WSCC-kut quviahuutigivagait NAOSH-kut Upluutait hulilukaaqtittiplutik tamangnik nunallaarnit havakviptingnit. Iqalungniitkuvit, Inuvingmi, Yellowknife-miluuniit, piqatauguit quviahuutigilugu aanniqtailiniq!

Iqaluit

Aullaqtittiplugit NAOSH-kut Upluutait hulilukaaqtaghait, Iqalungni havakvikput ulapqipkainahuat taaffuminnga Aanniqtailiniqmut Ulapqiyaghanik (Safety Game Show)! Ulapqipkainahuat Monday-mi, May 4-mi WSCC-kut havakvianit, havakvingnit ilagiit hitamaulutik akihaqtuutinahuat ilittuqhitilutik kitut qauhimatqiyauyut aanniqtailiniqmut. Nirinahuat qitiruhiqtuqlutik, aullaqtitauhimayuq taapkuninnga Ukiuqtaqtumi Aviktuqhimayuni Katimayiit Havaktinut (Northern Territories Federation of Labour [NTFL]). Inuit quyaginnaq titirainnarialgit atiinik akihaqatauyumagumik! Aanniqtailiniqmut Ulapqiyughat aullaqtirahuaq 1-munngaqqat niritaarumik, niqitit quviagilugit kinguanilu akihaqataulutit.

Atiinik titirariami ilagiingnik ulapqiyughanut, pitquvagit naqillugu hamna.

Thursday-mi, May 7-mi, WSCC-kunnut ilaulutit ikayuqtigiiktilluta taapkualu Iqaluit Makpiraaqaqviat unipkaaqlutik aanniqtailiniqmik ihumagiplugit Unipkaaqvighat 10:30-mi uplaami! Ilauquyugut nutaqqanik ukiulingnik 2-mit 5-mut naalaklutik aanniqtailiniqmik ihumaplutik unipkaanik, unipkaaqtigiiklutik amirnarniqmik.

Inuvik

NAOSH-nut Upluutainit Aanniqtailiniqmut Katimapkainahuat Inuvingmi 8:30-mi uplaami Tuesday-mi, May 5-mi, talvani Tonimoes Nirivianit. Uqaqtiunahuaq aanniqtailiniqmut katimayuni taamna Joseph Arey, ighivautaliuqatauyuq talvani Inuvik Kaassilinik Havaktinut Aanniaqtailiniqmut Aanniqtailiniqmullu Katimayiralaanut (Inuvik Gas Occupational Health and Safety Committee). Ilauluhi ilittuqhitiyaami ilihariamilu aanniqtailiniqmut qauhimayaghanik.

Tupauttaqtuqtittinahuat NTFL-kut, tamangniklu ilauyut aittuqtaunahuat puukatannuanik, ilaupkaqtitaulutiklu akimanahuaqtunut inuuhiqattiarniqmut aittuutinik! Takulugu qaritauyakkuurutivut ilittuqhittiariami.

Ilauyumaguvit hapkununnga tuhaqtittiyariiqlutik, pitquvagit taimaa naqillugu hamna.

Yellowknife

WSCC-kut iniqtirahuat NAOSH-kut Upluutainik Yellowknife-mi talvani Aanniqtailiniqmut Apqutimit, Friday-mi, May 8. Aulattiaramik aippaangani hulilukaaqtittiyait iluaniittutik, ukiuq atuqtumi aulapkainahuaqtaqqut natilluanganit Centre Square Niuviqviani. Aullaqtiqlutik 11-mit uplaami 1:30-mut, ilauquiyugut ilagiingnik hitamaulutik atiliqtuilutik ilittuqhailutik taapkuninnga tallimauyut aanniqtailiniqmut havakvingnit qauhimayaghat naunairahuaqlugit ayuitainiklu! Ukiuq atuqtumi ilittuqharahuaqtaqqut havauhiit aanniqtuqarumi havaktimik talvunga utiqvighaanut havaamingnut. Tamangnik ilauyut WSCC-kut puukattainik aittuqtaunahuat, niriqataulutik, niripkainahuat taapkua NTFL-kut.

Atiit titiraqvighait angmaumanahuat May 6-mut. Naqillugu  hamna ilatit ilauqugupkit!

Ilauluhi uvaptingnut 3-munngaqqat kaapituqluhi, kaapituqtittinahuat taapkua Ukiuqtaqtumi Aanniqtailiniqmut Katimayiit (Northern Safety Association [NSA]), akimayunik ilittuqhitinahuat taapkuninnga Aanniqtailiniqmut Apqutit tunilugit aittuutainik! 

INULRAMMIIT AKIHAQTUUTIYUT 

WSCC-kut ukpiruhuktut taimaa aanniqtailivaalliriami aanniarutiniktailinahuarniqlu hivunighaptingnit, aanniqtailiniqmut unipkaaliqtughat inuuhuktuutillugit. Hapkua ihumagiplugit, ahiittunik inulramminik-ihumapluta NAOSH-nut Upluutainit hulilukaaqtittinahuaqtugut tamangnit aviktuqhimayunit ilittuqhitilugit aanniqtailiniqmut ilitquhinik aqagu hivuliqtighaptingnut aanniqtailiniqmut.

Ivitaanut Titirauyaqtittilutik Akihaqtittinahuat

Ilauquiyugut nutaqqanik ilihalihaaqtut Kindergarten-mit Grade 5-mut WSCC-kut akihaqtittiplutik Titirauyarniqmik Ivitaanut! Atuqtaghat hitamaunahuat titirauyaqtaghat ( Aanniakvingat , ilihaqvingnit, qaptirutivingnit, talvanilu aimavingnit), nutaqqat ihumamingnik titirauyaquyauyullu ivitaat ahiagut, ilittuqhitilugit amirnaqtut.

Uuktuqtunut umigahuat May 15-mit. Amazon-mit aittuutighat piannait aittuqtitaunahuat ilihaqtunut tamangnit ilihaqvingnit, aajjikkutaanik aittuqhilutik ilihaqvingnut makpiraaqaqvingnulluuniit akimahimayunit. Maliktaghait qanuriliuriaghaillu, takulugu qaritauyakkuurutivut.  

Huuqli Amirnaittukkuuqpakpit? 

Ilauquiyugut ilihaqtunik Grade 6-mit 12-mut ilittuqhitilutik huuq Amirnaittukkuuqpaktut. Atuqhutik titirauyaqtaghanik aullaqviktut ihumaliurutigiplugu hanauyainut, ilihaqtut takupkaqtittiyughat huuq aanniqtailiniq aghuuqnarivaktait. Titiraqlugit hulilukaayuktatit aliagiyatillu inuit, titiraqlugit hunavaluit ihumagilluaqpaktatit, unipkaanik naittunik titiraqlutit, ilittuqhitilutilluuniit quyaginnaq huuq aanniqtailiniq ihumagiyauyughaq! Aittuutighat taapkua Amazon-mit piannait niuvrutighat atauttikkut tiguyauplutik aittuqtitauvaktut ilihaqtunut tamangnit ilauyunut ilihaqvingnit, aajjikkutaanik aitturahuat ilihaqvianut havakvingnulluuniit. Takulugu qaritauyakkuurutivut atatarutait qiniqlugit aajjikkutaliuqtat titirauyaqtaghait, maliktaghallu huliyaghallu.

#WSCCSafetySelfie Akihaqtuutit

Piksaliukkat inmingnik atuqtauqattaqtut tuhaqtittiyikkut, ukiuqlu atuqtumi inulrammiit ilittuqhitinahuaqtavut hapkuninnga uukturuminaqtunut akihaqtuutinik. Aghuuquyugut inulramminik piksaliuquplugit inmingnik (amirnaittukkut) Aanniqtailiniqmut katimatillugit havaktillugilluuniit, ilittuqhitiplutikluuniit amirnaqtunik, Facebook-kut Twitter-kulluuniit takupkailutik atuqlugu una naunaitkutaq #WSCCSafetySelfie Twitter-mi Facebook-miluuniit. Havaktit, havaktitit ukiuqaqtughat 25-mit nukaghiutqiyaaniklu ilauyaami akihaqtuutinut, unipkaaqtittilugit aanniqtailiniqmik havakvingnit. Atauttikkut tiguhiniaqtugut aittuqhilutalu aittuutimik FitBit-mit tamangnit atinit uuktuqtunit atuqtunik hapkuninnga naunaitkutanik #WSCCSafetySelfie Twitter-mi Facebook-miluuniit. Uuktuqtunut umigahuat May 15-mi.

HANALRUTIQARVINGNIT AKIHAQTUUTIT

Pingahuuliqtut ukiut, WSCC-kut akihaqtittinahuat taapkuninnga Hanalrutiqarvingnit Akihaqtuutinik! Hanalrutiqarvingnit katimayut havakvitit aanniqtailiniqmut katimatjutigivagait, naunaitkutaniklu katimatjutinik takuyumayugut katimatilluhi. Tunilugit naunaitkutatit katimavingnit, naunaittiaqlugit taimaa WSCC-kut NAOSH-nut Hanalrutiqaqvingnit Akihaqtuutit, Thursday-nguqtinnagu, May 7, taimaa qaritauyakkut titiraqlutit kayumiktukkulluuniit (1-867-669-4493) akimanahuaqlutit aittuutinik aanniqtailiniqmut havakvingnit!

NAUNAIQHIYUUMIRUMAVIT?

Uukturumaguvit kitunut, naunaittiarumavilluuniit? Takulugu qaritauyakkuurutit, imaalu titiraqlutit qaritauyakkut ! Tuhaqvigiyumayaffi!

Havaqatigiikkupta, huuhuiqtilaaqtaqqut aanniarutit aanniutillu havakvingnit.