ᑎᓯᑉᐱᕆ 2014                                

ᐊᐅᓚᑦᑎᓂᕐᒧᑦ ᑲᑎᒪᔨᖏᓐᓄᑦ ᐅᓪᓗᒥᒨᖓᔪᖅ 


ᑐᙵᓱᒋᑦ ᔮᓇᑦ ᐳᕉᔅᑐ 

ᐊᓕᐊᓇᐃᒍᓱᒃᐳᒍᑦ ᓄᑖᒥᒃ ᓂᕈᐊᖅᑕᐅᔪᖃᕐᒪᑦ ᐃᓚᒋᔭᐅᓕᓵᖅᑐᒥᒃ ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑎᓕᒪᓂᕐᒧᑦ ᓇᓪᓕᐅᑯᒫᓄᓪᓗ (WSCC) ᑲᑎᒪᔨᖏᓐᓄᑦ, ᔮᓇᑦ ᐳᕉᔅᑐ ᐃᖃᓗᐃᑦ, ᓄᓇᕗᒻᒥᐅᑕᖅ, ᐱᒋᐊᖅᑐᖅ ᐊᕐᕌᒍᓂ ᐱᖓᓱᓂᒃ ᐅᕙᑦᑎᓐᓃᓚᐅᑲᖕᓂᐊᖅᑐᖅ ᐃᓱᓕᕝᕕᖃᖅᖢᓂ ᑭᒡᒐᖅᑐᐃᔨᐅᓪᓗᓂ ᓯᑎᑉᐱᕆᒧᑦ. ᐳᕉᔅᑐ ᐃᖅᑲᓇᐃᔭᖅᑐᖅ ᐅᑭᐅᖅᑕᖅᑐᒥᒃ ᑲᒪᔨᐅᓪᓗᓂ ᐋᓐᓂᐊᕕᓕᐊᖅᐸᒃᑐᓄᑦ ᒐᕙᒪᒃᑯᓐᓄᑦ ᓄᓇᕗᒻᒥᑦ ᐋᓐᓂᐊᖃᕐᓇᖏᑦᑐᓕᕆᔨᒃᑯᓐᓄᑦ. ᐊᕐᕌᒍᓂ 10-ᓂᒃ ᐃᖅᑲᓇᐃᔭᓕᒪᓪᓗᓂ ᐊᔾᔨᒌᖏᑦᑐᓂᒃ ᐊᐅᓚᑦᑎᔨᒻᒪᕆᐅᓪᓗᓂ ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ ᐊᑭᓕᖅᓱᖅᑕᐅᖏᖢᓂᓗ ᐃᖅᑲᓇᐃᔭᖅᐸᒃᐳᖅ ᓄᓇᖓᓂᒃ. 

  

ᐃᖅᑲᓇᐃᔭᖅᑐᓄᑦ ᐊᑦᑕᕐᓇᖅᑕᐅᓕᒪᓂᕐᒧᑦ ᓇᓪᓕᐅᒃᑯᒫᓄᓪᓗ ᐱᒋᐊᕐᓂᖓᓂᒃ ᓄᕕᑉᐱᕆ ᓂᕆᐅᒃᐳᒍᑦ ᐃᖅᑲᓇᐃᔭᖃᑎᒌᓂᐊᖅᑎᓪᓗᑎᒃᑯᑦ ᐃᓱᓕᕝᕕᖓ ᑎᑭᐅᑎᓚᐅᖅᑎᓐᓇᒍ. ᔮᓇᑦ ᐃᓚᓕᐅᑎᑦᑎᐊᕐᓂᐊᖅᐳᖅ ᐊᐅᓚᑎᔨᓄᑦ ᑲᑎᒪᔨᖏᓐᓄᑦ. 

ᓇᖕᒥᓂᖅ ᐊᑐᕆᐊᖃᓪᓚᕆᒃᑐᓂᒃ ᐃᑲᔫᓯᐊᒧᑦ ᐃᓱᓕᕝᕕᐊ  

 

ᓇᖕᒥᓂᖃᖅᑎᐅᕖᑦ, ᑲᑐᔾᔨᖃᑎᖃᖅᐲᑦ, ᐊᑎᓕᐅᖅᓯᒪᕖᑦ ᑐᑭᒧᐊᒃᑎᑦᑎᔨᐅᓪᓗᑎᑦ ᐅᕝᕙᓘᓐᓃᑦ ᓇᖕᒥᓂᖅ ᐃᖅᑲᓇᐃᔭᖅᑎᐲᑦ? ᐄᖑᒃᐸᑦ, ᐃᖅᑲᓇᐃᔭᕐᕕᖕᓂᒃ ᐱᔪᓐᓇᖏᑲᐅᑎᒋᕗᑎᑦ ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑕᐃᓕᒪᓂᕐᒧᑦ ᓇᓪᓕᐅᒃᑯᒫᓄᓪᓗ, ᐊᑎᓕᐅᕆᐊᖃᖅᐳᑎᑦ ᓇᖕᒥᓂᖅ ᐱᔭᕆᐊᖃᓪᓚᕆᒃᑐᓂᒃ ᐃᑲᔪᖅᑕᐅᓂᒃᑯᑦ, ᐊᔾᔨᖓᓂᒃ ᐃᑲᔫᓯᐊᖅᑖᕈᓐᓇᖅᐳᑎᑦ ᐊᓯᐊᓂᒃ ᐃᖅᑲᓇᐃᔭᖅᑎᓄᑦ ᐱᑕᖃᑳᓪᓚᖕᓂᖅᐸᑦ ᐋᓐᓂᐊᖃᖅᑐᓂᒃ ᐋᓐᓂᕐᓂᕈᕕᓪᓗ. 

 

ᐃᑲᔫᓯᐊᒧᑦ ᑐᒃᓯᕋᕈᓐᓇᖅᐳᑎᑦ ᒥᑭᑦᑑᒐᓗᐊᖅᑐᒥᒃ ᐊᑕᐅᓯᕐᒧᑦ ᑕᖅᑭᒧᑦ, ᐊᕐᕌᒍᓕᒫᒧᓪᓗ. ᓄᑖᖑᖅᑎᑕᕆᐊᖃᖅᑕᑦ ᐃᑲᔫᓯᐊᑦ ᐊᕐᕌᒍᑕᒫᖅ, ᓄᑖᖑᖅᑎᓪᓗᒍᓗ ᐱᔭᕇᖅᓯᒪᒋᐊᓖᑦ ᑎᓯᑉᐱᕆ 31, 2014-ᒥᑦ. ᑐᓴᒃᑲᓐᓂᕈᒪᓐᓂᕈᕕᑦ, ᑖᓐᓇ ᓇᕿᓪᓗᒍ ᒫᓂ ᕿᒥᕐᕈᓗᒍ ᓇᖕᒥᓂᖅ ᐱᔭᕆᐊᖃᓪᓚᕆᒃᑐᓂᒃ ᐃᑲᔫᓯᐊᓄᑦ ᕿᒥᕐᕈᐊᒐᖓᓂᒃ.  

 

ᑕᑯᓇᒡᓗᒍ ᑕᑕᑎᕐᓗᒋᓗ ᓇᖕᒥᓂᖅ ᐱᔭᕆᐊᖃᓪᓇᕆᒃᑯᑦ ᐃᑲᔫᓯᐊᖅ ᑕᑕᑎᕐᓗᒋᑦ ᓇᕿᓪᓗᒍ ᒪᓂ,, ᐃᕐᖏᓇᖅᓯᐅᑎᒧᓪᓘᓐᓃᑦ ᐃᖅᑲᓇᐃᔭᖅᑎᓄᑦ ᐱᔨᑦᑎᖅᑕᐅᓂᒃᑯᑦ ᓄᓇᑦᑎᐊᕐᒥᑦ ᐅᕝᕙᓘᓐᓃᑦ ᓄᓇᕗᒥᑦ ᑐᓴᒃᑲᓐᓂᕈᒪᓐᓂᕈᕕᑦ.  

ᐸᕐᓇᑎ 2015-ᒥᑦ 2017-ᒧᑦ  

 

ᐸᕐᓇᑎ ᐊᑐᖅᑕᐅᓲᖑᕗᖅ ᐊᑯᓂᐅᓂᐊᖅᑐᒥᒃ ᕿᓚᒻᒥᐅᓂᐊᖅᑐᒥᒃ ᐸᕐᓇᐅᑎᑦ ᑲᑐᔾᔨᖃᑎᒌᒧᑦ. ᐸᕐᓇᒃᑕᐅᕙᓪᓕᐊᓂᖅ ᐱᓇᓱᐊᖅᑕᐅᔪᓐᓂᒃ, ᓂᕈᐊᕐᓗᓂ ᖃᓄᐃᓕᐅᕐᓂᐊᕐᒪᖔᑦ ᖃᓄᐃᓕᐅᔮᖏᒻᒪᖓᕐᓗ, ᐱᓇᓱᐊᕐᓗᓂᓗ ᖃᓄᐃᓕᐅᖅᑐᔪᓕᒫᑦ ᓇᒻᒪᒃᑲᔭᕐᒪᖔᑦ ᑲᑐᔾᔨᖃᑎᒌᓄᑦ ᑕᐅᑦᑐᖏᓐᓄᑦ, ᐱᔭᐅᓇᓱᐊᖅᑐᓂᒃ, ᐊᑐᖅᑕᐅᓇᓱᒃᑐᓂᒡᓗ. ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑎᓕᒪᓂᕐᒧᑦ ᓇᓪᓕᐅᒃᑯᒫᓄᓪᓗ, ᐸᕐᓇᒃᑕᕗᖅ ᐊᐅᓚᑦᑎᓲᖑᕗᑦ ᐊᕐᕌᒍᓂ ᐱᖓᓱᓂᒃ ᐊᑐᖅᑕᐅᓲᖅ ᐊᒻᒪ 2015-ᒥᑦ, ᐱᒋᐊᖃᑦᑕᖅᐳᒍᑦ ᐊᕐᕌᒍᓂ ᐱᖓᓱᓂᒃ ᐸᕐᓇᖅᑕᐅᓯᒪᔪᓂᒃ. ᑖᓐᓇ ᐸᕐᓇᐅᑎᑦ ᐱᕈᖅᐸᓪᓕᐊᒐᔭᖅᐳᑦ ᖃᓄᐃᑉᐸᓪᓕᐊᔭᖏᓐᓂᒃ ᓴᓇᔭᐅᓚᐅᖅᓯᒪᔪᓂᒃ ᑕᐃᑲᙵᓂᒃ ᑭᖑᓪᓕᕐᒥᒃ ᐊᑐᖅᑕᐅᓚᐅᖅᓯᒪᔪᓂᒃ ᐃᓱᓕᓴᕆᔭᐅᓪᓗᑎᒡᓗ ᐱᔾᔪᑎᐅᔪᑦ ᐊᑑᑎᖃᖅᑐᕕᓃᑦ ᐃᖅᑲᓇᐃᔭᖅᑎᓄᑦ ᐊᑦᑕᕐᓇᖅᑕᐅᓕᒪᓂᕐᒧᑦ ᓇᓪᓕᐅᒃᑯᒫᓄᓪᓗ ᐱᓕᕆᐊᑦᑎᐊᖃᑦᑕᖅᑕᕕᓂᖏᓐᓄᑦ  ᑐᑯᓇᒃᖢᓂᓗ ᐋᖅᑭᒃᓱᒃᑲᓐᓂᕈᓐᓇᖅᑐᓂᒃ. ᐊᑕᐅᑦᑎᒃᑯᑦ, ᐊᕐᕌᒍᑕᒫᖅ ᑎᒥᐅᔪᓄᑦ ᐸᕐᓇᐅᑎ, ᓇᓗᓇᐃᖅᓯᒪᕗᖅ ᑲᑐᔾᔨᖃᑎᒌᑦ ᓯᕗᓪᓕᐅᔾᔨᔭᖏᓐᓂᒃ ᐊᖏᖅᑕᐅᓯᒪᔪᓄᓪᓗ ᓇᖕᒥᓂᖃᖅᑎᐅᖃᑕᐅᔪᓄᑦ. ᐃᓗᐊᓂ, ᑐᓂᓯᓯᒪᕗᖅ ᐅᓄᒃᑲᓐᓂᖅᑐᓂᒃ ᐃᖅᑲᓇᐃᔭᕐᕕᐅᑉ ᐊᐅᓚᑕᖏᓐᓄᑦ ᐸᕐᓇᐅᑎᑦ ᑲᑐᔾᔨᔪᓕᒫᑦ ᐱᓕᕆᐊᖏᓐᓂᒃ ᑲᑎᓯᒪᓪᓗᓂ ᑕᐅᑦᑐᖓ ᐱᑕᖃᕈᓐᓃᖅᑎᑦᑎᓂᖅ ᐃᖅᑲᓇᐃᔭᕐᕕᖕᒥᑦ ᐋᓐᓂᐊᒧᑦ ᐋᓐᓂᖅᑐᓄᓪᓗ.  

 

ᐱᖓᓱᑦ ᓯᕗᓪᓕᐅᔾᔭᐅᔪᑦ ᐱᓕᕆᐊᖃᕐᓗᑎᒃ ᐊᕐᕌᒍᓛᖅᑐᓂᒃ ᐱᖓᓱᓂᒃ: ᐱᐅᓂᖅᓴᒧᑦ ᐊᑦᑕᕐᓇᖅᑕᐃᓕᒪᓂᕐᒨᖓᔪᓂᒃ; ᐱᔨᑦᑎᑦᑎᐊᕐᓂᒃᑯᑦ ᖃᓄᐃᑦᑐᓕᕐᓂᖓᓗ ᐃᖅᑲᓇᐃᔭᖅᑎᓂᒃ; ᐃᑲᔪᖅᓱᕐᓗᓂᓗ ᐃᖅᑲᓇᐃᔭᖅᑎᓄᑦ ᓴᐳᒻᒥᓂᕐᒧᑦ ᑮᓇᐅᔭᖁᑎᖏᓐᓂᒃ. 2015-ᒥᑦ 2017-ᒧᑦ ᐸᕐᓇᐅᑎᐅᓂᐊᖅᑐᖅ ᐊᒻᒪ 2015-ᒥᑦ ᑎᒥᙳᖅᑎᑕᐅᓯᒪᔪᖅ ᐸᕐᓇᐅᑎ ᐊᖏᖅᑕᐅᓯᒪᕗᑦ ᐊᐅᓚᑦᑎᔨᓄᑦ ᑲᑎᒪᔨᖏᓐᓂᒃ ᓂᕈᐊᒃᐳᒍᓪᓗ ᑐᑯᒃᓴᐅᑎᑦᑐᓐᓇᕋᑦᑎᒃᑯᑦ ᓇᖕᒥᓂᖃᖅᑎᐅᖃᑕᐅᔪᓄᑦ. ᑕᑯᔪᓐᓇᖅᑕᑦ ᐃᑭᐊᕿᕝᕕᑦᑎᓐᓂᒃ ᐱᒋᐊᕐᓂᖓᓂᒃ 2015-ᒥᑦ. 

ᐱᔪᓐᓇᕐᓂᖃᖅᑎᑦᑎᕗᑦ ᔭᓗᓇᐃᒥᑦ! 

 

ᐊᕐᕌᒍᑕᒫᖅ, ᐱᔪᓐᓇᖅᑕᖏᑦ ᑲᓇᑕᒥᒃ ᓄᓇᑦᑎᐊᕐᒧᑦ ᐅᓪᓗᓂ ᒪᕐᕉᖕᓂᒃ ᑲᑎᒪᓂᖅ ᖁᑦᑎᖕᓂᓖᑦ 8-ᓂᒃ ᒪᒃᑯᒃᑐᓄᑦ, ᐱᔪᓐᓇᖅᓯᑎᓪᓗᒋᑦ ᐱᓕᕆᐊᖃᓕᒻᒪᒃᓴᕐᓗᑎᒃ ᐊᔾᔨᒌᖏᑦᑐᓂᒃ ᓴᓇᓂᒃᑯᑦ ᐱᔪᓐᓇᖅᓯᑎᓪᓗᒋᓪᓗ. 

 

ᐊᕐᕌᒍᔪᖅ, WSCC-ᑯᑦ ᓴᖅᑭᔮᖅᑎᑦᑎᓚᐅᖅᐳᑦ 24-ᓂᒃ ᒪᒃᑯᒃᑐᓂᒃ ᐱᔪᓐᓇᕐᓂᖃᖅᑎᑕᐅᑎᓪᓗᒋᑦ! ᐱᖃᑕᐅᔪᑦ ᐃᓕᓐᓂᐊᓚᐅᖅᐳᑦ ᖃᓄᖅ ᓇᓗᓇᐃᖅᓯᔪᓐᓇᕐᒪᖔᑕ ᐊᐅᓚᑕᐅᔪᓂᒡᓗ ᐊᑦᑕᕐᓇᖅᑐᓂᒃ, ᐱᖃᑕᐅᕗᑦ ᐊᑦᑕᕐᓇᖅᑐᓂᒃ ᐊᒡᕖᖅᓯᓂᕐᒧᑦ, ᑐᑭᓯᓂᕐᒧᑦ ᐃᖅᑲᓇᐃᔭᖅᑎᑦ ᐱᔪᓐᓇᐅᑎᖏᓐᓄᑦ, ᑐᓵᓂᕐᒧᑦ ᓴᐳᒻᒥᔭᐅᓂᖅ, ᐊᒡᒐᖕᓄᓪᓗ ᐊᑐᖅᑕᐅᓗᑎᒃ ᖃᑦᑎᕈᑎᑦ ᐅᐊᔭᖃᖅᑐᒥᒃ ᐃᒃᐱᖕᓇᐃᓇᖅᑐᓂᒃ. 

 

ᓂᕆᐅᒃᐳᒍᑦ ᑕᑯᓛᕐᓂᑦᑎᓐᓂᒃ ᓯᕗᓂᒃᓴᒧᑦ ᐊᑦᑕᕐᓇᖅᑕᐅᓕᒪᓂᕐᒧᑦ ᐃᖅᑲᓇᐃᔭᖅᑎᓂᒃ ᐱᓕᕆᐊᖃᖅᑎᓪᓗᑕ! ᑕᑯᓇᒡᓗᒍ ᐱᔪᓐᓇᕐᓂᕆᔭᐅᔪᑦ ᑲᓇᑕᒥᒃ ᓄᓇᑦᑎᐊᕐᒥᑦ ᐊᒻᒪ ᐱᔪᓐᓇᕐᓂᕆᔭᐅᔪᑦ ᓄᓇᕗᒥᑦ ᐃᓕᓐᓂᐊᕐᓗᑎᒃ  ᐱᓕᕆᐊᖑᓛᖅᑐᓂᒃ ᐱᔪᓐᓇᕐᓂᕆᔭᐅᔪᓂᒃ ᑲᓇᑕᒥᒃ ᐱᔭᕇᖅᓯᑎᓪᓗᒋᑦ ᖃᓄᐃᑉᐸᓪᓕᐊᔪᓂᒃ ᒪᐃ 2015-ᒥᑦ.  

ᐊᑐᐊᒐᑦ ᐅᓪᓗᒥᒨᖓᑎᑕᐅᔪᑦ: 

 

ᐊᐅᓚᑦᑎᔩᑦ ᑲᑎᒪᔨᖏᑦ ᐊᖏᖅᓯᒪᕗᑦ ᕿᒥᕐᕈᓇᒡᓗᑎᒃ ᐅᑯᓂᖓ ᐊᑐᐊᒐᕐᓂᒃ ᑎᓯᑉᐱᕆ 2014-ᒥᑦ ᑲᑎᒪᓂᐅᓛᖅᑐᓂᒃ: 

  • 03.11, ᐃᑲᔫᓯᐊᑦ ᐱᔨᑦᑎᖅᑕᐅᓂᕐᓗ 
  • 04.02, ᐊᑭᓖᓂᖅ ᐋᓐᓂᖅᑐᓄᑦ ᐃᑲᔫᑎ ᐱᔨᑦᑎᖅᑕᐅᓂᕐᓗ (ᓯᕗᓂᐊᓂᒃ ᐱᓕᕆᐊᖑᔪᕕᓃᑦ, ᐊᑭᓖᓂᖅ ᐋᓐᓂᖅᑐᓄᑦ ᐃᑲᔫᑎᒥᒃ); 
  • 04.06, ᐄᔭᒐᑦ ᐊᑐᖅᑕᐅᔪᑦ; 
  • 04.07, ᐋᓐᓂᐊᕕᖕᒥᑦ ᖃᐅᔨᓴᖅᑕᐅᔪᑦ; 
  • 04.08, ᐋᓐᓂᐊᕕᖕᒥᑦ ᐊᑐᖅᑕᐅᓲᑦ; ᐊᒻᒪ 
  • 06.03, ᓈᓴᐃᓂᖅ ᐃᑲᔫᓯᐊᖅᑕᐅᖏᓐᓇᐅᔭᕐᓂᐊᖅᑐᓂᒃ.

WSCC-ᑯᑦ ᐊᑐᐊᒐᖏᑦ ᑎᒥᐅᔪᓪᓗ ᐅᓂᒃᑳᓕᐊᖏᑦ ᑐᓴᕈᒻᒪᖕᒪᑕ ᓇᖕᒥᓂᖃᑎᑦᑎᓄᑦ. ᐃᕕᑦ ᑲᑐᔾᔨᖃᑎᒌᓪᓘᓐᓃᑦ ᐃᓱᒪᒋᔭᔅᓯᓐᓂᒃ ᐃᓱᒪᒃᓴᖅᓯᐅᕈᑎᓂᒡᓘᓐᓃᑦ ᖃᓄᑐᐃᓐᓇᖅ ᐊᑐᐊᒐᑦᑎᓐᓂᒡᓘᓐᓃᑦ ᐊᑐᖅᑕᐅᓲᓂᒃ, ᑐᓴᐅᒪᑎᑦᑎᒍᑦ.  

 

ᐃᑲᔪᕈᒪᓐᓂᕈᕕᑦ ᐊᑐᐊᒐᑦᑎᓐᓂᒃ ᐱᕙᓪᓕᐊᔪᓂᒃ, ᐃᕐᖏᓇᖅᓯᐅᑎᑦᑎᓄᑦ ᑎᑎᕋᕐᓗᑎᒃ policy@wscc.nt.ca-ᒧᑦ.  

ᖃᐅᔨᓴᕐᓂᖅ ᑎᒍᒥᐊᖅᑎᐅᖃᑕᐅᔪᑦ ᐱᔭᕆᐊᓕᖏᓐᓂᒃ

 

2014 ᐃᓱᓕᓕᕐᑎᓪᓗᒍ, ᐃᖅᑲᓇᐃᔭᖅᑎᓄᑦ ᐊᑦᑕᕐᓇᕐᑕᐃᓕᒪᓂᖅ ᓇᓪᓕᐅᒃᑯᒫᓄᓪᓗ ᑲᒪᔨᖏᑦ ᐸᕐᓇᒃᐸᓪᓕᐊᔪᑦ ᐱᒋᐊᕐᓂᐊᕐᓂᕐᒥᑦ ᓄᑖᒥᒃ ᐱᖓᓱᓄᑦ ᐊᕐᕌᒍᓄᑦ ᑐᑭᒧᐊᕈᑎᒃᓴᓄᑦ ᐸᕐᓇᐃᓂᕐᒥ. ᐱᑎᑦᑎᔪᒪᓪᓗᑕ ᐃᖅᑲᓇᐃᔭᖅᑎᓂᑦ ᐱᔨᑦᑎᕋᕈᑎᓂᒃ ᐱᔭᕆᐊᖃᖅᑕᖏᓐᓂᒃ, ᐅᖃᓘᑎᒃᑰᖅᐸᓪᓕᐊᓂᐊᕋᑦᑕ ᐊᖅᑯᑎᓃᓪᓗᑕᓗ ᐊᐱᕆᔪᒪᒧᑦ!

 

ᐃᓗᐊᓂ ᔭᓄᐊᕆ ᕕᕗᐊᕆᓗ, ᐃᖅᑲᓇᐃᔭᖅᑎᓄᑦ ᐊᑦᑕᕐᓇᕐᑕᐃᓕᒪᓂᖅ ᓇᓪᓕᐅᒃᑯᒫᓄᓪᓗ ᑲᒪᔨᖏᑦ ᐃᓚᒋᔭᐅᔪᖅ ᒪᐃᒃ ᕕᓕᐸᕕᑦ ᐅᖃᓗᖃᑦᑕᕐᓂᐊᖅᑐᖅ ᐳᓛᕐᓗᓂᓗ ᐃᖅᑲᓇᐃᔭᖅᑎᓄᑦ ᓄᓇᑦᑎᐊᒥ ᓄᓇᕗᒻᒥᓗ. ᐊᕝᕗᕐᓂᐊᖅᑐᖅ ᐱᒻᒪᕆᐅᔪᓂᒃ ᑐᑭᓯᐅᒪᒍᑎᓂᒃ ᖃᓄᖅ ᐃᖅᑲᓇᐃᔭᕐᕖᑦ ᐱᖃᑦᑕᕐᒪᖔᑦ ᐃᖅᑲᓇᐃᔭᖅᑎᓄᑦ ᐊᑦᑕᕐᓇᕐᑕᐃᓕᒪᓂᖅ ᓇᓪᓕᐅᒃᑯᒫᓄᓪᓗ ᑲᒪᔨᖏᓐᓄᑦ, ᑭᓱᓂᒃ ᐃᑲᔪᖅᓱᕈᑎᓂᒃ ᐱᔭᕆᐊᖃᕐᒪᖔᔅᓯ, ᐊᒻᒪ ᐊᖅᑯᑎᒃᓴᓂᑦ ᐱᓕᕆᖃᑎᒌᖕᓂᕐᒧᑦ ᐱᐅᓯᒋᐊᖁᓪᓗᒍ ᐅᑭᐅᖅᑕᖅᑐᒥ ᐊᑦᑕᕐᓇᕐᑕᐃᓕᒪᓂᕐᒧᑦ ᐃᓕᖅᑯᓯᕐᒥ. 

 

ᑎᑯᓯᐅᒪᒍᑏᑦ ᒪᐃᒃ ᐊᕝᕗᖅᑕᖏᑦ ᐃᑲᔪᖅᓱᐃᓂᐊᖅᑐᑦ ᑐᑭᒧᐊᕈᑎᒃᓴᓂᑦ ᐱᔭᕆᐊᖃᖅᑳᖅᑐᓂᑦ ᑐᓂᓯᓂᕐᒥᑦ ᐱᐅᔪᓂᒃ ᐱᔨᑦᑎᕋᕐᓂᕐᒥᒃ ᐊᑐᐊᓂᒃᑎᓪᓗᒋᓪᓗ ᐃᖅᑲᓇᐃᔭᖅᑎᑦᑎᔨᓄᑦ ᐃᖅᑲᓇᐃᔭᖅᑎᓄᓪᓗ. ᐃᓱᒪᑕᐅᑉ ᑎᑎᕋᕐᕕᖓ ᐊᑐᕐᓗᑎᒃ ᑲᑎᖅᓱᖅᓯᒪᔪᓂᑦ ᐱᖁᔨᕗᖔᕈᑎᓄᑦ ᖃᐅᔨᒪᒋᐊᕐᓗᑎᒃ ᐱᔨᑦᑎᕋᕈᑎᕗᑦ ᐊᑐᕐᓗᑎᒃ ᐱᔪᒪᔭᔅᓯᓐᓂ. 

 

ᐅᖃᓗᒡᕕᐅᔪᒪᖖᒋᑦᑐᑏᑦ ᐳᓛᖅᑕᐅᓗᑎᓪᓘᓐᓃᑦ? ᐃᓱᒫᓗᖖᒋᓪᓗᑎᑦ. ᓴᖅᑮᓂᐊᖅᑐᒍᑦ ᐊᐱᖅᑯᑎᑦᑎᓐᓂᒃ ᐃᑭᐊᖅᑭᕕᑦᑎᓐᓂ ᐃᖅᑲᓇᐃᔭᖅᑎᓕᒫᓄᑦ ᐃᓚᐅᖃᑕᐅᖁᓪᓗᒋᑦ. ᑎᒍᒥᐊᖅᑎᐅᔪᓄᑦ ᐃᓚᐅᖃᑕᐅᓂᖅ ᐱᒻᒪᕆᐅᔪᖅ ᐅᕙᑦᑎᓐᓄᑦ, ᐊᑕᐅᑦᑎᒃᑯᑦ, ᐊᔪᖖᒋᑦᑐᒍᑦ ᐲᔭᕐᓗᒋᑦ ᐃᖅᑲᓇᐃᔭᕐᕕᖕᒥ ᐋᓐᓂᐊᑦ ᐋᓐᓂᕈᑏᓪᓗ. 

 

ᑐᑭᓯᒋᐊᒃᑲᓐᓂᕈᒪᒍᑯᑦ, ᖃᐅᔨᒋᐊᕐᓗᒍ ᑕᐃᕝ ᒍᐊᓐᑎ, ᐃᓱᒪᑕᖅ ᐊᐅᓚᑦᑎᔨᒻᒪᕆᒡᓗ ᐅᕝᕙᓘᓐᓃᑦ ᒥᓚᓂ ᕚᓪᑐᔅ, ᐅᖃᐅᔾᔨᒋᐊᖅᑎᒻᒪᕆᒃ 

ᐊᑦᓇᕐᑐᒦᖁᓇᑎᑦ ᐃᑲᔫᑎ:  

ᐹᓪᓚᒃᑐᓄᑦ, ᐅᕐᕈᔪᓐᓂᒡᓗ  

 

ᓄᖅᑲᖓᓐᓇᐅᑎᓪᓗᒍ, ᐱᓕᕆᐊᖃᕐᓇᕈᓘᔭᕐᓇᖅᐳᖅ: ᓂᐅᕕᕆᐊᕐᓂᒃᑯᑦ, ᐃᒧᓯᕆᓂᒃᑯᑦ ᑐᓐᓂᖁᓯᐊᓂᒃ, ᓂᕆᖃᖅᑎᒌᖕᓂᒃᑯᑦ ᐊᓯᑲᓐᓂᖏᓐᓗ. ᐱᔭᒃᓴᖃᖅᖢᓂ ᐳᐃᒍᓐᓇᖃᑦᑕᖅᐳᖅ ᐅᔾᔨᖅᓱᒍᓐᓃᕐᓇᖅᖢᓂᓗ ᑭᓱᑕᖃᕐᓇᒫᑦ. ᐅᑭᐅᖑᑎᓪᓗᒍ ᓂᒡᓚᓱᖕᓇᖅᑑᖃᑦᑕᖅᐳᖅ, ᖁᐃᑦᑖᕐᓇᖅᑑᕙᒃᖢᓂ, ᐊᒃᐆᒃᓯᒪᒐᓛᒃᑐᖅ ᐊᐳᑎᑦ, ᑕᑯᒃᓴᐅᓗᐊᖏᑎᓪᓗᒍᓗ. ᐅᕝᕙ ᐃᑲᔫᑎᐅᕗᑦ ᖃᓄᐃᓕᔪᖃᖅᑕᐃᓕᒪᓂᒃᑯᑦ ᓲᕐᓗ

 

ᖁᐃᑦᑖᖅᑕᐃᓕᓂᖅ, ᐹᓪᓚᒃᑕᐃᓕᒪᓂᖅ, ᐅᕐᕉᑦᑕᐃᓕᒪᓂᕐᓗ:  

  •  ᑐᕕᖏᓪᓗᑎᑦ.
  • .ᐊᓪᓗᖅᑕᓗᐊᖏᓪᓗᑎᑦ; ᐃᓯᒐᑎᑦ ᓵᖓᑎᓪᓗᒍ ᐊᒻᒧᑦ ᐅᕐᕉᔭᐃᒃᑯᓯᕐᓗᑎᑦ. 
  • ᓈᒻᒪᒋᔭᕐᓂᑦ ᐊᑐᕐᓗᑎᑦ, ᓈᒻᒪᒋᔭᕐᓂᑦ ᐃᓱᒐᐅᔭᕐᓂᑦ ᐃᖅᑲᓇᐃᔭᕐᕕᖕᓂᑦ ᐊᑐᕐᓗᑎᑦ. 
  • ᓴᓪᓗᒪᖅᓴᑲᐅᑎᒋᕙᒡᓗᒋᑦ ᑯᕕᔪᓕᒫᑦ ᐃᒪᖃᖅᑐᓪᓘᓐᓃᑦ. 
  •  ᐊᓗᕐᓘᔭᐅᑎᓂᒃ ᐊᑐᖅᑎᓪᓗᑎᑦ, ᐊᐅᓚᔾᔭᒃᓴᕋᐃᖏᑦᑐᒥᒃ ᐱᖃᕐᓗᑎᑦ. 
  • ᐊᑕᐅᓯᕐᒥᒃ ᐊᒡᒐᖕᓂᑦ ᐊᑐᐃᓐᓇᐅᑎᑦᑎᕙᒡᓗᑎᑦ ᐅᕐᕉᔭᐃᑯᓯᕐᒥᓪᓘᓐᓃᑦ.

  • ᐊᒥᐊᖅᓯᒪᔪᒥᒃ ᓇᑎᕐᓂᑦ ᓯᐅᕋᖃᖅᑐᒥᒃ ᐋᖅᑭᒃᓯᒪᔪᒥᒃ ᑲᑎᙵᓗᒋᑦ. 
  • ᓴᓗᒻᒪᖅᓴᑦᑎᐊᖅᐸᒡᓗᑎᑦ

ᑐᓴᒃᑲᓐᓂᕈᒪᓐᓂᕈᕕᑦ, ᓇᕿᓪᓗᒍ ᑐᓴᒐᒃᓴᑦᑎᓄ ᖁᐊᐃᑦᑐᓄᑦ, ᐹᓪᓚᒃᑐᓄᑦ ᐅᕐᕈᔪᓄᓪᓗ.  

ᓄᖅᑲᖓᓐᓇᐅᓂᐊᖅᑐᒧᑦ ᑐᓴᖅᑎᒃᑲᓐᓂᕋᓱᐊᕐᓗᑎᑦ 

 

ᓄᖅᑲᖓᓐᓇᐅᑎᓪᓗᒍ, WSCC-ᑯᑦ ᑎᑎᕋᕐᕕᖏᑦ ᒪᑐᓯᓛᖅᑐᑦ ᒐᕙᒪᒃᑯᑦ ᐃᖅᑲᓇᐃᔭᕐᕕᖏᑦ ᓄᖅᑲᖓᓇᐅᔭᕆᖃᖅᑎᓪᓗᒍ 5-ᒧᐊᖅᐸᑦ ᐅᓐᓄᓴᒃᑯᑦ ᓄᓇᖓᑕ ᐃᑲᕋᖓ ᒪᓕᒡᓗᒍ ᐊᐃᑉᐹᓂᒃ, ᑎᓯᑉᐱᕆ 23, 2014-ᒥᑦ ᒪᒃᐱᑲᓐᓂᓛᖅᖢᓂᓗ 8:30-ᑯᑦ ᐅᓪᓛᒃᑯᑦ ᔮᓐᓄᐊᕆ 5, 2015-ᒥᑦ. 

 

ᐅᓂᒃᑳᓕᐅᕋᓱᐊᕐᓗᓂ ᐃᖅᑲᓇᐃᔭᕐᕕᐅᑉ
ᐱᓪᓗᒍ ᖃᓄᐃᑦᑐᖃᖅᑎᓪᓗᒍ ᑭᓱᓂᒡᓘᓐᓃᑦ ᐱᔭᕆᐊᖃᑲᐅᑎᒋᔪᖃᖅᑎᓪᓗᒍ, ᐅᖅᑳᓚᓗᑎᑦ 24-ᓂᒃ ᐃᑲᕋᓂᒃ ᐅᓂᒃᑳᕈᓐᓇᖅᐳᑎᑦ ᐊᑭᖃᖏᑦᑐᒃᑯᑦ 1-800-661-0792-ᒧᑦ. 
 

ᖃᐅᔨᒃᑲᓐᓂᕈᒪᕖᑦ?  

 

ᐃᓱᒪᒋᔭᖃᖅᐲᑦ ᓇᓕᐊᖕᓂᑐᐃᓐᓇᖅ ᐱᔾᔪᑎᓂᒃ ᑐᓴᒃᑲᓐᓂᕈᒪᒍᕕᓪᓘᓐᓃᑦ? ᑕᑯᓇᒡᓗᒋᑦ ᐃᑭᐊᕿᕝᕕᕗᑦ ᐅᕝᕙᓘᓐᓃᑦ ᐃᕐᖏᓇᖅᓯᐅᑎᑦᑎᓄᑦ ᑎᑎᕋᕐᓗᑎᑦ! !ᐃᓕᖕᓂᑦ ᑐᓴᕈᒧᕗᒍᑦ!  

wscc.nt.ca   /  1.800.661.0792   *   wscc.nu.ca  /  1.877.404.4407