ᐊᐃᕆᓕ 2015                           

ᓄᐊᔅᓴ ᐱᓇᓱᐊᕈᓯᖓ

 

ᒪᐃ 3-9, 2015

   

ᑲᓇᑕᐅᑉ ᓄᓇᕐᔪᐊᖃᕐᕕᖓᓂ ᐃᖃᓇᐃᔮᓂ ᐊᑦᑕᕐᓇᖅᑕᐃᓕᒪᓂᖅ (ᓄᐊᒡᓱ) ᖃᓂᒪᖃᒃᑕᐃᓕᒪᓂᕐᓗ ᐱᓇᓱᐊᕈᓯᖅ ᑎᑭᐅᑎᖕᒪᑦ, ᐊᒻᒪᓗ ᐃᖃᓇᐃᔭᖅᑎᓄᑦ ᐊᑦᑕᕐᓇᖅᑐᓂᒃ ᐊᒻᒪᓗ ᓂᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᖁᕕᐊᓱᒍᑎᖃᕐᒪᑕ! ᑎᑭᑕᐅᔪᒪᔪᖅ ᑕᒃᑯᓇᖓᑦ ᓄᐊᔅᓴ ᐱᓇᓱᐊᕈᓯᖃᓂᖓᓄᑦ ᑕᐅᑐᖁᓗᒋᑦ ᐃᖃᓇᐃᔭᖅᑎᖁᑎᓕᑦ, ᐃᖃᓇᐃᔭᖅᑎᑦ, ᐱᓕᕆᖃᑎᒋᒃᑐᑦ, ᐊᒻᒪᓗ ᑕᖅᑲᒃᑯᐊ ᐱᒻᒪᕆᐅᓂᖏᓐᓂᑦ ᐋᓂᖅᑕᐃᓕᒪᓂᐅᑉ ᐊᒻᒪᓗ ᖃᓂᒪᖃᒃᑕᐃᓕᒪᓂᐅᑉ ᐃᖃᓇᐃᔭᕐᕕᖕᓂ, ᐊᖏᕐᕋᓂ, ᐊᒻᒪᓗ ᓄᓇᓕᖕᓂ. ᐊᑐᖅᑕᐅᓇᓱᐊᖅᑐᑦ ᑕᒪᑐᒪᓂ ᐊᕐᕌᒍᒥ ᒪᓐᓇᐅᕗᖅ ᐊᑦᑕᕐᓇᖅᑕᐃᓕᒪᓂᖅ ᐊᑐᐃᓐᓇᓲᕆᓕᕋᓱᐊᕈᒃ ᐃᖃᓇᐃᔮᕐᓂ.

ᓄᓇᓕᖕᓂ ᖃᓄᕿᓘᕈᑕᐅᔪᑦ

 

ᐃᖃᓇᐃᔭᖅᑎᓄᑦ ᐊᑦᑕᕐᓇᖅᑐᓂᒃ ᐊᒻᒪᓗ ᓂᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᖁᕕᐊᓱᒍᑎᖃᕐᒪᑕ ᓄᐊᔅᓴ ᐱᓇᓱᐊᕈᓯᖓᓂᑦ ᖃᓄᐃᓘᓂᖃᒃᑎᑦᑎᓗᑎᒃ ᐊᑐᓂ ᓄᓇᓕᖕᓂ ᑕᐃᒃᑯᓇᓂ ᐊᒡᓚᒡᕕᖃᕐᕕᒋᔭᑦᑎᓂ. ᐃᖃᓗᖕᓃᒃᑯᕕᓪᓕ, ᐃᓅᕕᖕᒥ, ᐅᕝᕙᓗᓂᑦ ᔭᓗᓇᐃᒥ, ᖃᐃᖁᔨᕗᒍᑦ ᐃᓕᑦᓯᓂᑦ ᑲᑎᖃᑕᐅᖁᓗᓯ ᖁᕕᐊᓱᒍᑎᖃᒃᑎᓗᑕ ᐊᑦᑕᕐᓇᖅᑕᐃᓕᒪᓂᕐᒥᑦ!

 

ᐃᖃᓗᐃᑦ

ᐱᒋᐊᖅᑎᑕᐅᑎᓗᒍ ᓄᐊᔅᓴ ᐱᓇᓱᐊᕈᓯᖃᕐᓂᖓ ᖃᑎᖃᑎᒌᒃᑎᑦᑎᓂᖅ, ᐃᖃᓗᖕᓂ ᐊᒡᓚᒡᕕᕗᑦ ᐅᐸᒃᑕᐅᑎᑦᑎᖕᒪᑦ ᐊᑦᑕᕐᓇᖅᑕᐃᓕᒪᓂᕐᒥ ᐱᓐᖑᐊᓂᕐᒥᑦ ᑕᖁᕋᓐᓈᖅᑎᑦᑎᓂᕐᒥᑦ! ᑕᑯᒃᓴᐅᑎᑦᑎᓛᖅᑐᑦ ᓇᒡᒐᔭᐅᒥ, ᒪᐃ 4−ᒥ ᑕᐃᑲᓂ ᐃᖃᓇᐃᔭᖅᑎᓄᑦ ᐊᑦᑕᕐᓇᖅᑐᓂᒃ ᐊᒻᒪᓗ ᓂᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐊᒡᓚᒡᕕᖓᓂ, ᓴᓇᕕᖕᒥ ᐱᓕᕆᖃᑎᒋᑦ ᑎᓴᒪᐅᓗᑎᒃ ᐊᑭᑦᑐᕋᐅᑎᓛᖅᑐᑦ ᖃᐅᔨᓇᓱᐊᓗᑎᒃ ᑭᒃᑯᑦ ᐱᐅᓛᓂᒃ ᐊᑦᑕᕐᓇᖅᑕᐃᓕᒪᓂᕐᒥ ᖃᐅᔨᒪᓛᖑᒪᖔᑕ. ᐅᓪᓗᕈᒥᓴᕐᓂᖅ ᐱᒋᐊᓛᖅᑐᖅ ᐅᓐᓄᓴᒃᑯᑦ, ᐅᐱᒋᔭᐅᓗᑎᒃ ᐊᒡᒍᐊᓂ ᐊᕕᒃᑐᖅᓯᒪᔪᓂ ᑲᑐᔨᖃᑎᒋᑦ ᓴᓇᔩᑦ. ᑭᒃᑯᓕᒫᑦ ᑐᓐᖓᓱᒃᑎᑕᐅᕗᑦ ᐊᑎᓕᐅᓯᔪᓐᓇᖅᑎᑕᐅᓪᓗᑎᒡᓗ ᐃᓕᒌᓂᒃ! ᐊᑦᑕᕐᓇᖅᑕᐅᓕᒪᓂᕐᒧᑦ ᐱᓐᖑᐊᕈᑎᑦ ᐱᒋᐊᕐᓂᐊᖅᑐᑦ 1−ᒥ ᐅᓐᓄᓴᒥ, ᒪᒪᑕᒋᑦᓯ ᐅᓪᓗᕈᒥᓴᑦᓯᓐᓂᑦ ᕿᒪᕉᑎᑦᑕᐃᓕᓗᓯᓗ ᐊᑭᑦᑐᕋᐅᑎᖃᑕᐅᓂᐊᕋᑦᓯ.

 

ᐊᑎᓕᐅᖅᓯᓂᐊᕈᑦᓯ ᐃᓕᒌᓂᒃ ᑕᒪᑐᒧᖓ ᖃᓄᐃᓗᕈᑕᐅᔪᒧᑦ, ᐊᑏ ᓇᕿᓗᒍ ᐅᕘᓇ.

 

ᕿᑎᖅᑰᒻᒥ, ᒪᐃ 7, ᐅᐸᒃᑕᐅᓂᐊᖅᐳᑦ ᐃᖃᓇᐃᔭᖅᑎᓄᑦ ᐊᑦᑕᕐᓇᖅᑐᓂᒃ ᐊᒻᒪᓗ ᓂᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᑕᐃᒪᓐᓇ ᑲᑐᔨᖃᑎᑖᖅᑎᓗᑕ ᐃᖃᓗᖕᓂ ᑭᒃᑯᓕᒫᓄᑦ ᐅᖃᓕᒫᒐᖃᕐᕕᖕᒥᑦ ᓴᖅᑭᑦᑎᓂᐊᕐᓗᑕ ᐊᔾᔨᐅᖏᑦᑐᒥᑦ ᐊᑦᑕᕐᓇᖅᑕᐃᓕᒪᓂᕐᒧᑦ−ᐱᓕᕆᔪᑕᐅᓂᐊᖅᑐᒥᒃ ᐅᓂᒃᑳᕐᓂᕐᒥᒃ ᐱᕕᖃᕐᓗᑕ 10:30 ᐅᓪᓛᒃᑯᑦ! ᖃᐃᖁᔨᕗᒍᑦ ᓱᕈᓯᕐᓂᒃ ᐅᑭᐅᓕᖕᓂᑦ 2-5−ᓂᒃ ᑐᓵᖁᓗᒋᑦ ᐊᔾᔨᐅᖏᑦᑐᓂᒃ ᐊᑦᑕᕐᓇᖅᑕᐃᓕᒪᓂᕐᒧᑦ−ᐱᓕᕆᔪᑕᐅᓂᐊᖅᑐᓂᒃ ᐅᓂᑳᕈᓯᕐᓂᒃ, ᐅᖃᓚᐅᑎᖃᕐᓗᑎᒡᓗ ᐊᑦᑕᕐᓇᖅᑕᐃᓕᒪᓂᕐᒥᑦ.

    

ᐃᓅᕕᒃ

ᓄᐊᔅᓴ ᐱᓇᓱᐊᕈᓯᖓ ᑲᔪᓯᓗᓂ ᐃᓅᕕᖕᒥ ᐊᔾᔨᐅᖏᑦᑐᒥᒃ ᐊᑦᑕᕐᓇᖅᑕᐃᓕᒪᓂᕐᒥ ᑲᑎᒪᕕᒡᔪᐊᓂᖃᒃᑎᓗᒋᑦ 8:30 ᐅᓪᓛᒃᑯᑦ ᓇᒡᒐᔭᐅᓕᖅᑭᖕᒥ, ᒪᐃ 5, ᑐᓂᒨᔅ ᓂᕆᕕᖁᑖᓂ. ᖃᐃᖁᔭᐅᓯᒪᔪᖅ ᐅᖃᓪᓚᒃᑎᐅᖁᔭᐅᓪᓗᓂ ᑕᐃᑲᓂ ᐊᑦᑕᕐᓇᖅᑕᐃᓕᒪᓂᕐᒥᒃ ᐅᖃᓪᓚᐅᑎᖃᒃᑎᓗᒋᑦ ᐃᓚᒋᔭᐅᓗᓂ ᔫᓯᐱ ᐊᐅᕐᐄ, ᑐᖓᓕᖓ−ᐃᒃᓯᕙᐅᑕᖅ ᐃᓅᕕᒃ ᒑᓯᑕᕐᕕᖕᒥ ᐃᖃᓇᐃᔭᒥ ᐊᓐᓂᖃᒃᑕᐃᓕᒪᓂᕐᒥ ᐊᑦᑕᕐᓇᖅᑕᐃᓕᒪᓂᕐᒥᓗ ᑲᑎᒪᔨᕋᓛᓂ. ᑲᑎᓯᓛᖅᐳᓯ ᐅᕙᑦᑎᓂᑦ ᐱᕕᒃᓴᖃᖁᓗᑕ ᑐᓴᖃᑎᒋᒡᓗᑕ ᐃᓕᑉᐹᓪᓕᕐᓗᑕᓗ ᐱᒻᒪᕆᐅᓂᖓᓂᑦ ᐊᑦᑕᕐᓇᖅᑕᐃᓕᒪᓂᕐᒧᑦ ᖃᐅᔨᒪᓂᕐᒥᒃ.

 

ᐅᓪᓛᕈᒥᑕᑦ ᑐᓐᖓᓱᒃᑎᑦᑎᔪᑕᐅᕗᑦ ᐊᒡᒍᐊᓂ ᐊᕕᒃᑐᖅᓯᒪᔪᓂ ᑲᑐᔨᖃᑎᒋᑦ ᓴᓇᔩᖏᓐᓂᑦ, ᐊᒻᒪᓗ ᐃᓘᓇᑎᒃ ᓂᕆᔭᖅᑐᖃᑕᐅᓯᒪᔪᑦ ᐱᑎᑕᐅᓂᐊᕐᓗᑎᒃ ᐱᖃᑕᐅᓂᖏᓐᓄᑦ ᑐᓂᕐᕈᓯᐊᕈᑎᓂᒃ ᐴᖅᑲᒃᓯᒪᔪᓂᒃ, ᐱᔭᐅᖃᓯᐅᑎᓗᑎᒡᓗ ᐱᔪᓐᓇᑦᖅᓯᔪᑎᑦ ᐊᒧᒋᐊᒐᒃᓴᐅᖃᑕᐅᓕᕐᓂᕐᒧᑦ ᐊᔾᔨᐅᖏᑐᓂ ᖃᓄᐃᖏᑦᑎᐊᕐᓂᕐᒧᑦ ᓵᓚᒃᓴᐅᓯᐊᒃᓴᓂᒃ! ᖃᐅᔨᒋᐊᓚᐅᖅᓯᐅᒃ ᐃᑭᐊᕿᕕᒃᐳᑦ ᑐᑭᓯᑦᑎᐊᒃᑲᓂᖁᓗᓯ.

  

ᑐᓴᖅᑎᑦᑎᔪᒪᒍᑦᓯ ᑕᒪᑐᒧᖓ ᖃᓄᐃᓘᕐᓂᐅᓂᐊᖅᑐᒧᑦ, ᐊᑏ ᓇᕿᓗᒍ ᐅᕘᓇ.

  

 

ᔭᓗᓇᐃᕝ

ᐃᖃᓇᐃᔭᖅᑎᓄᑦ ᐊᑦᑕᕐᓇᖅᑐᓂᒃ ᐊᒻᒪᓗ ᓂᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐃᓱᓕᔪᑎᖃᕐᓂᐊᖅᐳᑦ ᓄᐊᔅᓴ ᐱᓇᓱᐊᕈᓯᖓᓂᑦ ᔭᓗᓇᐃᒥ ᑕᐅᕙᓂ ᐊᑦᑕᕐᓇᖅᑕᐃᓕᒪᓂᕐᒧᑦ ᐊᖅᑯᑎᒥ, ᐅᓪᓗᑐᐃᓇᕐᒥ, ᒪᐃ 8−ᒥ. ᑲᔪᓯᑦᑎᐊᓚᐅᓂᖏᓐᓄᑦ ᐊᕐᕌᓂ ᖃᓄᐃᓘᕈᑕᐅᓚᐅᖅᑐᑦ ᐊᑐᖅᑕᐅᑎᑕᐅᓚᐅᖅᑐᓂ ᐃᒡᓗᐅᑉ ᐃᓗᐊᓂ, ᑲᔪᓯᓂᐊᖅᑐᒍᑦ ᐊᑐᖅᑕᐅᑎᑦᑎᓂᐊᕐᓗᑕ ᖃᓄᐃᓘᕈᑕᐅᑎᑕᑦᑎᓐᓂᒃ ᐊᑦᑎᖕᓂᖅᓴᒥ ᐅᐸᒃᑕᐅᓱᒥ ᐱᕕᑐᓂᖓᓂ ᓂᐅᕕᕐᕕᐊᓘᐅᑉ. ᐊᑐᕐᓗᑎᒃ ᐱᒋᐊᖅᐸᒡᓗᑎᒃ 11−ᒥ ᐅᓪᓛᒃᑯᑦ ᑎᑭᓗᒍ 1:30 ᐅᓐᓄᓴᒧᑦ, ᖃᐃᖁᔨᕗᒍᑦ ᐃᓕᒌᓂᒃ ᑎᓴᒪᐅᓗᑎᒃ ᐊᑎᓕᐅᖁᓗᒋᑦ ᐊᓂᒍᐃᓇᓱᐊᖁᓗᒋᑦ ᐊᖅᑯᑎᒋᔭᒥᖕᓂᒃ ᑕᒃᑯᑎᒎᓇ ᑕᓪᓕᒪᑦ ᐊᑦᑕᕐᓇᖅᑕᐃᓕᒪᓂᕐᒧᑦ ᐅᐸᒐᕐᓂ ᖃᐅᔨᓇᓱᐊᖅᑕᐅᖁᓗᒋᑦ ᖃᐅᔨᒪᓂᖏᑦ ᐊᒻᒪᓗ ᐱᓕᕆᔪᓐᓇᑦᑎᐊᕐᓂᖏᑦ! ᑕᒪᑐᒪᓂ ᐊᕐᕌᒍᒥ ᐊᑐᕐᓂᐊᕋᑦᑕ ᐱᓕᕆᔪᑕᐅᓱᒥᒃ ᐃᒪᓐᓇ ᐃᖃᓇᐃᔭᖅᑎ ᐋᓐᓂᖅᑎᓗᒍ ᐅᑎᕐᓗᓂᓗ ᐃᖃᓇᐃᔭᕐᕕᖕᒥᓄᑦ. ᐃᓘᓇᑎᒃ ᐱᓕᕆᖃᑕᐅᔪᑦ ᐱᑎᑕᐅᓂᐊᖅᐳᑦ ᐃᖃᓇᐃᔭᖅᑎᓄᑦ ᐊᓂᖅᑐᖅᓯᐅᑎᓕᕆᔨᒃᑯᑦ ᑐᓂᕐᕈᑎᖏᓂᑦ ᐴᖅᑲᒃᓯᒪᔪᓂᒃ, ᐊᒻᒪᓗ ᖃᐃᖁᔭᐅᓪᓗᑎᒃ ᐅᓪᓗᕈᒻᒥᓴᑦᑎᐊᖁᔭᐅᓪᓗᑎᒃ, ᓂᕆᑎᑦᑎᑕᐅᓗᑎᒡᓗ ᐊᒡᒍᐊᓂ ᐊᕕᒃᑐᖅᓯᒪᔪᓂ ᑲᑐᔨᖃᑎᒋᑕ ᓴᓇᔩᖏᓐᓄᑦ.

  

ᐊᑎᓕᐅᕐᕕᒃᓴᐅᓂᐊᖅᑐᖅ ᑎᑭᓐᓇᓱᐊᕐᓂᖓᓂ ᒪᐃ 6−ᖓ. ᓇᕿᓗᒍ ᐅᕘᓇ ᐊᑎᓕᐅᖁᓗᒋᑦ ᐃᓕᑦᑎ ᒫᓐᓇ!

 

ᖃᐃᒃᑲᓂᕐᓂᐊᕆᕗᓯ 3−ᒧᖅᐸᑦ ᐅᓐᓄᓴᒃᑯᑦ ᐊᔾᔨᐅᖏᑦᑐᒥᒃ ᑰᐱᑐᖃᓗᓯ ᓄᖃᖓᑲᐃᓇᕐᓂᑦᓯᓂ, ᐱᔭᐅᑎᑕᐅᑎᑕᐅᓪᓗᑎᒃ ᐊᒡᒍᐊᓂᒥᐅᑦ ᐊᑦᑕᕐᓇᖅᑕᐃᓕᒪᓂᕐᒧᑦ ᑲᑐᔨᖃᑎᒌᓂᑦ, ᑕᐃᑲᓂᓗ ᐅᖃᐅᓯᖃᕐᓂᐊᕋᑦᑕ ᑭᒃᑯᑦ ᓵᓚᒃᓴᕐᒪᖔᑕ ᐊᑦᑕᕐᓇᖅᑕᐃᓕᒪᓂᕐᒧᑦ ᐊᖅᑯᑎᒥ ᑐᓂᓯᓗᑕᓗ ᓵᓚᒃᓴᐅᓯᐊᖏᓂᑦ! 

 

ᒪᒃᑯᒃᑐᓄᑦ ᐊᓂᒍᖅᑕᔭᕆᐊᓖᑦ

ᐃᖃᓇᐃᔭᖅᑎᓄᑦ ᐊᑦᑕᕐᓇᖅᑐᓂᒃ ᐊᒻᒪᓗ ᓂᓪᓕᐅᒃᑯᒫᓂᒃ ᖃᐅᔨᓴᖅᑎᒃᑯᑦ ᐅᒃᐱᕈᓱᖕᒪᑕ ᐊᑐᖅᑕᐅᖃᑦᑕᖏᓂᖅᓴᐅᖁᓗᒋᑦ ᐃᖃᓇᐃᔭᕐᕕᖕᓂ ᐊᓐᓂᕐᓃᑦ ᖃᓂᒻᒪᖕᓃᓪᓗ ᓯᕗᓂᒃᓴᒥ, ᐊᑦᑕᕐᓇᖅᑕᐃᓕᒪᓂᕐᒥᒃ ᐅᖃᖃᑎᒋᒍᑎᖃᕆᐊᖃᕋᑦᑕ ᐱᒋᐊᑎᓗᒋᓪᓗ ᒪᒃᑯᒡᓂᖏᓐᓂ ᐅᑭᐅᑭᑐᓗᒋᑦ. ᑕᒪᓐᓇ ᐃᓱᒪᒋᓗᒍ, ᐊᔾᔨᐅᖏᑦᑐᒥᒃ ᒪᒃᑯᒃᑐᑦ−ᑕᑯᓇᖅᑕᐅᕗᑦ ᓄᐊᔅᓴ ᐱᓇᓱᐊᕈᓯᖓᓂ ᖃᓄᐃᓘᕈᑕᐅᔪᓂ ᐃᓘᓇᓕᒫᖏᓂ ᑕᒪᒃᑭᒃ ᓄᓇᓕᖃᕐᕕᐅᔫᒃ ᖃᐅᔨᔭᐅᖁᓗᒋᑦ ᐊᑦᑕᕐᓇᖅᑕᐃᓕᒪᓂᕐᒧᑦ ᐃᓕᖁᓰᑦ ᖃᐅᒃᐸᒥ ᐊᑦᑕᕐᓇᖅᑕᐃᓕᒪᓂᕐᒧᑦ ᓯᕗᓕᖅᑎᐅᓂᐊᖅᑐᓄᑦ. 

    

ᐊᒥᐊᕆᓂᕐᒥ ᐱᐅᓛᖑᓂᑭᓴᐅᑎᑕᐅᔪᑦ

ᖃᐃᖁᔨᕗᒍᑦ ᓱᕈᓯᕐᓂᒃ ᐃᓕᓐᓂᐊᓕᓵᖅᑐᑯᓗᖕᓂ ᑎᑭᐅᒪᓗᒋᑦ ᐃᓕᓐᓂᐊᖅᓯᒪᓂᓕᖕᓄᑦ 5−ᓂᒃ ᐱᖃᑕᐅᖁᓗᒋᑦ ᐃᖃᓇᐃᔭᖅᑎᓄᑦ ᐊᑦᑕᕐᓇᖅᑐᓂᒃ ᐊᒻᒪᓗ ᓂᓪᓕᐅᒃᑯᒫᓂᒃ ᖃᐅᔨᓴᖅᑎᒃᑯᑦ ᐊᕐᕌᒍᑕᒪᑦ ᐊᒥᐊᕆᓂᕐᒥ ᐱᐅᓛᖑᓂᑭᓴᐅᑎᑎᑦᓯᓂᖓᓂ! ᓂᕈᐊᕕᒃᓴᖃᒃᑎᓗᒋᑦ ᑎᓴᒪᓂᒃ ᐅᓗᒥᓕᓴᐅᓂᖅᓴᓂᒃ ᐊᒥᐊᒐᕐᓂᒃ ᐋᕿᒃᑕᐅᓯᒪᔪᓂᒃ (ᐋᓐᓂᐊᕕᒃ , ᐃᓕᓂᐊᕐᕕᖕᓂ, ᖃᑦᑎᕆᔪᑎᒃᑯᕕᒃ, ᐊᒻᒪᓗ ᐊᖏᕐᕋᓂ), ᖃᔪᖏᖅᓴᕋᑦᑎᒍ ᒪᒃᑯᒃᑐᑦ ᐊᑐᖁᓗᒋᑦ ᓴᓇᑦᑎᐊᕈᓐᓇᕐᓂᕐᒥᖕᓂᒃ ᖃᐅᔨᒪᓂᕐᒥᖕᓂᓪᓗ ᐊᒥᐊᕆᑐᐃᓇᖏᓪᓗᑎᒃ ᑕᒫᓂ ᐊᑐᖅᑕᒥᖕᓂ, ᑭᓯᐊᓂ ᓇᓗᓇᐃᓯᖁᓗᒋᑦ ᐅᓗᕆᐊᓇᕈᓐᓇᕐᓂᖏᓂᑦ.

 
 
ᐃᓱᓕᕝᕕᒃᓴᖓ ᑐᓂᓯᔭᕆᐊᖃᕐᓂᐅᑉ ᐱᒋᐊᕈᑎᒃᓴᒥᒃ ᒪᐃ 15−ᖑᕗᖅ. ᐋᒪᔮᓐ ᑐᓂᕈᓯᕈᑎᑦ ᐊᐅᒃᑕᔪᑦ ᖃᖓᑐᐃᓇᒃᑯᑦ ᐊᒧᒋᐊᖅᑕᖃᑦᑕᕐᓂᐊᕐᒪᑕ ᐊᒻᒪᓗ ᑐᓂᓯᔪᑕᐅᕙᒡᓗᑎᒃ ᐃᓕᓂᐊᖅᑎᓄᑦ ᑕᐃᒃᑯᓇᖓ ᐊᑐᓂ ᐱᓇᓱᖃᑕᐅᔪᓂᑦ ᐃᓕᓐᓂᐊᖅᓯᒪᓂᕐᒥ ᖁᕝᕙᓯᖕᓂᓕᖕᓂ, ᑕᐃᒫᓪᓗᐊᖃᑎᖓᓂᑦ ᓵᓚᒃᓴᐅᓯᐊᖅᑎᑕᐅᓗᑎᒃ ᐃᓕᓐᓂᐊᕐᕕᒃ ᐅᕝᕙᓗᓂᑦ ᐅᖃᓕᒫᒐᖃᕐᕕᒃ ᑕᐃᒃᑯᐊ ᑐᓂᓯᓯᒪᔪᑦ ᓵᓚᒃᓴᐅᑎᓂᒃ ᐱᒋᐊᓯᒪᔪᓄᑦ. ᐃᓘᓇᓕᒫᖏᓂᑦ ᒪᓕᒃᑕᐅᖁᔭᑦᑎᓂᑦ ᐊᒻᒪᓗ ᐊᔪᕆᖅᓯᐅᔨᔪᑎᑦᑎᓂᑦ, ᑕᑯᒋᐊᓚᐅᑭᑦ ᐃᑭᐊᕿᕕᒃᐳᑦ

   

ᓱᖕᒪᑦ ᐊᑦᑕᕐᓇᕈᓐᓃᕈᓐᓇᖅᐲᑦ?

ᖃᐅᖁᔨᕗᒍᑦ ᐃᓕᓐᓂᐊᖅᑎᓂᒃ ᐃᓕᓐᓂᐊᖅᓯᒪᓂᓕᖕᓂᑦ 6-12 ᖃᐅᔨᑎᑦᑎᖁᓗᒋᑦ ᓱᖕᒪᑦ ᓇᖕᒥᓂᖅ ᐊᑦᑕᕐᓇᕈᓐᓃᖅᐹᑦ. ᐊᑐᕐᓗᑎᒃ ᖃᓄᐃᑦᑐᓐᖑᐊᓂᒃ ᓴᓇᔪᑎᓂᒃ ᑐᓐᖓᕕᒋᓗᒋᑦ ᐊᒻᒪᓗ ᐱᓕᕆᒋᐊᕈᒪᓕᕈᑎᒋᓗᒋᑦ ᓴᓇᔪᓐᓇᑦᑎᐊᕐᓂᕐᒧᑦ ᓴᓇᔭᒃᓴᒥᒃ, ᐃᓕᓐᓂᐊᖅᑏᑦ ᑲᔪᖏᖅᓴᖅᑕᐅᕗᑦ ᑕᑯᑎᑦᑎᖁᓗᒋᑦ ᐅᕙᑦᑎᓂᑦ ᓱᖕᒪᑦ ᐊᑦᑕᕐᓇᖅᑑᖏᓂᖅ ᐱᒪᕆᐅᖕᒪᖔᑦ ᑕᒃᑯᓄᖓ. ᑎᑎᕋᐅᔭᕐᓗᒋᑦ ᐱᐅᒋᓵᑎᑦ ᐊᑐᕈᒪᐃᓇᓱᑎᑦ ᐊᒻᒪᓗ ᐃᓄᐃᑦ, ᓴᓇᓗᓯ ᑭᓱᑐᐃᓴᕐᓂᒃ ᐃᓕᑦᓯᓄᑦ ᐱᒻᒪᕆᐅᔪᓂᒃ, ᑎᑎᕋᕐᓗᓯ ᓇᐃᑦᑑᒐᓗᐊᓂᒃ ᐅᓂᒃᑲᐅᓯᓕᖕᓂᒃ, ᐅᕝᕙᓗᓂᑦ ᖃᐅᔨᒪᓇᖅᓯᑎᑦᑎᓗᓯ ᐱᒻᒪᕆᐅᓂᖓᓂᑦ ᐊᑦᑕᕐᓇᖅᑕᐃᓕᒪᓂᐅᑉ ᓇᓪᓕᐊᒃᑯᑐᐃᓐᓇᖅ ᐊᓯᐅᒍᑦ! ᓵᓚᒃᓴᐅᓯᐊᒃᓴᑦ ᐋᒪᔮᓐ ᑐᓂᕈᓯᕈᑎᒃᓴᔭᐅᕗᑦ ᐊᐅᒃᑕᔫᑦ ᖃᖓᑐᐃᓇᒃᑯᑦ ᐊᒧᒋᐊᖅᑕᐅᖃᑦᑕᕐᓂᐊᕐᓗᑎᒃ ᐊᒻᒪᓗ ᑐᓂᔭᐅᓗᑎᒃ ᐃᓕᓐᓂᐊᖅᑎᓄᑦ ᑕᐃᑯᓇᖓᑦ ᐱᓇᓱᖃᑕᐅᔪᓂᑦ ᐃᓕᓐᓂᐊᖅᓯᒪᓂᓕᖕᓄᑦ ᖁᕙᓯᖕᓂᓕᖕᓂ, ᑕᐃᒫᓗᐊᖃᑎᖓᓂᑦ ᓵᓚᒃᓴᐅᓯᐊᒥᒃ ᐃᓕᓐᓂᐊᕐᕕᖓᓐᓅᖅᑐᖃᕐᓂᐊᕐᒥᓗᓂ ᐅᕝᕙᓗᓂᑦ ᐃᖃᓇᐃᔭᕐᕕᖕᒧᑦ. ᑕᑯᒋᐊᓚᐅᕈᒃ ᐃᑭᐊᕿᕕᒃᐳᑦ ᐱᔪᓐᓇᕐᓂᐊᕋᑦᓯ ᖃᓄᐃᓕᖓᔪᓂᒃ ᓴᓇᒋᐊᕈᑎᓂᒃ, ᐱᔭᐅᖃᓯᐅᑎᓗᑎᒡᓗ ᒪᓕᒃᑕᐅᖁᔭᕗᑦ ᐊᔪᕆᖅᓯᐅᔨᔪᑎᕗᓪᓗ.

    

#ᐃᖃᓇᐃᔭᖅᑎᓄᑦ ᐊᑦᑕᕐᓇᖅᑐᓂᒃ ᐊᒻᒪᓗ ᓂᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᐊᑦᑕᕐᓇᖅᑕᐃᓕᒪᓂᕐᒧᑦ ᖃᕋᑕᐅᔭᒃᑯᑦ ᐋᖅᑭᒃᓯᓇᓱᐊᕆᐊᖃᕐᓂᖅ (#WSCCSafetySelfie)

ᖃᕋᑕᐅᔭᒃᑰᕈᑎᑦ ᐊᒃᓱᐊᓗᒃ ᐊᑐᖅᑕᐅᓱᖑᓕᕐᒪᑕ ᐃᓅᖃᑎᒋᑦ ᑐᓴᐅᒪᔪᑎᖏᑎᒍ, ᑕᒪᑐᒪᓂᓗ ᐊᕐᕌᒍᒥ ᖃᕋᑕᐅᔭᒃᑰᖃᑎᖃᓕᕋᒃᑕ ᒪᒃᑯᒃᑐᑦ ᐊᑐᐃᓇᐅᑎᑦᑎᕕᖓᒍᑦ ᖁᕕᐊᓇᖅᑐᓂᒃ ᑐᓴᓕᓵᕈᑎᖃᕐᓗᑕ ᐱᔭᕆᒃᑕᐅᔭᕆᐊᓕᖕᓂᑦ. ᑲᔪᖏᖅᓴᐃᕗᒍᑦ ᒪᒃᑯᒃᑐᓂᒃ ᐊᔾᔨᓕᐅᕆᖁᓗᒋᑦ ᐃᒻᒥᓂᑦ (ᐊᑦᑕᕐᓇᖏᑐᓂ) ᐊᑦᑕᕐᓇᖅᑕᐃᓕᒪᓂᕐᒧᑦ ᑲᑎᒪᓂᐅᔪᒥ ᐃᖃᓇᐃᔭᕐᕕᖕᒥ, ᐅᕝᕙᓗᓂᑦ ᑎᒃᑯᐊᖓᓗᑎᒃ ᐊᑦᑕᕐᓇᑐᐃᓇᕆᐊᓕᖕᓂᑦ, ᑕᑯᔭᐅᑎᓪᓗᒍᓗ ᖃᕋᑕᐅᔭᒃᑯᑦ ᐱᖃᓇᕆᔭᓅᕈᑎᓂ ᐅᕝᕙᓗᓂᑦ ᑐᐃᑦᑐᑯᑦ ᐊᑐᕐᓗᓂ ᕼᔅᓇᓗᓇᐃᑯᑕᕐᒥᒃ #ᐃᖃᓇᐃᔭᖅᑎᓄᑦ ᐊᓂᖅᑐᖅᓯᐅᑎᓕᕆᔨᒃᑯᑦ ᐊᑦᑕᕐᓇᖅᑕᐃᓕᒪᓂᕐᒧᑦ ᖃᕋᑕᐅᔭᒃᑯᑦ ᐋᖅᑭᒃᓯᓇᓱᐊᕆᐊᖃᕐᓂᖅ (#WSCCSafetySelfie). ᐃᖃᓇᐃᔭᖅᑏᑦ, ᑲᔪᖏᖅᓴᐃᕗᒍᑦ ᐃᓕᑦᓯᓂᑦ ᐃᖃᓇᐃᔭᖅᑎᖁᑎᓯ ᐅᑭᐅᓖᑦ 25−ᓂᒃ ᑐᖔᓂᓗ ᐱᓇᓱᖃᑕᐅᖁᓗᒋᑦ ᑕᒪᑐᒥᖓ ᐱᓕᕆᐊᖑᓇᓱᐊᖁᔭᑦᑎᓂ, ᐊᒻᒪᓗ ᐅᖃᓪᓚᐅᑎᖃᕆᐊᓕᖁᓗᒋᑦ ᐊᑦᑕᕐᓇᖅᑕᐃᓕᒪᓂᕐᒥᑦ ᐃᖃᓇᐃᔭᕐᕕᖕᒥ. ᖃᑯᑎᒃᑯᑦ ᐊᒧᒋᐊᖃᑦᑕᕐᓂᐊᕋᒃᑕ ᐱᑖᖅᑎᑦᑎᕙᒡᓗᑕᓗ ᖃᕋᑕᐅᔭᒃᑰᕈᑎᓂᒃ ᐃᓘᓇᓕᒫᖏᓂᑦ ᑐᓂᔭᐅᓯᒪᔪᓂᑦ ᐊᑐᕐᓗᑎᒃ ᑕᒃᑯᓂᖓ ᓈᓴᐅᑕ ᐃᖃᓇᐃᔭᖅᑎᓄᑦ ᐊᑦᑕᓇᖅᑐᓂᒃ ᐊᒻᒪ ᓇᓪᓕᐅᒃᑯᒫᓂᒃ ᖃᐅᔨᓴᖅᑎᑦ ᐊᑦᑕᕐᓇᖅᑕᐃᓕᒪᓂᕐᒧᑦ ᐃᒻᒥᓂᐅᒋᓂᕐᒥ (#WSCCSafetySelfie) ᖃᕋᑕᐅᔭᒃᑯᑦ ᐋᖅᑭᒃᓯᓇᓱᐊᕆᐊᖃᕐᓂᖅ ᑐᐃᑦᑐᒃᑯᑦ ᐅᕝᕙᓗᓂᑦ ᖃᕋᑕᐅᔭᒃᑯᑦ ᐱᖃᓇᕆᔭᓅᕈᑎᓂ. ᑭᖑᓕᖅᐹᕐᕕᒃ ᐃᓱᓕᕕᖓ ᐱᓇᓱᒡᕕᒃᓴᐅᓂᖓᑕ ᒪᐃ 15−ᒥᐅᕗᖅ.

   

ᓴᓇᕐᕈᑎᒃᑯᕕᖕᒧᑦ ᐱᔭᕆᖅᓯᔭᕆᐊᖃᖁᔨᔪᑎ

ᐱᖓᔪᒋᓕᖅᑕᖓᓂ ᐊᕐᕌᒍᒥ ᑭᖑᓕᕇᓂ, ᐃᖃᓇᐃᔭᖅᑎᓄᑦ ᐊᑦᑕᕐᓇᖅᑐᓂᒃ ᐊᒻᒪᓗ ᓂᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᓴᕿᑦᑎᕗᑦ ᓴᓇᕐᕈᑎᑯᕕᖕᒧᑦ ᐱᔭᕆᖅᓯᔭᕆᐊᖃᖁᔨᔪᑎᓂᒃ! ᓴᓇᕐᕈᑎᒃᑯᕕᒃ ᑲᑎᒪᓃᑦ ᐃᓕᑦᓯ ᓴᓇᕕᒋᔭᑦᓯᓐᓂ ᐊᑦᑕᕐᓇᖅᑕᐃᓕᒪᓂᕐᒧᑦ ᑲᑎᒪᓂᕆᕙᓯ, ᐊᒻᒪᓗ ᑕᑯᔪᒪᓪᓗᑕ ᑲᑎᒪᔪᑎᒥᓂᑦᓯᓂᑦ ᑭᖑᓕᖅᐹᒥ ᑲᑎᒪᓂᕆᓚᐅᖅᑕᑦᓯᓂ. ᑐᓂᓗᓯᐅᒃ ᑲᑎᒪᔪᑎᒥᓂᖅᓯ, ᓇᓗᓇᐃᑦᑎᐊᕐᓗᒋᑦ ᑎᑎᕐᓗᒋᑦ ᑕᐃᒪᓐᓇ ᐃᖃᓇᐃᔭᖅᑎᓄᑦ ᐊᑦᑕᕐᓇᖅᑐᓂᒃ ᐊᒻᒪᓗ ᓂᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᓄᐊᔅᓴ ᓴᓇᕈᑎᒃᑯᕕᒃ ᐱᓕᕆᐊᖑᖁᔨᔪᑎᖓᓂ, ᕿᑎᖅᑰᑕᐅᓕᖅᐸᑦ, ᒪᐃ 7, ᐅᑯᑎᒍᓇ ᐃᕐᖏᓇᑕᕈᑎᒃᑯᑦ ᐅᕝᕙᓗᓂᑦ ᓱᑲᑦᑐᒃᑯ (1-867-669-4493) ᓵᓚᒃᓴᐅᓯᐊᕈᓐᓇᑐᐃᓇᕆᐊᖃᕐᓂᐊᕋᒃᓯ ᐱᐅᔪᐊᓗᖕᒥᑦ ᐊᑦᑕᕐᓇᖅᑕᐃᓕᒪᓂᕐᒧᑦ ᓴᓚᒃᓴᐅᓯᐊᒃᓴᒥᒃ ᐃᓕᑦᓯ ᓴᓇᕕᒋᔭᖓᓄᑦ!

   

ᖃᐅᔨᒃᑲᓂᕈᒪᕖᑦ ᐃᓚᒃᑲᓂᖓᓃᑦ?

ᐱᔪᒪᕕᓰ ᓇᓪᓕᐊᖕᓂᑐᐃᓈᖅ ᑕᒃᑯᓇᓂ ᖃᓄᐃᓗᕈᑎᓃ, ᐅᕝᕙᓗᓂᑦ ᖃᐅᔨᒃᑲᓂᕈᒪᕕᓰ ᑐᓴᐅᒪᔪᑎᒃᓴᒃᑲᓂᕐᓃᒃ? ᖃᐅᔨᒋᐊᓚᐅᕆᑦᓯ ᐅᕙᒍᑦ ᐃᑭᐊᕿᕕᑦᑎᓂᑦ, ᐊᒻᒪᓗ ᐃᕐᖐᓇᕕᒃᑰᓯᓗᓯ ᐅᕙᑦᑎᓄᑦ! ᐃᓕᑦᓯᓂᑦ ᑐᓴᕈᒪᑦᑎᐊᖅᐳᒍᑦ!

 

ᐱᓕᕆᖃᑎᒋᒡᓗᑕ, ᐊᑐᓐᖏᑎᑦᑎᔪᓐᓇᕋᑦᑕ ᐃᖃᓇᐃᔭᕐᕕᑦᑎᓂ ᐱᕈᓗᐊᕿᓂᕐᒥᑦ ᐊᒻᒪᓗ ᐋᓂᕐᓂᕐᒥᑦ. 

wscc.nt.ca   /  1.800.661.0792   *   wscc.nu.ca  /  1.877.404.4407