ᔮᓐᓄᐊᓕ, 2015                            

ᐱᖃᓯᐅᔾᔨᓂᖅ ᐃᓚᒋᔭᐅᔪᓂᑦ

 

ᑖᒃᑯᐊ ᐃᖅᑲᓇᐃᔭᖅᑏᑦ ᐊᑦᑕᓇᐃᖅᓯᒪᔭᕿᐊᖃᕐᓂᖏᓐᓄᑦ ᐊᒻᒪᓗ ᓇᓪᓕᐅᒃᑯᒫᒃᓴᖏᓐᓄᑦ ᑲᑎᒪᔩᑦ(WSCC) ᐊᐅᓚᓂᖃᒻᒪᑕ ᓄᓇᑦᑎᐊᓗᒃᑖᒥ ᐊᒻᒪᓗ ᓄᓇᕗᑦᒥ, ᐱᕚᓪᓕᑎᑦᑎᔨᐅᓪᓗᑎᒃ ᐃᖅᑲᓇᐃᔭᖅᕕᐅᔪᑦ ᐊᑦᑕᓇᐃᖅᓯᒪᔭᕆᐊᖃᕐᓂᖏᓐᓂᒃ, ᐊᒻᒪᓗ ᐋᓐᓂᖅᓯᒪᔪᑦ ᐸᖅᑭᔭᑦᑕᐅᓂᖏᓐᓄᑦ. ᑕᒪᒃᑯᐊ ᐱᔨᑦᑎᕈᑎᑦ ᐊᒻᒪᓗ ᐱᓕᕆᔾᔪᑎᑦ ᓈᒻᒪᑦᑎᐊᖁᓪᓗᒋᑦ ᐅᑭᐅᖅᑕᖅᑐᐅᒥᐅᑕᐃᑦ ᐱᔭᕆᐊᖃᑦᑕᖏᓐᓄᑦ, ᑖᒃᑯᐊ WSCC−ᑯᑦ ᐱᖃᓯᐅᔾᔨᖃᑦᑕᖅᐳᑦ ᐃᓚᒋᔭᐅᔪᖁᑎᒥᓂᒃ, ᑎᓕᓯᓪᓗᑎᒃ, ᖃᐅᔨᓴᕐᓂᒃᑯᑦ ᐊᒻᒪᓗ ᑲᑎᒪᔨᕋᓛᑎᒍᑦ, ᐊᒻᒪᓗ ᖃᕋᓴᐅᔭᑦ ᑎᑎᕋᖅᕕᖏᑎᒍᑦ ᐊᒻᒪᓗ ᐅᖄᓚᐅᑎᒃᑯᑦ. 

 

ᑖᒃᑯᐊ WSCC−ᑯᑦ ᐅᑉᐱᕆᔭᖃᒻᒪᑕ ᑕᑯᒃᓴᐅᑎᐊᕐᓂᕐᒥᒃ ᐊᒻᒪᓗ ᓵᑕᔅᓴᐅᖃᑦᑕᓂᕐᒥᒃ. ᐱᕕᒃᓴᖃᑦᑎᑦᑎᖃᑦᑕᖅᐳᒍᑦ ᐊᒻᒪᓗ ᐊᖅᑯᑎᒋᔭᐅᓂᐊᖅᑐᓂᒃ ᐃᓚᒋᔭᐅᔪᓄᑦ ᑐᓂᓯᒍᒪᔪᓄᑦ ᐃᓱᒪᒋᔭᒥᓂᒃ, ᐃᓱᒪᔅᓴᖅᓯᐅᕈᑎᔅᓴᓂᒃ, ᐊᒻᒪᓗ ᐃᑉᐱᓐᓂᐊᒋᔭᒥᓂᒃ. ᐊᑖᓃᑦᑐᑦ ᑐᑭᓯᒋᐊᕈᑎᔅᓴᑦ ᓇᓗᓇᐃᖅᓯᐊᔪᑉᐳᑦ ᐃᓚᒋᔭᐅᔪᑦ ᐱᖃᑕᐅᓗᑎᒃ ᐱᕕᒃᓴᖃᕝᕕᒋᓂᐊᖅᑕᖏᓐᓄᑦ ᐊᒻᒪᓗ ᖃᓄᖅ ᐱᖃᑕᐅᔪᓐᓇᕐᒪᖔᖅᐱᑦ. 

 

ᖃᐅᔨᓴᕐᓂᖅ ᐃᓚᒋᔭᐅᔪᑦ ᐱᔪᒫᕆᔭᖏᓐᓂᒃ 

 

ᐱᒋᐊᖅᑎᑕᐅᑎᓪᓗᒍ ᐊᕐᕌᒍᓄᑦ ᐱᖓᓱᓄᑦ ᐸᕐᓇᒃᑕᐅᓯᒪᔪᖅ, ᑖᒃᑯᐊ WSCC−ᑯᑦ ᐅᑕᖅᑭᑐᐃᓐᓇᖏᓪᓗᑎᒃ ᐱᓕᕆᓇᓱᐊᖅᐳᑦ ᓄᑖᖅ ᐊᕐᕌᒍ ᐱᒋᐊᓕᕋᑖᖅᑎᓪᓗᒍ ᐊᒻᒪᓗ ᖃᐅᔨᓇᓱᐊᖅᑐᑎᒃ ᐃᖅᑲᓇᐃᔭᖅᑎᓂᑦ ᐃᑲᔪᖅᑕᐅᑦᑎᐊᕐᕋᓗᐊᕐᒪᖔᑕ ᐱᔪᒪᔭᖏᑎᒍᑦ. WSCC−ᑯᑦ ᐱᓕᕆᔨᒋᔭᖏᑦ, ᒪᐃᒃ ᕕᓕᐳᕕᑦᔅ, ᐳᓚᕋᖃᑦᑕᓂᐊᖅᑐᖅ ᐅᓄᖅᑐᓄᑦ ᐊᒻᒪᓗ ᖃᑦᑏᓇᕐᓄᑦ ᐃᖅᑲᓇᐃᔭᖅᑎᓂᒃ ᔨᐊᓗᓇᐃᒥ, Hay River, ᐃᓅᕕᒃ, ᐊᒻᒪᓗ ᐃᖃᓗᓐᓄᑦ, ᐊᒻᒪᓗ ᐅᖄᓚᕕᒋᓗᓂᖏᑦ ᐃᖅᑲᓇᐃᔭᖅᑏᑦ ᐊᓯᖏᓐᓃᑦᑐᑦ ᓄᓇᑦᑎᐊᑉ ᐊᒻᒪᓗ ᓄᓇᕗᑦ. 

 

ᑐᓴᕋᓱᐊᓂᐊᖅᑐᖅ ᑲᑎᖅᓱᐃᓗᓂ ᑐᑭᓯᑦᑎᐊᓂᖅᓴᐅᔪᓐᓇᖁᓪᓗᒋᑦ ᖃᓄᖅ ᑲᑐᔾᔨᖃᑎᒌᑦ ᐱᓕᕆᖃᑎᖃᒻᒪᖔᑕ ᑖᒃᑯᓂᖓ WSCC−ᑯᓐᓂᑦ, ᑭᓱᓂᓪᓗ ᐱᔭᕆᐊᖃᒻᒪᖔᑕ ᐱᓕᕆᔾᔪᑎᓂᒃ ᐃᑲᔪᖅᑕᐅᖁᓪᓗᒋᑦ, ᐊᒻᒪᓗ ᕿᓂᕐᓗᑎᒃ ᖃᓄᖅ ᐱᓕᕆᖃᑎᒌᓐᓂᒃᑯᑦ ᐱᕚᓪᓕᖅᑎᑕᐅᔪᓐᓇᕐᒪᖔᑦ ᐅᑭᐅᖅᑕᖅᑐᒥ ᐊᑦᑕᓇᐃᖅᓯᓯᒪᓂᖅ ᐃᓕᖅᑯᓯᕐᒥᒃ. ᖃᐅᔨᓴᕈᑎᐅᔪᑦ ᐃᑲᔪᕐᓂᖃᓗᐊᓐᓂᖑᐊᓂᐊᖅᐳᑦ ᐊᑐᖅᑕᐅᓇᓱᐊᖅᑐᓂᒃ ᓯᕗᓪᓕᐅᔾᔨᓂᕐᒧᑦ ᐅᑯᓇᓂ ᐱᔨᑦᑎᕈᑎᖃᕐᓂᖅ ᐋᖅᑭᑎᐊᖅᓯᒪᔪᒃᑯᑦ ᐃᖅᑲᓇᐃᔭᖅᑎᓄ ᐊᒻᒪᓗ ᐃᖅᑲᓇᐃᔭᖅᕕᓐᓄᑦ. ᐅᖄᓚᕕᐅᖏᑉᐸᑕ ᑲᑐᔾᔨᖃᑎᒌᓯ ᐅᕝᕙ ᓘᓐᓂᑦ ᐅᖄᓚᕕᐅᖏᑉᐸᑕ, ᐅᕗᖓ ᑕᑯᒋᐊᓚᐅᕆᑦ  ᐅᕘᓇ ᓇᕿᓪᓗᒍ  ᖃᐅᔨᓂᐊᕋᕕᑦ ᖃᓄᖅ ᐅᖃᕝᕕᖃᕈᓐᓇᕐᒪᖔᖅᐱᑦ.

 

ᐃᓚᒋᔭᐅᔪᑦ ᐱᖃᓯᐅᔾᔭᐅᓂᖏᓐᓄᑦ ᑲᑎᒪᔨᕋᓛᑦ 

 

ᑖᒃᑯᐊ ᐃᓚᒋᔭᐅᔪᑦ ᐱᖃᓯᐅᔾᔭᐅᓂᖏᓐᓄᑦ ᑲᑎᒪᔨᕋᓛᑦ (SEC) ᐱᒋᐊᖅᑎᑕᐅᓚᐅᖅᑐᖅ 2014-ᒥ. ᑲᑎᒪᔨᕋᓛᑦ ᑲᑎᒪᔨᖃᐅᑉᐳᑦ ᐃᖅᑲᓇᐃᔭᖅᑎᓂᒃ, ᐃᖅᑲᓇᐃᔭᖅᕕᐅᔪᓂᑦ, ᐊᒻᒪᓗ ᑕᖅᑳᓐᖓᑦ ᐃᓄᑐᐃᓐᓇᕐᓂᒃ ᓄᓇᑦᑎᐊᕐᒥᑦ ᐊᒻᒪᓗ ᓄᓇᕗᑦᒥᑦ. ᑲᑎᒪᔨᕋᓛᑦ ᓈᒻᒪᓇᑦᑎᐊᑐᒃᑯᑦ ᑐᓴᖅᑎᑦᑎᖃᑦᑕᖅᐳᑦ ᑖᒃᑯᓂᖓ WSCC−ᑯᓐᓂᑦ ᐊᑐᐊᒐᓕᐅᕈᓐᓇᖁᓪᓗᒋᑦ, ᑐᑭᓕᐅᕆᓗᑎᒃ, ᐊᒻᒪᓗ ᐱᓕᕆᐊᒃᓴᓕᐅᕐᓗᑎᒃ. ᐱᓪᓗᐊᖃᕈᕕᑦ ᐊᑦᑕᓇᐃᖅᓯᒪᓂᕐᒥᒃ, ᐊᒻᒪᓗ ᐃᓚᒋᔭᐅᔪᒪᓐᓂᕈᕕᑦ ᐱᑕᖃᖏᐹᓪᓕᑎᑦᑎᓇᓱᖃᑕᐅᔪᒪᒍᕕᑦ ᐋᓐᓂᐊᓂᒃ ᐊᒻᒪᓗ ᐋᓐᓂᖃᑦᑕᓂᕐᒥᒃ, ᐃᓚᒋᔭᐅᓕᕋᓱᓚᐅᕆᑦ ᑖᒃᑯᓄᖓ ᖁᕕᐊᓇᑦᑎᐊᖅᑐᓄᑦ ᑲᑎᒪᔨᕋᓛᓄᑦ. ᖃᐅᔨᒃᑲᓐᓂᕈᒪᒍᕕᑦ, ᐅᕗᓐᖓᓚᐅᕆᑦ ᐅᕘᓇ ᓇᕿᓪᓗᒍ.

 

ᐃᓚᒋᔭᐅᔪᓂᑦ ᖃᐅᔨᓴᕐᓂᖅ 

 

ᑖᒃᑯᐊ WSCC−ᑯᑦᐃᓚᒋᔭᐅᔪᓂᒃ ᖃᐅᔨᓴᖃᑦᑕᖅᐳᑦ ᐊᕐᕌᒍᑦ ᐱᖓᓱᑕᒫᑦ. ᓯᓚᑖᓃᓐᖔᖅᑐᑦ ᑲᑐᔾᔨᖃᑎᒌᑦ ᖃᐅᔨᓴᕐᓂᖃᖃᑦᑕᖅᑐᑦ. ᐃᓛᒃᑰᖅᑐᑦ ᑎᒥᐅᔪᑦ. ᖃᐅᔨᓴᖃᑦᑕᖅᐳᑦ ᑕᒪᒃᑮᓐᓂᒃ ᐃᖅᑲᓇᐃᔭᖅᑎᓂᒃ ᐊᒻᒪᓗ ᐃᖅᑲᓇᐃᔭᖅᕕᓂᒃ, ᑐᑭᓯᓇᓱᐊᖅᑐᑎᒃ ᐃᓱᒪᒋᔭᖏᓐᓂᒃ ᐃᖅᑲᓇᐃᔭᖅᕕᖓᑕ ᐊᑦᑕᓇᐃᖅᓯᒪᓂᖓᓂᒃ ᐊᒻᒪᓗ ᐋᓐᓂᖅᑐᖃᑦᑎᑎᑦᑕᐃᓕᒪᓂᕐᒧᑦ, ᖃᐅᔨᒪᔭᖃᓐᓂᕆᔭᖏᑦ ᒥᒃᓵᓄᑦ WSCC ᐊᒻᒪᓗ ᐱᔨᑦᑎᕈᑎᑦᑎᓐᓂᒃ, ᐊᒻᒪᓗ ᖃᓄᐃᒋᔭᖃᖏᒻᒪᖔᑕ ᐱᔨᑦᑎᕈᑎᑦᑎᓐᓂᒃ. ᑐᓴᖅᑕᐅᔪᑦ ᖃᐅᔨᓴᕐᓂᖃᑦᑎᓪᓗᒋᑦ ᐃᑲᔪᕐᓂᖃᒻᒪᕆᑉᐳᑦ ᐋᖅᑭᒃᓱᐃᔾᔪᑎᐅᓪᓗᑎᒃ ᑖᒃᑯᐊ WSCC−ᖁᑦ ᓯᕗᓪᓕᐅᑎᔭᔅᓴᖏᓐᓂᒃ ᐊᒻᒪᓗ ᐃᑲᔫᑎᓪᓗᑎᒃ ᖃᓄᖅ ᐊᑲᐅᓂᖅᓴᒃᑯᑦ ᐱᔨᑦᑎᕈᓐᓇᕐᒪᖔᕐᒥᒃ ᐃᓚᒋᔭᐅᔪᓂᒃ. ᑭᖑᓪᓕᖅ ᐃᓚᒋᔭᐅᔪᓂᒃ ᖃᐅᔨᓴᕐᓂᖅ ᐊᑐᖅᑕᐅᔪᒫᓕᕐᒥᔪᖅ ᐅᑭᐊᒃᓵᖓᓂ 2016.

 

ᐊᑐᐊᒐᕐᒥᒃ ᑕᑯᓇᓐᓂᖅ ᐊᒻᒪᓗ ᐃᓱᒪᒋᔭᐅᔪᑦ 

 

ᑖᒃᑯᐊ WSCC−ᑯᑦ ᐊᐅᓚᑦᑎᔨᖏᑕ ᑲᑎᒪᔨᖏᑦ ᐋᖅᑭᒃᓱᐃᖃᑦᑕᕐᒪᑕ ᐊᑐᐊᒐᕐᓂᒃ ᐊᑐᖅᑕᐅᓂᐊᖅᑐᓂᒃ ᐃᓗᐊᓂ ᐃᖅᑲᓇᐃᔭᖅᑎᓄᑦ ᐋᓐᓂᖅᑐᓄᑦ ᓇᓪᓕᐅᒃᑯᒫᓕᕆᓂᕐᒧᑦ ᐱᖁᔭᖅ(ᑦ) ᐊᒻᒪᓗ ᖄᑦᑕᔫᓂᒃ ᐊᑐᕐᓂᕐᒧᑦ ᐱᖁᔭᖅ(ᑦ). ᑖᓐᓇ WSCC−ᑯᑦ ᐊᑐᐊᒐᖓ ᐊᑐᐃᓐᓇᐅᔪᖅ ᐅᕙ ᓂwebsite.  ᐊᑐᐊᒐᓂᒃ ᑕᑯᓇᖃᑦᑕᕐᒥᔪᒍᑦ ᐊᒻᒪᓗ ᖃᐅᔨᓴᖃᑦᑕᖅᑐᑕ, ᐊᒻᒪᓗ ᑐᓴᕋᓱᐊᖃᑦᑕᖅᑐᑕ ᐃᓚᒋᔭᐅᔪᓂᑦ ᓈᒻᒪᑦᑎᐊᖁᓪᓗᒋᑦ ᐊᑐᐊᒐᐃᑦ ᐅᑭᐅᖅᑕᖅᑐᒥᐅᓄᑦ. 

 

ᖃᐅᔨᒃᑲᓐᓂᕈᒪᒍᕕᑦ ᖃᓄᖅ ᐊᑐᐊᒐᒃᓴᓂᒃ ᓴᓇᖃᑦᑕᕐᒪᖔᑦᑕ ᐊᒻᒪᓗ ᑕᑯᓇᓪᓗᒋᑦ ᐊᑐᐊᒐᐃᑦ ᕿᒥᕐᕈᔭᐅᔪᔅᓴᑦ, ᐅᕗᓐᖓᕐᓗᑎᑦTo click here. ᖃᐅᔨᒍᒪᒍᕕᓪᓗ ᖃᓄᖅ ᐱᖃᑕᐅᔪᓐᓇᕐᒪᖔᖅᐱᑦ, ᖃᐅᔨᒃᑲᐃᒋᑦ ᐊᑐᐊᒐᕐᓂᒃ ᐊᒻᒪᓗ ᑎᒥᐅᔪᑦ ᐅᓂᒃᑳᖃᑦᑕᕐᓂᑉᖏᓐᓄᑦ ᐱᓕᕆᕕᐅᔪᑦ ᑎᑎᕋᓪᓗᑎᑦ ᖃᕋᓴᐅᔭᒃᑯᑦ ᐅᕗᖓ[email protected].  ᐃᓚᓕᐅᔾᔨᔪᓐᓇᖏᒃᑲᓗᐊᖅᑎᓪᓗᑕ ᐃᓘᓐᓇᖏᓐᓂᒃ ᐃᓱᒪᒋᔭᐅᔪᓂᒃ ᐱᔭᑦᑎᓐᓂᒃ, ᖃᐅᔨᓴᑦᑎᐊᖃᑦᑕᖅᑕᕗᑦ ᑕᒪᕐᒥᒃ ᐱᑦᔪᑎᖃᑦᑎᐊᕐᒪᖔᑕ, ᑐᓂᔭᐅᓗᑎᓪᓗ ᑖᒃᑯᓄᖓ ᐊᐅᓚᑦᑎᔩᑦ ᑲᑎᒪᔨᖏᓐᓄᑦ. 

ᑐᓴᒃᑲᓐᓂᕈᒪᕖᑦ?

ᑐᑭᓯᒃᑲᓐᓂᕈᒪᕕᑦ? ᖃᐅᔨᒋᐊᓚᐅᕆᑦ ᖃᕋᓴᐅᔭᒃᑰᕕᑦᑎᓐᓂᒃwebsite, ᐊᒻᒪᓗ email us!ᐃᓕᓐᓂᒃ ᑐᓴᕈᒪᑦᑎᐊᖅᐳᒍᑦ! ᐃᓱᒪᒋᔭᑎᓪᓗ ᑐᓴᖅᑕᐅᑎᒍᓐᓇᖅᑕᑎᑦ ᐅᖄᓚᓗᑎᑦ ᐅᕗᖓ ᐊᖓᔪᖅᑳᑎᓐᓄᑦ (867) 920-3888, ᐊᑭᖃᖏᑦᑐᖅ ᐅᖄᓚᐅᑎᕗᑦ (800) 661-0792, ᐅᕝᕙ ᓘᓐᓃᑦ ᖃᕋᓴᐅᔭᒃᑯᑦ ᑎᑎᕋᓪᓗᑎᑦ ᐅᕗᖓ[email protected].

wscc.nt.ca   /  1.800.661.0792   *   wscc.nu.ca  /  1.877.404.4407