ᒫᑦᓯ 2015
ᐊᑦᑕᕐᓇᖅᑐᖅ! ᐃᒡᓗᑉ ᖄᖓᓂᒃ ᐊᐳᑕᐃᔭᖅᓯᓂᖅ 

ᐅᑭᐅᖅ ᐊᓂᒍᖃᑦᑕᕐᒪᑦ ᐅᖅᑯᓯᕙ−ᓕᐊᕙᒃᖢᓂᓗ ᐃᓄᐃᑦ ᐃᖅᑲᓇᐃᔭᐸᒃᖢᑎᒃ ᐊᖏᕋᖅᓯᒪᔪᓪᓗ ᐃᒡᓘᑉ ᖁᓛᓂ ᐊᐳᑕᐃᔭᖅᓯᖃᑦᑕᕐᒪᑕ. 

ᐊᐳᑎ ᐱᔭᖅᑕᐅᔭᕆᐊᖃᖃᑦᑕᖅᑎᓪᓗᒍ ᐊᑦᑕᕐᓇᖅᑐᒦᖁᓇᒍ ᐊᑐᖅᑕᐅᑦᑎᐊᕐᓗᓂᓗ, ᐃᖅᑲᐅᒪᓂᐊᖅᐳ ᐃᒡᓘᑉ ᖃᖓᓃᖢᓂ ᐊᑦᑕᕐᓇᖅᑑᔪᓐᓇᖅᐳᖅ. ᐋᓐᓂᖅᑐᖃᕐᔪᐊᕈᓐᓇᖅᐳᖅ ᐅᒃᐱᑲᖅᑐᖃᖅᖢᓂ. ᖃᖓᑐᐃᓐᓇᒃᑯᑦ ᐃᖅᑲᓇᐃᔭᖅᑎᓪᓗᑎᒃ ᐅᐱᖃᖅᑕᐃᓕᒪᔾᔪᑎᖃᕆᐊᖃᖅᐳᑎ ᖁᑦᑎᖕᓂᖃᖅᑐᒥᑦ 3 ᒦᑕᔅᒥᒃ ᖁᑦᑎᖕᓂᖅᓴᒥᓘᓐᓃᑦ. 

ᐅᒃᐱᑲᖅᑕᐃᓕᒪᓂᖅ ᐅᑯᓂᖓ ᐊᑕᐅᓯᕐᒥᒃ ᐱᖃᐅᓯᔾᔨᔪᓐᓇᖅᐳᖅ, ᓇᓕᐊᑐᐃᓐᓇᕐᓅᓐᓃᑦ

  • ᐊᒡᕕᐊᕈᑎ ᐅᔾᔨᖅᓱᕐᓗᒋᑦ ᐊᒻᒪ ᓴᐳᒻᒥᔾᔪᑎᑦ;
  • ᐃᖅᑲᓇᐃᔭᕐᕕᖕᒥᑦ ᓇᖏᕐᕖᑦ:
  • ᐊᑦᑕᕐᓇᖅᔭᐃᒃᑯᓰᑦ;
  • ᐅᒃᐱᑲᖅᑐᓄᑦ ᐊᑯᖅᓯᔾᔪᑎᑦ; ᐅᕝᕙᓘᓐᓃᑦ
  • ᐅᒃᐱᑲᕐᔭᐃᒃᑯᓰᑦ. 
ᐅᖃᓕᒫᕐᓗᒍ ᐃᖅᑲᓇᐃᔭᖅᑐᓕᕆᔨᑦ ᐊᑦᑕᕐᓇᖅᑕᐃᓕᒪᔪᓕᕆᔨᒃᑯᑦ ᐊᑦᑕᕐᓇᖅᐃᓕᓚᔪᓕᕆᓂᖅ ᐃᓕᓚᔪᓕᕆᓂᖅᑐᓴᒃᑲᓐᓂᕈᒪᓐᓂᕈᕕᑦ. 

 

ᐃᓯᕈᑕᖅᑎᑦ ᓄᓇᑦᑎᐊᕐᒥᒃ: ᓇᓪᓕᐅᒃᑯᒫᖅᑕᕋᓱᒋᑦ ᐊᕝᕗᕐᓇᐅᑎᓪᓗᒍ


ᒧᕆᐊᓪ ᐃᓯᕈᑕᑦᑎᐊᕙᐅᕗᑦ, ᑕᑯᔭᐅᒐᔪᒃᑐᑦ ᐊᕐᕌᒍᑦ ᐊᓂᒍᕌᖓᑦ ᓇᐹᖅᑐᑦ ᐃᑭᑦᑐᕕᓂᐅᑎᓪᓗᒋᑦ. ᐅᐊᔭᐅᓂᐊᖅᑐᖅ ᓄᓇᑦᑎᐊᕐᒥᑦ ᒧᕆᐊᓪᑕᖃᓕᒑᑎᓪᓗᒍ, ᐊᕗᖃᑦᑕᖅᑐᑦ ᖃᐅᔨᒪᔭᕆᐊᖃᖅᐳᑦ ᓇᖕᒥᓂᖅ ᐃᖅᑲᓇᐃᔭᖅᑎᓪᓗᒋᑦ, ᐃᖅᑲᓇᐃᔭᖅᑎᑕᐅᖏᖢᑎᒡᓗ, ᓇᓪᓕᐅᒃᑯᒫᖅᑕᕈᓐᓇᖏᓚᑦ ᐃᖅᑲᓇᐃᔭᖅᑐᓕᕆᔨᒃᑯᑦ ᐊᑦᑕᕐᓇᖅᑕᐃᓕᒪᔪᓕᕆᔨᒃᑯᓐᓂ. (WSCC) 


ᐃᖅᑲᓇᐃᔭᖅᑎᑦ ᐱᑲᐅᑎᒋᒐᔪᒃᐳᑦ ᐃᖅᑲᓇᐃᔭᖅᑐᓕᕆᔨᒃᑯᓐᓂᑦ ᐊᑦᑕᕐᓇᖅᑕᐃᓕᒪᓂᕐᒧᓪᓗ ᓇᓪᓕᒃᑯᒫᓂᒃ ᐃᖅᑲᓇᐃᔭᕐᕕᒋᔭᖏᓐᓂᒃ. ᐋᓐᓂᕐᓂᕈᕕᑦ ᐃᖅᑲᓇᐃᔭᖅᑎᓪᓗᑎᑦ, ᖃᓂᒻᒪᒃᑐᕕᓂᐅᓂᕐᓗᑎᒡᓘᓐᓃᑦ, WSCC-ᑯᑦ ᐃᑲᔪᕈᓐᓇᖅᑐᑦ. 

ᓇᖕᒥᓂᖅ ᐃᖅᑲᓇᐃᔭᕐᓂᕈᕕᑦ ᐃᓯᕈᑕᐅᔭᕐᓄᑦ ᐊᔾᔨᖓᓂᒃ ᐃᑲᔫᓯᐊᖅᑖᕈᒪᓐᓂᕈᕕᑦ ᓴᐳᒻᒥᔾᔪᑎᖃᕐᓗᑎᒡᓗ ᐊᓯᖏᓐᓄᑦ ᐃᖅᑲᓇᐃᔭᖅᑎᓂᒃ, ᓂᐅᕕᕈᓐᓇᖕᒥᓂᖅ ᓇᓪᓕᐅᒃᑯᒫᓄᑦ.

ᐃᑲᔫᑎᑦ ᐱᖃᓯᐅᔾᔨᑐᐃᓐᓇᕆᐊᓕᑦ:

  • ᓇᓪᓕᐅᒃᑯᒫᓂᒃ ᑮᓇᐅᔭᒃᓴᕈᓐᓂᖅᑐᕕᓂᐅᑎᓪᓗᑎᑦ ᐊᖏᖅᑕᐅᑎᓪᓗᒍ;
  • ᐋᓐᓂᐊᕕᓕᐅᕈᑎᖕᓄᑦ ᐊᑭᓕᖅᑕᐅᓂᒃᑯᑦ;
  • ᐃᓅᓕᓴᐅᑎᓄᑦ ᐊᒻᒪ ᐃᖅᑲᓇᐃᔮᓄᑦ ᖃᓄᐃᑉᐸᓪᓕᐊᔪᓐᓃᖅᑎᓪᓗᑎᑦ; ᐊᒻᒪ
  • ᑎᒥᒃᑯᑦ ᐊᔪᕈᑎᖃᐃᓐᓇᓕᖅᑎᓪᓗᑎᑦ ᑐᓂᕐᕈᓯᐊᒥᒃ ᐋᓐᓂᕐᓂᕆᔭᓂᕐᓄᑦ ᑕᐃᒪᐃᖏᓐᓇᓕᖅᑎᓪᓗᑎᑦ. 
ᑐᒃᓯᕋᕐᓂᖅ ᐃᖅᑲᓇᐃᔭᖅᑐᓕᕆᔨᒃᑯᑦ ᐊᑦᑕᕐᓇᖅᑕᐃᓕᒪᓂᕐᒧᓪᓗ ᓇᓪᓕᐅᒃᑳᒃᑕᕋᓱᒃᖢᓂ ᐊᔪᕐᓇᖏᑦᑐᖅ ᑕᑕᑎᕆᓇᓱᐊᖅᑎᓪᓗᓂ. ᑕᑕᑎᕐᓗᒍ ᑐᓂᓗᒍᓗ ᓇᖕᒥᓂᖅ ᓇᓪᓕᐅᒃᑯᒫᓄᑦ. ᐅᖄᓚᓗᑎᒃ ᑖᒃᑯᓄᖓ ᐃᑭᐊᕿᕐᕕᕗᓘᓐᓃᑦ ᑕᑯᒋᐊᕐᓗᒍ. ᐃᖅᑲᓇᐃᔭᖅᑎᕗᑦ ᐃᑲᔪᕈᒪᕗᑦ ᐱᓕᕆᐊᕆᓇᓱᐊᕐᓗᒍ, ᓇᓗᓇᐃᖅᓯᕙᒃᖢᑎᒡᓗ ᐃᑲᔫᑎᓂᒃ ᐊᒻᒪ ᐊᑭᖏᓐᓂᒃ. ᓇᓪᓕᐅᒃᑯᒫᑦ ᐱᒋᐊᖃᑦᑕᖅᐳᖅ ᐱᔭᕇᖅᓯᒪᓕᖅᑎᓪᓗᒍ ᑕᑕᑎᒐᒃᓴᑦ ᐊᑭᓕᖅᑕᐅᓕᕐᓗᑎᒡᓗ. ᐊᑭᑭᓛᒥᒃ ᓇᓪᓕᐅᒃᑯᒫᖅᑕᕋᓱᒡᓗ ᑕᖅᑭᒨᖓᖃᑦᑕᖅᐳᖅ. 

ᐃᓕᓐᓂᐊᒃᑲᓐᓂᕈᒪᓐᓂᕈᕕᑦ ᓇᖕᒥᓂᖅ ᓇᓪᓕᐅᒃᑰᒪᑦᐃᓕᖕᓂᒃ ᓴᐳᔾᔨᔪᓐᓇᖅᑐᑦ, ᑕᑯᒋᐊᕐᓗᒍ wscc.nt.caᐅᕝᕙᓘᓐᓃᑦ ᐅᖄᓚᓗᑎᒃ 1-800-661-0792.
ᐃᖅᑲᓇᐃᔭᕐᕕᖕᒥᑦ ᐊᑦᑕᕐᓇᖅᑑᓂᑦ ᑐᓴᒐᒃᓴᑦ ᐱᔭᕇᖅᑎᓪᓗᒋᑦ ᓯᓚᕐᔪᐊᒥᑦ ᐊᖏᖃᑎᒌᒃᑎᓪᓗᒋᑦ 

ᐃᖅᑲᓇᐃᔭᕐᕕᖕᒥᑦ ᐊᑦᑕᕐᓇᖅᑐᓄᑦ ᑐᓴᒐᒃᓴᑦ (WHMIS) ᐊᔾᔨᖅᐸᓪᓕᐊᖕᒪᑦ ᑲᑐᔾᔨᖃᑎᖃᖅᖢᑎᒃ ᓯᓚᕐᔪᐊᒥᒃ ᐊᖏᖃᑎᒌᒃᑎᓪᓗᒋᑦ (GHS) ᓇᓗᓇᐃᖅᓯᓂᕐᒧᑦ ᐃᓛᖅᑐᕈᑎᓂᒃ. 

ᓄᑖᖅ ᐊᑐᖅᑕᐅᓲᖅ, ᑕᐃᔭᐅᔪᖅ WHIMS-ᒥᑦ 2015-ᒥᑦ, ᖃᓄᖅ ᐅᐸᓗᖓᐃᕈᓐᓇᕐᒪᖔᑦ ᓇᓗᓇᐃᖅᓯᑎᓪᓗᒋᑦ ᐃᓛᖅᑐᒃᓴᓂᒃ ᑐᓴᐅᒪᑎᑦᑎᕙᒃᖢᓂᓗ ᐊᑦᑕᕐᓇᖅᑐᓂᒃ ᐊᒻᒪ ᐊᑦᑕᕐᓇᖅᑐᓂᒃ ᑎᑎᕋᕐᕕᖏᓐᓂᒃ. 

ᐊᓯᔾᔨᖅᑕᓚᐅᖅᑐᑦ ᐱᖃᓯᐅᔾᔨᕗᖅ ᓇᓗᓇᐃᖅᓯᒃᑲᓐᓂᖅᖢᑎᒃ 'ᐊᐅᓚᑕᐅᔪᑦ ᐱᖁᑎᓂᒃ' 'ᐊᑦᑕᕐᓇᖅᑑᓪᓗᑎᒃ', ᓄᑖ ᑭᒡᒐᖅᑐᖅᑕᐅᔪᑦ, ᓴᓇᐅᔭᐅᒃᑲᓐᓂᖅᖢᑎᒃ ᐊᑦᑕᕐᓇᖅᑐᒃᑲᓐᓃᑦ, ᓄᑖᓂᒡᓗ ᑐᓂᐅᖃᐃᔨᓂᒃ ᓇᓗᓇᐃᖅᓯᒪᔭᖏᓐᓂᒃ. 

ᐊᑑᑎᖃᑦᑎᐊᖅᑎᓪᓗᒍ ᐃᖅᑲᓇᐃᔭᖅᑎ, ᑐᓂᐅᖃᐃᔨᓗ ᐱᔭᒃᓴᖏᑦ ᐊᓯᔾᔨᖏᒻᒪᖔᑦ ᓄᑖᓂᒃ ᐊᑐᖅᑕᐅᓕᖅᑐᓂᒃ, ᐃᓕᓐᓂᐊᕆᐊᖃᓪᓚᕆᒃᑐᓂᒡᓗ ᐃᖅᑲᓇᐃᔭᖅᑎᑦ ᖃᓄᐃᖏᑦᑎᐊᕐᓂᕐᒧᑦ ᐊᑦᑕᕐᓇᖅᑕᐃᓕᒪᓂᕐᒧᓪᓗ ᐃᓛᕈᑎᓄᑦ. 

ᑕᑯᒋᐊᕐᓗᒍ ᑲᓇᑕᒥᑦ ᐃᖅᑲᓇᐃᔭᕐᕕᐊᓂᒃ ᐃᖅᑲᓇᐃᔮᒥᑦ ᖃᓄᐃᖏᑦᑎᐊᕐᓂᖅ ᐊᑦᑕᕐᓇᖅᑕᐃᓕᒪᓂᕆᕐᒧᓪ ᐊᑭᖃᖏᑦᑐᒃᑯᑦ ᐃᓕᓐᓂᐊᕈᑎ ᖃᕋᓴᐅᔭᒃᑯᑦ ᐃᓕᓐᓂᐊᒃᑲᓂᕈᒪᓐᓂᕈᕕᑦ. ᑐᓴᒐᒃᓴᑦ ᖃᓄᖅ ᑖᒃᑯᐊ ᐊᔾᔨᖅᑕᐅᔪᑦ ᐊᒃᑐᐃᓯᒪᙵᒪᖔᑕ ᓄᓇᑦᑎᐊᕐᒥᑦ, ᓄᓇᕗᒥᑦ, ᑲᓇᑕᓕᒫᒧᓪᓗ ᐊᑐᐃᓐᓇᐅᔪᖅ ᒫᓂ whmis.org.

 

ᐊᑐᐊᒐᑦ ᑐᓴᒐᒃᓴᑦ 

ᐊᐅᓚᑦᑎᔨᑦ ᑲᑎᒪᔨᖏᑦ ᕿᒥᕐᕈᓯᒪᕗᑦ ᐊᖏᖅᖢᑎᒡᓗ ᐊᓯᔾᔨᖅᑐᓂᒃ ᐅᑯᓂᖓ ᐊᑐᐊᒐᕐᓂᒃ ᐊᐅᓚᑦᑎᔨᓂᒡᓗ ᒫᔾᔨ 2015 ᑲᑎᒪᑎᓪᓗᒋᑦ: 
  • ᐊᑐᐊᒐᖅ 04.14, ᐃᖅᑲᓇᐃᔮᒧᑦ ᐅᑎᕐᓗᓂ
  • ᐊᑐᐊᒐᖅ 09.02, ᐊᑦᑕᕐᓇᖅᑐᒦᖏᓐᓂᖅ 
  • ᐊᑐᐊᒐᖅ 10.01, ᑲᖐᒋᔭᐅᔪᑦ ᑮᓇᐅᔭᒃᑯᕕᑦ ᖁᔭᓈᖅᑕᐅᔪᓪᓗ
  • ᐊᐅᓚᑦᑎᔨᑦ ᑲᑎᒪᔨᖏᑦ, B-004, ᐊᐅᓚᑦᑎᔨᑦ ᑲᑎᒪᔨᖏᑦ ᑲᑎᒪᔾᔪᓯᐊᖏᑦ 

 

ᐃᓕᓐᓂᐊᕈᑎᒧᑦ ᐃᑲᔫᑎᑦ 
ᐊᑦᑕᕐᓇᖅᑕᐃᓕᒪᓂᕐᒧᑦ ᐃᓕᓐᓂᐊᖅᑕᐅᓛᖅᑐᑦ  

ᑲᑐᔾᔨᖃᑎᖃᕗᑦ ᑲᓇᑕᒥᑦ ᓄᓇᑦᑎᐊᕐᒧᑦ ᐃᖅᑲᓇᐃᔭᖅᑎᖏᓐᓄᑦ (NTFL) ᐅᑭᐅᖅᑕᖅᑐᒥᐅᓄᓪᓗ ᐊᑦᑕᕐᓇᖅᑕᐃᓕᒪᓂᕐᒧᑦ ᑲᑐᔾᔨᖃᑎᒌᖏᑦ (NSA), ᐃᓕᓐᓂᐊᖅᑎᑦᑎᓲᖑᕗᑦ ᐃᖅᑲᓇᐃᔭᕐᕕᖕᒥᑦ ᐊᑦᑕᕐᓇᖅᑕᐃᓕᒪᓂᕐᒧᑦ ᖃᐅᔨᒪᑎᑦᑎᓂᕐᓗ. ᑐᓴᐅᒪᑎᑕᐅᖏᓐᓇᕆᔅᓯ! 

ᐅᑭᐅᖅᑕᖅᑐᒥᑦ ᐊᑦᑕᕐᓇᖅᑕᐃᓕᒪᓂᕐᒧᑦ  − ᑖᒃᑯᐊ ᑐᓴᕐᕕᒋᒋᐊᑲᓐᓂᕐᓗᒋ. 

ᐃᓕᓴᕆᔭᐅᔾᔪᑎᖓᑕ ᓇᓗᓇᐃᒃᑯᑕ (CORH ᐱᓕᕆᐊᒃᓴᖅ
ᔭᓗᓇᐃ
ᐄᑉᐳ 23-ᒥᑦ 27-ᒧᑦ 

ᑲᓇᑕᐅᑉ ᐅᑭᐅᖅᑕᖅᑐᖓᓂᒃ ᐃᖅᑲᓇᐃᔭᖅᑎᓄᑦ −  ᑐᓴᒃᑲᓂᕈᒪᓐᓂᕈᕕᑦ ᐃᓕᓐᓂᐊᖅᑕᐅᓂᐊᖅᑐᓂᒃ ᐅᕙᓂ!

 

ᑲᒪᔨᓄᑦ ᐊᑦᑕᕐᓇᖅᑕᐃᓕᒪᓂᕐᒧᑦ ᐃᓕᓐᓂᐊᕐᓂᖅ (ᒪᕐᕈᓂᒃ ᐅᓪᓗᓂ) 
ᔭᓗᓇᐃ
ᐄᑉᐳ 8-9
ᐊᑕᐅᓯᙵᓐᓂᒃ: ᑐᑭᓯᐅᒪᓂᖅ ᐃᖅᑲᓇᐃᔭᖅᑎᓄᑦ ᓇᓪᓕᐅᒃᑯᒫᑦ 
ᔭᓗᓇᐃ
ᐄᑉᐳ 21
ᒪᕐᕈᙵᓂᒃ: ᐱᒋᐊᕐᓂᖓ ᐃᖅᑲᓇᐃᔮᒧᑦ ᐅᑎᕐᓂᐊᖅᑎᓪᓗᒍ 
ᔭᓗᓇᐃ
ᐄᑉᐳ 22 
ᐱᖓᔪᙵᓐᓂᒃ: ᐋᖅᑭᒃᓱᐃᓂᖅ ᐃᖅᑲᓇᐃᔮᒧᑦ ᐅᑎᕐᓂᐊᖅᑎᓪᓗᒍ ᐱᓕᕆᐊᒃᓴᖅ (ᐱᖓᓱᓂᒃ ᐅᓪᓗᓂ) 
ᔭᓗᓇᐃ
ᒫᐃ 26-ᒥᑦ 28-ᒧᑦ 

 

ᓄᖃᖓᓇᐅᑎᓪᓗᒍ ᑐᓴᐅᒪᑎᑦᑎᑲᓐᓂᕐᓂᖅ 

ᐃᖅᑲᓇᐃᔭᖅᑐᓕᕆᔨᒃᑯᑦ ᐊᑦᑕᕐᓇᖅᑕᐃᓕᒪᔪᓕᕆᔨᒃᑯᑦ ᑎᑎᕋᕐᕕᐊ ᒪᑐᖃᑦᑕᖅᑐᖅ ᖁᓛᓂ, ᕿᑎᖅᑯᒥᑦ, ᐄᑉᐳ 2−ᒥᑦ, ᐄᑉᐳ 7−ᒥᑦ, ᒪᑭᕝᕕᐊᓂᒃ ᐱᓇᓱᐊᕈᓯᐅᑉ ᓄᙳᐊᓂ. 

 

ᒪᑭᑕᐅᕕᐊᖑᑎᓪᓗᒍ, ᐃᖅᑲᓇᐃᔭᖅᑐᓕᕆᔨᒃᑯᑦ ᐊᑦᑕᕐᓇᖅᑕᐃᓕᒪᔪᓕᕆᔨᒃᑯᑦ ᑎᑎᕋᕐᕕᐊ ᒪᑐᓯᒪᓛᖅᑐᖅ ᕿᑎᖅᑰᒥᑦ, ᐄᑉᐳ 2, 20105-ᒥᑦ ᒪᒃᐱᑲᓐᓂᕐᓗᓂ 8:30−ᒥᑦ ᐅᓪᓛᒃᑯᑦ ᐊᐃᑉᐹ, ᐄᑉᐳ 7, 2015-ᒥᑦ. 

 

ᐊᑦᑕᕐᓇᖅᑐᖃᕐᔪᐊᖅᑐᒥᑦ ᐅᖃᐅᓯᖃᕈᒪᓐᓂᕈᕕᑦ, ᐅᖄᓚᓗᑎᑦ 24−ᓂᒃ ᐃᑲᕋᒃ ᒪᒃᐱᖓᔪᒥᒃ ᐅᖄᓚᕕᐊᓄᑦ 1-800-661-0792−ᒧᑦ. 

ᑐᓴᒃᑲᓐᓂᕈᒪᕖᑦ? 

ᑖᒃᑯᓂᖓ ᓇᓕᐊᑐᐃᓐᓇᖅ ᑐᓴᕈᒪᕖᑦ, ᑐᓴᒃᑲᓐᓂᕈᒪᕕᓕᓘᓐᓃᑦ? ᑕᑯᓗᒍ ᐃᑭᐊᕿᕝᕕᕗᑦ, ᐃᕐᖏᓇᖅᓯᐅᑎᓗᑕᓘᓐᓃᑦ! ᑐᓴᕐᕕᒋᔪᒪᕙᔅᓯ! 

wscc.nt.ca   /  1.800.661.0792   *   wscc.nu.ca  /  1.877.404.4407