮᓇᐅᔭᐃᑦ ᐅᓂᒃᑳᕆᔭᐅᓯᒪᔪᑦ ᖃᓄᐃᓕᖓᓂᖏᓐᓂᒃ ᕿᒥᕐᕈᔨᒧᑦ ᐃᓕᓐᓂᐊᕐᓂᖅ ᐱᓕᕆᐊᒃᓴᑦ
ᔭᓗᓇᐃᕝ
ᒪᐃ 28-29

 

ᐅᑭᐅᖅᑕᖅᑐᒥ ᐊᕕᒃᑐᖅᓯᒪᔪᓂᑦ ᑲᑐᔾᔨᖃᑎᒌᑦ ᐃᖅᑲᓇᐃᔭᕐᓂᕐᒧᑦ - ᖃᐅᔨᒋᐊᒃᑲᓐᓂᕐᓂᕐᒧᑦ ᐅᖃᐅᓯᒃᓴᓂ ᐃᓕᓐᓂᐊᕐᓂᕐᓄᑦ ᐅᕙᓂ!

 
ᐊᖓᔪᖅᑳᒧᑦ ᐊᑦᑕᓇᔾᔭᐃᖅᓯᒪᓂᕐᒧᑦ ᐃᓕᓐᓂᐊᕐᓂᖅ
ᔭᓗᓇᐃᕝ
ᔫᓂ 3-4
ᐱᓕᕆᐊᖅ ᐊᑕᐅᓯᖅ: ᑐᑭᓯᐅᒪᓂᖅ ᓴᓇᔨᓂᒃ ᐊᑦᑕᓇᖅᑐᒦᑎᑦᑎᑦᑕᐃᓕᒪᔨᒃᑯᑦ ᓇᓪᓕᐅᒃᑯᒫᖅᑖᖅᑎᑦᑎᔩᓪᓗ ᑲᒪᔨᒃᑯᓐᓂᑦ
ᔭᓗᓇᐃᕝ
ᔫᓂ 15
ᐱᓕᕆᐊᖅ ᒪᕐᕈᖓ: ᓴᖅᑭᑎᑦᑎᓂᖅ ᐅᑎᕐᓂᖅ ᐃᖅᑲᓇᐃᔮᒧᑦ
ᔭᓗᓇᐃᕝ
ᔫᓂ 16

ᐱᓕᕆᐊᖅ ᐱᖓᓱᖓᑦ: ᓴᖅᑭᑎᑦᑎᓂᖅ ᐅᑎᕐᓂᖅ ᐃᖅᑲᓇᐃᔮᒧᑦ ᐱᓕᕆᐊᒃᓴᑦ

ᔭᓗᓇᐃᕝ
ᔫᓂ 23-25

 

 
 

ᖃᐅᔨᒃᑲᓂᕈᒪᕖᑦ ᐃᓚᒃᑲᓂᖓᓃᑦ? 

 

ᐱᔪᒪᕕᓰ ᓇᓕᐊᖕᓂᑐᐃᓇᖅ ᑖᒃᑯᓇᓂ ᖃᓄᐃᓕᐅᕈᑎᓃ, ᐅᕝᕙᓗᓂᑦ ᖃᐅᔨᒃᑲᓂᕈᒪᕕᓰ ᑐᓴᐅᒪᔾᔪᑎᒃᓴᒃᑲᓂᕐᓃᒃ? ᖃᐅᔨᒋᐊᓚᐅᕆᑦᓯ ᐅᕙᒍᑦ  ᖃᕋᓴᐅ.ᒃᑯᑦ ᑐᑭᓯᒋᐊᖅᑕᕐᕕᖓ, ᐅᕝᕙᓘᓐᓃᑦ ᖃᕋᓴᐅᔭᑎᒍᑦ ᑎᑎᕋᕐᕕᒋᑎᒍᑦ ! ᐃᓕᑦᓯᓂᑦ ᑐᓴᕈᒪᑦᑎᐊᖅᐳᒍᑦ!

wscc.nt.ca   /  1.800.661.0792   *   wscc.nu.ca  /  1.877.404.4407