QAUYIHAIYUT ILAUYUT IHARIAGIYAINIK

Aullaqtittiyut nutaanik aulayughanik pingahunik-ukiunik ihuaqnikkut havauhighanik, WSCC-kut havakpalliayumayut Nutaami Ukiumi tuhaqvigiyumaplugillu havakviit ikayuqtauttiarumaaqtut.  WSCC-kut havaktia, Mike Filipowitsch, pulaaqtarahuaq angiyunik mikiyuniklu havakvingnik Yellowknife-mi, Hay River-mi, Inuvingmi, Iqalungnilu, hivayaqlugit havakviit ahiniittut Nunattiami Nunavunmilu.

Katitirinahuaq naunaitkutanik ihuaqhaitjutighat ilitturiniqmut havauhiinik havakvit havaqatigiyait WSCC-kut, qanurittunik pivighailliuqtut uvaptingnik ikayuutighait, ihivriuqpallialutiklu qanuq havaqatigiittiaqhutik hivumuuqtittiniat aanniqtailiniqmut ilitquhinik Ukiuqtaqtumi.  Naunaitkutat ikayuutauniaqtut taapkuninnga irinigiyaptingnik ihuarnighakkut Aulapkaiyut Ikayuutittiarnik Qanurininganiillu Havaktit Havakviillu.  Havakviit hivayaqtaunngitpat pulaaqtaunngitpallu, hamna naqillugu naunairiami qanuq tuhaqtittiyaami.

ILAUYUT HAVAQATIGIINGNIQMUT KATIMAYIRALAAT

Ilauyut Havaqatigiingniqmut Katimayiralaangit (SEC) aullaqtitauhimayuq 2014-mi.  Katimayiralaat ilaqaqtuq havaktinik, havakvingnik, inungniklu tamaat Nunattiamit Nunavunmilu.  SEC-kut katimayiit naunaiqhitivaktut kayumigahuaqhutik WSCC-kunnut maligaghaliurniqmut, ihumaliurniqmut, aullaqtitaghainullu.  Aanniqtailiniqmut aghuuqpakkuvit, huuhuiqtittiyumaguvillu aanniarutinik aanniutiniklu havakvingnit, katimayiralaanut ilauyuinnavit.  Naunaittiarumaguvit, hamna naqillugu.

ILAUYUNIK QAUYIHAIYUT

WSCC-kut qauyihaivaktut ilauyunik pingahut ukiut naattaraangat.  Pingattiutiyut katimaqatauyut titiraliqiuvaktut qauyihautinik, ilikkuuqtut WSCC-kunnit.  Qauyihaqhutik apiqhuivaktut havakvingnik havaktiniklu, ilitturittiarumaplugit uqauhiit havakvingnit aanniqtailinirmut aanniqtailiniqmiklu, ilittuqhitiyumaplugit WSCC-kunnik ikayuutainiklu, qanuqlu nakuugiyaaghait ikayuutivut.  Tuhaqtavut qauyihautinit WSCC-kunnut ikayuutauniaqtuq irinigiyainut qanuqlu ikayuqpalliayaghavut ilauyut.  Tuklianik ilauyunik qauyihainiarmiyut ukiaghami 2016-mi.

MALIGAGHALIUQHIMAYUNIK IHIVRIUQHIYUT UQAUHIILLU

WSCC-kut Ataniqtuqtuiyut Katimayiit maligaghaliuqpaktut aullaqtitaghanik taapkununnga Havaktit Ikayuutainut Maligaq(t), Aanniqtailiniqmullu Maligaqnit, Uyaraghiuqtit Aanniaqtailiniqmut Aanniqtailiniqmullu Maligait, Qagaqtautiniklu Aturniqmut Maligaqnit.  WSCC-kut Maligaghaliuqhimayunut Makpiraangit piinnarialgit talvani qaritauyakkuurutinit.  Aulapkaivaktut naunaitkutanik ihivriuqhivighaptingnik maligaghaliuqhimayunik qauyihaivighanik, tuhaqvigiyumaplugit ilauyut taimaa maligaghaliuqhimayut ihuaqutauniat tamangnut Ukiuqtaqtumiunut.

Naunaittiarumaguffi maligaghaliuqniqmik havauhiptingnik takulugit naunaitkutat ihivriuqtauyunik, hamna naqillugu.  Ilauyaami naunairumaguvit, hivayaqlugu Maligaghaliuqtit Kuapuriissallu Tuhaqtittiyiit talvani qaritauyakkut policy@wscc.nt.ca .  Tamangnik pitquyauhimayut aullaqtittiyuitavut, kihimi amiqhipluta ihivriuqpaktavut, aallannguqtuqaqqallu, tuhaqtittivagait Ataniqtuqtuiyut Katimayiinut.