Qayangnaqtunut Munariyughauyut! Apitaiyaknikkut Qilainnik
Ukiuq qaangiutilirmat uunnakpalliavlunilu, inuit havaktut aihimayullu qilainnik aputaiyaliktut.
Apitaiyaiyughaugaluaqhutik qayagilutik iglunik, ilihimalugu havakpaktut qilainni qayangnaqtuq inungnut. Aannirpiaktaaqtut katakkumik qilaanit. Naunaikhiyughauyutit kataktaaqtunut ikayuutikhamik kitumullikaak havaamut havagvingnit qingiknianit 3 metres-nik qingitqiyauyumilluunniit. Katalaitkutikhanut ikayuutikhat atuinnarialgit atauhiq, allatqiinikluunniit ukuninga ikayuutikhanik: - Katalaitkutikhanik avaliqaqtunik tunmirauyatut haniitut;
- Havagvingmi pihukvikhat;
- Qayangnaitkutikhat kuvyat;
- Iukkaqtuqaqqat Tiguhidjutikhat; unaluunniit
- Iukkaqtailidjutikhaq.
| |
|
Kaiptauyanik Pukuknahuaqtut (Morel Mushroom Harvesters) Nunattiami: ikayuutikhaqaqlutit uumani ukiup iluani
Morels-nguyut piumayauyut kaiptauyat, takunnaqhivaktut amigaiqhutik atauhiqmi ukiungani napaktuqarnirmi ikualuaqyuaraangata. Amigakhuliqhutik morel-nguyunik kaiptauyanik pukugiamingni Nunattiami uumani auyami, pukuknahuaqtut kaiptauyanik ilihimayughauyut inmikkut havakniaqtut, ataniqarngittutik havagvikmi, ilaungittut qullangnaiyautikhanut ukunani Havaktinut Aanniqtailinirmut
Havalimaiqqatalu Nalliqtarvik (WSCC).
Amihut havaktut pivaktut WSCC-kunit qullangnaiyautikhanik havagvingmingnit. Aannirumik havagvingmingni, aannialirumikluunniit havagvingmingni, WSCC-kut ikayuutikhainik tunivagait.
Inmikkut havagumik morel-nguyunik kaiptauyanik pukuknahuaqtut aadjikkutaanik ikayuutikhaqarumagumik amiridjutikhaniklu aallatut havaktitut, niuviinnarialgit ikayuutikhamik (Inmikkut Pittaaqtamingnut Qullangnaiyautikhat) Personal Optional Coverage. Ikayuutikhait ilangit: - akiliuhiarutikhaq havangitkumik akiliuhiakhamik angiqtauhimayumut akianut pittaaqtamingnut;
- akiliutikhat munarhiliqinikkut;
- munarhiliqinikkut havaamullu nakuuhittiriami atuqtakhanut; unalu
- aturaaqpaktakhamut ikayuutikhaq aannirutaa inuuhirmi havalimaiqqata.
Uukturiami WSCC-mut qullangnaiyautikhanut ayurnaittuq. Iniqtirlugu tuyurlugulu tuniluguluunniit una (Inmikkut Pittaaqtamingnut Qullangnaiyautikhat) Personal Optional Coverage titiraq, piinnarialik hivayarvigilugit WSCC-kut takuyakturluguluunniit qaritauyakkut takuyakturvikput. Havagvingnut Ikayuqtit havaqatigiiktut ikayuqtaaqtaatit piyakhanut, uqarilugit ikayuutikhat akikhaillu. Qullangnaiyautikqalikniaqtut piguptigu iniqhimayatit titiraq akikhaalu tamaat. Mikitqiyaq akia niuvirtaaktat hivitunikhaa qullangnaiyautikhanut Atauhiq tatqirhiutaanut.
Naunairumagungni qanuq (Inmikkut Pittaaqtamingnut Qullangnaiyautikhat) Personal Optional Coverage ikayuutiginiaqtat, qaritauyakkut takuyakturlugu wscc.nt.ca hivayarvigilugilluunniit uumunga 1-800-661-0792. |  |
|
WHMIS PIGUMIKKU GHS
Havagvingmi Qayangnaqtunut Naunaitkutikhaqarvik (Workplace Hazardous Materials Information System - WHMIS) aallan'nguliktuq ilauliriangani una Nunakyuami Aadjikkiiktumik Pidjutikhaq (Globally Harmonized System) Naunaiyainirmut Titiraliqhugillu Hivuuranaqtunik (GHS).
Nutaaq atuqtakhaat, atiqaqtuq WHMIS 2015, ihuaqtumik pidjutikhanikniaqtuq naunaikhinikkut hivuuranaqtunik tuhaqtidjutikhanullu qayangnaqtunik naunaitkutikhanut atuqlugit titiqqat naunaitkutikhat qayagidjutikhanullu naunaitkutit titiqqat. Aallannguqtiriniarutikhait titiraliffaaqlugit atiinnik 'munariyauyut hunavaluit -controlled products' taimaatut 'qayangnaqtut hunavaluit -hazardous products', nutaat naunaitkutikhat, piliuqlutik amihunik qayangnaqtunut pidjutikhainut, nutaallu niuvvaaviknit naunaitkutikhat titiqqat. Ilihimayakhaugaluaqhugu havaktut, havagvik, niuvvaaviillu havaktakhait havaarivagaillu aalln'ngulimaittut nutaami pidjutikhami, ayuiqhainiq ilihaidjutillu angiyut ilauyut havaami aanniartailinirmut qayagidjutikhanullu hanianiittunut hivuuranaqtuni.
Takuyakturlugu Kanatami Havagvia Havaanut Aanniartailinirmut Qayagidjutikhanullu (Canadian Centre for Occupational Health and Safety) qaritauyakkut free online course ilittuqhiyuumiyaangni. Nunaitkutit qanuq aallan'nguqtirutit pidjutiginiaqmagaangit Nunattiak, Nunavut, nunakyuamilu ahini takuinnarialgit talvuuna qaritauyakkut whmis.org. | |
Atugakhanut Nutaanguqtirutikhat
Kavamaliqiyit Katimayiit naunaiyaktait angiqhugillu aallan'nguqtirutit ataaniittunut atugakhanut pitquyauhimayunullu katimagamik talvani Qiqaiyaqvik 2015:
- Atugakhaq 04.14, Havagiaktuffaarnikkut
- Atugakhaq 09.02, Qayagidjutikhanut Ikayuutikhaq
- Atugakhaq 10.01, Akiliktaulimaittunut Atugauyunut Piiktauyakhanullu Maniliqidjutinit
- Kavamaliqiyit Katimayiit Pitquyauhimayuq B-004 Kavamaliqiyit Katimayiit Katimayiuyut Akiliuhiarutikhainut
Naunaitkutarilugu WSCC-kut Atugakhanut Maliktakhait WSCC Policy Manual unalu Kavamaliqiyit Katimayiit Pitquyauhimayuq Governance Council Directives maliktakhait tautuklugit tamaita atugakhat pitquyauhimayullu. | |
Ilihaidjutikhanut Ikayuutikhat
Qayagidjutikhanut Ilihaidjutikhat
Paanariyavut Ukiuqtaqtumi Nunani Katimayiit Havakpaktunut (Northern Territories Federation of Labour - NTFL) unalu Ukiuqtaqtumi Qayagidjutikhanut Katimayiit (Northern Safety Association - NSA), ilihaidjutikhaqaqtut havagvingmi qayagidjutikhanut kangiqhidjutikhanullu. Kangiqhihimavakluhi!
Ukiuqtaqtumi Qayagidjutikhanut Katimayiit (Northern Safety Association) - Uqaqvigilugit NSA-kut naunairumagungni.
|
Titiqqiqarnikkut Ilitaridjutikhanut (Certificate of Recognition - COR) Ilihaidjutikhaq
|
Yellowknife
|
Qitiqqauyaqvia 23-27
|
Ukiuqtaqtumi Nunani Katimayiit Havakpaktunut (Northern Territories Federation of Labour) qaritauyakkut takuyakturvia - naunaiklugu hamani ilihaidjutikhanut naqitlugu Tiliuqtiuyunut Qayagidjutikhanut Ayuiqhaidjutikhaq (Malrukni Ubluni)
| Yellowknife
| Qitiqqauyaqvia 8-9
| |
Piyakhaq Atauhiq: Kangikhilugit Havaktinut Aanniqtailinirmut
Havalimaiqqatalu Nalliqtarvik
| Yellowknife
|
Qitiqqauyaqvia 21
| |
Piyakhaq Tuglia: Kangiqhidjutigivlugu Havagiaktuffaarnikkut
|
Yellowknife
|
Qitiqqauyaqvia 22
| |
Piyakhaq Pingahua: Piliuqlugu Havagiaktuffaarnikkut Ilihaidjutikhat (Pingahuni Ubluni)
|
Yellowknife
|
Qiqaiyaqluaqvia 26-28
|
| |
Haalatiirutikhanut Puiguktailidjutikhaq
WSCC-kut Iqalungni Havagvia umikniaqtuq qitikkukpat, Hitammiut, Qitiqqauyaqvia 2, ulapqidjutikhanut hulilukaaqtuni uumunga Toonik Tyme, angmaffaarluni 8:30am, Aippiut, Qitiqqauyaqvia 7, qaangikkat Makilvik Havaknaittumi Havainiqmi. Makilvikmi haalitiiktuni, WSCC-kut Havagvia umikniaqtuq 5pm nunami ubluqhiutaani Hitammiunmi, Qitiqqauyaqvia 2, 2015, angmaffaarluni 8:30am Aippiut, Qitiqqauyaqvia l 7, 2015
Unnirhiyaami qayangnaqtunik havagvingmi pidjutaanut, hivayarvigilugu pikput 24-ni ikaaqnini Aannirtuqaqqat Unnirhinahuaqtunut Hivayarvia uumani 1-800-661-0792.
| |
KANGIQHIYUUMIYUMAVIT?
Piumavigit ukuat uqariyainut, naunaitkutikhanik piumaguvillu? Takuyakturlugu qaritauyakkut takuyakturvikput website, qaritauyakkut titiqqivilutaluunniit uumunga! Illingnit tuhaayumayugut! | |
|
wscc.nt.ca / 1.800.661.0792 * wscc.nu.ca / 1.877.404.4407
| |
|
|
|
|
|
|
|
|
|
