|
ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑐᓂᒃ ᓇᓪᓕᐅᒃᑯᒫᓂᒡᓗ ᖃᐅᔨᓴᖅᑏᑦ ᓴᖅᑭᑦᑎᕗᑦ ᓄᑖᕐᒥᑦ ᖃᕆᑕᐅᔭᒃᑯᑦ ᑐᑭᓯᒋᐊᕐᕕᖕᒥᑦ
ᐃᓱᒪᒋᔭᑦ ᐅᖃᐅᓯᕆᓚᐅᖅᑕᑦ, ᓈᓚᒃᖢᑕᓗ! ᖃᐅᔨᓴᖅᑏᑦ ᐅᐱᖦᖢᑎᒃ ᓴᖅᑭᑦᑎᕗᑦ ᓄᑖᕐᒥᑦ ᐱᐅᓯᒋᐊᖅᓯᒪᔪᒥᒡᓗ ᑐᑭᓯᒋᐊᕐᕕᖕᒥᑦ. ᑕᖅᑭᐅᑉ ᓄᙳᖅᐸᓯᐊᓂ, ᖃᐅᔨᓴᖅᑏᑦ ᐅᐱᖅᑲᓗᑎᒃ ᓴᖅᑭᑦᑎᓂᐊᖅᑐᑦ ᓄᑖᕐᒥᑦ ᐱᐅᓯᒋᐊᖅᓯᒪᔪᒥᒡᓗ ᖃᕆᑕᐅᔭᒃᑯᑦ ᑐᑭᓯᒋᐊᕐᕕᖕᒥᑦ. ᑐᑭᓯᒋᐊᕐᕕᒃ ᕿᒥᕐᕈᔭᒃᓴᐅᓂᖅᓴᐅᕗᖅ ᐊᑐᒐᒃᓴᐅᓂᖅᓴᐅᓪᓗᓂᓗ ᐱᒻᒪᕆᐅᔪᓄᑦ ᐊᑦᑕᕐᓇᖅᑕᐃᓕᒪᓂᕐᒧᑦ, ᐃᖅᑲᓇᐃᔭᕐᕕᖕᓄᑦ ᓇᓪᓕᐅᒃᑯᒫᖅᑖᕋᓱᐊᖅᑐᓄᓪᓗ ᑐᑭᓯᒋᐊᕈᑎᓂᒃ; ᐱᔭᕆᐊᑭᑦᑑᓪᓗᓂ ᐊᐱᖅᑯᑕᐅᒐᔪᒃᑐᓄᐊᕆᐊᒃᓴᖅ; ᐊᑐᖅᑐᒥᑦ ᐱᕙᓪᓕᐊᔪᖁᑎᖃᖅᖢᓂ; ᐊᓯᖏᓐᓂᒡᓗ. ᑕᑯᔪᒪᒍᕕᐅᒃ ᑐᑭᓯᒋᐊᕐᕕᒃᐳᑦ ᐅᓇ ᓇᕿᓪᓗᒍ..
ᓄᑖᕐᓂᑦ ᑐᑭᓯᒋᐊᕐᕕᒃᑕᖃᓕᕌᖓ ᐃᓕᓐᓂᐊᖅᑕᐅᔭᕆᐊᖃᓕᖃᑦᑕᖅᐳᑦ. ᐊᑏ ᕿᒥᕐᕈᓗᒍ ᓄᑖᖑᔪᖅ ᑐᑭᓯᒋᐊᕐᕕᒃᐳᑦ ᓄᑖᙳᕆᐊᕐᓗᒋᓪᓗ ᐱᒻᒪᕆᐅᒋᔭᑎᑦ ᑐᕌᕈᑎᖏᓪᓗ ᐱᕕᖃᖁᓪᓗᑎᑦ ᑐᑭᓯᒋᐊᕈᑎᒋᔭᕆᐊᖃᖃᑦᑕᖅᑕᕐᓄᑦ.
ᖃᐅᔨᒋᐊᕈᑦ ᑐᑭᓯᒋᐊᕈᑏᑦ ᐅᓇᓂ ᓄᑖᕐᓂᑦ ᑕᑯᓂᐊᕋᕕᑦ ᖃᓄᕐᓗ ᑕᑯᓛᕐᒪᖔᖅᐱᑦ ᓂᕆᐅᒋᔭᖃᕐᓂᐊᕋᕕᑦ, ᖃᓄᕐᓗ ᐃᓚᐅᑎᑦᑎᖕᒪᖔᑦᑕ ᐱᖃᖅᑎᐅᖃᑕᐅᔪᓂᑦ ᓇᓗᓇᐃᕈᒪᓪᓗᑕ ᑐᑭᓯᒋᐊᕐᕕᒃ ᑎᑭᐅᒪᒐᓗᐊᕐᒪᖔᑦ ᐱᔭᕆᐊᖃᖅᑕᕐᓄᑦ. ᐱᖃᖅᑎᐅᖃᑕᐅᔪᑦ ᓂᕆᐅᒍᓐᓇᖅᑐᑦ ᖃᓄᑯᓘᔭᖅ ᖃᕆᑕᐅᔭᒃᑯᑦ ᐱᔨᑦᑎᕋᐅᑎᓂᒃ ᐊᕐᕌᒎᑉ ᐃᓗᐊᓂ, ᓲᕐᓗ ᖃᕆᑕᐅᔭᒃᑯᑦ ᑐᑭᓯᒋᐊᕐᕖᑦ, ᐃᖅᑲᓇᐃᔭᖅᑎᓄᑦ ᐊᑎᓕᐅᕐᓂᖅ, ᐊᑭᓂᒡᓗ ᑐᑭᓯᒋᐊᕐᕕᒃ.
ᓯᑎᐱᕆ 2014-ᖑᑎᓪᓗᒍ, ᖃᐅᔨᓴᖅᑏᑦ ᑲᑎᒪᑎᑦᑎᓚᐅᖅᑐᑦ ᔭᓗᓇᐃᒥ, ᐃᓅᕕᖕᒥ, ᕼᐄ ᕆᕗᒥ, ᐃᖃᓗᖕᓂᓪᓗ. ᑕᒪᒃᑯᐊ ᑲᑎᒪᔪᑦ ᑲᑎᖅᓱᐃᓚᐅᖅᑐᑦ ᑐᑭᓯᒋᐊᕈᑎᓂᒃ ᐊᑐᒐᒃᓴᓂᑦ ᑐᑭᓯᒋᐊᕈᑎᓂᒡᓗ ᐅᕙᑦᑎᓂ ᐱᔭᕆᐊᖃᖅᑕᑦ, ᖃᓄᖅ ᖃᕆᑕᐅᔭᒃᑯᑦ ᑐᑭᓯᒋᐊᕈᑎᑖᖃᑦᑕᕐᒪᖔᖅᐱᑦ, ᐅᖃᐅᓰᑦ ᑐᓴᐅᒪᔾᔪᑎᒋᔪᒪᔭᖅᑎᓪᓗ, ᐊᓯᖏᓐᓂᒡᓗ. ᑕᒪᑐᒨᓇ ᐃᓕᑦᑎᓚᐅᖅᑐᒍᑦ ᑭᓱᓂᒃ ᐃᓗᓕᖃᖁᖕᒪᖔᖅᐱᐅᒃ ᖃᐅᔨᓴᖅᑏᑦ ᖃᕆᑕᐅᔭᒃᑯᑦ ᑐᑭᓯᒋᐊᕐᕕᖓ:
ᐃ. ᓇᓂᔭᕐᓂᖅᑐᑦ ᑐᑭᓯᒋᐊᕈᑏᑦ
ᐱ. ᑕᑯᒃᓴᐅᓂᖅᓴᐅᓗᑎᒃ ᑐᑭᓯᒋᐊᕈᑏᑦ, ᓲᕐᓗ ᐊᑐᕈᓰᑦ
ᑎ. ᑕᑎᒋᔭᒃᓴᐅᓂᖅᓴᖅ ᕿᓂᕈᑎ
ᑭ. ᑕᑯᔭᒃᓴᐅᓂᖅᓴᐅᓗᓂ ᐊᑦᑕᕐᓇᖅᑕᐃᓕᒪᓂᕐᒧᑦ ᐊᑐᒐᒃᓴᑦ
ᓇᓪᓕᐅᒃᑯᒫᓂᒃ ᖃᐅᔨᓴᖅᑏᑦ ᓯᓚᑖᓃᑦᑐᖅ ᐱᖃᖅᑎᐅᖃᑕᐅᔪᑦ ᐃᓚᐅᑎᓐᓂᕐᒧᑦ ᑲᑎᒪᔨᕋᓛᑦ ᐃᓚᐅᖃᑕᐅᓚᐅᕆᕗᑦ ᒪᕐᕈᐃᖅᓱᖅᑐᓂᒃ ᐱᒻᒪᕆᐅᔪᒃᑯᑦ ᐋᖅᑭᒃᓱᖅᑕᐅᑎᓪᓗᒍ ᑖᓐᓇ ᖃᕆᑕᐅᔭᒃᑯᑦ ᑐᑭᓯᒋᐊᕐᕕᒃ: ᐋᖅᑭᐅᒪᓂᖓᓄᑦ, ᖃᐅᔨᓴᕈᑎᖓᓄᓪᓗ.
ᑭᓱ ᓄᑖᖑᕙ:
ᐃ. ᐋᖅᑭᐅᒪᓂᖓ - ᓄᑖᖅ ᐋᖅᑭᐅᒪᓂᖓ ᐋᖅᑭᒃᓱᖅᓯᒪᑦᑎᐊᖅᑐᖅ, ᑐᙵᓇᖅᑐᖅ, ᐊᑐᒐᒃᓴᖅ, ᐅᐃᒪᓇᙱᓂᖅᓴᐅᓪᓗᓂᓗ.
ᐱ. ᐊᖏᕐᕋᖓ - ᒪᕐᕉᖕᓂ ᓄᑖᕐᓂᑦ ᐃᓗᓕᓕᒃ ᐊᖏᕐᕋᖓᓂ ᒪᑯᐊᖑᕗᑦ ᑐᓴᒐᒃᓴᖃᕐᕕᒃ ᐃᓗᓕᖁᑎᖏᓐᓄᓪᓗ ᑕᑯᓯᒋᐊᕐᕕᒃ. ᐱᕙᓪᓕᐊᔪᑦ ᑐᓴᒐᒃᓴᓪᓗ ᑐᓴᒐᒃᓴᖃᕐᕕᖓᓃᑉᐳᑦ, ᑐᓴᐅᒪᔭᐅᔭᕆᐊᓖᓪᓗ ᖃᐅᔨᒃᑲᕈᑏᓪᓗ ᑕᑯᒥᓇᖅᑑᓪᓗᑎᒃ ᐊᔾᔨᙳᐊᒥᑦ ᐃᓗᓕᖁᑎᖏᓐᓂ ᑕᑯᒋᐊᕐᕕᖓᓂ.
ᑎ. ᓇᓗᓇᐃᑦᑎᐊᖅᓯᒪᔪᑦ ᐊᑐᕈᓯᖏᑦ - ᐱᐅᓯᒋᐊᖅᖢᑎᒃ ᑕᑯᒃᓴᐅᑎᑕᐅᔪᑦ ᐊᑐᕈᓰᑦ ᐊᔾᔨᙳᐊᓂᒃ ᐊᑐᖅᖢᑎᒃ, ᐱᔭᕆᐊᑭᑦᑐᒥᒡᓗ, ᒪᓕᒐᒃᓴᒥᑦ ᐃᑲᔫᑎᒥᑦ.
ᑭ. ᐊᐱᖅᑯᑕᐅᒐᔪᒃᑐᑦ - ᑕᑯᒋᐊᑲᐅᖅᑐᒐᒃᓴᑦ ᐱᒻᒪᕆᐅᔪᑦ ᐊᐱᖅᑯᑕᐅᕙᒃᑐᑦ ᑕᑯᒃᓴᐅᕗᑦ ᑕᒪᐃᓐᓂ ᐊᖏᕐᕋᖓᓂ ᐃᓗᐊᓂᓪᓗ ᑐᑭᓯᒋᐊᕐᕕᖕᒥ.
ᒋ. ᓄᑖᖅ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐊᑦᑕᕐᓇᖅᑐᒧᐊᖅᑕᐃᓕᒪᓂᕐᒧᓪᓗ ᐊᒻᒪᓗ ᐃᖅᑲᓇᐃᔮᒧᑦ ᐅᑎᕐᓂᕐᒧᑦ ᑐᑭᓯᒋᐊᕐᕕᒃ - ᑕᒪᒃᑯᐊ ᖁᕝᕙᓯᓛᖑᖃᑕᐅᓂᐊᓕᖅᑐᑦ ᖃᐅᔨᒋᐊᕐᕕᖕᒥ, ᐱᒻᒪᕆᐅᔪᑦ ᐊᑦᑕᕐᓇᖅᑐᒧᐊᖅᑕᐃᓕᒪᓂᕐᒧᑦ ᐃᖅᑲᓇᐃᔮᒧᓪᓗ ᐅᑎᕐᓂᕐᒧᑦ ᑐᑭᓯᒋᐊᕈᑏᑦ ᓯᕗᓂᐊᓄᐊᕐᓗᑎᒃ ᕿᑎᐊᓄᐊᕐᓗᑎᒡᓗ.
ᓄᑖᖅ ᖃᕆᑕᐅᔭᒃᑯᑦ ᑐᑭᓯᒋᐊᕐᕕᐅᑉ ᓇᒧᙵᖅᑕᕈᑎᖓ - ᑕᓪᓕᒪᐅᕗᑦ ᖁᕝᕙᓯᒃᑐᑦ ᓇᒧᙵᖅᑕᕐᕖᑦ ᐃᓕᖕᓂ ᐃᑲᔪᖅᑐᐃᔾᔪᑏᑦ ᓇᓂᓯᑲᐅᖅᑐᕈᓐᓇᖁᓪᓗᑎᑦ ᕿᓂᖅᑕᕐᓂᑦ.
| 
